Ka Nupepa Kuokoa, Volume LVIII, Number 44, 29 October 1920 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
HOALOHALOHA A ʻKA AHAHUI KAʻAHUMANU AME AHAHUI ALOHA O NA MAKUAHINE O WAIMEA NO KONA MAU HOAHANAU.
Mr. Lunahooponopono o ke Kuokoa, Aloha oe: Mamuli o ke kupa ana ae @ ka @ o ka make ma ka home o @ makou hoahanau Ena Coast, he moe kaumaha no a luuluu iloko o ka noonoo ka pahola ana ae o ka lono walohia, @ kaua opuu @ makamae he wahi bebe @ maemae, ua hala aku la i ke Sabath, Sept. 19.
Nolaila ua koto pu aku makou kona @ hoahanau iloko o kona kaumaha e pu a e auamo pu i konamau luuluu, @ o ko makou mau komite la.
Oiai na lawe hou aku ka Haku i kana i @ mai ai iloko o na mahina po-@ wale no me ka minamina nui nae i ka ako e ia ana ae o keia kamaikio ko makou pokii hoahanau aloha; no laila, hooholoia, ke pule nei makou i ke Akua ka Makua, Nana no iloko o kona @maikai, e haawi mai i na manaolano ame ua mea e oluolu ai kou naau e ka hoahanau, a pela hoi me kau kane aloha, ame ko olua ohana, oiai ke @ mai la ka leo aloha o ka Haku nona la kino ame ka uhane, ia oe e ka hoaha-@, e hoomanao i kou mea nana i hana, i na la o kou nohoh opiopio ana, oi hiki @ mai na la ino, e like me keia a ka-@ e kaumaha nei.
M@ ae o na mea apau, e hoolana no i ka manao na ke Akua e kokua.
Eia hou, ma ke ahiahi Poakahi mai no. Sept. 20, halawai hou iho la no kekahi o ko makou hoahanau, Mr.s D. K. Kalau, me ia haawina hookahi, ma ia mahi hookahi no, oiai ua kipa ae la no ka anela o ka make a lawe aku la i ke kane aloha a ko makou hoahanau, oia o D. K. Kalau, me ka hikiwawe loa, i noonoo mua ole ia, pela iho la ka hopena.
He mea kupanaha keia, aka, ko ke Akua kuleana no ia; ua paa Kana olelo, o Kona la e hiki mai ai, ua like ia me he aihue la i ka po. Pomaikai wale ka poe e kiai ana a hoea mai Iesu.
Nolaila e ka hoahanau aloha, e hoolaua i ka manao, a na ke Akua no iloko o kon ahouui e holoi mai i kou mau waimaka, a ke pule nei makou e kiai mai ke mana o kona Chane Hemolele ia oe ame ka ohana apuau, o kou @ luuluu a kaumaha ke komo pu neu makoua me oe, ma o ko makou mau komite la, a no ka mea, aole e hou hou mai kau mea aloha, aka o oe a o kakou apau ke hele aku ana ilaila E hoonaniia o Iehova Sabaota ke alii mau.
Hala aku la ia auwe ana, hoca mai la i Oct. 2, kipa ae la ka anela o ia haawina hookahi ma ka home o Akime, a lawe aku la ia hoahanau aloha no o makou, o Mrs. Kawelo Akime, he hoahanau keia o makou, i hoomailo ka na waliwali maluna o kona kino i na makahiki loihi, akahi no a kuu kona luhi, me ka auwe ana i na ehaeha ma ke kino @ ua kau iho maluna o kana mau keiki aloha keia ko'iko'i, oiai ua hala aku la ka makua, a noho makua ole iho la, a hoomakua aku paha kahi keiki no kekahi.
Nolaila hooholo ia ma o ko makoa mau komite la, ke komo pu nei e kuma@ me olua e Mr. ame Mrs. John Kekahu ame ko olua pokii, Miss Lei Akime, ame ko oukou papa, Akime, oiai he pohaku ko'iko'i keia o ke aloha makua hoomakua wale aku no paha auanei ia ha'i, aka, he manaolaua no, oiai o na keiki i hooko i ka ka Palapala Hemolele, e hoomaikai i ka makuakane ame ka makuahine, i loihi ai kou mau la malama o ka aina a Iehova kou Akua i haawi mai ai ia oe. Pomaikai wale oia ka pookela o ko kakou ola @ ana, a ma ka Haku e hoomama mai i na kaumaha luuluu o oukou e na keiki, no ko kakou makuahine aloha i hala @ ka malu mai na laui mai.
Mrs. Hannah Cook, ko makou makuahine peresidena, nou hoi kekahi waimaka aloha, a kou mau hoahanau e uwe pu nei. a no na lei keiki ame ua moopuna a olua, oiai o kou hauaumua Pilipo Heli ua hala pu ma kela alahele, i Oct. 5, hala ka hoa i hanau pu ia mai, mai ka pupuu hookahi, he kupa, he wew no ka Waiulailiahi, he keiki papa no ka aina hauau, no na wai kaulana o Manokalanipo. Aloha wale! Aloha ka i'a hau o ka aiua, ilaila iho la uo ke ola o ka noho ana mai na la opio a hookuu wale mai la no, i keia akoakoa pu ana a hoomaha aku la i ka luhi o keia ola mauleule, ma ka piha no i na popilikia, wa inoa hookaumaha, a pae mai. la ko Iesu leo, e hoi mai e ka mea Iubi.
Ae, ua hoi aku la hoi me Jehova Sabauta, ke lii nani, ke Akua no o na makua aloha i hala mua, hala ke aloha naue pu uo me ka anoi. a kau iho la ke ao omamalu maluna ou e ka pokii, me kau kane aloha ame ka ohana apau o Pilipo Holi. a oela me na makemaka ame na hoaloha apau, no oukou ko makou kumakena pu ana iloko o keia kaumaha nui.
Hooholoia ma o ko makou mau komite la, e kaana pu ana me oukou iloko o keia haawina hookahi, a na ke Akua e hoomama mai i na luuluu.
O makou no me ka haahaa mau,
MRS. LUCY WRIGHT,
MRS. NOHA CHANG,
MRS. MARY KINNEY,
MRS. FANNY SABO,
MRS. PAHUKOA MEEAWA,
MRS. SAM MALIEKAI,
Komite.
KUU ALOHA KAKIA I KA IWI UA HALA.
Mr. Solomon Hanohano, Aloha 'oe:- F, oluolu mai i kahi kaawale o ka oneki o ka Nupepa Kuokoa, i kahi poomanao e kau ae la maluna, he puolo wai maka a ke aloha, i ike mai ai na kini makamaka e noho ana mai ka la hiki ma Haehae, a ka welona a ka la i Lehua, a loaa aku ke kai palepale moana.
Kuu kane aloha, Mr. M. K. Kanikauihia ua hala, ua kii mai la ka anela a ka make, ma ka po o Oct. 8, 1920, i ka hanu ola a waiho iho la i ke kino wailua na'u hoi ame ka maua lei aloha ame na pokii e paiauma aku i ke aloha.
Ua hanauia kuu kane i ka la 17 o Maraki, 1837, mai ka puhaka mai o Keaole Wahineaea (w) ame Keakua Kanialama o Hamakualoa, Maui.
Ua hoonaauaoia oia i ke kila wae o Makawao, a mailaila mai komo i ke kula o Lahainaluna, ka ipukukui pio ole i ka makani Kawaula.
Kuu kane aloha i hala aku la, he makua oiaio @ me na mea apau e kipa mai ana ma ko maua home. Aloha wale ka ai, ka i'a ame ua mea apau, i nohoia e maua na makahiki he 32 me ke aloha He peeresidena oia no ka Ekalesia o Iesu Kristo o ka Apana o Hulaia no na makahiki he 19 kona noho ana.
Ua noho oia iluna o ka papanana o ka apana o Iihue no na makahiki he ehiku no ka aoao @, kona aoao no ia i paa iho la a pio ke kukui o ka hale kino. Aloha wale!
Ua pau kona honi ana i ke ala o ka mokihana o Haupu ame ka wai o Kemamo. Aloha wale!
Ua pau hoi kona hehi ana i ke one o Kipu ame ka wai o Hulaia. Auwe, luuluu wale kuu mea aloha! Ua pau hoi ka ike hou ana i ka home o kona mau pokii amea ka uwapo piha o Nawiliwili i na kanaka.
Ke haawi nei makou i ka mahalo i na hoaloha apau i akoakoa mai e kumakena pu ame ka poe apau i oli i ka lua, ame ka poe apau i hapai i ka pahu o kuu mea aloha. Na ke Akua e hoomama mai i ke kaumaha ame ka luuluu.
Ke haawi aku nei makou i ka mahalo i ka Lunahooponopono, Mr. Solomon Hanohano, ame na keiki oniuhua o ka papapa'i o ke Kuokoa.
O makou ka ohana apau,
MRS. M. K. KANIKANIHIA,
MRS. E. M. PIKAO,
MRS. M. F. K. AKAMU
MRS. J. K. PANUI
MRS. J. S. CARROLLA.
E NA HAWAII ALOHA.
Aole ani o ka manawa keia a kakou e huli mai ai a haawi i ka lima akau o ke aloha ma ke kokua pu ana i ka poe apau e lawelawe nei i na hana kalepa o ko kakou lahui ponoi. Pehea hoi oukou e nanamaka mai @, a kipa ae, no ia Kepani ame Pake ma, oiai ua makaukau no hoi makou e pale aku i na hemahema o ka home @ ka i'a, pipi, kamano, puaa miko, i'a maloo ono, poi, kopaa, laiki, paiupaka, palena, palaoa, maka me palaa mo'a, uala maoli me uala kahiki, akaakai, alani, lemi, kope, ku, ai a ka moa me na holoholona, paka, kika, kopa ame na ano meaai apau e ola ai ka home.
He pakaukau i'a hou ka Wm. K. Mossman, helu 235, ma ka Aaka Makeke, e kuai nei i ka lehulehu i na la apau me ke kumukuai makepono loa, i emi mai malalo o ka na Pake me na Kepani e kuai nei ia kakou Hawaii.
He nui na Hawaii e lawelawe nei he mau pakaukau. ma Aala Makeke, e la wa ai kou makemake; ke ku nei ke kaauwila o ke Alanui. Moi me Liliha, mawaho pono o ka ipuka o keia Makeke Nui, nolaila aohe a oukou peki wawae hou ana i ka la. a i iho he wela, a mamao loa mai kahi mua e ku ana o ke kaa uwila ma River Street, me ka O. R. & L. Co. Depot, ua nee mai la i ka ipuka ponoi o keia makeke. Mai hakalia , i ka lele ana malaila.
Hoakaka o na Kumukuai a na Hawaii
Poi." 16 lbs………………….$1.00
Pipi paakai hou, 5 lbs…………1.00
I'a hou mai ke kai mai. lb…….. .15
Uala kahiki hou, lb………… .04
Akaakai, lb……………….. .03
Waiupaka a na Maori mai, lb….. .80
Kopaa helu I keokeo, lb………. .15
Laiki Kepani, lb………………12.@
Palaoa maka, ma ke eke………..3.50
Palena ono loa, lb……………. .20
Kini waiu liilii, helu 2………. .15
Kope o Kona mai……………. .40
Kini kamano mai ka…….. .25 a .35
Best King salmon, lb…………. .25
Puaa paakai hou, lb…………. .35
I'a maloo o Kona mai, lb…….. .25
Uala maoli (sweet), lb……….. .03
Huamoa hou, Ranch, doz……… .75
Waiupaka Hawaii, lb……….. .65
Kopaa helu 3 ulaula, lb…………12 1/2
Laiki Hawaii, lb………..12 1/2
Palaoa a Love ma, omoomo, .12c me 18c
Kopa holoi lole, doz…………… 1.00
Kini waiu nunui ae…………. .15
Ki, he nui na ano,……. .05 a pii aku
Kini pipi, mai ka…………..30 a .45
He nui wale ae na meaai i hoolakoia no ka pomaikai o na Hawaii, o ola ka home ma keia Makeke Hou, nolaila e @ mai a ike pono i ka lawelawe ana a na Hawaii i na hana kalepa, e paa nui ia nei e na lahui e, mamuli o ko kakou kokua nui ana ia lakou i loaa ai ia lakou ka holomua.
E paulele mai kakou apau e kokua mua i na Hawaii.
HALEKUAI O NA HAWAII ME KA LEHULEHU.
JAMES L. HOLT, Lunahoohana.
Aala Makeke, Helu 8. Kelepona 6311
HOOLAHA.
O ke Ki Manu, ka Hahai Holoholona, ka Lawai'a ame ka Hele Wale Ana maluna o ka Ahupuaa o Niu, he aina no Mary N. Lucas, ua hookapu loa ia malalo o na hoopa'i ana a ke kanawai.
MARY N. LUCAS.
Honolulu, Okatoba 14, 1920.
6423-Oct 22, 29.
HOOLAHA HOLO MOHO.
E ua Mana Koho Baloka o Hawaii Hikina, aloha kakou a nui loa:-Ma keia ke kukala akea aku nei au ia oukou apau loa, mai Kalapana, ka aina hanau o ko'u mau kupuna aloha, ahiki loa aku i na pali o Hiilawe ma waipio, oiai ua wae ia ae au ma ka @ ana ia'u na baloka nui he eono haneri ame umikumaiwa (619) i ke koho ana ma ka la elua o Okatoba nei, eia au he Moho e alualu ana i ka kulana Lunamakaainana ma ka Aoao Demokalaka, no ka kohoia mai ma ka la elua o Novemaba iho.
Ua lohe oukou i na olelo a'o mai ka Elele Alii Kalanianaole, a ua ike no paha oukou i na olelo a'o iloko o na nupepa haole holomua. loa o keia Teritore, o ia hoi ka "Advertiser" ame ka "Star-Bulletin". e a'o mai ana ia oukou @, "KOHO I NA KANA KA KUPONO ME KA NANA OLE I KA AOAO KALAIANA,".
Nolaila, e na makaainana, ke noi haahaa aku nei ia oukou e nana, a e noonoo mai oukou i ko'u kupono a kupono ole, a i wahi e hiki ai ia oukou ke ike mai i ko'u kupono, he mea pono no e ha'i aku au ia oukou i na kumu e hiki ai ia oukou ke ike mai. a eia ua mau kumu nei a oukou e noonoo mai ai.
1 He Kakauolelo au no ka Aha kaapuni ma Hilo. ka Aha Kaapuni o ka Apana Eha o ke Teritore o Hawaii, no eha makahiki ame elua mahina. Waiho aku ia kulana ma ka la ekahi o Sepatemaba i hala iho la.
2 Ma ia kulana i oleloia maluna a'e, owau, ka mahele a unihiolelo Beritania (Haole) a ma ka olelo makuahine o kakou- Hawaii.
3 He Nokali au, no ka Lehulehu mai ka la umi o Aperila, 1918.
4 He niakakau au i ke kakaupokole ame ka hoohana ana i ka mikini pa'i hakahaka.
5 He Loio au i keia manawa. a ke hana nei i ka hana loio. Loaa ka laikini loio ia'u ma ka la umikumakolu o Maraki, 1918.
O keia na kumu a oukou e na makainana e noonoo mai ai, a ke manao nei au ua lawa ia. Aole o'u makemake e hoopuka i keia mau mea, no ka mea, e manao mai ana paha kekahi poe, ke hoike nei au i keia mau mea ma ke ano, hooio a kaena paha ia'u iho. Aole loa pela. Elike me ka'u i ha'i ae la maluna, i wahi e ikeia mai ai ko'u kupono a kupono ole, o ia ko'u kumu e hoike nei.
1 I kanawai ma ke ano olelo hooholo e hoi ana i ka Aha kaukanawai o Amerika @ e hoololi i ke kanawai @ Aina. e @ hoi ia kanawai. "Aole e uku ka poe hookuonoono aina i ka auhau a kuke paha, no ka aina hookuonoono, aia a loaa mua mai ke kila o ka aina mai ke aupuni mai."
2 I kanawai ma ke ano Olelo hooholo e @ ana i ka aha kaukanawai o Amerika Huipuia, e hoololi i ke kanawai pili Aina. e olelo hoi ia kanawai, "E pili no ka apana aina pahale i ka mea i noho paa maluna o ia aina no na makahiki iwakalua ma ke ano uku hoolimalima i ke Aupuni oiai he mau aina aupuni keia, ma ka uku ana i ke Aupuni i hookahi ($1.00) dala.
3 I kanawai e hoololi ana i ke kanawai i wahi e hoololiia a'e ai ke ana waiwai a kela ame keia mea uku auhau, e uku auhau ole ai, mai ka $300.00 i ka $1000.00. O ia ho'i keia. in a ka waiwaiio o na waiwai he $030.00 aole oe e uku auhau. nolaila ma keia kanamai a'u e manao nei e hookomo, aole oe e uku auhau in a ka waiwaiio o kouwai a'u e manao nei e hookomo, aole oe auhau oe i na waiwaiio maluna aku o ka $1000.00."
4 I kanawai e hoolala ana i ka uku la o ka poe hana alanui i $3 o ka la, o kela ame keia e hana ana ia ano hana hookahi.
5 I kanawai e haawi ana i ka mana i ke Apuni no ke kuai ana i na Buke kula o na kula Aupuni apau loa, a hoolilo mai hoi i kela ame keia keiki na buke kule i makemakeia, ma ka uku ana aku i ke Aupuni i na daka i @ e ka Aupuni no ia mau Buke.
6 I kanawai e hoahu ana i haawina dala kupono no ka hooponopono ana i na alanui aupuni a hoea loa aku i Waina alanui Aupuni a hoea loa aku iWaipio, @ @ e loaa mai nei ka ai o na oiwi Hawaii. o ke Mokupuni o Hawaii.
Ua lawa @ keia, ma ke ano wehewehe.
Me keia mau olelo wehewehe imua o oukou. ke noi haahaa nei au i na mana. koho baloka apau o Hawaii Hikina nei Apana Koho Ekahi, e noonoo, a, e noonoo me ka akahele i keia holo Moho o'u, a, e koho ia'u me ka lokahi. me ka nana ole i ka Aoao Kalaiaina, Ina ua hooholo ko oukou manao he kanaka kupono au.
Me ka mahalo. owau no me ka oiaio,
THOMAS PEDRO, JR.
Moho Lunamakaainana ma ka Aoao Demokalaka.
Ua hoakaka ae ka Meia Wilson i kona manao, in a e holo ole ana ka ninau @no na paipu lawe meaino, ma keia koho baloka o ka la 2 ae nei o Novemaba, alaila o hooliloia aku ana he @ dala nui, o ka waihona o na hanahou o ke kulanakauhale, no kela hana. me ke ku maile o na hana alanui, no kekahi manawa, ahiki i ka loaa ana o ke dala.
HOOLAHA KUAI O NA HOOLIMALIMA AUPUNI.
Ma ka hora 10 a. m. Poakahi. Novemaba 22, 1920, ma ka puka komo mamua o ka Hale @, Honolulu, T. H.. malaila e kuaiia aku ai ma ke ku-@ akea, malalo o ka Pauku 380 o na Kanawai Hooponopono Hou ia o Hawaii o ka 1915, na hoolimalima @ o na Aina Aupuni i ka hoakakaia malalo iho nei:
1. Ka Apana Aupuni, ma ke kihi Akau-hikina o ke Alanui Ololi Aala ame ke Alanui Beritania, nona ka @ o 1455 kapuai kuea, oi aku a emi mai paha: manawa o ka hoolimalima, 15 makahiki mai Nov. 22, 1920 aku; @ haahaa. $150.00 o ka makahiki, e uku hapa-makahiki mua ia.
2. Ka Mahele A o ke @ Aina Aupuni o Kemoo, nona ka iliaina o 9.50 eka, oi aku a emi mai paha; manawa o ka hoolimalima. 15 makahiki mai Nov. 22, 1920; Kumukuai haahaa, $20.00 o ka eka no ka makahiki, e uku hapa-makahiki mua ia.
3. Ka Mahele B o ke Koena Aina Aupuni o Kemoo, non ka iliaina o 41.30 eka. oi aku a emi mai paha; manawa o ke hoolimalima, 15 makahiki mai Nov. 22, 1920 aku; kumukuai haahaa, $20.00 o ka eka no ka makahiki, e uku hapa-makahiki mua ia.
E uku ka poe e lilo ai i ka hoolimalima o na mahina mua eono ma ka wa e haule ai o ka hamare.
Na ka põe e lilo ai e uku i na lilo o ka hoolaha ana ame kekahi mau kaki e ae e pili ana me ka hoomakaukau ana i keia mau hoolimalima.
No na kii palapala aina ame na hoakaka aku i koe, e noi ae ma ke keena o ke Komusuna o na Aina Aupuni, Hale Kapitala, Honolulu, T.H.
No na kii palapala aina ame na hoa kaka aku i koe, e noi ae ma ke keena o ke Komisina o na Aina Aupuni, Hale Kapitala, Honolulu, T.H.
C.T Bailey,
Komisina o na Aina Aupuni.
Hanaia ma Honolulu, Okatoba 21, 1920.
6424-Oct. 29; Nov. 19.
HOOLAHA KUAI O NA HOOLIMALIMA AUPUNI.
Ma ka hora 10 a.m., Poaono, Novemaba 27, 1920, ma ke keena o ka Hope Akena Mr. G. W. Sahr, Lihue, Kauai, malaila e kuaiia aku ai ma ke kudala akea, malalo o ka Pauku 380 o na Kanawai Hooponopono Hou ia o Hawaii o 1915, na hoolimalima laula i na aina i hoakakaia malalo nei:
1. Ka hapa o ka aina Aupuni o Hanakapiai, Hanalei, Kauai, nona ka iliaina o 155 eka, oi aku a emi mai paha; manawa hoolimalima, 15 makahiki mai Novemba 27, 1920 aku; uku hoolimalima haahaa, $50.00 no ka makahiki, e uku hapa makahiki mua ia.
2. Ka hapa o ka aina Aupuni o Hanakoa, Hanalei, Kauai, nona ka iliaina o 185 eka, oi aku a emi mai paha; manawa hoolimalima, 15 makahiki mai Novemaba 27, 1920 aku; uku hoolimalima haahaa, $30.00 no ka makahiki; e uku hapa makahiki mua ia.
Na ka mea e lilo ai e uku i na lilo o ka hoolaha aua ame kekahi mau kaki e ae e pili ana me ka hoomakukau ana i keia mau hoolimalima.
E uku ka mea e lilo ai i ka uku hoolimalima o na mahina mua eono ma ke manawa e hauke ai ka hamare
No na kii palapala aina amea ua hoakaka i koe, e hoi ae ma ka keena o ka Hope-Akena, Mr. G. W. Sahr, Lihue, Kauai, a i ole ma ke keena o ke Komisina o na Aina Aupuni, Hale Kapitala, Honolulu, T.H.
C.T. BAILEY,
Komisina o na Aina Aupuni.
Hauaia ma Honolulu, Okatoba 25, 1920.
6424-Oct. 29; Nov. 19.
HOOLAHA KUAI O KA APANA AUPUNI.
Ma ka hora a. m., Poakahi, Novemaba 8, 1920, ma ka puka komo mamua o ka Hale Kapitala, Honolulu, T.H., malaila e kuaiia aku ai ma ke kudala akea, i ka mea koho kiekie loa, ka apana aina aupuni i hoakakaia malalo iho nei:
Ka apana aupuni ma Kuwili, Iwilei, Honolulu, o ia ka hapa o ke Grant 2473, Hapa 3, nona ka @ o 6,483 kapuai kuea, oi aku a emi mai paha; kumukuai haahaa, $1,296.60.
Kumu aelike, ma ke kuike.
No ka mea e lilo ai e uku i na lilo o ka hoolaha ana.
No na hoakaka aku i koe, e noi ae ma ke keena o ke Komisina o na Aina Aupuni, Hale Kapitala, Honolulu, T.H.
C.T. Bailey,
Komisina o na Aina Aupuni.
Hanaia ma Honolulu, Okatoba 8, 1920.
6422-Oct. 15, 29.
HOIKE HUI O NA KULA SABATIAME C. E. O MOLOKAI.
E malamaia ana ka hoike hui o na Kula Sabati ame C. E. o Molokai, ma ka Luakini o Kalaiakamanu, Kaunakakai, ma ka la 25 o Dekemapa, 1920, ma ka hora 9 a.m., elike me ia malalo iho, penei:
Kula Sabati âme C.E. o Kalaiakamanu, haawina o Augate: Kula Sabatiame C.E. o Kaluaaha, haawina o Sepatemaba: Kula Sabati ame C.E. o Waialua na Honouli Huiia, haawina o Okatoba; Kula Sabati ame C.E. o Halawa, haawina o Novemaba.
E malama pu ia ana e na Kula Sabati apau i hoikeia ae nei maluna, he ahamele nui, ma ke ahiahi o ka la 24 ma ka Hall o Kalaiakamanu, no ka pono ame ka hooponopono hou ana i ko makou lunakini kahiko e ku nei.
E makaala pu mai e na Kula Sabatiame C.E. i ka oukou mau haawina elike me ia i hoikeia ae nei maluna: a e makaukau pu i mau himeni no ka aha mele nui kekahi, no ka po le'a o Halulii, o lohe pepeiao auanei. E hele mai, hele mai no apau loa: Hoomakaia ana na hana ma ka hora 7 p.m.
E hic pu mai ana ka peresidena nui o na Kula Sabati ma keia hoike hui a na Kula Sabati Hon. J. W. Kalua.
Owau iho no ka oukou kauwa haahaa,
JOSEPH N. UAHINUI,
Kahu-Kula Sabati Nui o Molokai.
Kaunakakai, Molokai, Oct. 20, 1920.
HOOLAHA KUAI O NA APANA AU PUNI.
Ma ka hora 10 a.m., Poalua, Novemaba 23, 1920. ma ka puka komo mamua o ka Hale Kapitala. HOnolulu, T.H., malaila e kuaiia aku ai ma ke kudala akea i ka mea koho kiekie loa na Apana Aupuni maloko o ka Apana o Auwaioiimu, elike me ia malalo iho nei penei:
1. Apana Aupuni Helu 16 Kuea Helu 30, o na Apana o Auwaiolimu. maloko o Pauoa, e pili pu ana me ka Pa'Ilina Kristiano o na Pake ma Pauoa, ame ka Ilina Yee King Tong, nona ka iliaina o 17,483 kapuai kuea, oi aku a emi mai paha; kumukuai haahaa, umi keneka (10c) o ke kapuai kuea.
E kuai hooliloia aku ana keia Apana me ka hoomaopopo ana, in a aole e lilo ana o ka Ahahui Pa Ilina Kristiano o Pauoa ka mea koho holopono, e hookoeia i umi-kumamalima (15) kapuai pono alahele mai ke Alanui Auwaiolimu mai, ahiki i ko lakou kahua Pa Ilina i keia wa, ma ka palena @ o ka Apana Helu 15, nona ka iliaina o 1,660 kapuai kuea, oi aku a emi mai paha.
2. Ke koena Aina Aupuni ma ke komo ana aku o ka Pa Ilina Yee King Tong maloko o Pauoa, nona ka iliaina o 5434 kapuai kuea, oi aku a emi mai paha; kumukuai hahaa, $543.40.
Kumu aelike, ma ke kike.
Na ka põe kuai mai e uku i na lilo no ka hoolaha ana.
No na kii palapala aina ame na hoakaka aku i koe, e noi ae ma ke keena o ke Komisina o na Aina Aupuni, Hale Kapitala, Honolulu, T.H.
C. T. BAILEY,
Komisina o na Aina Aupuni.
Hanaia ma Honolulu, Okatoba 23, 1920.
6424-Oct. 29; Nov. 19.
HOOLAHA KUAI O KA HOOLIMALIMA AUPUNI.
Ma ka hora 10 a.m., Poalima, Novemaba 26, 1920, ma ka puka komo mamua o ka Hale Kapitala, malaila e kuaiia aku ai ma ke kudala akea i ka mea koho kiekie loa, ka hoolimalima o aneane kanaono kaukani (60,000) kapuai kuea o ka aina kokoke ma ke awa o Kewalo, ma ke Awa o Honolulu.
E kuaiia aku ana keia hoolimalima elike me na kumu aelike ame na ano, mawaho ae o na ano maamau i hoakakaia e ke kanawai:
Manawa o ka hoolimalima iwakaluakumamakahi (21) makahiki mai Ianuari 1, 1921 aku.
E kuaiia aku ana ka hoolimalima ma ka uku hoolimalima haahaa o hookahi kaukani ($1000) dala no ka makahiki no na makahiki mua elima, e uku hapamakahiki mua ia. E hooponoponoia ka uku hoolimalima no kela ame keia elima makahiki mahope aku. a i ole hapa paha o ka makahiki, e ekolu mau kanaka i kuleana ole; hookahi o lakou na ke Komisina o na Aina Aupuni e hookohuaku, hookahi na ka mea paa hoolimalima a na keia mau kanaka elua e koho i ke kolu.
E kuaiia aku ana ka hoolimalima me keia hoomaopopo ana, o ka aina e hoohanaia aku ana no na hana o ke alahukimoku ame na halehana i'a kini wale no, a na ka mea e kuai ana, malolo o na makahiki ekolu mai ka la aku o ke kuai ana, e kukulu maluna o ka aina i kekahi halehana i'a kini, a e hoomau aku i ka hoohana ana ia ano hana ma ia hope aku iloko o ka manawa piha o ka hoolimalima. O ka hooko ole ana i keia kumu aelike he kahua kupono ia no ka hoopau ana i ka hoolimalima.
Na ka mea e lilo ai e uku i na lilo o ka hoolaha ana, ame kekahi mau kaki e ae e pili ana me ka hoomakaukau ana i keia hoolimalima.
E uku ka mea e lilo ai i ka uku hoolimalima o na mahina mua eono ma ka manawa e haule ai ka hamare.
No na kii palapala aina ame na hoakaka aku i koe e noi ae ma ke keena o ko Komisina o na Aina Aupuni, Hale Kapitala, Honolulu, T.H.
C. T. BAILEY,
Komisina o na Aina Aupuni.
Hanaia ma Honolulu, Okatoba 25, 1920.
6424-Oct. 29; Nov.19.
HOOLAHA KUAI O KA APANA AUPUNI.
Ma ka hora 10 a.m., Poakahi, Novemaba 22, 1920, ma ka puka komo mamua o ka Hale Kapitala, Honolulu, T. H., malaila e kuaiia aku ai ma ke kudala akea i ka mea koho kiekie loa, ka Apana Aupuni i hoakakaia malalo iho nei:
Ka Apana Aupuni E. Alanui Kula. Kapalama, Honolulu, Oahu. o ia ka hapa o ka L. C. A. 2266, Apana 2 ia Kuhiana, nona ka iliaina o 18,765 kapuai kuea, oi aku a emi mai paha; kumukuai haahaa, $1,876.50.
Kumu aelike, ma ke Kuike.
Na ka mea e lilo ai e uku i na lilo o ka hoolaha ana.
No na kii palalpala aina ame na hoakaka aku i koe, e noi ae ma ke keena o ke Komisina o na Aina Aupuni, Hale Kapitala, Honolulu, T. H.
C. T. BAILEY.
Komisina o na Aina Aupuni.
Hanaia ma Honolulu, Okatoba 21, 1920.
6424-Oct. 29; Nov 19.
HOOLAHA I KA POE PAA AIE.
Ma ka Hana Hoopau i ka Mutual Investment Company of Hawaii, Ltd.
Mamuli o ke koho pono ia ana mai o ka mea nona ka inoa malalo iho nei, M. V. FERREIRA, i kahu no ka poe paa aie ame ka poe paa mahele o ka Mutual Investment Company of Hawaii, Ltd., he hui Hawaii, i hoopania ma ke kauoha a ka Puuku o ke Teritore o Hawaii, i hanaia ma ka la 8 o Okatoba, 1920, ma keia, ke haawi aku nei i ka hoolaha i ka poe paa aie apau o ka hui i oleloia, e waiho mai i ka lakou mau koi i ka mea nona ka inoa malalo iho, ma ke keena o kona @, Wade Warren Thayer, 603 Hale Stangenwald, Honolulu, iloko o kanaiwa (90) la mai ka la 15 aku o Okatoba, 1920; o ua la nei o ia no ka la o ka hoopuka mua ia ana o keia hoolaha. O na koi apau e waiho ole ia mai ana pela, e hoole mau loa ia aku no.
M. V. FERREIRA,
Kahu no ka Poe Paa Mahele, ame ka
Poe Paa @ o ka Mutual Investment Company of Hawaii, Ltd.
WADE WARREN THAYER,
Loio no ke Kahu.
6422-Oct. 15, 22, 29; Nov. 5, 12.
HOOLAHA O KE KUAI O NA APANA AUpuni.
Ma ka hora 10 a.m., Poalua, Novemaba 23, 1920, ma ka puka komo mamua o ka Hale Kapitala, Honolulu, T. H., malaila e kuaiia aku ai ma ke kudala akea i ka mea koho kiekie loa, na Apana Pa-hale maloko o ka Apana o Auwaiolimu, @ me ia malolo iho nei, penei:
KUEA HELU 29.
Apana Kumukuai
Helu Iliaina Haahaa
8 ……14,534 kp. kuea $1,153.40
9 ……13,994 " 1,399.40
10 ……12,280 " 1,228.00
11 ……11,177 " 1,117.70
12 ……11,406 " 1,140.60
13 ……11,336 " 1,133.60
14 ……10,415 " 1,041.50
15 ……10,252 " 1,025.20
16 ……9,641 " 964.10
17 ……9,462 " 946.20
KUEA HELU 30.
9 ……8,905 kp. kuea $445.25
13 ……14,503 " 1,450.30
14 ……20,028 " 2,002.80
15 ……19,878 " 1,987.80
Ua hiki no ke ukuia na apana e kuaiia ana ma kekahi o keia mau ano malalo iho nei:
1. Kuike;
2. Hookahi hapaha kuike ma ka manawa e kuai ai, a o ke koena aku iloko o ekolu mau uku liilii like ana ma ka makahiki, me ka ukupanee ma ka @ o ka makahiki maluna o na uku ana i @.
Na ka põe e lilo ai e uku i na lilo o oka hoolaha ana ame kekahi mau kaki e ae e pili ana me ka hoomakaukau ana i na pepa kupono.
Ua haawiia aku i na hoanuia e noho nei maluna o keia mau apana he 30 la mau ka la aku o ke kuai e hoonee ai i kko lakou mau hale.
No na kii palapala aina amea na hoakaka aku i koe, e noi ae ma ke keena o ke Komisina o na Aina Aupuni, Hale Kapitala, Honolulu, T.H.
C. T. BAILEY,
Komisina o na Aina Aupuni.
Hanaia ma Honolulu, Okatoba 22, 1920.
6424-Oct. 29; Nov. 19.
TERITORE O HAWAII.
Keena o ka Puuku, Honolulu, Oahu.
Ma ka hana e hoopau ana i ke GARDEN ISLE FRUIT COMPANY, LIMITED.
Oiai, o ke GARDEN ISLE FRUIT COMPANY, LIMITED. he hui ia i kukuluia a e ku ana malalo a ma ka mana. o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoa mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaiolia i hoohui pu ia me ia, elike me ia i koiia ai ma ke kanawai.
NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala nei i oleloia maloko o keia keena, mamua ae i ka hora 12 awakea o ka la 3 o Ianuari, 1921, a o kela ame keia mea e makemake ana e hooloheia aku malua o ia mea. he pono e hoea kino @ ma ke keena o ka mea @ ka @ malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.
DELBERT E. METZGER.
Puuku, Teritore o Hawaii.
Honolulu, Okatoba 21, 1920.
6424-Oct. 29: Nov. 5, 12, 19, 26: @
3, 10, 17, 24, 31.
HOOLAHA KUAI O NA APANA AUPUNI.
Ma ka hora ekahi me hapa p.m., Poalima, Novemaba 26, 1920. ma ka @ Hookolokolo ma Kapaa, Kawaihau, Kauai, malaila e kuaiia aku ai ma ke @ akea i ka mea koho kiekie loa, na Apana Pa-hale malalo iho nei, ma Kapaa, Kona, Kauai:
Apana Iliaina Kumukuai
Helu Haahaa
1 ……..1.02 Eka $2,222.00
2 …….. .96 " 2,901.00
3 …….. .90 " 1,660.00
4 …….. .87 " 1,895.00
5 …….. .70 " 1,525.00
6 …….. .75 " 1,612.00
Kumu aelike ma ke Kuike. a i ole ma ka uku Manawa paha: he 25% e uku ai i ka makahiki hookahi me ka @ o 6% maluna o na uku ana i hoopaneeia.
Na ka mea e lilo ai e uku i na lilo o ka hoolaha ana ame kekahi mau kaki o ae e pili ana me ka hoomakaukau ana i na palapala kupono.
No na kii palapala aina amea na hoakaka aku i koe, e noi ae ma ke @ o ka Hope Akena, Mr. G. W. Sahr, Lihue, Kauai, a i ole, in a ke keena o ke Komisina o na Aina aupuni, Hale Kapitala, Honolulu, T. H.
C. T. BAILEY.
Komisina o na Aina Aupuni.
Hanaia ma Honolulu. Okatoba @ 1920.
6424-Oct. 29; Nov. 19.