Ka Nupepa Kuokoa, Volume LVIII, Number 19, 14 May 1920 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

HE WALOHIA NO KUU ALOHA DANIEL K. MAKUAKANE, I HALA I KE OLA HOI OLE MAI.

E Sol. Hanohano, ke kapena ahonui o ka Nupepa Kuokoa ame na luina o kou keena:- Ke hoolauna malihini aku nei au i ka'u puolu e kau ae la maluna, i kou lokomaikai, a i ka oluolu hoi o na keiki koonohohua kepau; a i ke kino lahilahi o ka hiwahiwa a ka lahui, e oluolu e lawe hou aku i keia mau wahi mamala leo kanaenae no kuu Daniel Kaihikapu Makuakane.

Ua ike mua no ka poe heluhelu o ka Nupepa Kuokoa, oiai ma kona oneki no i hoouna aku ai ko maua pokii, Wm. H. Makuakane, i ka lono e pahola ana, @nai Hawaii o Keawe a Kauai o Mano-@kalanipo, a hala loa aku i ka hau anu o Amerika, a i ka aina puni ole o Europa, kapalulu loa aku no paha i ke kai melemele o Iapana, a i ka laula paha o Kina, no ka hala ana o kuu kane aloha, a he mahalo nui no ka piha eleu ma ka hana o ko maua pokii, a e kala mai hoi no ko'u ulolohi loa, a no ka mea ua hiki ole ia'u ke pae koke aku, oiai au e luaieleia ana e keia moana wai nui kupikipikio, ke aloha i wili pawaluia e Makalii, a eha au la i ka eha lima ole a ke aloha, hui pu iho me na kupilikii o keia ma'i flu, ka ma'i hoi nana i kaili koke aku i kuu aloha, nalo me na aumeume pu ana me ka numonia, a hiu luau la, a lilo, a ahu iho la ka hoka ia'u e hoaa ana i ke kula o Puna, a e ohi wale ana i ka i'a o ka lae iliili, he alamihi, a o ka hana wale iho la no ia o ka la e walea ai, o ka nuu i ka waimaka, e u ana me ka paumako, me ka minamina pau ole no kuu kane hele loa.

Ua huli au ia oe e ke aloha ma na pali hauliuli o ke Koolau, mahea la oe i nalowale iho nei.

Ma ka mahina o Maraki, la 20, 1920, i hele emo ole iho ai kuu alona, a waiho iho la ia'u ka hoapili, i na ehaeha he nui, na'u a na ka ohana e paiauma aku nona iloko no o kuu poli, kuu aloha a niau palanehe ana me ka ike ole ia, a ua hele no hoi iloko o ke aheahe malie.

He ku i ka manaonao ke hoomanao ae i na hora o kuu aloha.

Ua hanauia kum daniel K. Makuakane ma pololu, Kohala, Hawaii, mai ka puhaka mai o David Keonekapu K. Makuakane ame Vitoria E. Keliihananui, ma ka la 28 o Feberuari, 1880, a ua piha iaia na makahiki he kanaha ame na la keu he 20 a hala aku la me ka minamina nui ia. 'Ina la bebe loa o kuu kane aloha, ua lilo aku oia i ka hanalia e kona mau kupuna hanai, oia hoi o D. W. Pihenui ame Nakoi (w) no na pali ku'i eiwa o Honokane, a nolaila nau e Kohala makani apaapaa i ka Mokupuni o Keawe, haaheo no i ka lehua me ka maile o Panaewa, i pulama i kuu Dany dear.

E na lehua O Awini, o oe pu kekahi i hiipoi i kuu lei roselani, e na Kohala ka akua ame ka hema ko loko ame ko waho, ma kou hokua no i holoholo ai kuu maoli pua ponimoi, i kona mau la opio, na la heu ole, wahi a ka olelo. E Pili ame Kalahikiola na puu haele lua, na olua no i hanai pauaho ole i kuu ipo pua pikake, i kona mau la makua ole.

E ke awa haulani o Mahukona, maluna o kou iwikuamoo i ku hope ai kuu onaona ala auuioe me kona mau kupuna a holo mai ma ka moana o Alenuihaha mo ka Mokupun o Kakuhihewa, lei ana i ka ilima, Oahu Nei, i ka mahina o Feb., 1892, a nolaila ua aneane loa e piha iaia he 12 makahiki ma kau pulama ana e lei Kohala i ka nuku na huapala.

Ua noho me kona mau kupuna ma ka aina houluulu nei, ka aina i ka eheu o na manu, ahiki wale i kona hoi aua aku la'i kahi mau o na mea apau.

Ua mare mua no i ka wahine a kaawale ma ke kanawai a i ka la 4 o Marai, 1900, ua hoohui maua ma ka lokahi aua o ka manao, a ma ka la 5 o Nov., 1904, i hipuu mai ai ke kanawai o ka aina ia maua, a o ia mau no ia paa a ia pili ana, a na anela o ka make i oki ao i ka la 20 o Maraki, 1920, i kau hooweliweli hoi a keia ma'i Au.

Ua piliia e maua me kuu kane na wahi like ole apau; na oili aku no ka Mokupuni Kailila i ka 1903; ua ike aku ia Newiliwili ma ka moku, ka wai o Kemamo i ka luna o Haupu, ahiki i ka waiulailiahi o Waimea, lele luka o ka aiua, ike no i ka auwai a ka menehune, ka wai kea, ka wailiula o Mana, ke one kani o Nohili e uhene ana i ka poli, ka pahapaha hoi e Polihale, alohawale ia mau wahi a mana i pili ai me kuu aloha.

I ka 1917 iloko o Dee., la 25 haalele ia Laie nei no Honolulu, Maunakea i ka Poakolu ae, haalele ia Oahu. Ma ka moku ike aku ia Molokai ua kilohi pu iho no ia Lanai a Kaukulaau, lei ana i ke kaunaoa. Ua hoohihi aku no hoi i ke kukilakila mai o Maui, i ka lei roselani; ua nana aku no ia Kahoolawe, lei hinahina, pela no hoi ia Molokini au ana i ke kai.

Ma ka moku no i nana aku ai i kahi ana i holoholo ai, a i ke ku mai no hoi a pili me Kalahikiola, a me ia mau wahi apau, a pae aku no hoi i Hilo Hanakahi, i ka ua kanilehua, malalo o ke pailaka ana a ko maua papa D. Keonekapu, ua ike i na pana kaulana o ia aina, ame ka ohana. Ua ike ia Puna pia nala i ka hala me ka hinano, me ka mahalo a hoohihi i ka naui o ia mau wahi apau a maua i pili ai, a pau no hoi halaila, aua hoi hou mai i ka aina nei.

He kanaka aloha wahine, he pulama me ka kaniuhu ole i ka nui o ka ohana. Ua hooikaika no oia e imi e hana i na mea e pono ai no'u, no maua ame ka ohana. He lokomaikai piha, he makuakane oiaio no ka home, a ua pololei maoli kela inoa kupuna Makuakanoe nona, no ka mea ma kana mau hana, kona kulana ame ka malama ohana, a oi aku no i keia a'u e helu aku nei, a nu ka lehulehu no i kipa mai ma ko maua nei home, e ike i ka oiaio o keia, ua haawi nui oia i kona manawa ma ka mahiai, a pela no hoi me ka lawai'a ana, aole o ka lawai'a nui elike me kekahi poe, me na upena nui i ka moana, aka he lawai'a no kana e nele ole ai ka ipukai, a nolaila i na la apau a maua i noho ai, aole au i ike ia mea he pololi, no ka mea ua piha mau ka umeke ame ka ipukai, ua hana kuokoa ae he mau wahi eka ko, aole nae i ike i ka pomaikai a hele e aku la.

O ka hana hope ana i kukulu ai nei, he wahi poi facory no ka mikini e wili, a ke haaheo nei o Laie no ia hana holomua; no ka mea, ma ka hui nui iho nei o Nov., 1919, ua wiliia he 2630 galani poi no ka pono o na malihini ame na kamaaina, a o ka mahina no hoi ia i hoomakaia ai e wili keia poi factory. Iloko o ko'u mau la kaumaha no kuu alona, e ninau ana ka naau i ka naau, e aloha ana i ka pa mai a ka makani kuupu a malualua hoi o ka aina. I ui aku hoi ka hana in a ua ike i kuu aloha, aole haina i loaa mai, pela no i ka la e kau mei ka mahina e konaue ana na hoku i ka paiuiu lani, na ao kaalelewa, na opua hookukuehu o ke kakahiaka, aohe pane i loaa mai!

Ninau aku hoi i ke olai ku'i e naue nei, ka hekili nei nakolokolo i na paia laui; ua uwila olapa i ka lewanui; na kulu pakaua eloelo, aole no he haina i loaa mai, ka moana kai uli kai hohonu, na ale honupanupa hoi, na puu, na awawa, ua pali, na mauna, na kuahiwi ame na mea like ole apau a ka maka e ike aku aua, in a hoi ua ike i kuu aloha, o ka haina like wale no ia apau a ka maka e ike aku ana, in a hoi ua ike i kuu aloha, o ka haina like wale no ia apau he neo; a na kuu Haku Iesu Kristo no i hawanawana mai ia'u ma ke aheahe malie, aia ka kuu lei tubarose i ka paredaiso kahi mau o na uhane, a no ka mea, oia kana i olele aku ai i ke kanaka powa; O oe pu me a'u i ka paredaiso, a nolaila mahope iho o ka haalele ana o ka uhane i ke kino, ua hele aku ia ilaila, a o ke kuno i ka lepo, a peia no hoi i ko ai ka olelo  ku Buke Nui.

Nolaila i ke Akua no e hoomaha aku ai na luuluu kaumaha, luhi, hele mai oukou ia'u nei a na' uoukou e hoomaha aku.

Ke haawi nei au i ko'u mahalo nui i ka poe i hiki mai e ike i hona kino puanuanu; i ko maua kaikuaana Mrs. H. Holi, me kona mawaliwali no, ua alo mai uo i ka loa, no ka pono o kona pokii kaikunane, a ua ike pu no oia i kona aho hope. Ka maua aikano i aloha nuiia Mrs. P Namaielua, mea ole ka pouli i ke kono a ke aloha; ko maua mau pokii ahonui, a aloha kaikuaana oiaio, a no ka mea, ua aloia mai o ke anu o na kulu kehau, oiai ua haalele ia Honolulu i ka hora 12 a oi aku paha, no ke aloha i ka hanaumua, me ka manao ohana, aole nae pela, ua niau e aku mamua o ka hiki ana mai.

Ke mahalo pu aku nei i ko laua ahonui i ke auano ana i na ko'iko'i o ka home nani o kuu aloha, ka home kaupoku ole i moe pu aka la me ia no ka wa mau loa, pela i ka poe elilua, a i ka lehulehu no apau, ka poe i maka pua mai, ame ka poe i uhai aku i kana huaka'i hope loa no kona wahi e moe nei; oiai aole au i hiki me na luhi a maua, no ka mea aia no ka ma'i flu kaili aloha ke hoouinipo la no maluna o makou.

E hoonauiia ke Akua ma na lani kiekie, amene. Me ka walohia,

MRS. EVA BRAY MAKUAKANE.

KE ALANUI KAHIKO AME KE ALANUI HOU.

(Hoomauia mai.)

Ke mau nei no ke ano ahiu me ka hana i na ano Kristiano ole. E ka lahui, e nana mai i ka manao o keia malihini, e olelo mai ana e hoonioni kakou ia kakou iho, e hana i ka mea e waia ole ai kou inoa, he nui na mea e ku mai nei imua o kaua, in a nae kaua e lawe mai i na olelo o keia ano, o ia hoi, e hana, e oni, e ku iluna a e paio no kou pono ame kou home, e kapae oe i na mea pono ole e waiho aku me ka malie, a e hoihoi ae i kou kalele ana maluna o ke alanui hou, no kou kaulana, no kou pono, no kou holomua, no kou imiwaiwai ana, a i oi loa aku kou home ame kou ohana iloko o ka nohona kauole, no ka mea, ua mikiala oe i na mea e pono ai kou noho ohana ana.

E nana aku i na moolelo e puka nei ma ka ipukukui o ka malamalama mai ka noho uhauha ana, kaawale ka makua me ke keiki, a pii hou mai a kau iluna o ke ana kaulike o ka hoopono, ame ka hanohano, a hoohuiia ka makua me na keiki no na makahiki loihi o ke kaawale ana, o ka mea i ikeia o ia ka loli ana o ke alanui e hele ai, ua loaa na mea apau e loaa mai ai ka hauole me kona ohana.

Pela no kaua e ku nei, a nana aku i na mea e, hanaia mai ana e na lahui e, eia lakou ke hana mai nei i na mea e pono ai lakou, e mikiala aua i na mea e holomua ai ka lakou hana.

Ma ka paina awakea a ka hui hoeueu a na Hawaii, i ke awakea o ka Poalima i hala aku nei, ma kahi a lakou e paina ai, o ka mea kakau kekahi, ua puka ae na mea e holomua ai na opio Hawaii, elike no me na mea e kamailio mau ia ai no ka pono o kuu lahui, no ka mea, o ke ano iho la ia o ia hui, e imi ana i na mea maikai a kukulu mai imua o na lala, ma ke ano kumuhana e noonooia ai, ua puka ae no na mea e imi ai i dala no ka hoonaauao i na keiki, a e pili ana kekahi no ke kukulaana aku i home no na kaikamahine i puka mai ke kula mai o Kamehameha, o ia hoi e kapaia ka inoa o ia home ma ka inoa o ia kumukula i hana mai i na mee maikai, i na kaikamahine Hawaii aloha, ua komo na manao aloha iwaena o lakou, nolaila ke imi mai nei i na mea e holomua ai ia hana nui.

(Aole i pau.)

NA MAKELIA NEE O KE KOOLAUWAHINE I KAHUKU AINA HOOPANEE I KE KAI.

Mr. Lunahooponopono a i kona papapa'i o ke kaupaona, e houluulu ana i na hunahuna nakenake i makelia i hoohui pu ia me na mea paahana, a uwila i mau e a holo mama, i puka aku mawaho o na puka aniani, a pii aku i e-a, e hoohui pu ia apuni ke kulanakauhale poo o ke Aupuni Hawaii, a komo loa aku i na ao holo mama i ka lewa iluna, i mau mea e ume ana a hooulu nui i na mea ma ka honua, a make a ola.

Nolaila, ke huki nei o Kahuku lewa i ke kai, i ka pakeneka kiekie loa o 100 keneka huki i kona kahiko apuni, ke pookamana o na Pake, ke pookamana o na kanaka, ke pookamana o na Haole, ke pookamana o na Pilipino, ke poo o ka hana paipuwai o na oihana like ole apau, ka halewili ame hale hoomo'a ko keokeo, na kahunapule like ole o na hoomana ame ko lakou mau luakini, ke kauka mahiko, na kahu malama o na keiki, na kumukula mawaho ae o na kumu aupuni, ke komite nui o na hoolaulea ame hooponopono, ua oopa ame holokapakahi kau aoao, no na ohi pepa puehu i ka makani me bonus pu, na makai aupuni i mau kuhina poo no Kahuku, a makai kaulio holoholo pu ana me na eepa o ka po.

Ka holomoku nui ana mai o na Hawaii iloko o ka mahiko, a penei: O Mr. J. N. K. Kakelamaluikaleo mai ke kihi hema loa mai o Kona, Napoopoo, Hawaii o Keawe loa mai, pau pale pau i ka mano, a pupuu hooleiloa, noho ana i ke alo, ka wahine, na keiki, na moopuna o na kualua, a poai apuni, a waiho na iwi o kamahele, oiai ka hao makeneki ume no Kahuku.

Auhea apuni ke Kakelamaluikaleo, ke kilokilo poo o na meahuna ike ole ia? Ua pau poo a pau hi'u i ka ume ikaika huki o ka hao aiana o ka aina panee iuka i kai o ke Koolauwahine, e hoike okoa ae ana, a, auhea wale ana oe i ka mea kaulana ma Kona Hema, 'ua hiki ole iaia ke moe pono me kana iwa kau aoao i ke anu hui o na kuluhau o Hualalai, oiai o Kahuku aina panee imua a ihope, aia imua o ka lihilihi ku'emaka kahi i kapalili mau ai, a hoopiiia ae ka mahu o ke kino, a oni, a naue, a mi o kau i ka moku, no ke kihi akau loa o Kahuhihewa Mokupuni.

Nona au e olelo poonui ae nei o Kini Kailua, a mano o Kaneohe, ka pule hana aloha iho la no ia a ke Keiki o no Koolau pihaku'i o Kahuku Plantn. i na limahana, lawa a hu.

Ka Rev. Kauaulalena o Piiholo, ka uahi moe kokolo, hau anuanu o ke kula noho mai, kana wanana i hookoia, aia he manawa a ke Akua e piha ananei keia aina i na lahui no keia mahiko. Ke hookoia nei ka Mose Kaaipuaa o Honolulu, ke poo pena hale o na Hawaii ponoi ana i olelo malu mai ai ia'u e haawi ana oia i kona wahi ike ia kaua. Ua pololei, wahi ana, o J.W.K. aia me ia laua Hawaii, a nui loa aku no!

Ko'u hoopumehana,

J.A. AHIONA.

Kahukulewa iluna.

MAUNA HAPPY HOME SONG.

Hanohano o Mauna Happy a e ku nei,

Haaheo i ka uluwehi o na pua;

Ua kohu kihapai o Elenale,

Ka popohe malie i ke ano ahiahi;

Nani wale oe la ke ike aku,

Na wai pipii e kilihune aua;

Na pi'o pohaku ku kilakila,

Hiehie i ka maka ke ike aku.

Kona mau pa nani maemae,

Me na alanui poaipuni;

Aohe on a mea a e like ai,

Me Mauna Happy Home a e ku nei;

Na home i pea i ke ala onaona,

A ke kehau a i hali mai ai.

Ilaila makou i luana iho ai,

Ia home pumehana mau i ke aloha;

O ka pono kaulike me ka maluhia,

Ka hoku alakai o nei noho ana;

He aloha na hoa o ka imi ola,

Imi ana i ke ola me ka maemae;

Haina ia mai ana ka puana;

Mauna Happy Home a e ku nei;

Haina hou ia mai ka puana,

Home pumehana mau i ke aloha.

Hakuia e

D K K LAUHUNEHUNEOKEKIAWE

KA AHAHUI KAMEHAMEHA AME KONA KULANA

(Hoomauia mai.)

O na lunanui e ku nei i hoike mua ia aku ai, i na helu mua aku nei, he poe hoopono ma ka malama ana i na mea e pono ai ka hui e oleloia nei, o ka mea wale no e hiki ai me kou lawe mai a kaupaona i na mea e kupono ai ia oe ame kou noho ohana ana, o ia ka mea nui.

E nana aku i na hoaloha haole o kakou, aole o ka nui ana o ko lakou waiwai, he mea ia no lakou e komo ole ai i na hui malu, ame kekahi mau hui e ae uo ke ake wale mai no ia e kaawale ae ka ohana, i ka auamo ana, i no ko'i ko'i apau, pela no, in a he wahi haole haahaa iho oia, e loaa ana no ia haawina hookahi iaia.

Ua ike kakou ia mau mea, in a he wahi malihini oia; a make hikiwawe, i ka huliia ana aku, ua loaa aku la na palapala pili hui, o ke kaa koke aku la no ia o kona kino na ka hui e hoomaemae, ame ka malama ana i na hana hope loa maluna o kona kino, pela no ka hui e oleloia nei, e nana ana i kou pono ma keia noho honua aua, o kekahi he mau komite, e imi ana i na mea e ola ai keia kino ame kou home, o la no kau hana ike hanalima paha, a i ole kekahi mau hana e ae, pela no na haole, in a pilikia kekahi hoahanau, e imi koke ia i hana nana.

Nolaila e hana kakou e pono ai, e komo i na hui e oleloia nei, iwaena o na Hawaii, a e oni like, ke nana aku i na oihana aupuni, aia i na Hawaii ka hapanui o na oihana, o keaha kau e hana ai ame a'u?

E ku a pololei, e noi aku me ka hilahila ole, o ia hoi, e noi oe'i ka mea au i ike ai, ua kupono oe ma ia kulana, oiai o ala mai ke kuhihewa i kekahi manawa, a loaa ka mea e kamailioia ai, ua ike no hoi he kamana ka hana ike noi i kupakako, a i ka pilikia ana a hoomaka kou ohumu ana, i ka hoalianau i ka lapuwale, mea no hoi i ka mea, oiai nae nou no ka hewa o na mea apau, a ke kanaka e hana ai, he like wale no, o ia hoi e pono oe e malama i kou kulana hoopono ame kau lawelawe hana ana.

Pela no ka hui e ku mau ana oia me ka makaala nou ame na hoahanau hoopono, no ka mea, e pono ka hui e ku kiai nou, i na manawa apau, a pela me na komite o kela ame keia i hoamanaia ai e ka hui, e ku makaukau ana i na manawa apau, o ia iho la no ka mea e holomua ai na hana apau mai ka hui liilii a na hui nunui.

(Aole i pau.)

TERITORE O HAWAII.

Keena o ka Puuku, Honolulu, Oahu.

Ma ka hana e hoopau ana i ka WAIMEA WINE COMPANY, LIMITED.

OIAI, o ka WAIMEA WINE COMPANY, LIMITED, he hui ia i kukuluia a e ku ana malalo a ma ka mana o na kauawai o keTeritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pouo e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 19 o Iulai, 1920, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

DELBERT E. METZGER,

Puuku, Teritore o Hawaii.

Honolulu, Mei 4, 1920.

6399-Mei 7, 14, 21, 28; June 4, 11, 18, 26; Iuali 2, 9.

HOOLAHA I KA POE PAA AIE O KA WAILUKU CONSTRUCTION AND DRAYING COMPANY, LTD.

O ka inea nona ka inoa malalo iho nei, mamuli o kona hookohuia ana mai e Delbert E. Metzger, Puuku o ke Teritore o Hawaii, ma ka la 2 o Maraki, 1920, ma ke ano kahu no ka poe paa aie ame ka poe paa mahele o ka hui i oleloia, ma ka hoopauia ana o ka Wailuku Construction and Draying Company, Ltd., he hui i hoohuiia, ma keia ke haawi aku nei i ka hoolaha i ka poe paa aie apau o ka hui i oleloia, e waiho mai i ka lakou mau koi iaia ma kona keena ma Honokohua, Apana o Lahaina, Kalana o Maui, Teritore o Hawaii, iloko o 90 la mai ka la aku o keia hoopuka mua ia ana.

La o ka hoopuka mua ia ana, Aperila 23, 1920.

D.T. FLEMING,

Kahu uo ka Poe Paa Aie ame ka Poe Paa Mahele o ka Wailuku Construction and Draying Co., Ltd.

6397-Apr. 23, 30; Mei 7, 14, 21.

LEO KAHEA I NA KAUIKEAOULI.

E na Hoahanau, Aloha: -Ua makemake a oukou e hoomaikai i ko oukou kulana iloko o ka Ahahui Poo, Hui Kauikeaouli, iloko o kauaono la mai keia la aku. Iua aole pela, e ku-e mau loa ia ana oukou. Oluolu e pane mai.

Me ke Aloha Hoahanau,

J.A. LAWELAWE,

Kakauolelo Ohi Dala, Ahahui Poo,

Hui Kauikeaouli.

Honolulu, Mar. 6, 1920.

6391-Mar. 12, 26; Apr. 2, 23; Mei 7, 14

MA KE KAUOHA

HOOLAHA HOOPAA INOA KOHO BALOTA.

No ka pomaikai o ka poe koho balota o ke Kalana o Kauai, e noho ana ka mea nona ka inoa malalo iho nei ma na wahi a ma na manawa i hoikeia mahope ae nei, koe wale no a okoa ae na hoakaka ana, no ka hoopaa ana i ka inoa o ka poe kupono i ke koho balota no ke Kalana o Kauai nei, no na koho baleta ana omua nei aku, maloko o ke Kalana o Kauai nei, a e noi mai ana e hoopaa i ko lakou mau inoa ma ia ano.

Hale hookolokolo o Waioli, Mei 12, 1920, hora 10 a.m.-4 p.m.; Mei 13, 1920, hora 9 a.m.-12 awakea.

Halekuai o Kong Lung, Kilauea, Mei 13, 1920, hora 2-5 p.m.

Halekuai o Kealia, Mei 14 ame 15, hora 2-5:30 p.m.

Hale Hookolokolo ma Kapaa, Mei 17, 18 and 19, hore 1:30-5:30 p.m.

Hale Hui, Hanamaulu, Mei 20, 2:30-5:3- p.m.

Grove Farm office (Nu Hou), Lihue, Mei 21, 10-5 p.m.

Hale Hookolokolo ma Koloa, Iune 9 ame 10, hora 12 m.-4:30 p.m.

Hale Hui, Kalaheo, Iune 14, hora 1:30-5 p.m.

Keena Oihana, Hui Mahiko o Me Bryde, Wahiawa, Iune 16, hora 10-4:30 p.m.

Halekuai o J. I. Silva, Eleele, Iune 17, hora 10-12 m.

Halekuai o Hanapepe (Joe-Gomez), Iune 17, hora 2-5 p.m.

Hale Hui o Morrison, Makaweli, Iune 18 ame 21, hora 10-5 p.m.

Keena Oihana, Hui Mahiko o Kekaha, Iuali 7, hora 10-5 p.m.

Hale Hookolokolo ma Waimea, Iulai 8 ame 9, hora 10-4:30 p.m.

No ko Niihau, mahope aku e hoikeia aku ai ka manawa no ka hoopaa inoa ana malaila. Ina nae e kaheaia mai ana kamea nona ka inoa malalo iho e hele no ka hoopaa inoa ana ma Niihau, ma kekahi o keia mau la i hoikeia maluna ae, alaila o ka hoopaa inoa ana o ka poe koho balota, o kahi nona ka la i lilo aku no Niihau, e hoike hou ia aku no ia ma ka manawa kupono no.

O ka poe apau e makemake ana, na hiki no lakou ke hoopaa inoa ma ke ano, he poe kupono i ke koho balota no keia Kalana, ke hele ae ma ke Keena Oihana o ke Kakauolelo o Kauai nei, ma na la hana no hoi, mawaho ae nae o na la i hoikeia maluna, ame ka Poakolu ekahi o ka mahina, mawaena o ka hora 9 a.m. ame 12 awakea.

E waiho hamama ana no ka Buke Nui Hoopaa Inoa o ka poe kupono i ke koho balota o ke Kalana o Kauai no ia hana, ma ke Keena Oihana no o ke Kakauolelo o ke Kalana o Kauai nei, i na manawa apau ahiki i ke aumoe o ka po Poalua, Sepatemaba 21, 1920, mamua mai o ke Koho Balota Wae Moho o ke Teritore o Hawaii nei, e malamaia ana ma ka Poaono, Okatoba 2, 1920.

Mahope koke iho no o ka pau ana o ke Koho Balota Wae Moho o ke Teritore i ha'iia ae la, e hamama hou ana ka Buke Nui Hoopaa Inoa o ka Poe Kupono i ke Koho Balota o ke Kalana o Kauai nei, no ka hoopaa ana i ka inoa o ka poe i koe ahiki i ke aumoe o ka po Poalua, Okatoba 12, 1920, no ke Koho Balota Nui aku o ke Teritore e malamaia ana ma Novemaba 2, 1920.

Ina he mau hoololi hou ana kekahi o keia papa-kuhikuhi maluna ae e haiia aku ana no i ka manawa kupono no.

HAAWIIA malalo o ko'u lima ame ke Sila o ke Kalana o Kauai ma Lihue, i keia la 24 o Aperila, 1920.

J. MAHIAI KANEAKUA,

(Sila)

Kakauolelo, Kalana o Kauai.

6398-Apr. 30; Mei 7, 14, 21.

TERITORE O HAWAII.

Keena o ka Puuku, Honolulu, Oahu.

Ma ka hana e hoopau ana i ka BANK OF HONOLULU, LIMITED.

OIAI, o ka BANK OF HONOLULU LIMITED, he hai ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waiho ia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaiola i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku e ana no ka ae ia aku o ka palapala noi i oleloia maloko o keia keena, mamua ae o ka hora 12 awakea o ka la 15 o Iune, 1920, a o kela ame keia mea e makemake ana e hooloheia aku maluna o ia mea,he pono e hoea hino ae ma ke koena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

DELBERT E. METZGER,

Puuku, Teritore o Hawaii.

Honolulu, Aperila 6, 1920.

6395- Apr. 16, 23, 30; Mei 7, 14, 21

OLELO HOOLAHA.

E ike auanei na kanaka apau, owau o ka mea nona ka inoa malalo nei, ua hoonoho, a hookohu aku au ia Moses Akawa, o Kaluaaha, Molokai, Kalana o Maui, i Hope Agena, Lunahooponopono a Kahu Malama Waiwai, no ko'u mau waiwai apau, mai na Waiwaipaa a Waiwai Lewa apau e waiho la ma Kaamola, Kamalo , Molokai, Kalana o Maui, a o na hooponopono ana apau me ko'u hope no ia i hoikeia ae la.

HOA INAINA,

Kulnakauhale me Kalana o Honolulu.

Mei 6, 1920.

6399-Mei 7, 14, 21.

HOOLAHA.

Mamuli o ka haalele ana mai o kua wahine mare, Mrs. Kealoha Hamana Kalihi i ko'u wahi moe ame na meaai, ke haawi aku nei au i ka hoolaha, aole e ili mai ke ko 'iko'i maluna o'u no ka uku ana aku i na aie e hanaia ana eia, a e kekahi mea e ae paha, me ko'u ae mua ole, i kakauia.

HAMAMA KALILI.

6399-Mei 7, 14, 21, 28.

HOOMAKAUKAU NO MUA AKU NEI

E Hoao e Hoomakaulii Ano---E Malama i ke Dala e wehe i Buke Banako H@ahu me ke

CHINERE-AMERICAN BANK

A NANA AKU I KA ULU O KAU DALA

NA PAHU DALA no ka Hoolimalima

$1.00 no ka Wehe Ana i ka Hoahu

Kihi o ke Alanui Moi me Nuuanu

LUAU

Na PA, NOHO, PAKAUKAU ame na HALELOLE no ka Hoolimalima.

PEOPLE'S HARDWARE STORE.

453 Alanui Moi Akau, Kokoke i Palama Settlement.

KELEPONA 2670.

7348-8 wks.

HOOLAHA ANO NUI!

He halawai kuikawa ko ka "AHAHUI KALEPA O NA HAWAII J. KAUPALENAIA, no ka La 21 o keia mahina, ma ka Library of Hawaii, hora 7:30 P.M.

Makemakeia na lala apau loa e hoea mai ma ia halawai, aole e haule. He mau hana ano nui loa ka i makemakeia e waiho aku imua o lakou.

KA AHAHUI KALEPA O NA HAWAII I KAUPALENAIA.

KkelameKuku

(KAUPALENAIA)

Poe Kalepa ma ke Komisina

A HE

Poe Agena no na Mahiko Lehulehu

Kuai Apana Aina ma Waikiki

$504-Na Apana 42x100, Lakimau Tract, Waikiki, $15 uku mahina. Waiwaiio $850.

$804-Na Apana 40x167.5, Lakimau Tract, Waikiki, $20 uku mahina. Waiwaiio $1300. Alanui pohaku paepae. Wai aupuni, etc. Maemae ka aina, aole pohaku, 7 kapuai ka hohonu o ka lepo.

$600-Apana 50x90, Edward St., Alanui Gulick, kokoke Alanui Mo $15 uku mahina.

$150-Apana 50x100, Kapiolani Park Addn., kokoke Alanui 11, Kaimuki. $5 uku mahina.

$450-Apana-kihi, 50x90, Alanui l ame Alanui Palolo, Kaimuki. $10 uku mahina.

$1500-Apana 40x83, Alanui, Luso, kokoke me Alanui Emma. $25 uku mahina.

PAULO KALAUKA,

(P.E.R.STRAUCH).

Akena Kuai Aina Emi Loa.

Waity Bldg., Helu 74 Hema, Alanui Moi.

Kela Laau Kaulana

B.B.C.

He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana holool@oa o ke kino, e kipaku ana i ka ma i kino ame na ma'i ili wale mai, e haawi ana i ke kino i ka ikaika, ke ola ame ka mana i na aalolo.

E hoopiha ana ka B.B.C. i ke kino me ka ikaika hao o ke ola ame ka ikaika o na la opio. Ua Hoolaia na poe nawaliwali ma na manawa lehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko, o ke ola lahui ana. O ka B.B.C. ka laau kamahao loa ma ke ao.

KUAHA MA NA WAHI APAU.

Keena Kuai Laau B.B.C., 161 Alanui Moi, Honolulu, Hawaii.

TO Murata Furniture Store

(Na noho hoolimalima me lako pa maanei.)

Na Lako Hale Hou me Kahiko.

Hoolimalima me Kuai Hoolilo.

715 Alanui Hema, Honolulu, T.H.,

Kelepona 1695.

HOOLAHA.

O ka põe apau i aie a i ole, he mau koi ku e i ka NARUMIYA & COMPANY, LTD., ma keia ke hoikeia aku nei ka lohe e hooponopono ia mea ma ka uku ana mai, a i ole, waiho ae i na koi, elike me na mea e ikeia ana, ia M. Kogama, ke Kahu i koho pono ia, no ka hoopau ana i ka hoahui i oleloia, ma ke keena o Sagenta Kawamoto, Hale Hocking, Honolulu, T.H., iloko o kanaiwa la, mai ka la 24 aku o Aperila, 1920.

K. KOGAMA,

Kahu.

6397-Apr. 23, 30; Mei 7, 14, 21.

Hoomanao i Kahi

156-158 Alanui Hotele

Mauka o ka Hokele Young.

Ua hoao kekahi poe e hana i wahi no oukou e noonoo iho ai, ua nee makou mai ko makou wahi kahiko mai, o ka mea oiaio aole makou i nee.

O Kauka Capps ua kamaaina oukou, Mrs. Correa, Kauka Rushforth ame ka poe e ae, he o ia mau no lakou. Aole he kuleana o kekahi kanaka okoa aku o Thompson me ko makou wahi. Hiki ia makou ke olelo Hawaii.

Dr. Lewis Edwin Capps

KAUKA RUSHFORTH,

Kokua.

Thompson Optical Institute

156-158 Alanui Hokele

Mauka o ka Hokele Young.

NORMAN K. LYMAN

HE LOEA MA KE KANAWAI.

Ua makaukau e lawelawe i na hihia apau e pili ana i na aina aupuni me ka hooponopono ana i na palena aina kuleana i hoopaapaaia, me ka huli ana e loaa ai na palapala sila i ka poe i loaa ole na palapala sila mai ke aupuui mai, pela me na hihia koi poho a ka poe i loaa i ka poino ulia i hana malalo o ke kalana, a i ole malalo paha o kekahi hui, me ka lawelawe pu i ka hana kuai aku a kuai mai i na waiwaipaa, a pela hoi me ka huna e pili ana i ka hoopaa ana i ke ola (inisua) ame na poino ulia. Keena oihana: Ma Hilo, Hawaii.

6389-3 mo.

CONSULT

SANFORD OPTICAL CO.

Phone 1740

OPTICIANS

Boston Bldg.

@

Accurate work

NUPEPA KUOKOA

No ka makahiki (one year)…….$2.00

No eon mahina (six months)….1.00

O na Dala âme na Hoolaha Apau e Hoouna pololei mai i ka ADVERTISER PUBLISHING COMPANY, LTD., wale no, P.O. Box 208, Honolulu, T.H.

217 Alanui Moi, ma ke keena o ka Nupepa Advertiser.

Entered at the Post Office at Honolulu, T.H., as Second Class Matter.

CHARLES S. CRANE….LUNA @