Ka Nupepa Kuokoa, Volume LVIII, Number 20, 30 April 1920 — HE PUOLO WAIMAKA ALOHA NO KUU KANE LUI KAUHI POKA. [ARTICLE+ILLUSTRATION]

HE PUOLO WAIMAKA ALOHA NO KUU KANE LUI KAUHI POKA.

Mr. Solmon Hanohano, Aloha oe:— E oluolu mai kou lokomaikai no'u hoi kahi rumi o ka kaua wahaolelo, no ka'u wahi puolo waimaka e kau ae la maluna, i ike mai ai na kini makamaka ame ka ohana a kuu kane, e noho ana mai ka la ma Kumukahi, a ka welo ana a ka la i Lehua. Auwe, lihaliha wale. Me ka naau luuluu au e kakau nei no kuu hoapili he kane; ua haalele mai kuu kane ia'u ma ke kakahiaka pouiponi o ka la 15 o Maraki a niau palanehe'aku la ka uhane o kuu mea aloha he kane, a waiho iho la i ka ukana luuluu na'u e auamo aku ma keia ao mauleule. Ua' hanauia kuu kane aloha ma Puna, Hawaii, mai ka puhaka mai o -Lahapa (w) ame Poka (k) i ka 11 o lulai, 1870; ua piha iaia na makahiki he 49 me 8 mahina o kona hanu ana i na ea oluolu ame ka auamo ana i na kaumaha. Ua loihi na la o ka hoomailo ana a ka ma'i, maluna o kona kino. Ua hoohuiia maua ma ka berita maemae, i ka makahiki 1890, ua piha ia maua na makahiki he 30 o ka noho ana iloko 0 ke apo o ke aloha ame ka lokahi. He kanaka oluolu, he heahea, hookipa i ka poe apau e kipa mai ana, he makua no ka lehulehu apau, he aloha 1 na mea apau, ua »waiho iho oia he kiahoom&nao na'u mahope nei nona, aole ana leo pane, ua lilp au ka wahine ame ka ohana, he iwa nui iaia. Pehea la ka huhu iloko ona ua hana niaikaiia eia ka poe apau. Ua noho hana kuu kane malalo o ka Hui IrOn WorHs no he 30, malalo o ia hana a, waiho iho la ma keia ao, nolaila ke haawi aku nei au i ka'u hoomalkai i ka poe apau i lawe m'ai i na makāna puā, a lu iho maluna o kuu kane, pela ka poe i ku kiai oia hoi ka Ahahui Poola (w) ame kane, ame ka Hui Uniona, pela pu no hoi me ka Ahahui Kalepa Wahine'Hawaii, o ka makeke, no ko oukou haawi ana mak i ka oukou hipuu a ke aloha, no ko oukou papa aloha. Ke mahalo aku nei au no ko oukou ukali ana no kona huakai hope loa, no ka hale lua, a ke plile ae nei au i ke Akua, nana no ekaumai na hoopomaikai ana maluna o kakou apauAKana no e hoomama mai i ko 'u naau 4wiluu a malu'na ou ko 'u hooilina pauole e ka lunahooponopoho ame kou mau keiki o ka papapa'i o kou keena. O wau iho no ka wahine kanemake. MRS. HELELOA POKA, Me ka Ohana.

KAUHI POKA