Ka Nupepa Kuokoa, Volume LVIII, Number 20, 30 April 1920 — KUU OLIVER HOOHULI PAAHAO UA HALA. [ARTICLE]

KUU OLIVER HOOHULI PAAHAO UA HALA.

Mr. Lunahooponopono o ka Nupepa Kuokoa, Welina pu kaua: —E oluolu oe no 'u kekahi mau kolamu kaawale o kau wahaolelo no ke poomanao e kau ae la maluna, a nau ia e panee aku imua o na makamaka, na hoaloha ame ka ohana holookoa o kuu kane e noho ana ma ka la hiki ma Kumukahi ahiki aku i Lehua i ka palena o na moku. Ma ka hor a 22:30 o ka po Poalua, a ao ae Poakolu, Maraki 24, 1920, i pauaho mai ai o Oliver Hoohuli Paahao i keia ola ana, a hele aku la oia i ke ala* hele o ka make mau loa, ke alahele hoi o na mea apau. Ua hoohuiia maua me *uu kane aloha, ma berita maemae o ka mare; ma ka la 12 o Dekemaba, 1883; nolaila ua piha ia maua na makahiki he 37 me 4 mahina o ko maua noho pu ana iloko o ka berita maemae o ka mare, a hala wale aku la oia. He kanaka piha lokomaikai oia, he heahea a he hookipa i ka poe apau e kipa mai ana i ko maua home nei, a ma kekahi olelo ana ae, he makua oia no ka lehulehu ma na ano apau. Ua -hanauia kuu kane aloha ma Ahuli, Kehena, Kohal a Akau, Hawaii, ma ka la 8 o iFeberuari, 1859, mai ka puhaka mai o Paahao (k) ame Kipikane t (w), nolaila ua piha i kuu kane na makahiki he 61, me hookahi mahina o ke ola ana ma keia ao mauleule, a hala wale aku la oia a haalele ih6 la oia ia 'u e noho hookahi-me na keiki a maua ma keia ao. Auwe kuu aloha pau ole i kuu kane e! He kupa ahe kamaaina kuu kane no ka makani apāapaa o Kohala; ua piliia e maua me kuu kane mai ka la ikiiki o Hawi, ahiki aku i ka ua pehi pua hinano o Niulii, a hoea lo a aku i ka wai hu 'i konikoni o Keawewai. 'He kanaka ohana nui kuu kane, a aia no ma Kohala ka hapanui o kona ohana kahi i noho ai, a he kanaka ikaika oia i ka imi ana i na inea apau e pono ai kona ohana, a he makaala no hoi ma kana mau hana e manao ai e hana he hoomanawanui me ke kunukunu ole, aohe ona lua e like ai, a mailoko mai o ko maua mau puhaka, i Oili mai ai na keiki ohaha, he 13, o ia hoi ewalu keikikane, a he elima kaikamahine, ua lawe mua aku ka make he eono, a koe iho ehiku e ola pu nei me a'u me ka wahine i hooneleia i ka makua, a ko i'ho la ka mea i palapalaia ma ka Baibala Hemolele, o ia hoi he mahu ke ola o ke kanaka i pu-a ae a nalo aku, aka e koomaikaiia no ke Akua ma na lani kiekie toa he malu kona ma ka honua nei, & he aloha hoi i na keiki a kanaka, oiai nana no i haawi mai a 'nana no i lawe aku. Nolaila, me keia mau wahi kanaenae pokole, ke hooki nei au me ke aloha pau ole no kuu kane hele loa, a ke haawi pu aku nei no hoi au i ka'u hoomaikai i ka poe apau i hele mai e ike i kuu kane aīne ka poe i kokua mai ia'u i ka hana ana i ka halelua o kuu kane, a ke haawi pu aku nei au i ka'u hoomaikai i ka Lunahooponopono o ka Nupepa Kuokoa ame na keiki hoonohohua. kepau ko'u mahalo. Owau iho no me ka luuluu a kaumaha no kuu kane hele loa. MES. PUA HOOHULI, Ame na keiki i hooneleia i ka makua. Honauoau, S. Kona, Apr. 7, 1920.