Ka Nupepa Kuokoa, Volume LVIII, Number 2, 9 January 1920 — UA HOEMIIA MAI NA AOAO O KA NUPEPA [ARTICLE]

UA HOEMIIA MAI NA AOAO O KA NUPEPA

Mamuli o ka puikaika o ka loaa ana mai o ka pepa e hiki ai ke pa'iia aku ke Kuokoa nei i na | aoao ewalu elike me ka mau, no na makahiki ae . nei i hala. a hui pu iho no hoi me ka ulolohi o ka hoea ana mai o ka pepa o kela ano i Honolulu nei, koe \valc 110 na ano pepa liilii mai o ka laula, ua konoia mai makou e hoemi mai i na aoao o keia pepa i eono wale no, ahiki i ka loaa ana mai o ka< pepa laula; no keia kumu, i wahi e loaa aku ai ka ike i ko ke Kuokoa poe heluhelu no ka hapa ana mai o kona mau aoao, pela iho la makou i manao ai e hoike aku i keia pilikia. Ma ka hoemiia ana mai nae o na aoao o ke Kuōkoa i eono wale no, aole ia he kumu e hoemiia niai ai kona mau moolelo, a mau kolaniu paha o na nuhou ame na manao o na makamaka; aka e hooliilii iho ana makou i ka hua, i hiki ai ke omoia na moolelo, e hoopukaia aku nei me na hua nunui, a ma ,kahi o na kolamu o na meahou i kaawale loā kekahi laina mai kekahi aku, e hanaia aku ana a ncfka makee 110, e haawi aku i ka poe heluhelu i na mea apau a lakou i hiaai mau ai, a i lilo ai no hoi keia pepa i mea makemake nui ia e na Ilawaii apuni keia Teritore. Me ka manao minamina no makou e hoakaka aku nei imua o ko ke Kuokoa poe heluhelu, no keia hoololi ana ae i ke kiiio o keia nupepa, eia nae ua hiki ole ia makou ke alo ae, ma o ka pilikia i ike inaopopo loa ia; o ka makou wale no e nonoi akii nei ia oukou, e hoomanawanui mai, e hoea mai ana no ka manawa, e hoi hou ae ai keia pepa a kona kino i kamaaina ia oukou. 1 Oiai nae, ua hoonoho mua ia na moolelo a paa me ko lakoiMii.au hua nunui, mamua o ka ikeia ana 0 keia pilikia i ka pepa, ke hoopuka aku nei makou ia mau moolelo ma kela ano hua, me na koramu 1 hoohapaia mai no kela ame keia moolelo, aka ma keia mua aku, e hoololiia ana na koramu, me ke ano o na hua, ma ia ano, e nui ana n.a mea e hoopukaia, 110 kela ame keia moolelo i na pule apau. Aole makou i manao, ma keia hoemiia ana mai 0 na aoao i ka eono wale 110, he mea ia e emi iho ai ke ohohia ia o keia pepa. aka ua kamaaina oukou ka poe heluhelu i kona ano ame kona kulana, e ku mau ana no ia ma kona mau ano apau i kamaaina iai oukou ,a e ijce ana no oukou i na manao waiwai nui, na meahou no hoi ame na niea hoonaauao apau 1 oi kela aku imua o kekahi mau nupepa llawaii e hoopukaia nei ma keia Teritore. Me na mauao makee no ka pono laula o na kanaka Hawaii, me ka iini hoi, e lilo ke Kuokoa nei i kukui hoomalamalama no na home Hawaii, ke poloai aku nei makou i kona poe heluhelu apau, e hoouna mai i hoonaauao a hoomalamalama i ko kakou mau hoakanaka o ke ano laula, aole hoi o na manao pilikino, a hakukole, a mau manao kipehi aku paha i kekahi; aka na manao e ola ai ka lahui ,e maona ai ka noonoo; a e pomaiki ai ka poe e ike iho ana a heluhelu ia mau manao; pela no hoi na meahou, he malamalama ia e haawi aku ana i ka ike, aole wale i ka lehulehu, aka i ko oukou mau hoaloha, a i na makamaka, no na mea e hanaia ana ma kela ame keia wahi; e lilo na koramu o ke Kuokoa i mau kukui uwila hoomalamalama. a hoonaauao ia kakou, ma na ninau ano nui apau o ka nee ana o ke au o ka manawa. He mea na makou e hauoli nei ka olelo ana ae i ka haawi ana mai o na kanaka Hawaii i na kakoo piha ana i keia pepa ma ka makahiki aku la i hala, aole wale no ma ka lawe nui ana i keia nupepa, aka ma ka hoopiha pu ana mai i kona mau koramu, me na mea heluhelu maikai a ku i ke ohohia nui ia; a makou e manaoio nei, elike me ia mau kakoo a oukou i haawi mai ai o ka wa aku la i hala, pela no e hoomauia mai ai na hilinai ana i keia pepa ma ka nee ana aku o keia makahiki hou. * No ka hoonaauao hou atxa aku nae'.i na makamaka, ma na mea e pili ana i na palapala e hoouna mai ai, 110 ka hoopukaia aku maloko nei o ka nupepa, e hoomaopopo pono i na rula o ke kakau ana, 0 ia ka mahelehele pono ana i na manao ma na pauku, aole i hookahi no ano o ke kakau ana a piha ka aoao oka pepa. I ka hoomaka ana no hoi oka pauku, e kau i luia nui, pela mahope aku o ka pau ana o kela ame keia manao, o ia hoi, ma kahi o ke kikokahi; a e kau hoi i hua nui ma kahi o na inoa o ke kanaka, wahiĀe a wahi noho paha, aole e kau wale aku no i na hua nunui ma kela ame keia huaolelo, aole lakou he mau inoa no kekahi mea a mau wahi paha. Eia kekahi, i hookahi wale no aoao o ke kalana e kakau ai. aole e kakau ma aoao ae. Ina ua inakemake kekahi e kapaeia ae kona inoa, mai ka hoopukaia aku malalo o kekahi manao i kakauia mai, e kakau mai i kona inoa oiaio. i hiki ai ia makou ke maopopo i ka mea nana ia manao i hoouna mai, a o na manao e kakauia ana ma na inoa kapakapa ,e kapaeia ana ia e makou, koe wale no a hoounaia mai me ka inoa pololei, o k.a mea nana i kakau ia manao. He mau manawa leliulehu ka makou i a'o mau aku ai i na makamaka. i ke ano o ke kakau ana, eia nae, aole he hookoia mai elike me ka mea i kauohaia aku ai; pela iho la i konoia mai ai, e hoomaikeike hou aku i keia ma'i e pahola nei iwaena o na makaniaka. e hoouna mai nei i na manao i keia pepa. I mea e loaa ai ka ike ame, ka makaukau i ke kakau ana me ka pololei. e lilo ka Nupepa Kuokoa 1 buke nau e ke kanaka Hawaii e a'o ai i kau olelo makuahine, malaila e loaa ai ka naauao ame ka ike i ke kakau ana i kau olelo me ka pololei.