Ka Nupepa Kuokoa, Volume LVII, Number 51, 19 December 1919 — Aloha Karisimaka Kakou! [ARTICLE]

Aloha Karisimaka Kakou!

Oiai o keia ka helu hope o ke Kuokoa e puka j aku ai, mamua o ka hoea ana mai o k.a La Karisimaka, ke haawi e aku nei keia pepa i kona Aloha Krisimaka imua o kona poe heluhelu, me ka lana ( ka manao, e komo like ana kakou apau iloko o na hauoli ana, no keia la ano nui apuni ka honua nei, no ka mea he la ia i hanauia mai ai ka Mesia,! ke Keiki a ke Akua, a o ka Hoola hoi o ke ao nei. j I ka haawi ana i na makana Karisimaka i nā hoaloha, e hoomanao, he hookahi makana oi ae a kakou e haawi aku ai ika Mea X Ti ona ka la hanau, aole o na waiwai kumukuai kiekie, aole o ke gula ame ka momi, aka o ko kakou hoomanao Nona iloko o ko kakou naau, e hooia aku ana hoi imua Ona, e lilo kkkou i poe hana i Kona makemake; o keia kekahi o na makana pookela loa a kela ame keia wahine. kane a keiki e hooko aku ai, ma keia la Karisimaka. Mamuli o ka nui loa o na, ulia kaa otomobile, me ka make ana hoi o kekahi keiki liilii i ke kaa uwila, ua kono hou ia mai makou, e hoeueu aku i na makuahine, e makaala loa i.ka lakou mau keiki, mai ka hookuukuu wale ana ma na alanui. Ua. hoike ae ka Lunakiai Kumalae ma ka hana, no kona haalele ana aku i ke ku ana me koqa mau hoa ma na hana b ka papa lunakiai, a lele ae la ma ka ,aoao o na lunakiai Repubalika; oka pono no hoi paha ia, e waiho i ka ninau kalaiaina mahope, a e lawe mai i na hana o ka lehulehu mamua, a haawi aku i na kakoo ana ma na hana apau ' i piln ko ka lehulehu pono,. me ke ku-e aku i na hana kupono ole apau, ina no ia, na kona aoao kalaiaina ponoi i hapai mai.