Ka Nupepa Kuokoa, Volume LVIII, Number 47, 19 November 1920 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

HE MOOLELO NO

Elese, ka U'i Nohea i Liliia

A I OLE

Ka Ipo Aloha a ke Kanaka Waiwai

 

            "Na na lani e kiai a e malama mai ia oe," wahi a Hale, a no kona mano o kona noke mau mai i ke kamilio oia ko Elese mea e hoomau aku ai i kana kamilio ana, o kona huli aku la no ia hele, mahope o ka hopu ana ae i kona papale ame ke kuka.

            Ua holo aku la o Elese mahope me ka manao e loaa aku ana o Hale eia nae, ua pupuhi e aku la kai o Ukoa, a ke loheia aku la oia i ka halulu o ko Hale mau kapuai wawae maluna o ke alanuipii.

            "O ke loha po no kou, e kuu kane aloha!" i kahea aku ai o Elese mahope, aohe nae on a lohe aku i ko Hale leo no ka mea ua mamao loa aku la oia ma ke kihi o ka hale.

 

MOKUNA XXXIV– Ke Aloha o ka Makuakane.

 

            I ka hoea ana aku o Hale i ke alaloa, nui iho la kona hanu, elike me ia a kekahi kanaka e hana iho ai, i kona manawa e pakele ai i kekahi pilikia nui, a no ka mea, elike me kona noho mau aku mamua o Elese, pela no ka hookikina ae a ka makemake e hooko koke aku oia me ke kali ole a e akeakea mau ae ana no hoi ka lunaikehala o ka pono "mai hana aku oe ia hewa." O keia no kana i olelo iho ai iaia iho ka hakaka hahana mua loa iloko o na la o kona ola ana.

            I kona lanakila ana nae maluna o na mapao kuko hewa a hoowalewale apua no hookahi manawa ua lilo ia  mea hauoli nona, a ua hooholo iho oia iloko iho on a e lilo ia i rula paa mau no kona ola ana ma ia hope aku, oia hoi e hoao mau oia e lanakila kona mau manoa hoopono maluna o no manoa hoao e hihiia ai oia a lilo kona inoa makai i mea ino e hilinai ole ia mai ai e na kanaka.

            No ka manawa mua loa iloko o kona ola ana akahi no oia a ike iho o ko ha'i pono kana e nana mua aku mahope kona iho.

            Ua hele aku la oia me kela manao ikaika e loaa aku ana iaia kekahi kaalio ma kahua, ua hookokaia nae ia manao on a i kona manawa i hoea aku ai he neo wale no kahua, aohe wahi kaalio hookahi e ku mai ana, ano ka mea, ua aumoe loa no kela manawae hiki ole iho ai iaia ke manao e noho ana na kanaka kahukaa a hoea ia manawa.

            Ua hala kekahi wahi loihi iaia o ka hele ana aku mamua o kona ike anan aku i kekahi kaalio, o kona hele aku la no ia a ee maluna o ua kaa la a kauoha aku la e lawe iaia i ka hale o kona makuakane M. Venona.

            Ia Hale i hoea aku ai i ka hale o ka makuakane aohe e kala oia i hoi ai e hiamoe, elike no me kana i upu mua aku ai eia nae aole oia i hoohakalia i ka hele ana aku i ka rumi e moe mai ana o ka makuakane a hoala aku la iaia i ka i ana aku:

            "No ka hiki ole ia'u ke kakali a kekahi manawa aku, pela iho la au i hoea mai la imua ou, oiai ka manao maikai e mau ana iloko o'u. E pono au e hoike aku i ko'u oiaio imua o Elese ke kaikamahine a'u i aloha ai."

            I ka halulu ana aku o kona mau kapuai wawae ua puoho mai la ka makuakane me ke kahea anan mai:

            "Owai keel? Ileaha kou makemake o ka hele ana mai ianei i ka manawa o ka po elike me keia?"

            Owau no keia e papa; mai hoohikilele oe i kou noonoo." i pane aku ai o Hale.

            Ala ae la o Venona a noho iluna o ka moe, me kona piha i ka haalulu no ka piha maka'u i nei mea o ka hoea ana aku i ka hale i kela manawa o ka po, me kona kuhihewa maoli he kanaka aihue la o Hale o ke komo @ana aku.

            "heaha keia manao nui ou e Hale o ka hoea ana mai la i nei manawa o ka po? Ua huaiia ae anei ko'u hewa imua o ke akea?"

            Ia Mr. Venona e kamailio mai ana naka e wale ae la no ko Hale kino ia manawa, a pane aku la nae i ka i ana aku me ka maikai:

            "Ao@e ia o ke kumu o ko'u hoea ana mai la ianei i keia manawa, he kumu okoa no. I hoea mai la ua imua ou mamuli o ka haehaeia o ko'u naau e na manao uluku like ole a ua manao au he mea pono e hanaia kekahi hana i mea no'u e hoopakeleia ae ai mai kela karaima mai."

            "O, maikai wale oe, e kuu keiki!" i pane mai ai ka makuakane. "Ua lilo io anei ko'u komo aku iloko o ka pilikia i mea hoouluku loa i kou noonooo?"

            "E kuu makuakane aohe au i noonoo nui i kekahi mea e pili ana nou ame kou pilikia elike me ke kupono o ia mea a'u e hana aku ai nou, ua liiliii loa ko'u noonoo no kou pilikia a ke ike nei au i ko'u hewa loa, owau no ka'u i noonoo iho ame ko'u pono, koe hoi oe. No ko'u pilikia no au i hoea mai la imua ou i keia manawa a e kala mai oe ia'u no ka hele ana mai la e hoala i kou hiamoe i nanea, ake i lohe mai nae oe aohe hiki ia'u ke kali i nei manao a kekahi aw okoa aku."

            "Aohe no ia he mea kamahao ia'u kou noonoo mua no kou pono wlae iho no me kou noonoo ole mai no ko'u pono pu kekahi, oia no hoi ka hewa  o ka poe opio, aole ia oe wale aw la no aka i ka hapanui no o na keiki. Aka nae, in a paha oe i nana wale iho no no kou pono aole paha oe e hoea mai ana ianei i keia manawa. Heaha keia pilikia nui" @

            "E hike ak uana au ia oe me na huaolelo liilii loa e papa. No ka koopakele ana ae ia oe mailoko mai o ka pilikia i noi mai ai oe ia'u e mare aku au me Mabela Harisona, aka e hoike aku ana au ia oe i nei manawa aohe o'u makemake o kela kaikamahine kookano ka'u wahine."

            Kahaha! O ko'u alahele wale no ia e pakele ai, aohe alahele e ae, e Hale, a ma ko'u noonoo ana o ke alahele maalahi a maikai loa wale no ia, aohe alahele hou ae. Mareaku oe iaia, a e ike ana no oe e kaawale aku anan ka pilikia mai a'u aku: o ko kaua lanakila maluna o ka pilikia oia ka mea nui au e noonoo iho ai aole o ke kulike ole o kela kaikamahine me kou makemake."

            O e papa, ua hoowahawaha loa au iaia me ko'u konakoua loa. Aole hiki ia'u ke hoomanawanui iho i ka noonoo ana o kela kaikamahine aku ana ka'u wahine e mare ai."

            "Ke maopopo ole aku la kela la i ko'u manao, e Hale," i pane mai ai ka makuakane. "A pehea, makemake no anei oe e koi mai oia ia oe ma ke ano au e makemake ole ai. Ina e noonoo iho ana eo ine ke akahele e ike iho ana no oe i kou hilihewa loa."

            "O e papa aole au e ike ana i ko'u kuhihewa a no ka mea ua maopopo ia'u ka mua ame ka hope o ia mea, a o kekahi i ha'i kau au ia oe he mea okoa no ka'u i aloha na'u a ke lilo aku kela kaikamahine i kekahi kanaka okoa, e kuapupule ana au no ke aloha iaia.

            "E papa, i hoea mai la au imua ou i nei manawa no keia kumu" Aole hiki ia'u ke loaa ka maha ahiki i kuu halawai pu ana me oe a kukakuka pu kaua no keia kumuhana, a o kekahi kumu, malia he kumu maikai no hoi kekahi ma kou aoao e hoopaeleia ae ai. E hana aku ana au i na mea apau e kokua aku ai ia oe, e papa, aku ana au i na mea apau e kokua aku ai ia oe, e papa, aka, mai noi mai nae oe ia'u e kiola au i kuu hauoli hookahi wale no o keia mua aku."

            "E Hale, kuu keiki heaha la kau mea e kamailio mai nei ia'u? Aohe maopopo aku ia'u o kou manao la?"

            Ke ike mai la ka makuakane aohe hoololi ae o Hale i kona manao ame kana kumuhana, a ke ike pu mai la no hoi i ka piha o Hale i ka huhu. Aohe alahele e ae a ka makuakane e ike iho ana nona iho e pakele ae ai laua a elua mailoko mai o ka pilikia, o ko Hale mare wale aku no me Mabela.

            "O ka oiaio wale no kia a'u e olelo aku nei ia oe e kuu makuakane," i pane aku ai o Hale me ke aloha kuio. "Ua aloha au i kekahi kaikamahine okoa, o kona wahi waiwai wale no oia kona aloha oiaio no;u ame kona u'i.

"O ko'u manao ma o ka mare ana aku ia Mabela no ka hoopakele ana ae no ia ia oe mai ka pilikia koikoi ae e kau mai ana maluna ou alaila holo mahuka me ke kaikamahine a'u i aloha ai; aka i ka manawa i waiho mai ai kuu mea aloha i kona ola ame kona palekana malalo o ka'u hoopakele ana aku, he kaikamahine i apuhiia malalo- o kekahi hana hoopunipuni ino loa i hanaia aku e kekahi kanaka ino maalea loa, ua ala ku-e ae ko'u naau i ka hana aunia, a ua holo mai la au mai iaia mai."

            "E Hale no hoi, kuu keiki, he mea oiaio anei ia?"

            "He mea oiaio wale no. Ua pakele mai au mai ka hewa ino loa mai a kekahi kanaka e haulehia ai i ka hewa, a ia'u i nana aku ai ihope he mau hora kakaikahi mhope iho o ka'u mea nae o ka haohao aua iho, pehea la ke Akua i hahau ole iho ai ia'u a make no ka aa ana e nana aku me ka naau maemae ole i kekahi o kona mau anela.

            "E kuu makuakane, aohe anei he alahele e ae e hoopakeleia ae ai oe koe wale no a mare aku au ia Mabela Harisona?"

            "E hoike mai ia'u i na mea apau e pili ana i kou pilikia a mai huna aku oe i kekahi!" i noi aku ai o Hale. "E hoike mai ia'u i ke ano ame ka nui o ka pilikia e kau mai ana maluna ou, malia he alahele no hoi paha kekahi e hoopakeleia ae ai oe.

            "Aia a lohe aku au malia e ike aku ana no hoi paha au i kekahi alahele e hoopakeleia ae ai oe, he alahele i loaa ole i kau noonoo ana. Ua mapopo no ia'u , a no kou noonoo nui loa no ko'u pono malia ua hoopouliia kou noonoo a loaa ole kekahi mau alahele e puke laelae aku ai oe.

            "He makamake au ia oe e ike mai i keia aohe o'u maka'u a hilahila iho hoi ia mea he ilihune. He oi aku ko'u pomaikai e hooikaika au i ko'u pono o ke ola ana ma o ka hana ana me ke kipikua ame ke kopala a e pili mau mai hoi  kua mea aloha ma kuu aoao, kuu wahine i mareia me ke aloha, mamua o ka noho anan iloko o ka waiwai ame ka hanohano a lilo aku oia mai a'u aku.

            "Nolaila, in a no ko'u pono kou kumu o ka makemake ana ia'u e mare aku ia Mabela, ke noi aku nei au ia oe e hoihoi hou mai oe i ka'u hoohiki a e hookuu mai oe ia'u e hakoko hookahi aku me na popilikia o keia ao, me ke koe o kuu aloha kuu ikaika ame kuu ahonui oia mau mea wlae no ko'u kumuwaiwai.

            He mau olelo keia a Hale o ke kamailio ana aku la i kona mauakane a kona makuakane i lohe ole ai mamua, a he mau olelo no hoi na Hale i noonoo mua ole ai.

            Aka nae, oiai na huaolelo o ke aloha i oili aku la mai kona mau hookekieia ana ae he haawina i loaa ole iaia mamua, me hi mea la o ka nani o ka inoa maikai ame ka oiaio ka mea i hoopihaia iho iaia.

            "Ua ike oia ia manawa i ko Elese palekana mai iaia aku, me ka nana ole aku i ka hopena e hiki mai ana, a i kona nana iho no hoi iaia iho elike me kaoi aku o ka maemae o kona naau pela ka oi aku o kona mana e hoomaul i kona aloha hiki ole ke aua iho.

            "E Hale," i pane mai ai ka makuakane me ka leo liilii, "maihoopunipuni oe ia oe iho. Ua ike au aohe alahele e ae a'u i ike e hiki ai ke hoopakele ae ia'u nolaila aole au e noi aku ana ia oe me ka noonoo ole e hoopoino i kou ola no ka hoopakele ana mai ia'u.

            "No ka mea ke makemake nei au i nei manawa e like no me ia a'u i makemake mau ai e loaa ia oe ka hauoli ma ana. E haawi mai ia'u i mau pule kakaikahi a mahope aku alaila hana kau oe elike me kou makemake."

            Oiai o Hale e holohe aky la ke kau e wale la no ka weliwlei iloko on a. Ua maopopo iaia ka nui o ke aloha o kona mauakane iaia a ua hoomaopopo pu iho no hoi oia aohe mea ana e hana ole mai ai no kona pono.

            Ma na olelo a ka makuakane o ka pane ana mai me he mea la i kana hoomaopopo aku e hoolala ana ka makuakane i kekahi hana e make ai oia iloko o kona mau lima ponoi.

            "O kau anei e noonoo la oia kou lawe ponoi ana ae i kou ola?" i nui aku ai ka leo o Hale. "Aole anei ou manao oia hana au e lawe aku ana ia i ka hauoli mai a'u aku?

            "O aole eoe e hana ia mea, e kuu makuakane," wahi ana o ka pane ana aku me ka manao koa, "in a aohe au alahele e ae e palekaua ai oe ea, aole hoi he manaolana ana aku i koe no kou pakele mai kela pilikia mai, alaila, e mare i'o aku ana au ia Mabela. Na'u e hoike aku iaia, oiai nae ua ike mua no oia ia mea, oia hoi aole o'u aloha iaia, a ia manawa e mare aku ai au iaia."

            "O e kuu keiki a ke koa nui wale?" i hooho mai ai ka makuakane, "ke ike nei au i ko'u hewa; in a e poino ana oe, alaila mamuli o ka'u hwea i hana ai ia poino ana ou, oiai nae he hewa ia a'i i hana ai me ka manao e hopomikai nui ia mai ana la hoi oe.

            "Aole i loaa ia'u ia manao i ka manawa mua, aka nae ua ike au e lilo aku ana kuu mau waiwai apau mai kyy mau lima aku, a na'u ponoi no i kakau i ka inoa o Paulo Harisona ma ke ano apuka maluna o ka palapala me kuu manaoio e hiki ana no ia'u ke uku aku mamua o ka hiki ana mai o ka manawa, a ma ia ano e pakele ai au. I keia manawa nae ua lohi loa: ua hala ka manwa kupono."

            "Ehia ka nui o kou aie e papa? Ehia ka nui o kau mau dala i nei manawa? Malia paha e kihi ana no ia'u ke hele aku e aie dala i kekahi poe no ka koohaa ana aku i kela aie ou mai kekahi mau hoaloha mai o kaua. He nui no hoi na Hoaloha o kaua a he pie waiwai a lokomaikai wale no lakou." wahi a Hale o ka hoolana ana aku i ka manao o ka mauakane.

            "O ka lokomaikai he lokomaikai ia, aole nae ma ka aie ana. E Hale, o ka mea oiaio keia a'u e hoike aku nei ia oe, he mea pono e loaa mai ia'u i hookahi haneri kaukani dala mamua o ka pau ana o ka elua mahina.

            "E pono e loaa mai ia'u i iwakalua tausani dala mamua o ka hala ana o ka manawa aka nae no ia huiua ua hiki ia e loaa mai a Mokana mai ka mea nana e malama ia huina elike me ka loihi ana e ike ana e mare aku ana oe ia Mabela."

            "O Mokana!" i pane aku ai o Hale me ka piha i ka huhu.

"O kela kanaka iho la anei nana i hoolala i kekahi hana ino e hoohaumia i kuu mea aloha oia kau e hilinai aku ai? Oia ke kumu a o ka mole o keia mau pilikia apau. Ea e papa aole anei oia kekahi e hana mai nei i kahi hana i mea nou e poina ai?"

            "Ma on a la i hoomaka ai au e hoopukapuka i kela mau dala a'u i aie ai, nana i alakai hewa ia'u a aie ai au."

            "A, pololei oe. A oia no ke kanaka @ua nana au i a'u i nei mea he hana hewa, ka ino rama ame na hana haumia a epa e ae. O, he kanaka lapuwale loa kela i kuu mano.* Mai puni hou aku oe iaia. Oia kekahi o na kanaka alakai hewa loa. E hele aku ana au imua on a i nei manawa a koi aku iaia e hoopakele ae ia kaua mailoko ae o keia hilahila nui. He kanaka hohewale oia a he kanaka hookamaui. He maikai@oia inawaho he ilio hihiu hae nae waloko."

            He kanaka piha akamai a maalea loa oia a in a elike me kau i olelo mai la pehea ana oe e lanakila ai maluna on a? Aole anei ou manao ua hoolala oia ia mea me ka makaala loa no na poino e hanaia aku ana maluna ona?"

            "E hoao aku ana au e hoopuhili i kana mau hana apau i hoolala ai. E hele aku ana au imau ona i nei manawa me keia aumoe no, a e hoike aku ana au iaia ua anaia e a'u ka hohonu ame ke kiekie o kana mau hana lapuwale apau."

            "E makaala loa oe i kau kamailio ana aku iaia e huhu ole ai oia a e hoohuli ole ia ai oia i enemi ino loa no kaua, o huli mai auanei oia a hana mai i ka mea no kaua e poino ai.

            "O ka oi aku o ka maikai e ae mai oe e lawe ponoi ae au i ko'u ola oiai ia elemakule no au, a ma ia kumu e palekana ai au a pakele pu me oe mai ka pilikia mai e kau mai ana maluna o kaua a elua."

            "O aole? e hoohiki mai oe imua o'u i nei manawa aole oe e hana aku ana i kekahi hana naaupo e hopookoleia ae ai kou mau la, o haalele ole iho auanei au ia oe hookahi maloko nei o ka hale. E hoohiki mai oe imua o'u e papa aole oe e hoopoino ana i kou ola!"

            "Eia ka'u kauoha ia oe, e hoi hou mai oe imua o'u a hoike mai i ka olua mea i kamailio ai me Mokana, oia ana anei? E ae mai oe."

            "E hoi hou mai ana au a hike aku ia oe i na mea apau a maua i kamilio ai."

            "Ina pela, e hele oe a ke hoohiki kau nei au imua oe aole e hoopoino ana i ko'u ola. E makaala loa oe i kau kamilio            ana me ia. E akamai oe ma kou aoao i kau kamailio ana me ia, no ka mea ua lohe mua aku nei oe he kanaka iho oia ke hihi," wahi a ka mauakane.

            "Elike me kau i makemake mai ai ia'u e hana aku pela no au e hana aku ai no kou pono, e kuu makuakane," i pane aku ai o Hale.

 

MOKUNA XXXV–Ka Halawai Ana.

 

            Me ka ikaika o ka manao i loaa ole ia Hale mamua pela oia i haalele iho ai i ka makuakane a hele aku la me ka paa o ka manao e halawai me Isoepa Mokana maloko o kona hale.

            Oiai oia e hele ana me keia manao iloko on a aia pu iloko on a no hoomanao no kana ipo aloha. Elese, oiai oia e poho hookahi mai ana maloko o kahi hale o laua e hoopuniia mai ana e na hale e ae, kahi e noho mai ana o kekahi poe noho kapakahi.

            Oiai oia e noonoo nui ana no kona hoaoia mai e hoowalewale e kekahi poe ana i ike ole aku ai, ke noonoo pu la no nae oia aole o Elese he kaikamahine punihei wale e hoopoinoia mai ai oia, a me ia noonoo ua hoolana loa ia ae la koua mauao me ka hauoli pu.

            "Ua pupule paha au, pela ko'u manao," wahi anaiaia iho, "aka, in a e haawi mai ana na lani i kona lima ai'u make ano he wahinamare oia na'u, e hoao no au ma na ano apau ma nei mua ake e hooiaio ia'u iho he kanaka e hike ana i ko'u kupono e malama mau aky iaia."

            Mamua o kona pii ana aku noluna o ka rumi o Mokana, hooikaika iho la oia iaia iho e hoopau ae i kona mau manao pihoihoi, oiai ine na manao maikai wale no oia e kamailio aku ai ia Mokana, ke kanaka ino i imi mai e hoopoino i kona inoa maikai ame kona ola, a o ke kanaka hoi ana ukiuki loa ana ia manawa. U paa kona manao ia manawa e paio aku me ke kanaka ino me kona noonoo i hoopohihihi ole ia mea kona mau maka hoi e aa pono aku ana.

            Iaia i hoea aku ai mawaho mai o ka rumi o Mokana ua lehulehu kana mau leo halulu kana o ka nakeke mai maloko o ka rumi. He mau leo halulu kana o ka lohe ana aku, a liuliu, weheia mai ana mai"

            "Owai kela mawaho?"

            "Owau no keia o Hale Venona. He makemake loa au e kamailio pu me oe i nei manawa maluna o kekahi kumuhana, ke ae oluolu mai nae oe."

            Ia lohe ana mai o Mokana i nei pane ana aku la a Hale, pupuku ae la kona lae a inoino ae la kona mau maka oiai ua maopopo iaia he hana ano nui ka Hale o ia hoea ana aku la ia manawa o ka po, a i wale iho la no iaia iho:

            Ua lilo o Elese i ka mea okoa oia ko Hale kumu o ka hoea ana mai la ianei i nei manawa o ka po e ike ia'u no ke kokua ana aku iaia. "I ka nana aku ua holopono ka ka elemakule Harisona kaili ana ia Elese a me he mea la aia o Elese me ia i keia manawa."

            Wehe malie mai la oia i ka puka me ka mamao loa aku la o ka makehiamoe mai kona mau maka aku. Ia manawa ke noonooo la oia i kana mea e hana mai ai a e pono e hanaia ia a holopono.

            "O, e kuu keiki," wahi a ua o Mokana p;iha maalea, "heaha nei hana nui au o ka hoea ana mai la ianei i nei manawa o ka po?"

            "Heaha mai hoi auanei kau, he makemake au i kau kokua oia au i hoea mai la a hoouluhua aku i kou hiamoe ua nanea," i pane aku ai o Hale.

            "Ua ike no oe i na manawa apua i hala aohe au mea i noi mai ai ia'u i nele ka hookoia aku o kou makemake, nolaila ia oe i hoea mai la ua makaukau mau au e haawi aku i na kokua ia oe, ina ka mea hiki ia'u kokua aku, "i pane mai ai o Mokana me na olelo maikai, alaila kon mai la ia Hale e komo aku, ahuli aku la oia hele a mahope no hoi o Hale o ka hahai ana aku, a i ke komo ana aku iloko o ka rumi hookipa hoa ae la i ke kukui i malamalama oloko o ka rumi.

            "I aha ko kaua, i barani anai a i ole i wahi waiseke paha? Aia i kau mea e makemake inai ai. I ninau aku la au i keia no ko'u poina iho la i kau lama makemake loa."

            Aohe a'u hoohalahala ana ke loaa mai, ua like wale no ia mau lama ia'u. Eia wale no ko'u makemake o ka loaa ae o kekahi mea nana e hooikaika a e hoomalamalama ae i ko kaua mau noonoo poluluhi, i maikai ka kaua mau olelo e kamailio ai."

            Mahoep iho o ko lana inu ana ae i na kiaha lama o laua i aku la o Hale me ka hoohakalia ole, "eia no ko'u manao o ka hoea ana mai la imua ou i nei manawa o ka po e hoouluhua ia oe, he makemake au i kau kokua no ka hoopakele ana ae ia'u mai ka mare ana aku ia Mabela Harisona a no ka mea, ua maopopo ia oe, elke me ia a'u o ka hoike ana aku ia oe, ua hoopalauia au me Mabela, a i kumu e hoopauia ae ai ko maua mare e imi mai o oe i ke alahele e kaawale ae ai u mai iaia mai."

            "Pehea ana la e hiki ai ia'u ke kokua aku ia oe, e Hale? A eia no hoi kekahi, aohe au manawa i hoala ai ia'u i ke aumoe mamua aku nei elike me keia. O keia iho la no anei kou manao o keia hoea ana mai la au ianei?"

            "O keia wale no. Mai ka hale mai nei au o kuu makuakane, a imua  ona i hoike aku nei au i ko'u manao no ko'u makemake e hookaawaleia mai a Mabela mai: ua hoike aku nei au iaia i na mea apua a koe hoi e nolaila he mea pono e lohe aku oe i ko'u manao.

            "Eia hou ua ike no au o oe wale no ke kanaka i hiki e hunakele loa i kona hewa mai ka ikeia ana mai e na kanaka o ke ao he karaima hilahila loa hoi ana i hana ai, ina no ka huaiia ae o ia hewa imua o ke akea, a nolaila, i nalo ai hoia ia hewa e oluolu oe e hoakaka mai i kou manae no ka mea, aia iloko o kou mana kona plaekana, a aia no hoi iloko o kou mana kona poino."

            "Auwe, ia'u nei e Hale?"

            Ae, ia oe; nolaila mai hoole mai o i nei noi a'u ia oe; mai hoike mai oe i kou manao hookamam elike me kau hana o ke kahi mau manawa aku nei i hala aka o kou manaoio hana maoli ka'u e koi aku nei," whai a Hale me ka piha huhu loa.

            "Aia iloko o kou mana kona palekana, a aia iloko o kou mana kona poino a he makemake au i kou uku no kau kokua a mai hoole mai oe i nei noi a'u."

            He mau olelo ikaika loa keia i ko Mokana manao nolaila i kona lohe pono ana aku la nau iho la oi i kona mau ku'u a mai ku'i a mai ku'i mai paha oia ia Hale ia manawa aka uumi wlae iho la no nae oia ia inaina iloko a no keia kumu no ina hoi oia e ku'i ana a o ka hope e hakaka ana laua a owai ana la o laua ka mea e eha ana, a o ka hope aku e ku aku ana laua imua o ka luna kanawai he hana hilahila loa ana o ka noonoo ana iho.

            "Ke kamailio mai nei oe, e kuu keiki, ma ke ano olalau," i pane mai ai ua o@Mokana me ka mahe  loa. "Aohe mea hiki ia'u ke hana aku nou kookahi wlae no oia ke a'o ana aku ia oe i kau mea e hana ai."

            "Ae  e a'o mai i ko'u mea e poino ai ea a e nele ai au i na pomaikai apau o nei ola ana. Oia anei?

            "Ua hala ka manawa au e hiki ai ke alakai hewa hou i kuu noonoo i hana aku ai au i ka mea ku'e i ko'u lunaikehala. Ke hoomaikai ae nei au i na lani no ko'u haulehia ole ana iloko e ka hewa e haumai ai ku inoa ame ka mea a'u i aloha ai mamuli o kau hoowalewale ana. I ha'i aku au ia oe ua like ko Elese maemae me na anela o ka lani a aole loa oa e lilo ana i ma hoohaumiaia a e lilo ai hoi i pio nau aka e lilo aku ana oia i wahine mare ua'u ma kahi o Mabela Harisona."

            Mamuli o nei mau  hoakaka a Hale ke ike iho a o Mokana aole ka paha o Elese i kailiia e Harisona a i ole e kana kauoha paha. Hooka@aaho wale ae la no nae oia i ka i ana mai he hopohopo ole o ko Elese laweia ana aku e Harisona. Ua loaa anei ia Hale ka ike oia pu kekahi i komo pu ma ka hoao ana e hoomahuka ia Elese? Oia kana mea e noonoo nuiana nui ana ia manawa no kona kaa mai malalo o ka mana o ke kanaka opio a ke kanaka opio e hana aku ai i kekahi hana e hoopoinoia aku ai oia.

            "Pehea e lilo ai o Elese i wahine mare nau me ko ike no a maopopo loa no hoi ua hoopalauia oe me Mabela? Mai kamilio mai oe ia'u ma ke ano nanenane. Aole anei he alahele e ae e hiki ai ia oe ke hoopakele i ko makuakane koe wale no ma kou mare ana aku ia Mabela? Mai hooili wale mai oe i na ahewa ana maluna o'u no ka hewa a'u i hana ole ai. E hoike mi me ka oiaio loa i ke kumu koikoi loa o kouhoea ana mai la ianei e ike ia'u i nei manawa o ka po, me kou hoomaka'uka'u pu mai nei ie'u me kau mau olelo ikaika."

            "I hoea mai la au imua ou no kuu ike aia wale no loko o kou mana e pakele ai kuu makuakane mai ka pilikai ko'iko'i mai e kau mai ana. Ua loaa ia'u ka ike maopopo i nei manawa o kau mea i hoolala ai oia kou lilo i hoahui no keia hui a ina pela, ke makemake nei au e ike maopopo aku i kou manao."

            "O, e kuu Hale," i pane mai ai o Mokana, "ua nui loa kena mau olelo au e hiki ole ai ia'y ke hoomanawanui.

            "Ua loaa mau ia'u ka hoomaopopo ana no kela," i pane aku ai o Hale. Ina o kou makemake i'o ia oia anei ke kumu o kou makemake  ana e hookomo i kuu makuakane iloko o ka pilikia,, a maluna o ia kahua he mea anei kekahi au e hoolala nei i nei manawa no ka hookoia aku i kekahi manawa e hiki mai ana?"

            "Ke'ike ole nei au la i kau mea e kamailio mai nei, e Hale, "wahi a ka Mokana pane ma ke ano hoohunahuna.

            Pinana ae la ko Hale mu lehelehe a i hou aku la:

            "Aohe i pohihihi ia oe kau mea i hana ai a ina aole oe i maopopo alaila na'u ka manao e hoakaka aku. O ke kuleana o kuu makuakane iloko o ka hui a Harisona & Co., he hapaha miliona pela ko'u koho aole anei oia ka mea oiaio? O oe ka mea i maopopo."

            "Aohe ona wahi kuleana iki iloko o ka hui ina e akaaka ae ana kona hewa," i pane mai ai o Mokana ma ke ano hoonaukiuki ia Hale, oiai nae o ka mea oiaio loa no ia elike me ka Hale o ka pane ana aku.

            "Alaila, o kou manaoio maoli no anei ia o kou ike aku iaia iloko oka pilikia a e kumakaia ana oe iaia, mamua hoi k kou hoao e hoopekele ae iaia mailoko ae o kela pilikia ma o ke kuai ana aku i kona kuleana?" I pana aku ai o Hale me na olelo kakana loa.

            "Aohe a'u mea i hoolala ai o ia ano, i loho mai oe, e Hale. Nau ia e hoolala mai elike me kau i makemake ai."

            Eia ko'u manao; e haawi mai oe i kanalima kaukani dala ame na palapala a kuu makuakape i hoopaa ai iaia iho, a lawe aku oe i komaua mau kuleana apau iloko o ka hui nou," wahi a Hale.

            "Ke ike aku nei au elua ou mau manao a o ka mea hea la ka'u e ae aku ai.

            "He oiaio he mau palapala kakauinoa ai a eia pu me a'u ke kanalima kaukani dala. He oiaio he kuai maikai kela, aka, ke ike ole nei nae au i ka hiki ke hanaia ia hana o holopono."

            "Ina hoi ha pela haawi mai oe i kela mau palapala hoopaa ia'u a lawe aku oe i ke kanalima kaukani dala. He makemake au e kokua pilikia. E aho au e hana ia mea mamua o kuu are ana aku ia Mabela Harisona, kela kaikamahina a'u i aloha ole ai."

            he pule hookahi wla no ka manawa i koe mamua o ka pau ana o ka manawa no ka hookaa ana aku i na nota a Venona i hoopaa ai iaia iho, a e hooko mai ana o Mokana i ka manao hoopaa maloko o ka nota no ke kaui ana aku i ko Mr. Venona kuleana iloko  ka hui; aka he mea pono e laweia o Mabela iloko o keia hooponopono ana malia ma ona la e kalaia ae ai nei pilikia o Mr. Venona ma o ko Hale mare ana aku ia Mabela.

            "E Hale, ina eia me a'u kela mau palapala, haawi aku no au ia oe aka aole ia'u, nolaila e hoole aku ana au i ka loaa ana aku ia oe i nei manawa," wahi a Mokana. "E hoike aku nae au ia oe i ka'u mea e hana aku ana e hoao ana au e loaa mai kela mau palapala ia'u ma ka la apopo. Ina e holopono ana ka'u noi ana aku, ia manawa," wahi a Mokana. "E hoike aku nae au ia oe i ka'u mea e hana aku ana e hoao ana ae e loaa mai kela mau palapala ia'u ma ka la apopo. Ina e holopono ana ka'u noi ana aku, ia manawa au e hana aku ai elike me kau i makemake  mai ai aole mamua ae Eia nae e pono no oe e lawe aku i ka'u olelo a'o oia hoi, e mare oe me Mabela e pono ai. Ua aloha oia ia oe, elike me kana i hoike mai ai ia'u, a elike no hoi me ka'u i ike aku ai ma kana mau kamailio."

            "O aole o'u makemake e mare aku iaia nolaila, heaha ka waiwai ame ka pono o ka mare ana aku i ka mea i aloha oleia. Ua aloha au ia Elese Beranadona, a oia wale no ka wahine a'u i makemake aku ai e mare aole kekahi mea e ae, ina nae e hiki ana ia'u ke hana aku pela."

            Ua kuhihewa loa oe. Aole anei ou manao o kou mare ana ia Mabela oia kou pakele a pakele `pu me ko makuakane a ina no hoi no kou mare ia Mabela aole anei e hiki ia oe ke mala@ma ia Mabela ame Elese pu hookahi o laua i mareia a hookahi i wahine malama hale nou?"

            Nana aku la o Hale iaia me ka hulili o na maka a i aku la: "Ina e hokikinaia mai ana au e mare me Mabela ia manawa au e huai ae ai i ke karaima i hoaoia mai e hana maluna o Elese e Harisona, a e Mabela pu. Aole au e huna ana, e koi aku ana au ia Elese e hoike ae ia mea i ke akea, he hana ia e paa kau ai ko haku@i ka halepaahao pau pu me Mabela, ka mea hoowalewale ame oe pu a mawaho ae o oukou o kela mau wahine no laua kela hale hookamakama e ku mai la ma ke kua aku o ke kulanakauhale nei."

            "Ina o ko umakemake ia e olelo aku au pela he kanaka hupo loa oe. E pono oe e lawe aku i ka'u olelo a'o, a e hoi hou aku i ko wahi hale i hele mai nei, kahi a'u e manao nei aia pu o Elese maloko olaila i nei manawa  a nana ia e noonoo iho he kanemare oe nana aole ma kekahi ano e ae."