Ka Nupepa Kuokoa, Volume LVII, Number 49, 5 December 1919 — Mai Ae Aku i na Alakai Hewa Ia! [ARTICLE]

Mai Ae Aku i na Alakai Hewa Ia!

Eia na elele o na hui uniona o na Kepani limahana o na mahiko ke malama mai nei i na halawai, 110 ka īioonoo ana e hoomahuahuaia ae ko lakou ukuhana, a e hoemiia mai na hora hana, ame kekahi mau kumu koi e ae, a ke Kuokoa e manaoio' nei. ina aole e lawelaweia na hana apaU a kela mau elele me ke akahele, a e hookahuaia hoi l»a lakou mau kiimu koi apau, m,aluna o na kumu kupono, e hoea mai ana i ka wa e ala mai ai he pilikia mawaena o na limahana ame iia haku hana. Ma ka hoomaopopo ana i ke kulana oiaio o na hui uniona ma Amerika i keia la, e hoea mai ana i ka manawa e pau ai ko lakou noho mana ana, no ka mea, ma na wahi i hoalaia na olohani, me ka manao o na alakai na lakou kela hana, he mea maabihi wale 110 ia lakou ka hookikina ana aku i na haku hana, elike me ka lakou i makemake ai; ke hoohanaia mai nei no na halehana, e na kanaka wawahi olohani, a e na kanaka o ke aupuni; a ua hoi hou aku kekahi poe olohani i ka hana, no ka hiki ole ia lakou ke ku hou aku, a nanamaka i ko lakou mau ohana iloko o ka pilikia.

Ua hoalaia ae na olohani ma kekahi mau wahi o Amerika, aole malalo o na kumu maikai, aka no ke kokua wale ana aku no, i wahi e hookoia mai ai na koi a kekahi mau hui uniona, aole loa he pololei iki o keia ano hana, no ka mea ma kahi a lakou i manao ai, e ili aku na poino maluna o na haku hana, ua holo aku ke ko'iko'i maluna o na miliona o na miliona o na kanaka ma Amerika, ka poe e kauka'i mai ana i ko lakou pono, maluna o na oihana mikiala iloko o ka aina.

Ua hoala ae kekahi mau hui uniona i na olohani, aole mamuli o ko lakou makemake ponoi iho, aka īnamuli o na a'o ana aku a na alakai i maa i na hana olokani; na kanaka. i makemake wale- no e loaa nui na pomaikai ia lakou ma ia hana, me ka uana ole i ka hopena e kau aku ana maluna o h.a'i ; a ke manaoio nei makou, ua alakaiia aku na Kepani naaupo, e.noho hana nei ma na mahiko, e hoala i na hui uniona maanei nei, me ka maopopo ole ia lakou o na kumu kupono.

Ua pipii i'o ke kumukuai o na meaai i keia manawa, ame na mea no apau e pono ai ka nolio ana, ua ike kakou ia mea, iloko nae o ia manawa hookahi, aole wale maluna o na limahana i holo aku ai ke ko'iko'i o ka uku ana i na meaai pipii, aka maluna pu o na mea apau, me ke komo pu o na ona mahiko; a ma kekahi olelo ana ae hoi, he ma'i keia i pahola like mai maluna o na mea apau e pono ai e noonooia na aoao a elua, mamua o ka hoala ana inai i na hana, e komohia aku ai kekahi mahele nui o na makaainana iloko o ka poino.

Aole paha e hiki ia kakou ke hoole ae, i ke kuleana o na Kepani limahana o na mahiko, i ka waiho ana ae i na koi ana imua o na ona mahiko, ma kekahi mau mea, i ike maoli ia ke kupono, aka o ka manao ana, ma o na hui uniona la, e hoea mai ai i ka hookoia ana o ka Lakou mau koi apau, ke manao nei keia pepa, he manao kuhihewa ia; a he hana hoi e hookomoia aku ai na manao ku-e iloko o ka poe i kuleana i na mahiko, a lawe ae i kekahi inau keehina, e ala mai ai na manao maikai ole o ke ano pili lahui ma keia mua aku.

E hoomanaoia, aia nxa Amerika i keia la, ke hoolalaia mai la he hoololi kumukanawai. no ka hookomo ana aku iloko o ka ahaolelo lahui, no ka hoonele ana mai i na Kepani i hanauia ma Hawaii nei, a ma Amen'ka i ka pono makaainana; e akahele na Kepani ma ka lakou mau mea e hana aku ai, ma V.a ninau hoomahuahua ukuhana. a mau koi e ae paha; no ka mea ua hookaakaaia na maka o ko kakou mau makaainana ko'iko'i i keia manawa, no na mea a na Kepani e hana nei, a i hana mau ai iva Hawaii nei. he keu aku a ke akamai o ka poe iloko o k'a oihana kuai i'a, a i ole, he kolohe maoli no paha, no ka mea i ka manawa e hoopipiiia ana ke kumukuai o ka i'a, e piha inau ana na makeke o kakou i ka amaama, ke awa ame kekahi mau ano i'a e ae, i ka hoemiia .ana mai keia, malalo o ke kauoha a ka Loio Anierika Huber ma Hawaii nei, o ka wa ia i hapa mai ai ka i'a ma ua : |nakeke. Ina he mana kekahi o kela. liina. aupuni* 'federaiā,' alaila e huliia | aku ke oiaio o ka maj o ka Ipaa nui ana o na ia loko ma ua makeke e pono fli!,

l a pono ka hoole ana mai o ka Lunakanawai Kaapimi Franklin, i ka ae ana ia Kauka Clemmens, e loaa iaia ka laikini hana niho, a e lawelawe aku 1 kana oihana ma keia kulanakauhale. O kekahi Ke'lemania i hoike okoa mai i kona lilo ana he enenu no Amenka, aole oia i kupono e noho iwaena o na kanaka Amenka; aka e huli hoi aku oia no Kelemania e pono ai ,a i ole e holo aku no Mekiko, kahi o na kanaka elike me kona ke ano e uoho mai la malaila.