Ka Nupepa Kuokoa, Volume LVII, Number 51, 19 December 1919 — PAU KA HALENOHO O FERNANDEZ MA KALIHI I KE AHI. [ARTICLE]

PAU KA HALENOHO O FERNANDEZ MA KALIHI I KE AHI.

Aneane ma ka hora o ka po Po-' aono aku la i hala i holapuia ae ai he haie o hookahi papahele ke kiekie e ku ana maloko o ka pahale o Edwin Fernandez ma ke Alanui Beckley, ma Kalihi, e ke ahi, o ka hapanui o na ukana maloko ua poino i ke ahi, a i ole, i ka wai paha. Aohe i maopopo ka nui o ke poho, no ka mea aia o Feruandez i lapana. Iloko ka ohana o ka hale nui aku e ku ana maloko o ia pahale hookahi kahi i noho ai ma ka manawa o kekahi o lakou i ike mai ai i ka puoho ana ae o ke ahi maloko o ka hale e moe ai o Mrs. Fernandez ame kana jnau keiki. O ka hale kinaiahi o Kapalama ka i pane aku no ke kahea pauahi, a oiai ua ikaika loa ka a ana a ko ahi mamua o ka hoea aua aku a ke kaa kinaiahi ua pau kekahi mau wahi o ka hale o na paia wale no koe e ku olohelohe ana. O kahi i laki ai fla nui no ka na lako hoonani hale i laweia mailoko mai o ka hale he kakaikahi aku na lako i koe aku a i hamuia aku e na alelo ana ole o ke ahi. No ka paa o ia hale i ka inisuaia anie ka ole he mea maopopo ole ia, aia o Mr. Fernandez i lapana i nei manawa. ' : M-» —.