Ka Nupepa Kuokoa, Volume LVIII, Number 1, 2 January 1920 — PUOHO KA PELE MA KILAUEA. [ARTICLE]

PUOHO KA PELE MA KILAUEA.

I kulike ai me ka lono kelekalapa uwea ole o ka loaa ana inai i keia kulanakauhale, ma ke Babati aku lai hala, ua puoho ae la ka pele raa ka ĪAiap?ile o Kilauea, a kahe aku la ma ka huli e ku pololei ana i Kau, Hawaii, a elike me na hoakaka ma kela lono, o keia kekahi o na kahe nui ana a ka pal > i ikeia ma ka moolelo o kela luapele. Ma ka oleloia, o kela wahi a ka j»ele o ke kahe ana aku la, aia no ia .n& alahele hookahi a ka pele i kahe ai iloko o ka makahiki 1868, ka makahiki hoi a ke ola'i i hoonaueue ae ai ia Ha waii me ka ikaika. He ekolu mau mana a ka pele e kahe la, ma kahi o ka iwakalua mile, me. ke kahe pololei ana ma ke kukulu hema no kahi o ke kai, eia nae, aole he mau hopohopo ana, no na ola o na kanaka ame na hōloholona, no ka mea o kela wahi a ka pele o ke kahe ana aku, he wahi ia i noho ole ia e na kanaka, a he kakaikahi na pipi hele ma kela wahi. O ka mea nui ma kela wahi, o ia no ka ohia ame kekahi kumulaau e ae a no ka hopohopoia o hoea mai auanei i ka wa e kahe ai ka pele, ua kii mua ia na pipi o ka aina hanai pipi o Kapapala f a hookaawale no kekahi mau aina kiekie, nolaila aole he maka'u o na kaaaKa hanai pipi, no ka hoopoinoia aku o ka lakou mau holoholona e ka pele.