Ka Nupepa Kuokoa, Volume LVIII, Number 11, 12 March 1920 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA, HONOLULU. T. H., POALIMA, MARAKI 12, 1920.

 

He Moolelo no

KEONI HANAFODA

 

Ka Hua Awahia o ka Uhauha me ka Puni Lealea—Loa Nae ke Kaulana ma ka Hoomanawanui

 

            He elua ana mau kii pena i paa iloko o kela mau pule ekolu, a ma ka waihoia ana aku mamuli o ke kauoha a Kauka Wini maloko o kahi o ua kii, ua loaa mai la he mau dala mahuahua no kela mau kii elua; nolaila iaia i haalele iho ia i ka home o Helena, ua hiki iaia ke hoolimalima aku i kekahi mau rumi oluolu, no kona lawelawe ana aku i kana hana akamai, ma kekahi wahi okoa aku o kela kulanakauhale, no kela iini iloko oua, e hoolilo iaia iho i kanaka kaulaoa ma ke kahakii.

            Ma kela kakahiaka ana i haalele iho ai, no ka hoi ana aku no kona mau rumi hoolimalima, aole oia o kela kauaka me ka helehelena hohoma, me ke kua oohu, ame ka lole naheahae, aka he kanaka ano hou loa oia, me ka piha pono o kona mau papalina, aia hoi maluna o kona mau maka, ua hoailona maopopo loa e hoike mai ana, no ka paa o kona manao, e pinaua aku i na auuuo ke alapii ahiki i kona kau ana i kaupoku o Hanalei.

            Ua lawe mua aku ke kanaka o ke kaa halihali ukana i kona mau ukana nuku no kahi i waiho ai o kona mau rumi hoolimalima, a e kakau ana oia i kekahi leka, komo ana no o Kauka Wini iloko, no ka ike hope ana i kaua ma’i, me ka haawi pu ana mai no hoi i na olelo hoolaua ia Keoni Hanafoda, a o ia ka ua kanaka nei o ka i ana aku.

            “Ua hauoli loa au i kou hoea ana mai nei, no ka mea o ko’u hoomakaukau koia no ka hoi aku ho ko’u mau rumi e noho ai, eia ka e hoea mai ana oe”

            “Auhea oe e kuu hoaloha, o ka’u leo kalokalo imua o na lani, e uhaiia oe e na haawina pookela o ka holomua,” me ka haawi ana mai o ke kauka i kona lima imua o Keoni Hanafoda no ke aloha ana. “Ua kaumaha loa au. no ko’u kuai ole ana i kekahi o kau mau kii pena o ke kuaiia ana i kela mau la aku nei, pehea, e hiki ana no anei ia oe ke pana mai i kekahi kii elike loa me kela hiona oloko o ke kupulau, au i hana ai me ka maiau loa; a i ole i kii hou ae no paha. o kela ano like?”

            Ua hiki ole ia Keoni Hanafoda ke kaohi mai i kona manao ilihia no keia mau olelo a kona kauka. no ka mea aole oia i hoomaka maoli aku i kaua hana, ua loaa e mai la no iaia ke kauoha, ana no nae e ike la, mamuli wale mai no o ka makee iloko o kela kauka, e kokua mai iaia nei, ma keia hoomaka ana aku e hana nona iho.

            “Me ka hanoli apau i loaa ia’u, e hooko no au elike me kau ia makemake ai, e hanaia aku, aka nae, e lawe e aku oe i ka’u hoomaikai ana no keia kauoha i loaa mai la ia’u, me kau mau hana maikai he nui, i hooikaika ai no ko’u pono,” wahi a Keoni Hanafoda, me ka pohina o kona mau maka i ka waimaka.

            Hoko nae o kela manawa i hoea mai ai o Mrs. Remona, no ka haawi ana mai i kona aloha ia Keoni Hanafoda, nolaila ua hoomamaia ae ke kauka, mai kona pane ana mai i na olelo kupono ma kona aoao.

            Oiai hemau manawa ka Mrs. Remona o ka hele ana mai, a loaa o Kauka Wini maloko o ke keena o Keoni Hanafoda, ua kamaaina ma oli laua, nolaila i kela hui hou ana ae o lakou, ua lilo aku la ma ke kamailio ana, ma kela ame keia kumuhana.

            Ua hoea mai o Mrs. Remona ma kela kakahiaka, no ka hooko ana i kana mea i kamailio mua mai ai, ma ka la aku i hala, oia ponoi no ka mea naua e hoihoi aku ia Keoni Hanafoda, no kahi o kona rumi hana. pela iho la i hoea mai ai kela wahine, a iloko o ka lakou hookaau olelo ana. ua loaa maoli ke kulana hauoli pakahi ia lakou apau, oiai nae, he ano kaumaha ko Keoni Hanafoda ma ia kakahiaka, no kona ike ole ia Helena, i hiki ai iaia ke haawi aku i kona aloha, mamua o ka haalele ana iho i kela home.

            Oiai nae e akaaka ana kela ame keia no kekahi mau olelo hoakaka, ia wa i pane ae ai o Kauka Wini: “Aole loa keia he hana maikai na’u, no ka mea ke hoohemahema loa nei au i ka’u hana ponoi. me ko’u minamina nui i ka haalele koke iho ia olua e na hoaloha,” me kona haawi ana mai i kona lima akau imua o Mrs. Remona no ke aloha ana, a i hou mai la:

            “Ua hoohauoli loa ia mai kuu uhane, mamuli o ka hookamaaina  ana me oe iloko o na la aku la i hala, me ka manaolana, aole keia o ka manawa hope loa a kaua e halawai pu ai, aka e hoea mai ana no he wa e ike aku ai kekahi i kekahi; a i hoike aku no au ia oe e Mrs. Remona i ka mea oiaio loa, ua kaili aku oe i kuu ma’i mailoko aku o ko’u lima.”

            Ua hoopohihihi loa ia aku ko Mrs. Remona noonoo, no kela mau olelo a ke kauka, a o ia kana o ka ninau ana aku:

            “Peahea iho la hoi i komo hokai wale aku ai au, ma kou kuleana e kuu kauka maikai?”

            “Ua hoohauoli loa ia mai kuu uhane, mamuli o ka hookamaaina ana me oe iloko o na la aku la i hala, me ka manaolana, aole keia o ka manawa hope loa a kaua e halawai pu ai, aka e hoea mai ana no he wa e ike aku ai kekahi i kekahi; a i hoike aku no au ia oe e Mrs. Remona i ka mea oiaio loa, ua kaili aku oe i kuu ma’i mailoko aku o ko’u lima.”

            Ua hoopohihihi loa ia aku ko Mrs. Remona noonoo, no keia mau olelo a ke kauka, a o ia kaua o ka ninau ana aku:

            “Pehea iho la hoi i komo hokai wale aku ai au, ma kou kuleana e akuu kauka maikai?”

            “Ua maopopo no ia oe e Mrs. Remona, ma kela la mua loa au o ka hoea ana mai ma keia keena. ua pau iho la ka mea hiki ia’u ke @ aku no keia kanaka ma’i; aole nae keia o ka manawa mua loa a’u i ike ai, aka he nui wale na ma’i, i hoopakeleia ae ko lakou ola, mamuli o ka oukou mau lapaau ana,” alaila noke okoa ae la ua kauka nei i k akaaka me ka leo nui.

            Akahi aku la no a maopopo pono ia Mrs. Remona, ka manao o na olelo a ke kauka o ke kamailio ana mai, no ke kailiia ana aku o kana ma’i, mai kona lima aku, a o ia kana o ka pane ana aku: “Ua mihi anei oe no ka makou mea i haha aku ai maluna o kau ma’i?”

            “No ka hoike maoli ana aku no i ka mea oiaio loa imua ou e Mrs. Remona, ua hoopihaia mai kuu naau me ka hanoli; no ka mea ina aole oukou i komo mai e kokua ia’u, he hana pohihihi loa na’u, me ka nana ole i ka nui o ko’u akamai i ka oihana lapaau, ka hoola ana iaia.

            “Ua nui a lehulehu wale na kauka akamai a kaulana loa ma ka honua nei. me ia akamai nae, aole i nole ke komohia iloko o ko lakou noonoo. na manao kaumaha, no ka hiki ole ana ia lakou ke hoola i na ma’i apau: a ke hooia heu aku nei au imua ou e ka madame, ina aole oukou e haawi mai i na kokua ana ma kekahi mau lapaau ana i oi ae i ka mea i loaa ia’u, he hana paakiki no me ke kaualua loa, ka hiki ana ia’u e hoola i ka mea ma’i.”

            “Ke mahalo aku nei au ia oe e Kauka Wini, o oe kekahi o na kauaka kilakila loa a’u i ke ai,” wahi a Mrs. Remona, i ka wa i hooki iho ai ke kamailio ana mai a ke kauka. “E ae mai e lawe hou aku i ka’u mau hoomaikai ana he nui, no na ano oiaio iloko ou. Aole o oe hookhi wale no ka mea i loaa na manao elike me kau, aka he kauka okoa no kekahi i kamaaina ia’u, a ina elike me ko olua ano na kauka apau, e hoopakeleia auanei ke ola o kekahi heluna nui o na kanaka mai ka make mai.”

            “Ina au e hoakaka maoli aku ana i ko’u  manao-imua ou e ka madame maluna o keia kumuhana, aole ana e nele ko’u ku e ikaikaia mai e ko’u mau hoa kauka,” i pane mai ai no hoi o Kauka Wini, me ka hoopinana ana ae i kona mau poohiwi a elua iluna.

            “Ma ko’u manaoio maoli, he mea ole ka ike ame ke akamai o kekahi kauka, ina aole oia i hoohana aku ia mau makaukau apau i loaa iaia me ke akahele loa, me ka loaa pu hoi o kela iini iloko ona, elike me kana i makemake ai e hanaia mai nona e ha’i, pela oia e hooikaika oi e hana aku ia ha’i. E hoomaopopo mai oe e ka madame, aole au e ku e aku ana, a e hoahewa aku ana paha i ka’u kula kauka, no ke a o lle ana mai ia’u, i kekahi mau mea e ae mawaho o ke akamai kauka, aka eia no au mahope o ak’u mau mea i a’oia mai ai. me ka huli hou ana aku no nae i kekahi mau ike oi ae, e hoomahuahuaia ae ai ko’u makaukau ma keia oihana.

            “Ma ko’u manaoio no hoi, iloko o ka oihana kauka, a iloko no o na hana apau loa. he kuleana nui ko kakou e haha aku ai, elike me ia a kakou i manao ai, o ka mea pono loa ia, me ke kauka’i ole, malalo wale no o na rula paa o kela oihana. Aole loa he kuleana o kekahi kula a’o kauka, e ahewa wale aku ai, a e noma wale aku ai paha i kekahi kula, me ke kaena ana ae, ua ioaa i keia kula a’o kauka, na laau ola no na ano ma’i apau: pela no ma na mea pili hoomana, aole he kuleana o kekahi hoomana, e ahewa wale aku ai no i kekahi mau hoomana okoa aku. a olelo iho paha ka poeiloko o kela hoopana, o ko lakou ka hoomana oiaio loa, a e hahai aku ana kanaka ma ke ane o ka lakou hoomana ana i ke Akua, ame ke ano o ka bepetize ana: no ka mea ua paa loa kuu manao, he mea liilii wale no ka hoomana, aka o ke ano a ke kanaka e hoomana ai, malaila ka mea oi loa aku’o ke ko’iko’i.

            “Ua like loa na pono i haawiia mai i kela ame keia kanaka, kela kuleana e olelo ai. no ka makemake a makemake ole paha e hana i keia ame kela mea, a e lawe aku paha i na ano lapaau apau e hoolalaia ai ke lakou mau ma’i; a e lawe aku paha i ua a’o ana. no ke ola o ko lakou mau uhane.

            “O ko kakou hookikina wale ana aku no i kekahi, mamuli o ko kakou mau manao iho, o ke kau ana i kekahi mau kanawai, e ku e ana i keia pono pilipaa i haawiia hai maluna iho o ke kanaka, ua like no ia me ka hooko ana aku i kekahi hana karaima ko’iko’i loa. Ma ka ana o kou mau maka e ka madame malkai e nana mai nei, ua hiki loa ia’au ke ike aku, ua kulike keia mau mea a’u e hoakaka aku minamina @ me kou noonoo, aole anei pela ka mea oiaio!” a hooki iho la o Kauka Wini i kana kamalio ana, me ka minoaka ma kona @ na.

            “Ua kulike i’o kou mau manao hoakaka apau, me ko’u noonoo, a ke haawi aku nei au i na malalo kiekie ana ia oe e Kanka Wini; a e ae mai ia’u e olelo aku ia oe, aole keia o ka hope loa o ko kaua hui pu ana, aka e loaa he mau manawa lehulehu no kaua e kamailio hou ai maluna o keia kumuhana, no keia mua aku,” i panai aku ai o Mrs. Remona.

 

MOKUNA XX.

 

            Ma ke ahiahi o kela la, i ka huli hoi ana mai o Helena no kona home, mahope o ka hele ana e ike ia dora, no ka mea ua hoi mai kana kaikamahine mai kana huaka’i makaikai mai, ua hala o Keoni Hanafoda.

            Ua maopopo no i ua o Helena, e haalele iho ana o Keoni Hanafoda ma kela la, a hoi aku no kona wahi hou e noho ai, a no kona makemake ole e lilo ke aloha hope ana mawaena ona ame kana kane maa, pela iho la oia i hoolalau ai, ma ka hele ana e ike ia Dora, oiai no nae, ma ke ahiahi aku mamu. i kamailio pu ai no laua no kela kaalele iho o Keoni, a ua haawi aku no oia i kona aloha, a Keoni Hanafoda nae i manao loa ai e ike ana no oia ia Helena ma kekahi la ae.

            No kela haale’e ana iho nae o Keoni Hanafoda i ka home o kana wahine mua, me ka loaa ole he mau kamailio hope ana mawaena o laua. ua kakau okoa oia i kekahi leka na Helena, e waiho ana, a iaia i wehe ae ai i ka wa-hi, ehluhelu iho la oia ia na manao i kakauia maloko elike me keia:

            “E Helena: Aole e hiki ia’u ke haalele iho i kou home nei, me ka loaa ole he mau huaolelo uuku ma ko’u aoao, no ka hoike ana aku imua ou, i ka nui palena ole o ko’u mahalo me na hoomaikai au i hana mai ai no ko’u pono, iloko o ka manawa a’u e waiho ana i ka ma’i. Ua makemake loa au e hoike aku i keia mea ia oe ma ka po nei. eia nae. ua hoolalau wale mai no oe, ahiki i ka puka ole ana aku o na mea iloko o ko’u noonoo.

            “Mamuli o kau mau hana ku i ke aloha oiaio, ame ka makee i ka pono o ka hoa kanaka, pela iho la i loaa ai ia’u ka ikaika ame ke ola, a ia’u i haalele iho ai i kou home, aole wale no i hoi hou mai ka ikaika iloko o ko’u kino elike me na la i hala, aka he kanaka ano hou lou au, ma ka noonoo a ma ka uhane.

            “Ia’u e huli aku nei ihope, oiai no nae, ua papa mai oe ia’u e hoopoina loa i ka mea o ka wa i hala, ua ike maoli iho no au, i ka pololei ame ka oiaio o kau mau olelo a’o apau ia’u, no ka mea, ma ka hoopoina wale ana no i na mea o ka wa i hala, e hiki ai ia’u ke ku aku maluna o ke kahua kulanalana ole, e kau aku ma ka panepoo o ke kaulana ame ka hanohano, a’u no e hooia aku nei imua ou e Helena, aole i makehewa kau mau hooikaika ana, e lilo au i knaaka maikai, i kanaka ano hou, no ka mea, ua kupu ai ka anoano au i lulu ai iloko o’u, a na piha au i keia wa, me na manao uilani o ka iini e hooko aku i na mea apau au i kauoha mai ai.

            “Ua nele au i na huaolelo kupono, e hoakaka aku ai no ka nui o ko’u aie, ia oe, oiai au e noho ana malalo o kau mau kiai ame aku mau malama ana mai, oiai maloko nei o kou home, aole loa au e hoopoina ana ia mau hana maikai iloko o na la apau o ko’u ola ana.

            “Ma ke ano he makuakane au, eia iloko o’u, ka makee, me ke aloha no ka’u keiki, eia nae ua kupono ole paha au e kapaia mai he makuakane, mamuli o ka’u mau hana ku i ka lokoino ia olua; aka nae, i noho oe a loaa he manawa e hoala aku ai iloko o kuu akikamahine i na mea e pili ana i kona makuakane, alaila e hoomanao i ka moolelo o ke keiki uhauha. i hoolilo i ka ai a na puas, i mau meaai nana, ua ike ia i ka ehaeha ame ke ko’iko’i o kana mea i hana ai. a huli hoi aku i ke alo o ko kakou Makua, ma ka lani. Keoni.”

            Ua hiki ole ia Helena ke kaohi aku i kona mau waimaka, i ka pau ana o kana heluhelu ana iho i na manao oloko o ka leka a Keoni Hanafoda, aole nae he mau waimaka no ke aloha i kela kanaka, elike me kela ano kahiko a laua e noho ana he kane a he wahine, aka he mau waimaka, o ka hoomaikai, mamuli o kona ike ana iho, no kana mea i hana aku ai no ko Keoni Hanafoda pono , aole hoi oia i like aku me ke kahunapule ame ka mamo a Levi, i ka ike mai i ka mea iloko o ka pilikia, a kikaha aku la ka hele ana ma kekahi aoao o ke alanui. Ua loaa ka mea i nalowale, ua hanau hou ia o Keoni Hanafoda, a he manaoio ko ua o Helena, e hooko aku ana o Keoni Hanafoda, i na mea apau i hoakakaia aku ai imua ona, e hoea mai ai i kona lilo ana aku i kanaka kahakii kaulana ma ke ao nei.

            Aole ua o Helena i kamailio iki aku ia Dora e pil ana no Keoni Hanafoda, no kona ike, he mea maikai ole no ke kaikamahine, ke lohe aku i ke kulana oiaio maoli o kona makuakane, aka nae, malia paha e hoea mai ana no ka la no laua e halawai pu ai, aole nae ia ma kela ano, o ke kanaka iloko o ka pilikia, ka nele ame ka hune maoli, aka, ua mauaoio loa oia, ua ike o Keoni Hanafoda i ka nopena o kana mau hana, a e hooikaika aku ana oia, e lilo i kanaka maiki, a i kanaka kaulana no hoi. ma keia mua aku.

            Me kela hoomaopopo no nae ua o Helena i ka nui o ka Keoni Hanafoda mau mea i hooiaio aku ai             imua ona, no kona lilo i kanaka maikai, aia no na manao kanalua iloko ona, no ka hooiaio mai o Keoni Hanafoda i na mea apau ana i kakau ai, aia no kona hilinai, ahiki i kona ike maoli ana mai, ua pii ae oia mai na anuu haahaa, ahiki i ka lilo ana i kanaka kaulana.

            O Kekahi kumu no hoi o kona makemake ole e hoike aku imua o Dora e pili ana no kona makuakane, mamuli o kona makemake ole, e loaa aku ka ike ia Alekana ame kona ohana, i kekahi hapa o ko laua nei moolelo, he mea maikai ole loa ia, imua o kekahi ohana hanohano elike me kela, nolaila e aho no ko lakou noho pouliuli ana, ahiki i ka wa e loaa ai ke kaulana ia Keoni Hanafoda, ina no ko lakou lohe ae ma ia manawa, aole he mea e hilahila ai, no ka mea he kulana hanohano a kaulana ko ka makuakane o kana kaikamahine.

            Ua hoomaikai nui na o Helena, no ke kaawale ana o Dora, iloko o kela manawa o ka noho ana o Keoni Hanafoda ma kona hale, ina paha no ka noho kokoke mai no o kela kaikamahine, aole ana e nele kona hele mai e ike i kona makuahine, o ka loaa pono no ia o kona makuakane e waiho ana i ka ma’i.

            He mau la kakaikahi wale no ko Dora o ka huli hoi ana mai, mamua aku o ka haalele ana iho o Keoni Hanafoda i ka hale o Helena, eia nae ua hoi pololei ae no oia ame kana kane, no ko laua home hou, a oiai akahi no a nohoia kela home, nolaila, ua nui maoli ka hana a dora, e hiki ole ai ke hele holoholo, ma kela ame keia wahi; a iaia nae i hele mai ai no ka hame o kona makuahine, he mau la lehulehu mahope mai, ike iho la oia i kekahi mau hoololiloli, i hanaia, aole hoi elike ne kela ano o kela home, ma ko lana manawa e noho pu ana, a oiai o Helena kekahi e nee aku ana no kona home hou, nolaila manao iho la ua o Dora, pela i ano e ae ai ka nanaina o kela home, i hele a kamaaina i kona mau maka.

            E kikoo aku kaua e ka makamaka heluhelu he eiima makahiki mahope mai, aia o Helena maloko o kona home kahi i noho ai, me kona hoomau no i ke a’o ana i kana mau haumana, ma ka hana himeni, aia no hoi oia ke hele la e himeni maloko o na anaina hoohauoli a ka poe hanohano, me ka nui o kona mau hoaloha, e haawi mau mai ana i na mahalo ana iaia nei, mamuli o ke kalena kiekie i loaa iaia.

            No Dora hoi, ua hoopuniia kona ola ana e na haawina pookela o ka hauoli, iaia e noho la ma kona home nani, he kulana wahine u ‘i maoli ko ua kaikamahine nei. elike no me ke kulana hiehie o kona makuahine, a ke nana aku iaia, iwaena o ka pohai o ka poe hanohano, oia kekahi o na wahine opio ano nui loa.

            No Mr. Alekana hoi, kana hunona, ua nana mai kela kanaka ia Helena me n mahalo kiekie ana maluna ona. I kinohi o kona hoolaunaia ana mai me Helena, aia na manao mahalo me ka hoomaikai i ke kulana o keia wahine, aka mahope o kona lohe ana i ko Helena moolelo, ua hooi loa ia ae kona makee no ka makuahine o kana Dora, no ka mea iloko o na kaumaha, na ehaeha, e hakoko ana e lanakila mai na inea mai o keia noho honua ana, ua lanakila oia maluna o ia mau mea apau, a o ka mea oi loa aku o ke pookela, o ia no kona hoohana ana aku i kana kalena iloko ona, ka mea nana i hapai ae, aole iaia wale nom aka i kana kaikamahine kekahi, ahiki i ko laua nanaia ana mai e na mea apau, he mau wahine hanohano.

            He nui no na manawa a Dora ame kana kane, i koi paakiki mai ai ia Helena e hoi aku e noho pu me laua, aole nae o Helena ae iki, me kona olelo okoa ana aku, ua hala no la o kona noho ana he makuehine, i ka manawa uuku o kana kaikamahine, aka e hoomau aku ana no oia i kela ano o kona ola ana, e hana ana nona iho, a e komo ana iloko o na hana hoohauoli, m ka lilo ana i mea nana e himeni na anaina o ka poe waiwai.

            He mea oiaio, aia maluna o Helena ke kaunui ana mai a ka poe hanohano, oo ka mea ua umeia aku ko lakou manao hoohihi nona mamuli o ke kahi o kona leo i ka himeni, me ka hiehie pu no hoi o kona kulana, ina no ko ia nei ae aku i ke kono a kana mau keiki, alaila e pau ana kona maalo hou ana aku imua o kela mau anaina, no ka mea ua hiki loa i kana mau keiki, ke hoolako mai i kona mau makemake apau. Iloko o kela mau makahiki elima, aole he hookahi manawa a Helena i ike hou ai ia Keoni Hanafoda, ua hooko o Keoni i kana hoohiki i haawi aku ai iaia, aole oia hoopilikia hou mai ana i ua o Helena ma kekahi ano, eia nae mai ia Mrs. Remona oia lohe mai ai, i ka nui o ka Keoni hana, me ka nui o kona laki, ma kana hana. e piha mau ana kona keena i na la apau i ka poe aku ona, e hanaia mai i mau kii na lakou.

            He mau mahina mahope iho o kela haalele ana mai a Keoni Hanafoda i ka home o Helena, hoouna mai la oia i kekahi kikoo dala, me ka hoakaka pokole ana mai ia Helena, he uku ia, no kona uoho ana malalo o ka malama ana a Helena, me kona haawi pu ana mai hoi i na hoomaikai ia Mrs. Hadina, no ka mahele o kana hana, o ka makaala ana aku no kona pono.

            I ka loaa nui ana o ka Keoni Hanafoda dala, mai kana hana kahakii mai, ua uku aku la oia ia Kauka Wini, no ka lapaau ana iaia, alaila hoouna pu mai la i ke kii pena a ke kauka o ke kauoha ana aku, me ka ae ole o Keoni Hanafoda e lawe i hookahi keneka, aka hoouna mai la oia i ka bila i kakauinoaia eia, ma ka manawa hookahi i hoounaia aku ai ke kii, me kona hoakaka pu ana aku i ke kauka. aole i lawa, kela mau mea ana i hana mai ai, no ka ke kauka mea i hana aku ai, ma ka hoopakele ana ae i kona.

            Ia Mrs. Remona hoi, ua hoouna aku no o Keoni Hanafoda i kekahi makana na kela wahine, a ma na mauawa apau a Helena e hele aku ai no ka home o Mrs. Remona, a nana i k ekii a Keoni Hanafoda i hana ai, he he mea la, ma kona koho maoli iho no iloko o kona noonoo, o kela ka helu ekahi o ke kii maikai loa i hauaia mai ka hulu penakii mai a Keoni.

            Me kela noho no nae o Keoni Hanafoda ma Nu Ioka, me ka holopono loa o kana oihana, ua nalowale honua ino la oia, me ka maopopo o e o kana wahi i hele aku ai, aole hoi i hoike mai i kona mau hoaloha, no kona nee hou aku i wahi okoa nona e noho hana ai.

            He manawa loihi nae mahope mai, ike iho la o Helena maloko o na nupepa o Ladana ame Parisa, e hoakaka ana no kekahi kanaka kahakii kaulana, ma ka inoa o Hanafoda, ua lilo kela nuhou i mea hoohauoli loa aku i ko Helena manao, no ka mea he elua makahiki mamua aku, aole ona lohe i kekahi mea e pili ana no Keoni Hanafoda, eia ka auanei, ua hala aku oia no na aina mamao, no ka huli ana i kona kaulana ma kana hana kahakii; oiai nae, ua hopohopo mau oia, no ka hoi hou o Keoni i kela ano kahiko ona, o ia no ka hele ana iloko o na hana lealea. mamuli o ka ike iho. ua loaa nui mai ke dala iaia, eia ka auanei, he okoa loa ka mea a kela kanaka e hana la.

            Ma kekahi ahiahi nae iliko o ka mahina o Dekemaba, ua loaa mai la he kona ia Helena, no ka hele ana aku me kona mau hoaloha no ka paina ahiahi, nolaila komo iho la oia i kona lole i kupono  no kela anaina, oiai no nae oia e komo ana i kona lole, kani ana no ka helemamua o ka lanai o koua hale, a iaia i oili mai ai iwaho, no ka nana ana i ka mea nana i hookaui aku i ka hele, aia hoi e ku aku ana kekahi keike elele, a e paa ana iloko o kona lima, he wahi puolo, a mahope o kona kakauinoa ana aku i ka likiliki, a haawi mai la i ka elele. nana iho la oia i ka ukana maloko o kela puolo, o ka mea nana i hookahaha loa aku i kona noonoo, o ia no kona ike ana iho i kekahi buke banako, ame kekahi buke kikoo dala, aia pu hoi kekahi leka maloko o kela puolo, a ma ke ano o ka limakakau, ike koke iho la no oia me ka hoohewahewa ole o Keoni Hanafoda ka mea nana i hoouna aku i kela mau buke banako iaia.

            Me na lima haalulu, i wehe ae ai oia i ka leka, a hoomaka iho ia e heluhelu, a o keia na manao ano nui maloko o ua leka nei:

            “E Helena:--E ike iho ana oe i keia mau buke elua, na laua no e hoike ae no laua iho, aka nae no ka hoomalamalama ana aku ia oe i kekahi mea, ua hookomo aku au maloko o ka banako ma Nu Ioka, i ka huina o umi kumamalima kaukani dala ma kou inoa. Ina e waiho malie ia ana he elima kaukani dala, no ka ohi ana mai i ka ukupanee o elima keneka no ke dala iloko o ka makahiki, alaila i ka piha ana o na makahiki he umi-kumamalima ma keia hope aku, e hoea aku ana ka huina ma kahi o ka 15 kaukani dala, ua like ia me umi kaukani dala hou ae mawaho o kela elima kaukani dala mua.

            “He mea makehewa wale no ko’u hoi hou ana aku ihope a hoa kaka aku i na mea o ka wa i hala, koe wale no nae keia, ua hookaawale wu i keia mau dala na Dora; ina i manao oe he mea maikai ka haawi ana aku iaia, me kou hoakaka pu aku i ko ano i loaa mai ai, e hana aku oe pela; aka hoi, in ua manao oe, aole ia he mea maikai, mamuli o ka hoalaia ana mai o na mea o ka wa i hala, alaila e malama aku no oe ia mau dala ma kou inoa, a hoohana aku elike me kau i ike ai he pono.

            “O oe maoli no ka mea kuleana i kela mau dala apau, ua hookaawale ae nae oe na Dora; a no ko’u ike i ka hewa o ka’u mea i hana ai, pela au i hookomo aku ai i kela huina dala maloko o ka banako, i hoike oiaio, no ko’u hoomaopopo ana i ka mea pono a’u e hana aku ai, elike me ke kuhikuhi ana a ko’u luuaikehala.

            “Ua holomua loa au ma ka’u oihana, a oi aku mamua o ka mea a’u i manao ai No ka makahiki hookahi, mahope o ko’u haalele ana aku i ke kulanakauhale o Nu Ioka, ua holo aku au no Parisa, me ka imi hou ana, i ka ike o ka’u oihana malalo o kuu kumu ka hiko, me ka hooikaika pu no hoi i ka hana iloko o kela mauawa hoo kahi. Ua nui maoli na kauoha i loaa mai ia’u, a ua pii ae hoi ko’u kaulana ma na wahi apau.

            “Eia au maloko nei o ke kulanakauhale o Nu Ioka, malalo o kekahi hana ano nui, a iloko o na pule kakaikahi wale no i koe, e huli hoi hou aku ai au no Parisa. E ae mai ana anei oe e Helena e hele hou aku au e ike ia oe, no ka hoomaopop ana, ina paha e ae mai ana o Dora kuu kaikkamahine, e ike i kona makuakane. E pane mai oe i keia leka, a e hoouna ae ma ka Hokele Ekoa, Keoni Hanafoda.”

            Ua piha maoli o Helena me na manao ilihia, iaia i heluhelu ai i na manao o kela leka a kana kane mua, me kona ike maopopo ana, i ko Keoni manao maoli, o ia no ka hoihoi hou ana mai i na dala apau ana i lawa ai ma ke ano aihue, mai ka banako aku: nolaila hooholo iho la oia, e hana aku i na mea apau e kokua ai ia Keoni, no kona kaulana.

            He hookahi nae aha mea i hiki pono ole ke hoolo, o ia no kela noi a Keoni iaia, e ae aku, e hele mai e hui hou laua, a e loaa hoi he manawa nona e hui pu ai me kana kaikamahine, no ka mea ua hele ke aloha o ka makua a nui no kana keiki. Ua hopohopo o Helena, ina oia e hoakaka aku ana no ka hoihoi hou ia ana mai o na dala ana i pau ai i kona makuakane i ka uhauahia, alaila aole ana e nele ko Dora noke mai i ka niele i kekahi mahele o ko Keoni Hanafoda moolelo, ahiki i ke kuekaa hou ia ana o na mea o ka wa i hala, malia he mea ia e hookauia aku ai na haawiua hookaumaha maluna o kana kaikamahine.

            He oiaio, aole i maopopo iki ia Dora ka hoea ana aku o kona makuakane iloko o ka nele ame ka hune imua o kona makuahine, pela hoi ke kaa ana aku o ka malama ana iaia malalo o Helena, no ka mea aole he hookahi manawa a Helena i hoala mai ai i na kamailio ana e pili ana no Keoni Hanafoda.

            Iloko o keia mau makahiki loihi, ua holomua maoli o Mr. Alekana ma kana mau hana apau e lawelawe ana, a hoi iho no hoi, he makuakane waiwai kona, nolaila oia kekahi o na kanaka kuonoono, e ike ole ai o dora ia mea he nele, e lilo ole ai kela mau dala a Keoni Hanafoda o ka hookomo ana maloko o ka banako i mea nana e makee wale mai ai, aka nae no ka hooluolu ana aku i ka manao o kona makuakane, he mea pono no ia Helena ke haawi aku na kana kaikamahine, a he hana pono no hoi na Dora ka lawe ana aku ia mau dala, ma ke ano he makana, aole no kona nele, aka i hoomamaia aku ai ka manao kaumaha o kona makuakane, no kana mea i hana hewa loa mai ai i kana keiki ponoi.

            Ke noonoo nui la nae o Helena i ka mea pono ana e hana aku ai. ina paha he mea maikai kona hoike ana aku ia dora no Keoni Hanafoda, aole paha. Ma kekahi aoao ke nana ae, ua hooko maoli o Keoni Hanafoda i kana mau mea apau i hoohiki mai ai imua ona, e lilo i kanaka maikai, a e pii aku ma na anuu o ke kaulana ame ka hanohano; ma ke ano o kana leka, aia maoli no iloko ona, na manao makee e hoomau aku i kela mau ano maikai iloko ona, e haaheo ai kekahi kiakamahine, ke ike mai iaia, a e kapa mai hoi he makuakane nona.

            Noonoo ae la no hoi oia ma kekahi aoao, ua wahine makua maoli o Dora, ua hiki iaia ke hooholo nona iho. ina he makemake kona i ike i kona makuakane aole paha, oia ponoi no ka mea nana e haawi mai i ka pane no kela ninau, nolaila hooholo iho la ua o Helena, he mea maikai nona ka hele ana aku e hui pu me kana kaikamahine, a hoike aku i na mea a kona makuakane i makemake mai ai.

            Alawa aku la oia i. ka uwaki maluna o ke pakuakau, o ka hora eha ia o ke ahiahi, a ma ka hora eono kela paina i konoia mai ai oia, nolaila e hoea mua mai ana o dora no kona home, no ka hoonanea ana ahiki i ke kii ana mai o Mr. Alekana ia laua. alaila i hookahi ko lakou hele like ana aku no kela paina, ma ia ahiahi.

            E noonoo ana no nae ua o Helena, no ka hoea mai o Dora, alaila kamailio aku oia e pili ana i koua makuakane, kani ana no ka bele mamua o kona hale, ia wa i kauoha aku ai oia i kana kaikamahine lawelawe e hele e nana, ina paha o dora ka i hoea mai la.

            I kela hala ana aku o ke kaikamahine, komo ae la oia maloko o kona rumi moe. no ka hoopaa ana ae i kna lei gula ma kona a i. no kona manao, aole he manawa hou aku nona e hoomakaukau ai, ina nei no ka hiki mai o kana kaimahine, oiai no nae oia e hoopaa ana i kela lei, lohe mai la i ke pahunahu aku o na kapuai wawae. a no kona manao o dora paha kela, oili koke mai la oia iwaho, me ka nanaina hauoli, no ka halawai ana me kana kaikamahine, o ka mea kupaianaha nae, aole o Dora kana mea i ike mai, aka o Keoni Hanafoda.

            O kela hoihoi ma kona mau maka, ka minoaka ma kona mau papalina, ame kona mau lima, i makaukau loa e puili mai i kana kaikamahine iloko o kona houpo, ua loli ano e ae la ia mau mea apau, a nohoalii iho la ke kaumaha ame ka hoka maluna ona, me kona kuemi ana mai ihope, a hooho ae la i keia mau olelo o ka piha kahaha:

 

MOKUNA XXI.

 

            “Ae, owau no keia, aole e hiki ia’u ke kakali loihi, pela iho la au i hele kino maoli mai la no e hui pu me oe e Helena. Ina ua hana hewa loa ak uau ia oe, e kala mai. he manao no hoi kekahi a’u o ka hele maoli ana mai la, e hui pu kaua,” wahi a Keoni Hanafoda me ka ike ana aku i ka puolo ana i hoouna mai ai ia Helena, e waiho mai ana maluna o ke pakaukau.

            “Heaha hou ae ia mea au i makemake ia e ike ia’u e Keoni?” wahi a Helena me ka mau no o kela ano maikai ole iloko ona, no ka hoea ana mai o kana kane mua. Me ka maopopo ole iaia.

            “I hele mai la au no ka uwalo ana aku imu ou, e hoopoina kaua i na mea o ka wa i hala; a e huikala mai oe ia’u, no ka’u mau mea apau i hana hewa loa aku ai ia oe, a e ae mai oe owau ka mea nana e malama aku ia oe ma keia hope aku,” i hoomau hou aku ai no o Keoni Hanafoda i kana kamailio ana me ka leo haalulu.

 

He Moolelo no

 

KEAKA TAZANA

 

Ka Weli o no Ululaau Mehamaha o Aferika a o ka Hoaloha o na Holoholona Ahiu

 

            Aia hoi mahope pono aku, he mamao no nae, mai ka liona aku. e noho ana maluna o ke kumulaau o Koraka, oia ka i honi mai i ka hohono kanaka, ame ka hohono o ka liona, aia hoi malalo pono o ke kumulaau, kona hoahlel oloko o ka ululaau, he elepani nui o ke kulana pilikua. Ala ae la l Koraka mai kona wahi mai e hiamoe ana. me ke lele ana mai a kau iluna o ke kua o ka elepani, alaila hawana wana aku la ma ka pepeiao. me he mea ia, e haawi aku ana i kekahi kauoha, ia wa i ponana ae ai ka ihu o ka olepani iluna, me ka hauu hele ana ma kahi e pa mai ana o ka makahi, a no ka ina o ka mauawa. i hawanawana hou aku ai o Koraka ma ka Pepeaio o ka elepani, o ka hoomaka aku la no ia o ua elepani nei e he’e imua, ma kahi a Koraka i kuhikuhi aku ai, ana i koni aku ai i ka hohono o ka liona.

            Aia o Morikona ma ke ku malie la i kahi hookahi me ko imua poke ana i ke kamailio, oiai hoi ka liona e kakali mai ana me ka piha loa i ka nauki, no ka hele hou ole aku o kana mau pio imua ona, ke wili loa hoi kona huelo, me ke aki ana o kona ku’i, oiai ka haae e kahe ana ma kona waha i kau a mea o ka hele a ono i ka i’o kanaka.

            Aia ka poino ua kokoke loa mai ia laua nei, aole nae o laua noonoo ae no ia poino, ke noke la no ka Mea Hanohano Morikona i ke kamailio ia Miriama, me ke pahele ana i ka noonoo o kela kaikamahine, elike me ke akamia apau i loaa iaia, i wahi no ua kuikamahine nei e ae aku ai e lilo i wahine nana.

            Ua pili loa ko laua mau lio i kahi hookahi. me ka hopu oloa ana mai o Morikona, i kekahi lima o miriama, oiai hoi oia e luai mai ana i na huaolelo no ka nui o kona aloho, i kela kaikamahine he hookahi hana a Miriama, o ka hoolohe malie.

            “E hoi pu mai oe me a’u no Ladana, ua hiki loa ia’u ke huli i kekahi alakai kupono nana e lawe ia kaua a hoea no Ladana, me ka maalahi loa.”

            “Heahea iho la ko kaua kumu e hoi ai no Ladana, me he mea la, he holo mahuka maoli ko kaua ano? Aole o’u manao, e ku-e mai ana kuu mau makua hanai no ko kaua mareia imua o ko laua alo, he hoi ana aku hoi paha ia. aohe mea e hopohopo iho ai o ka manao, ua kuleana maoli oe maluna o’u. pela hoi au ia oe,” wahi a Miriama, me kona makemake ole i ke koi mai o kela kanaka e holo malu laua.

            “He hana paakiki loa na’u ka mare koke ana aku ia oe i keia manawa, he nui na mea e pono ai ke hoolalaia, mamua o ko’u mare ana. No’u iho, aole e hiki ke kakali hou iho, na hiki loa ia kaua ke hoi no Ladana i keia po. Ina ua aloha ae ia’u, elke me ko’u aloha ia oe, ua lawa iho la ia. E hoomanao no hoi oe i ke ana o na mapu, au i kamaaina ai, aole a laku noonoo ana, no ia mea he mare. ina no ua aloha kekahi i kekahi, o ko laua noho pu ae la no ia. Ina i hoomau loa aku kou noho ana me na mapu, e lilo ana oe i wahine na kekahi o lakou me kou mare ole. pela hoi au e koi aku nei, e lilo mai oe i kokoolua no’u, me ka ana ole ia mea he mare, he hookahi mea nui iloko o ko kaua noonoo, o ia no ke aloha o kekahi i kekahi.”

            “Ina he aloha i’o kou ia’u, alaila e mare mai anei oe ia’u. ke hoea aku kaua i Ladana?”

            “Ke hoohiki aku nei au imua ou, ke hoea kaua ilaila, alaila hoohui koke ia kaua iloko o ka mare.”

            “Ina pela, ke ae aku nei au e hele pu me oe,” wahi a Miriama, alaila i hou aku la: “Aole he maopopo ! ia’u, ina paha he hana pono ko’u ae ana aku hele pu me ona o ka ike ole mai o kuu mau makua hanai,” alaila hilianai aku la no o Miriama iluna ka ima o Morikona, me ke kulou pu ana aku imua, no ka honi ana mai o Morikona iaia.

            Iloko o kela manawa a laua nei e lulumi la. o ka wa hookahi no ia i oili n ai ai ka ihu o ka elepani mailoko mai o ka ululaaau, a iko pono mai ia o Koraka mailuna mai o ke kua o ka elepani, i ka puliki o Morikona, i ke kaikamahine opio, aole nae e hiki i ua o Koraka ke ike mai o Miriama kela, no ka mea he iole ko Miriama e komo ana, a o kekahi no hoi, aole oia i ike ami i kuna helehelena.

            Aohe wahi mea a lohe aku o laua nei i ke nakeke mai o ka lala laau, aka o ka liona nae ka i ike mai i kela oili ana mai o ka elepani, a no kona minamina loa, o ike mai auanei kana mau pio i ka elepani a hoomaka e holo, o ke ku ae la no ia o ka liona iluna, a kuwo ae la me ka leo nui, me ka hoomaka koke ana mai e holo imua, elike me ka mama apau i loaa iaia, aia ka pono o ka loaa aku o kekahi mea e kau ana maluna o na lio.

            I kela lohe ana aku no o Morikona i ka leo kuwo o ka liona, hookuu koke aku la oia i kana paa ana ia Miriama, naka ae la hoi kona kino me ka haalulu, no ka mea, aia mamua pono aku o laua. ike aku la oia i ka liona e holo pololei mai ana, nolaila me kona nana ole ae no ka palekana o Miriama, a i ole, lalau iho paha i kana pu, o ka hoohuli ae la no ia i ke poo o kona lio, pa hu ne la i ke kui kepa ma ka aoao, nana aku oe la, pua ka uwahi i ka mohio, i ua kauaka hanohano nei; aia no hoi ko Miriama lio mahope koke aku kahi i hookolo aku ai.

            Ike pono loa mai la o Koraki i ke alualu o ka liona i kela mau mea, aole ona manao e komo hokai wale mai i ka hana a ka liona, no ka mea ua ike oia, he enemi wale no nona na kanaka ili keokeo apau, aka nae no ka pono wale no o ka wahine opio e holo la mahope o kona hoa, kauoha iho ia oia i kona elepani, e wikiwiki aku kona hele ana imua, a iloko no hoi o ia mauawa hokahi, i hemo ae ai kana laau ihe nui a paa ana iloko o kona lima, no ke kiola ana mai maluna o ka liona.

            Ke hookokoke loa aku la ka liona i ka lio o Miriama e holo ia, la oka nae i ke kaa pono ana aku o ke lio malalo o ke kamulaau. o ka wa no ia i lele aku aika liona maluna o ka lio. Me kona manao paa ana iaia ke kaikamahine, ua kuhihewa loa nae ia noonoo ana o ka liona pela, no ka mea ua lele e aku la o Miriama mailuna aku o ke kua o kona lio, a paa aku la kona lima i kekahi  lala laau nui, me ke komo pono ana mai o ka ihe a Koraka, ma ke kua o ka liona, uwoki oe e nui ana ka waha i ka hamama.

            No kela napoo ana aku o ka ihe iloko o kona kua. ua haalele aku la ka liona i ka lio, a oiai ua mama loa ae la kona kua, aohe ana mea e lawe ai, ua hoomaka aku la ka lio o Miriama e holo me ka mama apau i loaa iaia, no kahi o ka palekana, aia hoi ka liona ke noke la i ke pakaawili i o a ia nei, i wahi e hemo ae ai ka iho, iaia nae i ike iho ai, he hana paakiki loa ia. hoomau hou aku la i ke aluaiu ana, aia ka pono o ka loaa aku iaia o kekahi mea nana e aiai ma kela po.

            I ka hala ana aku o ka liona. haawi iho la o Koraka i ke kau oha i ka elepani, e hookokoke aku laua ma ka’e o ka ululana, aole oia i makemake e ikeia mai e kekahi mea, aka maloko no laua o ka ululaau e noho aku ia nana i ka hopena o ka huaka’i a ka liona.

            Aohe no hoi he wa a hoea aku o Hanakona, no kahi o ka ulu laau, lohe ana no oia i ke kuwo o ka liona. A he mau minuke mahope iho, oili ana no ka Mea Hanohano Morikona, me ke kuupau ana i ka holo o kona lio, me ka noonoo ole ae, he hoa kekahi ona o ka hele ana mai i ka holoholo ma kela po, he hookahi mea nui iloko o kona noonoo, o ia no ka palekana o kona ola.

            Ma ka Hanakona nana aku, ua moe o Morikona iluna o ka lio, aia hoi kona mau wawae ke noke la i ka pekupeka me ka ik ika i kona mau kui ke pa ma ka aoao o ka lio, o ia no oe o kekahi kahaka, i pakele mahunehune mai kona ola, a he mau sekona helu mahope mai, oili aku la ka lua o ka lio, aole he kanaka maluna ona.

            He hookahi manao iloko o Hanakoua, ua paa o Miriama i ka liona, a pii mai la kona hoonaukiuki ia Morikona, no kona nana maka i ke kaikamahine opio, notaila hemo ae la kana pu raifela a paa iloko o kona lima, me kona manao, e holo mai imua, ina he mea hiki iaia ke hoopakele ae i ke ola o Miriama, mai ka haehaeia ana e ka liona, iloko nae o keia manawa hookahi i ike mai ai oia i ka liona, i ka oili ana aku iwaho o kahi malaelae@ e alualu ana mahope o ka lio o Miriama.

            Ke ku malie la o Hanakona, me kona pohihihi loa, i ke kumu o ko Miriama nalowale ana, he hookahi nae mea maopopo loa, ina ua loaa kela kaikamahine i ka liona, aole ana keia holoholona i haalele i kana pio, a alualu mai mahope o ka lio, nolaila me kona hoohakalia hou ole iho, kau ae ia oia i kana pu raifela iluna a hoomaka aku la e ki i ka liona, a oiai he kanaka akamai loa oia i ke ki pu, ua loaa pono aku la ua liona nei i ka poka ma ka punwai. he lele ana ae iluna kana mea o ka ike ana aku, ia haule ana iho ilalo, o ka make loa no ia.

            Aohe a Hanakona nana aku no kela liona, aka hoomau aku la kona holo ana iloko o ka ululaau, me ka noke ana i ke kahea ia Miriama, a ia wa i lohe aku ai oia i ka pane ana mai he leo mailuna mai o ke kumulaau, i ka i ana:

            “Eia au iluna nei o ke kumulaau. Ua make anei kela liona ia oe?” wahi a Miriama, me kona hoomaopopo ana mai i ka mea nona ka leo e ninau aku nei iaia.

            “Ae, ua make ka liona, aole he pilikia i koe. dHe mea nae keia e a’o mai ana ia oe. aole he mea maikai ka hele ana iloko o ka ululaau i ka wa peeleele, ua hala aku la ka poino, e iho mai ilalo nei.

            Iho mai la o Miriama ilalo, a loaa o Hanakona, kau palua ae la laua maluna o ka lio o Hanakona, a hoi aku la, a i ka hoea ana aku no ke kula palahalaha, ike aku la laua ia Morikona, e holo hou mai ana ihope, no ka huli ana ia Miriama, a iaia i ike mai ai. na palekana ke kaikamahine opio, a e kau pu aku ana hoi me Hana