Ka Nupepa Kuokoa, Volume LVIII, Number 45, 5 November 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no

LEOLA DALE

a i ole

Mai ke Kulana Nele a i ka Waiwai-Na

Aloha Eiua i ka Ipo Hookahi.

 

O ka awa apiki paha ia, aole o'u ike i ka paani i kela ano @ale@ wahi a Leola, me kona @oke okoa ana ae i ka akaka. "@ina aohe @u ike ea, alaila owau ka mea nana e a'o aku ia makahiki i kou akamai ana i kela ano paani," i pane mai ai ke @hi kapena koa. me kona hele aua mai a kokoke ia Leola.  @ka @ona o ko'u hoa e paani pu ai," i pane mai ai hoi ke kolu @na keoninana opio.

"Aole e hiki ia Miss Dale ke paani i na ano lealea elua i ka manawa hookahi. nolaila pehea auanei e hookoia ai ko oukou makeamake e na keonimaua," i pane mai ai ke kaunawahine Ame ka akaaka oko ana mai.

Ua lohe mai la ka Ela Hao i na mea e kamailioia ana; ia @a i komo mai ai oia ma ka hooholo ana i kela ninau, ma ka @nu ana mai:

"Ke manao nei au. ua hiki ia'u ke hooholo i ka mea o ou- ia u e lawe aku ai ia Miss Dale i hoa paani nona."

"@ ka mea apiki aole e hiki ia'u ke paani i kekahi o kela mua kalea. nolaila e kala mai no oukou ia'u, a e noho aku no @ au i mea makaikai, mawai auanei e nana aku i ke ano @ k@ukou paani ana," wahi a Leola, me ka akaaka ana ae no hoi.

"Ina pelaiowa,u ponoi ka mea nana e a'o aku ia oe i ke ano @ ka paani koloke ana. a e noho malie lakou nei ahiki i kou akamai ana," wahi a ka Ela, me ke kii okoa ana aku i ka popo ame ka hamare a haawi mai la ia Leola o ke ku ae la no ia o ke kaikamhine opio iluna, a hele i'o aku la no ke a'oia mai i ka ano o ka paani kolo-ke ana.

I kinohi ua hemahema i'o no o Leola, aka nae. i ka loiki iki ana aku o kana paani ana. ua maopopo aku la iaia ke ano ame @ iula o kela lealea a i ka hala ana o kekahi manawa ua hele maoli ia a wela o kahi naie i laki ai ua kani koke mai lau @e hana puhiohe i kela manawa, nolaila ua hoopauia ae la ka paani ana a noi aku la o Leola i ka Ela Hao, e aie mai e loaa aia nei he manawa e hoomaha ai no ka mea ua hele oia a aela loa me ka maluhiluhi pu no hoi kekahi i kau a mea o ka nui o kona holo ke i o aianei.

I hakalia no a noho iho o Leola malalo o ka malumalu o kekahi kumulaau. o kona puni koke ae la no ia i na kanaka @ me ka lawe okoa ana mai o kekahi poe o lakou i kiaha wai lemi i wai hau hoi ka kekahi a he waimomona ka kekahi o ke kiaha wai huihui ka ua o Leola o ka lalau ana mai aka @ i nana ae ai iluna. ike ae la ola ia Pilipo Daika, e nana iho ana iaia. me kela ano ana i hoomaopopo mau aku ai i na manawa he nui i hala ae, ka mea hoi nana i hoopilikia loa aku i kona noonoo. aia kekahi manao ano nui ma kela ano o ka Pilipo nana ana mai iaia.

Ku ae la ua o Leola iluna. me ka noke ana i ka peahi, i kau @mea o ka wela. a o ia ka Pilipo o ka pane ana iho

"He wela loa keia wahi nou e Miss Dale. e hele aku kaua ma kahi nui o ka malumalu o na laa, malaila e hoomaha ai ahiki i kou oluolu ana."

Ua kani hou mai la ka hana i keia manawa me kekahi leo mele hulahula. o ka puhee aku la no ia o ka poe hoopuni ana @a I eola. a koe hookahi wale iho la no oia me Pilipo a o ia kana o ka ninau ana mai.

"Ea, ua ike anei oe ia Mrs. Wekela? O ko'u ike ana no a i ko kakou hoea ana mai nei aole nae o'u ike aku iaia i keia manawa."

"Ke manzo nei au. ua hui pu aku nei oia me kekahi puulu o ka hele holoholo ana aku nei ma kela aoao o ke @ahua manienie, pehea, e hele pu aku anei kauo i ka holoholo ahiki i kaiona ana aku o Mrs. Wekela?"

Aole he makemake maoli ko Leola i ka hele holoholo, elike me ka Pilipo e kamailio aku ana iaia, aka nae i ole ai oia e @maia mai ua haawi aku la oia i kona ae me ka haawi pu @ mai i kona lima ia Pilipo o ko laua nei hele aku la no ia me ke kuikuilima pu ana o ka mea apiki nae, nole o laua ike aku ia Mrs. Wekela a ke hele loa aku la laua no ka hoea ana i kekahi mala meakanu e ulu mai ana, he wahi hoi i ulu ole ia e na kumulaau. a ke pa pono iho a ka la ma kela wahi me ka ikaika.

"Ua poina aku nei au i ka paa pu ana mai nei me kuu papake" i pane ae ai ua o Leola me ka palulu ana ae o kona mau lima maluna o kona poo.

"Ae, ke hoomanao nei au i ko'u ike ana aku nei i ko papalo malana o ka noho e hele aku au e kii, i ole ai oe e wela i ka la:

"Mai hooluhi wale oe e Pilipo ia oe iho; ua lawa ae la no keia hele holoholo ana mai la o kaua. e huli hoi like aku no kaua no kahi o ka nui o na kanaka e noho mai la:

"He wahi mea liilii loa keia ia'u in a oe e kakali liilii ana ma kela kumulaau iloko o na minuke wale no e hui hoi mai ai au me ko papae o ko kauu homau no ia ia ka hele holoholo ana ahiki i ka loaa ana aku o Mrs. Wekela."

No kela paakiki loa o Pilipo Daika noho okoa iho la o Leola ilalo ma ka aoao o kekahi kumulaau. me ka alaalawa ana ae o kaua nana ana ma o a maanei a iloko o kona hikilele ike aku la oia mawaena o na kumulaau liilii, i kekahi lokowai nona ka wai e hulili ana i ka la.

Hoko o kela manawa ua poina koke ae la no ke kauolia a Pilipo iaia e kakali malie ahiki i kona huli hoi  hou ana mai o kona ku ae la no ia iluna a hoomaka aku la e hele no kahi o ke kahawai Aole he moali alanui e pololei ai kana hele ana aku aka pono hele wale aku la uo oia e imi ana i kekahi alahele nona e hoea aku ai i kahi o ka lokowai a i ka hala ana iaia o na kapuai he hookahi haneri ua huhewa aku la kana wahi i hele ai. me kona ike hou ole aku i ke kahawai a pela hoi ke alahele e hoea hou ai ola no kahi a Pilipo I haalele ino ai iaia e kakali ahiki i kona hoi hou ana luai.

"Heaha aua la ka Pilipo e kamailio mai ai no ko'u ana ke hoi mai oia. aole au ma kahi ana i haalele ilio ai ia'u e kapa mai ana oia ia'u i ke kaikamahine paa rula ole o ka hana pono wale no ia'u i keia manawa o ia ka hoi hou ana aku ihope," I kamailio wale ae ai no ua o Leola.

Me kela mauao iloko o ua o Leola, hoomaka mai la oia e huili i ke alahela e hoea hou ai oia no kela wahi mua ana o ka hoomaka ana aku e hele no ka imi 'ana i ka lokowai o ka mea apiki nae ma kahi o kona hoea ana mai i kana wahi i makemake i ua hoea aku la oia ma kapa o ka lokowai ma kahi e ulu nui ia ana e na kumulaau.

O ka hiona a ua o Leola e ike la i ka waiho mai imua o kona mau maka. he hiona ku i ka nani me ka hoohihi maoliiho la o kona manao no ka mea ke ike la oia. i ka ulu mai o ha mauu uliuli ma kekahi aoao a ka lokowai aia hoi na pua lilia ke ulu la ma kela ame keia wahi o ka lokowai me he mea la o kela ka mua loa o kekahi hiona ku i ka nani maoli na i ike ai.

Ua aneane paha e piha ka hapalua hora o kona ku maile ana, nana aku i ka hulili o ka wai o ka lokowai, ame na hiona kamahao e hoopuni ana i ua kahawai nei, anehe mai la oia e huli ihope, no ka im ana aku i wahi nona e hoea ai i ke kahua manienie a ka nui o na kanaka e nanea mai la, na hoopuiwa loa ia mai nae oia, i ka lohe pono ana aku i kekahi leo i ka pane ana mai:

"Ea, mai oni oe, e ku malie loa oe i kahi hookahi," no ka puiwa nae o Leola i ka lohe ana aku i kela leo, aole oia i ku maile iho, aka nana aku la ma kahi i pa-e mai ai o ka leo. aia hoi ike aku la oia me kona mau maka ponoi i kekahi papa kahakii e kau ana a mamua aku o ua papa kahakii nei, e noho ana kekahi kanaka opio, ana no o ke koho koke ana iho, o ke keiki kela a ka Ela Hao, ka Haku Baumona.

I keia ike ana mai hoi o ua kanaka opio nei i ka nana aku o Leola iaia, waiho aku la i kana hulu pena, me ke ku ana ae iluna a wehe ae la i kona papale, me ka i ana mai:

"E noi aku ana au i kau mau huikala ana mai ia'u e ka lede opio, no'ko'u hoopuiwa ana aku nei ia oe; no ka mea i kou hoea ana mai nei mamua pono o kahi a'u e kaha ana i ka'u kii, manao iho la au i ko'u pomaikai loa, a e kaha ana au i kou kii o ka pau wale aku no hoi koe hoomaka e oe e haalele i kay wahi mua i ku ai pela au i kahea okoa mai nei ia oe, eia nae, ya kaumaha, loa au no ka lilo ana o ko'u leo i mea nou e hikie lele ai."

Minoaka ae la o Leola i ka lohe pono ana i ka hana a kela hana hiki no ia'u ke hoi hou ae no kela wahi mua a'u i ku ai, a ia wa oe e kaha ae ai i ke koena aku o kau kii."

"Me na mahalo he nui ia oe." wahi a ka haku opio i pane mai ai, me ka hoi koke ana aku, a noho iho la mamua o kana papa pena kii, lalau aku la i ka hulu pena, o ka hoomaka aku la no ia e pena, a ma ka Leola nana aku aia kela kanaka ke hooikaika mai la ma na ano apau e paa pono ke kii o Leola

He hapaha hora paha kela ku maile ana o Leola, lohe aku la oia i ka pane ana ae o u haku opio nei: "O, he keu aka a ke kilakila! O. ua hoopiha loa ia mai au me ke hauoli!" me ka mau no nae o ke pena o ua kanaka opio nei i kana kii

"Ina ua paa ke kii au i makemake ai ea alaila o ke aloha no kou," i pane aku ai o Leola, me ka huli ana mai hele, no ka mea ke nauki loa la oia, no ka loihi loa o kona noho ana ma kela wahi.

"Alia oe e hele!" i pane koke mai-ai ka Haku Baumona. me kona ku okoa ana ae iluna. "E kakali kmaile iho oe pela, ahiki i ko'u haawi ana aku i ka hoomaikai nui, no kou oluolu, ame kou lokomaikai, o ka ae aha mai e hooko i ka'u noi imua ou," me ka haalele koke ana aku o ua haku nei i kona wahi e noho ana, a hele mai la no ka hui pu ana me Leola, aia hoi kona papale ke paa la iloko o kona lima.

Ia hoea ana mai o ka Haku Baumona imua o Leola, pane koke mai la oia i ka i ana mai: "Ke haawi aku nei au i ko'u mahalo loa ia oe, no ka mea ma ou la i holopono loa ai kuu kii, in a aole oe i paa maloko o kuu kii, in a ua lilo ko'u luhi i hoomanawanui ai no kekahi mau la loihi i mea waiwai ole loa, o ka'u wale no nae, e nonoi aku nei ia oe, e huikala mai oe no ko'u mahaoi."

"Aohe a'u mea e huikala aku ai ia oe, no ka mea, he liilii loa ko'u manawa i haawi aku ai ia'u iho, malalo o kau kauoha, a owau paha o kaua, ka mea i hoopihaia mai me ka hauoli, no kou lilo ana i mea kokua aku no ka holopono o kau kii," wahi a Leola me ka minoaka ma kona mau papalina

"Ina ale 'ou pupuahulu loa i ka ho'i, alaila ke kono aku nei au ia oe e hele ae e nana i ke kii a'u i kaha mai nei," o ka ae aku la no ia o Leola i kela kono. me kona ukali ana aku mahope o ka Haku Baumona, a ma kahi hihia loa o ka hele ana e hopu okoa mai ana ka haku opio. no ke alakai ana aku ia Leola, ahiki wale i ko laua hoea ana aku no kahi o ka papa kahakii e waiho mai ana

I ka nana ana aku a Leola. he ku maoli i ka nani ka hiona inaloko o ke kii, o ia no kekahi aoao o ke kahawai kela aoao no ana o ka hoea ana mai a ku, a ke ike pu la no hoi oia i kna kii i kahaia mai iloko o ka manawa pokole loa, o ka helehelena wale no nae koe, aole i pau ka hanaia ana, a o ia ka ka Haku Baumona o ka pane hou ana mai:

"In aole keia he mahaoi, e noi aku ana au i kou oluolu e ae mai, e loaa he manawa ia'u e hoopau pono ai i kou hele helena ma keia kii ma kou hoea ana mai ma ko'u hale i kekahi manawa kaawale. Ina o keia kii ou a iluna oe o kela lala laau, e luhe iho la a pili i ka wai, kahi i noho ai, ua pa-haneri ia ae ka u'i ame ka nani o keia kii

"Pehea auanei e hiki ai ia'u ke pinana iluna o ke kumu laau? wahi a Leola me ka noke okoa ana ae i ka akaaka. "Ma ka'u ike, he nani maoli keia kii, me ko'u noho ole iluna o kela lala laau."

"Ae, he nani i'o no keia kii, alaila wale iho la no nae pau, aohe mea aku ma-o. Aiea kekahi mea i oi aku, mamua o ke pena ana i na kii nani."

Nana pono loa aku la o Leola maluna o ka haku opio no ka maopopo ole iaia o ka manao o na mea i kamailioia mai iaia, a ke ike aku la ka haku opio i ke kunana, o ke kaikamahine opio, a o ia ka Leola o ka pane ana aku:

"Ua oi aku mamua o ka nani ka'u mea e ike nei maloko @ keia kii. E nana ae no hoi kaua i na pua lilia, me he mea la, e lana okoa mai ana no iluna o ka wai, he ku maoli keia i ka nani, o ia no oe o ka lilia maoli nei."

"Aia he like ole nui, mawaena o na pua lilia i kahaia me na pua lilia moli. E nana aku oe i kela mau huihui pua lilia e luhe mai la," me ke kuhikuhi ana aku o ka Haku Baumona i na pua e hihi ana iluna o kekahi lala laau; e luhe iho ana iluna o ka ili o ka wai.

"E kakali maile iho oe pela, a e kii aku au i kekahi pua lilia nau, i ike ai oe, he oi pakele loa aku ka nani o na pua maoli, no ka mea aia he ola iloko olaila, a o na pua penaia ea he aka wale no ia, no kekahi mea kino oiaio maoli," o ka hele aku la no ia o ua haku nei, no kahi o ke kumulaau, a na pua lilia e hihi ana a moe aku la iluna o ka lala laau, me ke kikoo ana aku o kekahi lima on a, i ka pua lilia hou loa, o ka mohala ana ae no a iaia nae i huki mai ai i ka pua, ua haule aku la oia iloko o ka wai, i kau a mean o ka uaua o ka pua, aohe moku mai, iloko o kona ikaika i ka huki.

Aohe puai leo mai ka Haku Baumona mai, a kahea ma la hoi i mau kokua. aka ua haule aku la oia a komo kona kino iloko o ka wai. Ua manao o Leola e noke ae i ka'akaaka, no keia haule ana o ka haku opio aka iaia i ike mai ai aole he akamai o kela haku i ka au, ua holo okoa mai la oia no kahi o ke kumulaau me ka noke ana i ke kahea i mau kokua a iloko no hoi o ia manawa hookahi i moe okoa aku ai kona kino maluna o ka lala laau, a kikoo aku la kekahi lima iloko o ka wai me ka manao e hoopakele mai i ka Haku Baumona o ka mea apiki nae, aole he pa iho o kona lima i ka wai

Ua hele maoli a pau ke aho o ua o Leola me kona aneane no e haule aku iloko o ka wai, ua hoopuiwa loa ia mai nae oia i ka paa ana mai o kekahi mea ma kona mau poohiwi, a huki aku la iaia no kahi o ka mauu e ulu mai ana, ma kapa o ke kahawai a he ku-ho kana mea o ka lohe ana aku, aia hoi ua luu aku la ka mea nona na lima o ka hopu ana mai iaia iloko o ka wai a iloko o ka manawa pokole loa aia hoi oili ae la ke poo o ka Haku Baumona iluna a mahope mai on a, ke poo o Kikila Kinikela kela lunanui o ka aina hanai holoholona o ua o Leola.

Ua hele loa ke kaikaimahine opio a piha me na haawina o ke kahaha no kela hoea ana mai o ka hoopakele iloko o ka manawa i manao mua ole ia ai, aia oia ke ku maile wale aku la no nana aohe mea liiki iaia ke hana aku, a i ka hoi pono ana mai o kona noonoo maikai, aia hoi, ua kau ae la na kanaka elua ma kapa o ka lokowai, me ka hele ana mai o Kikila a apo ae la ma ka puhaka o Leola, me ka eeke ole ae o ke kaikamahine opio a i ole pale aku paha i kela lima i pulu i ka wai me ka pane ana iho:

            "Ua eha anei oe ia‘u E nonoi aku ana au i kau mau huikala ana mai."

            Nui iho la ka hanu o Leola a i ae la: "Aole au i eha," wahi ana. "Mai noonoo mai oe no‘u, aka no ka mea iloko o ka pilikia!"

            Owai aku auanei ia mea e noonoo ai?" wahi a ka Haku Batimona i pane mai ai, me ka leo malie, aia nae ma kona mau maka, ka hoihoi, iaia i nana mai ai maluna o kona hoopakele, a i mai la.

            "Ua hoopakele mai oe i kuu ola i keia la e lawe aku i ka‘u mau hoomaikai he nui ia oe", alaila pahola mai la oia i jona luna imua, no ka lululima pu ana me Kikila.

            Hopu aku la no hoi o Kikila i ka lima o ka haku opio me ka puliki ana iho, a i aku la: "Ina no paha aole au i hoea mai nei, e hiki ana no ia oe ke hoopakele ia oe iho," alaila noke okoa ae la oia i ka akaaka, me he wahi mea ano ole la kana i hana aku ai no ka palekana o ke ola o kela kanaka hanohano.

            "O oe wale no ka mea nana i hoopakele ae i kuu ola, no ka mea he eiwa kapuai ka hohonu o ka wai, ma kela wahi a‘u i ha‘ule aku nei iloko o ka wai; in a aole oe i hoea mai nei, in a ua make au, no ka mea aole he hiki ia‘u ke au. Pehea us hilahila anei oe, ke‘ae mai, no kou hoopakele ana i kuu ola."

            "Aole ia he mea hilahila," wahi a Kikila i pane akh ai, me ka mau no o kona puliki i ka lima o ka Haku Baumona. "He oiaio, ua pomaikai maoli kaua e elua, i ko‘u hoea ana mai i ka manawa pono loa, e hiki ai ia“u ke hana aku i kekahi mea nou e palekana ai."

            "No ka mea au i hana mai ai i keia la, ke makemake nei au e lilo kaua i mau hoaloha pilipaa loa mai keia manawa aku, ahiki i ka hopena o ko kaua mau la o ke ola ana ma ka honua nei, e ae mai ana anei oe i keia noi?"

            Kuemi mai la o Kikila ihope no ka mea ua hookahaha loa ia mai kona manao, no ke noi ana mai o kela kanaka i makihini loa iaia nei, e hooaikane laua, alaila pane hou mai la ka haku opio.

            "Malia paha ua kanalua oe no ka lawe ana aku ia‘u i hoaloha nou, no ka maopopo ole o ko‘u inoa. Owau ke keiki a ka Ela Hao, a o ko‘u inoa o ka Haku Bauimona."

            "O ka inoa o keia keonimana oia o Kikila Kinikela, ka mea nana i hoopakele i kou ola e ka llau Baumona," wahi a Leola in a ke ano, ola ka mea nana e hoolha keia keonimana nou, aka e lilo pu ana oia i hoaloha no‘u, ke ole oia e hoole mai i ka“u i noi aku nei iaia."

            "O Miss Dale keia lede e kuu haku, ka on a o ke Kakela Lome," i kaa aku ai hoi ma ko Kikila aoao ka hoolauna ana ia Leola. "Aole au he hoaloha no ka lede opio nei, elike me kau i manao ai, o ka mea oiaio je kauwa aku au malalo on a."

            Kilohi pono mai la ka Haku Baumona i ka oiwi kino kilakila o Kikila, me h=kona manaoio ole, he kulana kauwa ko ke kanaka nana i hoopakele ae i kona ola, me ka naa mai:

            "He kauwa anei oe?"

            "Ae, o ko‘u kulana oiaio maoli ia e kuu haku, o ke aloha no kou," alaila kaha aku la ua o Kikila e hele.

            "Aole i pau ka‘u kamailio ana me oe, e kakali iki iho pela no kekahi mai minuke," wahi a ka Haku Baumona eia nae, he kanaka o Kikila i maa ole i ka holoi, ma kana ma i manao ai e hooko aku, aohe on a hoolohe hou mai i ke kahea aku o ka haku opio, mamuli paha hoi kekahi o kona ike iho, he kulana kauwa kona, a he haku hoi keia, e kupono ole ai laua, e lilo i mau hoaloha.

MOKUNA 1X.

Alawa ino mai la ka ka Haku Baumona nana ana ia Leola, no kela nalowale ana aku o kona hoopkele iloko o ka nahele-h@le, ka mea hoi nana i hoopii ae i ka ula ma na papalina o Leola, a o ia ka ua haku opio nei o ka nainau ana mai:

"Ea, he kauwa anei ke kulana o kela keonimana?"

Luliluli ae ka ke poo o Leola, a i akua la: "Aole o'u manao, ua kapa aku kekahi poe iaia he kauwa oia ponoi no ka mea i noonoo iaia iho ma kela ano he kauwa. Oua ka lunanui nana e malama nei i ko'u aina hanai holoholona."

"Akahi no a maopopo ia'u eia ka he lunanui oia no kou aina hanai holoholona," wahi a ka Haku Baumona, me ka nana ana aku iluna o ka wai, e lana mai ana o ke kahawai, a pane hou ae la:

"He kilakila maoli ke ano ame ke kulana o kela kanaka opio! Ua kamaaina an i ke ano o na kanaka hanai holoholona apau, mai ka poe oo a ka poe opiopio ua okoa loa ko lakou mau ano, mai ko Mr. Kinikela mai. He kamaaina no anei oia no keia wahi o ka aina? Ina he mea malihini loa oia, alaila maihea mai oia i hele mai ai?"

"Ma ko'u manaoio, he kanaka oia mai Aukeke@aila mai," wahi a Leola o ka pane ana aku ma ke ano maopopo ole, oiai nae, ua @una iho la oia i ka mea oiaio loa no ka ike i loaa aku iaia no kahi i hoea mai ai o Kikila. ma kela kakahiaka mua loa, o kona halawai ana me ke kanaka opio.

"Ua kamaaina no au i kekai poe kanaka o Aukekeralia, he poe no i noho hana ma na aina hanai holoholona aole no nae i loaa aku ke ano o keia kanaka opio i kekahi poe o lakou, a o ia ka'u e olelo ae nei, i ke kupainaha maoli o kela kanaka a'u e manao nei aia kekahi meahuna pohihihi loa e pili ana i kona kulana oiaio maoli."

"Ke hoopay manawa wale nei no kaua ma keia wahi, ma ke kamailio ana, he mea pono e hoi koke oe e kuu haku i ka hale e wehe ai i kou mau lole pulu, o loaa auanei oe i ke anu," i pane mai ai o Leola, no ka hoololi ana ae i ka noonoo o ka Haku Baumona mai ka noke mau ana i ke kamailio  e pili ana no Kikila Kinikele.

"Ua pololei oe e ka le@e opio, ke ike nei au i ko'u anuanu." alaila kii aku la ka Haku Baumona i kana may mea kahakii, a houluulu mai la i kahi hookahi, a no ka nui loa o kana mau mea e hapai ai, pane okoa aku la o Leola:

"Ia'u aku kekahi ukana! E haawi mai oe na'u e hapao aku i kou noho no ka mea ua hele maoli oe a luuluu."

"Me ka mahalo a nui ia oe! Ua hiki no ia'u ke hapai i keia mau ukana apau, no ka mea, owau no ka mea nana i hapai mai i keia mau ukana, aole o'u hilinai i na kauwa he poe hoomaopopo oe lakou." o ka hapai ae la no ia o ua haku nei i kana mau ukana alaila e moe pololei ana no ka home o na makua o ka Haku Baumona.

Oiai laua nei e hoi maile ana, ua namunamu wale iho la no ka Haku Baumona iaia iho, me ka lohe o@e mai o Leola: "Ua kaokoa loa ke ano o keia kaikamahine opio mai ka nui mai o na kaikamahine. O ka hookano, ka haaheo, ame ka hookae, ka mea pipilipaa i na kaikamahine opio a'u i kamaaina ai, i keia kaikamahine nae. ua makemake oia e haawi mai i kana mau kokua ana ia'u," alaila kamailio okoa aku la oia me ka leo nui:

"E huikala mai oe ia'u e Miss Dale. ke ninau aku au, ua nana mai paha oe ia u a hoohalike i ko'u ano me ka puaa ea?"

"Aole he mea o kena ano iloko o ko'u noonoo a aole no a'u mea e noonoo nei nou e kuu haku. Heaha iho la auanei ke kumu a'u e kapa aku ai ia oe he holoholona?"

"No ko'u hele pu ole ana aku hoi me ko'u mau makua. ia laua i hoea aku ai i ke Kakela Lome, no ka ike ana ia oe. He wahi ano makai ole paha ia iloko o'u. a ua nana maoli mai no na kanaka apau ia'u ma ke ano he mea ike ole i na @ula maikai, mamuli mai keia o ko'u hui hui pu ole ana aku me lakou, iloko o ka lakou mau anaina hoohauoli.

"Ua kapa mai na kanaka opio ia'u, i ka lolo,. no ko'u hui pu ole aku me lakou, ma na hana hahai holoholona. aka e hoopau ana au i ko'u manawa. ma ke pena ana i ke kii o na manu ame na holoholona. No na wahine opio, aole au i lohe i ka lakou mau mea i kapa mai ai ia'u, me he mea la nae, u@ hele lakou a piha i ka hoowahawaha ame ka hoihoi ole ia'u aole no nae o u nana ia lakou no ka mea aole no o'u hoihoi kela poe wahine opio"

"Aia kaua a hoea aku i kou hale, e haalele iho ana au ia oe a hoomamao ia'u iho ma kahi kaawale loa." wahi a Leola m@ ka minoaka ma na papalina, no na olelo a ka Haku Baumona no k hoowahawaha o ua haku nei i na wahine opio.

"O kou kuleana ia, ke manao oe e hana mai ia'u pela: a@a nae, e hoomanao iho oe e Miss Dale, aole oe i komo iloko@ ka'u mau mea i kamailio aku nei no na wahine opio. E hui kala mai oe ia'u ua palaka maoli ko'u noonoo nou, no ka E@ loa paha hoi o ka'u mau hoomanao ana, no kekahi poe wahine aku."

"Alaila, ua hookaokoa anei oe ia'u, ma ka nui mai o a@ wahine opio au i kamaaina ai?" wahi a Leola, me ka minoaka ma kona mau papalina.

"Ae, no ka mea, ma kela manawa imua loa a ko'u mau mak@ i ike aku ai ia oe, ua komo koke ka makemake iloko o'u no@, a i kou wa i kamailio mai ai, me ka leo oluolu, ua i ok@ maoli iho no au iloko o'u in a oe he kane, e lawe mai no a@ ia oe i hoaloha no'u."

"Ke kaumaha loa nei au, no ko'u lilo ole ana i kane a o @ ka'u e noi aku nei ia oe, e huikala mai ia'u," wahi a Leola, m@ kona u@mi aua iho i kona akaaka.

"E manao mai ana paha oe, he mean naaupo au, no ko'u k@ mailio ana aku nei i ka'u mea i nonoo ai. Ua haawiia mai k@ olelo ia kakou i hiki ai ke hoike ia ae na mea iloko o ko kakou mau manao, a uo ko'u huna ole i ko'u mau manao, pela ih@ la i kuikahi ole ai ka nui o na kanaka me a'u."

Ma kela wahi o ka laua nei mau olelo, hoea aku la laua i k@ hale, a ia wa i holalau aku ai o Leola i kana kamailio ana.

"E hoi koke oe e wehewehe i kou mau lole pulu i keia manawa, o loaa auanei oe i ke anu."

"Aole au e ae aku ana e hele ahiki i ko hooia ana mai ia'u o oe pu kekahi e komo mai iloko nei o ka hale, a e hoomakahiki oe maloko o kuu keena kahakii oiai ua ike au ua maluhiluhi oe i kela hele ana mai nei a kaua."

"Ae, ua pono i' kela, e komo aku au noloko o kou k@ kahakii, e hoomaha liilii ai. mamua o ko'u hele ana aku e huli i ka nui o ko makou poe," o ka ukali aku la na ia o Leola mahope o ka Haku Baumona, me ko laua pii ana aku ma ke alapii e hoea aku ai no ka hale maluna.

Oiai nae laua nei e pii ak uana ma ke alapii, ua halawai aku la laua nei me ke kauwa lawelawe a ka Haku Baumona. e ih@ mai ana ilalo. a iaia i ike mai ai i ka pulu o na lole o kona haku aole oia i kamailio wale mai, no ka mea he rula paa ka i haawiia i na kauwa apau, aole lakou e hokeike wale ae i ke kahi mau ano kahaha no ka lakou mea e ike ai i ka haky opio no laila ua huli hoi hou la ua kauwa nei iluna, mamuli o kona ike ana iho ua makemake kona haku iaia, no kana mau mea e kauoha mai ai. ke hoea aku no kona rumi. 

O ko laua nei pii maile aku la ia ahiki i ka papahele elua huli mai la ka haku opio, a i mai la ia Leola: "Maanei mai kaua aia ma kela kihi kahi i waiho ai o ko'u wahi keena kahakii.

Ke ukali pono mai la o Leola mahope o na kapuai o ka haku opio me ka hele no hoi o ka papahele i wanikiia a pulu i ka wai, he mea ole no nae ia i ua haku nei no ka mea oia no ka haku maluna o kela home aohe ana mea e hopohopo iho ai a o kekahi no hoi ua makemake nui oia e alakai aku i kana malihini e ike i kona keena

Ia laua i hoea aku ai waiho iho la ka Haku Baumona i kana mau meahana kahakii ilalo lalau ae la hoi i kona papale kapu a kiola aku la iluna o ka papahele me ka pane ana mai ia Leola:

"Ua maopopo ia'u. he mea makemake nui oe e ike i na kii maikai aia he mau kii lehulehu maloko nei o ko'u keena, ua hiki ia oe ke nana i kela mau kii oiai au e hele aku ana e komo i lole hou no'u. Aiea no he piano ke ku mai la ma ke kihi a he mau pila e ae no kekahi malaila ua noa na mea apau oloko o keia reumi ia oe o ka;u wale no e nouoi aku nei i ko@ oluolu mai holo hoi oe ia'u ahiki i kuu hoea hou ana mai."

"Aole au e haalele i keia keeua @hiki i kou hoea hou ana mai wahi a Leola me kona akaka okoa ana ae no kona ike aku ua makemake maoli kela haku opio iaia.

A'ole no au e loihi loa aku, o ko'u hoea hou mai no ia." @ ka haalele mai la no ia o ka Haku Baumona ia Leola, a kom@ aku la ma kekahi rumi, e pili kokoe mai ana me kela keena. me ke pani hou ana mai i ka puka a paa.

I kela noho hookahi ana iho a Leola maloko o kela keena. lalau aku la oia i kekahi buke kii e waiho ana maluna o k@ pakaukau, a hoomaka'aku ia e nana, a ke ike la oia, he ma@ kii kekahi i kaha maoli ia e ka haku opio mamuli o ke kau o kona inoa malalo o kela mau kii a na kekahi poe okoa aku no hoi kekahi mau kii he mau kii nani wale no e loaa ole au na hoohalahala ana.

I ke pau ana o na kii maloko o kela buke iaia i ka nana. ka okoa ae la oia iluna a hele aku la e nana i na kii e kau ma@ ana ma na paia. aia ka mahalo ame ka hoohihi iloko on a, a@ ke ku maoli o kela mau kii i ka nani, ana e ike la, aole e hiki ke loaa mai kela mau kii, me na dala liilii, aka me na kumu kuai kiekie wale no.

I ka pau ana o kona hoihoi i ka nana i na kii, hoohuli ae @ oia i kona noonoo no kahi o ka piano e waiho mai ana. a oia o ka hookani piano kekahi o kana mau hana akamai loa, i h@ kaila no a noho pono iho oia ilalo o ke kapalili aku la no ia kona mau manamanalima. iluna o ka papaki o ua piano nei mamua o kona paani maoli ana aku i kekahi mele. oili mai la ka Haku Baumona iwaho, e komo ana oia i kekahi paalole hou oia nae, ma ke ano o kona lauoho ke nana aku, me ka pupua hulu loa oia i komo mai ai i kona lole, a i kahi ai hoi i ko@ lauoho, me ka maloo pono ole no o ka wai.

I kela ike ana aku o Leola i ke komo ana mai o ka Haku Baumona. manao iho la oia e ku ae iluna, ua kau e mai la nae ka lima o ua haku nei iluna e pane mai la: "E hoomau aku i ka noho ana ilalo." wahi ana, me ka awiwi ana mai ahiki m@ kahi o ka piano. kukuli okoa iho la iluna o ka papahele, me I lollelole ana ae i kekahi mau pepa mele e waiho ana.

"Ua makemake au e hoikeike aku ia oe i kekahi mele kahiko loa o ka loaa ana ia'u, maloko o ke keena waiho buke. Pehea he hiki no nae paha ia oe ke himeni ea"

"Ae. aole no nae i ka nui loa." wahi a Leola, me ka hook@ palili ana aku o kona mau manamanalima i na ki o ka piano me ke ku ana ae o ua haku nei iluna a waiho ae la i ka p@p leo mele mamua o kahi e kauia ai o na mele, me ka pane @ ana mai:

"Ua hoao no hoi au e himeni. i keia mele, aole nae he he@ pono i kau a mea o ke kiekie, malia aole i kiekie loa keia hipu ni i ia oe."

"Ina ya kiekie loa aku la ia oe ea. alaila aole no e hiki a@ ia'u ke himeni no ka mea he haahaa no ko'u wahi leo." ala hoomaka aku la oia e hookani i na huamele i hookaawaleia ka piano a i ka hoea ana mai i kahi e himeni maoli aku o ke kani aku la no ia o kona leo mai ka mua mai ahiki i pau ana o ka pauku ekahi.

O kela kekahi o na himeni kahiko loa, i paanaay i na @ hine a na kanaka lawai'a a o ka lakou mele ia e himeni ai ka hoonana ana i ka lakou mau bebe. oiai e kakali ana o la hoi mai o na waapa lawai'a.

I kela hooki ana iho o ka Leola himeni ana aia ka minoaka ma na papalina o ka Haku Baumona a o ia kana o ka pau ana mai: "He keu aku ka u'i ame ka nani o kou leo i ka l@ meni. E hoomau aku i ka himeni ana ahiki i ka pauku he@ loa. me he mea la ua hiki ia'u ke ku aku maanei a hoolohe oe i ke ao ame ka po, me ka molowa ole."

(Aole i pau.)