Ka Nupepa Kuokoa, Volume LVIII, Number 29, 16 July 1920 — HOOPAAIA NA LIMA ME KE KAULAHAO. [ARTICLE]

HOOPAAIA NA LIMA ME KE KAULAHAO.

Ma ke -kakahiaka Poalua nei i hoea ae ai he wahi keikikane nona' ka inoa o John Burges, a nona hoi na makahiki he umi, imua o ka oihana makai, me kona mau lima ua hoopaaia >me kekahi kaulahao, a noi ae la 1 ka oihana makai e wehe ae i kona ma'u lima Aole na kekahi mea okoa i hoopaa i kona lima, aka na ke kaikuaana ponoi no. Mamua oka hele ana oke kaikuaana i ka hana, a no kona ike mau i ka lalau o keia keiki, e hele mau-ana oia i ke kulanakauhale nei e maauhele ai ma kela ame keia wahi, a no ka maka 'u o ke kaikuaana o bui pu oia me na keiki kolohe a komo iloko o ka pilikia, pela oia i hoopaa ai i kona mau liuia i ole oia e lalama a lawelawe akū paha i ka ha'i. Ua hoopaaia ke kaulahao me ka laka, a lue ka hana nui na makai o ke oki ana ahiki i ka hemo ana.