Ka Nupepa Kuokoa, Volume LVIII, Number 10, 5 March 1920 — OIA MAU KA PII O KA HELUNA O NA MAKE I KA MA'I FLU. [ARTICLE]

OIA MAU KA PII O KA HELUNA O NA MAKE I KA MA'I FLU.

He 29 wale no ka heluna o na maʻi flu i hoikeia ae i ka papa oia ma ka Poakahi nei no Honolulu iho, he heluna uuku loa keia mai ka la 8 mai o Feberuari i hala. Ma ia la he umikumamawalu ka nui o na make i ka flu, o ka hapanui o kela mau make no ke Sabati aku, a hookahi make i hoikeia ae i ka papa ola ma ka Poakahi nei mai ka halemaʻi papa ola ae ma Kapalama. Ke komo pu me ka heluna o na maʻi i hoikeia ae i ka papa ola ma ka Poakahi nei ma hiki aku la i ka 1602 poe i loaa i ka maʻi flu maloko o Honolulu, mai ka la ekahi mai no ka mahina wale no o Feberuari 1514 ahiki i ka Poakahi nei. O ka heluna o na make maloko o Honolulu no keia mahina 109 i ka maʻi [illegible] a ewalu i ka numonia, a ke huiia na make apau mai ka la ekahi mai o Ianuari, 128 i ka maʻi flu a he 34 i ka maʻi numonia; huina nui, 162 mau make mamuli o na kumu like ole apau 202 i hoikeia ae i ka papa ola no Feberuari ahiki i ka hora 2:30 o ka auwina la Poakahi nei. I kulike hoi me ka ke Kauka Fred E. Trotte [illegible] hoakaka ma ka Poakahi nei, na oi aku ka nui o na maʻi flu maloko o ke kulanakauhale o Kikako, Amerika, mamua o ko Honolulu nei, wahi ana; iloko o na hora he 24 he 802 poe maʻi flu i ikeia ma ka la 2 o Feberuari, he 89 poe i make i ka flu a he 69 mau make i ka maʻi numonia. Maloko hoi o ke kulanakauhale o South Bend, Indiane, he 2010 maʻi [illegible] mai ka hoomaka ana mai e laha ka maʻi malaila, a he 47 mau make i ka flu ame ka numonia. Maloko ka o ke kulanakauhale o Bolatimoa, Merelana, 1386 mau maʻi Maloko o ke kulanakauhaīe o Nu Ioka ponoi he 5532 mau maʻi flu i hoikeia ae a he 831 mau maʻi numonia. Mai ka hoomaka ana mai e laha ae ka maʻi flu maloko o ke kulanakauhale o Nu Ioka ma ka la 2 o Feberuari, he 30,000 ka huina o na maʻi flu i hoikeia a he 6031 mau maʻi numonia, o ka heluna o na make maloko o ia manawa he 545 i ka maʻi flu a he 1696 i ka numonia. He 300 ka nui o ka poe maʻi flu maloko o ke kulanakauhale o Honolulu a ke kauka K. F. Li e makaala mau mai nei, elike me kana o ka hoike ana ae i ka Advertiser ma ka po Poakahi nei Maloko o na ohana o Eu Sue Pung ame kona kaikaina Eu Tee Pung, he 35 poe i loaa i ka flu a he wahine Hawaii ka i make maloko o ia hale hoolimalima hookahi a lakou e noho ana, ma ka papahele malalo, eha la i hala aku nei. Mai ka manawa mai i make ai kela wahine i laha ae ai ka kela maʻi maloko o kela hale.