Ka Nupepa Kuokoa, Volume LVIII, Number 1, 2 January 1920 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

HE HAINA NANE.

 

Kiauau! Kauau!! Kiauau!!!

Keleauau! Keleauau!! Keleauau!!!

Kalaihi k2a lani,

Kupilikii ka honua,

Kalo paua i ka malama

Ku aua epa, noho ana epa;

Kau ka iwa he la makani;

Ua ka ua, kahe ka wai, pii ka opae.

Ka wale ka halelo,

Ehuehu kai noho ka moi,

Ki kai hua ka anae,

Maloo kai o na hee;

Ku‘i na in a, lou na wana,

Puha ka honu i ka la manini,

Puupuu ke-a kahu‘li ka Uoa,

Uliuli kai, holo ka mano.

Moana kau koa hi Kahala,

Pupuhi kukui, malino ke kai, kaka ka uhu,

A loaa ia mua, o mu-mu o wa-wa,

Haule iho la he malua ka ua.

He pelu ka makani,

Haualialia Kaunakakai.

He ihuanu ko Kawela,

 

A kani a wawa-ia, po-ha kupukupu,

Kaa mano ho-e-a maka i ka lae loa o Lehua,

Ualapue kapuai, Kaluaaha Mapulehu.

Mr. Lunahooponopono o ka Hiwahiwa

a ka makani la he Kauaula; Aloha oe:--

E ae mai ia‘u no ka elua o ka manawa

no ka hamare hou aua aku i ka ili lae,

ilipoo o ke keiki o na pali hauliuli o ke

Koolau, me ka hamare ku‘i hao ku‘i

aiana a Sa Naita Heneri o Navara, a i

hala oia i kuu hauna hamare, ia u-uina

ka wai o Namalokama, e lohe aku ai

Kauai i ka u-iua poha o na api maha-

maba o ua keiki la, kahi hoi i ku ai ka

lohe; malia boi i kuu kiina kipuka kau-

la pulu ahaniu alehe aama paha hoi au-

anei o na pali i ka naueue, pili aekai e

nana ai ke kania-i o ua keiki la. Ke ole-

lo nei nae ka mea ui a uia keiki la peuei:

Moaualehu: he kumulau moa no, ha-

nau elima hua, hoomoe a kiko, eha hua

i kiko, he mau moa lawa keokeo, aole

poo âme wawae, eha ekekeu pakahi, a

o ka lima o ka hua, he ulahiwa, he poo

kona aole wawae, eha ekekeu, ua loaa

ke ola i na moa lawa poo ole eha, i ke

poo o ka ulahiwa, a pili lakou ia lakou

iho, a hea ia lakou ma ka inoa hookahi.

Owai ma ka olelo a Hawaii?

 

Ea, ke ike like ae la no kakou apau

i ke aka kino maoheohe o ka mea u‘i a

ua keiki la o na pali po i ka ohu, a o

ka meahuna hoi a ua keiki la i kama

iho ai i ka aha a miomio, aulii, kolo-

manu wale kela, i ka pukaihu o na ma-

nu, me ka manaolana no o koko a Ma-

kalii kahi e nalo ai; aole, aole, aole oe

e nalo ana i ka makani Pilihala o Kaa-

waloa, ke makani siliani o ke awakea, e

pee wale no oe a pau ou mau oho i ke

keokeo, aole loa no oe e nalo iki ana,

a no ka mea:

 

Ke hoole mai nei na ole ekolu mauka

a ili aku i kana mamo ia Olepau, ke alii

o Maui, aole loa no ka oe e nalo iki ana,

a no ka mea, he hao hoi paha na ke Ko-

na, ka makani kupaa o kuu aina hoo-

kama, e nanea ae nei, aka i pakele aku

ua saasa ma ka apua ke ole ea, malia i

kau makani koowaa aku hoi o kuu aina

moe oe i ka wai, a nana mai no i ke

kiiua ulu papakonane a ke keiki o ka

Halepaahao o Uwahipouli, o ia mau la

i hala aku, a o ia iho keia malalo nei:

 

Wehewehe hana: Hamare a Noa, lo-

he Kauai‘i ka uuina ou mau papaau-

wae. O na hua mua 4, i kiko ai a lilo ae ai lakou he man moa lawa (o ia hoi

keokeo), o ia no na apana aahu kapa

keokeo eha i pai‘ikea ia, a oiai he 4

kihi o kela ame keia aahu kapa pakalii,

ua like no hoi ia me 4 ekekeu pakahi,

aka ua nele nae lakou aole poo ame

wawae.

 

Hamare a Zubala Kaina: Haehae ka manu ke ale nei ka wai. O ka 5 o ka

hua he ulahiwa ia, o ia no hoi ka aahu

kapa i pa‘iula ia, a kapa ia iho e ka

põe i ele ale a paulehia ma ia hana

o ke kuku kapa ana he "Kilohana" a

he 4 no hoi kihi o keia pana ae la,

ua like no hoi ia me 4 ekekeu, aka ua

nele oia ale wawae.

 

Hamare a Sa Naita Heneri o Navara: Ki-ke ka a-la uwe ka mamane. A ma-muli o kona hooluuia ana i paiula a i

Kilohana hoi, i loaa ai kona poo, o ia hoi, ma ke kui a humu pu ia ana o ua

apana apau 5 i kahi hookahi a pili hoi lakou ia lakou iho, a hea ia hoi lakou ma ka inoa hookahi, oia hoi Kuinakapa,

a i ole ia Kuinakapa Pa-u-pa-u.

 

Ea, hao la e hao, Hao ka iuuwai maloo ka lau laau; Hao ka mikioi kau i Niihau, Ke kaupaku la no i na hale o ka ohai.

 

A no ka mea, ua hele mai no au, o kawaa nui, o ka waa iki; o ka waa loa o ka waa poko, ua lawe mai no au o ke kanui, o ke ka iki; o ke ka loa, o ke kapoko; pau no o ka makau nui, ka makau iki; ka makau loa, ka makau poko; pau loa no aohe ku, aohe moe

 

Pehea, kuka‘i aku la paha ka ila ia Puapuakea, ke hele la a pau pe‘ape‘a i ke ahí na hulu i ka puapua o Moaula- lehu?

 

I anoai Karisimaka ame Hapenuia hoi kou a nui loa e ke keiki o ka pohina uakea o ke Koolau.

 

            Kou no a mau,

J.W.K. KAKELAMALUIKALEO. Kahua alehe aama o Somisomi i ke‘ kai o Kona.

 

                        -------------------

Ae, ua kuka‘i i‘o mai la ka ila o Puapuakea, ke hele ia a pili pono ka-la i Papaenaena, ua eha i‘o ke keiki o ke Koolau i ka puluniu ahele aama a kaeueu o ka halepaahao o Uwahipouli. O

 

HE HOALOHALOHA NO JOHN KE NU, JR.

                        ------------------------

                        He Nane

                        -------------

Eia mai ka puana: Hookaau no hoi kau hana e ka pokii, Z. P. K., oiai oe e hoola'ila'i ana ma ka rumi 6, onoki 2, o ka mokuahi Nupepa Kuokoa, e noho hookeleia ana e Kapena Hanohano, a i kakaleia ae i ke kai loa ma ka la 14 o Novemaba i hala, me he la e i nai 'ana:

Kau i Alika, ka ihu o ka moku,

Ua hele a paihi na pe'a i ka makaai.

O ka wili mai no kau, hemo ole ua paa loa,

Na ia nei aku hoi, paa ole ua hemo loa.

Hookaau 1--Owai ke kamai O Moku.

2. Pehea i ike ole a nanau ai ia oe i Kona Akau No kou noho i ka lua awa o Kailua.

3. Pehea i ike ai ia oe i Kona Hema? No kou hele pu me ko kama a hookipa no oe e Awa o Kealakekua i ko kama moku. A ke huhu ko kama, hia ka haleuma, uu na pe'a, kami ke oeoe, o ka holo ia. Ua piha ohua oluna. na ke kama mai ka ai, nui ka punahele; Owai la oe e mama Awapae; o ia liilii ohua aku la ka mea punahele, a ia lakeu la i ka mehana wale no a e ai ana i na kohi kelekele a ka puukolu.

E ka pokii e, o kaua i ka ahiu a ke kauaula, i ka piina ume aho o Puopelu, i ka ihona paunini o Lelekahauli. Aloha wale no hoi!

Ua ku aku la paha kau puapaua i ke ahe a ka makani, a i ole paha ia, i ka umiumi pokopoko loa paha malalo iho o ka lehelehe lalo o ka waha palaulau o ka iole o kaohana iole a Pikoiakaalala i luku ai a koe hookahi.

E ike wahi hana kukulu kiahoomanao ole ana paha o Opukahaia keia, he nopa, he apa, he lolohi a loloiele paha keia la. I ahaia la hoi. O ka loaa a komo aku paha la i ka hu'a waho o na hauoli ahiahi o ka la, ua mau no ia.

Ia oe no nae ke kuleana, ke komite hookipa nui o ka la. E komo--e, a i ole ia Who You??

                                                                        KUKAPAO.

-------------

            Ua halahu mai la kau pua ma ka puapua o ka manu, ke hoekepue aka nei no kahi kolohe o Napoopoo, me ka noke ana i ka aka haalo'ulo'u. Hahauia mai i ka pauku laau ma ke poo!---L. H.

--------------------------------

HE HOOMAIKAI.

-------

            Ke haawi aku nei na hoahanau o ka Ekalesia o Hauula me Kahuku i huiia ame na lala apau o ka Ahahui Hooikaika Kristiano o ke C. E. o Hauula i hoike ia maluna ae i ka lakou hoomaikai a nui loa i na makamaka ame na hoaloha i haawi mai i na kokua manawalea me ka manao maikai ame ke aloha, ma o ko makou komite, Mr. S. W. Kauhi, a ke hoike pu ia aku nei ka papainoa ame na kokua a kela ame keia i haawi ai.

            Ekalesia---L. Kaaimanu, 26e; Mrs. J. Lukela, 25e; Miss Sarah Kaiu, 25e; Mrs. K. Kaiu,.25e; Mrs. A. Paahao, 25e; J. Lukela, 25e; huina, $2.50.

C.E.--Mrs. H. Quon, 25e; A. F. Quou, 25e; S. Quon, 25e; L. Quou, 25e; E. Quon, 25e; Mrs. Helena, 10e; Miss Elenoa, 5e; Miss Mariah Kaiu, 5e; Miss Rebecca, 5e; J. B. K. Kaoao, 10e; Mr. Li, 10e; huina, $2; huina nui, $4.50.

Ma o ko makou komite la,

                                                S. W. KAUHI.

Hauula, Dec. 21, 1919

--------------------------

HE HOALOHALOHA

--------

 

            Oiai, ua oluolu loa i ka Mea Mana Loa ka lawe ana ia Mrs. Wahineaukai Lahilahi, kekahi hoapaahana ahonui a kupaa ma ka pono ahiki i kona hopeana maiwaena aku o kakou, a oini hoi, iloko o kona mau la maikai o ke ola kino o kekahi ia o na limahana kokua ikaika i na hana o ka ekalesia o Kawaiahao, oia kekahi mawaena o na wahine e ae i noho luna no ka ekalesia, he kumu Kula Sabati no na makahiki lehulehu, he hoa no ka ahahui C. E. mai ka hookumuia ana mai, a he hoa hoi no kekahi mau makahiki i kaahope a Oiai hoi, ua kau iho maluna o ka Ekalesia Makua holookoa ka minamina, ke aloha ame na hoomanao poina ole nona, Nolaila,

            E hoohooia; o makou o na hoahanau o ka Ekalesia o Kawaiahao, ma o ka ahahui la, ke komo pu aku nei e kumakena pu me ka ohaua i hooneleia i ka mea aloha, a ke noi pu ae nei i na Mana Kahikolu e hoomaia ae pa luuluu, a

            E hooholo hou ia; e hoonaia i hookahi kope o keia hoalohaloha i ka ohana, a i hookahi i ka Nupepa Kuokoa.

Na ka ekalesia o Kawaiahae.

Ma ke kauoha a ka ahaluna

J. K. NAKILA,

            Kakauolelo.

 

 

Kau haina pu kekahi e ke keiki o Kalaupapa, Molokai, i kulike me keia, aka nae, ua kapeke loa na wehewehe ana, nolaila, ua nele oe i ka makana, a na lilo aku la ke eo i ka eueu o Kona. Aiaa a hoounaia mai ka makana, alaila poneeia aku ia oe. Me ka mahalo nui ia oe e J. W. K. Kakelamluikaleo! --L. H.

 

 

 

 

 

 

HE HOALOHALOHA NO JOHN KENU, JR.

-----------

 

E Mr. Solomon Hanohano, Lunaloa ponopono o ke Kuokoa, Aloha oe:--E oluolu hoi oe e ka mea hanohano e hookipa aku i keia hoalohaloha ma kokahi wahi kaawale o ka Nupepa Kuokoa. i ike mai ai kona ohana i ka nuhou kaumaha e pili ana no John Keanu, Jr., kekahi o ko makou hoapaahana i haalele mai.

 

 

Maiwaena ae o ka makou noho akaukoa ana i kikoo mai ai na lima o ka make a kaili aku la i ka hanu ola o John Keanu, Jr., ma ka la 5 o Dekemaha, 19, a nalohia aku la mai o makou aku no ka wa mau loa, kekahi o na lala o ke Kula Sabati ame C. E. no hoi o Paihiihi. He hoahanau no ka apana o Paihiihi o ka Ekalesia o Paia.

            Ua hanauia o John Keanu Jr ma ka la 24 o Mei, 1885, mai ka puhaka mai o Keanu (k) ame Maikai (w), ma Pulehu, Kula, Maui, a ua hoonaauaoia no hoi ma ia apana no. O ka nui o kona mau la ma keia ola honua ana, he 34 makahiki 6 mahina ame na la he 11, a haalele mai la i keia ola ana. Minamina wale!

 

            Ko iho la ka olelo a ka Palapala Hemolele i olelo ai: O ke kanaka i hanauia e ka wahine, he hapa kona mau la a ua piha i na pepilikia, puka mai no ia me he pua la a ua okiia aku, a holo aku no ia me he aka la, aole ia e mau.

            He kanaka lokomaikai a heahea; he mea nui no na makua imua on a, a pela pu no hoi me ka ohana. He oluolu ma na mea apau, a maia ano no hoi i hoopuniia ai oia me na ohaloha he nui wale.

            Ua haalele mai oia mahope nei i na makua, ka ohana, ka wahine ame ka laua keiki me makou pu hoi kona hoapaahana, e hoomanao mau aku ana nona. Aloha wale!

 

            Elike hoi me ke ao e nalowale ana, a e hele aku ana, pela no ka mea e iho ana i ka lua kupapa'u, aole ia e ea hou ae iluna, aole ia e ike kona wahi iaia. Nolaila ke komo nei makou e uwe pu me na makua i hooneleia i ke keiki; ka wahine i hooneleia i ke kane ame ke keiki i hooneleia i ka papa; me ka minamina nui.

            Nolaila, e hooholoia, e hoounaia i hookahi kope i ka Nupepa Kuokoa, i hookahi kope i ka nupepea Ka Hoaloha, a i hookahi kope i ka ohana o ka mea i make.

            Ke nonoi ae nei makou i ke Akua e hoomamaia mai ke kaumaha a lunluo ka ohana o ka mea i make, a o ke ilo ha o ka Haku Iesu Kristo me kakou apau.

            O makou iho no na komite,

            MOSES PANUI,

 Kahu Kula Sabati Apana;

MISS ALICE TILTON,

Hope Kahu Kula Sabati Apana;

MISS DORA KAAIMOKU,

Peresidena Ahahui C. E.;

MISS LOUISA KALAAUPA,

            Alakai o na Opio.

 

--------------------

ELIMA MAU LAWEHALA I HOOPAAIA AE MA KA HALEWAI.

--------

            O ka po Poaono aku la i hala kekahi manawa kakaikahi loa o ka poe i hopuia a laweia ae e hoopau i ka halewai ke hoohalikeia me na la aku la i hala. He elima wale no poe i hoopaaia ae no lakou na inoa:

            Luke H. Chun i hoopiiia ae no ka malama ole i kona ohana; James Green no ka hoeha me ka mea eha ku i ka make; Harry Herman ame Daniel Webb no ka hoomalu ana, ame Francisco Antonio, no kona ninaniauia mai.

 

Ehiku põe i loaa na poino liilii i lapaauia malokoo ka halemai o na poino ulia ma ia la.

            No ka hewa hoeha me ka mea eha ku i ka make i hoopiiia ae ai o Freeman Silvester ua kau mai ka Lunakanawai Lightfoot i kona hoopai he 13 mahina hoomalu. O ka hoopii e ku e ana ia Joe Makulia ua hoopau wale ia mai ka papainoa ae o na hihia, a o ka hihia o John Kama i hoopiiia ae ai no ia hewa hookahi, ua hoihoi hou ia ae na dala koina 5 o ka aha. O ka hihia hoeha me ka mea eha ku i ka make o Chang Ah Leong ua waihoia ae i ka aha hookolokolo o na kamalii, a no ka hihia o Mrs. L. Kekahuna i hoopiiia ae ai no ka hoolako ole i kana mau keiki i na mea e pono ai lakou ua hoopaneeia a Ianuari 3.

 

            no ka haunaele i hoikeia mai ai ma Kalihi, he haunaele ma ka oleloia i komo pu aku ai 100 poe koa, ua hoike ae na aliikoa ma ka Poaono aku la i hala aohe oiaio ua hoonui wale ia aku no na olelo mamua o ka mea oiaio, he mau koa kakaikahi he hapa kakini wale no kai huikau pu iloko o ia haunaele, he haunaele aole no ka i ka hahana loa.

 

            O ka haunaele i ala ae ai ma ke ahiahi Poalima ma Kakaako, aole o na koa mai ka Papu Kahauiki mai ka i komo pu maia haunaele, o na kanaka hana o ka puali kaa halihali ukana kalaka i hoonohoia e hana ma ka olelo i hoonuiia ae ai ma ke ae ua oi loa aku mamua o ka mea oiaio, wahi a na aliikoa o ka oihana kaua.

 

E KOKUA ME KAMANAWALEA O KE ALOHA KA MEA OI

--------------

 

Mr. Sol. Hanohano, Aloha oe:--E oluolu mai oe e hookomo iho i keia mau olelo maluna ae, nona keia poomanao: E kokua me ka manawalea o ke aloha ka mea oi.

Ke hoike aku nei au ua kuai au i pahu leka i ke aupuni he pahu have ia ua kukulu ia e a'u i ke kikowaena o na alanui ekolu, hookahi alanui e holopuni nei ma Maui Hikina, hookahi alanui ma ka aoao hema, o keia alanui holopuni nona ka loa aneane hapaha mile, hookahi alanui laula keia e holo nei na mikini lawe hala kahiki o Peahi nei.

 

            Ma ka olelo hooholo a ka lawe leka mai Haiku a Peahi a hala loa aku i Huelo.

 

KA OIAIO.

----------

 

Mr. Lunahooponopono, Aloha nui:--E oluolu e haawi aku i kou kanikiu ia Kalalaupaliekuikamakani Kapuoakuakeaikalaokaualii no ka mahalo ana mai nei i kuu make olke ana i ka puiwa hikilele. Auwe! Heaha ka mea e make ai "O ka mea hoike oiaio aole oia e wahahee," wahi a ka Buke Nui.

 

 

KAHEA AHAHUI EAUNELIO PAUAINA O KA HOOMANA NAAU AO O HAWAII.

----------

Mamuli o ka hooholo ana o ka Ahahui Euanelio Paeina o ka Hoomana Naaauao o Hawaii, ma ke kau o Iulai, A. D. 1919, ma Koula, Honolulu, i hala aku nei, no kona noho hou mai maka mahina o Ianuari, 1920, ma ke Luakini o Kekilohana o ka Malamalama o ka Hoomana Naauao o Hawaii, me Waiakea, Hilo, Hawaii, pla

 

 

IKE I KA NANI O KA LIHIKAI O KAMAILI, WAIANAE, OAHU.

 

Kuu dear Solomon Hanohano, aloha kaua:-- Eia no au ke hooluhi hou nei ia oe. Ma ka la Sabati nei, Dek. 28, i haalele iho ai au me ka‘u aliiwahine no ka chukai o Kmaili, me ka makaukau piha me ka halepe'a ame na mea no hoi e pono ai; maikai keia la, a eia maua ke holo nei me ka malie me ke kilohi ana i ka nani o ka aina, a kau ana maua i Kapukaki, a nana mai la i ka waiho ae o Halawa ame ka moana kai o na Ewa ame ke Awalau o Puuloa me ka nanea i ka honehone mai o kuu hoapili a kaui ana keia pio, a manao ae la au i keia wahi mele:

Kani e ka pio hone i ke kula,

Hone i ke Kula o Kapalama,

Kali aku au o ka hiki mai,

A ka oto a e sukusuku ana hemo ka huila.

 

            O ka hola iho la no ia ohope o ke kaa, ai a ka paa ai a ka holo ihope a imua; ae, sukusuku ana. O ko'u lele iho la ni ia a nana iho la i kahi i pilikia ai, ua pahu ia hookahi huila ohope, me ka hana aua me na nuea akeakamai, na paa hou ae la, a o ka hoomaka mai la no ia o ua moku kaa nei e nee nomua, me he mahimahi la, a kaalo ae la o Kalauao, holu aua maun i ke kula o Waipahu, a e kauaheahe mai ana o Honouliuli, a kaoni ana ka wela i kuu manawa a mea aku la au i kau aliiwahine, pumehana keia a kaua o holo nei, no ka mea o ka lau o ke ko kau e lohe, ame ka lepo ulaula no hoi, a haupu ae la au ia ui ia mau la; na nalo oia, aka o ke ala ame ke onaona o lei mau no:

            Meleana e, Meleana hoi,

                        Meleana ka wahine honihoni ia;

            Meleana e, Meleana hoi.

            O ka lepo ulaula o Kapahulu.

Ike aku la au i ka puu o Anahulu i ke kauaheahe mai, ke nana la i kahi maikai e ku ai kuu halepea, a ku iho la kuu moku kaa, ma ke kumu o ka puu o Anahulu ame kuu nana ana i kahi kupono no kuu halepa, a loaa iho la, mamua pono mai no ia o ua puu kaulana nei, puu o Anahulu, e pili pu ana me ke ahua pohaku, a no keia paha ke ano, he mea hooulu ia, o ia hoi, he koaia, ma ka lihikai o Kamaili.

            Maikai keia kaha, hu'ihu'i maikai, ua ku na halepe'a a elua me ka maikai a hui aku la me ia kamaaina o ia o Mr. James Molii, he lawaia ame ka mahiai kana hana, mai iaia mai keia mau inamona; ua kamaaina no kou inoa iaia ma na nupepa, a hui iho la maua he una la i ka maka.

            Iau e kakau nei o ka horn 9 p.m. keia, maikai, aole puiwa mai, o ka haluku mai a ke kai kau mea lohe mai; hu'ihu'i kea po, ke pupue mai nei kou hoa, aole makikia nui o keia wahi o ka mea kupanaha a'u ike ai, i ka laka o kela ano iole ai moa, i ka hele mai a kekoke loa i kahi a maua e ai ana, ma ka'u koho aku ua pololi maoli, o ia ka'u koho aku; ua kiei aku au i kahi kanoa o Waianae, ke pii ae la ka halehookolokelo o Waianae me ka maikai.

(Aole i pau) .

 

----------------------------------------------------------

KE A'O A KA PAPA OLA MAI INU IKI I KA WAIONA.

-----------

Mai inu iki i kekahi alekohola laau a i ole kekahi mea e ae paha i hoohuiia me ka alekohola laau iloko."

O keia na olelo a'o i hoopukaia ae e ka Papa Ola o ke teritore mahope iho o ka loau ana ae o kekahi palapala mai ke kmoie lahui ma Nu Ioka, nu ka hoopakele ana i na kanaka i ole o makapo. Maloko o ka Nupepa Buleti na a ke kmoite lahai ua noiia mai na papa ola a pau o na mokuaiua ame na panalaau e hui pu aku ma ka hana eni e hoemiia mai ai na popihikia mai nu waiona mai i hanaia maloko o na home. "No hookahi punaki piha i ka alekohoia laau e inuia ua lawa ia e hoomakapoia ei kekahi mea," wahi o ka hoakaka a Kauka Fred E. Trotter, ka peresidena o ka Papa Ola, teritore o ka hoike ana ae ma ka Poakahi iho nei. "Ke oi aku ka nui o ka alekohola laau e inuia ana e lilo ana ia ia kumu e make ai. Ina he minamina a makee nui ko kekahi mea i ka ike o kona maka ame kona ola mai lawe iki i ka alekohola laau a ano alekehola e ne paha i mea inu."

            Ua manaoia o ke kumu o ka poe i make ai ma na mokuaina hikina loa no ka inu ana no ia i ka waiona i awiliwiliia me ka alekohola laau ilokoo ia waiona.

 

----------------------------------------------------

NA LEKA KII OLE IA MAI E WAIHI ANA MA KA'HALELEKA AHIKI I KEK. 20, 1919.

-------------

Akina, Joseph H. Kealoha, David

Anana, Ryan Koola, Mrs. Luisa

Opanui, Charles Kealakai, Sam

Iaea, Mrs. Elizabeth Keliikoa, Joe

Hao, S K Keliiaa, John

Kaua, Mrs Maria J Keapuni, Miss HelHeill, Mrs. Huey en

Kaiawe, daniel

Kailikea, Mrs. Annie Chan

Kamana, Mrs. Malie Kuahine, Mr. & Mrs Kanehola, Mrs. Solomo

Kanakoa, Mr & Mrs. Lui, Maraca

Joh H Lono, Mies Dora

Kane, Valentine R Makuakane, Geq Kamuela, Mrs Malie Naone, Phillip Kapohu, Mrs. Laia

E ninau ma na leka hoolahaia ke kil mai.

                                                                        D. H. MacADAM,

                                                                                                            Lunaleka.