Ka Nupepa Kuokoa, Volume LVIII, Number 3, 16 January 1920 — MAHALOIA NA REPUBALIKA NO NA HANA KAULIKE Hoike ka Lunakiai Kumalae i ke Kumu o Kona Kakoo Ana i na Hoa Repubalika PIHA O AALA PAKA I KA POE HOOLOHE I NA HAIOLELO Ku o Kumalae e Hoakaka i Kona Kumu Hiki Ole ke Hoomau ma ka Aoao Demokarata [ARTICLE]

MAHALOIA NA REPUBALIKA NO NA HANA KAULIKE

Hoike ka Lunakiai Kumalae i ke Kumu o Kona Kakoo Ana i na Hoa Repubalika

PIHA O AALA PAKA I KA POE HOOLOHE I NA HAIOLELO

Ku o Kumalae e Hoakaka i Kona Kumu Hiki Ole ke Hoomau ma ka Aoao Demokarata

Imua o na hanori leanaka aneane i.ke kaukani i akoakoa ae ma ka Paka Aala *ma ka po o ka Poaono aku la i hala i hoakaka mai ai ka Lunakiai Jonah Kumalae i na kumu o kon koho pu ana ma ka aoao o na Rcpubalika o ka papa o na lunakiai. No ka ekolu-hapaha hora kona haiolelo ana a hoomaha no ka haawi ana i ka bana Hawaii i manawa no ka hoonanea ana i ke anaina, a i ka hoomaha ana o ka bana ua hoomau hou aku oia i kana haiolelo ana no hapalua hora hou me ka paa o ke anaina. Ma ka Kumalae hoakaka ua hoomaka ka ulu ana o ke kupikipiki-o iloko o na hoa o ka papa i ka manawa a na hoa Demokarata o ka papa i kaiehu ai ia Henry Wise mai kona kulana hana aku ma ke ano he hope no ka Lunanana Hale Louis 8. Cain, a hoonohoia aku he Pukiki ma ko Henry Wise hakahaka, eia nae, ma ka hookohuia ana aku keia he Puk'iki aku la ma ia wahi, he hana hoi ana i ku-e loa ai. O kana kahuahana, wahi a Kumalae imua o ke anaina e hooiohe aku ana me ka hialaai nui, oia hoi, ina he Hawaii ke hoopauia i Hawaii no ke paniia aku ma kona wahi, a ina hoi he Pukiki ke hoopauia ana i Pukiki no hoi ke hookohuia ma kona hakahaka, a pola aku. Ma kona manaoio, oia maoli no ka liāna maikai a kaulike e hanaia e ka papa me ke komo hokai ole mai o na hana kalaiaina iloko o na hookohu ana aku a ka papa.

O ke kumu o kona loli ana niai ka puulu ae o na Demokarata a i ka puulu o na Repubalika. aole ia mamuli o kona hookeekee, "hoomauhala a.manaoino paha, aka, mamuli no o kana mau mea i ike ai i ka hana kaulike ole a na Demokarata iloko o kana nana akahele ana iloko o na mahina lehulehu i hala aku, a mamuli o kana mau mea i ike a! ua loaa iaia ka manao he oi aku kona pono e hoohui iaia ina ke koho ma ka aoao o na Repubalika o ka papa, no ka mea, ma kana mau mea i hoomaopopo ai o na Repubalika maluna o ka papa ka poe i hana a e hana aku ana i na mea maikai no ka lehulehu. Aole oia i manao he hana pono na kekahi hoa o ka papa lunakiai ka hokai ana mai i na hana kalaiaina iloko o na hana e pili ana i ko ka lehulehu mau pono, a oiai lakou e paa ana i ka hanohano o ka oihana a ka lehulehu i koho ai ia lakou, e hana kela ame keia hoa ma na mea e pomaikai ai ka lehulehu. Ina i ku mau na Demokarata mahope 0 na hana niaikai no ka hoonee mua ana aku i na hana e pomaikai ai ka lehulehu, ina no aole oia e lele a kakoo ma ka aoao o na Repubalika o ka papa, aka e ku mau ana oia me ka makaukau a haawi aku i na kokua ana ina na ano apau e like me ka hiki iaia. Piha a Hu ke Kiaha Ua piha a hu kona kiaha me na hana hoohoka a na Demokarata, a mahope o kona noiia na ae e na alakai o ka aoao Demokarata no na manawa lehulehu e haawi ae i kana hooikaika ana me na Repubalrka i mea no na Demokarata e noonoo ai a haawi ae i na kakoo ana i na hoa Repubalika 6 ka papa, mai ia manawa mai i hooholo ai oia i kona manao a ua hoike ae ma ke akea e hana pu aku ana oia me na Repubalika. No ka hoike ana ae i kona hoopilimeaai ole i kekahi lahui ua hoike mai oia i kona manao kuokoa he mea pono e haawiia ka hana i kela ame keia me ka nana ole i ka aoao kalaiaina. Wahi ana, ua huli oia a loaa kekahi hana na Joe Durao, he Pukiki, malo'ko o ke keena wai, a ua hakaka oia me ka ikaika no ka hoomau ana ia Edwin Hughes 1 poo wiliki no ka paumawai o Manana, i ka manawa i manaoia ai e hookaawale ia Hughes mai ia wahi aku a e hoonoho aku i meia hoti ma kona wahi. Ua haia okoa kekaW manawa ia Kumalae ma ka hoakaka ana mai i kekahi mau hana i lawelaweia e na lunakiai ame na mahele hana i hanaia e na Demokarata ame na Repubalika, a pela lioi ka mea i hanaia e kela ame keia hoa pakahi, a ua kalele ikaika, loa oia maluna o kona manao hooko aohe "kuleana o na hana kalaiaina e hokai wale mai ia iloko o na liana o ka leliulehu, ina e haawi ana na hoa o ka papa i ka lakou wan noonoo maluna o na hana i pili i ke aupuni kulanakauhale. No kona ku e i ke komo liokai mai o na hana kalaiaina iloko o na hana o ke aupuni i hoololi ai oia i kona manao, a hui pu aku la me na Repubalika. Paiakuli ka lewa i na leo huro ame ua pa 'ipa 'i mai ke anaina mai i ka manawa i hooki iho ai ka Lunakiai Kumalae i kana haiolelo ana. MADRID, Jan. Jo. —He kelekalapa e hoike aku ana i ka menemene ame ke aloha no na ola i pōino i ke ola 'i maloko o Mekiko ma kekahi manawa kokoke i hala ka i hoounaia aku e ka Moi Alfons"o i ka Peresidena Carranza ma ka la aku la i nehinei.