Ka Nupepa Kuokoa, Volume LVIII, Number 18, 7 May 1920 — Page 5

 

EKa Nupepa Kuokoa

KE KILOHANA POOKELA NO KA LAHUI HAWAII.

 

--------------------------------------------------------------------------------------------------------------------------------------------------------

He Moolelo no

KEAKA TAZANA

Ka weli o na ululaau mahameha o Aferika

u o ka Hoaloha o na Holoholona Ahiu

 

            @ @@@a h@ea ana aku o Koraka poloko o ka halelole o ka @@@ a oiai hoi oia o @ waiho ana ilalo o ka honua, aia wale no @@@aana ana mai a ka moi maluna on a no kekahi manawa @@@i me ka noonoo ana i kekahi hoopa'i kupono loa e hoo@@ mai kona malu aku, no ka elua o ka manawa.

            @@le i lilo ka make ana aku o on a kaikuaana i mea @@na e huhu ai i keia kanaka ili keokeo, no ka mea aole no @@a hoihoi kela kaikuaana, aka no kela pakele hou ana o @iriama mai iaia aku, a no kela puupuu a Kraka o ke ku'i @@@ aku, ua lawa ia, no ka panai ana aku i ka ino no ka ino. He hana maalahi loa nana ka hookau koke ana mai i ka @@@a makemake. aka o ka lohi o kona make ana, me ka @@ pu i ka ehaeha.

            Oiai nae o Koraka e waiho malie la. lohe aku la oia i ka @@@@ia. o kona hoaloha elepani paha kela, nolaila haawi ae @@@@a i kekahi hoailona, ma ka  hokio ana ae, ua pa'iina mai la nae kona waha e kekahi o na kiai, aka aole loa he hookahi iwaena o kela poe i maopopo i ka manao o kela leo @@@@@.Ua lohe ka elepani i ka hokio o kona hoaloha. ku malie @@ la oia i kahi hookahi, me ja hele ana mai nae a pili mawaho o ka pa. Hoao mai la oia e kula'i i ka pa, aohe wahi mea a onioni ae, no ka mea ua hanaia me ka paa loa kona ihu nae. ka i hoopinana mai iluna, no ka hanuhanu @@@. in a paha aia kona hoaloha iloko kahi i noho ai he pio na na kanaha Arabia.

            No kekahi manawa loihi kela nana ana mai a ka moi o na Arbia, na ku ae la oia iluna'a haawi mai la i ke kauoha i kona poe kanaka i ka i ana mai.

            "E lawe koke aku i keia kanaka a hoopaa i ka pou laau. @ puhi aku iaia me ka hoohakalia ole iho. ua lawa kana mau lana hoonaukiuki ia'u. i kumu nona e make ai me ka make inainoino loa."

            Elike me kela leo kauoha, pela no i hooko aku ai na @anwa. ma ke kaualako ana ia Koraka, nowaho o kahi i ku ai o ka pou laau. a hoomaka koke aku la no ka hoomakaukau ana, no ke puhi ua iaia i ke ahi. Aole i manaoia, he wahi kela no ka hoopaa ana i kekahi mea, a puhi aku i ke ahi. aka no na kauwa hookuli, e hoopaaia ai i ka pou, a @@keia aku i ka hili me ka huipa, ahiki i ka nawaliwali ana. a oiai aohe wahi kupono e ae no ka hana hoomainoino i manaoia, no laila ua kupono maoli kela pou no ke puhi ana aku ia Koraka i ke ahi.

            I ka makaukau ana o na mea apau, nakiikiiia aku la o Koraka i ka pou laau a pailaia aku la hoi na opala me ka wahie apuni kona kino. akahi no a oili mai ka mai ka moi o na kanaka Arabia iwaho. no ka makaikai ana i na hana e lawelaweia ana e know poe kanaka a no kona ake no hoi e ike @ku. i ke ano o ka ehaeha a kana pio a@amo ai.

            Hoko nae o kela mau hana apau, aole loa he hoikeike iki @e o Koraka, he wahi maka'u kekahi iloko on a a i ka manawa i hele mai ai o kekahi Paele a hoa ae la i ke ahi i ka opala, o ka wa no ia a Koraka i hoomaka ae ai e hokio, ia manawa hookahi i loheia aku ai ka halulu mawaho o ka pa laau, aole nae he poe maloko i maopopo i ke ano o kela halulu. o Koraka hookahi wale no.

            He mea oiaio, aia ka elepani a Koraka mawaho  o ka pa kahi i hoah mai ai e komo iloko. aole nae he hiki, no ka mea na hanaia me ka paa loa, a i ka wa i lohe aku ai i ka hoailona o ka pilikia mai kona hoaloha mai, ia wa i holo mai ai na elepani nei a kahi kaawale, hoomaka aku la e holo me ka mama, he hookahi no ia lele ana, haule aku la oia maloko o ka pa laau, me ka hanee pu ana o ka pa, ma kela wahi o ka pa ana aku o kona kino pilikua.

            Ua lohe mai la na kanaka o ka moi. i keia haluku, o ia no oe o kekahi kikiao makani, ia huli ana mai i kahi o ka halulu a lakou i lohe ai. aia hoi e holo aku ana ka elepani me ka mama, no kahi a ke ahi e a ana, me ke kokoke loa aku i ke kino o Koraka.

Me ka nana ole aku i ka a mai o ke ahi, he hookahi no @@pe ana o ka ihu o ua elepani nei, lele ana ka opala ame ka wahie i hoopuupuuia i kahi hookahi, ma o a maanei o kela kahua akea, a i ka ike ana aku o ua holoholona nei i kona hoaloha. ua hauhoaia a paa i ka pou laau. hopu aku la kona @@@. me ka wili ana ae i ka pou, he hookahi no ia huki ana, o ka hemo mai la no ia. a hoomaka aku la e holo, no kahi i hiolo o ka pa.

            I kela ike ana no o ka moi o na Arabia i ka holo mai o ka elepani. ua awiwi koke ku la oia a komo ana iloko o @@ @@ halelole, no ke kii ana i kana pu raifela, iaia i oili mai ai iwaho, e holo aku ana ka elepani me ka paahao, nolaila ki mai la oia i ka pu, eia nae no kona piha loa i ke pihoihoi, ua hala-hu wale aku la no ka poka i kahi e loa, a oiai ua ku pono ua moi nei mamua o ke alahele a ka elepani e holoholona, o ka hina aku la no ia ilalo, a i na waawae hope aku, na palahe ho la jona kino, aole no nae ia he mea no ka elepani e ka'ulua iho ai, aka ke holo pololei la ua oia, aia ka pono o ka oili aku iwaho.

            Aohe mea hiki i na kanaka o ua moi ino nei ke hana mai, ua puhee aku la lakou no na wahi like ole e pee ai nolaila he maalahi wale no kela holo ana ana aku o ka elepani me kona hoaloha. ahiki i ke komo ana iloko o ka ululaau, me ka mau pela no hoi me kela pou laau nui e paa la ma kona kua.

 

--------------------------------------------------------------------------------------------------------------------------------------------------------

 

MOKUNA XXVI.

            Ma kela manawa a Miriama i ike mai ai i ka oili ana aku@@ kahi o ka pa laau, hoohei aku la o Morikona i ke kaula a Koraka i haawi aku ai iaia, a paa aku la kekahi o na pou @@@u a me ka hooikaika oia i pinana aku ai ahiki i kona kau ana iluna o ka pa a mailun mai olaila i hopu mai ai i ka lima o Miriama a huki aku la ahiki i ko laua kau like ana iluna.

            "E wiki kaua e Miriama" i hawanawana mai ai o Mori@@na i ke kaikamahina opio."

            Me he mea la, akahi no a hoi pono mai ko Miriama noonoo maikai i kela manawa, o ia no oe o ka mea i puoho ae mai kona mau enemi mawaena o ke ola ame ka make o kona wahi, aole maluna o kela pa laau. aka ma ka aoao no ia o Koraka, a e komo pu aku oia i hookahi no ko laua hakaka like ana, a ino no ka make, he hookahi no ka make ana, no ka mea heaha ka waiwai o ke ola ana o kekahi, in a ua make aku kona hoa o ka alo ana i na inea he nui.

            "E hele pololei oe e Morikona no ke kii ana i mau kokua no kakou.  E kauoha aku ia Tazana ame kona poe kanaka e hele mai e hoopakele ae ia'u ame Koraka. Aole au e hele pu aku ana me oe, eia ko'u wahi o ka hana maanei nei, ma ka'aoao au o ke kanaka nana i hoopakele ae i kuu ola, ahiki i kuu make ana. E wiki, e kii koke ia Tazana a hele mai, o hala auanei ka wa pono!"

            "Nou wale no e Miriama, i haalele aku ai au ia Koraka mahope," i pane aku ai o Morikona, me ke kuhikuhi ana aku i kahi o ka halelole a laua o ka haalele ana aku mahope. Ua ike au, ua hiki iaia ke ku aku a paio me na enemi, mamuli o'u, nolaila ua lawe mai new au no ka hoopakele ana ae i kou ola mai ka make mai. Owau ka mea kupono loa e noho aku, in a no e make mai, aole he pilikia, no ka mea ua kupono maoli no au e make.

            "Ua lohe au i kou kahea ana i ka inoa o Koraka, akahi no a maopopo ia'u o ua kanaka nei kela. O kou hoa kupono loa i, aole owau, no ka mea ua hana hewa loa aku au imua ou. Akahi no au a hoike aku ia oe i ka mea oiaio loa, au no e kapa mai ai ia'u he holoholona, a he ku i ke aloha ole. Ua hoolala i'o no au e hoihoi aku ia oe i Ladana, elike me ia a kaua i kukakuka like ai, aka nae. aole loa i koho ko'u manao e mare aku ia oe. Ua hiki ia oe ke kapa mai ia'u ma na inoa lehulehu like ole. a kuha mai paha ia'u, no ka mea ua ku maoli no au i ka lokoino, a owau ke kumu o kou komo iloko o ka poino.

            "Iloko nae o na pilikia ame na poino a'u i alo mai, akahi no au a ike maoli iho i ko'u ano oiaio loa, akahi no au e mare aku ia oe, a e haawi aku i kekahi inoa hanohano loa maluna ou."

            No kekahi manawa, aole o Miriama i pane koke mai, aka nae, i ka maopopo pono ana paha iaia, o na mea a Morikona i kainailio aku ai ka ike iaia. no ke apuhi ana o Hanakona iaia, ahiki i kona paa ana i na kauwa a ka moi o na Arabia, a i ka m@@popo pono ana aku ia Miriama, i hou aku la oia.

            "Ua olelo mua mai nei oe, he kanaka ai ma na ano apau. no ka hoopakele aua ae ia'u, mai ka mana mai o Hanakona? Ma kau mau mea apau i kamailio mai nei, ua hoike mai oe. aole oe he kanaka hohewale, ma ka hana, a ma kou kino no ka mea in a o kou ano oiaio maoli ia, alaila, aole a'u mau ku-e ana aku ia oe."

            "Alaila ua aloha anei oe ia'u @" me ka hookokoke loa ana mai o Morikona ia Miriama. me he mea la, e ake aku ana oia e hopu iaia, a hoopili mai i kona umauma, ua kau e mai la nae o Miriama i kona lima iluna, a kula'i malie mai la ia Morikona me ka pano ole mai i kekahi olelo, aka nae, aole ikoho kona manao no keia kanaka i kela manawa.

            Aole he maopopo maoli ia Miriama o kana mea e hana aku ai. I kinohi ua manao maoli no oia, ua aloha aku oia ia Morikona, na ia aloha i kono aku iaia e haalele i kona mau hoaloha mahope ; aole no hoi  he maopopo iaia, in a paha ua lilo kona aloha ana aku i kela kanaka i hana e ku-e aku ai i kona aloha no Koraka, oiai nae laua e kamailio nei, i na olelo ae la maluna, o ka wa ia a laua i lohe aku ai i ka halulu iloko o kahi i ku ai o na kauhale, a o ia ka Miriama i hooho ae ai.

            "He ole au e kuhihewa, ua pepehi mai la lakou ia Koraka ka a make," me ka ha'uha'u ana mai o ua o Miriama e uwe.

            "E noho malie or maanei, owau ke hoi hou aku ihope no ka nana ana, in a ua make i'o oia. Ina aia no ke kamau la ke ola iloko on a, alaila e hoao no au e ku aku a paio me na enemi ahiki i ka pakele ana o kona ola."

            "Owau pu no kekahi e hele aku me oe," wahi a Miriama i pane ae ai, me ka lele ana aku mailuna mai o ka pa a kaule ana iluna o ka lepo, pela no hoi o Morikona i lele aku ai, a u haele aku la no kahi o ka halelole a laua i haalele aku ai ia Koraka. Ke ike aku la laua i ka hi-o o na kane ame na wahine, a i wahi nae no laua e ike ole ia mai ai, ua kono okoa ia mai laua e palaha ke alo ilalo. aia a nalowale aku na kanaka no kekahi wahi, ia wa laua e ala ae ai iluna, a holo aku ana. o ka laua noonoo nui wale no, o ke komo aku maloko o kela halelole o Koraka i oki ai i ka paku a nahae he elua a pana.

            Me ka homanawanui kela hele malie ana a laua ahiki i ke kiei ana aku a Miriama iloko o ka halelole, ma kahi i nahae. aole he poe oloko, nolaila komo loa aku la oia, ma kahi mahope o kela halelole, aia no hoi o Morikona mahope pono aku on a.

            Kiei aku la ua o Miriama ma ke keena mamua o kela hale, he o ia like no ka mehameha, nolaila komo like aku la laua ma ia keena, me ka hele ana aku a hoea i ka puka, a ia laua i nana aku ai iwaho, ua halawai mai la me ka ike a ko laua mau maka kekihi hiona ku i ka weliweli, no ka mea ua paa o Koraka i ka hauhoaia i ka pou, me ka hoopuupuuia aku hoi o ka opala apuni kona kino. I kela ike ana aku o Morikona i ka poino e kau aku ana maluna o Koraka, ua ulupuni ae la oia me na manao aloha no kela kanaka opio, nolaila papale ae la oia ia Miriama mahope, a oili aku la iwaho, me kona hoomaka koke ana aku e holo, me ka manao, e hoea aku oia no kahi i hoopaaia ai o Koraka, a okioki aku i na kaula i hoopaaia ai oia i ka pou laau.

            He mau kapuahi helu wale no kona o ke kaawale ana mai ia Miriama aku, o ka manawa no ia i komo mai ai o ka elepani, a holo pololeo ae la no kahi a ke ahi e a mai ana, ia wa i kuemi hope mai ai o Morikona, me ka hoi ana mai a loaa o Miriama, no ka mea he makehewa wale no kona hoonahoa ana aku, imua o kela holoholona.

            Aia na mea apau ke naholo la ma na wahi like ole, iloko o ka manawa pokole loa, ua lilo mai la o Koraka i ka ihu o ka elepani, a laweia aku la mailojo aku o ka pa, me he hana mana la, mai ka lani mai, i kau a mea o ka hikiwawe loa o ka hoopakele ana a ka elepani.

            No kela halulu o na wawae o ka elepani, a hui pu iho me kona leo kuwo, o ka ppiha inaina, ua puiwa mai la na holoholona, mai ko lakou mau wahi i hoopaaia ai. ano ka holo ae o na lio, na hoki ame na kekake mamua o laua nei, akahi no a haupu mai la o Morikona no na lip, a o ia kana o ka pane ana aku ia Miriama:

            "Ina paha no ka loaa o kekahi mau lio no kaua, he oi aku ia o ka pono, mamua o ko kaua hoao ana aku e onoupoo iloko o keia pouli aaki o ka po."

            "Aole ia he hana paakiki, ua hiki loa ia'u ke kuhikuhi aku ia oe i kahi i hoopaaia ai o a lio," o ka lalau mai la no ia o Miriama i na lima o Morikona, a alakai aku no kekahi aoao o ka pa, kahi ana i ike ai, aia malaila na holoholona o ka moi i hoopaaia ai.

            He oiaio, i ko laua nei hoea ana aku, no kahi o ka hale i hoopaaia ai kekahi mau lio, me ko laua ner ike ole ia mai e na kanaka, kamailio mai la o Miriama, i ka i ana mai:

            "E kii aku oe e wehe ae i elua mau lio no kaua, a alakai ae mahope o na kauhale a hoea no kahi o kela kumulaau e ku mai la. Ua ike au i kahi i waihona ai o na noho ame na kaulawaha, na'u e  lawe mai i keia mau pono, a loaa oe." a mamua o Miriama. ua hala e aku la oia me ka nana ole mai, in a paha ua lokahi ko Morikona manao me kona, aole paha. Me ka hoohakalia ole no hoi, kii aku la ua o Morikona a wehe ae la he elua mau lio, ana i koho iho ai, he mau lio maikai loa kela, me ke alakai ana aku no kahi a Miriama i kuhikuhi mai ai iaia. I kona hoea ana aku ma kela wahi, aole on a ike aku ia Miriama, aka kakali iho la no nae oia me ka hoomanawanui, a iloko o na minuke pokole loa, oili mai la ua kaikamahine nei, me na noholio elua. me na kaulawa ha hoi no na lio.

            Hookau ae la laua nei i na noho maluna o ke kua o na lio, pela hoi na kaulawaha i hookomoia aku ai iloko o ka waha, oiai nae laua nei e hauhoa ana i na noho iluna o na lip, ke ike la laua i ka huli hoi mai o na kanaka no kahi o na kauhale. mai na wahi a lakou i pee ai , a ke hopuhopu mai la hoi kekahi poe i na lio i hema mai ko lakou mau wahi aku i hoopaaia ai. a he hookahi kanaka a laua nei i ka ike ana aku, e alakai ana he ekolu mau lio noloko o ka hale a laua o ka aihue ana mai i ko laua nei mau lio.

            "Aohe a kaua hoohakalia hou ana iho e Morikona, e kau koke maluna o kou lio i keia manawa ano," i pane aku ai o Miriama. me kona kau ana ae maluna o kona lio, "e holo pololei kaua ma kahi a ka elepani i puka aku nei mawaho o ka pa, a mai maka'u oe no ko kaua paa mai i ka hopuia."

            I kela alawa ana aku no a Miriama a ike i ka pii ana ae o kekahi wawae o Morikona, no ke kau pono ana iho iluna o ka noho o kona hoomaka aku la no ia e holo pololei mawaena o na kauhale, no ka mea o ke alahele pokole loa ia no laua e hemo aku ai iwaho. aia no hoi o Morikona mahope pono aku Miriama kahi i kuupau ai i ka holo o kona lio.

            No kela oili honua ana aku o laua nei, i loko o ka manawa e nanea ana na kanaka o ka moi o na Arabia. me ka noonoo ole ae. aia kekahi mau pio maloko o kela pa o ko lakou mau kauhale, na palaka pu maoli ko lakou noonoo, aka nae i ka wa i lohe mai ai i ke kapalulu o ko laua nei e hoea aku no kahi o ka pa i hanee i ka elepani.

            He hookahi nae kanaka Arabia i hoomaopopo loa mai ia laua nei. oia ka mea i kau ae i kana pu raifela iluna, a hoomaka mai la e ki. oiai nae he poeleele kela manawa, me ka launa mai ka poka o kana pu i kahi o na pio e holo nei, aka hookikina aku la no laua i ka holo ana o ka laua mau lio, ahiki i ka oili ana mawaho o ka pa. o ka lilo aku la no ia, ma kekahi moali alanui e moe pololei ana no ka akau.

            Oiai hoi o Miriama me Morikona e laweia la e ko laua mau lio, no kahi mamao e loaa hou ole aku ai i na kanaka Arabia, e nana iki ae kaua no Koraka. pehea aku nei la ua keiki la a Tazana.

            Ma kela manawa a ka elepani o ka oili ana aku mawaho o ka pa. me ke kino o Koraka, e paa ana ma kona ihu,ua holo pololei aku laoia noloko o ka ululaau, me kona hoomaha ole ma kekahi wahi, akihi i ka hala ana he mau mile lehulehu mahope, a i ua elepani nei no paha ka ike, aia oia ma kahi mamao loa, e hoopilikia ole mai ai kekahi poe i kona hoaloha, hookuu malie iho la oia ia Koraka ilalo.

            I wahi e hii ai iaia ke ku ae iluna, ua hooikaika iho la o Koraka elike me ka hiki iaia, ma ka huki ana i kona mau lima ame na wawae, aole nae he wahi mea a hemo ae, mai ka paa i hauhoaia ai me ke kaula ; aia no hoi ka elepani ke ku malie la nana i ka hana a kona hoaloha, me ka loaa ole o kekahi noonoo iloko on a i ka mea e hana aku ai, i wahi e hemo ae ai na kaula i hauhoaia a paa na lima ame na wawae o kona hoaloha.

            I ke ao ana ae ma kekahi la mai, he o ia mau no ka moe malie ana o Koraka i kahi hookahi. me na manaolana poho, no ka hoea mai o ka make maluna on a, mamuli o kona pololi me ka makewa, oiai no nae, ua nui ka ai ame ka wai, ma pa wahi kokoke iaia, e hiki ole ai nae i kona hoaloha elepani, ke kii aku a haawi mai iaia.

            Oiai hoi o Koraka e noonoo la no kahi e palekana ai oia mai ka make mai, ma kela po ahiki wale i ke ao ana ae ma kekahi la mai, aia o Miriama me Morikona, ke kamoe pololei la ko laua alahele no ka akau, ma kapa o ka muliwai. me ke kamailio ana aku o Miriama ia Morikona, aole he hopoopo iki no Koraka, no ka mea ua palekana oia mai ka pouno mai, me hona noonoo ole nae, no ka hiki ia Koraka ke hooikaika ahiki i ka hemo ana o na lima me ua wawae mai ka paa mai i nakiia ai e kona mau enemi.

            "He ice nei au ua ku oe i ka poka e Morikona," wahi a Miriama, iaia i ike mai ai i ke kahe o ke koko ma ka poohiwi o kona kokoolua, me kona kamailio okoa ana mai i kona manao :

            "E hoi pololi kaua no kahi i nohho ai o Tazana, malaila e loaa ai ia oe na lapaau ana. ahiki i ke ola ana  ka eha maluna o kou kino. Oiai hoi oe e noho ana malaila, e hele hou mai au me Tazana no ka hili ana ia Koraka."

            Ma kela hoomau ana nae a laua nei i ka hele ma kela po ahiki i ke ao ana ae ma kekahi la. ua halawai aku la laua me kakahi puulu kanaka, eia ka auanei, o Tazana me kona poe kanaka Paele. a i ka ike ana mai o Tazana ia Morikona, ua pupuka ae la kona mau ku emaka. me ke kakali ana no nae i kona huhu. no ke ake no e lohe pono mai ia Miriama aku, i ka mea oiaio, no ke kumu o ko laua hele ana mai kona alo aku.

            Elike no me ia a kaua i ike ae nei ma ua mokuna i hala, pela iho la no ka moolelo pololei a Miriama i kamailio aku ai imua o Tazana, a i ka lohe ana o ua kanaka nei i ka mea oiaio, me he mea la, ua hoopoina loa ae la oia no ka Mea Hanohano Morikona. he hookahi noonoo iloko on a, no Koraka. me kona ninau ana mai :

            "Ua kamailio mai nei oe no kou halawai ana me Koraka, ua ike pono anei oe, o Koraka ua kanaka nei?"

            "Elike no me ia a'u e ike aku nei ia oe, pela no au i ike aku ai iaia, a o ka iini nui ilojo o'i. o ia no kou kokua ana mai ia'u ma ka hele ana e huli iaia, a hoihoi mai i hookahi no ko kakou noho like ana i kahi hookahi.:

            "Ua ire pu anei oe ia Koraka," i huli mai ai o Tazana a ninau i ka Mea Hanohano Morikona, ke kanaka hookahi ana i hoonaukiuki ai, no ka hana ana aku i kekahi mea, i ku-e loa i ka lunaikehala o Tazana.

            "Ua ike aku au iaia, me ka maopopo loa, elike no me na mea a Miriama i kamailio mua aku nei." i pane aku ai no hoi ua kanaka nei, me ka wiwo. ke ano o na kanaka i ike i ko lakou hewa.

            "Heaha ke ano o kela kanaka o Koraka, a ma kau koho aku, he kanaka opiopio anei oia, a i ole he kanaka oo paha?"

            "Aole au i hoohewahewa i ke ano o kona lahui, he kanaka Pelekane oia, a me he mea la. ua like no kona mau makahiki me ko'u. a i ole, ua oi aku paha. ma kona nae, oia kekahi o na kanaka ikaika loa. he haulaula nae kona ili, mamuli o ka loaa mau i ka la."

            "Ua ike pono aku anei oe ike ano o kona mau maka, ame kona lauoho?" wahi hou a Tazana me ka hoike okoa ana mai i kona piha i ke pihoihoi.

            Mamua nae o ka hiki ana ia Morikona ke pane aku, ua kaa aku la ia Miriama ke kamailio e ana mai:

            "He alohilohi na maka o Koraka. a he eleele kona lauoho, no ka mea ua kamaaina loa au iaia."

            I ka lohe ana o Tazana i kela hoakaka a Miriama. huli aku la oia i kona kauaka alakai, a pane aku la: "Ke makemake nei au, e hoihoi pololei aku oe ia Miriama ame Morikona no ko'u home, no ka mea e hele ana au iloko o ka ululaau e huli ai ia Koraka."

            "E ae mai oe. owau pu kekahi e ukali aku mahope on e Tazana," i pane aku ai o Miriama, me kona makemake ole e huli hoi pololei aku no ka home o Tazana.

            Huli mai la o Tazana ihope me na maka kaumaha, a i mai la. " O kau wahi o ka hana e ke kaikamahine opio. ma ka aoao uo ia o ke kanaka au i aloha ai," alaila haawi mai la oia i ka hoail@na i kona kanaka, e lawe aku i kona lio, a huli hoi pololei aku me Miriama ma no kahi a Jene Kelekona e kakali mai la.

            Me ka hoihoi ole i kau hoe ae ai o Miriama maluna o kela lio i hele a kaea ana o ke kau ana mai, a huli hoiaku la lakou malalo o ke alakai ana a ke kanaka a Tazana i haawi aku ai i ke kauoha, e hoi pololei no kona aina hanai holoholona.

            Ke ku malie la no o Tazana ma kahi hookahi, a nana aku i ka hoi o kela poe. a mai ka haalele ana iho o Morikona ia Tazana. ahiki i ko lakou nalowale ana aku ma kekahi aoao o ka ululaau. aole he hookahi manawa ana i huli mai ai ihope, aia wale no kona mau maka imua kahi i nana ai, i kau a mea o ka maka'u. i hui pu ia e ka hilahila. no kana mau mea i hana mai ai maluna o Tazana.

            No Miriama hoi, aia wale no kona poo ilalo kahi i kulou ai, e hoike mai ana i kona mau ano kaumaha, ka mea nana i hookomo mai i na manao aloha iloko o Tazana nona O ka mea oiaio loa. ua nana maoli aku no o Tazana maluna o ka nui o kona inaina, uamahie ae ia i kele manawa. me kona hooholo ana iho i kona manao. in a ua aloha i'o aku o Miriama ia Morikona. alaila ua makaukau oia e haawi aku i kela kaikamahine, i wahine nana, ke maopopo nae iaia. aole he mau manao kolohe iloko o Morikona i kele kaikamahine.

            I kela nalowale ana aku o Miriama ma, alaalawa ae la na maka o Tazana ma o a maanei, a iaia i ike aku ai i ke ku mai o kekahi lala nui. hoomaka aku la e pinana ahiki i ke kau ana ma kahi manamana o na lala. noho iho la oia ilalo. a hoomaka koke ae la no e wehewehe i kona mau lole.

            Mailoko mai o kana eke ili e lei ana ma kona a-i i unuhi ae ai he kaula loihi. he pahi, me kekahi ili holoholona, o ke kaei ae la no ia i kona kapa ili holoholona ma kona puhaka. kau ae la hoi i kana kaula ma kona poohiwi, a kaei pu ae la i kana pahi ma ka puhaka, a iaia i ku ae ai iluna a pololei, ka ae la i kona poo ihope. me ka waiho lahalaha o kona umauma, ia wa i minoaka iho ai ua hiena la o na ululaau kanaka ole o Aferika, no ka mea ua hoi hou mai kela ano kahiko on a, a iaia i ike ai, ua makaukau oia. o kona lele aku la no ia a kau ana i kekahi lala laau, a hoomaka aku la kona hele ana, e hoopilipili loa ana ma kapa o ka muliwai.

            Me ke mama loa oia e hele la, a iloko no hoi o kela ame keia manawa, e kahea ana oia me ka leo nui, me ka hoolono ana aku. o ka lohe aku i kekahi pane, aole nae on a lohe iki i kekahi mea. No na hora loihi kela hoomau ana oia i ka hele, me kona noke mau no i ke kahea ma ka hoailona i kamaaina i na holoholona, a mamua pono aku on a, ma hona aoaoa hema, i lohe aku ai oia me ke koli'uliu loa, i ka pane ia ana mai o kana kahea e kekahi mapu, ka mea nana i hoohauoli loa mai i kona manao, me ka hele hoi o kona mau maka a lamalama, me ke kamoe pololei ana aku o kona alahele no kahi o ka leo o ka mapu ana i lohe aku ai.

            Ua maopopo loa ia Koraka, in a pela iho la kona waiho malie ma kela wahi, e make aku ana oia, nolaila kamailio aku la oia i ka elepani. ma ka olelo i kamaaina ia laua. ia wa i lalau iho ai ka ihu o ua elepani nei. a hapai ae la ia Koraka iluna. me ka kauoha ana aku o ke kanaka opio iaia. e lawe no ke kukulu hikina akau.

            O keia wahi a Koraka i kauoha aku ai i ka elepani e lawe iaia, he wahi ia ana i hoomaopopo ai, i ka noho nui ia e na kanaka ili keokeo me na Paele. Ua maopopo loa i ua o Koraka in a nei no ko laua koea no kela wahi, a halawai paha me kekahi kanaka Paele, e kauoha aku ana oia i kana elepani e hopu i kela kanaka. a ma ka hookikina ana aku iaia, e hele mai ai e wehe ae i ua o Koraka mai ka pou mai i hauhoaia ai oia i ke kaula.

            Oiai ka elepani e lawa la ia Koraka. ke kahea mau la no ua kanaka opio nei me ka leo nui : no kona makemake e loaa kau i konahoaloha ia Akuta ka ike, eia oia iloko o ka pilikia. alaila e holo mai ana oia no ka hoopakele ana ae iaia nei elike me ka mea a kela mapu i hana mai ai no Koraka ma kekahi manawa i kaahope aku.

            I kela kaalele ana aku hoi o Tazana i kona kanaka alakai. e hoihoi ana ia Miriama me Morikona no kona home hanai holoholona, aole i loihi loa aku kela kele ana a Miriama ma. ua hooholo iho la ua kaikamahine nei i kana mea e hana aku ai. no ka mea ilalo wale no kona poo kahi i kulou ai, o kana mea nae e noonoo la. aole he hookahi mea i maopopo, oia wale no. a i ke aea ana ae nae o kona poo iluna kahea aku laoia i ke alakai e hele mai a pili ma kona aoao, a o ia kana o ka i ana aku:

            "I kahea aku la au ia oe e hele mai, no ka hoike ana aku i ko'u manao, e hahai ana au i kou haku, no ka huli ana ia Koraka."

            Luliluli ae la ke poo o ka Paele, a pane mai la: "Aole e hiki ia'u ke ae aku i kena manao ou, no ka mea ua kauoha mai nei kuu haku, e hoihoi pololei au ia oe no kona home, a e hooko ana au ia kauoha me ka pololei loa."

            "Alaila e hoole mai ana anei oe i ka hookuu ana mai ia'u, e huli aku iaia?"

            Kunou wale mai la no ke poo o ke kanaka Paele, a emi aku la ihope, no kona manao, pela wale no e hiki ai iaia ke makaala mai, i ole o Miriama e holo mahuka mai iaia aku; aka nae ua maopopo i ke kaikamahina opio kana mea e hana aku ai, nolaila minoaka iho la oia, me ka hoike ole aku nae i kekahi wahi hiohiona no kona holo mahuka mai kela kanaka mai.

            Hoe lee leu aku la nae ua o Miriama i ka hele ana o kona lio mamua loa o ke poo o ka huakai, a i ke kaalo pono ana ae o kona lio malalo o kekahi lala laau nui, e moeke'a ana ma ka moali alanui i nana aku ka hana o ke kanaka Paele, o ka noho wale no o ka lio o Miriama kana o ka ike ana aku, no ua kaikamahine nei, aia aku la oia iluna o ke kumulaau kahi i pinana ai.

            Iloko o na manao pihoihoi. holo aku la ke kanana Paele, no kahi i ku ai o ke kumulaau, aole on a wahi mea a ike aku ia Miriama, ke noke la oia i ke kahea me ka leo nui i ua kaikamahine nei, e hoi mai. aohe he paneia mai o kana kahea, a no ka maka'u loa o ua kanaka nei o huhuia mai auanei oia e kona kahu. kauoha okoa aku la i kekahi o kona mu kanaka e hele e huli ia Miriama i loko o ka ululaau, a no kekahi manawa loihi kela huli ana o lakou, huli hoi nui mai la ua poe kanaka nei me ka hoike ana mai. aole a lakou mea i ike no Miriama.

            Aole he manao o ke kanaka alakai, e hoomau aku i ka lakou kuakai, aka nae iaia i nana iho ai aia o Mirkona ilojo o ke kulana nawaliwali, ke pii mai la ka @@a maluna on a. hooholo iho la oia i kona manao, he oi aku ka pono o kona hoi loa ana me kela kanaka, mamua o ka hoao ana aku e huli i ke kaikamahine opio.

            Ua maopopo ia Miriama kahi noho mau o na elepani, nolaila iaia i kau aku ai iluna o ke kumulaau, ua hoomaka aku la oia e holo ihope, ma kela wahi a Tazana i haalele mai ai ia lakou. alaila kamoe pololei aku la kona alahele mai ai ia lakou. alaila kamoe pololei aku la kona noonoo iloko o kela manawa, o ka loaa wale aku no o Koraka iaia, a koi aku e hoi pu mai lakou a noho like me Tazana ma, me ka manao hou ole aku e hele auwana iloko o ka ululaau.

            Ala pu mai la kekahi noonoo iloko ona. o kahi o kana hana, ma ka aoaoa no ia o Koraka me kona mihi loa ana iho no kona ukali ole ana aku mahope on a. me kona ike no ua paa na lima ame na wawae o Koraka i ka hauhoaia i ka kaula : ua lohi loa nae kela noonoo ana ae on a no ka pilikia nui i loaa ia Koraka. o ke kumu o ka pouli o kona noonoo mamuli o kona ake nui. e hoea koke aku o Morikona i kahi o ka palekana.