Ka Nupepa Kuokoa, Volume LVIII, Number 37, 10 September 1920 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

KA PAEKIKOLA ANA IESU I KA WAI MA KA WAWAE E IOANE MA KA MULIWAI O IONEDANE AME KA PAPEKIKOLA AN I KA PAPEKIKO MAKE OIA HOI AHI.

 

            E Mr. Lunahooponopono o ke Kuo-koa, Aloha kaua me ka malu mai ke Akua mai:- E oluolu mai oe e hookau aku i keia ukana uhane maluna o ka oneki o ka kakou moku, ka Nupepa kuokoa, ka hiwahiwa a ka lahui, mai Hawaii o Keawe a Kauai o Mano, i ka welona a ka la i Lehua, i ike mai ai na kini haipule o ke Akua mana loa, ma o Iesu Kristo la, ame ka mana o Kona Uhane Hemolele.

 

            Ua heamai nei oia iau ma o Kona Uhane Hemolele la e wehe ae nu i keano o ka ke Akua papekiko wa ma ka wawae o kana keiki, a o kana olelo, oia no ke kuhikuhi o ka Palapala Hemolele no ia.

 

            Elike me ka mea i palapalaia, 2 Ki-moteo 4:16. O ka palapala Hemolele apau, na haawiia mai ia e ka Uhane o ke Akua, he mea ia e pono ai, no ke ao ana; no ka papa ana, no ka hoopololeiana, no ka hoonaauao ana ma ka pono.

 

            Penei ka ano o ko Iesu papekikoia ana i ka wai Iluna o Iesu o ka wai kahi i ku ai ma kela aoao o Ioredane, a o kahi o Iesu i pili i ka wai, o kahi no ia o Iesu i papekikoia ai i ka wai. I hoike no ka oiaio e heluhelu ika pau-ku 26 o Ioane. Mok.1

 

            Olelo mai la o Ioane ia lakou, i maila, ke papakiko nei au me ka wai, aka, ke ku nei kekahi iwaena o oukou, ka mea a oukou i ike ole ai.

 

            P.27. Oia kamea e hele mai ana mahope o'u, mamua o'u ia, aole au e po-no ke kala ae i ke kaula o kona kamaa.

            Ehoike mai ana keia mau pauku elua i ke ano o ko Iesu papekikoia ana e Ioane i ka wai, he ku iluna o ka wai, aole he moe iloko o ka wai, aole no hoi he noho iloko ka wai, aka, he ku iluna ka wai. Oia ka hoike a ka mokuna @ o Makaio, pauku 16.

A papekikoia o Iesu, alaila piikoke mai la ia mai ka wai mai e hoike mai ana i kahi o iesu i ku ai he wai, a o kona wahi i pili i ka wai, o kahi no ia.

 

            papekikoia, elike me na hoomana kumu o ka honua nei, aia ma ke poo ka wai a ka mea e papekiko ana i ka mea ana e papekio ai, o kahi no ia i pape kikoia, aole hapala wale ka wai ma o a maanei; pela no ka ke Akua wai i makemake ai e hoopili ma ka wawae o kane keiki, aole e hoouhi i ka wai mai ke poo a na wawae, no ka mea, ua hookaawale ke Akua i ke poo ame ke kino i wahi e noho ai ka Uhane Hemolele o kona Makua, elike me ka mea i hoikeia e Isaia M.42 pauku 1.

 

            E haawai aku no au i ko'u uhane maluna on a. Pela no ke akua ka makua i hoike aku ai ia Ioane, m 1:33, O ka mea nana au i hoouna mai e papekiko me ka wai oia ka i oleo mai ia'u, aia ike aku oe i ka uhane e iho mai ana maluna on a, a e noho ana maluna ona, oia ka mea nana e papekiko me ka Uhane Hemolele, pela ke Akua i hookaawale ai i ka pepkiko wai ma ka wawae o kana keiki, elike me ka hoike a ka palapala Hemolele ma o Pekelo la.

 

            1 Pekelo, m. 2:21, hap hope. A ua waiho oia no oukou i kumu hana i hahai aku ai oukou ma kona mau kapuai.

            "Eia Ka Manao o ke kumuhana a Iesu i waiho aku ai i kana mau haumana: E papekiko ia lakou i ka wai ma ka wawae elike me ko iesu papekikoia ana ma ka wawae, nolaila, ua lilo ia i kumu kauoha, i kumu alakai, kumu a'o, elike me ka isep mau wa wae, pela no ko lakou mau wawae e holoi in ai i ka wai; pela o Iesu i haawi ai i kana mau haumana i kumu hoohalike, pela i hoikeia ma Ioane. 13:5-15

 

            Alaila, ninini iho la oia i ka wai iloko o ke pa holoi a hoomaka iho la e holoi i na wawae o ka poe haumana, a holoi maloo me ka kawele ana i kaei ai, a hiki mai lo Kimona Pekelo la, ninau aku la oia iaia: E ka hako, e holoi mai anei oe i ko'u mau wawae@ Olelo mai la o Iesu, i mai la iaia: O ka mea a'u e hana nei, aole oe i ike i keia wa, aka, e ike auanei oe mamuli aku. I aku la o Pekelo iaia: Aole loa oe e holoi mai i ko'u wawae. I mai la o Iesu iaia: Ina e holoi ole aku au ia oi, aole ou wahi kuleana pu me a'u; nolaila, ua lilo ka wai i papekiko ia ai ma ka wawae o Iesu i wai mana, i wai laa; i wai na ke Akua e apono ai i na mea apau e manaoio ana i ke keiki a ke Akua, elike me ka olelo a Iesu ia Nikokemo.

           

            Ioane 3:5 Penei: Olelo mai la o Iesu, oiai, he o'aio ka'u e olelo aku nei ia oe. Ina e hanau hou ole ia ke kanaka i ka wai ame ka uhane, aole e hiki iaia ke komo iloko o ke aupuni o ke Akua; nolaila loaa iho la ke wai e hanau hou ia ai ke kanaka, oia ka wai i papekiko ia ai ma ka wawae o Iesu, a i  holoi aku ai o Iesu i ka wawae o kaua@poe haumana.

 

            No keia hoike a ka Haku ia Pekelo @ole ou wahi kuleana pu me a'u, nolaiala nonoi aku o Pekelo i ka Haku: E ka haku, o na wawae, o na lima me ke poo kekahi o'n e holoi ia i ka wai. Olelo mai la o Iesu iaia: O ka mea i auau ia, o na wawae wale no ke holoi ia e pono ai. Ua pau loa ia i ka maemae, a ua maemae oukou. He olelo keia e hoike mai ana, he hookahi wale no wai a ke Akua i haawi mai ai e hoopi@iia ma ka wawae o kana keiki, oia hookahi ka wai mana, no ka mean, oia kekahi mana o ke Akua, pela o Iesu i ae ole aku ai i ke noi a Pekelo e hoopiliia ka wai ma kona mau wawae ame na lima ame ke poo, he hoike ia e hoole loa aua i ke kuleana o na wai o ae apau, e hookui aku ana i ka wai i palapalaia a paa iloko o ka olelo a ke Akua.

           

            Apau ae la kona holoi ana i ko lakou mau wawae, lawe iho la ia i kona aahu, a noho hou iho la ilalo. Ninau mai la oia ia lakou: Ke ike nei anei oukou, ke hea mai oukou ia'u he kumu, he kahu, in a hoi owau ka haku ame ke kumu i holoi i ko oukou mau wawae, e pono no oukou ke holoi kekahi i na wawae o kekahi, a no ka mea, ua haawi aku nei au i kumu hoohalike no oukou elike me ka'u i hana aku ai ia oukou, pela oukou e hana ai.

 

            O ka holoi ana o Iesu Kristo i na wawae o kana mau haumana, he kumu hoohalike ia elike me kona mau wawae i papekiko ia ai e Ioane ma ioredane, oia ka mea i koike ia maluna ma kahi e olelo ana ua haawi aku au i kumu hoohalike no oukou, pela oukou e hana ai. He hana ai. He hana i haawiia mai e kona makua e hana oia ia hana. Penei i palapala ia ai m@ Ioane 5:36:

 

            Aka, he hoike ko'u i oi aku imua o ka Ioane, no ka mea, o na hana a ka Makua i haawi mai ai na'u e hana, o keia mau hana a'u e hana nei ke hoike mai no'u ua hoouma mai ka makua ia'u.

 

            Penei ka mea i palaplaia me Hepela 2:8 Nau no i waiho na mea apau malalo ae o kona mau wawae, a i kona hoolilo ana i na mea apau malalo iho on a, aohe mea koe iaia i waiho ole ia malalo on a, aole nae kakou i ike i na mea apau i waihoia ae malalo on a.

           

            A puka hou aku no.

            Me ka haahaa,

            Kupahoa Kihe.

            Kipahulu, Maui, Aug.17, 1920.

 

Aole E Hoaie Wale.

           

            E ike auanei na mea apau, ma keia ke hoole loa nei au i ka uku ana aku i na aie apau i hanaia ma kuu inoa ke ke kahi poe, me ko;u apono mua ole, o ka poe e hoaie mai aha ia ha'i ma ko'u inoa, me ke kauoha ole mai ia'u aku, e ili aku no maluna o lakou na poho o ia hoaie wale ana.

            Owau iho no me ka oiaio,

            John P. Kapololu

            Papaaloa, Hilo Akau, Hawaii Sept. 7, 1920.

            6412-Sept.10, 17, 24.

           

            Hiki Ia Oe ke Hoemi Mai i ka pipii o na Meakuai.

 

            Ma ke Kipa ana Mai i ka Makou Kuai oka pule me ka Mahina.

 

            Aole makou e hoemi ana i ka makou kaki ia makou e waiho aku ai oke i ka io hipa, ma na kumukaui a makou i kau ai aole no hoi makou e waiho aku ana i na mea inoino. O ke ano o ka makou i'o hipa, ua like aku ka maikai me ka mea e loaa ana ma kekahi makeke okoa aku e hoea aku ana ia oe mai ka mekeke maemae loa mai ma Hawaii nei.

 

            Kipa Mai e ike i na wahi maikai loa i okila

           

            E kakali aku nei ia oe.

           

            Metropolitan Meat Co.

           

            Maikai- Alai- Maemae

 

            KUU POKII ALOHA SOLOMON KUAIMOKU, UA HALE.

           

            Mr. Lunahopopono o ka Nupepa Kuokoa; Aloha oe:- E oluolu mai hoi oe i kekhai wahi o ka kakou hiwahiwa, no ke poomanao e kau ae la mauna a nana hoi ia e aha'i mama aku, i ike mai ai ka ohana ame na hoaloha o kuu pokii ka mea i hala aku la ma ke ala hoi ole mai; ka hopena hoi o na mea ola apau; i kulike ai me ka mea i palapalaia, he mahu ke ea o ke kanaka i pua ae a nalo aku, ua ke Akua no i hana mai a Nana no i lawe aku e hoonaniia kona inoa.

 

            Ma ke kakahiaka nui o ka Poakolo, Augate 18, oiai au e nanea ana i ka hiamoe, puiwa ana au i keia leo kahea no ka makemakeia o Sam kuu makua-kane i ke kelepona, a oiai ua ala mua oia, maopopo iho la no ia maua, he lono pilikia keia mai ko'u mama mai, a i ole he mea paha nana i makemake ai, ka mama hoi o makou, mana e kiai ana i kuu kaikunane, maloko o ka hau kipila o Kona.

 

            Ua alualu aku la au mahope o kuu papa, a i kona ike ana mai ia'u ia wa i olelo mai ai, ua pilikiaia kuu kaikunane. Aia no oia mamua kahi i hele ai, me ko'u ukali aku no mahope on a, ahiki i kona komo ana aku maloko o ka hale i waiho ai o ke kelepona, aia no hoi au mawaho o ka halekuai kahi i ku ai me ke kakeli ana aku iaia.

 

            I ka pau ana o kana walaau ana, hemo mai la iwahi, a olelo mai la iau, ua kauoha mai kuu mama, e kii aku iaia, no ka mea aohe wahi i koe o kuu kaikunane.

 

            Auwe no hoi ka mea mokumokuahua o ka nau e, i ka wa i lohe ai i keia lono kaumaha. O ke ku koke mai no o ke kaa otomobile, kamailio aku la i ke kepani, no ke kii ana i ka mama ame kuu pokii; a olelo mai la kuu papa, owau no o maua ke hele e kii, a e noho oia e hoomakaukau i mau meaai na makou, ae aku la no hoi au, a i ko'u makukau ana, ua kau aku la maluna o ke kaa otomobile, a holo aku luna o ke ka naau luuluu no kuu pokii.

 

            Ia'u i hoea aku ai no ka halema'i, ku ana no kuu mama ma ke alapi me na waimaka helelei, a ia'u i lele iho ai ilalo, a komo aku la noloko o kona wahi e waiho mai ana, ua lele mua ka hanu, me ko'u ike ole i kona aho hope loa.

           

            Ua pau, ua hala me ko makou ike ole i kona hanu hope, o ko makou mama hookahi wale no ka mea i ike. Ua hala kuu pokii, me ka haalele ana iho i kona kuku, na makua, na kaikuana, na pokii ame a'u kona kaikuahine, a hele kohana aku la i ke alahele o na mea apau.

 

            Auwe kuu aloha e, i kuu ike ole i ka hanu hope loa o kuu pokii. Auwe no hoi ka mea ehaeha o ka naau ko hoomanao ae, i na hana maikai loa a kuu pokii, i loaa ole i na keiki e noho ana ma keia wahi, aole i like aku ko lakou ano ame ke kulana me ko kuu pokii!

 

            Auwe no hoi ka mea ehaeha ke hoomanao ae i kuu pokii hoomanawanui, i ka hu@i i na mea apau e pono ai ka noho ana iwaena o na lahui e. Aole oia e kauka'i mai i kona mau kaikuana. E piliia ana na wahi apau no ka imi ana i na mea e pono ai.

 

            He elua wale no pule o kona waihoana i ka ma'i, a haalele wale mai la oia ia makou maloko o ka halema'i. He hookahi pule holookoa kona waiho ana maloko o ka halema'i, a he hookahi no hoi pule ka wahio ana maloko nei o ko makou home, a haalele wale mai la kela ia makou iloko o na haawina o ka ehaeha ame ka luuluu.

 

            Ua hanauia mai kuu pokii mai ka puhaka mai o Emily Kanamu ame Solomon Kuaimoku, ma Haleili, Kona Hema, i ka la 20 o ka mahina o Feveruari, 1905, a ua piha iaia na makahiki he 15, me na mahina keu 5, o kona hanu ana i ke ea hihi'i o kei ao inea i piha i na popilikia he nui.

 

            Ua kuu aku la ka luhi, ua pau kahana, ua moe aku la oia i ka moe mau loa, auwe nohoi ka mea manaonao i kuu pokii, ke hoomanao ae nona!

 

            He elima ko lakou nui, i hanauia mai ai e ko lakou makuahine, ua lawe aku no nae ka make i ka nui, me ko lakou papa, a koe hookahi iho oia. Ua lawe hanaiia oia e ko makou kuku, Mrs. Abbie Kanamu, ame maua kona mau kaikuahine, Mrs. Julia Haili, ame Mrs. Emily s Pali, ka mea hoi nana i hiipoi i kuu pokii i kona wa bebe, a nui walke ae la, a haalele mai la ia makou e paiauma aku nona mahope nei.

 

            'Aole i ike kuu kaikaina Mrs. Emily S. Pali i ka helehelna o ka pokii o maua, a pela pu hoi me kona mama, e noho mai la i Molokai, oiai ua noho aku oia he kane hou, a oia aku hoi ka muli o ko'u mama.

 

            Ua lawelaweia e kuu pokii na hana ko'iko'i a ke kanaka makua, o ia ka mahiai, ke ku'i ai, na hana like ole no apau, e hoomanawanui ana hoi ia makou i ko makou wa o pilikia. Okuu papa hoi ka lima akau o makou, eia nae ua loaa oia i ka ma'i no hookahi mahina, a koe kuu pokii hookahi i hele aku la, oia ka mea nana e lawelawe mai i na hana apau e pono ai ko makou noho ana.

 

            Aole oia i kaniuhu mai a namunamu mai pa@a, a haalele mai i ka home, a hele aku i ka hauoli elike me ka ano mau o na kamalii, ua like maoli no kona ano me ko ke kanaka makua, ua ahonui mai oia ia makou, a hiki wale i ko makou lanakila aua, oiai ka'u kane e noho ana iloko o ka oihana koa ma Honolulu, a e noho ana hoi ko'u muli aku, oia o Edward Hea, maloko o ke kula Kamehameha.

 

            Nolaila, o kana mau hana maikai apau, aoleloa ia e poina, aole no hoi oia i pakike mai i ka makou mau kauoha iaia, aka he eleu oia mana ano apau. O kanamau kenikeni ke loaa mai, e haawi ana oia i kona kuku, a e kaui ana no hoi i mau meaai na makou, me ka hoolilo ole aku no kela ame keia mea e ae.

 

            O kuu pokii i hala aku la, he hoapili oia no ka mama ame ka papa o makou e hele ai i ka mahiai i ka la ame ka ua, ahiki wale no i kona haalele aua mai ia ia makou.

 

            He mea nui iaia, e malama ana oia i kana mea uuku no na'e, a pela hoi i kana mau keiki, ua lil laua iaia he mau milimili. aloha no kuu pokii, aole makou e like hou ana i kona ano maikai apau.

 

            E na laekahakai o keia wahi e waiho nai nei, aole ko oukou mau hunakai e hoopulu hou ana i ke kino o kuu pokii, ua pau m ua pau no ka wa mau oa. O na wahi apau a kuu pokii e hele ai, e huli i na pono o keia nohoana, aole oukou e ike hou ana iaia, aole hoi kona mau kapuai wawae e hehi hou ana maluna o ko oukou mau lepo, aole no hoi a hoopa hou ana kona mau lima, i na lau nahele, no ka mea ua nalo oia no ka wa pau ole.

 

            Ua maeleia aku kona kino wailua no ka ilina, i waiho ai o kona mau kupuna, a oiai kona kon punanuanu e waiho ana maloko o kona home lua, i meleia ai ka himeni hope loa, a mahope o ka pau ana o ka pule a ko makou papa, i uhiia aku ai ka lep, a pau ka ike ana iaia no ka wa mau loa.

 

            Ka haawi aku nei makou i na hoomaikai ame na mahalo kiekie ana i na ohana, i ku kiai me makou i ke ao ame ka po, oiai ke kino wailua o kuu pokii e wahio ana ma ko makou home.

           

            Me oe e Mr. Solomon Hanohano ame kou mau keiki hoonohohua o ka papapa'i ko makou aloha nui.

 

            Owau iho no me ka ohana me na naau luuluu.

 

            Mrs. Julia Hali

            Mrs. Abbie Kanamu,

            Mr. Ame Mrs. Mary K. Hea.

            John K haili,

            Master Edward Hea,

            Master Samuel Hea, Jr.

 

            O Ia Mau No Na Kuhina O Ko Loa.

 

            Ma ka la. 29 o ka mahina i hala, o ia hoi ka lapule, ma ka hoe hookuonoono o Kalaheo, e kokoke mai ai i Lawai, ua hooku'i ae la kekahi mau kaa otomobile, kekahi ame kekahi, a ua nui ka poe i eha, a kohi o ka laki, aole ola i poino, i ka hele no paha kekahi i ka holokaa i ka la o ke Akua, a laa ka eha ma'uwale o ke kikala la!

 

            Puni nui ka halalu ma ka Maiulailiahi o Waimea, me keia pule hookahi no, ke hele la a hoi luuluu i ke one o Hanakahi, ola ia kini ke a mai la ke ahi, ai wahi i'a iho la, kahi kaaka piha wu o Makahuena.

 

            He o ia mau no ke ola kino maikai o ka makuakane maikai, Mr. William Keaumaikai Baele, ame kona hoahanau, Mr. George Moore, na hae'ae'a o kauanoe o Koloa, i ka hoopulu mau i a e ka wainaona a ke kehau, ke hele la a lulu @ka makani i ua mau olomana la, na ka Haku kiai, a e malama a hooloihi i ko laua mau la.

 

            Ma ka la @ o keia mahina i hoea mai ai ma ko'u hale kukui nei, kuu hoaloha maikai ma ka oihana hokoahi, Mr. Oliver K. Kua, ke kiai hale ipukukui o Nawiliwili, no ka hui pu ana me a'u, e kuka a kamailio, e pili ana no ka maua oihana e paa nei oia hoi ka hoololi ana i ka maua mau kukui, o ka'u kukui ulaula, ua lilo aku la nana e ho'a ma nawiliwili, a o kana kukui keokeo hoi ua lawe lilo ia mai la e ke keiki o ka Lae o Makahuena, a eia keia mau kukui elua i hoololiia ke a nei, e hoike ana i ko laua malamalama i na po apau, ua hooko ia keia hoololi, malalo o ke kauoha a ko maua haku, ka lunahoohana nui o ka oihana kukui ma Hawaii nei.

 

            Ma ka la 3 i hoea mai ai i Koloa nei ke keiki holo ekake o Kauahena, Maui, ame kana aliiwahine. Mr. ame Mrs. Isaiah Piho, no ka ike ana ia balala, ame ka hoohala i kekahi mau la ma Kauai nei, ua hele wale a uhekehekehe, i ka onoonou mau ia e ka hua panini ame na i'o wana momona o Makolea, ua manao kou kiu hanu meahou e holowahi ekake ana, na u'i o Koloa nei, me ke keiki o Mani, @ua a oluna, @ua a olalo sua na wahi apaum puehu liilii ka lehu o kapuahi.

 

            Ua lawa keia wahi lei mokihana, ke uwe mai nei kuu wahi ekake i ka ono wai.

 

            Me ka Lunahooponopono ko'u maha lo nui, ame na keiki limahei o kou papapa'i ko'u aloa nui.

           

            O ia mau no,

            Peter Kamano Sr.

            Makahena Light Station, Koloa, Kauai.

 

            Hoomanao Aloha No Kuu Keiki, Harry Kaimu.

 

            Solomon Hanohano, Lunahooponopono o ke kuoko, ke Kilohana hoi na ka lahui Hawaii, ame na keiki hoonihua kepau o kou keena, Aloha: E oluolu hoi oe, in a he wahi kolamu kaawule kekahi no ka'u wahi puolo. i ike mai ai ka ohana, na hoaloha o kuu keiki, Harry Kaimu, ua oluolu i ka Makua Mana Loa, ka lawe ana aku i ka hanu hope o kuu keiki ma ka poaklu la 18 o augate, 1920, me ka maopopo ole keia ia'u kona mama e haalele mai ana oia ia'u.

 

            Ua lohi kona ma'i ana; ua oho oia ma Buckle Lane; he elua pule o ka hoomailo ana o ka ma'i iaia, a ua hoi mai oia me kona kaikaina ma Waiakamilo. Ekolu la me kona pokii ahiki i kona haulele ana mai lu ia makou ka ohana.

 

            Aloha no kuu keki hele loa. Aloha ea, Kai o Kaulanamauna a u e pili hele ai me kuu keiki, Harry Kaimu e imi i wahi ponon no ka noho aua. aloha ia Kai o Kapua a'u i noho ai me kua keiki. aloha ka Lae o Milolii, i ka oni mai Makua; ua pau kuu ike ana i kuu keiki i ka holoholo wai maluna o kahi waa e imi ai i wahi pono uo ka nohona me a'u kona mama. aloha Hoopuloa, ia wahi a'u i noho ai me kuu keiki iloko o na makahiki loiki. aloha oe e D.L. Kaauaana, ka makua o kuu keiki ame kuu kaikamahine, Annie Kanaana.

 

            Ua pau ko olua ike ana iaia, e manao ai e hoona ae makai o Hoopuloa, i wahi i'a; ua hala ka lawai'a u@ huna na maka i ke aouli; pau ko kakou ike ana iaia me kana mau hana maikai a aloha ohana no hoi.

 

            He kanaka oluolu o Harry Kaumu, he puuwai, a he lokomaikai ma ua mea apau. aole mea koe iaia i ka ohana e kipa aku ana ma kona home.

 

            Ua hauauia kuu keiki Harry Kaumu ma Milolii, S. Kona, Hawaii iloko o ka mahina o Nov. 22, M. H. 1877, a ua piha iaia na makahiki 43, me 7 mahina o kona hanu ana i na ea o keia ao, a ko iho la ka olelo a ka Buke Nui, o ka mea i hanauia e ka wahine ua hapa knoa mau la ua piha i na popilikia.

 

            Aloha kuu keiki leo ole ia'u kona mama ame kaua mau kaikamhine i pili ai. Aloha ka wai hoomalulue kino o kuu keiki. Ua hala ke kamaaiana o ka hale e kipa mai ai na malihini, nolailai ke pule nei au i ke Akua, ka Makua ka mea Nona ke Ola e hoomama mai i ka naau kaumaha o kaohana, a pela hoi me a'u kona mama i hooneleia i ke keiki ole, a ke haawi pu nei au i kuu hoomaikai i ka poe i komo pu mai i kuu la kaumaha me ka lakou mau poke pua no kuu mea aloha.

 

            Owau iho no,

            Keaka Kaumu.

            Waiakamilo, Aug. 21 M. H. 1920

 

            Na Hanau.

Na john H. L. De Fries ame Rebecca Kua, he kaikamahine, Aug 12.

Na William Pualoa âme Mary Kahakulani he keikikane, Sept. 6.

Na William Kepano âme Maggie Kealoha, he kaikamhine, Sept. 6.

Na Robert Kano âme Katie Lepeka he keikikane, Sept 7.

 

            Na Mare.

            Samuel Nainoa Thomson ia Imgard K. Harbottle, Sept. 4.

 

            Na Make.

John Kalama ma ka helu 1745 Alanui Kelani me Kalihi, Sept. 3.

William Kaha, Sr., ma ke alanui Liliha, Sept. 5

Louisa K. Meheula, ma Kaimuki, Spet. 5.

Alfred Kane Jr, ma ke Alanui Houghtailing, Sept. 5.

Walter Kaneaua, ma ko Awawa o Manoa, Sept. 6

 

            Ma ka la 1 ae nei o Okatoba e wehe aku ai ka Ahahui ka Hale o na Alii 9 Hawaii, ma kahi o ka haleaina Union Grill, i ku iho nei mamua, ma ka aoao ma Waikiki mai o ka halekuai o Wall Nichols, e ku nei ma ke alanui Moi.

 

            Ko Makou Kahua Hana Ke Ano

            O na pauku apau iloko olaila aa kupono w@e no ia oe. Ke ku nei makou no na mea maikai wale no ma na paalole o na kane. me ka hoi hope ole ma ka makoui hoopaa. Eia maanei na paalole no ke Kaila me ke ano Maikai me ka oluolu o ke KUMUKUAI.

 

            Na paalole mai ka $17.50 a ke $65.00 he keu a ka maikai maoli. Na lolewawae Huluhulu ha helu apau.

 

            E Wehe i moohelu aie. Laweia na Bona Kuokoa.

 

            The Model Clothiers

            1139-Alanui Papu-1141

            "Ka Halekuai Hoemi Holilo."

 

            Ka Po Le'a o Halelii Ma Leahi Home.

           

            Kuu Solomon Hanohano, Aloha nui: E oluolu mai kou ahonui no keia mau wahi hua inamona ma ke ahiahi o ka po Poalima, la ekolu iho nei o keia mahina i kipa aku ai kou kiu hanu meahou ma ia home e kauluwela mai ana na kukui uwila i hoowehiwehiiailuna o na kumu kiawe, he u'i maoli no ke nana aku, me he la aia no i ke ao.

 

            I ke kani ana ae o ka hora ehiku, o ia ka manawa i loheia aku ai na leo honehone mai o ka ohe a na keiki puhiohe a naue aku la kou kiu malaila me ka makaikai ana i na nani a ka maka e nana ai, ua piha pono ke kahua i ka poe makaikai, o na lahui e no ka hapa nui, a i ka hiki ana ae o ka manamana kuhikuhi i ka hapalua hora ehiku. i we heia mai ai he mau mana mai na ma kuahine nana e hooikaika nei i ka neemua ana o keia home, ame ka lunanui nana e malama nei ia home o ka hemo no hoi ia o ka puka no ke komom ana aku o ka poe makaikai i loko a o kou kiu kekahi ke nana la au, i na mea i hanaia e na limahei o ua home nei, he nani maoli ke nana iho e, a o ka oi no, o ia na mea hanalima a kuu i'o , o ia ka papale lauhala, moena lauhala, peahi, a he nui aku o na mea pili Hawaii.

 

            He u'i maoli no i ko'u makaikai ana, a i ka pau ana o kou make make, i ko'u nana ana iho, e puka iho ana ke eke, a Hasai me ko'u mahalo i na kahu ma'i i ko lakou eleu ma keia hana e pono ai kela home,o ka mea i ha'iia mai ia'u, ua loaa elima haneri dala no ka wehe mua ana, koe mai ka Poaono, a hoi mai la au me ka ulumahiehie o ko'u manao a hoomanao ae la au ia u'i o ia wahi i kaulana.

            meleana e, Meleana hoi,

            I ka lepo ulaula o Kapahulu,

            Meleana e, Meleana hoi,

            Meleana ka wahine lomilomi ia;

            Meleana e, Meleana hoi,

            A ka otomobile a e sukusuku ana.

            Pakika loa aku la. Ame oe e ku'i kapena opio ko'u welina pau ole.

            J.L Mokumaia.

 

            Eia na moho o na aoao kaiaiaina ku loko e alualu nei e lilo i mau hoa no ka ahaolelo kuloko, ke noke mai nei i ka hooikaika baloka i kei mau la, me ka imi ana o kela ame keia i kona ikaika iho, e lanakila ai, ma ke koho baloka wae moho e hoea mai ana.

 

            Ma keia hoomaka hou ana aku o na kula aupuni, ma ka Poakahi ae nei, e a'ola aku ana ka olelo Hawaii maloko o ke Kula A'o Kumu, elike me ia i hoaakakaia ae ai e ke Kahu Kula Nui V. Macaughey.

 

            S. P. Correa

            (Pilipo)

            Moho Senatoa no ka moku puni o Oahu.

           

            Ke nei haahaa aku @@@ i na kuku@ ana, mai na makaah@@@ ame ha @@@@ kuakane mai.

He hoa no ka aha Senate: M. R. 1916 1920: he hoa no ka Hale o na Lunamakaainana, M. 11. 1907, 1909, 1911, mai ka Apana Elima mat. O ko'u moto: ka Hoopono awe ke Kauiike.

            6116 Sept. 3, 10, 17, 24

 

            John K. Mokumaia

            He moho Lunamakaainana

            Paa Balota Demokarata,

            Apana Elima no ke Koho Wae moho.

           

            He kuokoa ana kana ha@@ @ na ponoi iho ame ka nohona maema@ n@ m@@iaia i kou pono e ka lehulehu.

            O ko'u molo i aupuni maemae, no ka pono kaulike o ka lehulehu.

            6417- Sept. 10, 17, 24.

 

            Olelo Hoolaha.

 

            Ma ka noho ana o ka halawai kumau a ka Ahahui Kokua anawalea Wahine o na Pola ma ka la 6 o Sepatemaba, 1920, i hooholo ai na lala o ua ahahui la, e hamama ka puka no na lala komo hou no $2.50.

 

            Ma keia, ke kono aloha ia aku nei na makuahine Hawaii apau. ekomo mai i ka ahahui no ka uku komo oluolu loa.

            Kou oiaio,

            Mrs. Isabella Koahou.

            Kakauolelo o ka A. K. M. W. na poola.

            6417- Sept 10,17, 24

 

            Hoolaha

 

            Ua makemakeia na lala apau o ka AHAHUI KOKUA AME MANAWALEA O NA POOLA e hiki ae ma kahi o M E Silva. ma ke sabati e hiki mai ana, Sepatemaba 12, 1920 hora 2 o. m., no ka hele aua aku i ka holewa o Hoahanau Ben Kaailiiiii i haalele mai i keia ola ana.

 

            Jesse Uluihi,

            Peresidena Ahahui Kokua âme Manawalea o na Pool:

            6417 Spet. 10

 

            Ke hoike aku nei o

 

            Lawerence M. Judd.

           

            E holo moho ana oia no ke koho baloka wae moho no ke

           

            Kulana senatoa

           

            Ma ka Paa Baloka Republika mai ka Apana Koho Senatoa Ekolu Mai.