Ka Nupepa Kuokoa, Volume LVIII, Number 16, 16 April 1920 — HE HOALOHALOHA. [ARTICLE]

HE HOALOHALOHA.

Ia Mr. ame Mrs. C. Pawai:—Oiai o ka olua mau kaikamahine aloha, Mrs. Kaipeka Pawai Kelekolio i'make i Maraki .T; Mrs. Ane PaWai Kamekona i Maraki 4; Miss Esth£r Keluia Pawai i Maraki 8; Mr. Kahalelepo i Mar. āV lie kupunakane, e na makua aloha e, manaonao Wale hoi keia haawina luuluu i kau iho maluna o olua. Ua haaheo o Hale o KeaWe i na pōhaku i hoonohono'hoHmaia e na makaainana o ke au i hala, :ka puuhonua e pakele ai ka mea i'o e holo ana a konio ilaila. Ua hauoli hoi ka Ekalesia o Pukaana, me kona Kula Sabati i na pohaku i 'hoonohonohoia i wahi e hoonani ia ai ka inoa o ko kakou Makua Lani, eia nae, leiiia mai la e na lima menemen£ ole o ka make, a wawahiia ae la, a ko ae la ka olelo pookela a ka lunaolelo. Ina i wawa'hiia ko makou hale kino lepo o ka halelewa nei, e loaa auanei ia makou ka'hale, na ke Akua, he hale i hana ole ia e np lima, ua mau loa iloko o ka lani. E na makua aloha, o ka olua mau kaikamahine, ame ko olua makuakaoe, he mau hoahanau, a he % mau haumana Kula Sabati pu no ka Ekalesia o Pukaana nei. - ke komo pu aku nei makou na lioapaahana, e auamo i na ehaeka ame na kaumaha i kau iho maluna 0 olua ame ka ohana pu, a ke pule nei makou i ka Makua Lani, Nana no e hoomah® mai i na haawina luuluu i kau iho maluna o oukou. Hooholoia, e hoouna i keia 'hoalohaleha i ka Nupepa Kuokoa ame ka ohana. O makou iho no ma o ko makou mau komite la. 1 PILIPO HAAE, OBED M. KEKUEWA, JOHN KEALA, Hookena, Apenla 5, 1920.