Ka Nupepa Kuokoa, Volume LVIII, Number 22, 4 June 1920 — Page 3

 

KA AHAHUI KAMEHAMEHA A ME KONA KULANA

HOOMAUIA

I na mea maikai no kou pono o keia nee aoa ake, o ia iho la no ka mea nui o keia mea he hui, e nana ana I kou pono ma kea no hoahanau, no ka mea ke hoike wale nei no ka meakakau I na mea no a kona maka I ike ai, aole mamua aku o kau mea I ike ai, aole hoi mahope mai o ko`u komo ona aku.

E ike ana no au I ka poe e komo hou mai ana ma ko`u nana aku I na mea pili hui, he maikai na lawelawe ana, aka ia Manawa hookahi e loaa ana nona kuia, aka ua hiki no ke hooponopono ia ahiki I ke kuikahi ana.

O kekahi mea maikai, aia no ma kulima o ka hapanui ka mana piha no ua ninau ano nui ke hiki mai, no laila aia imua o na hoahanau ka holo o kekahi mea, me ka ole, nolaila aole loa au I maopopo he mea nou e kuu koko, e kanalua ai I ke komo ana mai, oia ua hamama ka puka no kou komo ana mai me na hooiaio mai ke kauka mai, ame na komite pana oe I ninau I kou kupono ame ka ole.

Ua noa ia oe na mea apau, I kou komo ana, ua loaa ia oe ia mana, piha, ina no hoi e haule ma ke koho baloka ana, alaila o kou lilo, e hoihoiia aku no, o ia na dala uku komo au I haawi mai ai I ke kakauolelo ohi dala, nolaila mahea iho la ka pilikia o ia mea.

Ua lohe mau au I keia ano olelo ina ka aole e komo alaila e lilo loa ana ko umi dala, o ia ano olelo, aole loa he pololei, eia ka poolei e ike mai oe, o ia keia, I kou Manawa e kauohaia mai ai no kou lawe anai ka hoohiki mua, aoleoe I hiki aku no kekahi pilikia, a kauoha hou ia mai oe I ka lua, a I ke kolu, a I ka ha piha iho la kauna, alaila e ike iho oe, ua hala aku la elua mahina, aole loa oe I pii mai I ke nuu mua loa o ka lawelawe ana I na hana hoolau, owai ka I hewa, o ka hui paha, ka mea e makaala ana ma ke hoouna leka ana ia oe, a I ole, o oe paha ka mea hoopalaleha I kou pono, kou home ame kou ohana

O kou hooko koke I ka Manawa ou I makemakeia ai, I pau koke na mahina hoomalu, a I ka loaa ana I ka pilikia, ua hooko pono oe I na mea apau a na rula ame na kanawai o ka hui e oleloia nei, ua lilo koke oe I mea nui, a I mea nou e loaa koke ai kou oluolu, e launa koke ana ke komite ola, no ka mea, he mana piha kona ma na ano apau e imi ana I na mea nou e pono ai ame kona lawe mai I mau hoike no kana mea I ike ai, alaila lawe mai ka hui I kona halawai kumau, Ina he ku maikai ka hoahanau, aole mau paewewa, o ia hoi kona lulu kumau, lulu manawalea ame kekahi mau auhau e ae, he kulana maemae kona, e loaa koke kana koi, I na Manawa ana e waiho mai ai I kana koi ma o ka hooiaio aua mai a kona kauka ohana, ua kala koke ia kou pilikia.

He uuku no nae ia mau kenikeni, o ia hoi he ehiku wahi dala, ua hiki nae e lawe ae I kekahi mau hoolilo I mea e loaa mai ai ka maha, Ina he uku mahina a I ole he uku pule, me kahi uku hoomau paha, auwe ka nani e, akoakoa keia mau palahu a ko`uko`u ana I kou home me ka piha me ka hauoli o ka makuahine maikai, me na keiki, ua loaa ka mea nana e hapai ae ia lakou iluna, no ka mea ua hana aku oe e ka makuakane maikai, I na mea e pono ai na mea apau, e pono ai lakou, a kou ohana e hana mai ai I na mea e pau ai kou pilikia, I kou ku hou ana mai imua o kou mau hoaloha, me ka helehelena ulumahiehie.

(Aole I pau)

NA MEAHOU O KOLOA, KAUAI

Ma ka la 26 o ka mahina I hala I hoea mai ai na mokulele elua ma ko`u halekukui nei, hora 2 p.m., a kau hoola`I iho la maluna pono ae, e hiki ai ia`u ke ike pono aku I ko laua nani, ame ko laua mau helu, he helu 42 ame ka helu 1.

Na umi minuke paha keia kau hoola`I aua, a hoomau aku la I ko laua alahele, no ke kukulu hikina. Auwe no hoi ka u`I ame ka hiehie ke nana aku! Ke alahula mai nein a kuahiwi nani o Manokalanipo I keia mau la I na mokulele.

Ua manao kou meakakau e hoohihi loa ana keia mau mokulele I ke ala hu`ihu`I waianuhea o ka mokihana hua liilii, o Kauai Mano.

Ma Lawai, Kauai, ma keia la hookahi no I haalele mai ai I keia ola ana o Miss Helena Kalaponi Hamauku, he kumukula kana hana, no ka halekula o Kalaheo nei, ahiki I kona pauaho ana mai la I keia ola ana.

He kaikamahine oia I minamina nui ia e kona mau makua, ame kona mau hoaloha, he nui a he lehulehu, mamuli o kona ano akahai, a oluolu o ka noho ana.

Ke kalokalo ae nei I ko kakou Makua ma ka lani, Nana no e lawe aku I na kaumaha amen a luuluu iwaena o na makua, I hooneleia I ka olua mea aloha he keiki, a e hooloihi aku no I ko olua mau la ame ka olua ohana.

La 28 ma Koloa nei I opa pu ia ae ai kekahi keiki Kepani e ke kaa katapila am eke kaa ko, aole I maopopo ke ola ame ka make. Me ka Lunahooponopono ko`u aloha nui a me na keiki ouiu hua kepau o kou papapa`I ko`u mahalo.

O ia mau no,

PETER KAMANO SR.

Makahuena Light Station.

 

 

 

 

 

HOOKOHULA O GUMFER I KIAI NO KA HALEAUAU

Ua pau I ka hooponoponola ka hana I kamailio nui ia ma kekahi mau la I hala no ke kanaka nana e malama I ka haleauau o ka lehulehu ma Waikiki, ua hiki I na mea apau ke komo iloko o na haleauau, ua hoopauia o W.R. Chilton, ka mea nana I malama ia haleauau mamu aku nei a o Stephen Gumfer ka I hoohonoia aku ma ia wahi e ka Meia John H. Wilson.

I kulike me ka hoakaka a ka moolelo, o ke kumu wale no ka o ko Chilton hole ana e haolele ia hale mamuli o ke kauoha a Benevedes, ka luna nui o ka paka ma ka po Poakahi iho nei, mamuli no ia o ka loaa ana ae o kekahi a`o iaia mai ka Lunakiai Low ae aole oia e hoalele ia wahi ahiki I ka loaa ana ae o kekahi likiki no ka waiwai o ke aupuni kulanakauhale ana e hoihoi ae ana I ka mea I kuleana ia waiwai. Ua hoea kino aku ka ka Meia Wilson no Waikiki a I kona maopopo ana o ka Chilton mea wale no I makemake ai o ka laa aku o kekahi likiliki iaia no na waiwai e paaia ana I kona lima ma ka Manawa hoihoiia ae ai, ua haawiia aku ia likiki I koiia mai, a ia Manawa I haalele aku ai o Chilton a komo aku la o Gumfer ma kona wahi.

Ma ka Chilton hoakaka aohe kumu e ae o kona makemakeia ana e pau, no kona lilo wale ana no he Repubalika, a ina puha he Demokarata oia aole oia e hoopauia, oiai aia malalo o na Demokarata ka mana hoomalu a hookohu aku I ke kanaka I makemakeia ma ia wahi a ma na wahi e ae.

NA INAMONA O KAHUKU

He nane haina. Nawai he kupua; A ia la! He moo nui lohi, he kupua no Laie I ka eheu manu. Pololei wale hoi. “Aohe I pau kuu loa.” He ala- he wale- E I aku la, a hiki mai. E. K. B. M. Laniloa Huna.

Mr. Lunahooponopono:--Kuu nana, kuu ipo, kuu lei, kuu milimili e, iluna, ilalo, I nae I o a hoomaholahola ka lau o ka naenae I ka hua a pane I ka umauma, a holo I kau wahi e pee ai a nalo, kuhikuhi na lima, ku-e I ka waha, aole no e nalo, a oiai he nui ino na kupaa huli nane, a lehulehu na mea ike a ka haole—o ka`u ike ia.

Kahuku nane:-- Nana iluna a nana aku imua, ma ka ninau ana ae, aia ihea ka la. O laua no a elua, omua, ohope, e pane mai no apuni: No makana 5 pai apala no 10c akahi, e hoounaia aku no ma ka pahu pepa keokeo ame 5 pooleka 2 e pakahi, a kau iho I ka otomobila o Pauahi street no Kahuku nei, a noho iho e hana, no ka bonus uku kaulele $3.50 a pii aku a emi iho, pau kuhihewa I ka aina lewa I ke kai.

Ma Kawela Bay na malihini poai puni, ma ka a.m. Poakahi, 31, e pau na o Mei nei. I wehe ae ai lakou he aina luau nui kupaianaha ma ka pa manienie o ke kaikamahine ku`I wawae aama o Pukaulua, ka Mrs. Kahalaopuna, na meaai like ole, amen a ono a ka puu, ka puaa lawalu a kalua, mai ke kaona mai no, a noho ana I Kawela Bay, no elua kaa kalaka piha pono a poai apuni no ka hoomanao la kaupua, a ku mai akahi, alua, akolu, akolu no hoi ka noho, kowaho ialoko, a somi somi a naue malie.

Ka hoomanao piha makahiki o na makahiki o ka Miss A., Mrs ame Mr. Kuoha, ma ke Sabati 30 o Mei, ma Waialee Home, mailoko mai o ke kula kumu ma Honolulu, a ma ka p.m. o ia auwina la no e huli hoi aku ai no Kauakukalahale o Honolulu, a paa haawe I hoomauia no 16 piha makahiki o ka Miss Mileta Kuoha.

Hulalali mai la ke kai o na kaha me he aniani liilii la o Tupelina, e huli hi-o la, a momo I na la`I elua o Puaena, I pae aku ia Waialua ku polua I ke ehu a ke kai, aole, I ka moena pawehe Mikinolia o Mokuleia I pau kona hi-e mua, I ahona I ka malu lau paina o Hoolulu, aole kela waha hamama o Kaena I ka makani I ke pahihi wai o Kaaiea, ka wai kuauhoe a ka lawai`a I na pali pohaku o Kawaikumuole.

Aohe ta nana he mauu hilo,

A oiai, o Kahuku e panee nei.

Ia`u maluna o ko`u wahi lio e naue hele malie ana I nap o pouli aaki paa, a na ao hakumakuma e hekau pono iho ana maluna o`u, me na kui houhou maeele a ke kehau e kaomi okoa iho ana I ko`u wahi apahu kino, ma ka holo ana I ka akau komohana, mai ka akau hi-o loa mai, aole kahi hoa kamakamailio, aole na mea hoomaaloalo he meha pu makahiki ka imina o kahi hana e pono wale iho no.

I kela ame keia po, ina mahina o ka ai o Kahuku aina lewa, e nohoia nei, nona ka bonus kiekie $3.50, a pehea ana o Waianae, ke mau nei no o Kahuku ke kumu alakai holomua, aole ka uku hoolimalima kanaka, elike me lakou ma, ke pii aku nein a uku haahaa I ka anehe $200 o ka mahina.

            Auhea oe e Mr. Kahuhu, e hooikaika mai a kaulike, a oiai, he mau po mahina                        konane keia o na Koolau nei, nui ka wi o na kahawai, na pipipi pii akoakoa o Kawela Bay o nap o pouli o Kapukaulua a Kane.

Kou adews holomama,

J.A. KAHIONA

 

Ka Nupepa Kuokoa

KE KILOHANA POOKELA NO KA LAHUI HAWAII.

 

 

HOOHANOHANOIA NA HE O NA KOA AMERIKA MA PALANI

 

            PARISA, Mei 31 - O na kanaka Amerika i haawi i ko lakou mau ola no ke kumu koi a na Aupuni Huiia iloko o ke kaua uni o ke ao, a no lakou hoi na kino i hoomoeia aku maluna o ka lepo o Europa i mahalo nui ia, no lakou na he kupapau i hoohiwahiwaia ma ka la aku la i nehinei ma ka manawa o ka malamaia ana o ka La Hoomanao maloko o na wahi apau o Palani.

            O na have a na Aupuni Huiia i kauaia maluna o na he ua welo aku lakou i ke aheahe makani mai na wahi aku o na he kupapau o 70,000 a oi aku na koa Amerika i holo mai i Europa, ka poe i holo mai i ka 1918 a kokua mai i ka hoauhee ana aku i ka enemi ma ka manawa kupilikii loa.

            Ua hui pu na pualikoa a na Aupuni Huiia me ka Legion Amerika, ka oihana kaua aina ame moana a na lahui lehlehu like ole, ma ka hooko pono ana aku i ka papa kuhikuhi hana ma ka nana ana aole he kupapau e hooneleia a hoopoinaia paha ka hoohiwahiwa ana aku, a me ka hui pu ana me ke komite o ka La Hoomanao malalo o ka noho lunahoomalu ana a H. C. Wallace, ke kuhina Amerika ma Palani, ma ka ma lama ana i na anaina haipule hoomanao no ka poe i make.

            O na makai na kiai hoohanohano i hoonohoia ma na ilina. Ua hoohiwahiwaia na kiekiena ma na wahi like ole he nui mai i ke Kowa enelani ahiki i Switzerland a mai ka Muliwai Rhine ahiki i ka Moana Atelanika. Ua malama pu ia ka hanohano o ka la ma Sepania a ma Italia, na wahi i malamaia ai na hana hoomanao no na koa Amerika i moe maluna o ke kahua kaua. Ma na anaina haipule i malamaia maloko o Palanini he mau haiolelo ka i haawiia e ke Kenerala Petain ame kekahi poe kiekie e ae o ka oihana koa ame na makaainana.

            He 90,000 mau have liilii amerika i hoounaia aku i ke komite o ka La Hoomanao i na ilina lehulehu like ole i hiki ai ke hoolakoia aku kela ame keia he me na have. He mau lei hiki ole ke mae ka i hoomakukauia no na he kupapau o 22,000 koa Amerika no na he kupapau ma ka hapa akau o Palani, a o na pua makamaka hou loa hoi no na he ma ka hema.

            He mau kelekalama lehulehu ka i loaa mai Wakinekona mai i na luna ia lakou ka hana o ka hoihoi ana aku i na kino kupapau o na koa Amerika i Amerika e kauoha ana ia lakou e hoomoeia no kekahi mau kino maloko o Palani oiai ko lakou mau ohana ua hoo loli i ko lakou mau home.

           

KOMOIA HE HALEKUAI LOLE E KEKAHI PIKO PAU IOLE

 

            Ua komoia e kekahi mau piko pau iole ka halekuai Ideal e ku nei ma ke alanui Hokele kokoke i ke alanui Papu ma kekahi manawa i manao wale ia mawaena o ka po Poaono ame ka auwina la Sabati iho nei, a lilo aku he mau papale me kekahi mau leia-i.

 

HOOLAHA

 

            Ua makemakeia ua lala apau o ka ahahui o na Alii o Hawaii e akoakoa ae maloko o ka Pa ʻLii ma ka hapalua hora eiwa o ke kakahiaka Sabati, Iune 6, no ka hele ana i ka halawai haipule ma ka Luakini o Kawaiahao.

            Ma ka hora elua o ia auwina la e noho ana ka halawai mau a ka Ahahui ma ka Phoenix Hall. He umi-kuma-maono mau lala komo hou e komo mai ana ma kela la no lakou na inoa malalo iho nei.

            Miss Annie P. Kealoha, na Misses Helen K. McMillan, Emma K. Kaniau, Annie K. Baker, Annie K. Lo, Christina M. K. Akana, Mary K. Fiege, Jennie K. Viviehaves, Mary K. Benavitz, Keliiahonui Kaawau, Annie Aona, Jessie M. Prestige, ame Mary Brown; Messrs. Loʻe Kaanaana ame Paul H. Helela.

            Ma ke kauoha a,

                                    WM. A. Hall,

                                                Iku Kai.

 

 

271-3 percent

HEMO

o ka mea ia e loaa ia oe no na paalole ma keia kuai. AKA, AOLE O KEIA WANLE NO.

            O ka makou mau kumukuai mua he $10.00 a i ka $20.00 o ka paalole ke emi iho.

            I malamaia keia kuai no ka haawi ana aku i na kanaka i na kumukuai makepono - a eia maanei na KUMUKUAI MAKEPONO

PAALOLE $37.50, ANO . . . . . $27.25

PAALOLE $40.00, ANO . . . . . $29.75

PAALOLE $42.50, ANO . . . . . $32.25

PAALOLE $45.00, ANO . . . . . $34.75

PAALOLE $47.50, ANO . . . . . $37.25

PAALOLE $50.00, ANO . . . . . $39.75

PAALOLE $55.00, ANO . . . . . $44.75

PAALOLE $60.00, ANO . . . . . $49.75

PAALOLE $65.00, ANO . . . . . $54.75

 

KUAI NO KE KUIKE WALE NO.

 

AOLE HOOLOLI LAWE KUAPO

 

THE

MODEL CLOTHIERS

1139 - ALANUI PAPU - 1141

 

 

E HOOUNA I KAU KEIKI I KA NAAUAO.

 

            Mr. Lunahooponopono, Aloa oe: - Ma ka Poakahi nei ua naue aku au mauka o Manoa no ka ike ana i na hana ma ke College o Hawaii. Ua puka mai he ewalu mau haumana mai kela kula mai i kela la, a ua mahalo nui koʻu puuwai i ka ike ana aku he hookahi keiki Hawaii iloko o kela auna, he ekolu mau keiki Pake a he eha mau haole. O ka elua keia o na keika Hawii i puka maikai mai, mailoko mai o keia kula kiekie loa, a eai ka mea a ka peresidena i hoike mai ai iaʻu:

            "Nui ko makou mahalo i ka hana a keia mau keiki elua, a he makemake loa, makou e nui mai na keiki o ka aina e komo mai ianei, i loaa like ia lakou neia mau pomaikai he nui. Ua loaa ka hana a keia mau keiki elua, a ua makaukau no hoi ka hana no na keiki e ae e puka ana ma keia mua aku." Eia koʻu manao e hoike aku nei ia oe, e hoolaha aku i ko Hawaii Paeaina, eia ka pomaikai nui ua ku imua o ke alo, a e pono na makua keiki e hooikaika i ka lakou mau keiki e komo i keia kula. O ka naauao ka mea e pakele ai makeia mua aku. E paio hahana ana na keiki Hawaii me na lahui e, a o ka mea i lako i ka naauao, oia ke palekana, a o ia ka hanohano ana iloko o ka aina."

            I keia makahiki ae e lilo ana keia kula i university (kula nui), a e oi ae ana kona kulana i ko ka wa i hala, malalo o ka holo ana o kela kanawai aʻu i hookomo ai i ka ahaolelo o keia makahiki aku nei. O koʻu iini nui i kela wa, o ia no ka hoolako ana ia kakou iho, ka poe ilihune, i home hoonaauao no na keiki a kakou ma na ike kiekie loa. Aohe au hele ana i ka aina haole ma keia hope aku, no ka mea, eia no i Hawaii nei kela mau ike kiekie. O kau wale no ka huli me ka lilo haahaa loa. Nolaila eia ka pomaikai i ka ipuka hale; pehea ana la kau hana, e hookipa ana paha oe no ka pomaikai o kau keiki, ole paha?

            Hauoli koʻu puuwai i ka ike ana aku i na kumu o ke Kula Kiekie Hawaii e hoohanohano ana ia Lionel Brash me na aahu ame ka papaie, o ka ainau i ulu ae iloko oʻu i kela wa: Ehia ana la mau keiki Hawaii ma keia mua aku e hoohanohano hou ia ana elike me keia? Ina na ike oe i ke kii o na hana o kela la, manao au e haawi ana no oe i kou manalo.

            E ka lahui Hawaii, ano ka wa e hoonaauao ai i na pua aloha a oukou. Mai paupauaho i ka hoouna ana i na keiki i ka naauao. E mau kou hookikina ana iaia a puka oia mai ke Kula Nui mai o Hawaii, a e kau ana maluna on a ka hanohano, a e haaheo pu ana no hoi oe e ka makua. Kou oiaio.

CHAS. E. KING (KALE KINI).

 

            E hoomaka ana mai keia Poakolu ae ahiki i ka Poaono, e malama ae ana ka Hui Lunalilo me Camoes he mau haua hoohauoli o na ano like ole malalo ae nei o Aala Paka, me ke konoia o na mea apau e hoea ae malaila, no ka ike kumaka ana i na hana i hoolalaia e kela mau ahahui.

 

MAI POINA I KA HELE AE E IKE IA SAM KAHOE.

 

            Malalo ae nei o Aala Paka, ma na hana hoohauoli a ka Ahahui Lunalilo me Camoes, e malamia ana no na la eha, mai keia Poakolu ae, Iune 9 ahiki i ka po o ka Poaono, Iune 12, e ikeia ai ia keiki Hawaii, oia o Sam Kahoe, ma kana mau hana ike o ke aiwaiwa, e hookahahaia ai ka noonoo o ka poe apau e ike ana iaia.

            Ua hiki loa i keia Hawaii ke ai i ke ahi, ke hele olohelohe iluna o na aniani nahaha, me ka moku ole o kona aku wawae. Ua hiki iaia ke hana mai i na hana mana hooponiunui noonoo, a ma ka olelo pokole ana ae, he ponopuka oia ma na hana pohihihi, i like aku me na haole kaulana, ma na hana koa ka, i hoea mai no Hawaii nei.

            He mea malihini loa ka ikeia o kekahi keiki Hawaii o lawelawe ana i keia mau hana, a he mea haaheo hoi ka ike ana iaia, e ume ana i ka noonoo o na haneri o ka poe i hoea aku imua on a, a ike kumaka i kana mau hana ku i ke aiwaiwa.

 

 

HOOHANAIA MALOKO O 3,000,000 MAU HOME

 

NEW PERFECTION OIL COOK STOVES

 

            O ke kapuahi hou Perfection he mau puka uwahi uiki loihi uliuli kona e haawi ana i kela ame keia kulu aila mahu a aila paha i ka ikaika loa o ka wela a maemae o ke kuke ana, a e haawi ana i kona ikaika me ke pololei loa malalo ae o ka ipuhao. He hiki ke hilinaiia ka ula ahi - e haawi koke ana i ka wela piha - a e mau ana ma kahi i kauia. Aohe uwahi, aohe hohono.

            O ke kapuahi hou Perfection he hiki ke hoomoa ma ka oma, kupa, palai, koala, a paila wai wela - ke ano ono o ka hana ana! O ia ke kumu o 3,000,000 poe e hoohana ana iaia i apono ai.

            Komo mai a na makou e kuhikuhi aku ia kapuahi ia oe, a e nana i keia kapuahi hou loa ekolu uiki, me ka ipu hoopumehana wai ame na lako piha pono o ka oma.

$46.05

a i ole ma ka Daimana ano o ka uku ana me ka mama. $6.50 i konohi, a he $1.75 i kela ame keia pule. E noi mai no ka ike ana i kekahi mau ano kapuahi e ae.

w.w.dimond & Co LTD.

THE HOUSE OF HOUSEWARES

53-65 KING STREE.HONOLULU

 

 

Ka Makeke Kuai o ka Lehulehu

KO KAKOU PUUHONUA.

 

            Aia he mea nana e hoohauoli i kou noonoo ma o ke kuai ana i kau mau meaai ma ka Makeke Kuai o ka Lehulehu, a o ua mea la, o ia no na kumukuai makepono o na mea apau i like ole aku me ko kekahi mau wahi e aku i ike mua ia.

            He nui na Hawaii e lawelawe mai nei i ka hana maauaawa no lakou ponoi iho malaila, a in a aole o oe kekahi, aka, he mau mea kekahi au no ka maauauwa ana, e lawe malaila e kuai ai, a no ka mea, nou ia wahi i hanaia ai, a ua makemake ka lehulehu ia oe ame kau mau mea kuai.

            E haalele i ka hilahila, he laau make ia no kakou.

 

O KEIA IHO NA MEA KUAI ANO NUI MALAILA MA KA LA APOPO.

 

HE NUI WALE AKU MEA I KOE I PAA OLE MALOKO NEI

 

Na Iʻo Bipi Hou

Na Iʻo Puaa Hou

Alelo Bipi

Naaukake

Iʻa Hou

Amaama Uwahi

Iʻa Maloo

Na Huamoa

 

Poi Hou

Poi i Kananaia

Waiubata

Waiu Paa

Uwala Maoli

Uwalakahiki

Na Iʻa Lawalu

 

"E LAULIMA KAKOU I PIO KO KAKOU MAU ENEMI"

Mai Poina i ke Kakahiaka o ka La Apopo

Ka Makeke Kuai o ka Lehulehu

ALANUI MAUNAKEA.

 

 

HAUOLI! HAUOLI!

E HAUOLI KAKOU!

E naue ae e ike i na hana hoohauoli like ole a na Ahahui Malu ma Aala Paka.

 

            E ike ia BOO YEE me kana mau hana kamahao me kana mau keko.

            E ike i ka HOIKEIKE HOLOHOLONA nou iho mamua o ka lohe pepeiao.

E ike i ka UʻI ROSE HOLT me kana mau hoikeike Hawaii.

E hele mai e ike i ka PUALI HANA HOOMAKEAKA A NA AHAHUI MALU me ka lakou mau hana e mamae ai ko iwiaoao.

E ike ia SAM KAHOE Ka Hawaii Ai Aniani ame ke Ahi.

E ike i ke KOWALI UME NOONOO Ke Kamahao o keia Au.

 

He nui wale aku na mea hoakaaka; e noke ai i ka aka a eha ka iwiaoao.

O ia; Naue mai; a e ike i na hana kamahao o keia au!

 

He Eha Wale no Po!

Iune 9, 10, 11, âme 12.

MAI POINA I KA NAUE AE MA AALA PAKA!