Ka Nupepa Kuokoa, Volume LVIII, Number 35, 27 August 1920 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no

MAGARITA ADAMU

a i ole

Ka Hoohokaia Ana o na Manao Lapuwale o

ka Mea Kolohe--Ka Papahi Ana o ka Mea

Hoopono i ka Hanohano me ka Waiwai

 

            Oiai nae na koa e nana pakahi ana i na kino e ahu mokaki mai ana imua o lakou, ua loaa aku la kekahi kanaka e huli ana kona alo ilalo, he lole kona o ka poe hana o ka hui alahao e komo ana mawaho, eia nae maloko aku on a. e komo ana i ka lole o ka puali kiai lahui. i like loa me ka lole o na koa e komo ana i kela manawa, ua hoohuliia ae la ke alo o ua kanaka nei iluna. a i ka wa i ikeia iho ai kona helehelena, ia wa i hooho ae ai kekahi koa:

            "Auwe no ka hoi e! Aole keia he kanaka okoa aku, aka u Makala no keia!"

            I ka lohe ana mai o ka nui o na koa i ka hooho ana ae a ka mea nana inana i kela kino, ua piha lakou me ke kaumaha, i awili pu ia me ka inaina, no ka hololua o kela kanaka, eia nae aole he hookahi mea i hoakaka ae i kona manao maoli. alaila lohe hou ia aku la ka pane ana mai o ke koa nana i ike ia  Makala:

            "Eia no ke ola iloko o kona kino i keia manawa, no ka mea ke han@ nei no oia, a ke manao nei au, he hana maikai na kakou ka hoihoi ana aku iaia noluna o ke kaa iwaena o ko kakou mau koa i eha."

            "E malama aku anei kakou i kekahi kanaka kumakaia?"

i pane mai ai hoi kekahi koa okoa aku, me ka piha i ka huhu.

            "He kanaka oia elike no me ko kakou ano, a o ka kakou hana mua. o ia no ka nana ana i ka pono o ka hoa kanaka," i pane ae ai no kela koa mua.

            He kanaka olohani hoohaunaele nae ke @aiho ana ma ka aoao o ke koa kumakaia, i ka wa i oniohi ae ai o kela kanaka. ua hoohainuia aku la oia i ka wai. ia wa i noho pono ae ai ua kanaka nei, a i ka lohe ana mai. i ke kamailio ana ae a kekahi koa, he mea kumakaia o Makala. ia wa i pane mai ai ua kanaka nei:

            "Aole wale no oia, he mea kumakaia. aka oia kekahi o na kanaka hohewale. He elele oia i hoounaia me kekahi palapala e lawe a hawi i ke konela. eia nae i kona loaa ana aku i ko makou poe kanaka, ua haawipio mai la oia iaia iho, no ka hoopakele ana ae i kona ola, me ka haawi pu ana mai i ka palapala i haawiia mai iaia.

            "Na makou i hookoma aku i keia lole iaia. i wahi nona e ike ole ia mai ai; aole makou i kauoja aku iaia e komo mai e hakaka no ko makou ao@o, aka nana ponoi no i kaili aku i kau'u pu. a oia ka mea mua loa i hooha@a i ka pu raifela, ma ke ki ana aku i ko oukou kapena a hina ilalo.

            Me ka maokioki ke ano o ke kamailio ana mai a kela kanaka i na olelo maluna ae. a i hakalia no a pau kana mea i manao ai e kamilio ma@. o kona hina aku la no ia ihope make loa. me ka loaa ana mai nae o ka ike. i na aliikoa, i ke kumu i poino ai o Kapena Rede. ame ka mea nana oia i ki mai i ka pu.

            Ua piha loa naaliikoa âme na kola pu no hoi me na manao hoowahawaha no Makala, he keu no la na ha'i aku e hookau mai i ka poino maluna o kekahi kanaka maikai loa. a i mahala nui ia hoi, elike me Kapena Rede, eia ka na kekahi no o na koa oloko o kona puali ponoi, ka iliohae hoi iwaena o ka pua hipa. a ia lakou e nana la ma ka helehelena o Makala. ke hoomaopopo mai la ua poe koa nei, ua lohe o Makala i na huaolelo apau i kamailioia mai e kela kanaka i make aku la. me ka upo'i @ onae o na maka Makala.

            Me ka nana ole nae. no kela hana ku i ka lokoino a keia koa i hana aku ai maluna o kona kapena. ua ka'ika'iia ae la oia me ka maikai. a hoihoiia aku la noluna o ke kaa i hookaawaleia no ka poe i eha. me he mea la. o Makala no kekahi o na koa maikai, oiai nae he mea kumakaia oia i kona pualikoa, a i kona aina hoi.

            Ma ka nana ana o ke kauka i ka eha o kela koa. ua hoike ae la oia. ua @i'aku ke kukonukonu o kona pilikia, mamua o ka eha i loaa ia Kapena Rede, a i ka lohe ana mai hoi o kekahi koa i hele, a hoonaukiuki loa ia Makala, ua hiki ole iaia ke huna iho i kona manao maoli, a o ia kana o ka i ana ae:

            "Ua pono no kona eha ana. a in a i make aku nei keia kanaka ino. ua oi loa aku ia o ka maikai, mamua o kona ola aku, e lilo i mea @a makou e hoowahawaha ai."

            "Pehea ke kulana o Kapena Rede i keia manawa?" i ninau mai ai kekahi aliikoa i ke kauka.

            "Ua hoi mai kona noonoo maikai. a ke hiamoe mai la oia me ka oluolu. aole he hopohopo ana nona, e loaa hou ana no ke ola maikai iaia i ka wa pono. O kana ninau mua loa. i ka wa i hoi mai ai kona noonoo maikai. o ia no ka hopena o ke kaua mawaena o na aoao a elua. O kana ninau elua. o ia no ke kulana o na koa, a ua hoo@na okoa aku nei oia i kelekalapa i Nu loka."

            "He nuhou maikai maoli kela. e kuhihewa ana au. ua kukonukonu loa kona poino."

            "Ua ko'iko'i no ka poino i kau aku maluna on a, eia nae he poino kela e lele ole ai ka oili, koe wale no ka nui o ka eha."

            O kela kelekalapa a Kapena Rede i hoouna aku@ai i Nu loka, ia Tede Dougala no ia. aole nae i loaa koke aku kela kelekalapa ia Tede ahiki i kekahi la ae. a ma ka auwina lano okela la. i hoea ae ai o Tede no Bufalo.

            Ua hoihoiia na kanaka apau i eha noloko o kekahi haukiuila kupono. aole hoi maluna o ke kaa. o Kapena Rede kekahi iwaena o lakou. a i ka hoea ana aku o Tede, ua aeia mai la oia e komo aku e ike ia Kapena Rede. malalo nae o kona hoohiki ana aku. aole oia e kamailio i na mea e hoalaia mai ai ka manao pihoihoi iloko o ke kapena koa.

            Me ka helehelena haikea. i komo aku' ai o Tede e ike ke kanaka hookahi a@a@i aloha ai. i oi aku imua o kekahi o kona ohana ponoi. a iaia i ku aku al ma ka aoao o ka moe e waiho ana o Kapena Rede, lalau aku la oia i ka lima. a paa mai la iloko o kona mau lima a elua alaila noho iho la ilalo. me ka pahola ana ae hoi o ka minoaka ma ka hele helena o ke kapena. me ka'i ana mai o na o Kapena Rede:

            "Ma ka'u nana aku ia @e. me he mea la, aia iloko ou ka manao hopohopo no ko'u loaa mai ia oe me ke kino make. in a he manao @o kekahi o ia ano iloko ou ea. e hoopau loa oe ia ano noonoo mailoko aku ou. no ka mea aole au e make ana aka e ola aku ana au. mai hopohopo oe no'u nei. He oiaio. ua nui no ka poino i kau mai maluna o'u. he poino nae a@@@@ hoolana aku nei i kou manao e kuu hoaloha. aole loa ke Akua i ae mai e lawe aku i kuu ola."

            "Ua hoike mua mai nei o Kauka Baraunu i kou kulana oiaio a pehea no la o Makala i hoao ai e hana mai ia oe elike me keia? Aia o Makala ke waiho mai la iloko o ke kulana kupilikii, ma kahi he iwakalua wale no kapuai mai ia oe aku, a no ka hana a kela kanaka maluna oi ea, ua konoia mai au e olelo ae, aole loa o'u wahi minamina iki, ina no e make aku kela kanaka. Ke manao nei au, in a owau kekahi i ike i ka hana a kela kanaka, e knon okoa ia mai ana au. e hookau aku i ka make maluna on a. aka nae ke hoomaikai ae nei au i ke Akau. no Kona lawe  ana aku i ke kau ana mai i ka hoopa'i maluna o ka mea pepehikanaka."

            "E hoopau ko@kaua kamilio ana no kela kanaka. ua like pu kona ano me ko ke diabolo; a ke auamo la oia i kekahi hoopa'i i oi aku ka ehaeha, mamua o na hoopa'i e ae e hookauia aku ana e ka lima o ke kanaka. E hoike mai ia'u e Tede. ua lohe mai anei oe i kekahi meahou mai ia Miss Adamu mai?

            Aole o Tede i pane koke aku, no ka mea ke kanalua loa la oia i ka hoike aku i kekahi mea e hoalaia mai ai ka manao pihoihoi iloko o Pilipo Rede, oiai ua papa loa mai ke kauka iaia, eia nae. ke hoomaopopo mai la no o Kapena Rede. oiai ua papa loa mai ke kauka iaia. eia nae. ke hoomaopopo mai la no o Kapena Rede i ke kunana o Tede. a o ia kana o ka pane ana mai:

            "Ina he mea kekahi au i lohe ai e Tede ea, e kamailio koke mai oe ia'u. no ka mea ua kamaaina no oe i ko'u ano, aole e lilo ana kekahi o kau mau mea e kamailio mai ana. i mea e hoopiolokeia ai ko'u noonoo. in a paha ia he nuhou maikai, a i ole. he nuhou maikai ole paha. He o ia mau no ko'u ano i keia manawa elike no me ko'u ano mau, o kou hunakele ana ia'u, i kau mea i ike ai, ua oi loa aku kona hoopoino mai i ko'u ola ana, mamua o kou hoike ana mai i na mea oiaio wale no."

            Ike i'o iho la o Tede i ka pololei o na olelo a kona hoaloha. nolaila me ka malie loa. me ke akahele hoi, e makaala ana i ka loli o ko Kapena Rede ano, elike me ke kauka, a haka pono ana kona mau maka, maluna o kekahi ma'i kupilikii loa, ua hoomaka ana mai kela manawa mai o kona ike ana ia Magarita maloko o ka halekeaka, pela hoi kona halawai ana me kekahi kanaka malihini loa iaia, ko laua hoi ana no ka hale o kela kanaka, ame ka moolelo ana i lohe ai mai kela kanaka mai.

            I ke kuu ana iho o kona leo, a pau hoi kona kamailio ana aku. aole oia i ike aku i ka loli ae o ka helehelena o kona hoaloha, koe wale no ka lilo o na mea ana i kamailio aku ai i mea ano nui loa ia Kapena Rede, a o ia ka ua kapena nei o ka pane ana mai:

            "Alaila aole anei o Magarita he kaikamahine na Iosia Adamu?"

            "Aole no au e kala i hoomaopopo ai aole o Magarita he kaikamahine na Iosia Adamu. no ka mea o na ano apau o kela wahine opio, ua kaokoa loa ae ia. mai kona ano mai, in a he kaikamahine oia na kekahi kanaka lawai'a. Ua kulike loa na ano o Magarita me na mea a kona makuakane ponoi i hoike mai ai ia'u, a i ha'i aku au ia oe ea, e hoea mai ana he la, e kaawale loa aku ai kela kaikamahine mai ke kiko eleele aku o ke karaima pepehikanaka i kahihi wale. ia aku maluna ona."

            "Ke lana nei ko'u manao e hoea mai ana no he manawa e ahuwale aeai ka mea oiai, no ka mea ua ike no au. aole loa i pili ka hewa ia Magarita," i pane mai ai no hoi o Kapena Rede. Pehea nae oia e loaa ai ia kaua? He mea pono e lawelawe koke ia na alahele apau e hoopakele ae ai i kela kaikamahine. mai ka lilo ana aku i luahi no na hana pauaka a Kalani Riki. o ka pilikia wale no, o ke kau ana mai o keia poino maluna o'u e hiki ole ai ia'u ke hana aku i kekahi mea nona e pono ai. no ka mea he maikai no ko'u noonoo. ua like pu nae au me kekahi pauku laau, ka hiki ole ke onioni ae."

            "E hamau!" i pane aku ai o Tede, me ka paa ana aku o kekahi lima on a ma ka lae o Kapena Rede. a i hou aku la:

"hoopau loa i ko kaua kamailio ana no keia kumuhana, no ka mea, ke ike aku nei au, ua hele oe a piha loa me ke pihoihoi. in a no ka hele mai o ke kauka, a loaa pono oe me kena ano ou. e kipakuia mai ana au e hele iwaho. o ka pau no ia o ko kaua kamailio ana. Mai poina ka hoi, eia he elua mau leka nau: no ka lilo loa o kaua i ke kamailio no k@u pilikia, pelai palaka loa ai ko'u noonoo. Ua hele mua ae nei au i ka halekoa, mamua o kuu holo pololei ana mai no keia wahi. pela i loaa mai ai keia mau leka," me kona haawi ana aku i na mau leka nei ia Kapena Rede.

            I alau mai la no hoi o Kapena Rede i na leka elua. a me kona nana ole iho i ka lima kakau mawaho o ka wa-hi. uhae ae la oia i kekahi leka. a hoomaka iho la e heluhelu i na laina mua loa, me ke kahaha o kona noonoo. alaila nana iho la i ka inoa malalo loa o ka leka. me kona hooho ana ae:

            "Auwe no ka hoi e! He leka keia na Magarita ponoi i hoouna mai nei," a no ka manawa mua loa. akahi no o Tede a ike maoli aku i ke pihoihoi o Pilipo Rede, eia nae, aole no on a kamilio wale aku, he oi aku ka pono. o kona hookuu malie ana aku i kona hoaloha e hoopihoihoiia kona noonoo, elike me kana mea e ike ana maloko o kela leka.

            Ma kela wahi i heluhelu ae ai o Kapena Rede i ka leka me ka leo nui. me ka hoolohe malie ana aku no hoi o Tede a i ka hooki ana iho kana heluhelu ana. ia wa i hooho ae ai:

            "O pehea la au e hana aku ai?" wahi ana, me ka hamohamo ana ae o kekahi lima ma kona lae. "Eia o Magarita iloko o kekahi kulana kupilikii loa, e hiki ole ai ia'u ke kokua aku iaia. Eia no au me ke ola kino maikai. aka nae aohe mea hiki ia'u ke hana aku now e kuu Magarita." alaila hoao ae la ua kapena nei e ala mai iluna, me ke kaiele ana aku o kona mau lima ihope, ua kaomi e aku la nae o Tede iaia ilalo, a o ia ka ua o Tede i pane aku ai:

            "Ina oe e waiho mai i ka hana iloko o ko'u mau lima. e ike auanei oe, ua makaukau loa o Tede e hana aku no ka pono o Magarita, me he mea la, o oe ponoi ka mea nana e hoopakele ana ia@a. Iwaena o kau poe apau i kamaaina ai. aole au mea e ae e hilinai mai ai no ka palekana o kela lede opio. owau hookahi wale no." wahi a Tede me ka leo kuoo. aia hoi ma kona mau maka. e hulili aku ana kona mau onohi. o ia no oe o kekahi ilio. e paaia ana e kona kahu, a Kapena Rede e ike mai la me ka hoohewahewahe ole. ua hiki loa ia Tede kela hana nui ke hooko, a oi aku ka holopono, mamua o kekahi mau makaikiu kaulana.

            No kela mau olelo ku i ke koa ame ke kanaka makua a Tede. ua lalau mai la o Kapena Rede i ka lima o ke kanaka opio, a puliki iho la, a e hoomaka mai ana oia e kamailio, ua kaohiia aku nae ka puka ana mai o kana mau mea i makemake ai. mamuli o ke komo koke ana aku o kekahi koa i kela manawa. me ka pane ana aku:

            "I hele mai la au e hoike aku ia oe e Kapena Rede. aia kekahi lede mawaho kahi i kakali ai. o ka aeia aku e komo mai e ike ia oe."

            O wai ka inoa o kela lede?" wahi a Kapena Rede, me ka hookuu ana aku i kona paa ana i ka lima o Tede.

            "O Kona inoa i hoike mai nei ia'u. o Miss Hilakona. a ua makemake loa oia e ike ia oe."

            I kela lohe ana aku o ua kapena nei i ka inoa. o ka lede i makemake loa e ike iaia. alawa mai la kana uana ana ia Tede. me ka imo ana aku no hoi o ko Tede maka iaia, alaila me ka leo kuoo, i pane mai ai o Kapena Rede i ke koa, i ka i ana mai:

            :E hele aku oe a hoike aku i kela lede. ua hiki iaia ke komo mai iloko nei i keia manawa."

 

MOKUNA XXXV

 

            Oiai hoi o Nina Hilakona e ku la mawaho o ka puka, me ke kakali ana o ka hemo aku o ke koa iwaho, ua hele oia a piha i ka haalulu me ka maka'u. no ka ike aku i ke kulana kupilikii o Kapena Rede, me kona mihi ana @no i kona pupuahulu loa o ka hele ana mai e ike i kela kapena koa: aka ne ua lohi loa kela mihi ana, e hoao ana no oia ma ua ano apau e hoikeike aku ma kana mau hana. aia iloko on a ka makee ame ka manao aloha, no na poino i kau aku maluna o ke kanaka ana i makaleho aku ai no kona mau waiwai.

            I ka hema ana mai o ke koa iwaho, a kauoha mai la iaia e komo aku iloko me na kaina wawae niama loa. e hoike okoa aku ana i kona hele a makemake loa e ike koke i ke kapena poino, me kona hele pololei loa ana aku no kahi o ka moe o Kapena Rede e moe malie mai ana, me ka ike ole nae o ua o Nina o Tede kekahi: maloko o kela rumi.

            I kona hoea ana aku ma ka'e o ka moe o Kapena Rede. kukuli iho la ilalo, me ka hopu ana aku i kekahi lima o ke kapena koa. a puliki iho la. a o ia kana o ka i ana aku:

            "E hoomakiaiia na lani, ua palekana oe mai ka make mai." wahi ana me ka leo haalulu. o ka mea i aneane e uwe iho. "I ko'u lohe ana ua kiia oe i ka pu, o ko ko'u hoopoina loa ae la no ia i na mea apau. a hele mai la me ka awiwi loa no ka hui pu ana me oe, eia ka, aole i oi aku kou poino mamua o ka'u mea i koho wale ai. aka e huikala mai nae oe ia'u e Pilipo Rede, no ka lohi loa o keia hoea ana mai la o'u."

            Aole o Kapena Rede, he kanaka nawaliwali o kona noonoo, e hoike okoa mai ai oia i kona manao aloha. mamuli o na olelo ku i ka hoomalimali a Nina. a iaia i nana mai ai ma ka helehelena o ka wahine opio i hele a luuluu i ke kaumaha nona, ua ulupuni ae la kona kino me kekahi noonoo ano e loa, aole no nae on a hoikeike wale mai, he wahi noonoo maikai ole kekahi on a no kela wahine. aka kaomi malie iho la oia i ka lima o Nina, ma ke ano e hoike mai ana i ke komohia iloko on a ka manao aloha no kela lede, alaila pane mai la me keia leo kuoo mau no ona:

            "Heaha auanei kou hewa a'u e huikala aku ai? Ma ko'u manao. eia ma ko'u aoao ka aie nui. no keia hele ana mai nei ou e ike ia'u e loaa ole ai ia'u na huaolelo kupono loa. no ka nui palena ole o ko'u mahalo no keia hana au e Nina."

            Pahola ae la ka minoaka ma na papalina o ua wahine maalea nei. alaila pane ae la me kela leo haalulu no ona: "He hoea kahiko mai no ko'u i ka wa kupono. o ka lohi loa hoi o kela kaaahi a'u i kau mai ai. pela i hala okoa ai kekahi manawa loihi, me he mea la. i ka'u nana iho, he keu aku kela a ke kaaahi holo ole.

            "E hopohopo mau ana au maluna o ke kaahi. e loaa mai ana paha oe ia'u me ke ola. aole oaha. eia ka e halawai hou ana no kaua, a e lohe aku ana hoi au i kou leo olu waipahe. a e nana hou aku hoi i kou mau maka poni uliuli. elike me ia a'u i nana mau aku ai i na la i kaahope aku la. oiai kaua ma Manakeka. Aole no nae au i noho wale maluna o ke kaaahi, aka ua pule au me ka ikaika maoli i ke Akua. e hoopakele mai oia i kou ola ahiki i ko'u hoea ana mai. a ke ike nei au. ua pane mai ke Akua ia p@le a'u.

            "O ka iini n@i wale iloko o kuu uhane, ina nei ua kupilikii loa kou kulana, a ua kukonukonu hoi kou poino. e loaa he hora hookahi no'u e noho aku ai imua o kou alo. a e paa aku ko'u lima i kou mau lima . ahiki i kou minuke hope loa o ke ola ana ma keia ao. a e ohe aku hoi au i ka puana mai o kou mau lehelehe i ko'u inoa." a ma kela wahi. hiki hou ole aku la ia Nina ke kamailio. o ka wehe ae la no ia i kona hainaka, me ke kupenu ana ma kona mau lihilihi maka. aia hoi ke ala o ka wailukini ke moani ae la mai ka hainaka ae. me ka mau no nae o ka paa o kekahi lima o ua o Nina, i ka lima o Kapena Rede.

            Oiai nae o Tede e nana aku ana i kela hana maalea ma ka aoaoa o Nina Hilakona. ua kokoke loa oia e akaaka ae me ka leo nui, aka iaia nae i hoomaopopo iho ai. aole oia i ikeia mai e Nina Hilakona, a ua palaka loa hoi ko Kapena Rede noonoo nona, nolaila he oi aku ka pono. o kona noho malie ana, e uumi ana hoi i kona mau mana maikai ole apau. no kana mau mea i ike aku ai no kela wahine. I piha i ka maalea.

            Ma kekahi ano nae. ike iho la oia. he wahi hana kohu ole nona ka noho ana aku maloko o kela rumi. a e hoolohe aku i na olelo apau e kamailioia ana. i makemake olei a e loheia mai e kekahi mea mawalio ae o Nina ame Kapena Rede. o ka pilikia nae. he mea maikai ole nona ke noi ana aku. e huikalaia mai oia no ka noho ana malaila. nolaila, uihi hele aku la oia. a pee ae la ma ka pale o kekahi puka aniani. ike ole ia aku ai oia. aka e hiki ai no nae iaia ke lohe pono mai i na huaolelo apau e kamailioia ana.

            Ma ka aoao nae o Kapena Rede. aole he wahi lihi hoihoi iki iloko on a. no kela mau hana hoouweuweu a Nina imua o kona alo. eia nae he keonimana oia. aole on a makemake e hookaumaha mai i ka manao o kela lede. ma ke kauoha okoa ana mai iaia e hoopau i kona uwe ana. a i ole. e ku paha a hele mailoko aku o kela rumi. aka ua hoomanawanui malie no oia i kona mau manao maikai ole. me kona piha nae i ke kahaha. no ke ake nui loa ana o Nina Hilakona e ike iaia. no ka mea aole loa he wahi lihi aloha o ua kapena nei no kela wahine.

            Me kela ike no nae i kona aloha ole ia Nina Hilakona. aole nae e hiki iaia ke huki aku i kona lima. e pulikiia la e kela wahine. Ua hiki loa iaia ke ku aku imua o na enemi he nui. me ka hopo ole  e paio aku ahiki i ka make ana. aka imua no nae o keia wahine e paa aku nei i kona lima. me he hao wela la. ua palahe ka palu o ua kapena nei i kona lima. me he hao wela la. ua palahe ka palu o ua kapena nei. ka mea a ke kauka o ka oihana koa i kaena ae ai. aohe mea nana e hoololi i ka manao paa o kela kapena, o ka mea apiki nae. ua hiki i kekahi wahine u'i ke hoolilo i kona uahoa i mea ole.

            Aohe he maopopo iki ia Kapena Rede o kana mea e kamailio mai ai, a ia Tede e hoekepue mai ia. me ka nana ana i ka helehelena o kona hoaloha. ua aneane loa oia e kahea mai i ka palahe o ka palu o kela kapena imua o kekahi wahine u'i. aka nae. i wale iho la no oia iloko on a:

            "Pahea ka uahoa ame ke kuoo o kekahi kanaka. ua like pu oia me ka pate e lomiia aku ana iloko o ka lima o kekahi wahine i piha me ka maalea. Ke hauoli loa ne au. i ko'u hoea ana maloko nei o keia rumi. no ka mea in a e hoea mai ana i ka wa e lilo aku ai kuu hoaloha. i mea paani iloko o ka lima o kela wahine. aole e hiki ia'u ke nanamaka wale aku iaia. aka e komo koke aku ana au e hoopakele ae iaia, mai na pahele mai a Nina Hilakona.

            Iloko nae o kela uwe o Nina Hilakona. he uwe hoi a ka mea I piha me ka maalea. oia o laua ka mea mua loa i pane ae. mahope o ka maalea. mahope o ka noho mumule ana no kekahi mau minuke:

            "Heaha la kou manao no'u" i hawanawana aku ai ua wahine pei me ka leo malie loa. "Ua manao maoli iho no au. ua hiki loa ia'u ke uumi i ko'u mau manao kaumaha. i ka wa e hoea mai ai imua ou. aka. i ko'u ike ana aku ia oe iloko o kena kulana poino. ua hiki hou ole iho ia'u ke uumi." alaila noke hou iho la i ka uwe haalo'ulo'u."

            "Ke nonoi aku nei au i kou oluolu e Miss Hilakona. e hoopau oe i kou uwe ana. no ka mea aole oe i ike i ke ko'iko'i o ka haawina i loaa ia'u. mamuli o ka ike aku i kou uwe mai. He mea oiaio, ua hiki ole loa ia oe ke hoomanawanui. oiai nae. aole au i kupono no kena mau waimaka au e hookahe mai nei: nolaila e oluolu oe e maliu mai i keia leo uwalo aku imua oe."

            No kela mau olelo a Kapena Rede, kaili ae la o Nina i ka hainaka e kupenu ana ma kona mau maka. alaila hiolo makawalu mai la na kulu waimaka nunui, alaila leha aku la ka nana ana a ua wahine maalea nei ma ka helehelena o Kapena Rede, elike me ka olino ana ae o na kukuna malamalama o ka la. i ka wa a ke kuaua e haule ana. a i aku la:

            "Ua hoao no au e uumi i ko'u mau manao kaumaha nou. aole nae he hiki, a e kapa mai ana paha oe ia'u bebe. au paha e olelo iho ai. ua nele maoli no au i ka manao koa. He mea oiaio. owau kekahi o na wahine koa loa: aka nae i ko'u lohe ana. ua ku oe i ka poka a ka lokoino, a eia oe ma ka'e o ka moe make. ua hiki hou ole iho ia'u kekaohi mai i ko'u mau waimaka: me ko'u manao maoli iho no. owau pu kekahi e ukali aku mahope o kou meheu.

            "O ua hewa loa kou noonoo ana pela e Miss Hilakona. he hana naaupo loa ua kakou. ka lawe ana mai i na noonoo maikai ole elike me ia au i kamailio mai la. i pane mai ai o Kapena Rede me ka hoihoi ole.

            "O aole oe e Kapena Rede i ike i ka nui ehaeha maoli o kuu naau nou. no ka mea. mahope iho o ko'u halawai pu ana me oe. ua loli maoli no ko'u ano." me ka hoomau hou ana aku o ua o Nina, i ka uwe ana. a moe okoa aku la kona poo imua o kekahi i noho kaawale aku. me ka palulu ana ae o kona mau lima malalo o kona helehelena. "Nu'u  iho. ua ku a mehameha maoli ko'u noho ana ma keia ao. Ua nana mai ua kanaka ia'u. me he mea la. owau kekahi o na wahine hauoli loa : e pulamaia ana e ko'u makuahine. a e hoopuniia ana hoi e ko'u mau waiwai he nui. e loaa maoli ai ka noho hauoli ana. eia nae. ua kuhihewa ia manao ana o lakou pela. no ka mea aole lakou i ike mai ialoko o kuu puuwai ame ko'u uhane.

            "Ia'u i nana iho ai i ke ano o ko'u noho home ana. ua @ele maoli me ke ola ana o kekahi mea i piha me ka hauoli. na like pu au me kekahi manu i hoopaaia iloko o kekahi hale i hanaia me ka uwea. me ke ku maoli no i ka hoihoi ole. a i kekahi manawa. e ala okoa mai ana na manao uluahewa iloko o'u. a na kanaka no e kuhihewa mai ai. ua pupuleia paha au.

            "Mahope mai nae o kela halawai mua loa ana o'u me oe. uaike iho au i ka loli ae o ko'u hoihoi. a akahi no a lana mai ka manao. no ka waiwai o keia ola ana aku. no ka mea aia he hauoli. a he manaolana ke kau mau mai la imua o ko'u ola ana aku. Aole e hiki ia'u ke hoakaka maopopo aku imua ou. i ke ano maoli o keia ola hou i loaa ia'u. aka ma ka hoohalike ana ae nae. ua like no ia me keia ao. e noonoo mau ai nou i ke ao ame ka po."

            Ke kamailio aku la o Nina Hilakona me ke ku@. e hu'epau maoli ana no i ka piha o kona puuwai i ke aloha no kela kapena koa. a no ke kui'o o kana mau olelo, ua hiki ole i kekahi kanaka e lohe mai ana i kela mau hoakaka. ke kanalua iho. i ka oiaio maoli o ke aloha o kela wahine opio. a ia Tede e hoolohe mai la. ua auhee aku la kona ano hoopahenehene ia Nina Hilakona. no ka mea oia pu kekahi i hoopaia aku kona uhane e na olelo waimeli a keia nahesa i piha me ka maalea ame ke akamai.

            Ua hoopa maoli ia aku ka uhane o Kapena Rede no kela mau olelo a Nina, o ke kumu paha hoi. no kona hoomaopopo ana mai. ua haulehia o Nina i ke aloha kulipolipo iaia. alaila kaomi malie iho la kekahi lima o ua o Kapena Rede i ka lima o Nina me ka i ana ae :

            "O he keu'i'o aku a ka nui o ka ehaeha i loaa ia oe!"

            Ua lilo kale pane ma ka aoao o Kapena Rede i mea hoohauoli loa aku i ka puuwai o Nina, alaila hilinai okoa aku la ua wahine nei ma ka aoao o ka moe. o ka honi wale aku no koe ia Kapena Rede. me ka hawanawana malie ana aku i keia mau huaolelo :

            "Alaila he wahi noonoo no anei kekahi ou no'u: "wahi ana me ke kupenu hou ana ae i kona hainaka ma kona mau maka." O ua hopohopo mau au, e howahawaha mai a@la oe ia'u e Pilipo, a ua koho maoli iho no au. ua oi aku ka make ana, mamua o ke ola ana aku, in a aole he wahi lihi hoihoi iki iloko ou no'u nei.

            "Aole au i ike i ka nui ehaeha o kuu noonoo. ahiki i kela haalele hookahi ana ae au ia'u ma Manakeka. no ko'u ike ole aku paha hoi kekahi i kou helehelena ia mau la. no ka mea ua maa kaua i ka ike mau ana aku o kekahi i kekahi. He hookahi nae mea nana i hoomama loa mai i kuu noonoo, o ia no ka loaa mau o na moeuhane ia'u nou. me kou pa okoa mai i kuu mau lima. a hoike mai la hoi ia'u me na huaolelo maopopo loa. aia no kou noonoo nui ana maluna o'u a e nana okoa mai ana no hoi oe ma kuu mau maka. elike no me keia au e nana mai nei.

            "No ka piha loa o kuu naau i ka hauoli. ua puoho okoa ae au i ka po. me ka noke ana i ka uwe nou. a na ka pa'uhia i ka makehiamoe i hoopoina ae i na hoomanao ana no kela hiona. me he mea oiaio maoli la no ma keia kino nei. Me kela hauoli hui nae a'u e kau mau aku ana i ko'u mau manaolana. i ko'u lohe ana ua loaa oe i kekahi poino nui. u@loli hikiwawe ae ia hauoli a i ke kaumaha. au no e ike ma nei i keia mau waimaka. he amu waimaka ia no ke kaumaha i owili pu ia me ka hauoli."

            Ma kela wahi o na hoakaka ana aku a Nina Hilakona. nui iho la ka hanu o Pilipo Rede. ke noonoo la oia i kekahi mea e kamailio mai ai, o ia ka hoike okoa ana mai. aole loa he wahi noonoo iki iloko on a, no na mea a Nina i huai pau aku ai iaia. a ua nele loa no hoi oia i ke aloha no kela wahine. aka ua lilo aku kona puuwai i ka mea okoa. aka no ka hoopakele ana nae i kona ola iho. aole oia i makemake. e ku-e aku i ke kauoha paa a kona kauka. ma ke kamailio ana ma ka leo nui, nolaila ua uumi malie iho ia no oia i ka meahuna iloko on a. me kona pane ole mai. i na mea e hoohauoliia aku ai ka manao o kela wahine opio.

            Hookuu okoa ae la ua o Kapena Rede i ka paa ana i ka lima o Nina. eia nae. ua kaa mai la ma ka aoao o kela wahine ka puliki ana aku. aole no hoi he kaili aku o ua kapena nei i kona lima. a no ko Kapena Rede pane ole mai. ua kulou loa aku la o Nina imua, me ka hihia okoa aku o kona hanu ma na papalina o ke kapena koa. aia hoi ke ala o ka wai lukini ke moani aku la imua o ka ihu o ua kanaka nei. me ka nana pono ana iho o na maka o Nina me ka minoaka hoohie ma kona mau papalina, a no ka manawa mua loa. akahi no a ala ae ka manao hopohopo iloko o ua kapena koa nei, e hoao okoa aku ana paha o Nina e puliki iaia. a e honi aku hoi ma kona ihu. aole nae ua wahine nei i hana aku i kekahi o na mea ana i hopohopo ai. aka pane aku la i ka i ana aku :

            "O e Pilipo, owau i'o anei ka wahine hauoli hookahi ma ka honua nei: "Owau anei ka wahine mua loa nana i kaiii mai i kou puuwai?"

            Aole i pau aku na mea a Nina Hilakona i manao ai e kamailio aku. ua lohe e mai la oia i ka nehe aku o kekahi mau kapuai wawae. alaila alawa ino mai la ihope, a iaia i ike mai ai i ke ku aku o kekahi mea i kamaaina iaia. ua auhee koke aku la kela ulumahiehie mai kona helehelena aku. o ke kaumaha ame ka weliweli ke nohoalii la maluna on a.

            O ke kanaka ana o ka ike ana mai. aia ke ku pono aku la mahope o kona kua. e hoike okoa mai ana hoi ka helehelena o kela kanaka. i kona piha i ka huhu. me ka haka pono ana mai o kana nana ana ma na maka o Niha. a no ka hiki hou ole iho i kela kanaka ke ku malie. ua kulana aku la oia ihope. no ka hina aku iluna o ka papahele. aka ua holo e mai la nae o Tede a paa iaia, me ka hoonoho malie ana iho iluna o kekahi noho.

            O keia kanaka malihini o ke komo ana mai la iloko o keia rumi a Nina me Kapena Rede e kamailio ana. o Makala no ia, kela koa nana i ki mai ia Kapena Rede i ka pu. a i loaa hoi kekahi ahe kukonukonu loa maluna o kona kino. kela kanaka no hoi i lilo i mea kumakaia i kona have awe kona aina.

(Aole i pau.)