Ka Nupepa Kuokoa, Volume LVIII, Number 29, 16 July 1920 — HOOPA'IIA NO KA HOEHA ANA I KE KANAKA OKOA. [ARTICLE]

HOOPA'IIA NO KA HOEHA ANA I KE KANAKA OKOA.

Ma ka noho ana a ka aha hookoloko--1,0 hoomalu ma ke kakahiaka Poalua nei e hoolohe i ka hihia o Moses Kaniho no ka hewa hoeha, ua ae aku oia i ka pili o ka hewa iaia, a ua hoeha oia i ka mea hoopii mamuli o kona kuhihewa oia ke Kepani nana i haawi inai iaia i ka okolehao holowai, mamuli o ke ano like o ka helehelena. He paoahi ka Moses Kaniho hana noluna o ka mokuahi Maui. 1 ke ku ana mai o kn Maui i Honolulu. nei he maa la kakaikahi aku nei i hala, o ke aho no hoi ia o na kanaka olona o na mokuahi o ka loaa o kahi wai hoouilani kino, ua lele mai la oia iuka nei a hele aku la e huli okolehao, a loaa no hoi he omole iaia. Ua hauoli loa o Kaniho, aka inahopo iho nae ua ike oia i ka hewa o ka i'a a Umiaanaka. I kona. iwehe ana ae i ka omole a hoomaka ae la e inu ua ike koke iho la oia he okolehao i pa'ipn'iia me ka wa: ua pii koke ae la kona wela. Mahope mai ua ike aku la oia i kokahi Kepani i aneane like loa ka hel. 1 - helena me ko ke Kepani nana ka omole okolehao i kuai mai iaia, a i ke kokoke ana mai o ua Kepani la, me ka papaleo mua ole, ua haawi aku la oia i kekahi kalo paa ma ka maka o ua Kepani la, a walawala ana ua Kepani nei iluna ke alo; eia nae ua nanahu hou mai lā ua puupuu la ana o ke ku'i ana aku i ke Kepani. Ua hele ae la ua Kepani nei i ka halewai a hpopii ae la ia Kaniho. Ma ka jioho ana o ka alia ua hoopa'iia mai o Kaniho he eono mahina e noho ai i Kawa.