Ka Nupepa Kuokoa, Volume LVIII, Number 9, 27 February 1920 — Page 2

Ka Nupepa Kuokoa

KE KILOHANA POOKELA NO KA LAHUI HAWAII.

Nupepa Kuokoa Honolulu T.H. Poalima Feberuari 27 1920

I MAU KUMUKULA HAWAII HOU AE

            He Leo Kahea i na Opio Hawaii e hele Mai e Hoomakaukau ia Lakou Iho i man Kumukula no Hawaii. He 1500 mau kumukula o Hawaii nei i keia la, a o ka heluna i makemakeia no keia makahiki ae he 1400. He 190 ka haule malalo o ka heluna maoli e lawa kupono ai na kula i keia wa, a e pii mau aku ana ka heluna o na kumu i makemakeia i kela makahiki keia makahiki eiike me ka hanau nui mai o na kamaiki,

            He oihana hanohano ka oihana kumu kula. O na oihana hanohano helu ekahi i@o la no ia o ke aupuni repubalika. O ia, ame ke kahunapule. Ke malama pono oe i kou kulana maemae me ka hoi mau ana aku e hoonaauao mau ia oe iho.

            @a hamama ka ipuka o na wahi hanohano apau nou, a mahope aku elike me kona hooikaika e hoonui ae i kona ike ma ke ao ana no ma ka hale, ma waho ao o na hora gula, ina no he hookahi hor. a i ole, hookahi paha hapa hora i kela ame keia la, a hele mai i ke Kula Kuma Wa Hoomaha no ka pinauia ana. pela e pii mau aku ai kona kulana ame ka ukuhana e loaa ai iaia.

            Ua hai ae na haole loea ninaninau oihana kula o ke aupuni makua i hooupaia wai nei ia nei, ma ka lakou imi pono ana a @inaninau ana ma na kuaaina o kakou, o na kumu koko Hawaii, awiliwili, a holookoa paha, ka oi aku o ka makaukau, maalahi, a kupono maoli no ka lakou oihana.

            He malama maemae ia na halekula, ua pa kula, i ko lakou alakai ana.           

            Ua paipai aku lakou i ka lakou mau kamalii a ua alakai maoli aku i na Kula Sabati o na hoomaua Kristiano like ole.

            E hana pu ana a hapai like me na kamalii i na hana manawalea no ka pono.

            Ma kekahi mau kula ua a ʻ o ia ua keiki i ka humuhumu, pahonohono a ho@oi ana i ko lakou mau aahu, i maemae mau no lakou ke hele mai i ke kula.

            Ua hai ae kekahi poe o ua poe loea nei ma @a ano apau o na kumu hawaii ka oi ae o ka lawa pono ma na kulana o ua kula haahaa a ma hope aku o lakou na Amerika ili keokeo na Pukiki me na Pake a o ka haahaa loa na Iapana.

            Mai ka hoomaka ana o ke kula ao kumu i ka normal school e ku nei i ka makahiki1916 he 681 poe koko hawaii i hoopukaia i mau kumu piha.

            O ka pono maoli no e a ʻ o nui na opio Hawaii i kumukula a maloko mai o lakou e hoolawaia ai na kumu nana e ao na kamalii o ko kakou aina aloha.

            Aole e hiki ke hilinai nui aku maluna o na kumu mai Amerika. Ua pilikia maoli no ka aina makua no ka lawa ole i  na kumu a ke uwowo nei ka poe aloha aina, o hoi hou aku ke aupuni i oleloia ka oi o ka malamalama ma ka ili honua i ka pouli ame ka naaupo

            Ea. @ Hawaii i aloha ia e eu wai hoi oe e hoolawa i keia pilikia nui o hoi hou aku kakou i ke au o waawaaiki naaupo

            He hookahi tausani dala ka uku makahiki o na kumu i loaa ka palapala hookohu i kinohi.

            Ua loheia ka hoohalahala a kekahi poe no ka hoouna mau ia o na kumu opio Hawaii ma na @@@@@@@ e ao ai.

            Aole keia he mea e hookaumahaia ai kou noonoo e ka Hawaii oiaio. I keia manawa ke kukuluia nei na hale ano maikai i hoolako pono ia ma na kula @@@aina.

            A lawa oe i ka hale @oho maikai O ka kaua ai mau o ka poikalo. ka uala a poi ulu paha. He oluolu loa ke kumu kuai o ia mau mea ma na kuaaina.

            E mahiai @@ hoi paha oe e ke kumu e@@ke no hoi me kau mea e ao aku ai i kau mau haumana

            He mea hiki loa no hoi ia oe e ke kumu ano palupalu ke hoolimalima iho i na keiki nunui e kokua mai i ka paeli ana i kahi mahakea o kau mala a nau iho no e hana kahi i palupalu.

            Ma na ano apau he oluolu loa ka hoolawa ana i ka ai  ma na kuaaina a e koe ana no kekahi hapa nui, a hapa nuku paha elike me kou noeau o kou uku mahina i mea mau e hooahu ai ma ka @@@@ko no kou manawa e hele mai ai i Honolulu e makaikai ai i na mea hou o ke kaona.

            Ina @@ no Honolulu nei, i ka lilo hale @@ a rumi paha i ka ai no e pono ai me kou kulana keonimana a @@@@ paha i na kamaa no papale  a pela aku aole  @ @@@ wahi kenikeni i kou pakeke me @@ @@@@ pu aku i ka aie. Ka oiaio keia e haiia aku nei e kekahi kumu hoomakaulii a nona ponoi iho koua hale noho.                PAPA HOONAAUAO

HOOUNAIA I LUNA AUPUNI NO KA NOII ANA

            Aia maluna o ka hua o ka ka L@@aka @@wai Hoomalu Lightfoot @i@aninau ana ka hope i hookohuia ae e ke keena o ka loio kuhina no ka ninauninau ana i na mea apau e pili ana i ke puhiia ana mai nei o kekahi mau malako ma Kauai, a ma ka Poakahi  nei kona holo ana ak@ no Kauai no  ia hana. ke hoihoi mai oia i ka hoike  ka hooholo ana no ke kaheaia aku o ka pualikoa kiai lahui epuka ae e hoomalu i na mahiko ame  na waiwai ae apau i ole e puhiia i ke ahi e na @mahana olohani ame ka ole.

            Ma ka lono i loaa mai i keia kulanakauhale he eiwa ka mau ahi  i hoaia  aku maloko o ehiku mau malako ma Poaono a ma ka po Sabati nei a he kanaiwa mau eka ko i  aia e ke ahi. O keia ka lono i loaa ae i ka hui a Alexander @ Baldwin o keia kulanakauhale mai ka lunanui mai o ka mahiko o Me Bryde ma Eleele. Ua hoike pu mau oia i ka paa ana o elua mau kanaka i ka @@puia.

            He ahakuka ka i malamaia e k Hope Kiaaina @aukea, ka hope loio kuhina ame kekahi mau luna aupuni e ae maloko o ke keena o ka hope kiaaina ma ka @@@kahi nei a mahope iho me John Waterhouse je poo o ka hui a Alexander @ Baldwin. Na Mr.Waterhouse  i hoakaka ae imua o ka hope kiaaina no ka hoaoia ana mai nei o ka m@hiko o Me Bryde e puhi i ke ahi ua kukakukaia @ na luna aupuni na hana apau i kupono no ka hoomalu ana i na mahiko ame na hana e hooweliweli a na limahana olohani a ma ia manawa pu i noonooia ai ke kupono o ke kahea ana i ka puali kiai lahui eia nae ma ka manao ka o ka hope kiaina e kali ka hooholo ana maluna o ia manao ahiki i ka hoi ana mai o Mr. Lightfoot mai Kauai mai a waiho

UA HAALELE MAI O MATTHEW H. KANE I KEIA OLA ANA.

Mr. Solomon Hanohano, Aloha nui loa kakou E ae oluolu mai oe i kekahi wahi kaawale o kau hiwahiwa no ka manawa no ka hoike ana o aku i keia puolo kaumaha, i ike mai ai na ohana na hoaloha mai Kauai o Mano a Hawaii o Keawe.

            Ma ka la 16 o keia mahina, Feberuari 1920 i kipa mai ai ka anela o ka make a lawe aku @a i ka hanu ola o ka mea i aloha nui ia o Mr. M. H. Kane, ma ka halekula o Napoopoo S. Kona, Hawaiia waiho iho la i kana wahine aloha ame ka laua mau leialoha he eiwa a ko iho la ka olelo a ka Buke Nui "E hoi no ka lepo i ka lepo, aka,  o ka uhane e hoi no oia ma kahi a ke Akua i hoomakaukau ai no na haipule."

            Ua make hikiwawe loa o Mr. M. H. Kane no kekahi e@a ma kona umauma a ua manaoia ua holo loa aku keia eha ma kona puuwai.

            Hekumukula ka oihana a Mr.H. M. Kane no na makahiki aneane he iwakalua a ua ikeia kona k@pono a hoopono hei maluna o kana oihana.

            Ma ke kula o Kamehameha  kona wahi i hoonaauaoia ai, a ua puka mai oia me ka maikai.

            He kanaka haipule oiaio a hooikaika no ka holomua o ka pono o kona @@aku o Iesu Kristo.

            Aneane he @@@ na makahiki kona noho ana @@ ka Ekalesia i Kekaha N. Kona, Hawaii a ua lilo kaua mau hana maikai i mea poina ole, i na hoahanau, na haumana Kula Sabati ame na lala C. E. o keia ekalesia.

            He  kanaka makaukau oia i ka hai ana i ka k@ olelo, a e ao ana hoi me ka ikaika no ka holomua o ko ke Akua aupuni. Aloha wale kana mau hana maikai. Ua pau ko makou lohe ana i Kona l@o.

            He kanaka mahalo nui ia uo ka maikai o kona leo ma ka himeni an, a he makaukau hoi i ka haku i na mele.

Eia kekahi o kana mau mele i haku ai.

            Kuu ipo i ka lai a Ehu

            I ka wai kuu mai i ka opua.

            Hiipoi ia iho ke aloha i hoapili no ke kau.

            Nou n@ ka haupu ana ae a ka manao e nu nei

            E moe ole nei o ko'u po

            Hoi mai kaua e pili.

            Pau ka lohe ana i kaua mau ole @ ao i kona himeni ana i ka h@ku ana i na mele, ame kekahi mau hna maikai ae ana apau.

            Ua pau kana hana @na keia ao, a ua kuu ka luhi. Ua maha hoi ka uhana ma ka home laui.

            O makou o na hoahanau, ua haumana Kula Sabati ame na lala C. E. o ka Ekalesia o Kekaha ke komo pu aku nei me oe e ka wahine i hooneleia i ke kane ame na keiki i hooneleia i ka makuakane e kaana pu i keia puolo kaumaha i kau mai maluna o oukou, a ke pule nei i ke Akua nana e hooma@a mai i ko kakou mau manao apau elike me ka mea i oleloia "ke Akua no ka puuhonua ame ka ikaika no kakou apau a he kokua kokoke loa oia no ka popilikia ana"

O makou iao no me ka haahaa

REV. JAMES UPCHURCH,

WILLIAM KEANA AINA,

J.H. KIAHA

            HALA O MRS. BECKY KAUO

            Mr. Sol. Hanahano, Aloha nui, E oluolu mai hou in a he wahi kaawale o ko ka kaua nupepa, a milimili hoi a ka lehulehu. Oluolu mai ou e hookano iho i kau wahi puolo waimaka a ke aloha i ike mai hoi na ohana apau mai ka la hiki ae a po iho, a i ka puka ana a ka la ma Kumukahi, a nona iho keia wahi Poomanao. He Kino Ano Lani Kahi, a he Kino Ano Honua Kahi.

            Ma ka la 11 o Feberuari, 1920, hora 4 p.m. ua kii mai la ka Haku mea hale i ke kino ano lani o Mrs. Becky Kau@, a hoi aku la no me ke Akua ka mea i haawai mai, a o ke kino ana honua, ua aiho iho la u@ na makou, nana Kula Sabati na C. E. ame hoahanau o ka ekalesia o Koolau H@iia, Mokupuni o Kauai, ame ka ohana, e paiaum aku ana ma keia aoao o ke ao nei a ma ka la 12 ae i maneleia ai kona kino puanuanu o na ohana ma ka luakini o Anahola, Koolau Huiia, a waih@ iho i kona home no kana kane ame na keiki aloha ame ka ohana apau e @ aku nona.

            O Mrs. Becky Kauo, he kaikamahine papa oia no keia awawa o Anahola nei. Ua hanauia oia mai o D. Kahanu Alapai ame Mrs.Keliikuaaina, a mailoko mai o keia mau makua, he 10 mau keiki, 5 keikikane, a 5 mau kaikamahine; 4 keikikane i make, a I e ola nei, a 3 kaikamahine i make, a 2 e ola nei: a o keia iho la ka laua keiki muli loa a paa ka hanau ana.

            Ua hanauia o Mrs. Becku Kauo ma ka la 10 Angate, 1893, a make i Feberuari 11. 1920; ua loaa ia iaia keia mau makahiki opiopio he 26, 5 malama, 23 la, a hala aku la.

            Ua ma@e oia ia Eddie Kauo he mau opio no laua no keia aina. he 18 makahiki o Becky Kahanu ia wa, ao Eddie Kauo he 19 ona makahiki a mare iho la laua a ua loaa mai na keiki eha e ola maikai nei, ekolu kaikamahine, a hookahi keikikane.

            He ehiku makahiki a oi o ko laua noho mare ana a hala aku la, me ka minamina nui. He wahine aloha ohana, he heabea a he puuwai hamama i na hoaloha. He haumana K. .S. oia, a he lala no ka Ahahui C. E. a he hoahanau no ka Ekalesia o Koolau Huiia.

            Ua pau kona ike hou ana i na paia laa o kona mau heiau i ike nui ia. Anahola, Ponimoi ame Kilauea, kahi e uhaiahoo mau ana no ka pono o ke kino lani i kulike ai me ka episetole a Paulo i ko Kori@eto 1. He kino ano laui kahi, a he kino ano honua kahi okoa hoi ka nani o ke kino lani, okoa ka nani o ka ka honua.

            Na ke sekona, ma ka amo ana no o ka maka, i ke kani ana o ka pu no ka mea, e kani io no ka pu a e hoala palaho ole ia mai ka poe make, a e ano hou ia mai kakou a pau.

            Ua ale ka make e ka lankily. E hoomaikaiia ke Akua ka mea hoi Nana i haawi mai ia kakou ka lanakila ma ko kakou Haku ma o Iesu Kristo la, amene.       

                                                Me ke aloha nui,

                                                            JAMES K. APOLO

                                    Komite o ka Ekalesia o Anahola.

                        Anahola, Kauai Feb. 14 1920

mai i kana hoike a ia manawa e noonooia ai ke kupono a kupono ole o ke kahea ana i ka puali kiai lahuie lawe ae i ke keehinahana wikani no ka hoomalu ana i na mahiko, i ole w puhi hoo ia e ka poe kolohe.

                                                                        HE HOOMAIKAI NUI

            Ma ke kauoha a ka Ekalesia o Kealakekua Kona Hema Kalana o Hawaii i ke kakauolelo G. P. Kamauoha, o ke Komite Malama Ola o ka Ahahui Euanelio o ka mokupuni o Hawaii ma o ko lakou mau inoa mahope ae nei, kau o Uanuari 1920 i akoakoa ma Napoopoo Kona Hema Hawaii.

            Ke haawi aku nei makou apau i na hoomaikai palena ole, me na mahalo he nui i ka poe apau no lakou  na inoa mahope ae nei no ka oukou  mau kokua a makana aloha me ka minamina ole i na komite malama  ola no ka ke Akua hana i hookumu ai no ka malama ana  i ke ola hookipa ana maii na lala apau o na Ekalesia Kula Sabati me na Ahahui C. E. o ka mokupuni o Hawaii me ka hoonanao ana i ke kukulu ana  kiahoomanao ana i kiahoomanao no Opukahaia, ma Hikiau Kealakekua no ka piha ana o hookahi haneri makahiki o ka laha ana o ka pono ma ko Hawaii nei Paeaina.

            Ma ka n@@n@@ akahele ana o ke komite malama ola o ka maikai, e hoikeia aku ma ke akea i ike mai ka poe apau i ka poe i komo ka manaoio i ka ke Akua hana e pono ai ma na hana kokua aloha me ka minamina ole, pela no hoi ke Akua mana loa e hoopiha mai ai i ko oukou mau waihona no ke kokua mau aku i kaua hana ma keia mua aku a e lilo hoi ka oukou mau kokua manawalea i mea hoomanaoia iloko i ka buke moolelo o keia Ekalesia.

            Eia mahope ae nei ka papainoa  o ka poe apau i kokua ma ke dala maoli  mawaho aku o na kokua paamau o na Ekalesia, Kula Sabati me na Ahahui C. E. o ka Mokupuni o Hawaii.

            Mrs. C. M. Cooke, $50 Hon. G. N. Wilcox, $100 Hon C. E. King, $5; Sam Kauhane $5; B.N. Kahue $5; Mrs. Mahi me kana moopuna Miss Sarah Kahiwa; $5 Mr ame Mrs. S. W. Kino $3 Hui Kaahumanu Hilo, $2 Abbie E. Macomber, $4; Rev J. N. Kamoku #2 C. H. Swain, $5 Mr. and Mrs. Moku, $5 W.V. Lee $1; Mrs. Emily  A. Baldwin $25 S. Lazaro, $10 This. N. Haae, $10; Mrs. Katy M. Kaai $10 Lot K. Kauwe; $10 Mrs. Lydia Kekuewa; $5, Miss Nalehua Keala, $5; Miss Maggie Mitchell, $5 A.W. Carter, $25 B.L. Kamakau, $5 Mrs. Emma Cockett $2; Mrs. Julia Apiki, $2 O.M. Kekuewa $5: Kelii Pi $5; Henry Mailolo, $5; Sam Pakuai $5; Pilipo Haae, $5; Ahahui Kaahumanu; S. Kona $12: L.Macfarlene $20 Mrs. Lilinoe Wall, $8; M. Kilinahe, $5 D. K. Baker, $5; Henry Kapea, $10; E. H. Paris $10; Kohala Kaahumanu, $3; Ed. Campbell $1.

            Ka põe kokua ma na meaai bipi ame na meaaiie ae Hon. L. B. Kaumeheiwa 10  eke taro; Hon. R. Nawahine, 2 eke taro:       Miss Mabel Ahuna 2 eke taro Henry Mailolo 1 eke taro Kala Kealoha 1 eke taro Mr. Hea @ eke taro; Nihi Kealoha  1 eke taro Henry Haili 1 eke taro Lono Kaheana , 1 eke taro; S. B. Kaanaana  1 eke taro; Lui Panui 1 eke taro; G. P. Kamauoha, 4 eke taro  J. W. Pakiko, 1 eke taro; Mrs. Kahikikala Kaolulo 1 eke taro; Au Koo 1 eke taro; S. P. K. Nawaa, 2 eke taro; Ahahui C. E. Helani 5 eke taro; L.L. McCandless; 1 pipi; A Dowsett, 1 pipi; T. C. White; 1 puaa nui; J. D. Johnson, 1 puaa nui me eke alani; Wm. J. Paris 1 pipi me 4 kao; Miss E. Paris 1 eke papaia me 1 eke lemi; E. H. Paris, 3 eke alani waiubata luamoa; Mrs. C. J. Robinson 2 eke kopaa 2 pa@@ @@@@@ Mrs. Hattie Hoomanawanui , 2 eke papaia me alani; Bill Hoomanawanui 1 puako W.K. Kenue  1 eke opae o na hilo; Mrs. Emma Laeha 1/2 eke opae: Mrs. Robt. W. Shingle, 1 pahu lihilihi o na ano like ole.

            Mawaho ae o keia mau hoomaikai mamua ae, ke haawi aku nei ke komite i na mahalo nui ia Henry Mailolo Kala Kealoha ame Mre. Hea, no ka oukou mau kokua nuio me ka uku ole i ke oki ana i na pou apau e kukulu ai i ka lanai ma ka hale kahu kahi hoe e akoakoa ai na lala i ba ahabui, me kekahi mau kokua e ae mai ia oukou nau, e pono au na hana no ka hoomoa ana i na meaai ame ka oukou mau kokua nui i na mea e pono ai na lala o ka Ahahui.

Me keia mau haawina kokua manawalea pu, ke mahalo nui aku nei ke komite ia Mrs. Hea me na kaikamahine a Henry Haili, na kokua o Keei Uka no ka ihi taro ana ame ka poe e ae apau i kokua no keia hana nui pela pu hoi me na kaikamahine a Lono Kaheana Keei kai me ka hoomanawanui i na la a na lala o keia ahahui i noho ai ahiki i ka pau pono ana o na hana; a pela pu hoi i na hoahanau apau o ka Ekalesia i lawe ai i na koikoi apau o ka hana me ka uku ole, a pela pu hoi, ke haawai aku nei ko oukou komite i na mahalo nui i ka poe apau i hoomakaukau i ko oukou mau home ponoi i wahi e hookipa mai ai, a hoaumoe iho ai i na lala o keia mau ahahui, me ka oluolu ame ka oukou mau hookipa aloha ana, ahiki i ko lakou haalele ana iho i ko oukou mau home. Na ke Akua mana loa e hoomaikai mai ia kakou apau, a hui hou iloko o Kona lokomaikai palena ole.

            Ekalesia o Kealakekua, ma o ke Komite Malama Ola, E. H. Paris, B.L. Kamakau, Mrs. Sarah Kamakau, ma o

G.P. KAMAUOHA, Kakauolelo a lala komite .

Napoopoo S. Kona Ian. 26, 1920

HE AHI PUHI KOLOHE MAOLI IA MA AIEA.

            Ma ka po o ka Poaha o ka pule aku la i hala, he ahi nui ka i ikeia aku e neepapa mai ana mauka loa aku o ka malako a ka mahiko o Aiea iloko o ka ulunahele, maluna o ke kualono ma ka aoao Ewa aku o Moanalua, a ina paha o ia ahi o ka a ana ae a iloko o na malako he mau han@ri eka ko okoa e pau i ka a ia aka nae, iloko o ka nahelehele  wale no ia ahi o ka a ana mai ahiki i ka pio ana , a ma ka manaoia he ahi puhi kolohe maoli ia ia e kekahi mea opuino.

            No ke kauluwela o ka lewa i ka malamalama na hiki loa ia ke ikeia aku mai Honolulu nei aku, ua koho kekahi poe no na malako paha ia ahi a ua nui ka poe i ninau mai i ke keena o ka Advertiser. Ua kokoke loa kela ahi o ka holopapa ana mai i ka mala halakahiki mauka aku o na malako, a ua koho ka lunanui o ka mahiko o Aiea, he ahi puhi kolohe maoli ia ia i mea e hoopoinoia ai na malako.

           

MOE ILOKO O KA MALUHIA

            Mr. Lunahooponoponoo ka Nupepa Kuokoa, Solomon Hanohano, Aloha kaua: He malihini loa au imua ou, eia nae hoi, ua kamaaina i kou mau manao ame kau pailaka ana me ka puuwai hamama i ka Nupepa Kuokoa; ke Kilohana hoi nana e hoomalamalama nei i na pua hope loa o Hawaii aloha, e emi mau aku i na wa apau, ahki paha auanei kona nalohia ana no ka wa mau loa.

            E ae oluolu mai hoi kou puuwai hamama o ke ahonui no'u hoi kekahi wahi keena kaawale iloko o ka kaua hiwahiwa, in a nae hoi e loaa ia'u ke aloha ia, a nana hoi ia e aha'i mama aku i ka ukana luuluu a ka puuwai, koo hoi o ka waimaka, haku aina hoi o ka lihilihimaka maika la puka ma haehae kiai makani hoi o ka lae a ka welona a ka la i Lehua, hoopili hoi o Niihau i ka pal@na o na moku.

            Ae, aloha ia aina kamaole a ke aloha i noho ai i hookamaia hoi e ua ale o ka moana, a me na nalu hookuakea i ka lihi kahakai, a noi wale hoi no kuu mama no Hakalau no Iwa no Iwa hoi o Kalani.

            Ae, mehameha Puuloa, he alahele no Kaahupahau, puanuanu hoi ka hale, aole kamaaina, ua hala, ua nalo i ke ala amukumuku a Kane, i ka kau kaekaeka hoi i ke ao opua. E i mai ana hoi, ua paia na pepeiao, aole ka lohe i ka hea aku. Ua hoopale hoi na maka, aohe ike wale iho. Ae, luuluu wale!

            Ina me a'u, ke aloha ia, ha'i iho hoi oe i na kupuna, na makua, na keiki, na moopuna ame ka ohana, o kuu mama aloha, ua hookoo i ka pili a maua i pili ai o ka maka ame ke keiki a'u hoi w mahalo ae nei; nana no i haawi mai, a Nana no i lawe aku; e hoomaikai mau loa ia ai kona inoa ma na lani kiekie loa, he malu hoi kona ma ka honua nei, he aloha i na kanaka.

            Ua hanauia kuu mama i aloha nui ia Hakalaniwaokalani Anna Nainoaelua ma Honomakau, Kohala Akau, mai ka puhaka mai o kona luaui makuahine i hala kahiko loa, he kenekuria a oi i hala ae ne; Keahia (w) ame kona luaui makuakane hoi i alualu pu aku no i ka mehau o kana aliikane, Kanakanui, i ka makahiki 1842, a ua piha hoi i kuu mama aloha na la liuliu a lualua o ke ola ana maluna o ka honua a ke Akua i haawi mai ai no kakou, i ke 78 makahiki, ahiki i ke kuu ana mai o kona aho hope, uo ka mea, ua pau kana hana ma keia ao, i loko o ka ke Akua hana, oiai ua kikoo mai la kona mau lima aloha a lawe aku la i ka uhane o kana kauwa wahine, ma kona home ponoi, helu 106 Alanui Kula ame Papu, ma ke awakea o ka Poalua nei , Feb. 10, 1920 hora 12 a.m. Walohia wale!

            I kona inau la opio, na la omaka mua hoi o ka wahine u'i, na la hoi ana i olelo iho ai, ua oluolu au i keia mau mea  mare ia iho la ua mama nei o'u me kana aliikane mua Keliimoekolohe iolo o keia noho ana on a me keia aliikane, ana, ahiki i ka hala ana ma ke alahele a ku mama i alualu aku la iaia, kana kane o kona mau la opio, aole loa a laua keiki, no ka mea, ua pa oia, aole keiki.

            He oiaio ua pa no kuu mama aole keiki mai kona puhaka ponoi mai, o kana mau keiki wale iho no imua o kona alo iloko o na la hope o kona ola ana, o ia no kuu makuakane aloha e hoomanao nei nona, ame kana kaikamahine hanai Madame Nani Alapai, ame a'u hoi kana kaikamahine hookama, ana hoi i lawe ae ai ia'u i kaikamahine papakema nana, oia hoi i makuahine papakema no'u iloko o ka hoomana Kakolika i ka mahina o Aperila 1914.

            Ua lawe maoli ae oia ia'u me he la he kaikamahine au nana, a o kana kane hoi i makuakane no'u, a'u hoi i nana aku ai me ke aloha ia laua, he mau makua ponoi no'u, i loaa hoi ia'u mawaho ae o ko'u mau makua ponoi, ma ka lokomaikai ame ke aloha o ko kakou makua aloha ma na lani kiekie loa, ka mea hoi Nana i a'o mai ia'u e lilo i kaikamahine maikai, mai na hana hua ole mai o na lealea pau wale o keia ao, a'u hoi e aie nui loa nei i ka lokomaikai o kuu mama i aloha nui ia, oiai he oluolu oia ame ka heahea i ka poe apau e kipa ana ma kona home. He pulama hoi oia me ka mak@@ a aloha i na keiki apau imua o kona alo, a hikiwale no i kona hala ame aku la. Luuluu me ke aloha no kuu mama!

            He oiaio i ka manawa i hekau mai ai na hiohiona o ka nawaliwali maluna ona, kamailio mai la oia ia'u "Auhea oe e kuu kaikamahine, e noi aku oe i ko kane, e komo i ka hoomana o kaua e ku nei e kuu lei i loaa ia olua ka materemonio o ka mare." Ua ae aku au i keia noi a ua mama aloha nei o'u, a'u hoi e hoomanao mau nei no ia mau olelo a kuu mama nana i hooponopono mai i na la opiopio o ko'u ola ana ame ka'u kane.

            No laila, i ka ikaika loa ana mai o na hiohiona o ka ma'i maluna on a, e hiki ole ai hoi i ka mana o na ike o keia honua ke kaohi mai, oiai au ma ka aoao o kona moe mai i na wa apau ame kuu papa aloha i kekahi manawa, no ka hooluolu ana aku i ka manao o kuu mama. Mamua iho o ka la e haalele mai ai oia i keia ola ana, oiai au ame ka'u kane imua o kona alo, kahea mai la oia i ka'u kane e hele aku imua ona, oia i ka'u kane e hele aku imua on a, oia kana i hooko aku ai a kulou iho la ka'u kane maluna ona, pii malie ae la kona lima a apo ae la i ka ai o ka hunona me he la e kono ae ana e honi mai oe ia'u e kuu keiki no ka wa hope loa.

            He oiaio kulou iho la ka'u kane maluna o kuu mama aloha, a honi iho la iaia, ana hoi i hookuu malie ae ai i kona mau lima, iaia hoi i olelo malie ae ai i ka'u kane me ka leo nawaliwai a na waimaka o ke aloha e halo'ilo'i iho ana ma kona mau lihilihi maka "By-by a'u hoi i kulou koke iho ai maluna on a, a honi mai la oia ia'u me ke aloha keiki oiaio a pela hoi me a'u me ke aloha makua ma ke kino ame ka uhane a oki iho la kana kamailio ana, a pela hoi i nalohia pu aku ai me kona mau waimaka, aole no hoi i lohe hou ia ka leo o kuu mama ahiki i kona pauaho ana mai, a kuu iho la hoi kona aho hope no ka wa mau loa, a moe aku.

 

KA AHAHUI KAMEHAMEHA AME KONA KULANA

            (Hoomauia.)

            Nolaila e kuu i'o ame kuu koko e maliu mai, e ala ae kakou a hana like i na mea no kakou e pono ai, a eia na mea au e kukulu aku ai imua o kuu lahui he mau mea oiaio keia, aole he mau mea haku wale iho no, o ia keia i kela makahiki i pau aku la, ua loaa ia iho la au i kekahi pilikia ma ke kino, a hiki ole ia'u ke hana i ka'u hana ponoi, a waiho ma kahi moe me ke kaheaia ana o ko'u kauka ohana e hele mai e nana; i ka nana  ana eia kana olelo o ka moe malie ame ka hoomanawanui, o ia wale no ke ala e hiki ai, nolaila ua lawe mai i kela mau a'o ana a malama loa, ame ka hoike koke ia aku i na komite o na hui a'u i komo ai.

            Nolaila e kuu koko, e nana mai i ko ʻ u waiho ana i ka nawaliwali, aole loa he uku mahina, aole no hoi he uku pule ame la oki loa ma na ano apau, oiai nau ponoi no ka ʻ u hana, aia no au a hana, alaila loaa mai ina aole @@ e hana e ku wale ana na mea apau, a nolaila i ko ʻ u komo ana me keia mau ahahui. o ia hoi o hui Oiwi ame ka hui e oleloia nei, heaha na mea i loaa mai ia ʻ u, i ko ʻ u wa o ka pilikia, o ia keia, me ka oiaio loa ma ke kauoha a ke kauka, ua noho malie loa au me ka malama i na rula ame ka ai ana i ka laau ame ka hoomanawanui ahiki i ka puka ana me ke kino ikaika no na la he 24 a ku au a hele hou ma ka ʻ u hana  mau me kela piha me ka hauoli a mohala no hoi na maka ke nanaia mai.

            E i mai ana paha e e ka mea heluhelu, heaha iho la ka mea i piha hauoli ai, oiai mailoko mai o ka nawaliwali a ka ma ʻ i Ae, o ia paha kau i koho ai,  a eia na mea  e pau ai kou kuhihewa:

            Iloko o kela mau la ma ʻ i i ha ʻ iia ae @a ua waihoia aku ka palapala a ke kauka me kaua hoike piha no ke ano o ka ma ʻ i, ahiki i ka pau ana me kona hooiaio i kona inoa, a waihoia imua o ke komite, a waihoia imua o ka hui, a i ka imi pono ia ana o ko ʻ u maikai. aole i aie ua loaa mai ia ʻ u o ia hoi i ka hui oiwi 24 la mai he kulana maikai iloko o ka hui e malama ana i na rula ame na kanawai ua loaa pono mai ma ka poho o kuu lima na dala he 24 me ka hoopaapaa ole e kala ana i kuu pila kauka h3 $15 kahi pila po@ kahi pila pipi, a me ia mohala ka maka ke nanaia mai mai: mai ka hui e oleloia nei, o ia ka Hui Kamehameha he maikai, aole kolohe malama i na rula ame na kanawai ua loaa mai ma ko ʻ u lima na dala he 24, me ka mohala o ka maka ke nanaia mai; uku i kahi bila kopa holoi lole, kahi ko ame kahi ki. ame kahi palaoa, palena, me ke koe o kahi koena nui, aole bila kauka na ka hui mua e uku ia bila, o keia puu hope e kiai a e malama ana ia oe aole e komo iloko o ka lua, in a he uku mahina ko ʻ u, o ia hoi he haneri o ka mahina , auwe ka nani e, pokeokeo noho i ka banako, loaa ka keia manu e olelo ai pelehu kolokolo kolokolo a pokeokeo a pokeokeo, a ʻ u e minamina nei i ko ʻ u mau hoaloha, e noke aku ka hoi i ka olelo i na mea maikai aole wahi mea a noonoo ia mai, o kela olelo kaulana paamau no, aia au a komo aku, pela aku, aole hae he noonoo iho, i ka manawa ikaika o na mea paahana o ke kino, oia ka mea nana e hooko ole ia ana, aia mau ma kou mau kapuai wawae e moe mau ana na popilikia, a i ka hiki ana mai o ia haawina, o ka mea apiki, ua lohi loa no ka mea, ua mamao loa aku la kela mau hoaloha, e pili mau mai ana me oe no ka mea, ua hiki ole ia oe ke hoolawa hou aku i ko lakou makemake.

            (Aole i pau)

la hoi kuu mama aloha iloko o ka maluhia. Me ka'u mau hoomaikai hoi ma k@ aloha o ke Akua, ma ka aoao o ka moe make o kuu mama i aloha nui ia, no Madame Alapai, Mrs. Anna Beckley Kahea, Mrs. Kahele, Mrs. Monika Iopa, ame kuu papa aloha hoi i hooluuluu ia no kana mea aloha he wahine i kaa aku ai hou na hooponopono ana malalo o ka Hui Hoolewa a Manuel E. Silva ame ka Ahahui o ka Puuwai Hemolele o Iesu, oiai he luna hooikaika no ka Hoolaha manaoio iloko o ko mana hoomana.

            Nolaila, e like me kana kauoha, in a oia e make e kanu koke no iaia me ka hooloihi ole, he oiaio, ua hookoia pela, ma ka Poakolu no, Feb. 11, i na hora hoi o ke kakahiaka nui, hoike mai la na ao o ka lewa i ko lakou kaumaha ma ka hiolo ana mai hoi o na kulu pakaua ko'iko'i, ko lakou waimaka hoi o ke aloha no kuu mama, a ma ka hora 10 a. m. ponoi i ka'i aku ai oia no kana huaka'i hope loa, e alakaiia ana hoi e ka Makua Uhane Philip ame ka Ahahui o ka Puuwai Hemolele o Iesu, kaua aikane aku hoi ko makou makuakane aloha, a makua aku hoi o na keiki, ka ohana ame na hoaaloha, uo ka pailina o Koula, a malaila i haawai hope iho ai ka makua Uhane Philip i kana mau leo haipule ka hoahoa i ke aloha o ke Akua ma na lani kiekie loa, no kana kauwa wahine  a nalo aku la oia no ka wa mau loa; a na pakaua ko'iko'i hoi o ke aloha i pina'i  pu iho ai me ka hoomaha ole.

            Ke noi ae nei au me ka'u leo pule haahaa imua o ko kakou Makua aloha ma ka lani, ko kakou AKua hoi nona mai keia ola ana i Kona oluolu mau loa ame Kona ahonui, Nana no e hoomama mai i ka manao kaumaha o ko makou makuakane i hooneleia me Kana mea aloha he wahine, a ia makou hoi na keiki i ka makuahine; Nana hoi i a'o mai ia'u i na hua ohana o ke ano hou ana o ke ola ana o ke kanaka iloko o ka Enanelio mau loa o ko kakou Makua lani, a ko iho la Kana mea i hoakaka ai maloko o ka Buke o na buke.

            O ke keiki i hanauia e ka wahine, he nui ka popilikia, na luuluu ame na kaumaha, no ka mea, hoi ka lepo i ka lepo, a o ka uhane i ka mea nana i haawi mai, a'u hoi, kuu papa ame kuu hoahanau, Mrs. Anna Beckley Kahea, e haawi aku nei i na hoomaikai ana i ka poe apau loa i noho mai i ka po hope o kuu mama i hooaumoe hope loa ai ma kona home, a pela hoi me na makana pua apau ka ohana ame na hoaloha, ka ahahui aloha hoi o kuu mama, e lawe aku i ka make@ mau hoomaikai apau ma o kuu mama aloha la.

            Nolaila, e hele mai oukou e ka poe kaumaha imua O'u, a Na'u no e hoomaha aku.

            Ua lawa keia hooluhi ana i kou ahonui. Me na keiki o kou papapa'i ko'a welina pauole, iloko o ke aloha ame ka luuluu.

                        Owau iho no me ka luuluu,

                                    MRS. LOUIS H. A. BODE.

Helu 106 Alanui Kula ame Papu.

HAINA NANE

            Mr. Lunahooponopono Solomon Hanohano, Aloha nui Eia hou ka makaikia Pilipo Kekoa imua o kou alo, me kana haina nane ka nane hoi a ke keiki o na Kona. Eia iho ke kukulu ana o na nane nei.

            Ekahi: He keiki au na ka la i hanau mai. Haina: Ola. Wehewehe: Ina aole ka la e kau ma kona wahi, o ia hoi ka lani, aole e loaa ke ola i na mea apau ma ka honua nei.

            Elua. Piliwawe la piliwale, piliwale, ka i'a o piliwale. Haina: Mau. He olelo kumu keia no Hawaii nei , o ia hoi keia, in a e hele na keiki nei o Kona i ka la wai'a kukaula, i ka po, a i ole i ke ao paha, aole e nele ana ka mau o ka makau a ua keiki nei o Kona, o ia hoi  ua pili aku la ka makau i na puko'ako'a o na moana kaiuli.

            Ekolu. He kahiko no mae hoe oe aole nae i nui ae. Haina: loa. O ia hoi loihi ma kekahi olelo ana elike paha me keia ma ke kapuai hookahi, he umikumamalua iniho, aole i oi aku o ia mau no ka nui o na iniha i ke kapuai, pela no hoi na mea loihi apau i manao ia e hana pela, elike paha me ka nui o na mile, mai Honolulu ahiki i Waianae nei, aole e hiki ke hoonui hoe ae, a hooloihi aku paha. I ka hui ana o keia mau keiki ekolu, loaa ka haina piha o ka nane a mana me ua keiki nei o Kona kaiopua i ka malie, ola mau loa.

            Me neia mau haina ame ua wehewehe ea, loaa pono oe i ka ilio hanu meheu pohihihi. Me oe e ka Lunahooponoponono ko'u mahalo, ame kou mau keiki hoonohohua. Owau iho no me ka haahaa.

                                                                                    PILIPO KEKOA.

            Waianae, Oahu, Feb. 16, 1920.

           

            Huhewa mai la ka ilio hanu meheu a ka makaikiu Pilipo Kekoa, ua hopu hewa i ka papa'i o Honolulu nei. Eia iki iho no ka ulu i ke alo a ke keiki o Kona kahi i waiho ai, lilo nae ka ike ame ka akamai o na kuhikuhipuuone i mea ole. Hoohanuhanu hoi ia ka ilio hanu meheu!- L. H.

POINO HE MOKUEA MALUNA AE O KEIA KULANAKAUHALE.

            Ekolu mau kanaka lele i ka lewa a ka oihana kaua i hoopihoihoiia na noonoo, elua o lakou he mau aliikoa a hookahi he mikanika, oiai lakou e lele ana i ka lewa maluna ae o ke kulanakauhale, ma ka manawa i haki ai kekahi meapaahana o ka mikini a lakou e lele ana ma ka auwina la Poaha o ka pule i hala, eia nae iloko o kela haki ana o ka iho o ka huila ma kahi he 800 kapuai ke kiekie i ka lewa, ua hookeleia no ka mokuea me ka maka'u ole ame ke akamai nui ahiki i ke kuu ana iho iluna o ka ilikai me ka palekaua ma kahi he hapalua mile ka manao iwaho ma ka nuku aku o ke awa. Ua hoouna ko keia aku kekahi manu nunu lawe leka  i ke kahua o na mokuea ma Puuloae ke kahi aliikoa e hoike aku ana i kela poino ulia, niai ka mokuea e lana ana iluna o ke kai a e luli ana hoi i o a ianei.

            Ma ke kakahiaka  nui o kela Poaha ka haalele ana aku o kela mokuea e pailakaia ana e ka lukauela lester J. Maitland a e lawe pu ana  i ka Lukanela Marion Elliott ame kekahi kanaka mikanika me ia, i ke kahua hoolulu o na mokuea ma Puuloa. Aneane i ka hora 8 o ia kakahiaka ua lohe aku ia kekahi mau kaukani o na kanaka, oiai  lakou e nana ana i ua mokuea la, i ke poha o kekahi mea, a ike pu aku la i ke iho ana aku ilalo ahiki i ka haule ana iluna o ke kai. I ka manawa i loheia aku ai ke poha ua ike pu ia aku ka lalapa ana ae oke ahi, he mea hoomahuahua aku i ka poino o na kanaka e kau ana maluna o ia mokuea, eia nae, aohe poino i loaa  i na kanaka no ka mea, ua kinai kokeia no ia ahi ahiki i ka pio ana e ke kanaka mikanika. Na kekahi o na waapa nahu a ka Young Brothers i kolo aku ua mokuea la ahiki i Puuloa, me ka palekana o na kanaka.

NA LEKA KII OLE LA MAI AHIKI I FEBERUARI 21, 1920.

Aiona. Mrs Anna                  Kamali Chas

(2)                                            Kaninau, Mrs Emma

Iopa, Miss Mary                      ma

Opuhui, Mrs Emily                 Kanoe, Henry

Kaaiolelo, Mr and                   Kanakola, Eliza

Mrs                                          beth

Kaanokalani, Mr                     Kapo Alice

Kakena, Miss Jo                      Kekualike, David

hanna                                       Kekuewa, Henry

Malama, Master                      Kenala, Elizabeth

John                                         Palenapa, Mr and       

Kamaha, Master                      Mrs. Koaloha             

John

HAINA NANE

            Holo ka hanu o ka lauae i ka @@@@ Mapu aala no i ks poli o @@@@@@@@ ALoha wale ke kapa huki paha. Palai ka lele ka uka o Alakai. Now ka lehua Makanoe, Noe wiwo i ke anu. Anu aku la i ke ala kipapa @@@@ Alanui Kuilima kanaka o Mauna@@@@ e,

            E hina hookahi ia la hoi owa'u wale no,

            Ehihina pu ia no e kakou i ke alanui, Aila la hahao e!

            Mr. Lunahooponopono o ka Nupepa Kuokoa, Aloha oe E oluolu mai hoi oe ia'u in a he rumi kaawale kekahi o ka kaua hiwahiwa, ka elele mama apani ke ao no'u hoi ia rumi, no ka'u @@@@@ o ka nane a ke keiki o Kawai@@@@@ maka o ka Opua, o Kona Kaiopua i ka la'i. a penei ke kukulu ana o ka @@@@

            He keiki au na ka la i na hanaa mai. Piliwale la e piliwale. He kahiko hoi aole nae he nui ae Eia ka'u haina ame na wehewehe ana penei.

            Mahele @ He keiki au na ka la @@@ nau mai. Haina Nu Penei @@@ lolei ai in a e hele mai ana kekahi kanaka a ninau mai penei E aha ana @@ kou e nu nei Eia ka pane ma ko@ @@ ao aku, heaha mai hoi kau o Annie Hila, ua hanau. Heaha ke keiki @@ keikikane hanau no a ka la maikai ia ka pene ma o mai.

            Mahele 2. Piliwale la e piliwa'e Ae, pololei no. Haina Pe He olelo @@@ mu keia mai ko kakou mau kupana mai. Aole keia o ka pe okioki i'a a ka poe holokahiki, aole ia o keia pe o ia @@@@ Ina e hele mai ana, kekahi kanaka i @@@ hale, e noho hoope ana oia mawaho o ka puka o ka hale, e kahea aku ana ka mea nona ka hale komo mai malo @@@ in a 2 a @ olelo ana, me ke komo oia @ olelo okoa aku ana ka mea nana  @@ hale, kohu malihini no hoi oe i ka @@@ mai a pe wale mai no mawaho.

            Mahele 3. He kahiko hoi aehe he nui ae. Ke hele wale la no i ka maika@ Haina Pa. Aole keia o ke pa e wa @@ ai na neaai, a ke keiki o Kona. @@@ ia, aole no o ka pa kanaka. o keia pa he i'a i kapaia kona inoa aia iloko @ ke kai, he pahukui, he kahiko @@ @@ aole nae he nui ae, o keia ano i'a @@ e huiia na mahela apau ekolu, e loaa @@ ka inoa pololei o ke keiki Nupepa.

            Ua hanauia i ka Poalima maikai, ae ka lana o kuu manao ua inu aku la ka makapeni a ke keiki o ke Ehukai i ka wai Kauikamakaokaopua a ke keiki o Kona.

            Me ka Lunahooponopono ko'u @@@@ lo ame na keiki lima poahi o ka papa pa'i ko'u aloha nui.

                        Owau no me ka oiaio.

                                                J.H. KAWELOWAI

            Waialua, Oahu. Feb. 16, 1920.

            Haki pu mai la ka makakila a ke Keiki o ke Ehukai o Waialua i @@ na mea o ka palupalu hanaia mai i pukonakona. alaila hoonahoa aku i ka Eueu o ka pli kapu o Keoua. Huli @@@ ia mai! L. H.

HAINA NANE.

            Mr. Lunahooponopono o ke Kuokoa, welina hoi E oluolu mai hoe oe i wahi rumi oneki kaawale o ke Kilohana a ka lahui, no ka'u wahi haina o ka @@@ a Kawaikauikamakaokaopua, i kuk@lu ia penei.

            He kama kana nona na mahele ekolu a penei iho ke kui ana Mahele @ @@ keiki au na ka la i hanau mai. @@@@@ Ala. Aole keia o ke ala o na pua, aole no hoi keia o ke ala hele, aka o ke a'a ma mai keia o ka hiamoe ma ke kaka hiaka, oiai ka la e nee ae ana ma kona alahele, a pela i lilo ai o Ala, he keiki na ka la i hanau mai.

            Mahele 2  Piliwale la i piliwale pi@ wale ka i'a o piliwawe. Haina: Na. He huaolelo pili keia mahope o ka ana i loaa i na kaumahana luuluu, na eha eha a pela aku, a peia puha la i olelo ia iho ai, piliwale ka i'a o piliwale.

            Mahele 3. He kahiko no hoi oe ame nui ana ae. Haina: Po. Ua hookumu ia ka honua i na mahele elua. he ao kekahi a he po  kekahi a oiai ua ku ka haina maluna o kekahi o laua, o ia o ao, nolaila, mai ka hookumuia ana mea o ka honua ahiki aku i ka manawa maopopo ole kona hopena, e ku maiu ana uo oia  elike me ke ana i kauia m@ aa, aole loa oia e nui hou ae ana.

            I ka hoohui ana i ka mahele 1,2 ame 3, e loaa auanui ka inoa piha o na @@ neu o Alanapo, he inoa no kekahi pu@@ wai. Aaia ma K@ei uka i kapaia ma ka inoa o kekahi wahine hapa moo pela ka mea i ikeia ma ka moolelo o ka miki, ka eueu o Kalumaula.

            Ea, e maihiiia auanei paha ka ili i elua alu!

            Nou e Mr.Lunahooponopono ame na sela o kou keena ke aloha a nui loa.

                        L.W. H. KALAUPAPA BOY.         

            Kalaupapa, Feb. 18, 1920.

            Hiki ole mai la no ia oe, ke maili ae i ka ilipoo o ka eueu o ka pali kapu o Keoua. Hamare hou ia maui! L.H.

HAINA NANE.

            Ke kapena ahonui Solomon Haneha no, aloha kaua Eia au he malihini imua o kou alo me ka'u haina o ka @@@@ a J. W. K. Kakelamaluikaleo. Eia @@ ke kukulu o ua nane nei:

            Owai ka inoa o kuu mea lau e kau mai la i ke ao makani Owai hoi ka pili o ua mea lau la a'u i hoonoho a iho ilalo nei?

            Haina o ka lau ekahi: Lau o ka leo lu, he ole kau hoi ia la i ke ao opua, eia keia laau ke ulu nei ma na kuahiwi o Hawaii aina, o kona lau, o ia kekahi o na papale u'i loa e hanauia nei ma Kona kahi o keia nane e hoolahaia nei ma ka Nupepa Kuokoa.

            Haina lau elua Mamalu o ia @@ keia me he mamalu, iloko o na hal@@@@ kahi i waiho ai, hele aku ke keiki Kona e kuai i loaa ka mea e malu @@ k la ame ku ua, ma kekahi olelo ana, @ ka mamalu he loulu he ole pili ia @@ he nui na lau i loaa kuahine ma ke a haina, o ia hoi, laulau o ka papale loa lu, laulau o ka mamalu.

            Ea, loaa pono oe ia kuahine hoo@@@@ mai ko kapuahi me neia mau haina ame na wehewehe, me oe e ka Luaa@@@ ponopono ame kou mau keiki o ka papa hoonohohua ko'u aloha nui loa.

                                                                                    Me ka hoahoa,

                                                                                                            MISS P. WAIOOLOPUA.

            Waianneuka, Feb 21, 1920.

            Eha ole mai la no o kuuane ia oe, he inliniki liilii; hao mai no a mahuna hana ke pa'i ma ka papa auwae e @@@@ auanei ke kolohe. Huli hou ia ma@ @ H.