Ka Nupepa Kuokoa, Volume LVIII, Number 23, 11 June 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

            Me he mea la i loko o ko Magarita ola ana. o keia ka la hookahi nana i kukulu mai i na mea maikai he nui i mua o kona alo. A me he mea la no hoi, ua wehe hamama ia ae na ipeka o ka lani nona e komo aku ai i loko o ka Paredaiso.

            O kela noonoo i loko ona. No ka pono o kona noho ana uka. Kahi e loaa mai ai o ke dala, e kuai ai i mau meaai mama. Ua palaka pu kona noonoo no ia mea. O na olelo waimeli wale no a Mr. Fiki i lua i aku ai i mua on a, me he mea ia, ke o mau la ia ma kona mau pepeiao.

            No ka noho naaupo maoli o Magarita i na ano o ke ao nei. Kona noho pouliuli i na ano oiaio maoli o na kanaka. Pela iho la i hiki ole ai laia ke ike mai i ka moo nahesa i loko o ke koloka o ka hookamani e hoekepue aku ana. Me ka makaukau e kiola aku i kona mau waiawa maluna on a. He kanaka epa me ke kolohe o Kalani fiki. Ke mea nana i pulapu aku i na wahine he nui a lilo ko laukou hie i mea oie ma o na hana ku i ka ekaeka a keia kanaka. Oiai nae he poe wahine lakou i launa nui me na pohai like ole o ke ao nei. Me ka hiki ola ia lakou ke kupaa imua o na hana maalea a ke diabolo.

            Mai loaa no paha he manawa maikai no Magarita e hakilo pono mai ai i na ano o keia kanaka. No kona oiaio am kona kolohe. Ina aole o Nina Hilakona pu kekahi e luma i nei iaia i lokoo ka luamimilo o kona poino. O kekahi no hoi. Ia Tede i manao ai. He hoaloha oia no Magarita ua kamailio mai oia i na olelo e hooi loa ia ae ai ka makemake a me ka iini i loko o keia kaikamahine. E haalele iho i ke ano o kona ola kahiko ana. A komo aku i loko o ke ola hou. Ke alahele hoi a Mr. Fiki i ake loa ai e hoea aku o Magarita ilaila.

            Ua hiki loa i ua o Magarita ke nana aku ia mua. Me na manaolana e loaa ana h ola hauoli ana iaia. Ka mea nana i moeuhane mau ai i ke ao ame ka po. Laiai hoomanao ae ai i na olelo a Tede Dougala i kamailio aku ai. No kona like pu me kekahi moiwahine o ka hikina. Ua lawa ia, no ka hookomo ana mai i loko ona, i ke ola hou.

            No ka piha loa o kona poo i na noonoo like ole no kana mau mea i lohe ai. Ma kela la ua palaka pu maoli no oia. No kona hauoli i ka hele ana i ka holoholo. O ia no ka ae ana aku i ke noi a Kalani Fiki, no kana mau kokua ana mai no ko ia nei pono no ka mea ua hooia mai Nina imua ona. He keonimna o Fiki ma na ano apau, a he hoaloha hoi no ka mea i loko o ka pilikia.

            Ua maopopo loa i ua o Magarita. He hokahi wale no alahele. E hapaiia ae ai oia mai kona kulana nele mai. A i ke kulana ulakolako. O ia no kona lawe ana mai i na kokua a Mr. Fiki i manao ai nona. Ina aole pela. Alaila e mau aku ana no kona noho ana. He kaikamahine na ke kanaka lawaia. E hooikaika ana me kona kino wahine,  wahi e loaa mai ai na wahi kenikeni liilii no ke kuai ana i kana mau meaai. A me kona mau lole e komo ai.

            Iaia nae i nooonoo ae ai no ka hoi ana aku a noho ma Nu ioka ke ike la no oia. He haua a Tede i kukulu ku ai imua on a. a no ka pohipohi maoli o kona alahele, o ke ola ana aku. Hilinai mai la oia ihope o kona noho paipai. Me ka nana ana aku iluna o ka ili o ke kai. O ia no oe o kekahi mea e nanea ana i ka hihi ʻ o moeuhane.

            Aia hoi o Kapena Rede ke noho la ma ka aoao o Nina Hilakona. Eia nae aole one nana aku ma ka helehelena o kela wahine opio. Aka aia wale no kona mau maka maaluna o Magarita. a no ka hiki ole maoli no iaia ke uumi iho i kona mahalo i ka wahine u ʻ i o Magarita. Hoohookoa ae la oia. Me ka nana ole aku in a paha ua hoihoi a hoihoi ole mai o Nina Hilakona ia mau olelo.

            "He keu aku maoli no a ka u ʻ i o Magarita. Ma ka ʻ u koho aku. Ua hanau maoli ia mai no oia he moiwahine. Aole he kaikamahine na kekahi kanaka lawai a. O ka poe apau e nana aku ana maluna o ka helehelena o kela kaikamahine. Aole lakou e hoohewahewa ana, ma ka olelo ana ae. Ua puka mai oia mailoko mai o kekahi o na ohana kiekie loa."

            Ina paha i huli mai oia a nana aku ma ha maka. O Nina. Na kihi iaia ke ike akui ka loli ano e loa o ko Nina ano ma o kela mau huaolelo. Aole nae pela. Aia kona mau maka ia Magarita kahi i nana ai. Pela iho la  oia i hoomaopopo ole mai ai i ke ano o ka wahine opio e noho pu la ma kona aoao.

            Oiai nae h wahine o Nina Hilakona i pihi me ka maa lea ame ke akamai. Ua hiki loa iaia ke pulapu aku i kekahi mea. Nolaila hoolalai wale ai la no oia i kela ano maikai ole iloko on a. A hoomaka ae la e akaaka. Me he mea la aole he wahi noonoo lili iki iloko on a. No Magarita. a i mai la.

            "O kaua like me kena manao hookahi ou e kuu kapena maikai. Aka. nae na ko ʻ u manao. I hiki ia oe ke ike i ka u ʻ i o Magarita i kona kahiko i ka lole kalakoa. Ina e wehe ae ana oia i kela lole ana e komo nei, a hao mai i na lole o na wahine o ke kulana kiekie. Manao au. Aole no e hiki ana ia oe ke ike aku i ka like ole mawaena o Magarita me ka nui o kau mau wahine i kamaaina ai. aole anei oe i hoomao popo i kekahi poe wahine au i mahalo ai oiai lakou e komo ana i ka lole kalakoa. I ka wa e komo mai ai i na lole maikai. Ua lilo lakou i mea paku-a na kou mau maka e ike ai?

            "Ae, ua pololei oe e kamailio mai la e Nina. aka nae no Magarita. Ua kaokoa loa ae kona mau ano. Mai ko na wahine e ae. A'u no e manaoio nei. Ina oia e komo mai ana i ua lole nani. e hooi loa ia aku ana kona wahine u'i alaila huli pa-pu mai la oia imua o Nina Hilakona. A i hou aku la"

            "Ke makemake nei au e ninau aku ia oe e Nina Hilakona i e pane mai no boi oe ia'u i ka mea pololei. Pehea la. ua kamaaina loa no anei oe ia Kalani Fiki?"

            "Ae. ua kamaaina loa au iaia. ma ke ano oia kekahi o na kanaka keaonimana aka. heaha la ke kumu o kou waiho ana mai la i kena ninau imua o'u Kapena Rede?" wahi a Nina, me ka hele o kona mau papalima a pii ka ula.

            "Eia no ke kumu. he kanaka o Kalani fiki i mare i ka wahine. ina oia he keonimana. alaila aole on a kuleana e hoopipili loa ai me kekahi kaikamahine opia. elike me ka ʻ u e hoomaopopo nei iaia. me kona ike no he wahine kana e noho mai la ma kahi kaawale mai iaia aku."

            "Aole he kumu e ae o ko Kalani Fiki hoopipili mau ana ia Magarita. no kona ike aku no ia i ka mehameha o kela kaikamahine. a o kekahi no hoi. ua makemake oia, e hoolana mau aku i kona manao. i hoopau loa ai o Magarita i kona noonoo ana, ua nele oia i na hoaloha ma kia ao."

            " Pehea. ua maopopo no anei ia Magarita. he kanaka o Kalani Fiki i mare i ka wahine?"

            "Ae, ua hoakaka mua aku au ia mea imua ona." wahi a Nina ia wa nui iho ai ka nanu o Kapena Rede, me ka i ona mai.

            "He keu aku no paha kou maikai e Nina, ua palaka maoli ko ʻ u noonoo no keia mea, eia ka ua loaa mua ka lohe ia Miss Adamu e pili ana no ko Kalani Fiki mare mua ana i ka wahine," alaila huli hou aku la ka nana ana a Kapena Rede imua o Magarita.

            Aole i lilo kela mau olelo a Kapena Rede o ke kamailio ana aku. e haawi aku ana i kona hoomaikai ia Nina no kona hoike ana aku i ko Fiki ano oiaio imua o Magarita i mea maikai i ka manao o ua wahine opio nei, no ka mea ke hoo-maopopo mai mai la oia i ka mea oiaio maoli; aole maluna on a ka noonoo nui ana o kela kapena, aka aia no ia maluna o Magarita. ka mea hoi a Kalani Fiki ia Magarita i kumu e hoalaia aku ai ka manao lili iloko o Pilipo Rede no ke la kanaka, me ka hoohewahewa ole iloko o Nina ke koho iho, ua haulehia maoli no kela kapena i kamekameka ame ke aloha ia Magarita, aole hoi iaia. ka mea e hooikaika mai la e lilo aku o Pilipo Rede i kane mare nana.

            Nona iho. ke ike la no oia. ua hiki hou ole i kona mana. ke pulapu aku i kela kapena. a i kona ike maoli ana i ka mea oiaio. ua komo pu aku no ka manao lili iloko on a no Magarita. ka mea ana i ike ole ai mamua aku o olelo okoa iho la ua o Nina iloko on a, he hana maalahi wale no nana. ka lu-ma ʻ i ana aku ia Magarita iloko o ka wai. me ka loaa ole he mea nana hoopakele ae iaia. alaila pahola ae la ka minoaka hoomahie ma na papalina o ua wahine kolohe nei. ma ka pane malie ana ae e lohe ole ia mai ai e Kapena Rede:

            "Ua manao kahiko no au e hoopakele ia Magarita mai ka mana mai o Kalani Fiki. ma ka pulapu ana aku i kela kanaka. e manao mai ai oia. owau pu kekahi i kokua aku i kona mau manao lapuwale. a i ka manawa hope nae. e ku okoa aku ai au a hoohoka iaia. aka nae i keia manawa. aohe a ʻ u nana no kela kaikamahine. e hookuu aku ana au ia Kalani Fiki. e hana aku oia elike me kana mau mea apau i makemake ai maluna ona.

            "E ike ana oe e keia kapena! Ua hiki hoi paha oe e pai ana ia Magarita. ma kou kapa ana aku iaia he moiwahine aole he kaikamahine na kekahi kanaka lawai ʻ a, e hoea mai ana ka la au e mihi ai me ka walania. no kou malia ole ana mai ia ʻ u. a ke kalokalo ae nei au ma ka inoa o na akua lapu o ka po. e hoea mai i ka hookoia ana o keia manao o ʻ u"

            Mamuli o kekahi hana o Kapena Rede i makemake ai i kona poe kanaka. nonoi mai la oia ia Nina Hilakona. e hookuu aku iaia. aole no ia he mea no na wahine nei e au mai ai iaia. a i ole kuaki iho paha no ke kaawale aku o kela kapena mai iaia aku. oiai nae i na manawa mamua aku. aole loa ona wahi lihi hoihoi iki. in a oia hookahi wale no ke noho ma kekahi wahi . a ua hele aku hoi ke kapena opio no kekahi wahi okoa.

            I kela hala ana aku o Kapena Rede. hoi mai la o Nina a ma kahi a kona maikuahine e noho ana. haule aku la iluma o kekahi ko-ki hooluolu. Ke ike la oia i ka noho pu mai o Tede me Magarita. aia hoi o Kalani Fiki ma kahi kaawale mai ia laua aku. peapeahi aku la ua o Nina ia Fiki. e hele mai imua on a. a oiai ua maopopo ia laua pakahi ka hana nui a laua i hoolala ai. iloko o ka manawa pokole loa. noho ana ua kanaka nei imua o Nina. i hakalia no a noho uono iho o Fiki iloko. o ko Nina waiho koke mai la no ia i ka ninau:

            "Pehea kau mau hooikaika ana, ua hoea mai anei i ka manawa e hookoia ai kou mau iini?"

            Akaaka ae la o Kalani Fiki, a i aku la: "Heaha mai aua-nei kau. eia au ma ke alahele e hoea koke mai ai i ka hoo-koia ana o ka ʻ u mea i hoolala ai. Ua kuhihewa loa kela wahi keiki. oia ka oi o ke akamai. a iaia i noke aku ni i ke kamailio ia Magarita. i na mea e pono ai kela kaikamahine ma keia mua aku. ua kokua nui loa mai kana mau hoakaka. no ka holopono o ka ʻ u papahana. Aia ua keiki nei ke hoopiha la i ke poo o Magarita me na hana apau i pili aku i ka poe keaka, ma kahi nae o ka lilo ana o ia mau hooikaika ana ma klna aoao. e loaa ia Magarita kekahi pomaikai. owau o maua ke ohi ana i na hua ohaha, o ka mea a ʻ u e hana nei."

            Noho pono ae la o Nina iluna. a i mai la: "Alaila o na meaanei a Tede e kamailio la ia Magarita. no na hana keaka no ia?"

            "Ae, a ua hoopaiha loa ia mai au me ka hauoli."

            "Ea, ua pomaikai maoli kaua. ua loaa h mea nana e hookomo mai i na manao uilani iloko o Magarita. a hoomamaia no hoi ka kaua hana. Ina e hui houaku ana oe me Magarita ea. alaila e papa ikaika aku iaia. aole e kamailio iki. i na mea e pili ana i ka hana keaka. no ka mea in a e lohe ana o Kapena Rede ia mea. e hoala mai ana oia i na ku-e ana ma na ano apau. me kona hoihoi ole. e komo aku o Magarita i kela hana."

            "Ina e hiki ana ia kaua ke hoopiha aku i kona poo. m na pomaikai e loaa ana iaia. ke lilo i wahine hana keaka. he hana maalahi wale no ke koena aku o ka kaua papahana i hoolala ai."

            Ke hoomaopopo aku la o Kalani Fiki. i ka manao maoli o na olelo a Nina e kamailio mai la iaia. no laila ua noke okoa ae la ua kanaka nei i ka akaaka. me ka i ana aku:

            "Aole he kumu e ae nana i kono aku ia oe e hoopuka mai i kena mau olelo mamuli wale mai no ia o kou lili ia Magarita. aole malaila wale iho la no pau. aka. no ka loaa ana o ka mea oiaio loa ia oe. o ia no ka haulehia ana o Kapena Rede i ke aloha no Magarita aole hoi ai oe."

            "Ua hiki hoi paha. e ike ana kela kaikamahine. i kona ohi i ka hua awahia. o kona helehelena wahine u ʻ i!" me ka nanahu okoa ana iho o Nina i kona mau lehelehe.

            "E akahele loa oe e Nina, kuu hoaloha. mai hoikeike wale ae oe i kena ano helehelena ou. i ku i ka hoomaka ʻ uka ʻ u, o komohia aku auanei na manao hoohuoi iloko o ko kaua nau hoaloha. ua lili oe ia Magarita, a i ole, aia paha kekahi noonoo maikai ol iloko ou no Kapena Rede. o holopono ole auanei ka ʻ u mau mea i hoolala ai no ko ʻ u pono. a no kou pono pu hoi kekahi e Nina. O kekahi mea a ʻ u e hoike aku nei ia oe e Nina ea. e akahele loa oe no Tede. he opiopio ke ano o kela keiki ke nana aku, eia nae. ua oi aku kona eleu ame ka makaala. mamua o kekahi poe kanaka. i hele a lena ka papa auwae."

            "Alaila, o kela keiki opio anei kekahi i haulehia i ke aloha no Magarita?"

            "Aole i maopopo ia ʻ u ka haulehia ana keia kanaka opio i ke alaoha no Magarita. aka nae aia ka hoohihi iloko on a. no ke kaikamahine opio. o ke kumu nae o kela hoohihi. he mea hiki ole ia ʻ u ke olelo ai i keia manawa: aka in a e mau an ka maaloala o Magarita imua on a. e hoea mai ana no he la ma keia hope aku. e haulehia ai oia i ke aloha no Magarita, i oi aku paha i ke aloha a ʻ u e hiipoi nei nona."

            "Ina o kena ka mea oaio au e kamailio mai nei e Kalani Fiki, alaila he mea pono e loaa kekahi alahele ia kaua e hana aku ai. i wahi e komohia ai ka hoowahawaha iloko o Magarita nona."

            "Heaha iho la ke kumu o kou manao ana. pela e loaa ai kekahi pono nui ma ko kaua aoao?"

            "Nau ponoi no hoi i kamailio mai nei ia ʻ u. no ka hilinai ole o kela kanaka opo ia oe. nolaila ma o Magarita la kaua e pahele aku ai i kona noonoo ahiki i kona hoowahawaha ana ia Tede."

            "Akahi au a apono aku i kena manao ou e Nina, a e hoike aku no au ia oe me ka hookaniani ole, e lawe aku ana au ia Magarita no kekahi wahi okoa iloko o ka manawa pokole loa, a o ka'u kauoha wale no ia oe e makaukau oe na manawa apau no ka hooko ana mai i kau mahele o ka hana, ma kou aoao, a na'u aku ke koena o ka hana."

            "Ua makaukau au i na manawa apau, i hakalia wale no i kou kauoha mai, o ka hooko koke ia o keia hana a kaua, ka hauoli nui hookahi o kuu puuwai e noho aku la."

MOKUNA XV

            Aia o Tede Dougala, ke nana pono loa la ma na maka o Magarita, aole no kona haulehia ana i ke aloha no kela kaikamahine opio, aka no kekahi mea ano nui loa, nana e hoopohihihi la i kona noonoo.

            Ke noho la hoi o Magarita iluna o ka noho paipai, me ka hele o kona helehelena a ulumahiehie, o ia no oe o ka mea i maa i ka noho ulakolako ana, a no kela ano a ua o Magarita i kamailio mai ai o Tede:

            "Ea, he keu aku maoli no kou hoohihi ia oe!" me ka noke ana ae o ua keiki nei i ka akaaka me ka lea nui, a nona hoi ka akaaka, he hookahi ko Magarita akaaka like ana aku me ia."

            "E huikala mai oe ia'u e Tede, ke kamailio ai, o oe ka mea mua loa nana i hoike mai ia'u, aia ka manao hoohihi iloko ou no'u nei."

            "Alaila, e olelo mai ana anei oe, owau ka mea mua loa nana i kapa aku ia oe i ka wahine u'i a huapala?"

            "Pehea auanei e nele ole ai ko'u ae aku, no ka mea nau ponoi no i kamailio mai nei i ko'u huapala?"

            "Eia no ka mea oiaio loa, ma ko'u manaoio, aole oe he kaikamahine na kekahi kanaka lawai'a, aka he kaikamahine alii oe, iloko o ke koloka o ke kaikamahine a ke kanaka lawai'a me kou manao ma ia ano e hoea mai ai i ka hookoia ana o kekahi hana ano nui loa au i iini ai. Heaha ia mea he waiwai a he hanohano ia oe, aia a hoea mai i ka manawa e loaa ai ke kanaka hookahi a kou puuwai i aloha ai, o ka manawa auanei ia au e hoike okoa mai ai i kou kulana oiaio loa, ka mea hoi nana e hookahaha aku i ka manao o ka poe apau i kamaaina mua ia oe."

            Oiai aole he mea o kela ano iloko o ka noonoo o Magarita ua noke okoa ae la ua kaikamahine nei i ka akaaka, me ka i ana aku: "O kau mau mea apau i kamailio mai la e Tede, he keu a ka lalau loa, no ka mea aole au he kaikamahine waiwai, aka he kaikamahine nele a ilihune, na ia kulana nele i kono mai ia'u e hookaawale ia'u iho mai ka poe waiwai mai."

            "Ina ua kuhihewa i'o au ea, alaila he hookahi a'u mea e hoohiki aku nei imua o kou alo. aole loa oe  i hanauia mai he kaikamahine na kekahi kanaka lawai'a."

            No kela mai olelo a ke kanaka opio, ua auhee aku la kela nanaina mohala maikai mai ka helehelena aku o Magarita. a o ia ka ua kaikamahine nei o ke kamailio ana aku:

            "Aole i'o he kanaka lawai'a ko'u makuakane ma ko'u manawa i hanauia mai ai. aka mamuli wale no o kekahi ano e hiki ole ai ia'u ke hoike aku ia oe, i lilo mai ai ke kanaka lawai'a i makuakane no'u."

            "E hiki ana anei ia oe ka hoakaka mai imua o'u. i ke ano i kaawale aku ai kou makuakane oiaio mai ia oe aku.

            "Aohe mea hiki ia'u ke hoike aku ia oe e Tede. no ka mea aole i maopopo ia'u ke ano o kona nalowale ana mai ia'u aku. O ka'u mea wale no e hoomanao nei, he wahine opio kekahi e noho pu ana me a'u. oia ka mea nana e malama ana ia'u me ka maikai. me ko'u aloha no hoi iaia, i kona haalele ana mai nae ia'u. o ke anuu mua loa ia o ko'u pilikia. ahiki i ka lilo ana i kaikamahine hooikaika kino no'u iho, i wahi e pono ai ko'u noho ana."

            "Aia hoi paha la, ke ike aku la au. he moiwahine maoli no kou kulana oiaio, no ka mea he wahine okoa aku ka mea nana e malama mai ana ia oe. O na keiki wale no a na makua waiwai. ka poe kaa aku malalo o ka malama ana mai a ka poe i hoolimalimaia. no na keiki ilihine. he hana paakiki loa i ko lakou mai makua. ka hoolimalima ana aku i ka poe na lakou e malama mai i ka lakou poe keiki."

            "Ua maopopo ia'u. aole makou he poe waiwai a hanohano paha. no ka mea he ano haahaa no ko makou noho ana. a ma ka'u koho no. aole he ukuia o kela wahine. nana au e malama ana me kekahi uku mahina. I kekahi la, ua hoea mai la he keonimana. a lawe aku la i ka wahine nana e malama ana ia'u. a mai ia manawa mai. ua loli loa ke ano o na mea a ko'u makuakane e hana mai ai maluna o'u."

            "Pehea aole anei i maopopo ia oe kela wahine nana e malama ana ia oe. a pela hoi ka inoa o ke keonimana. o ka hoea ana mai a lawe aku i kela wahine mai ia oe aku."

            "Aohe he me a'u i ike no kela wahine, a pela pu hoi me ke ano o ke keonimana, o ka'u mea wale no i ike. o ia ko'u noho hookahi ana iho. me ko'u makuakane lawai'a."

            "Pehea, malia paha ua maopopo ia oe ka pili o kela wahine i kou makuakane. a i ole ia oe paha? Ua maopopo no anei ia oe kou wahi i hanauia ai?"

            "No kena mau ninau elua au e kamailio mai nei. aole e hiki a'u ke hoike aku i ka pane oiaio loa."

            "Aia kekahi mea pohihihi loa e pili ana i kou hanau ana e Magarita, pela hoi me kou mau makua. a ke hoohiki nei au me ka inoa o na lani. e noii pono loa aku ana au ahiki i ke kuekaaia ana o ke meahuna pohihihi loa i pili aku ia oe e Magarita."

            Ua hele o Tede a piha loa me ka pihoihoi. no ka mea ke ike la oia. e hoea mai ana i ka hookoia ana o kana mau mea e koho la. aole loa o Magarita he kaikamahine na kekahi kanaka lawai'a. a no kela pihoihoi o ua kanaka opio nei. ua hiki ole ia Magarita ke uumi iho i kona akaaka ana. ahiki i kona i ana aku:

            "He mau hana uluahewa wale no keia au e Tede e hookomo mai nei iloko o kuu poo, e hiki ole ai ia'u ke manaoio aku i kau mau olelo."

            "Aole ko'u he manao uluahewa, aka he mea oiao maoli no. oiai aole loa he hoopunipuni iloko o ke Akua. O kau e manao nei, ke kaikamahine oe o ke kulana haahaa. a he kaikamahine hoi na kekahi kanaka lawai'a. ua kuhihewa loa ia manao ou. aka he kaikamahine oe na kekahi mau makua hanohano.

            "Ke manaoio loa nei ai. aia kekahi meahuna i pili i kou hanauia ana mai. a ke pili nei au i ko'u waiwai apau ma ka honua nei. he kaikamahine oe na kekahi mau makua o ke kulana kiekie."

            Noke hou au la o Magarita i ka akaaka. pehea hoi e hiki ai ke uumi iho. i kona ike maoli iho no i kona kulana haahaa. a ua loihi no hoi kona mau makahiki o ka noho pu ana me Iakoba Adamu, e kanalua ole ai oia i ka olelo ana ai, o kela maoli no kona makuakane oiaio loa.

            "Ua hiki hoi paha oe e akaaka ana ma ke ano hoohenehene ia'u, aole nae ia he kumu no'u e hoololi ai i ko'u manaopaa, a ua makaukau loa au e pili me oe. me ko'u hoakaka pololei mai nae i na mea apau e pili ia oe. Eia ko'u manao, e hiki ana ia'u ke huli ahiki i ka loaa ana o na hooiaio e lawe mai ai a waiho aku imua o kou alo. he kaikamahine oe na kekahi mau makua, o ke kulana hanohano.

            "Eia ka kaua pili, in a au e lanakila ana ma ka hiki ana ia'u ke hooiaio aku imua ou. i ka pololei o na mea apau a'u e hoike ku nei nou. alaila e ae mai oe e haawi mai i ka'u mau mea apau e noi aku ai ia oe. na mea wale no i ku i ka pono. aole o na mea hewa a lapuwale paha. Ua ko'u aoao hoi, in a e hiki ole ana ia'u ke hooiiaio no kou lilo ana he kaikamahine o ke kulana kiekie. alaila e hookomo no au maloko o ka banako. ma kou inoa. i ka huina o elima kaukani dala. pehea, ua pono anei keia i kou manao?"

            "Aole ko'u he makemake maoli e lawe mai i kau pili. no kou paakiki loa nae, a i wahi no hoi e hookoia ai kou makemake. ke haawi aku nei au i ko'u ae ma na mea apau."

            "Ina pele, ua pono ke la. a pehea, e hoikeike mai ana anei oe i ka'u mau mea apau e ninau aku ai i mua ou?"

            "Ae, o kau mau mea apau i makemake ai e niele mai ia a e koi mai paha ia'u e hoike aku, in a ua maopopo ia'u mau mea. ke hohiki aku nei au imua ou, e kamailio aka no au me ka huna ole i kekahi mea."

            "Ke maikai la kena pane au e Miss Adamu, no laila e hoomaka keke no kaua i keia hana nui. aka i lohe oe ea. e liaku ana au i makaikui. a owau ka mea nana e kuekaa aku na mea pohihihi apau i pili i kou ola ana. Oiai no kaua nanea ana i ka holo o ka moku, e hoohala kaua i keia ma nawa. ma kou hoike ana mai ia'u. i na mea apau e pili ai ia oe." o ke hemo ae la no ia o ka buke hoomanao. me ka penikala. a paa ana iloko o ka lima o Tede. me ka pau hou ana mai:

            "Ua makaukau au i keia manawa, i hakalia wale no oe. E kamailio mai oe i na mea apau. i pili ia oe iho. na kou hookoe ole i kekahi mea liilii. a e pane mai no hoi ka'u mau ninau apau e waiho aku ai imua ou." me ka lole lole ana ae i kana beku hoomanao. a loaa kahi i kakau me ole ia. a mamua nae o ko Magarita hoomaka ana mai e ka mailio ka lele ana no kekahi lima maluna o ka poohiwi o ua kanaka opio nei. a lohe ae la oia i na olelo i kamailioia iho."

            "Heaha keia mau mea waiwai ole au e Tede e hoopili nei i ke poo o Miss Adamu?" wahi a Kalani Fiki me ka nanaima maikai ole ma kona helehelena.

            Ua hoopiha loa ia o Tede me ka hoonaukiuki no ke kaha maha wale ana mai o kela kanaka i kona nanea ana me Magartia. me kona anean loa e pane mai ma ke ano pakiko ua hoonalonalo ae la nae oia i kela manao hoonaukiuki ilo ko on a a kamailio mai la:

            "Ua hookahana loa ia mai ko'u manao, i kou hookohukohu maoli no. me he mea la. e hoikeike ae ana oe, ua oi aku kou ike i na mea e pili ana ia Miss Adamu mamua o'u Malia paha. aole i maopopo ia oe e ke keiki, he hana hoopau manwa wale no ka hoao ana e hoala mai i kekahi manao lana. no ka mea hiki ole ke hookoia. O ke alualu ana i ka wailiu-la. o kekahi ia o na mea hoopilikia loa mai i ka noonoo ame ka puuwai. E akahele loa oe. mai noho a hoao e hoala mai i kekahi hana. e papalima aku ai kou poho mamua o ka mea au i manao ai. " o ke kaha aku la no ia o ua kanaka nei hele. me ka hoomaku'e nae o kona mau maka.

            Ua maopopo ia Kalani fiki ka mea a kela keiki opio e hoao la e hana. a no ka hoopahu'a ana aku i ka holopono o ua hana la. pela oia i hele mai ai e kahamaha. eia nae. mamuli o kona ike ana aku, ua paa loa ka manao o Tede. hooko aku i ka mea a kona puuwai i iini ai, he mea make hewa wale no kona hoao hou ana aku e kamailio, ua oi aku ka pono e waiho malie no oia i kela keiki. a e hoao no ho oia. ame Nina e lohe i na olelo apau e kamailioia ana mawaone o Magarita ame Tede.

            I kela hala ana mai o Kalani Fiki nana mai la o Tede i ua kanaka nei me ka piha hoonaukiuki. a i ka mamao loa ana aku. e lohe ole mai ai oia i kekahi mea e kamailioia ana. ia wa i hoopuka ae ai o tede i keia mau olelo.

            "He keu hoi kela a ke kanaka mahaoi! Heaha la kona kuleana e komo hokai wale mai ai no ma ka hana i kuleana ole a iaia. Manao paha oia i ko'u opiopio ana. he hana hiki wale no iaia ke pulapu mai ia'u. me he wahi keiki la o umi wale no makahiki. Aole loa o'u hoihoi i kela kanaka no ka mea. aia ma kona mau maka i kukuniia ai ka epa ame ke kolohe."

            I ka lohe pono ana mai o Magarita i kela mau mea a Tede i kamailio a ai e hoinoino ana ia Kalani Fiki, ia wa i kulou aku ai o Magarita imua. a ninau aku la:

            "Heaha ke kumu o kou makemake ole ana i kela kanaka?"

            Aole o Tele i pane koke mai no kela ninau a Magarita iaia. aka nae, noho pono ae la oia iluna. me ka noke ana ae no hoi i ka akaaka me ka leo nui. a i mai la: "Aole he maopopo ia'u ke kumu oiaio loa o ko'u hoowahawaha ana i kela kanaka. malia paha no kona hoohalike ana mai nei ia'u, me he kamalii la." me ka mau no o ka minoaka ma na papalina o ua kanaka opio nei. no kela pane nae. ua noho pono mai la o Magarita iluna. me ka hoomamaia ana mai no hoi o kona noonoo. no ka mea ua kuhihewa maoli no oia, aia kekahi mau kumu ko'iko'i loa o ka hoowahawaha ana o Tele ia Kalani Fiki.

            "Aohe a kaua mea e noonoo hou aku ai no kela kanaka. a mai lilo no hoi kana mau mea i kamailio mai nei i kumu e hoopauia ai ka kaua aelike i hana iho nei, mamua o ke komo hokai ana mai nei o kela kanaka, Ua aeliko iho nei kaua e hoike mai ana oe ia'u. i kau mau mea apau i hoomaopopo ai nou iho mai kou manawa kamalii loa mai, a e makaukau ana oe e kamailio mai i kau mau mea i ike ai. kahamaha e ia mai nei e Mr. Fiki, ua makaukau anei oe i keia manawa. e hoike mai i na mea apau ia'u?"

            "Ae, ua makaukau au i kela wa, aole no i lilo na mea ana i kamailio mai nei. i mea e hooko ole aku ai au i ka'u aelike me oe. Ma ko'u manaoio. he oi loa aku ka pono me ko'u aoao. e hoike ae i na mea apau i pili ia'u imua o ko'u mau hoaloha. elike la me oe ame kekahi poe e ae. i hoike mai i ko lakou manao aloha no'u nei."

            "O kau mau mea i hoakaka mai nei mamuli o kou mau manao koho. no ko'u ano. he wahi mea ano ole loa ia ia'u oiai aole au he kaikamahine no ke kulana kiekie. a in a nahe mea no'u e hoihoiia aku ai iloko o ka hale pupule e noho ai, no ka hoike ana aku i ka mea oiaio loa. ua hiki no: aka nae, aole au e hookahua ana i ko'u manaolana maluna o kau mau mea i kukulu mai nei imua o ko'u alo. no ka hiki ia oe ke hooiaio, he mau makua ko'u o ke kulana hanohano a waiwai."

            " O ke ano kena o ke kamailio ana." i pane mai ai o Tede me ka piha hoihoi loa. "O na  kaikaimahine elike me oe e Miss Adamu o oukou ka poe kupono e noho ma ka honua nei: aka e hoomanao e Miss Adamu. mai waiho aku oe i kekahi. wahi mea liilii loa i pili i kou ola ana. ma kau mau mea apau e kamailio mai ana ia'u."

            Nolaila. aole he hana hou ae ma ko Magarita aoao. o ka haha'i wale aku no i kona moolelo. a ke hoike la oia. ma ke ano neepapa. i oi aku mamua o kana mea i kamailio mua aku ai ia Kapena Rede. ma kela la a laua a elua e noho ana malalo o ka umalu pali. oiai ke kuaua e haluku ana me ka ikaika, a kaua e ka makamaka heluhelu i ike mua ae nei. ma ka wehe ana o keia moolelo.

            I cela âme keia manwa e kakau iho ana o Tede maloke o kana beku hoomanao. i na mea ano nui ana i manao ai, he mea waiwai ia ma kona hookolo ana aku. e loaa no makue oiaio loa o Magarita. Ma ka manawa a Magartia e hoopuka aku ai i kekahi inoa. e kakau iho ana o Tede maloko o kana beku. pela ka la o ka mahina paha. a i kekahi manawa no hoi. e hakilo pono loa mai ana oia ma ua maka o Magartia me he mea la. e noii nowelo mai ana. no ka oiaio o na mea e kamailioia aku ana e Magarita. me ke ano maoli o ua kaikamahine nei.

            O ka hele hoi ia ahiki i ka pau nana o ka Magarita haha i ana aku i kona moolelo, ia wa i kulou mai ai o Tede imua. paa mai la no hoi ma ka lima o Magarita me ka puliki ana iho a pane mai la.

(Aole i pau)