Ka Nupepa Kuokoa, Volume LVIII, Number 19, 14 May 1920 — Page 1

Ka Nupepa Kuokoa

KE KILOHANA POOKELA NO KA LAHUI HAWAII.

HOOPUKAIA I NA KAKAHIAKA APAU

KUOKA, HONOLULU, T. @ POALIMA, MEI 14, 1920

 

E WEHEIA ANA KA MAKEKE HOU I KA LA APOPO

Pau na Hemahema o ka Makeke kulanakauhale no ke Kuai Ana Aku i na Waiwai kalepa

MAKEMAKE NA MEA APAU E WAIHO AE I NA MEAKUAI

O ka Meia John H. Wilson ka Mea e Haiolelo Mai Ana ma ka Wehe Ana i keia Makeke

 

Mahope iho o ke kukali ana no ke@@@ mau mahina lehulehu ae nei i hala, ia hoea mai i ka hookoia ana o ka makemake o na makaainana o keia kulanakauhale, me keia poaono, Mei 15, e hoomaka ana ma ka hoea eiwa i ke kakahiaka.a

E hoea ae ana ka bana puhiohe ma @ani o ka makeke hou, pela hoi na hoa @@@ papa lunakiai, ame ka lehulehu, no @@ hoolaa ana i keia makeke, a e hoea @@ ae ana ka Meia Wilson, oia ka mea nana e haawi mai ana i ka haiolelo ano @@ o ka la, pela hoi me na hoa o ka papa lunakiai.

Ma ka manaoio o ka Lunakiai Low, na makuakane o keia makeke, e kaa @@@ ana ka lawelawe ana o keia makeke no ka manawa mua loa, malalo o ka Ahahui o na Makuahine o ka Home (Housewives League), me kona manaoio pela wale no e holomua ai keia ma@@@@

O ka pilikia nui no i ikeia i keia manawa no keia makeke, o ia ka lawa kupono ole i na meakuai, aka nae, ua makemake nui ia na kanaka lawai'a e hoea ae ma keia makeke, a kuai ponoi aku i ka lakou i'a imua o ka lehulehu, aole hoi e kuai aku i ka poe hoopukapuka, me na kumukuai haahaa loa, n@ na ka poe hoopukapuka e 'imi hou aku i @@@@ pomaikai nui no lakou.

O na kanaka mahiai kekahi poe i makemake nui ia e hoolilo i keia makeke i wahi no lakou e waiho aku ai i na @@@@@ o kela ame keia ano imua o ka lehulehu, a me ke ano nui ke olelo ae, @ @@ meakuai o kela ame keia ano, ua makemakeia e lawe ae ma keia makeke e @@@@@@ ai, no ka mea he oluolu loa ka a@hau e uku ai no ke pakaukau i ka la.

I'a paa ka manao nae o kekahi poe maluna o keia ninau makeke, he hana paakiki loa iloko o keia manawa ke kaula'i ana aku e holopono loa ana na mea apau i hoolalaia no keia makeke kaulanakauhale, no ka mea, aia pu he makeke i oi ae ka nui ame ka maemae i makaukau no ka wehe koke ana aku, o ia @@ makeke ma ka aoao ma Ewa, o ka @@@@@ Haaliliamanu.

He makeke keia i kukuluia ae e kokahi mau hui nui, a ua hoolakoia na waap lawai'a. no ka hoolako mau ana mai i ka i'a i ka makeke i kela ame keia manawa, a o kekahi no hoi he mau lokoi'a kekahi i makaukau, no ka hoolawa ana mai me ka i'a i ka makeke.

Ma ka hoakaka a ka Lunakiai Low ina e ikeia aki ana ka holomua o keia makeke kulanakauhale, a ua nuku loa paha kela makeke, he hana maalahi loa ka hoomahuahua ana ae i ka makeke: o ia ka lilo a ka lehulehu i poe @@kee. ma ka haawi ana aku i na k@na apau, e holomua ai keia makeke, a e loaa mai ai no hoi na meakuai ia lakou me ka oluolu, aole hoi e hoomau aku ma ka uku ana i na kumukuai pipii, elike me ia e ukuia nei. ma kekahi mau mea i keia la.

 

EL CENTRO, Mei 11- Ua hoikeia mai ka hookumu ana o ke Kapena Lowell Smith, ke kanaka lele i ka lewa a ka oihana kaua, i kekahi moolelo hou no keia au hou no kekahi mokuea lawe ohua i lawe aku ai ekolu mau ohua ma ka la i nehinei ma kahi he 17,100 kapuai i ka lewa.

 

KIIA HE KOA A KU I KA POKA NO KONA HOOKULI

Holo oia Mai ka Makai Koa Aku Mahope o kona Hopuia Ana No ka Noke i ka Walaau

AOHE MALIUIA MAI O KE KAUOHA IAIA E KE MAI

lapaauia Nae Oia ma ka Halema'i o na uila Poino a hoihoia Aku no Kahi o na Koa.

No ka hoolohe ole mai o kekahi koa i ke kauoha i haawiia aku iaia e ke, e kekahi o na makai o ka oihana koa, mahope iho o kona hopuia ana mai e kekahi makai koa okoa aku. ua kiia oia a ku i ka poka, ma ke kikala akau, ma kahola eiwa, a oi o ka po o ka Poakahi nei, a na kona ku ana i ka poka. i hiki hou ole ai iaia ke holo, o kona paa no ia i ka hopuia, me ka hoihoiia maloko o ka halema'i o na uila poino, a mailaila aku i hoihoiloa ia ai no ka halema'i o na koa, mahope iho o ka lawelaweia ana aku o na hana e pono ai ke koa poino.

He eha mau poka i kiia o ka pu panapana a ka makai koa, he elua mau poka i kiia i ka lewa ma ke ano hoomaka'uka'u. me ka manao o ka makai, he mea la hoi ia e ku iho ai o ke koa, aole nae, ua hoomau no oia i ka holo ana, no ia kumu i ki hou ia aku ai ka pu panapana, a lele aku la ka poka, a kokoke e ku i ka wawae, a o ka eha no hoi o ka poka, a kiia aki ai, ua lele pololei aku la ua ku ma ke kikala akau.

He wahine ke kokoolua o kela koa e hele ana ma kela po, nona ka inoa o Mrs. May Smith, i noho hana maloko o kekahi halekuai o ka Pake ma Ania Paka, ma ke ano ke kea kuai waimomona, a mahope mai , maloko o @kahi kiki-maka ma ke alanui Hokele.

Ma ka oleloia, ua inu ka koa ma ka nui o kona walaau, oiai oia e hele pu ana me kela wahine, ma ke alanui Hokele, me kona kauohaia ana aku e ka makai koa, e noho malie, eia nae, aole ia he mea nona e hoopau ai i kona walaau ana no ka mea aia ka uwila iloko o kona kino kahi i hana ai.

No kona hoopau ole i kana walaau ana, ua kauoha okoa ia aku la kekahi makai koa e hele e hopu iaia, ua hookoia aku ia kauoha, ma kahi e kokoke ana i ka Haleakala Bijou.

Ma kela manawa o ka hopuia ana, aole no ia he mea e noho malie iho ai o kela koa, aka ua hoomau no oia i kona walaaau ana, alaila hoomaka aku la e holo, me ka manao pela iho la oia e pakele ai mai ka makai aku.

ua alualuia aku la oia e ka makai no kekahi wahi, a oiai ke kokoke loa aku la ke kanaka o ka oihana koa mahope o ke koa paakiki, ua haawiia aku la ke kauoha iaia, e ku mai, no elua manawa aole no nae ia he mea nona e ku iho ai, o ka hemo ae la no ia o ka pu panapana a ka makai koa, a hoomaka aku la e ki iluna o ka lewa no elua manawa, ma ke ku ole mai no o ke koa, a ki hou ia aku la ka pu iluna o ke alanui, me ka haule kokoke loa ana aku o ka poka, ma kahi o na wawae o ke koa e holo la.

No ka manawa hope loa, ua kahea hou aku la ka makai iaia e ki mai aole no he hooloheia mai. ia wa i ki maoli ia aku ai ka poka, a ku aku la ma kahi i hoike mua ia ae nei. Ke hookokoke aku la kela koa i ka haleakala Liberty, e hoea aku ai no ka alanui ololi Chaplaia, aka i ka wa nae i ku aku ai i ka poko, ua hina iho la oia ilalo, a i ka hoea ana aku hoi o ka makai koa, ua paa iho la oia i ka hopuia.

O kela wahine hoi e hele pu ana me ke koa, oia pu kekahi i noke pu ia aku i ke alualu a i ka wa i hoea aku ai ke kaa makai, ua hookauia ke koa me kela wahina, a lawe like ia ae laua no ka halewai, me ka hoopaaia ana aku o kela wahina a ka Makaikiu McDuffie no ka ninaninau pono ana iaia.

Oiai, ua komo aku ka poka ma kahi o ka i'o o ke kino, a hoea loa aku paha i kahi o ka iwi e nui ai ka eha, ua hiki no i kela koa ke hele me ke kokuaia mai.

Ma ka halema'i o na ulia poino i lawelaweia mai ai na hana apau e paa ai ke kahe ana mai o ke koko, a wahi a ke koa i hoike ae ai i ke kauka o ka halema'i, aole ona makemake e laweia ka poka i ku ai i kona kino, no ka mea, he poka mua no kekahi iloko on a, me kela wahi o ke ku hou ana aku i ka poka.

Ua hoihoi loa ia aku oia maloko o ka halema'i o na koa, malaila e lapaauia mai ai oia ahiki i ka pau ana o ka pilii lilo kela poka o ke ku ana aku u kona kia, a me na mea i hoomaopapaia, aole O ke koa makai, aunia ki kak@@@@ kino i kumu nonoa e make ai.

O ke koa makai, naa i ke ika pu, a i hpu aku hoi i ke koa hookuli, he kino uuku wale no kona, a he opiopio loa hoi kona helehelena, eia nae he hooko pono oia i na hana apau i pili aku i kana oihana, me kona makemakeia e kona mau poo ma ka oihana.

 

HE 4211 WALE NO POE KOHO I PAA NA INOA

Ahiki mai i ka Poalua nei he 4211 wale no poe koho baloka o Honolulu nei i hoopaaia na inoa ma ka buke hoopaa inoa a ke Kakauolelo kalauokalani no ke koho baloka wae moho o keia makahiki. Ma ka ke Kakauolelo Keiauokalani hoakaka ma ke ahiahi Poalua nui he 12 wale no ka nui o ka poe hele ae e hoopaa i ko lakou mau inoa ma ka Poalua nei @@ huina i emi iho i ko ke Poakahi aku.

Ma ka la 14 o Sepatemaha e poa ai ka buke hoopaainoa no ke koho haloka wae moho e malamaia ana ma ka la 2 o ke Okatoba, a mahope aku o ka pau ana o ke koho baloka wae moho e wehe houia ni no elua pule mamua o ke koho baloka mau ma ka la 2 o Novemaba. E hele ae e ka poe i koe e hoopaa i ko oukou mai inoa, o hala ka wa pono, no ka mea, aole e kali ana ka manawa ame na la o ke ola ana no ka mea hoopaneenee wale.

 

NA HANA O KA LA KAU PUA

Ma ka halewai a ua elele u ua koa kahiko Foreign Wars, Spanish wars, ka American Legionn ame ka Womens Auxiliary ka noho ana ma ke ahiahi o ka Poalua neu i hoolalaia ai na hana e pili ana no ka hoomanao ana i ka la Kau Pua. oia hoi ke ka'ihuaka'i ana, ka hoonani ana i na he kupapa'u ame na haiolelo ame na himeni e malamaia ana ma ka Poakahi, Mei 31

O Mr. Keisling ka lunahoomalu o ka komite o na hana o kela ame keia ano a nana i kho mai na komite malalo iho on a. I'a kohola na komite mai kela a mai keia ahahui mai no lakou na inoa i hoikeia ae la maluna, me ka hookaawaleia o ka hana o keia ame keia komite. I'a koho pu ia he mau komite wae mai kela a mai keia ahahui mai i hoikeia ae la maluna.

O kekahi o na hana i hoolalaia o na ahahui apau e ku nei maloko o Honolulu e komo pu mai ana ma ke ka'ihuaka'i e komo mau lakou i na kahiko piha, O na ahahui a ae e ka'i wawae ana lakou no Maemae, aka o na koa kahiko o na kaua me Sepania ame ka Legion maluna lakou a no kaa otomobile e kau ai.

 

E HOLO ANA KA MEIA WILSON I KAPALAKIKO

I kulike me kakahi lono i hoikeia ae ua hoike ae ka Meia John H. Wilson e holo aku ana oia i Kapalukiko no ka halawai a ka ahahui nui a na Demokalaka in a no kona koho ia i komite lahui a aole paha. Ka mua, no ka mea he komite lahui no oia a ke kuleana kona e holo aku ia no ka lawe ana i kona mahele o ka hana, a o @@ @@@, no ka mea, he hoea mau aku oia no ia halawai nui a na  Demokalaka mamua, a ua manao oia e hoomau aku i ka hana ana pela me kona nana ole ae he meia oia a he mea okoa ae paha.

"I ka halawai ahahui nui a na Demokalaka o ka 1912 owau pu kekahi a pela i ka 1916. mai, a ke manao nei no au e holo i nei makahiki, a pela hoi i na makahiki eha ma neu mua aku," wahi ka a Wilson.

Ua hoike pu ae ka o Mr. Wilson o ke komite lahui i kohoia ai mamua i ka ahahui nui aohe on a koho hou ana ahiki i keia halawai nui ana ae a ka ahahui. no laila he mea old wale no iaia in a o Kamalae ke kohoia ana i keia makahiki.

 

IKE KO KAUAI I NA MOKULELE

No ka manawa mua loa, mahope iho o ka hooliloia ana o Oahu nei, i kahua no na mokulele o ka oihana koa o Amerika maanei nei, akahi no a loaa i ka Mokupuni o Kauai, ka pomaikai, o ka ike ana i na mokulele malaila, mamuli o ka lele ana aku, he ekolu mau mokuleel mai Oahu aku nei, a i Kauai, ma ka kakahiaka aku nei o ka Poaono i hala, me ka hoopihaia o na makaainana o kela mokupuni me ka hauoli, no ka ike ana i kela mau mokulele.

ma kela huaka'i iluna o ka lewa no Kauai, he elua mau mokulele no ka oihana koa, a he hookahi mokulele no ka hui nana e halihali nei i na ohua iluna o ka lewa. O na mokulele alua o ka oihana koa, I Hanamaulu laua i hookuu iho ai iloko o ka kau, a o ka mokulele halihali ohua hou, ma ke kahua o Kapaa, a o ka manawa i leleia e keia mau mokulele, he hookahi hora ma kanaha minuke, he manawa mama loa, no kekahi wahi mamao elika me Kauai.

O kela huakai a na mokulele no Kauai, kekahi o na huakai loa, no ke kumu, aole he ikeia o kekahi aina okoa ae, he loa no ka alahele no Hawaii, eia nae, he mau mokupuni mawaena o Oahu nei ame Hawaii, o ka mea 'ai nana i hoopokole mai i kela alahele.

Aole he mau pilikia. a mau poino paha ma kekahi ano i loaa i kela mau mokulele, a e nanea ana no ko Kauai poe, ma keia kakahiaka Poaono, he kkapalulu ka lakou mea i lohe, aia hoi, kaalo ana na mokulele maluna pono he o ke kulanakauhale o Lihue, a hookuu iho la ma Hanamaulu, he elua mau moku, a he hookahi hoi iuka o ka aina ma Kapaa.

ua haalele iho kela mau mokulele i ko lakou kahua hoolulu ma Oahu nei, ma ka hora ehiku. me elima minuke o kela kakahiaka poaono, a ma ka hora ewalu no me kahaha-kumamalima minuke, noho aku ana i Kauai, oiai nae, he po okoa ia a kekahi mokuahi e holo-ai mai Honolulu aku nei a hoea no Kauai.

 

HOPULA HE LUNAHOOPONOPONO KEPANI NO KA LAIPILA

Mahope iho o ka ninaninau pono ana o ke kiure teritore i na kumu hoohalahala i waihoia aku imua o lakou, ma ka pule aku nei i hala, i loaa ai he hoopoo hoahewa ia Y, Soga, ka lunahooponoponono o ka nupepa Kepani Nippu Jiji, a ma ka Poaono aku nei i paa ae ai oia i ka hopuia, e hoea mai ai i ka hooloheia ana o kona hihia laipila ma keia Poaono. ima o ka aha a ka Lunakanawai De Bolt.

Ua ala mai kela hoopii laipila, e ku-@ ana ia Y. Soga, mamuli mai no ia o kakahi mau manao i hoopukaia maloko o kana nupepa, no kekahi poe Kepani olohani he eia ka lakou nui, o ka hoi heu ana i ka hana o ka mahiko.

O ka kumupale ma ka aoao o keia lunahooponopono Kepani. oia no ka hookomoia ana o kela manao maloko o kana nupepa, ma ke ano hoolaha, eia nae, he ninau ia na ka aha hookolokolo e hooholo mai, o ka mea a na kiure kiekie i hana aku ai, o ia no ko lakou hoihoi ana ae i ka lakou hoike, no ka loaa ana he hoopii hoahewa, e hu-e ana iaia.

Maloko o kela manao i hoopukaia, ka manao hoi i ala mai ai ka hihia laipila, e olelo ana ia i na Kepani eiwa ka nui o ka hoi hou ana i ka hana o ka mahiko, he poe ilio kela, a he mau kiu na na mahiko. Aole nae malaila wale iho la no pau, na mea i kamailioia no kela poe Kepani. aka ua hoakaka pu ia ae kekahi manao, no ko lakou kipakuia mailoko aku o ka hiu uniona, a in a no e pau ana ka olohani, alaila aole e aeia kela poe Kepani e hui pu mai a launa pu me ka puulu o ka poe olohani.

O keia ana kekahi o na hihia ano nui a nanaia aku ai kona hopena ma keia mau aku, no ka mea he hua keia i oili ae, no na hooikaika ana ma ka aoao o ka poe kakoo olohani, a ma ka aoao hoi o ka hui uniona o na Kepani, no ka lanakila ma ko lakou aoao, ma o ke kapa ana aku i na Kepani i hoi hou i ka hana o na mahiko. ma na inoa kapakapa lehulehu

 

LAWE KE KIURE KIEKIE I KONA MANA

Ma ka auwina la poakahi nei na hoea ae ka Makai Nui C. II. Rose ame kekahi mau kanaka e ae o ka oihana makai imua o ke kiure kiekie teritore maloko o ka rumi hookolokolo o ka aha kiekieno ka ninaninauia ana mai no ke kumu o ka nalowale honua ana o na dala he 1200 mailoko aku o ka pahuhao waiho hala oloko o ka halewai, a pela hoi me ka hoihoihoi ia ana mai oia mau dala me ka kupanaha loa, aole nae me ka hoihoiia mai a pau loa i ka manawa hookahi , aka ua hoihoi liiliiia mai.

Mai ka hora 1:30 ka noho ana o ka kiure e hoolohe i na oleloike ahiki i ka hora % a hoopaneeia ka hana o ka ninanauana a ka Poalua nei.

O na luna aupuni o ka oihana makai ninaninauia oia ka Makai Nui C. H. Rose, Arthur McDuffe, Kapena Iaukea, Kakuana Twomey, Poaha, Walter Filedgrove ame J.G Brauco. O kakahi mau hoike a ae i kauohaia ae e ke kiure e hoea ae imua o lakou oia o D. Mahukona, J. Lii, M. A. Gonsalves, A. Ah Fat, ame Manuel Lopez.

 

NINAU PONO IA NA MEA OIAIA O KA OLOHANI ANA

Lawe ka Komisina o na Hana o ka Lehulehu a Noii i ka Pilikia o ka Hui Kelepona

MAKEMAKE LAKOU E IKE I KA MEA OIAIO LOA

E Hala Ana Kekahi Manawa Loihi Mamua o ka Pau ANan o na Hana a Kela Komisina

 

No ka uwalo ana i ka pilikia i ala ae mawaena o ka hui kelepona ma kona mau limahana, ma o' ka olohani la i ka heaia e ka hui uniona o ka poe hana uwila, i malama ae ai ka komiaina o na hana o ka lehulehu he halawai ma ka po o ka Poalua aku la i hala, maloko o keena halawai o ka ahahui kalepa, malaila ae na l@nnui o ka hui kelepona, pela hoi me na limahana me ka makaukau, e pane aku i na nanau apau e waihoia mai ana imua o lakou, e ke komisina.

Ma ka aoao o ka Puuku J. A. Balch, o ka hui kelepona, ma o kekahi mau ninau i waihoia mai imua on a, ua ae okoa aku oia, eia ke ukuia nei kekahi o na wahine i noho hana malalo o ka hui no na makahiki he umi-kumamawalu, ma kahi o ke $75 o ka mahina, a no na kaikamahine hou e noho hana aku ana no kela hui, mai ka haahaa mai no e ukuia aku au ia lakou, ahiki i ka hala ana o ka mahina ekolu, ia wa e hoomahuahuaia ae ai ko lakou ukuana.

ma ka manawa e ninaninauia ana ka puuku o ka hui kelepona e ke Komisina Carden, ka lunahoomalu oo kela komisina, ua hoao mai o Mr. Ryson, ka peresidena o ka hui uniona o ka poe hana uwila, e alakai i ka komisina, ma ka waiho ana mai i kekahi mau ninau, imua i ka puuku o ka hui kelepona, pale hoi kona ninau ana aku, in a paha o na hoike e ninaninauua aku ana, he mau hoike lakou, i kauohaia aku e ka hui kelepona, a e ka komisl@a paha, ma kela wahi i kauohaia mai ai ola e ke komisina, enoho malie, no ka mea he halawai kela i kaheaia e ke komisina o na hana o ka lehulehu no ka huli ana i na mea oiaio wale no, a o na mea apau e lawelaweia ana, mamuli no la o ke kauoha ame ka makemake o ke komisina, aole mamuli o ka makemake o kekahi mea e ae.

Ua hele ke keena halawai o ke komisina a piha i na kanaka ma kela po, me ka loaa ole he mau wahi no kekahi poe e noho ai, aka e kuku ana lakou iluna a hoolohe aku i na mea e nokeia ma@ ana i ka niele a nea komisina, i na hoike.

Ka Ninaninau Ana

O ka Puuku Balch, o ka hui kelepona, ka mea mua loa i kaheaia aku e ke komisina, no ka ninaninauia, a nana i hoakaka pono mai i na mea e pili ana i na hana a ka hui kelepona, ahiki wale i ka hoalaia ana o ka olohani, e na lala o ka hui uniona, pela hoi me ka papa ukuhana e ukuia ana i na limahana o  kela ame keia keena like ole a ka hui.

Wahi a keia hoike, o ka papa ukuhana e ukuia ana i na limahana o ka kelepona ahiki i ka la 1 o Mei nei, ua oi ae ia mamua o ka papa ukuhana e loaa nei i na limahana e ae, o kekahi mau hui okoa aku, oiai nae, ua oi aku na pomaikai e loaa nei mau hui, mamua o ka hui kelepona.

Ua hoikeike ae oia imua o ka komisina i ka ukuhana e loaa nei i na limahana o ka hui kelepona, no na mahina ekolu i kaahope aku nei, e hookuku ana me na ukuhana a ka hui hana uwila, e uku ana i kona mae limahana, o ia hoi, ua oi ae ka uku e loaa ana i na limahana o kona hui, oiai nae aole i oi aku ka makaukau o na limahana malaila, ma kekahi mau hana, mamua o ka poe e noho hana ana me ka hui hana uwila.

No na kaikamahine hana kelepona hoi, wahi ana, he uuku no ka uku e loaa ana ia lakou, mamua o ka uku e loaa ana i ko lakou wa e noho hana aku ai me na hui e ae, ma kela hana no o ka nana ana i ke kelepona, eia nae ua loaa kela kuku, mamuli o ka makaukau o a'oia aku i kela mau kaikamahine mai ka hui kelepona aku.

 

ALA HOU KE KAUA NUI MA MEKIKO ILOKO O KEIA WA

Holo ka Peresidena Carranza ma ka Heelele Ana i ke Aupuni a Paa Nae i ka Hopuia

LILO KA AUPUNI MALALO O KA MALU A KA POE KIPI

Hui Pu na Koa o ke Aupuni me ka Poe Kipi a Ala K@-e Mai i ko Lakou Peresidena

 

I kulike ai me na lono kelekalapa lehulehu i hoea mai no Honolulu nei, aia ke kulana oolo-ku ke pahola mai la maloko o Mekiko, me ka holo mahuka ana o ka Peresidena Carranza ma kona ohana mai ke kulanakauhale aku: eia nae ma kekahi o na lono hope o ka hoea ana mai nei, ua paa oia i ka hopuia o ka poe kipi, me ka laweia ana ae o ka hoomalu ana i ke aupuni e kekahi mau luna oihana kuikawa.

Ma na mokuaina lehulehu, ua hui pu aku ia na koa o ke aupuni me ka poe kipi, no keia kumu i hiki ole ai i ka Peresidena Carranza, ke paa iho i ko aupuni, a no ka hoopakele ana iaia iho, i holo aku ai no Vera Cruz, a mailaila mai e hoao ai e kaua ku-e i ka poe kipi.

Ma ka lono o ka la 9 iho ei o keia mahiua, e hoakaka ana ia, no ke kaa ana aku o ke Kulanakauhale o Mekiko malalo o ka hoomalu ana a ka poe kipi. O na pualikoa, malalo o ke alakai ana a Kenerala Benjamin Hill, ka mea nana i lawepio mai i ke kulanakauhale.

He kenerala keia i komo maa iloko o ke kaua kipi, nana i hoohiolo aku i ka noho hookele aupuni  ana o Huerta, a noho ae ai o Carranza, a oia hookahi no ka mea nana i kaili ae la i ka mana o ke aupuni iloko o ka lima o na alakai kipi, ka mea nana i kono mai i ka Peresidena Carranza e holo i pakele ai kona oia.

O ka lono kelekalapa o ka la 10 nei, e hoakaka ana ia, no ka hopupio ia ana o ka Peresidena  Carranza, ame ka puulu me ia , oiai e holo ana maluna o ke kaaahi, a ua kaa aku lakou malalo o ka malu o ka poe kipi, a o na mokukaua keia o ko aupuni me na aliikoa, na lakou e hoohana ana ia mau moku, ua hui pu aku me ka poe kipi.

O na awa kumoku keia o Vera Cruz, kahi o na lua aila, aia malalo o ka hoomalu ana a na alakai kipi, me ka maalahi wale no i lawelaweia ai na hana. i kaa aku la ka noho mana ana o ka poe kipi maluna o kela wahi.

No kela kulana kupikipiki-o nae ma Mekiko, ua hoouna okoa ia aku kekahi mau mokukaua Amerika, me na puni@koa, no ke ku kiai ana i ka pono o na makaainana Amerika ame ko lakou mau waiwai.

Ma ke ala ku-e ana mai o ka poe kipi i ka noho hookele aupuni ana a Carranza, ua oleloia ae, ua kokua mai o Kenerala VIlls, i ka poe kipi, ma ka haawi anu mai i kona mau kanaka, o elua kaukani ka nui, malalo o ka ma@a o na alakai kipi, me kona komo pu ole mai iloko o ke kaua ana mawaena o ka poe kipi ame na koa o ke aupuni.

He kanaka o Kenerala VIlla i kaa nui ia ka weli ma Mekiko, me ka lilo o na hooikaika ana e hopu iaia a paa, i mea holopono ole. Oia nei kekahi i komo pu me Carranza ma ka manawa e makemakeia ana e olepe aku ia Huerta mai ka noho poo ana no ke aupuni o Mekiko, aka nae i kapii ana ae o Carranza ma ka noho peresidena, ua ala ku-e pu mai no oia. no ke kumu, o ka noho ana o Carranza ma ke ano peresidena, aole ia ma ke ano pololei. aka mamuli o ka hoopilimeaai, o ka ahaelele i noho ai a wai ae iaia i peresidena.

Ua manao ka poe i kamaaina maoli i ka kulana ma Mekiko, in a nei no ka hoopau o Kenerala Villa i ka hoala ana mai i na hana kipi, alaila e hoea mai ana i ka manawa e hoopau loa ia ae ai ka ooloku ma Mekiko.

 

WAKINEKOA, Mei 11.-O ka moku lawekoa Northen Pacific a ke Kenerala J.J. Pershing e kau ana ma ke ano he ohua a e hoi mai ana mai Panama mai, ua ili ma ke Sabati ma ka nuku o ke awa o San Jose, Poko Riko, elike ma ka hoike a na luna aupuni maanei ma ka po i hala. Aohe i poino ka moku.

 

[INSERT PICTURE]

CAPTION: Keia ka mokukaua Guerrero, o ke Aupuni o Mekiko a e ka @i iwaena o na mokukaua apau o ka oihana kaua o kela aupuni. Iloko nae o keia ooloku, e pahola mai la ma Mekiko, na heikeia mai ka lohe ianei, ua lilopio aku la keia mokukaua malalo o ka malu o na alakai kipi hookahuli aupuni ma na Kapakai komohana. Ma na hookahuli aupuni apau i ikeia ma Mekiko, e kaa mau aku ana keia mokukaua malalo o ka poe na lakou e lawe ae ana i ka hookele ana i ke aupuni.