Ka Nupepa Kuokoa, Volume LVIII, Number 1, 2 January 1920 — HAAWI MAKANA NA HAKU I NA LIMAHANA. [ARTICLE]

HAAWI MAKANA NA HAKU I NA LIMAHANA.

Elike me ka maa i na makahiki apau i kaahopo ae nei, ua koino ae na hui lawelawe oihana like ole o keia kulanakauhale, me na manao ohohia, o ka lokahi, ma ka haawi ana aku i na limahana e noho hana ana malalo o kela mau hale oihana, i na makana Kafisimaka, nia ka Poakolu o ka pule aku nei i ha(la, a mea hoi nana i hoohauoli loa ae i ka manao o na limahana he mau haneri, no ka hoomanao ana aku o ko lakou mau haku hana. I hoike no na manao makee iloko o j keia hui pa'i nupepa i kona mau limahana, ua makanaia aku kela ame keia me na wa-hi leka, maloko olaila na dala a na haku i haawi aku ai elike me ka lakou i inanao ai ua kupono no kela ame keia limahana. Ma na hale oihana e ae, a ma kekahi mau hui lawelawe oihana no hoi, ua hana like aku lakou ia hana hookahi imua o na limahana. Iwaena o na hale oihana īlunui o keia kulanakauha'le i hoomanao ae i na limahana me na makana Karisimaka, ka Brewer & Co., Theo. H. Davies, Castle & Cooke, Hawaiian Electric Company, I. ī. S. N. Co., American Factors, Lewers & Cooke, Allen & Robinson, Honolulu Gas Company, ame kekahi mau hui oihana e ae he nui, a me he mea lā. o keia ka makahiki i oi loa aku ai ka mea a na haku hana i hana akū ai 1 na limahana, ma na mea pili i ka makana Karisimaka.