Ka Nupepa Kuokoa, Volume LVIII, Number 38, 17 September 1920 — Page 8
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
KUU KAIKUAANA ALOHA J.S.
NAILAU UA HALA.
Mr. Solomon Hanohano, Aloha kaua: @E @ mai oe i kou ahonui e hoohono iho m kekahi wahi kaawale o ka hana hiwahiwa i kahi puolo e kau ae la maluna, a ua ka kaua hiwahiwa ia e aha'iaku ma na kihi 4 o ka honua, mai @a paka ana a ka la ahiki aku i ka we@na a ka la i Lehua.
Ma ka la 10 o Augate, 1920, o ke ahi@ ua halawai no au me kuu kaikuaana me ke ola kino maikai. Ma ke kakahiaka nui o kahi la ae, Augate 11, 1920,, ua hoi aku la oia no kahi hana no Molokai Ranch, a ua hoouna aku la ka haku Jae Munroe iaia ame kekahi poe oiai o lakou ka poe paniolo o ka aina hanai holoholona o Molokai Ranch.
I ka pau ana o ka lakou hana, ua hoi mai lakou a ka puka pa o Palaau me hookahi dia na Joe Joao. Lole lakou apau, mahele na wahi i'o dia. Hoi no hoi kona mau hoa no ko lakou wahi, hoi mai no hoi oia" no ka manao e hoihoi mai i wahi i'o dia na makou a waiho iho alaila hoi aku no ia iuka o Kualap@
Ma ia hoi ana mai ana ua loaa mai la iala na ulia o ka pilikia i kona haule ana i ka lio, me ka ike ole ia. Ua waiho oia malaila ma ia ahiahi a ao ia po, a ma ke kakahiaka nui, ua hele mai he mau Kepani i ka hana, a ua ike keia mau Kepani i ka waiho o kona kino ma ha'i o ke alanui, ua hele aku kekahi Kepani oia o Kaneko a kahea, "Ia wai kela@" Pane, "Nailau." Ninau hou ke Kepani, "PIlikia!"pane, "pilikia." Kau hou o Kaneko i kona lio e kelepona i ka Haku Jas. Munroe, a o ka lua hoi o ke Kepani ua hele loa mai oia no Kaunakakai, a ua loaa mai ia moopuna a maua oia o Dan Puaa.
Ua hoike aku ke Kepani iaia no ka pilikia o Nailau, ua holo loa aku o Dan Puaaa ahiki i kahi o ke kino o kuu kaikuaana e waiho ana, ua ninau aku oia pehea oe, a o kana pane, he maikai no.
Ua kii aku ka moopuna a maua e hooponopono iaia. ua pane mai oia, eha oa au, a ua waiho aku oia iaia, a kau hou oia maluna o ka lio o ka hoike ana aku i ka ohana. Iaia i hele mai ai ua halwai mai la oia me Jas. Munroe maluna o ke kaa otomobile me ia keiki a maua, Hiram K. Nailau, ua holo like aku lakou a ma kahi e waiho ana ke kino eha o kuu kaikuaana; ua hookau ae lakou iluna o ke kaa a kamoe mai la no ka home, kahi hoi a ka ohana e kau nui aku ana e ike i kona pilikia.
Ua hiki aku kona kino noloko o kona home me ke kamau iki no o kona aho,. Ma ka hora 8 a. m. o Augate 12, ua niau @ la ka uhane ola a ke Akua i haawi mai ai a haalele iho la i ke kino o kuu kaikuaana aloha e waiho oni ole ana. Aloha kaumaha a luuluu wale hoi au me ka ohana ia oe e kuu kaikuaana hele loa. Alha, aloha ino!
E kalaiakamanu e, o kou mau alahele laula, a alohe, e ka lau hunehune o ke kiawe ame kou mau lala e holu ana i ka pa a ka makani, ua pau ko Nailau hele hou ana maluna o kou mau ala akea, a ololi, aole hoi oia e maalo hou @e malalo o kou mau lala ame kou mau lau. ua pau, ua pau loa. Aloha ino!
F. Kalamaula e, ka home kupa o na makua o makou, ka uluniu o Kulilole e, ame ka wai puapuai i ka lihione o ia kaha, ua pau kou ike hou ana ia Nailau e hele holoholo ana malalo o kou malu, aole hoi maluna o kou ili lepo, aole hoi ma kou lihikai. Aloha, aloha no!
Huli hou aku nana i ke kula o Maunaloa. kahi hoi ana i noho hana ai me na keiki a maua malalo o ka Molokai Ranch. nolaila o kou mau kualono, na pua, na awawa, ame kou mau alanui, aole oe e ike hou ana ia Nailau e hele aua ma kou mau palena: aole, aole loa!
E ke kuahiwi o Kamoku, ka puu o Hanakalilolilo, e kau iho ana maluna o kahi a olua e noho ai, me ia hoahanau o kaua (Liwai Mahiai), kou mau meaulu maluna iho ou, kou mau kualono, ua kahawai uliuli, a ka wai hoi e uwehone ana ma kona alahele, kahi hoi a kuu kaikuaana ame Liwai Mahiai e hoomanawanui ana i ke anu, ka ua, ka makani, aole ana oe e 'ike hou iaia. aole hoi @ ike hou ana iaia e ako hou ana i ka @ lehua . aole, aole loa!
E kuu keiki, Hiram K. Nailau e, ua pau kou pili ana me kou unele, pau kou moe pu ana me ia i ka hale hookahi o ka M. R., pau pu hoi kona maalo aua mamua ou, aole hoi e hui a kamailio pu me ia. na pau kona ike hou ia ana, ua hele aku ia ma ke alahele loa, e hiki ole @ la kakou ke ike aku, a no ka mea na ke Akua no i haawi mai a Nana no i lawe aku.
Hanau kuu kaikuaana J.S. Nailau i Aperila, la 10. 1872, ma Kaunakakai, Molokai, a ua piha iaia na makahiki he @S. a hoi aku la kona kino no ka honua, a moe aku la i ka moe kau a moe hooilo, aole oni, aole hanu hou ana. He piha oia me Ka lokomaikai, heahea, a he eleu oia ma na mea apau. Aloha no!
Ke haawi aku nei makou i ko makou hoomaikai i ka poe i kokua mai ai i ka la hoolewa o kuu kaikuaana.
Nolaila o na luluu, na kaumaha maluna o makou ka ohana, na ke Akua no ia e hookaawale aku.
O makou iho no me ke aloha,
MAS. E. NAILAU.
MISS MARY NAILAU,
Z. PALI PAHUPU,
MRS. PALI PAHUPU,
MRS. KUALAAU.
K@unakakai, Aug. 13, 1920.
MA KE KAUOHA
E KAHEA ANA I KOHO BALOKA
BONA KULANAKAUALE MALUNA
O KA NINAU NO KA HOOPUKA ANA I NA BONA KULANAKAUHALE
NO KE KULANAKAUHALE A KALANA O HONOLULU
NO KA HOOLOIHI ANA AKU I KE SUA AME NA HANAHOU E MALAMAIA ANA I
NOVEMABA 2, A. D. 1920.
I Na Mana Koho o ke Kulanakauhale
a Kalana o Honolulu:
I kulike ai me ka Kanawai Kumu o ke Teritore o Hawaii, ame na manao o ka Mokuna 123 o na Kanawai Hooponopono Hou ia o Hawaii o ka 1915 elike me ia i hoololiia ai, ma keia ke kuahaua aku nei ka Papa o na Lunakiai o ke Kulanakauhale a Kalana o Honolulu, Teritore o Hawaii, e malamaia ana he koho baloka ma ka Poalua, ka la 2 o Novemaba, A.D. 1920, mawaena o na hora 8 A. M. ame 5 P. M. o ka la i oleloia, apuni ke Kulanakauhale a Kalana O honolulu, Teritore o Hawaii, maluna o ka ninau no ka hoopuka ana i na bona kulanakauhale o ke Kulanakauhale a Kalana o Honolulu i oleloia i ka huina o Eono Haneri kaukani Dala ($600,000.00), 'o ia mau dala e hoohanaia no na hana i hoakakaia mahope ae nei, e hoike ana:
No ka hookomo ana i na paipu sua ame na paipu holo aoao, na lua, na luawai hooki'o, na lako pauma, na mea kokua ame na hale, ma ke ano hehapa no ka oihana sua o ke Kulanakauhale a Kalana o Honolulu, me ka hana hou ana i na wahi poino o ka oihana sua i oleloia e ku nei i keia wa, $600,000.00.
E hooliloia ka huina maluna ae no ka hana maluna ae i manaoia maloko o na apana mahope ae nei ame na hina"
Waikiki âme ka hanahou ana i na wahi poino i keia wa $500,000.00.
Kalihi, $100,000.00.
E kauia ka ukupanee maluna o na bona kulanakauhale i manaoia ma ke aua o 5% o ka makahiki; e ukuia ua mau bona la i oleloia iloko o umi makahiki mai ka la aku o ka hoopukaia ana, a e ukuia ma ka mahele i kekahi manawa mahope aku o na makahiki elima mai ia manawa mai.
O na mahele âme na wahi koho i kukuluia no na koho baloka Kulana. kauhale a Kalana, o ia no hoi na wahi i kukuluia no na Koho Baloka Laula Teritore, o na mahele ame na wahi koho ia no ke koho baloka i oleloia no ka ninau i manaoia no ka hoopuka ana i na bona kulanakauhele, o na mahele ame na wahi koho i olelooia, o ia keia mahope ae nei, e hoike ana:
APANA LUNAMAKAAINANA EHAPA O KA APANA SENATOA EKOLU.
Ka hapa o ka Mokupuni o Oahu ame ke Kulanakauhale ame Kalana o Honolulu ma ka hikina hema o ke Alanui Nuuanu ame ka laina o hooloihi ana mailaila aku, mai ka pali o Nuuanu ahiki i ka Lae o Mokapu.
MAHELE EKAHI-- O ka hapa o ka Apana o Honolulu ma ka hikina akau o ka laina mai ka lalani mauna mai o Koolau i hooloihiia aku a pili me ke Alanui Mauumae, mai ia alanui aku i oleloia, Alanui Umi-kumakahi, Alanui Daimana Hila ame ka laina i hooloihiia ahiki i ke kai. Wahi koho, kihi o Alanui Koko Head ame ke Alanui Waialae.
MAHELE ELUA-- O ka hapa o ka Apana o Honolulu mawaena o ka mahele ekahi ame ka laina mai ka lalani mauna mai o Koolau a e holo ana ma ke kualapa ma ka aoao hikina o ke Awawa o Manoa a hoea i ke kahawai o Manoa, malaila aku ma ke kahawai i oleloia a hoea i ke alanaui e moe ke'a ana ia kahawai makai iki aku o kona hui ana me ke kahawai o Palolo, alaila ma ia alanui, Alanui Campbell, Alanui Kakela ame Alanui Daimana Hila. Wahi koho, kihi o Alananui Eono ame ke Alanui Waialae.
MAHELE EKOLU-- O ka hapa o ka Apana o Honolulu ma ka hema o na mahele ekahi ame elua a ma ka hikina o ka laina e holo ana ma na Alanui Kapahulu ame Alanui Makee ahiki i ke kai. Wahi koho, Alanui Kalakaua ame ka puka nui e komo ai i ka Paka kapiolani.
MAHELE EHA-- O ka hapa o ka apana o Honolulu ma ka hema o ke Alanui Moi ame ke Alanui Waialae ma waena o nna mahele elua ame ekolu, a ma ka laina mai ke kihi mai o na Alanui Punahou ame Moi ahiki i ke alahaka loihi ma ke Alanui (alanaui kahakai) Ala Moana. Wahi koho, kihi o Alanui Kalakaua me Alanui Keoni Ina.
MAHELE ELIMA-- O ka hapa o ka Apana o Honolulu ma ka akau o ka mahele eha a ma ke komohana o ka mahele elua, i hoopuniia ma ke komohana e ke Alanui Punahou a ma ka akau e ke Alanui Waila ame ke Alanui Metcalf ahiki i ke alanui e holo ana i ka hikina ma ka hema iki mai o ke Kulanui o Hawaii, ma ia alanui i oleloia ame ka laina i hooloihiia aku ahiki i ka palena pau o ke kualapa e hoopuni ana i ka mahele elua ma ke komohana. Wahi koho, ma na Alanui Young ame Alexander.
MAHELE EONO-- O ka hapa o ka Apaua o Honolulu ma ka akau o ka mahele elima a mawaena o ka mahele elua ame ka laina e holo ana mai ka Alanui Waila mai ma na Alanui Punahou ahiki i kona hui ana me ke Alanui Manoa, alaila ma ke kualapa ma ka aoao komohana o ke Awawa o manoa ahiki i ka lalani mauna o Koolau. Wahi koho, Alanui Liloa, Rise ame Alanui Kamehameha.
MAHELE EHIKU-- O ka hapa o ka Apana o Honolulu ma ke komohaua o na niahele eha elima, ma ka hema aku o ke Alanui Beretania a ma ka hikua o ka laina e holo ana mai ke kai mai ma ke Alanui Sheridan ahiki i ka welelau e hoooloihi ana i ke Alanui Pii, koi alaila ma ua laina nei i oleloia no ka hooloihi ana ame ke Alanui Piikoi. Wahi koho, kihi o na alanui Keeaumoku ame Moi.
MAHELE EWALU-- O ka hapa o ka Apana o Honolulu ma ke komohana o na mahele elima ame eono, ma ka akau o ka mahele ehiku a ma ka hikina o ka laina mai ke Alanui Beretania mai ma ke Alanui Piikoi ame ka laina e hooloihi ana malaila aku ma ka palena komohana o ka pahale o ka Home Lunalilo ahiki i ke kihi hema o Kalawahine, alaila ma ka pahena hikina o Kalawahine ahiki i kona hui ana me ka palena komohana o ke Awawa o Manoa. Wahi koho, kihi Alanui Waila ame Alanui Liholiho.
MAHELE EIWA-- O ka hapa o ka Apana o Honolulu ma ka hema o Alanui Beretania a mawaena o ka mahele ehiku ame ka laina e holo ana mai ke kai mai ma ke Alanui Ward ame ke Alanui Kapiolani. Wahi koho, Kamaki Kuea.
MAHELE UMI-- O ka hapa o ka Apana o Honolulu ma ka akau o ka laina mai ke Alanui Alapai mai ma ke Alanui Moi ahiki a ma ke Alanui Kapiolani, alaila holo hikina ma ke Alanui Alapai mai ma ke Alanui Kapiolani, alaila holo hikina ma ke Alanui Beretania mawaena o ka mahele ewalu ame ka laina ma ke Alanui Alapai a i hooloihiia ahiki i ka pahuhae kahiko ma ka piko o Puowaina, alaila ma Puowaina ahiki i ka palena mawaena o Kewalo ame Auwaolimu, alaila ma ka palena komohana o Kewalo a holo ke'a ma Kalawahine ahiki i ka palena komohana o ka mahele ewalu. Wahi koho, Halekula. A'o Kumu.
MAHELE UMI-KUMAKAHI-- O ka hapa o ka Apana o Honolulu ma ka hema o Alanui Moi a mawaena o ka piahele eiwa ame ka laina e hooloihi ana mai ke Alanui Moi mai alaila ma Alanui Hema ahiki i ke kai. Wahi koho, ma na Alanui Hema ame Kawaiahao.
MAHELE UMI-KUMAMAKOLU-- O ka ahapa o ka Apana o Honolulu i hoopuniia e Alanui Luso, Alannui Alakea ame Ema. Wahi koho, Ema Kuea.
MAHELE UMI-KUMAMAHA-- O ka hapa o ka Apana o Honolulu i hoopunia e ka palena komohana o ka mahele umi, e ka palena akau o ka mahele umikumamakolu ame ke laina e holo ana mai ka huina mai o na Alanui Kula ame Ema ahiki i ka pahuhae kahiko maka piko o Puowaina. Wahi koho, kokoke i ka huina o na Alanui Luso ame Perry.
MAHELE UMI-KUMAMAMALIMA- O ka hapa o ka Apana o Honolulu i hoopuniia e Alanui Kula, Alanui Ema ame Alanui Alakea, Alanui Hokele ame Alanui Papu. Wahi koho, Alanui Beretania ame Alanui Papu.
MAHELE UMI-KUMAMAONO-- O ka hapa o ka Apana o Honolulu i hoopuniia e ke Alanui Kula, Alanui Papu, Alanui Hokele ame ke Alanui Nuuanu. Wahi koho, kokoke i na Alanui Papu ame Beretania.
MAHELE UMI-KUMAMAHIKU-- O ka hapa o ka Apana o Honolulu ma ka akau o na mahele umi-kumamalima a mawaena o ka mahele umi ame ka laina e holo ana ma ke Alanui Papu ame Alanui Pacific Heights ahiki i ke kee mua o ia alanui a mailaila aku ma ka aoao komohana o ke Awawa o Pauoa. Wahi koho, kihi o ke Alanui Puowaina ame Alanui Luso.
MAHELE UMI-KUMAMAWALU-- O ka hapa o ka Apana o Honolulu ma ka akau o ke Alanui Kula a mawaena o ka mahele umi-kumamahiku ame ke Alanui Nuuanu. Wahi koho, Alanui Nuuanu ame Alanui Bates.
MAHELE UMI-KUMAMAIWA-- O ka hapa o ka Apana o Koolaupoko ma ka hikina hema o ka laina mai ka Pali mai o Nuuanu ahiki i ka Lae o Mokapu. Wahi koho, Halekula o Waimanalo.
APANA LUNAMAKAAINANA ELIMA-HAPA O KA APANA SENATOA EKOLU.
Ka hapa o ke Kulanakauhale ame Kalana o Honolulu ma ke Komohana Akau o ke Alanui Nuuanu ame ka laina e hooloihiia, mai ka Pali o Nuuanu ahiki i ka Lae o Mokapu.
MAHELE EKAHI-- O ka hapa o ka Apana o Koolaupoko mawaena o ka laina mai ka Pali mai o Nuuanu ahiki i ka Lae o Mokapu a maluna o ke kualapa mawaena o Heeia ame Ahuimanu. Wahi koho, ma ka Hale Hookolokolo o Koolaupoko, ma Kaneohe.
MAHELE ELUA-- O ke koena aku o ka Apana o Koolaupoko. Wahi koho, ma ka Halekula o Waiahole.
MAHELE EKOLU-- O ka hapa o ka Apana o Koolauloa ma ka hikina hema o ka palena hikina hema o Laie. Wahi koho, ma ka hale hui Yin Sit, ma Kapano, Punaluu.
MAHELE EHA-- O ke koena aku o ka Apana o Koolauloa. Wahi koho, ma ka haleaina kokoke i ka hale hoolulu kaaahi ma Kahuku.
MAHELE ELIMA-- Ka Apana o Waialua, e hookoe ana i ka hapa o ua apaua la, ma ka hema o ka laina mai ka piko mai o Kaala a komo i ka piko o Kamaohanui, Puu Pane ame Puu Peahinaia ahiki i ka palena o Koolauloa. Wahi koho, ma ka Hale Hookolokolo o Waialua.
No ke koena aku o ka Apana o Waialua, e nana i ka Mahele Umi-kumamaono.
MAHELE EONO-- Ka Apana o WAianae. Wahi koho, Hale Hookolokolo o Waianae.
MAHELE EHIKU-- Ka hapa o ka Apana o Ewa, e komo pu ana na aina o Hoaeae ame Honouliuli. Wahi koho, ma ka Hale Hoolaule'a o Ewa (Ewa Pavilion).
MAHELE EWALU-- Ke koena aku o ka Apana o Ewa, e hookoe ana i kela hapa o Halawa ma ke komohana hema o ka laina mai ka palena mai mauka o ko lokoi'a o Kuahua a e komo ana ma ka luapele o Makalapa ahiki i ka palena o Moanalua. Wahi koho, ma ka Hale Hookolokolo o Ewa.
No ke koena aku o Halawa e nana i ka Mahele Umi-kumamahiku.
MAHELE EIWA-- O ka hapa o ka Apana o Honolulu ma ke komohana o ka laina mai ka lalani mauna mai o Koolau e holo ana ma ka palena komo hana o Kalihi ahiki i ke Alanui Moi, alaila ma ke Alanui Moi ahiki a ma ke Alanui Kalihi ahki i ke kai. Wahi koho, kihi o Alanui Moi ame Kalihi.
MAHELE UMI-- O ka hapa o ka Apana o Honolulu ma ka hikina akau o Alanui Moi a mawaena o ka palena komohana o Kalihi ame ka palena hikina o ke Alanui Kalihi ahiki i ke Alanui Moi. Wahi koho, Halekula o Kalihi waena.
MAHELE UMI-KUMAMAKAHI-- O ka hapa o ka Apana o Honolulu i hoopuniia e Alanui Kula, Alanui Pupule, Alanui Moi ame Alanui Kalihi. Wahi koho, Alanui Moi ame Alanui Houghtailing.
MAHELE UMI-KUMAMALUA-- O ka hapa o ka Apana o Honolulu ma ka akau o Alanui Kula a mawaena o ka mahele umi ame ka laina mai ka lalani mauna mai o Koolau ma ka palena pau o ke kualapa ma ke komohana o ke Awawa o Nuuanu ahiki i ka laina i hooloihiia o Alanui Kauka, alaila ma ia laina i oleloia ame Alanui Kauka ahiki i Alanui Liliha, alaila ma Alanui Liliha ahiki i Alanui Kula. Wahi koho, kokoke i ke kihi o na Alanui Liliha ame Kula.
NAHELE UMI-KUMAMAKOLU-- O ka hapa o ka Apana o Honolulu ma ke akau o Alanui Kula mawaena o ka mahele umi-kumalua ame Alanui Nuuanu. Wahi koho, kihi o ke Alanui Kuakini ame Alanui Nuuanu.
MAHELE UMI-KUMAMAHA-- O ka hapa o ka Apana o Honolulu i hoopuniia e Alanui Kula, Alanui Beretania ame ke Kahawai o Nuuanu. Wahi koho, Alanui Vinia ma ka aoao hikina o ke Kahawai o Nuuanu.
MAHELE UMI-KUMAMALIMA-- O ka hapa o ka Apana o Honolulu ma ka hema o na Alanui Beretania ame Moi a mawaena o ke Alanui Nuuanu ame ka mahele iwakalua e komo pu ana me ka Mokupuni Hoomalu Ma'i ame na Mokupuni hapapa e ae. Wahi koho, ma Aala Paka.
MAHELE UMI-KUMAMAONO-- O ke koena aku o ka Apana o Waialua. Wahi koho, ma ka Halekula o Wahiawa.
MAHELE UMI-KUMAMAHIKU-- O ke koena aku o Halawa. Wahi koho Halehalawai ma Watertown.
MAHELE UMI-KUMAMAWALU-- O ka hapa o ka Apana o Honolulu i hoopuniia e Alanui Kula, Kahawai o Nuuanu, na Alanui Beretania ame Moi ame Alanui Liliha. Wahi koho, Alanui Vinia, ma ka aoao komohana o ke Kahawai o Nuuanu.
MAHELE UMI-KUMAMAIWA-- O ka hapa o ka Apana o Honolulu i hoopuniia e Alanui Kula, Alanui Liliha, Alanui Moi ame Alanui Pupule. Wahi koho, Alanui Moi ma kela aoao mai o ka Halekula Kaiulani.
MAHELE IWAKALUA-- O ka hapa o ka Apana o Honolulu ma ka hema o Alanui Moi a mawaena o Alanui Kalihi ame ka palena komohana o ka mahele umi-kumamalima. Wahi koho, ma ka Hale Paumawai o Kalihi.
O na kanawai laula e pili ana i ua koho baloka e hoopiliia aku no ia i ua koho baloka nei ma kahi hiki ke hoopiliia.
NO KA OIAIO O KEIA ke kau nei ka Meia ame na Hoa o ka Papa o na Lunakiai o ke Kulanakauhele a Kalana o Honolulu i ko lakou mau lima ame ke sila o ke Kulanakauhale a Kalana o Honolulu i oleloia i keia la 1 o Sepatemaba, A. D. 1920.
JOHN H. WILSON,
Meia o ke Kulanakauhale a Kalana o Honolulu.
CHAS. N. ARNOLD,
Lunakiai o ke Kulanakauhale a Kalana o Honolulu.
BEN HOLLINGER,
Lunakiai o ke Kulanakauhale a Kalana o Honolulu.
EBEN P. LOW,
Lunakiai o ke Kulanakauhale a Kalana o Honolulu.
JONAH KUMALAE,
Lunakiai o ke Kulanakauhale a Kalana o Honolulu.
WM. C. McCLELLAN,
Lunakiai o ke Kulanakauhale a Kalana o Honolulu.
M. C. PACHECO,
Lunakiai o ke Kulanakauhale a Kalana o Honolulu.
LESTER PETRIE,
Lunakiai o ke Kulanakauhale a Kalana o Honolulu.
IKEA:
JAS. K JARRETT,
Hope Kakauolelo o ke
Kulanakauhale a Kalana o Honolulu.
4616- Sept. 3, 10, 17
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka HONOLULU AUTOMOBILE GARAGE COMPANY. LIMITED.
OIAI, o ka HONOLULU AUTOMOBILE GARAGE COMPANY, LIMITED, he nui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he piapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i ua kauaka apau he mau kuleana mamua a e kuleana nei paha i keia manawa me kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka bora 12 awakea o ka la 14 o Sepatemaba, 1920, a o kela ame keia mea o makemake ana e hooloheia aku maluna o ia mea, he pono e hoea kino ae ma ke k@ena o ka mea nona ka inoa malaio iho maloko o ka Hale Mana Hooko, Honolulu, ma ka @ora 12 awakea o ka la i oleloia, a e hoike mai i ke kumu, in he kumu kekahi i wahi e ae ole ia aku ai ka palapaia noi i oleloia.
DELBERT E. METZGER,
Puuku, Tertore, o Hawaii.
Honolulu, Iulai 7, 1920.
6408- Lulai 9, 16, 23, 30' Aug. 6, 13, 20,
27; Sept. 3, 10.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka MUTUAL INVESTMENT COMPANY OF HAWAII, LIMITED.
OIAI, o ka MUTUAL INVESTMENT COMPANY OF HAWAII, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kauaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala uoi i oleloia maloko o keia keena, mamua ae o k@ @ora 12 awakea o ka la 27 o Sepatemaba, 1920, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka @ora 12 awakea o ka la i oleloia, a e hoike mai i kek kumu, in a he kumu kekahi i wahi @ ae ole ia aku ai ka palapala noi i oleloia.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke JAPANESE TRADING COMPANY, LIMITED.
OIAI, o ke JAPANESE TRADING COMPANY LIMITED, he hui ia i ku kuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu i@ me ia, elike me ia i koiia ai ma ke kanawai.
NOLAILA, ma keia ke hawaii@ aku nei ka hoolaha i kekahi mea. a i na kanaka apau he mau kuleana mamua a e kuleana nei paha i kela manawa ma kekahi ano iloko o ka hui i oleloia, e pono e waiho mai i na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 8 o Novemaba, 1920. a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Mooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Kokua Puuku, Teritore o Hawaii.
Honolulu, Augate 31, 1920.
6416- Sept. 3, 10, 17. 24; Oct. 8, 15, 22, 29, Nov. 5.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ka WHITNEY & MARASH, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 25 o Oktoba, 1920, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Kokua Puuku, Teritore o Hawaii.
Honolulu, Augate 16, 1920.
6414-- Aug. 20, 27; Sept. 3, 10, 17, 24;
Oct. 1, 8, 15, 22.
HOOMAKAUKAU NO MUA AKU NEI
E hoao e Hoomakaulii Ano… E Malama i ke Dala e wehe i Buke Banako H@ahu me ke
CHINESE-AMERICAN BANK
A NANA AKU I KA ULU O KAU DALA
NA PAHU DALA $1.00 no ka Wehe Kihi o ke Alanui
no ka Hoolimalima Ana i ka Hoahu Moi me Nuuanu
LUAU Na PA, NOHO, PAKAUKAU ame na HALELOLE no ka Hoolimalima.
PEOPLE'S HARDWARE STORE.
453 Alanui Moi Akau, Kokoke i Palama Settlement.
KELEPONA 2670.
6348- 8 wks
CONSULT
SANFORDOPTICAL CO.
Phone 1740
OPTICIANS
T O Murata Furniture Store
(Na noho hoolimalima me lako pa maanei.)
Na Loko Hale Hou me Kahiko.
Hoolimalima me Kuai Hoolilo.
715 Alanui Hema, Honolulu, T.H.,
Kelepona 1695
TERITORE O HAWAII.
Keena o ka Puuku, Honolulu, Oahu. Ma ka hana e hoopau ana i ke CHINESE ATHLETIC CLUB, LIMITED.
OIAI, o ke CHINESE ATHLETIC CLUB, LIMITED, he hui ia i kukuluia a e ku ana malalo a ma ka mana o na kanawai o ke eTeritore o Hawaii, i kulike ai me ke kanawai i hoomakaukauia ma na hana o keia ano, ua wainoia mai iloko o keia keena he palapala noi no ka hoopau ana i ka hui i oleloia, hui pa me kekahi palapala i hooiaioia i hooohi@i pu ia me ia, elike me ia i koiia ai ma ke kanawai.
NOLAILA, ma keia ka haawaiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi auo iloko o ka hui i oleloia, o pono e waiho mai i na ku-e ana no ka aeiu aku o ka palapala noi i oleloia maloko o keia keona, mamua ae o ka bora 12 awakea o ka la 11 o Okatoba 1920, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Hana Mooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
HENRY C. HAPAI,
Kokua Puuku, Teritoe o Hawaii.
Honolulu, Augate 4, 1920.
6412- Aug. 6, 13, 20, 27; Sept. 3, 10, 17,
24; Oct. 1, 8.
HOOLAHA!!
AHAHUI KALEPA O NA HAWAII, LTD.
Halawai makahiki ma ka Hale Heluhelu Buke, "The Library of Hawaii," ma ka Poakahi, Sept. 27, 1920, ma ka Hora 7:30 P.M. Ponoi.
Ke kauohaia aku nei na lala a pau loa o ka Ahahui e hiki mai i keia manawa. Ina aole e hiki ke hele-kino mai, alaila, hoamana mai i kekahi mea ma kou wahi, a i ole, hoouna mai i palapala hookohu no kekahi o na Iuna nui e koho ma kou wahi. Mai poiua i ka hana mai i keia hana.
Elima ae nei mau halawai hana kuikawa i kaheala ai no ka hui, aole nae i loaa iki kekahi kolamu. Nolaila, ke hoolaha akea ia aku nei, iua aole na lala a pau e hiki mai a@a, a, i loaa ole ke kolamu, e loaa no ka mana i na poe i hiki mai e hooholo loa i ua mea a lakou e aelike ai ia po me ke kali ole aku i ka hapanui. O na mea e holo ana ia po, oia na mea e hanaia aku ana.
Nolaila, e hoao na Iula a pau loa e hiki kino mai, a mai hoohemahema.
Ma ke kauoha a ka Papa Hooko o K ahahui Kalepa o na Hawaaii, Ltd., a i hoopukaia i keia la 25 o Augate, 1920.
NOLLE R. SMITH,
Kakauolelo.
6415- Aug. 27. Sept 3, 10, 17.
AOLE E HOAIE WALE.
E like anu@nei na mea apau, ma keia, ke hoole loa nei au i ka uku ana aku i na aie apau i hanaia ma kuu inoa e ke kahi poe, me ko'u upono mua ole, o ka poe e hoaie mai ana ia ha'i ma ko'i inoa me ka kauoha ole mai ia'u aku e iii aku no maluna o lakou na poho o ia hoaie wale ana.
Owau iho no me ka oiaio,
JOHN P. KAPOLOLU,
Papaaloa, Hilo Akau, Hawaii, Sept.
7, 1920.
6417- Sept. 10, 17, 21.
OLELO HOOLAHA
Ma ka noho ana o ka halawai kumau a ka Ahahui Kokua Manawalea Wahine o na Poola ma ka la 6 o Sepatemaba, 1920, i hooholo ai na lala o ua ahahui la, e hamama ka puka no na lala komo hou no $2.50.
Ma keia, ke kono aloha ia aku nei na makuahine Hawaii apau, e komo mai i ka ahahui no ka uku komo oluolu loa.
Kou oiaio,
MRS. ISABELLA KOAHOU.
Kakauolelo o ka A. K. M. W. o na Poola.
6417- Sept 10, 17, 24
He $10 Anei ka WAiwaiio o Kou Mau Maka?
156-158 Alanui Hotele
Ua hiki ke loaa ka paa
makaaniani no kela mau
dala a emi iho, a e hiki ana
ka paleia aku ka poino e loaa ana
i kou maka, ma o ka nana ana me ka ikaika
DR. Lewis Edwin Capps
KAUKA RUSHFORTH,
Kokua.
THOMPSON OPTICAL INSTITUE
156-158 Alanui Hokele.
Mauka o ka Hokele Young.
KakelameKuke
(KAUPALENAIA.)
Poe Kalepa ma
ke Komisina
-A HE-
Poe Agena no na Mahiko Lehulehu
Kela Laau Kaulana
B.B.C.
He laau i hoohuiia o na launahele, laau e hana pu ana me ka hana a ke Akua, he hoomaemae a hooikaika ae i na mea paahana holookoa o ke kino, e kipaku ana i ka ma'i kino ame na ma'i ili wale mai, e haawi ana i ke kino i ka ikaika, ke ola ame ka mana i na aalolo.
E hoopiha ana ka B.B.C. i ke kino me ka ikaika hao o ke ola a me ka ikaika o nala opio. Ua Hoohia na poe nawaliwali ma na manawa lehulehu mahope o ka inu ana he mau pule wale no. Ua @ponoia e na kauka kaulana he nui ame na kanaka iloko o ke ola lahui ana. O ka B.B.C. ka laau kamahao loa ma ke ao.
KUAHA MA NA WAHI APAU.
Keena kuni Laau B.B.C… 161 Alanui Moi,
Honolulu, Hawaii.
NUPEPA KUOKOA
No ka makahiki (one year)…. $2.00
No eon mahina (six months)…. $1.00
O na Dala âme na Hoolaha Apau e hoouna pololei mai i ka ADVERTISEE PUBLISHING COMPANY. LTD, wale no, P.O. Box 208, Honolulu, T. H. 217 Alanui Moi, ma ke keoua o ka Nupepa Advertiser.
Entered at the Post Office at Honolulu, T. H., as Second Class Matter.
CHARLES S. CRANE… L@N@ NUI