Ka Nupepa Kuokoa, Volume LVIII, Number 19, 14 May 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

MARGARITA ADAMU

ai i ole

Ka Hoohokaia Ana o na Manao Lapuwale o ka Mea Kolohe - La Papahi Ana o ka Mea Hoopono i ka Hanohano me ka Waiwai.

Aia no nae he mau kauhale maikai, ma kahi mamao iki aku mai kahi i ku ai o ko Magarita hale, he mau home no na malihini i kukulu malala. no ka hoohala ana i ke kau wela, a no na kamaina no hoi kekahi, eia nae, ua kamaaina wale no lakou apau ia Magarita Adamu, me ko lakou nana ma mai maluna on a, me na manao hookae, a hoihoi ole no keia kaikamahine.

Ina e huli hoi aku o Magarita no kona home ma ke alanui ololi, a i ka wa e ike mai ai na kanaka iaia, e huli aku ma ko lakou alo i kahi e, me ka hoihoi ole loa ke nana mai iaia. o ko lakou noonoo wale no. he keu o Magaria Adamu a ke kaikamahine ino o kona lawelawe ana i ke karaima pepehikanaka, ma o ka make ana o kona makuakane.

He mea maa i kekahi manawa, i ka wa e make aku ai o kkahi mea. e hoopoina ana ka poe ola i ka noonoo ana hola, ke hala ae kekahi manawa loihi, aole nae pela ke ano i na kanaka ma Manakeka, e hoopuka okoa ae ana kekahi poe i keia mau olelo:

"Aole no he kanaka ino maoli o kokia Adamu, he mau hewa no paha kona. aka i kona wa e inu ole ai i ka rama, oia kekahi on a kanaka noho malie, a ua oi aku na hana ino a kekahi poe kanaka e ae mamua on a. He poaop, i kekahi manwa, ua oi loa aku no kana mau hana hoopilikia i kana kaikamahine: eia nae, in a no ia mau hana wale iho la no ka pepehi ana o ke kaikamahine i kon makuakane a make. a laila he kakaikahi ka hala o kekahi la iloko o ka makahiki ka hao i ka oiliili mau ae o na hana karaima lehulehu, i hookoia aku e na wahine maluna o ko laukou mau makuakane, a maluna paha o ka lakou mau kane.

Ma kahi nae o ka hoopoina o na kanaka i ka noonoo ana no na mea i hanaia aku maluna o Iokia Adamu, ua lilo kona make ana. i mea ano nui loa iloko o ko lakou noonoo i kela ame keia la. ahiki i ka nanaia ana aku o Magarita. me he mea la oia kekahi wahine opio i kauia ka weli e na mea apau, ma kana mau wahie hele ae ai.

Imua o ka aha hookolokolo ma ka manawa o ka hooloheia ana o ka hihia pepehikanaka o Magarita Adamu, i hoakakaia ae ai kekahi mau mea, no ke okiia ana o ke poo o lokia. Adamu me ke ko'i, aole malaila wale iho ia no pau, aka ua okioki pu ia aku kona kino i na apana liilii e hoike mai ana hoi kela ano hana, he mea akahi no oia a lawelawe i ka hana pepehikanaka, oia maoli no ka i pili i ka hewa.

Na kela mau ike, a hui pu iho me ka manao o na kanaka i ke aupuni. he lima wahine ka mea nana i pepehi aku ia lokia Adamu a make, ua hookau aku lakou i na ahewa aua malama o Magarita, aole malaila wale iho la no pau ka lakou mau hana ku i ka lokoino, aka ua hoolilo pu aku lakou laila, me he wahina la. no kekahi lahui okoa loa.

Komo pololei aku la ke kaalio o ke Kapena Rede ahiki i ke ku ana aku mamua pono o ka hale o Magarita e ku mai ana. lele iho la oia ilalo. ia wa i ike mai i ka poe, no lakou na kauhale e pili kokoke mai ana i ka home o Magarita, me ka hookahaha nui ia aku o ka lakou noonoo, no ke kumu i hoea aku ai ke kanaka opio no kela wahi.

Aole no i malihini na kanaka iaia, ua kamaaina lakou aole wale ma kona inoa hookahi wale iho no aka ma kona ano kekahi, Ua maopopo loa ia lakou ke kulana keonimaka o keia kanaka. pela hoi kana mau liana aoau. i kapaia aku ai ka inoa kapakapa maluna on a ke Kapena Hao.

Ua maopopo pu i na kanaka o keia kekahi o na opio mai o kona waiwai, a hoi ae no i kona kulana oluolu, a piha waipa-he, he helu ekahi oia i waena o na kanaka i like aku ko lakou mau makahiki me kona, a me he mea la, oia ke kanaka nui hookahi o na hoaloha ma kela wahi.

I ka nana aku, aole on a mau enemi ma ka honua nei aka nae in a he mea kekahi i enemi mai iaia, aole e hiki iaia ke hoke okoa ae i kona ano, no ka mea he nui na hoaloha o keia kanaka opio ma kela ame kela wahi, e nele ole ai ke ala mai o kela mau hoaloha a hookau aku i kekahi mau hana hoopilikia, maluna o ka mea e hoao mai ana e hoehaeha o ko lakou hoaloha.

Hoko o na makahiki loihi o ka hoea mau ana aku o Pilipo Kele no kela wahi aole loa he mau mea i loheia no ka hana aku o keia kanaka opio i kekahi mau mea e hoohaahaaia ai kona kulana ame kona inoa nolaila i ka ike ana mai o na kanaka i kela hoea ana aku o kona kaa, a he wahine opio hoi kekahi me ia malua o kela kaa, aole ia i lilo i kumu e hoalaia mai ai na manao hoohnoi iloko o lakou, aia kekahi ano hewa ma ka hele pu ana aku o kela wahine me ia o ka lakou wale no e kakali mai la o ia ka ike aku i ka manao nui o kana huaka;i o ka hoea ana aku no kela wahi, i maa ole i ka heleia e ka poe hanohano.

Ua kamaaina no ka poe ma kela wahi i Nina Hilakona he mau manawa lehulehu ka lakou i ike ai iaia, o kela no hoi kekahi wahina huapala a lakou i olelo ae ai ua kohu maoli no o Kapena Rede in a o kona kokoolua kela o keia noho honua ana he hookahi nae mea nana i hookahaha loa aku i ko lakou manao o ia no ke ano o ka huaka'i a keia mau mea o ka hoea ana aku no kahi o Magarita.

Aia no o Nina Holakona iluna o ke kaa kahi i noho ai me kona lele ole aku ilalo me ka maopopo loa no nae iaia aole he mea e ai a na kanaka e kamailio mai ana, ke ike mai lakou ia Magarita e kau mai ana me ia iluna o ke kaa aka e hookau mai ana i na ahewa ana maluna oia nei, heaha nae ia mau hoahewa ana mai i kona noonoo, oiai aia kekahi mea ano nui loa ana e hoolala la. no ka hoea mai i ka wa a Kapena Rede, e kukoli mai ai imua o kona alo, a e hooko mai ai i kona mau makemake apau.

Hele pololei aku la o Kapena Rede a ku mamua o ka puka o ka hale o Magarita kikeke aku la me ka maile loa i wa i wehe koke ia mai ai ka puka, e ke kaikamahine opio ia wa no i pane aku ai ke kapena: "Ua makaukau anei oi i keia manaka" wahi ana me ke kunou ana aku imua o Magarita.

"Aole no he hana nui ka hoomakaukau ana, aka nae, i kii i'o mai nei anei oe ia'u no ka hele ana i ka holokaa, me oe ame kekahi lede opio?" wahi a Magarita, me kona kiei ana aku i kahi o ke kaa e ku mai ana.

"O ka manao nui ia o ka'u hualka'i i hoea mai la, elike no hoi me ia a'u i hooia aku ai imua ou i keia la a pehea aia anei kekahi kanalua ana ma kou aoao no ka hele pu ana mai me a'u?"

"Aole o'u kanalua, aka he hauoli nui loa ko'u, i ka hooko ana aku elike me kau konom me ke kilohi pono ana mai maluna o ke kapena opio maluna mai o kona poo ahili ilalo o na wawae, a i hou mai la:

"He mau hana hoao wale no paha keia au iau, o ka mea oiaio maoli, aole oe e aa e noho pu me a'u maluna o ke kaa hookahi, a oki loa aku hoi kela wahine opio, no ka mea aole loa he kane, he wahine ame na kamalii ma Manakeka uei, e aa e hookokoke mai ai'u o make aku auanei lakou ia'u."

"E hoopokole ke kamailio ana eia ke kaa ua makaukau no kou kau aku, he mea makehewa wale no kou noke ana mai i ke kamailio i kela ame keia mea ma ka hana wale no e ike ai oe i ka oiaio o ka'u mau mea apau i kamailio mua aku ai ia oe. Eia ihea kou papale? E wiki, no ka mea ke oni wale mai la no na lio, no ka makemake e hele koke aku i ka holoholo. ua opili ko laua mau wawae i ke ku i kahi hookahi."

Nana hou aku la ua o Magarita ma na maka o Kapena Rede, a iaia no paha ka ike, aole e puapu ana kela kanaka iaia o kona komo hou aku la no ia iloko o ka hale, a oili mai la me ka papale ma kona poo, aole no kela he papale kupono nona e hele pu ai me kona mau hoa, oiai he papale nani ko Nina Hilakonam o ka nana ae nae o kona papale hookahi wale no kela nolaila aohe ana wahi e hopu ae ai i papale maikai nona o ka mea i loaa o kana ia o ka lawe ana mai,, a kau ae la maluna o kona poo.

"E huikala mai oe ia'u e Kapena Rede no keia papale no ka mea o ko'u wahi papale hookahi wale iho la no keia" wahi a ua o Magarita me ke ano hilahila eia nae, iloko o ka pupuka o kela papale aole ia he mea nana e huna aku i ka helehelena u'i, a huapala o ua kaikamahine nei.

"Aohe a'u mea e hoohalahala ai no kena papale, no ka mea o ka u'i o kou helehelena ka mea nana e hooilo i kena papale i papale nani." wahi a Kapena Rede, me ka minoaka pu ana mai e hoike mai ana i kona ano oluolu waipa-he, a i hou mai la:

"Pehea la, ua maopopo no anei ia oe e hoea mai ana au no ke kii ana ia'oe?"

"Aole o'u kanalua iki, e hooko mai ana oe i kau mau mea i kamailio mai ai ia'u i keia la."

"Pehea i maopopo ai ia oe?"

"No ka mea ua kahi oe i kou lauoho a maikai, a ua komo mai nei oe i lole hou bou, ma ia mau mea i maopopo ai ia'u e hoea mai ana oe."

Noke ae la o Pilipo Rede i ka akaaka me ka leo nui, a olelo hou mai la: "Ke ike nei au, ua hilinai mai oe ia'u, a a pomaikai oe i kou hana ana pela. no ka mea e hooiaio aku ana au imua ou, aole au he hoaloha wale no nou, ma ka olelo, aka he hoaloha ma ka hana."

Me ke kakali ole aku i kekahi pane mai ia Magarita alakai aku la oia i ke kaikamahine opio no kahi o kona e ku mai ana, ia laua i pili aku ai ma ka aoao o ke kaa. pane aku la oia ia Nina:

"E Nina Hilakona e ai mai oe e hoolauna aku au ia Miss Adamu imua ou. O Miss Hilakona keia e lilo olua i mau hoaloha."

Kunou like ae la na lede opio, e hoike ana i ko laua ike ana aku kekahi i kekahi o ka hookau aku la no ia o Pilipo Rede ia Magarita iluna o ke kaa. a noho iho la ma ka aoao o Nina Hilakona a noho mai la no hoi oia ma kekahi noho kaawale me ka haawi ana aku i ke kauoha i ke kalaiwa i kana wahi e lawe aku ai ia lakou i ka holokaa.

I kela hoomaka ana aku o ke kaa e holo ke alaalawa la ka Nina Hilakona nana ana mawaho o ke kaa in a paha e ike aku ana oia i kekahi poe wahine. i ka noho mai mawaho o ka lanai o ko lakou home e hooluliluli ana maluna o na noho paipai: a i ole e kikiwai ana paha i na meakanu, aole nae on a ike aku i kekahi wahine, nolaila ua hoopiha loa ia oia me ka hauoli, me ke apo ana aku ia Magarita a hoopili loa mai la ma kona aoao.

"Ua ike au ia oe e Miss Adamu ma nehinei maluna o kou waapa," i kamailio mai ai o Nina Hilakona no ka hookamaaina pono ana ia laua. "Ua hauoli loa au i ka manawa a Kapena Rede i noi mai ai ia'u, e hele pu mai au me ia no ke kii ana ia oe e hele i ka holokaa i keia auwina la. Aole au i ike mua i kekahi wahine opio makaukau loa i ka hoe ana i ka waapa elike me oe a ua kupu ae kekahi manao iloko o'u e noi aku ia oe e hele kaua i ka holo waapa i kekahi ahiahi, no ka houoli maoli no hoi o ka manao i ka ike aku i kou makaukau loa i ka hoe ana i ka waapa i loaa ole mai i ka hapanui o na wahine a'u i ike ai.

"Maila paha he anu mahaoi loa keia mea a'u e kamailio aku nei, ua hiki ole nae ia'u ke alo ae, i kau a mea o ka nui makemake iloko on a, a'u no nae e manao nei, e kala mai ana no oe. O ko kakou ano iho la no ia ko na wahine, in a e komo ka makemake iloko o kakou no kekahi mea aole e paa iho ana ko kakou waha aia no a kamailio okoa in a paha ua kuliki ia manao me kou aole paha. Pehea la e Kapena Rede aole anei o keia kekahi o na manao maikai a'u i kamailio aku la ia Miss Adamu?"

"Ae. ua kuliko ko'u manao me kou e Miss Hilakona." wahi a Kapena Rede o ka pane ana mai. "O ka noho hoaloha ana mawaena o na kaikamahine elua, ua like ia me ka hoakaka a Sa Kamaki Kalifoda e pili ana i kela keaka kaulana ia Kerida Nole: o ia hoi i manawa e kupu ae ai. a opuu aku ka pua e popohe mai ai, me ka moani mai o ke ala kopaoa."

"Alaila e nonoi aku ana au ia oe e Miss Adamu e kala mai no keia mahaoi. E ae mai ana anei oe e lawe ia'u maluna o kou waapa i ka holoholo?" me ka alaalawa ana o kana nana ana maluna o Magarita.

"Me ka hauoli he ui iloko o kuu uhane, kehaawi aku nei au i ko'u ae, e lawe aku ia oe e holoholo maluna o kuu waapa." wahi a Magarita me ka hoihoi.

"Me ka mahalo a nui ia oe e Miss Adamu, no kena pane au a pehea e hiki ana anei ia oe ke lawe ia'u i ka la apopo?"

"Ina o kou makemae ia ea, alaila, ua makaukau au e hooko aku i kou makemake."

"Ina pela ua holo ae la o ka la apopo ko kaua manawa e hele ai i ka holo waapa. E hoomaka ko kaua hele holoholo ana, ma ka hora umi-kumamakahi o ke awakea, i kamailio aku la au, o ko kaua manawa ia e hele ai, i ko'u himoe a awakea loa owau paha kekahi o na wahine palaualelo i kau a mea o ka hiamoe loihi, ke paa ole nae hoi oe i ka hana ia manawa.

"E hiki aua anei ia oe ke hele pololei mai no ka hokele a i hookahi ko kaua hele like ana aku no kahi i hoopaaia ai o kou waapa?"

"Owau anei kau e olelo mai nei e hele aku no ka hokele?"

"Hewaha auanei kou kumu e hopohopo ai i ka hele ana ae ilaila. Aole i papala ke kahua o ka hokele, ame ka hokele no hoi, i kekahi mea e manao ana e hele ilaila, nolaila mai noho aku oe, a mai nana aku hoi i ka mea a na kanaka e kamaililo mai ai nou. Ua ae mai oe i ke kapena, ma ke ano he hoaloha ia nou. nolaila, aole au mea e hopohopo ai ua makaukau loa au a o Kapena Rede paha, e hookipa aku ia oe me ka ohaoha."

Ma kela wahi i lalu mai ai o Nina Hilakona i kekahi lima o Magarita a iaia mai ai o Nina Hilakona i kekahi lima o Magarita a iaia i leha mai ai ma na maka o ua kaikamahine nei, aia na kulu waimaka ke haale la i ka lihilihi o ka hanini wale mai o koe.

"E Kapena Rede ua paaia kuu lipine ma kahi o ke pani puka, e oluolu hoi oe e kulou iho a wahe ae," me ka kulou pu ana mai o Nina Hilakona imua.

Kulou i'o aku la o Pilipo Rede imua, no ka wehe ana ae i ke pani ma ka aoao o ke kaa ia wa i kulou pu mai ai o Nina Hilakona imua, a hawanawana mai la ma na pepeiao o ke kapena opio i ka i ana mai: "Na ke Akua e hoomaikai mai ia oe!"

 

MOKUNA VI.

Ina paha i nana aku o Pilipo Rede ma na maka o Nina Hilaona in a ua ike aku oia i ka hele o ka helehelena o ua wahine opio nei a lamalama i kau a mea o ka piha o kona naau i ka hauoli. mamuli o kona manaoio, eia oia ke hana aku nei i ka mea e punihei mai ai ke kanaka opio iaia.

He me oiaio, ma kela huakai holokaa a lakou, aia wale no o Nina Helikona ma ka aoao o Magarita kahi i noho ai, me ka noke mau ana aku i ke kamailio i na olelo oluolu waipahe me he mea la, aia iloko on a, na manao makee e hana aku no ka hauoli o kela kaikamaine, oiai nae he mau hana pulapu wale no ia, i wahi e kuhihewa mai ai o Kapena Pilipo Rede, o ka mea oiaio loa ia iloko o kona uhane.

Iwaena o na kanaka opio apau, ua koho maoli iho no o Pilipo Rede oia ke kanaka hookahi i maopopo i ke ano o na wahine. ua kuhihewa nae ia noonoo ana on a pela, no ka mea ua hiki ole loa iaia ke ike mai i ko Nina ano oiaio maoli. o hana wale no e nana ma la maluna o ua wahine opio nei, o ia na ano oluolu, o ia no oe, o kekahi wahine o ke kulana Kristiano oiai nae o ka mea polilei he iliohae keia i aahua loko o ke koloka o ka hookamani.

Ua mahalo maoli ua o Kapene Rede ia Nina, ka mea ana i hana ole au ai imua o kekahi wahine, iloko o na la apau o kona ola ana, mamuli nae o kona manao kuhihewa he wahine oiaio o Nina, no ka mea, ua makee loa keia kana opio i na mea oiaio wale no, aole he epa kekahi.

Ma ka aoao hoi o Nina Hilakona, ua hiki loa iaia ke heluhelu mai i na mea apau iloko o ke poo o Kapena Rede, no ka mea he kanaka keia maa ole i ka huna ana i kekekahi mea, o kana mau mea apau i manao ai, e hoike aku ana oia ma kana mau olelo a ma ke ano puhoi o ka nana ana aku a kona mau maka.

Ua hoopiha maoli ia lakou nei apau me na manao hauoli ma kela hele ana i ka holokaa aole na wahi i puha nui ia e na kanaka i nele i ko lakou hookikakaha ana ae malaila a ua hele no hoi a ahiahi loa, hoea hou ana kou lakou kaa no ka hale o Magarita, a i ka hookuu ana aku o Nina ia Magarita e lele mailuna aku o ke kaa, honi okoa aku la oia ma na lehelehe o ua kaikamahine nei, me he mea la he sila ia e hoopaa ana ia laua iho he mau hoaloha oiaio loa, o ka make wale no ka mea nana e hookaawale ae i kekahi mai kekahi aku.

"Mai poina oe i ka kaua aelike n ka la apopo e Magarita." wahi a Nina, i ka wa i ku aku ai o Magarita ilalo o ka honua. "E lilo ana i mea hoohauoli loa mai i ko'u ola ana, ko kaua hele aku i ka holoholo waapa me kou lilo i mea nana e hoe i ko kaua waapa. Ina nae he inoino loa ke kai i ka la apopo. mamuli o ka makani, e hele mai no oe e ike ia'u no ka mea he nui no kekahi mau mea hoohauoli e ae i ka noonoo, a Kapena Rede, e hana mai ai no kaua."

Kunou wale mai la no ke poo o Magarita, alaila ani peahi mai la i kona lima oiai ua hoohuli ae la ke kaa o Kapena Rede, pela no hoi na mea maluna o ke kaa i ani pu aku ai i ko laua mau lima, he hoailona o ke aloha, mawaena o lakou.

"Pehea l ae hiki ai ia'u ke kaohi iho i ka haawi ana aku i na mahalo ana he nui ai oe e Miss Hilakona,: i pane aku ai o Pilipo Rede. me ka paa ana mai i kekahi lima o ua wahine opio la.

"Owau ka pono e haawi aku i na hoomaikai ame na mahalo ana ia oe e Kapene Rede. no ka mea, o keia kekahi o na auwina la nana i hoohauoli loa mai i ko'u manao he pomaikai nui hoi i loaa ole i na wahine e ae; o ka mea oiaio no ea, akahi wale no a loaa ia'u he manawa helu ekahi loa iloko o ko'u ola ana."

"O oe ka pono a'u e hookau aku i i na mahalo ana he keu maoli no a kou oluolu, me ka waipahe o kau ma uolelo."

:Heaha auanei ka'u mea i hana aku ai, e kupono ai e mahaloia mai au? Ina no he mea okoa ae ma ko'u wahi, elike ana no kana hana me ka'u."

"O eo ponoi no ka hoike e Miss Hilakona, no ka hoole ana mai o kekahi wahine opio, ka mea a'u i nana aku ai he hoaloha oiaio loa oia no'u, i ka wa nae o ka hoaoia ana o kona ano hoaloha, ua hookahi wale no ka wahine a'u e olelo ae nei, he hoaloha oe no'u."

"Ae. ua palaka maoli ko'u noonoo no Vaioleka dene. Aole no i nele ka makee o kela kaikamahine, no ko olua nohohoaloha ana. aka nae, ke ole au e koho hewa, ua hopoliopo loa oia, i ka hele pu ana mai me oe, o hookau aku auanei na kanaka i na hoahewa ana maluna on a no kona ae ana e hookoke aku ma ka aoao o ke kaikamahine a lakou i hoowahawaha ai."

"O kena maoli no ke kumu i ae ole mai ai o Miss Dene, i ka'u noi iaia pela no me ka nui o na wahine, a o oehookahi wale no e Nina, ka'u e olelo ae ai, he luaole maoli kou ano imua o lakou apau. Aole anei ou hoomanao iho i keia manawa, aia kou inoa ma ka lehelehe o na kanaka apau ma Manakeka nei?"

"Nokeaha mai hoi ke kumu?" wahi ana i ninau mai ai me he mea la, ua noho pouliuli loa oia. me ka paopopo ole i ka manao o ka Kapena Rede mea i kamailio aku ai nona.

"Aole loa a'u mea i noonoo ai, ua hana aku au, a oi aku mamua o ka hana, i pili loa ia'i. Aole au i manao, o kahi mea uuku a'u i hana aku ai i keia la, e lilo ana ia i mea na ka poe o keia wahi e apono mai ai."

"O kou noonoo ole ana pela ka mea i lilo ai kau hana, i mea kilakila loa, no ka mea aole oe i hana aku no kou mahaloia mai, aka mamuli wale no ia o ke kono ana mai a kou lunaikehala e hooko aku i na mea i ku i ka pono ame ke aloha i ka hoa kanaka. E huikala mai nae oe ia'u, in a ua oi loa aku ka'u mau ollo mamua o ka mea kupono, e hoehaehaia aku ai kou manao."

"O, e Kapena Rede, aole loa oe i hoehaeha mai i ko'u noonoo ma kekahi ano koe wale no kou hoopiha ana mai i kuu uhane me ka hauoli. Ua aneane e hiki ole ia'u ke hoaakaka aku ma na huaolelo maopopo loa. i ka nui o kuu olioli. me ka ola hou iloko o okuu uhane, ma o ka ike ana, ua lilo ka'u mau hana i keia la i mea kupono i kou manao no laila ua hoohauoli loa ia mai au, me ka piha pu hoi me ka haaheo."

Juli ino mai la o Pilio Rede imua o Nina, eia nae aoleoia i kamailio mai he hookahi huaolelo, a iaia i alawa ae ai mawaho o ke kaa, eia ka laua ke komo nei ma ke alanui o hoea aku ai i ka hokele, a o ia kana i kamailio mai ai:

"Ua nanea maoli au, me ko'u noonoo ole, ua hoea mai kaua i ka hokele nei, a pehea, e loaa hou ana anei ia'u he manawa e ike hou aku ai ia oe e Nina?"

Haawi aku la o Nina Hilakona i kona ae, me ka minoaka ma na palaina. a oiai nae, ua ku iho la ko Laua kaa mamua o ka hokele, lele e aku la o Kapena Rede ilalo, a lalu mai la i ka lima o Nina no ka lele ana aku.

Me ka pii ole aku noluna o ka lanai o ka hokele, ua kau hou ae la o Kapena Rede iluna o kona kaa oiai hoi o Nina Hilakona i hili aku ai no ka lanai, me ka ike ana aku nae o ua kaikamahine nei, i ke ku ana mai o kona makuahine, ma kona wahi e noho ana, aole nae he kaukaulua iho o Nina aka ke hoi pololei loa la no oia noloko o kona runi me kona hoomaopopo mai no nae, aia kona makuahine mahope aku on a kahi i ukali aku ai.

"Auhea oe e kuu kaikamahine." i poha aku ai ka leo o Mrs. Hilakona i kona wa i komo aku ai maloko o ka rumi o kana kaikamahine, "heaha la ka manao o ka mea au i hana akuai i keia la? Aia ma ka waha o na mea apau kou inoa, me ke lu maoli o kau mau hana i ka hoohilahila ia'u, kou makuahine nei."

Ua hoopiha loa ia mai o Nina Hilakona me ka inaina no kela mau olelo kikoola a kona makuahine iaia. aka nae ke hoomanawanui wale la no ua kaikamahine nei, ia pau ana no o ke kamailio ana aku a kona makuahine, huli mai la oia ihope a paa mai la oia ihope a paa mai la i na lima a elua, maluna o na poohiwi o kona makuahine, nana pono mai la hoi ma kona mau maka no kekahi manawa loihi, alaila pane aku la:

"Owau ponoi no ka mea i ike i ka'u mea e hana nei a i lohe oe i kuu makuahine ea, e mare aku ana au ia Kapena lohe oe e kuu makuahine ea, e mare aku ana au ia Kapena Rede Aole i loaa ia'u kekahi manawa maikai loa elike me ia i keia auwina ma, a i lohe oe i kuu makuahine, ua komo kino aku au iloko o ka papu, e hiki ai ia'u ke hoolilo o ko'u enemi i pio malalo o ko'u mau manamanalima ilojo o ka imo ana a ka maka.

"Ua kapa mau mai oe e kuu makuahine ia'u i ke kaikamahine lolo, ke kaikamahine ei nele i na kalena kilakila elike me ia i loaa i na wahine opio e ae i keia la nae ua hoikeike ae au i ko'u ano, he kenerala no kekahi pualikoa nui, e ku aku ai a paio me kuu enemi hookahi wale no e noho nei ma keia hokele, me ka paa loa o kuu manao aia ma ko'u aoao ka lanakila.

"Eia ka;u kauoha ia oe e kuu makuahine, aole loa o'u makemake o komo hokai wale mai oe ma ka'u hoonee ana i kuu papahana. Ia ike no ea e mama, eia kaua iloko o ka aie e papahana. Ua ike no oe e mama eia kaua iloko o ka aie e noho nei me ka hoomanawanui wale no i hiki ai ia kaua ke mau like aku me ka poe i maa ia kaua, a i lohe oeea ua hahoi ole maoli au ia ano nohona hookamaani o kaua. Ke manao mai nei paha na kanaka o kaua kekahi mau mea waiwai loa, o ka mea oiaio nae o kaua kekahi mau mea nele a ilihune, a i wahi e nalo ai ko kaua mau poopoo ke hooikaika nei au e mare aku me Kapena Rede a e hookoia ana ia i kekahi la.

"He kanaka nui kela o kona mau waiwai he kanaka i loaa ia hanohano a i mahalo nui ia ma kana mau wahi apau e hele ai: a ke mare aku au me ia e ike auanei oe e kuu makuahine ua pomaikaki loa oia i ka loaa ana o kekahi wahine maikai iaia mamua o kekahi poe wahine e ae e makaleha aku nei i kona kulana waiwai.

"Malia paha aole i kulike kou manao me ko'u no na olelo hope a'u i hoopuka aku la. o ka mea oiaio nae ia; nolaila ua ike aku la oe i ke kumu ame ka mole i ka;u mea i hana aku ai i keia la, e noho hamau kou waha, mai hoopuka iki ae i kekahi mea e holopono ole ai ka'u mau hoolala ana. Ua hiki ia oe ke hele iwao e hoonanea ai me ka nui o na malihini a e komo ae au i lole hou no'u mamua o ke kani ana mai o ka bele no ka aina ahiahi."

 

MOKUNA VII.

Ma kela ahiahi ana iho aole he mau mea i kamailioia no kela hele ana o Nina Hilakona i ka holokaa me Kapena Rede: i ka oili ana mai nae o ka malamalama o ka la ma ke kakahiaka ana ae o kekahi ia o na la malie a kala'e i kupono loa no ka hele ana i ka holoholo waapa.

Mamua ae o ka manawa no ka hoea aku o Magarita i ka hokele, ua hoi e aku a o Nina Hilakona, mawaho o ka lanai e hoonanea ai, aia hoe ma kekahi kihi o kela lanai e hoonane ai, aia hoi ma kekahi kihi o kela lanaia malaila o Kapena Rede me Vaioleka Dene kahi i noho ai, me ka noke ana no hoi i ke kamailio a ma ka Nina hoomaopopo aku aia mau ka nana ana mai a ke kapena opio maluna on a mamua o Vaioleka, ua lilo kela i mea maikai loa i ka manao o Nino aole he manao lili iloko on a, no ka hoopipili o ke kapena opio me Vaioleka aka he hauoli ka mea iloko on a no ke kaa o ka lanakila ma kona aoao, i ka wa e hoea mai ai i ka hoouka maoli ia ana aku o ke kaua.

Ma kela manawa o ke kakahiaka, ua nui na malihini e noho ana mawaho o ka lanai a i  kela ame keia manawa e nana mau iho ana o Nina i kana uwahi iloko nae o kona nanea, ua hoopuiwa loa ia oia i ka hoea ana aku o kekahi kanaka opio a ku aku la mamua on a me ka i ana aku:

"Ke ole au e kuhihewa, ke kakali nei oe ma kela wahi i kekahi mea, a hoopoina i ka kaua aelike no kou hele ae e hui pu me a'u" wahi a ua kanaka opio nei me kona nana ana aku iwaho o ka hokele ma kahi a Magarita e hookakoke mai la no ke alapii."

Nani mai la o Nina maluna o na maka o kela kanaka, a ike mai la aia ma kona helehelena ka hoihoi me ka mahalo no Magarita a oiai aole he manawa no laua e noke ai i ke kamailio, oiai ke pii mai la o Magarita iluna o ka lanai ku ae la o Nina, a hele aku la no ka hui pu ana me kona hoaloha me ka haawi ana aku i kona lima, a i aku la:

"He keu aku a ko'u hauoli, no kou hoea ana mai la na nae ua lohi iki oe he elima minuke me kuu hopohopo loa, ua poina la oe."

"Aole au i poina o ke kumu o k'u lohi, no ka hele malie no oi. Ua lilo kau mau olelo oluolu, kau mau hana ku i ke aloha oiaio, i mau mea na'u e poina ole ai. no laila, i hele mai la au no ka hooko ana i ka kaua aelike o nehinei."

"Pehea, aole anei oe i manao he la inoino keia e hiki ole ai ia kaua ke hele i kaholoholo waapa? Ea e hikala mai oe ia'u e Miss Adamu o Mr. Fiki keia, kekahi o ko'u mau hoaloha; e Mr. Fiki o Miss Magarita Adamu keia."

Kunou wale mai la no ke poo o Magarita imua o ke kanaka opino alaila, huli aku la no imua o Nina Hilakona, ma ka i ana mai: "O keia kekahi la maikai loa no ka holoolo waapa ana ua piha kekai i keia wa pehea e hele ana anei kaua?"

"Ae, e hele kaua i ka holo waapa o ke aloha no kou e Mr. Fiki, ua lawa iho la paha kou makemake ea, no ko'u hana ana i kekahi aelike me ko'u hoaloha nei,: a noke okoa ae ia ua o Nina Hilakona i kaakaaka me ka leo nui, me ka nani pono ana aku ma na maka o kela kanaka, a kaua nae e ke makamaka heluhelu i maopopoole aku ai i ka manao o kela akaaka ana ae a Nina Hilakona, pela hoi me kona nana pono ana mai ma na maka o Mr. Fiki, he meahuna nae ko mawaena o laua, a na keia mua aku o kanee ana o ka moolelo e hookamaaina aku ia kaua me keia mau mea.

Ia pau ana no o kela mau olelo a Nina, o kona pai aku no ia ia Magarita e hele laua, a i ka ike ana mai hoi o Kapena Rede, haalele aku la oia ia Vaioleka, a ukali mai la mahope o na lede opio, oiai hoi o Mr. Fiki e ku mai ana nana i ko lakou nei hele, me ka hilinai ana aku o ua kana ne ma ka pou o ka lanai, a hooho ae la:

"Me he mea la ua hiki loa ia'u ke heluhelu aku i kekahi papahana i hoolalaia a ke ole au e kuhihewa, e hoea mai ana kekahi hana hoohauoli loa i ka manao ma Manakeka nei. He keu aku no paha ka piha maalea o Nina Hilakona aole oia i nanaae i kona makuahine, ame ka on a o ka hokele, ma kona hoolilo ana iaia iho i hoaloha no Miiss Adamu, no kona ake wale mai no e hooluolu aku i ka manao o Kapena Rede, waiho aku la hoi ke akamai ahea?

"Ma ka'u nana aku, aia na manao hoohihi iloko o Nina Hilakona no kela kapena, a i ole, ua haulehia oia i ke aloha nona, i keia manawa. Ma ke ano o kana paani ana i kana pepe hahu, he keu aku a ke akamai loa a o ka wahine maopopo i ke ano e paani ai i wahi e kaa aku ai ka lanakila ma kona aoao, o na wahine ia a'u i mahalo nui ai. Ma ka;u ike aku nae aole maluna o Nina Hilakona ka noonoo nui ana o kela kapena, aka aia maluna o Miss Adamu, aole no nae he loihi o na la e kakali aku ai, e hoea mai ana no i ka manawa a Nina e ike pono ai nona iho ka mea nana e hoopii aku i na manao lili iloko on a no Miss Adamu.

(Aole i pau.)