Ka Nupepa Kuokoa, Volume LVIII, Number 21, 28 May 1920 — Page 3

Ka Nupepa Kuokoa

 

 

 

            Kuu Solomon Hanohano, Aolha kaua: E oluolu mai kou hanohano ao kela mau hua inamona, ina he mea hiki.

            Mai ka manawa a’u i lawe ae ai i keia kulana hou, ua nui maoli ke kamailioia ame ka akaakaia mai ame na ano olelo e mea mai ana i kuu hoohaahaa loa; u nui maoli ko’u kahaha i ko’u mau hoaloha i ka loaa ana o ia manao ia lakou; aole loa lakou i noonoo i ka mua ame ka hope o na mea e kukuluia mai ana imua ou, a i ole imua o ka lehulehu, o ka nee ana o keia mau la kupiliki o ka aina.

            I kuu noonoo ana, a kaupaona i ua mea kupono i ko’u manao, nolaila i lawe ae ai au i keia kulana, a malama i ka maemae o ia mea a’u i hoopaa iho ai, e waiho aku i ke kulana kahiko, a e hoi hou ae i ke kulana malalo na ole e ku nei, o ia no hoi ka pipii o na meakuai, aole i ka lole wale no, aka, o na mea ai pu kekahi.

            Nolaila i ko’u lawe ana a kaupaona, ua oi aku ka hoololi ana i kela kulana maamau, a i ke kulana a’u e ku nei i keia manawa, o ia hoi e malama oe i ka maemae i mea nou e nema ole ia mai ai.

            O kekahi o ka’u hana ma kekahi mahele, o ia ka malama ana  i ke kulana keonimana, o ia hoi na lole maemae, aka, i kuu lawe ana ae i keia kulana hou, ua manao au e haalele mai ana na ohua maka hanohano, o ia no hoi na haole, o ka mea kupanaha, ua oi loa aku ko lakou mahalo mai ame ka nui no hoi o kahi loaa mai, a o ka mea i oi loa aku ai, aole oe e hoomenemene i ka hauka’e mai i ka aila.

            Nolaila, ua lanakila maoli kela noonoo i loaa ia’u, a’u e hoomau aku ai i ke ku imua o ka lehulehu me ke kapae ana i ka hilahila, ame ka nema mai o ko’u mau hoaloha, oiai ke nana aku nei i na mea omua, oiai ua olelo ia mai no au no kuu lawe ana ae i keia ano lolewawae, he mea ia e pii ae ai o ke kumukuai, i ka umi dala, ua nui ka poe i hooku’i mai ia’u, mai na halekuai haole, a na Pake, ame ka lehulehu o ko’u mau hoaloha.

            E ka lahui, e haliu mai, a e noonoo nou iho, i kuu lawe ana ae i keia kulana, ua pii mua no ke kumukuai i ka ekolu dala ahiki i ka eha dala, aka i kuu hooikaika ana e holopono ku’u mea i makemake ai, a e ike mai ka lehulehu o ko’u helu, ua oi ae ia mai ka helu maamau; nolaila, ua kakiia mai au he hapaha hou iho, loaa ai ka huina lilo i ka ekolu dala me kenikeni, o ka waiwaiio elua dala me 85 keneka, o ia maoli ke kumukuai, no ka oi o kou helu he hapaha iho ke kaulele, loaa ai ekolu dala me keuikeni, oiai nae ua pii mua na ke kumukuai mamua.

            Mahea iho la ko’u hewa i ku ai oiai he pono keia no kaua e ka limahana hoopono e imi ana i na mea e oluolu ai kou noho ana i. Eia kekahi mea i olelo ia mai ai ia’u, e pilikia ana na limahana haahaa o ka uku, no ka mea o ko lakou lole keia e komo ai; ua nui maoli ko’u kunana i keia mau olelo, ae, ina ua hana aku au i mea pilikea ai ko’u mau hoa ilihune, o ka’u olelo ia oe, aia hoi ihea kou lole epani. Aia no i ka halehana, aia no hoi ahiki aku, alaila wehe ae keia mau lole maikai, alaila komo mai ua lole epani nei, alaila hana apau, alaila wehe aku alaila komo mai ka lole maikai, a hoi mai la no ka home.

            Nolaila e ka lehulehu, ua hewa maoli kela noonoo ana o kuu hoaloha, o ka’u hoi, aole; mai kuu home aku komo au i ko’u lole epani, e kalaiwa ana i kui kaa me na ohua elike no me ko’u kulana e komo ana i na lole maikai; e komo ana i ua hokele, e lawe ana i na paiki, e kali ana i na ohua mai na moku mai, e hele ana iloko o ka makeke ame na moku Kaleponi mai, me na ohua, aole loa ia he mea he hilahila iloko o’u, no ka mea e malama oe i ka maemae o ka lole epani, ua oi ae ia mamua o na paalole epani, ua oi ae ia mamua o na paalole he kanakolu dala au e komo ana.

            O kekahi mea hilu loa, o ka poe e  komo ana i ka lolewawae epani i kahi haua, o lakou ke poe nana i kokua i kahoopipii i ke kumukuai o na paalole, ua makaukau mau au i na haina e waiho ia mai imua o’u, a ua pane aku me ka hikiwawe loa, ua nui loa ko oukou kapakahi, o ia hoi me ka lole maikai oe e hele ai i ke alanui, ahiki i kahi au e hana ai, alaila komo mai kela lolewawae epani, aole ia o ka mea pololei elike ma ka’u e hana nei ;e komo mai kou home mai, e hele ma kau hana apau, a hoi mai me ia lole no e hoike ana oe he limahana maoli oe, alaila kupono ka olelo ana mai ia’u, ua hewa oe i kou komo ana i keia lole, o ia ka mea i pii loa ai.

            O ka mea oiaio ua hewa oe i ke komo mau ana i ka paalole, a i ko’u hoololi ana i keia kulana, o ia ka ko’u amu healoha e olelo nei e pii loa aku ana ke kumukuai. Ka’u e ike nei, aole ia mea e hikimai ana, ina elike ana na mea apau me he’u e hana nei, e loaa ana ia oe ka oluolu o ka noho ana elike me ka’u e hana nei.

 

HE HOALOAHA NO WM. HOO KANO.

 

            Aole o kakou kulanakauhale e mau ana maanei, ma o ka home a Iesu i kukulu ai no kona poe kanaka. Elike me ka anapu ana o ka uwila iloko o na ao panopano o ka lewa lani, a loheia aku la ka leo, haalulu o ka hekili, e kaui paapaaina ana a holo ae la ka nakolo i ka pli o ka honua, pela iho la no ka lona hoohikilele i loheia aku ai ma ke telepona, e hoike ana o Wm. Hookano ua haalele mai i kela ola, a hoi aku la me ka Makua lani ma-o.

            Oiai ua oluolu i ka Makua mana loa ka lawe ana aku i ka hanu ola o kau kane aloha, ma ko olua home ma Lihue, Kauai, ma ke Sabati, Mei 9, 1920, a waiho iho la i ke kino lepo e hoi i ka lepo, a o ka uhane e hoi aku no ia me ka mea mana loa, no ka mea hoi o ke kanaku i hanauia e ka wahine he hapa kona mau la, a ua piha i na popilikia; puka mai no ia me he pua la a okiia aku, a holo aku no ia me he aka la, aole ia e mau, a oiai o kakou apau ke hele aku i ona la, aole e hoi hou mai.

            Nolaila o makou o na hoahanau o ka Ekalesia o Lihue, Kauai, Kula Sabati ame na Ahahui C. E. ekolu, ma o ko makou mau komite la, ke komo pu aku nei me oe e auamo pu i na kaumaha ame na luuluu no kau kane aloha i haalelo mai, a pela pu me na keiki i hooneleia i ka makuakane, ame ka ohana pu e paiauma aku ana ma keia aoao o ka luakupapau.

            Ke nonoi ae nei makou i ka Makua Lani, e hoopau ae i na luuluu, na kaumaha mai ia oukou ae, a Nana no hoomama mai.

            E hoounaia i hookahi kope i ka wahi ne kanemake ame na keiki ame ka ohana, a i hookahi i ka Nupepa Kuokoa.

            Me ke aloha. Ma o ko makou mau komite la,

                                    WM. KAIAWE,

                                                Komite Ekalesia;

                                    MRS. MILIA KATAWE,

                                                Komite Kula Sabati;

                                    MRS. E. E. LOVELL,

                                                Komite C. E. Makua;

                                    ALFRED AKIONA,

                                                Komite C. E. Kuwaena;

                                    MISS ESTHER KAIWI,

                                                Komite C. E. Pokii.

 

 

(photo of a man and an automobile)

 

HAINA NANE.

 

            Mr. Solomon Hanohano, ka Nelekona wiwoole nana e hookele nei i ka mokukaua Elepani ma na kai kapu o ka Bolatika, a hoea loa aku i ke kaiknono e Kopenahekana, ke kulanakauhale poo aupuni o Denemaka. ka mea nana i rula iliwai ka moana:---Oluolu mai oe no’u kauwahi rumi oneki okou mokukaua, ka Nupepa Kuokoa, no ka u haina nanea Z. P. K. Kawaikaumaiikamakaokaopua, nona na mahele inoa ekolu, penei.

            Mahele I. Aia au i ka lewanuu, i ka lewalani, puni ka lani ame ka honua, ke makemake au e hele, a ina hoihoi ole au ko’u hiamoe no ia. Owai la au?

            Haina: Bake. Na wehewehe ana: Aia au i ka lewanuu, lewalani. na waihooluu no ia e ka ili owaho o ua buke la, bolu eleele, ulaula; puni ka lani ame ka honua ke makemake au e hele, o ia hoi, puni ka lani ame ka honua ke heluhelu oe i na olelo oloko o ua buke la, a ina hoihoi ole au, o ko’u hiamoe no ia, O ka buke keia o ka olelo a ke Akua mai Kinohi a Hoikeana.

            Mahele 2. Aia no ka loaa pololei o ka inoa o kuu kaina a kapaia ka inoa o ke kama elua o Molowa. Owai la au?

            Haina: Pai. Aole keia o ka pai hua a pai apala oloko o na haleaina, aka e ka pai keia o Makuahunowai i kaua hinona no ka eleu i na ano hana like ole, pela me na haku, a luna paha e pai ana i na limahana i mau ka hoihoi aole e molowa.

            Mahele 3. He hoaloha au no na mea apau ke hoolohe a malama, o huhu auanei au eha oukou ia’u. He moe pu no au me oukou, kiai a malama. Owai la au?

            Haina: Pala: Aole keia o ka pala o na huaai e memele mai nei, a e ula mai nei, aka, o ka pala ma’i keia i ke kino, he hoaloha oia no na mea apau i loaa ole i keia ma’i, a he huhu hoi i ka poe i loaa e moe pu ana me lakou, kiai a malamalama, aia no ke kaawale a pau ia mea.

            Ina e hoohuiia na mahele ekolu o kua inoa, e loaa no ka inoa piha “Buke Paipala.”

            Me ka lana o ka manao ua hoolawa pono ia kou mau mahele inoa e Kona Boy, e ke keiki o Mauna Happy.

            Me oe e kuu Solomon Hanohano ame kou mau keiki o kou keena ko’u welina.

 

 

NA LUNANUI O KE K. S. AME C. E.

SR. O KEANAE, MAUI.

 

            Mr. Sol. Hanohano, Lunahooponopono o ka Nupepa Kuokoa, Aloha oe:--E oluolu oe e hookoino iho ma kahi kaawale o kau nupepa waiwai nui i kela poomanao e kau ae la maluna.

            Ma ka la 2 o keia mahina i hala iho la, i koho hou ia ai na lunanui o ke K. S. ame C. E. o ka Waikau nei o Keanae, no ka hoonee ana i ua papahana apau no ko ke Akua aupuni. Penei:

            No ke Kula Sabati—Mrs. D. W. Napihaa, K.K.S.S.; John Plunkett, hope; Geo. E. Akiu, kakauolelo; Mrs. John Plunkett, puuku; Geo. E. Akiu, alakai himeni; Mrs. G. E. Akiu, hope, D. W. Napihaa, hoakuka, Hezekia Ikoa, hope.

            No ke C. E. Akiu, hope; Geo. E. Akiu, kakkuolelo; Mrs. John Plunkett, puuku; G. E. Akiu, alakai himeni; Mrs. G. E. Akiu, hope; D. W. Napihaa, hoakuka; Hezekia Ikoa, hope; Mrs. John Hamaia, komite haipule.

            O keia iho la na lunanui i koho pono ia. Me ka mahalo a nui i kou ahonui e Mr. Lunahooponopono. ame na keiki hana o kou keena.

GEO. E. AKIU.,

                                                                                    Kakauolelo.

 

 

PEPEHIIA KA PERESIDENA CARRANZA A MAKE.

 

            O ka hopena o ke kaua kipi i hoalaia ae ma Mekiko iloko o na pule aku la i hala, ke kaua kipi hookahuli aupuni, i konoia mai ai ka Peresidena Carranza, e holo i pakele ai kona ola, o ia no ka loaa ana mai o ka lono kelekalapa ma ka. Poaono aku nei i hala, no ka pepehiia ana o ka Peresedena Carranza a make.

            I kulike ai me kela lono kelekalapa, e hoakaka ana ia i ka pepehiia ana o Venustiano Carranza, ka persidena o ka Repubalika o Mekiko, a make loa ma ka hora ekahi o ka wanaao o ka Poaha o ka pule aku nei i hala, ma Tlaxcalaltoneo, kahi a ka poe kipi e kaua ku-e aku ana i ka puulu o ka poe ku paa mahope o ka moi, a i haawi aku hoi i ka lakou mau kokua ana i ke poo mua o ke aupuni, oiai oia e holo ana ma ke Kaikuono o Mekiko.

            O ka lono maluna ae, ua hoikeia mai ia e na luna oihana na lakou i lawe ae i ka hookele ana i ke aupuni hou.

            Ua pii ae o Venustiano Carranza ma ka noho peresidena o ke aupuni o Mekiko, ma ka la 11 o ka mahina o Maraki. 1917, mamuli o ka loaa ana iaia he heluna baloka kiekie loa i ikeia ma kekahi koho persidena, ma ia kohoia ana, i haule pa-hu ai na manaolana o Kenerala Victoriano IIuerta ame kona puulu.

            Me keia makemake nui ia no nae o ka Peresidena Carranza e na makaainana o Mekiko, ua loli ae ia makemake a i ka hoowahawaha iaia, iloko o na pule eono wale no o ke ala ana ae o na ooloku iloko o kona au hookele aupuni, mamuli o kona maliu ole aku i na a’o mai a kona aha kukakuka, no ka pono ole o kana hookele ana i ke aupuni, a o ka hopena i ikeia. o ia no ke ala ana mai o kekahi kipi hookahuli aupuni nui, ke kipi hoi i huli ku-e mai ai kona mau luna oihana ponoi iaia, a kaa aku la ka hoomalu ana i ke aupuni malalo o ka poe kipi.

            Ua hanauia o Carranza ma ka Mekuaina o Coahuila, e na makua ulakolako o ka noho ana, ua hoonaauaoia no oia maloko o na kula aupuni o kona mokuaina iho, a ua komo aku iloko o ke kula a’o kanawai ma ke kulanakauhale poo o Mekiko.

            I ka loaa ana o kona palapala loio, aole oia i hoomau aku ma kela oihana, mamuli o ka pilikia i loaa i kona mau maka, no ia kumu, ua hoi hou aku oia no kona aina hanau, malaila i komo aku ai oia i ka hana hauai holoholona me mahiai, a oiai he kanaka oia i loaa ua hoonaauao kiekieia, ua kohoia oia i lunakanawai, i senatoa no hoi, ahiki i kona lilo ana he kiaaina.

 

HOOPA’IIA KA MEA AIHUE MIKI NI KAKAU.

 

 

HE MAU ULIA KAA OTOMOBILE.

 

            Ma ka auwina la o ka Poalima aku la i hala he keiki Kepani o elua makahiki nona ka inoa o Saburo Hada ka i hooku’iia aku e ke kaa otomobile e kalaiwaia ana e ke Kauka Hodgins. I kulike me ka hoike e pili ana no keia ulia poino, he ulia ka kela i hiki ole ke hoalo ae. Ua make loa kela keiki he maa hora kakaikahi wale no mahope iho o ka hookuiia ana.

 

NO KAHUKU I KEIA LA AOHE HE KUPA I KOE.

 

            Mr. Lunahooponopono:---E ae mai i ke au o na hoololiloli, oia mau no nae.

            Eia la he keiki hanau no Malaekaha na, oia ke kupae noho nei ia Kahuku, me kana mau pua! A owau aku no.

            He Malaekahana maua i kapaia, he inoa no ka makuahine o Laieikawai me. Laielohelohe o Waiapuka, he pukawai iwaenakonu o ka aina, ka home ponoi a waka i hanai ai i kaua hanai u’i, a ka makaula Hulumanienie oluna o Waialeale i Kauai, @ ike mau mai ai i ka pi’o mau a ke anuenue ia Waiapuka.

            No Kahuku ka aina i lonia a paa, makona mau kihi liikina, a komohana, a paa, apau kona oui ana, a omauia iuka i na lihi papali’i nele loa i kona kuahiwi, ahiki i keia la. No Waimea ame Malaikahana. kona kuahiwi e moe hi o mai ana, a pela mai o Malaekahana, o ia mau no o Kahuku, na lewa olalo, he hakahaka wale no, i piha i ka wai olalo. He laki ia no ka mahiko o Kahuku.

            Nolaila, ke noho nei o Mr. Kaina no 90 a oi aku o na makahiki, a owau aku no i ke 73; aohe he kupa i koe, o maua he Malaekahana maua, a owau he elua o’u mahele, he Hakipuu i ka lawalu palaoa, he Waikane, he Waiahole, he Koolau no a elua, a poai apuni, aia la ke oku mai la i ke one kuhilima laula o Ewa, o Mr. Keone nona na makahiki aneane loa e haueri. He kupa no na Koolau, ma o kona hanau mua o Papaai, Kuukukala, na pua i keia la, ke nee nei imua, Mrs. Kaneahoa Paikuli, kana mau pua, Kaehu kana mau pua, Waiahole ia Mrs. Mary Kila, Mrs. Kanamu, ka pua neepapa a Mr. Kalawa o Kauai mai, i na Koolau nui a kupa’i e ola nei.

            Pela no hoi o Kaina o Kahuku, ke laha nei a nui, aia iwaena o na lahui e, Kelemania, Haole, Kepani, Kanaka ame na hapa hou ae, a nui na lala e kolo ae la ma ka pa.

            Ma nehinei, Sabati 23, ma Laie aku au, a ike i ka lahui Hawaii ponoi, mai Nu Kilani mai, i holo mai no ka hoohui ana i ka hanauna e hanaia iloko ka halelaa e ku nei ma Laie, me ka hui ana ma ua kupuna mai Amerika mai a hoopuehuia ma na mokupuni malalo aku nei o Amerika. Elike me na pauku laau e pae nai nei i Hawaii nei a Kauai, apuni na moana, na aina i ka Pakipika nei, a koe aku ka Ilikini a piha o Amerika i na ili keokeo, hoopuehuia na ili ulaula, oia keia.

            Ma ka Buke a Moremona ka hoike piha ana. Eia no nae ke hoohewahewa aku nei kakou i na Nu Kilani, Samoa, Polapola, Tutuma, Tahiti, na ili ulaula apau o ka Iseraela wale no ia, ka lahui i noho a loihi ma Aigupita, a ke Akua i aloha nui ai, a hoihoi i ka aina hooilina o Kanaana, a mamauli o ka hookuli apuni i na hana hoomanakii, a haalele ia Iehova, kau ia mai ka hoopa'i ili haulaula apau.

            Nolaila, e aloha ia kakou ili like me ko ka Pilipino, Lewalewa, ma na mokupuni apau o ka moana. E hiki hou mai ana ka la e kikoo hou mai ai na lima o ka Akua aloha ia kakou apau na lahui.

 

LOAA KA EMEPERA O LAPANA I

KA MA’I LOLO.

 

            O ka nuhou kaumaha i loaa mai i keia kulanakauhale mai Tapana mai, o ia no ka loaa ana o ka Emepera Yoshihito i ka lolo, kekahi lono, no ka pii ae o ke Keikialii Hirohito, ma ka makalua o kona makuakano, pela ka mea o ka hoikeia ana mai, ma kekahi lono kelekalapa mai Tokio mai.

            Aole nae i hoike akea ia kela pilikia i loaa i ka Emepera i ka lehulehu, koe wale no na luna oihana kiekie o ke aupuni, me ka malamaia ana o kekahi maa aha kukakuka, mawaena o lakou iho, no ke ano o ka malamaia ana o na hana pili aupuni apau.

            Ua mau no ka hoomailo ana a ka mai’i maluna o ke kino o ka Emepera Yoshihito, aka nae o ka wa i nohoalii maoli iho ai ka ma’i maluna ona, ma ka la I aku nei no ia o ka mahina o Aperila, ka wa hoi i lolo holookoa ai kona maa wawae, me ka hiki ole ke onioni, a ua pilikia pu hoi kona noonoo.

            He 49 na makahiki o ka Emepera Yoshihito, ua pii ae oia ma ka noho moi o lapana, ika wa i make aku ai o kona makuahine me ka mahina o Augate, o ka makahiki 1912.

 

 

 

GEORGE HULI, KUU LEI ALOHA,

UA HALA.

 

            Ua oluolu i ka Makua mana loa i ka lawe ana aku i ka hanu ola o ka’u keiki me ka palanehe. Hanauia oia ma Keauhou, Kona Akau, Hawaii, mai ka puhaka mai o Annie Huli, ma ka mahina o Iulai, la 24, 1892, a o ka nui o kona man la ma keia ola ana he 28 makahiki.

            E ka one o Kahuhihewa ka home aloha hoi o kuu keiki i walea ni i na la he nui, e imi ana i na pono o keia noho ana. Haalele mai oia ia’u i ka makua, na kaikuahine, na keiki, ka wahine i hooneleia i ka mea aloha ole ame ka ohana no apau.

            Ma ka la 15 o Mei i niau palanehe aku ai ka uhane ma ka poli o ka makua ma ka lani, pau kona ike hou ia ana e maalo ae ana ma na aekai o ko oukou wahi.

            E Maui o Kama hoi e, i ka maluula e Lele, kahi hoi a kuu keiki i noho ai i kou mau aekai, i kahi o na hoaloha.

            E Kona kaiopua i ka la’i e, eia mai ko milimili au i hoohua mai ai. ke nina palanehe aku la, ka opua kahi a kuu keiki i holoholo ai i na iliili nehe o Keauhou. ka home aloha o na makua, na wahi a kaua i pili ai ma ka aina, ma ke kai malino a ehu.

            Pau ko’u ike ana aku ia oe e hea mai ana oe e papa e, lihaliha wale; no ka mea o na keiki i hanauia na ke kanaka he pokole kou mau la. Nana no i haawi mai, a Nana no i lawe aku; e hoomaikaiia Kona inoa.

             O na hoaloha apau o kuu keiki i haawi i ka lakou mau makana pua, ke haawi aku nei makou i na hoomaikai ana, a ua ke Akua no e kokua mai ia kakou, a e hooloihi i ko kakou mau la ma keia ilihonua..

            O makou no me ka luuluu,

                                    ANNIE AONA,

                                    JOHN HULI,

 

NA LA LAWE POI A KA

AHAHUI KALEPA O NA

HAWAII I KAUPALENAIA.

 

Poakahi, Poakolu ame ka Poalima;

            Kalihi, Pauoa, Puowaina ame ke

            Kaona nei.

Poalua, Poaha ame ka Poaono:  Kakaako, Makiki, Waikiki ame Kaimuki.

 

AHAHUI KALEPA O NA HAWAII I

KAUPALENAIA.

(The Hawaiian Mercantile Co., Ltd.)

950 Alanui Maunakea, makai iho o ho

Alanui Moi.

 

AOHE AU

KAKALI

ANA

 

            Ahiki iwaena o ke Kan--- a i ole pau paha ke kikina---i wahi e loaa ai na kumukuai makepono no ua lole maikai. Hele mai ma keia kuai. E loaa ana ia oe na “paalole makepono” i keia wa---i ka manawa pono loa---e eleu mai o pau koke auanei.

            He mau paalole makepono no ka makou i koe---e manaoio mai ia makou. Aole e loihi loa ana keia kuai makepono---no ke emi maoli.

PAALOLE $37.60,     ANO……$27.25

PAALOLE $40.00,     ANO……$29.75

PAALOLE $42.00,     ANO……$32.25

PAALOLE $45.00,     ANO……$34.75

PAALOLE $47.50,     ANO……$37.25

PAALOLE $50.00,     ANO……$39.75

PAALOLE $55.00,     ANO……$44.75

PAALOLE $60.00,     ANO……$49.75

PAALOLE $65.00,     ANO……$54.75

 

KUAI NO KE KUIKE WALE NO.

 

AOLE  HOOLOLI

LAWE

KUAPO

 

THE

MODEL CLOTHIERS

 

E KOKUA IA OE IHO MA O KE KUAI ANA I

KAU MAU MEAAI MA

 

Ka Makeke Kuai o ka Lehulehu

 

 

                        Halakahiki                              Ku-nana ka pohai                         Ohia

Ipu                               o ka poe hoopukapu-                                    I’a

Uwalakahiki                        ka i ka hana a ka Ma-                                  Maia

Uwala maoli                        keke Kuai o ka Le-                           Akaakai

Moa                            hulehu.                                                          Pu-palaai

Kaka                                                                                      Na Huamoa

                                                                                                 Pipi Hou

ALANUI MAUNAKEA

 

 

HOOI AE I KA U’I O KA HOOHIWAHIWA ANA

I KALA KAUPUA I KEIA MAKAHIKI

 

            Me ke kanalua ole ke olelo ae.                                       

ke hoolala nei oe e hooi ae i ka u’i-

o kou hoohiwahiwa ana i keia ma-                                                           (PICTURE OF A PAHU)

kahiki. O kela mau meakanu au i

hooulu ai me ke akahele loa no

keia manawa. he mea pono e hoo-

komoia maloko o na

 

PAHU PUA me na IPU PUA

 

            E paku’iia aku i mau mea ume noonoo hou@no ka hookomo ana i na meakanu i mau ai ka makamaka hou’a uliuli no hoi na pa.

O keia kekahi mau mea kupono

loa---Na Ipu Pua o na Malapua.

na Ipu Pua no na Palapalai me na

Pua, na Kope no na Malapua, na

Hao O’e Pua, na Mea Kikiwai, na

Ipu Kini no na Pa Ilina ame na

Limu no ka hana ana i na Lei ame

na. Pua Hoonani.

 

            Ua makaukau makou no ka hoolawa ana aku i kou mau makemake apau, a e ike ana no oe i ka pomaikai o keia mau hoakaka ana.

 

W. W. Dimond & Co. LTD.

“THE HOUSE OF HOUSEWARES”.