Ka Nupepa Kuokoa, Volume LVIII, Number 48, 26 November 1920 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, HONOLULU, T. H., POALIMA, NOVEMABA 26, 1920

 

HE MOOLELO NO

Elese, ka U'i Nohea i Liliia

A I OLE

Ka Ipo Aloha a ke Kanaka Waiwai

            "@ hou aku ana i kela wahi hale ahiki i ka @ o ka malamalama o ka la i ka la apopo," i pane @ me ke kuio. "Aole no hoi au e hoao aku ana @ aia a i ole hoao aku paha e hoopunipuni iaia ma @ ana aku iaia he kanemare au nana, oiai aole maua i @ malalo o ke kanawai elike me ke kupono loa i make@ kipa aku ana au e ike ia oe maloko o ka hale @ ke awakea o ka la apopo no ka lohe ana aku i kau @ ke aloha po no kou."

MOKUNA XXVI - Ka Hoolala Ana e Panai Aku i ka Ino

            @ Hale oili mai la no ia mailoko mai o ka @. Aohe @ ke olelo iho ua hana oia i kana hana a holopono @ hui hou ana a kamailio pu me Mokana; aka nae, @ aia ka manao ua hana oia i kekahi hana elike me ka @ ke hana, nolaila me ia manao i hoi hou aku ai ola @ ka makuakane no ka hoike ana aku iaia i na mea @ o ke kamailio ana me Mokana.

            @ ana aku hoi o Hale, oia mau no ko Mokana okuu @ noho me ka noonoo nui ana no kana mea e hana @ me ka mau o kela ano hoowahawaha iloko o kona @ a ke haka pono loa ala no hoi kona mau maka @ ka puka a Hale o ka oili ana aku.

            @ mea hiki ia'u ke hana hou aku no kela wahi kanaka @." wahi ana o ka nalu ana iho. "Ua hule kue mai @ e hiki ole ai ke hoonaauao hou aku iaia me ka'u mau @ maikai. E pono au e hana i kekahi mea a e hana ia ia @ loa. Aole hiki ia'u ke hoi hou aku e hiamoe. @ paha au e ike ia Mabela, eia nae, aole keia he mahawa kupono loa e hele aku ai, he manawa hiamoe keia, aka, no @ hana hoi ke hookikina loa ia mai la au e hana koke aku @ me ke kali ole."

            @ ka holopono ana o nei manao iloko on a o kona komo iho @ ia i kona mau aahu. He hana maalah ole na Mokana @ ana aku i na kauwa i luhi i ka hana o ka hale o Hari@ no ka mea, ua luhi i na hana o ka la i hala, aka nae, @uli o kona noke mau ana aku i ke kikeke ahiki i ko @ ana mai, ua ala mai la kekahi o lakou, a noi @ oia i kekahi o na kauwa i hele mai e wehe i ka puka @ mai oia e komo aku a e kamailio me Mabela, a ua ae @ mai ia kaua noi.

            "Owau keia, o Mokana, ka luna nui o ka hui a Harisona & @ he makemake @ e ike aku ia Mabela, ko hakuwahine, a @mailio pu me ia," wahi ana o ka pane ana aku i ka ninau @ ke kauwa.

Ua ke koke mai la no ke kauwa opio ma o kona leo a ma kona helehelena, nolaila ua aeia mai la oia e komo aku mahope @ o ka pane ana ma io ke kauwa.

            "Aole o Mr. Harisona o ka hale nei, aia no paha oia i ka @ ulua, aka nae o Miss Harisona o ka hale nei. Ma@ oe e hiki ana no ia'u ke hoala aku iaia? Aohe no hoi @ la e hiki ia oe ke kakali a ka la apopo alaila hele mai e @ iaia."

            "Aole hiki ia'u ke kali. He manao ano nui loa ka'u i hele @ ia e hoike aku iaia. Hoike aku oe i kana kaikamahine @lawe he makemake loa au e ike aku ia Mabela, a e hoike @ aku iaia he manao ano nui loa ka'u i hele mai la no ka hoike ana aku iaia."

No ka manao o ke kauwa he oiaio loa ka Mokana mau m@a o ka hoike ana aku la, noonoo iho la oia aole paha o Mokana e hele wale aku ana ia hale ia manawa o ka po in a aohe kekahi mea ano nui i kupono e hoikeia aku ia Mabela, nolaila o kona hele aku la no ia e hoala i ke kaikamahine lawelawe a Mabela, a hoike pu aku ia iaia, e hele aku a hoike ia Mabela, he manao ano nui loa ka Mokana i makemake ai e halawai me ia e hiki ole ai ke kakali a kekahi wa aku.

            "Ua kaia loa ia o Mabela i ka hiamoe kulipolipo ia mana@ @ nae, mahope o ka hala ana o kekahi manawa o ka @ ana aku a ke kaikamahine lawelawe ua puoho mai la @ he ukiuki paha kona no ka hoalaia ana aku o kona hia@ i nanea, aka nae, i ka manawa i hoakakaia aku ai iaia e @ kaikamahine lawelawe he makemake loa o Mokana e @ pu me ia ua ala mai la oia a noho iluna a komo iho @ kona kapa hoopumehana, me ke komo ana iho i kona mau @ kona kapa hoopumehana, me ke komo ana iho i kona mau @ wawae, a k@uoha mai la i ke kaikamahine lawelawe e hele @ a hoike ia Mokana ua makaukau oia no ka hui ana me ia.

            "No kela kaikamahine lapuwale no paha auanei ka ua o Mokana mea e kamailio mai ana a'u," i nalu iho ai ua o Ma@ iloko wale iho no on a no ka Mokana mea e kamailio aku @ iaia.

            "No ka mea e pili ana ia oe ame Hale. O ko Hale hele @ ana mai nei no ia la imua o'u a noi mai nei ka'u e imi @ i kekahi alehele e hoopauia ae ai k oolua mare ana," i @ aku ai o Moiana.

Maihea ae la ko Mabela helehelena a pane mai la: "Pela @ i olelo mai nei ia oe? Pehea la oia i aa mai ai e hoopau @ maua mare me kona noonoo ole aku i ka hopena?"

            "O kana o ka olelo ana mai nei ia'u ua aa oia e uku i na koi @ apau a e hana aku ana hoi i kekahi mea no ka hoopau @ i ka hoopalau mawaena o olua, i hiki ai iaia ke mare @ ia Elese Beranadona."

            "@ aole oia e mare iki aku ana me Elese! O kona hoao @ aku e hana ia hana he hookomo okoa ana aku ia iaia iloko o ka pilikia. Aka, e ninau aku ana au ia oe, heaha kou ma@ nui o keia hoea ana mai la ou imua o'u i nei manawa o ka no?"

Hoike aku la o Mokana i kona minoaka no kona ike ana aku aole i haalele o Mabela noonoo maikai iaia iloko o kela @ o kona piha maiha loa, a i aku la.

            "Eia no ko'u manao i hoea mai la, he makemake au e lohe aku in a ke paa nei no kou manao e mare me Hale. Aohe maopopo ia'u ka hiki a holopono o ke koi ana aku iaia e mare mai oia me oe, aka, e hoao no hoi paha au elike me ka maikai e hiki ana ia'u ke hana aku."

            "He alahele no nae kekahi e hiki ai ia oe ke paa iaia a mare @ ia'u e lilo ole aku ai oia i kela wahi kaikamahine haahaa a ilihune, a he kauwa hoi na kuu makuahie?"

            "Pela ka paa o kuu manao, e Mabela."

            "Eia no ka'u kumu i manao ai e hiki ana no ia'u ke paa nei iaia, ua hana hewa oia a ua maka'u oia ia oe."

            "Pela anei ka mea oiaio?" i ninau mai ai o Mabela.

            Luliluli ae la ko Mokana poo a pane aku la: "Aole oia i hina i ka hewa, Ua hoao au e hoohihia iaia me kuu manao in a ia hana ana a'u e haulehia ai la oia i ka hewa, eia nae, aole a ua ko ole ko'u manao ma ia  hoao ana a'u a ua ike no hoi au i kona kupaa mamuli o kana hoohiki em oe, aka nae, ua hele mai oia a ua noi mai ia'u, in a e hiki ana ke hoopauia ka hoopalau mawaena o olua, i hiki ai iaia ke mare aku i ka wahine ana i aloha ai.

            "E hoike aku ana au iaoe i ka'u mea i hoao aku ai e hana nona. Ua noi aku au iaia e mareia lau ma ke ano hoopunipuni me Elese Bernadona, a ua hanaia ia hana, me kuu manao nei ma ia mare ana e hihia ai la hoi oia, eia nae, aohe i holopono ia manao ana o'u, no ka mea, ua loaa e iaia ke ike aole ia he mare i aponoia ma ke kanawai."

            "A pehea ua hanaia anei ia hana?" i ninau mai ai o Mabela me ka nui ana iho o ka hanu.

            "Ae; ua hanaia i mare hoopunipuni mawaena o laua." i pane aku ai o Mokana me ka hooiaio pu ana aku.

            "A no Elese hoi, pehea oia?"

            "O no Elese he oia mau kona maemae elike me ko na anela o ka lani, aole oia i hihia iki, oia mau kona inoa maemae me ia, mamuli keia o ka Hale mau olelo ponoi o ka hoike ana mai ia'u. Aole o Hale makemake e hoohaumia e ia Elese ahiki i ko laua hoohuiia ana malalo o ke kanawai, a ua hele oia a kupupule loa i ke aloha ia Elese. Pehea la i holopono ole ai kau aine ko makuakane mea o ka hana ana maluna o Elese. Ua lohe mai au ua laweia aku oia no kela hale, a pehea la oia i pakele hou mai ai no ka lua o ka manawa?

            "No ia ninau au ke maopopo ole nei ia'u. Aole o Harisona i hoi iki mai i ka hale nei ahiki i keia manawa. Ua laweia aku o Elese ma ke ano aihue a limanui o ke kailiia ana aku, eia nae, ua pakele hou mai la no oia. Ua lohe mai nae paha oe no ia hana i hanaia?"

            "Ae; ua lohe mai au; wahi ana ua haalele aku oia ia Harisona me kona paa i ka hauhoaia na lima ame na wawae, me ka ike ole o kela mau wahine no laua kela hale," alaila lainalama ae la ko Mokana mau maka i ka hoihoi no keia mea ana o ka lohe ana.

He kaikamahine o Elese ana i makemake ai, no na kumu lehulehu. Malia, e lawe mai ana ke au hoopomaikai o ka manawa a lilo o Elese iaia, aka nae, he mea pono e hanaia kekahi mau hana a holopono mamua ae o ka hiki ana mai i ka manawa e hoomakaukau ai no ke kaili ana mai ia Elese mai ia Hale mai.

            "Ua manaoio loa no o Elese he wahine mare oia na Hale, no ke kumu aole manawa iki a Hale i hoike aku ai iaia o kela mareia ana o laua ma ke ano hoopunipuni he mare apiki wale no ia o ke ano epa, aole malalo o kekanawai," i pane aku ai o Mokana.

            "O, in a pela, aole pono iaia ke mare me Hale ma ke ano oiaio, a no ke mea na'u o Hale i keia la mamuli o kona lilo ana he kane hoopalau na'u, a ke paa nei hoi ka maua mau hoohiki imua o ke Akua a imua o ka poe i lohe ia hoopalau ana o maua."

            "Ina e hoao mai ana o Elese e kaili ia Hale mai a'u aku, e pepehi aku ana au iaia a make ma kahi o ke kuahu mare mamua o kuu ae ana aku iaia e kaili i ka'u mea aloha mai a'u aku. No ka hooko ana aku nae ia hana e noi aku ana au i kau kokua ana mai. A ke manao nei no au, malia, o kekahi kumu no hoi paha ia o kou hoea ana mai la ianei i keia po. Aole anei pela, e Mr. Mokana?"

            "Ae, i hoea mai la au no ka hoolala pu ana i kekahi hana me oe. I ha'i aku au ia oe i ka mea oiaio, eia me a'u na kumuhana apau e hiki ai ia kaua ke lanakila ma ka kaua mau hana apau e hana aku ai, in a e makemake ana au e hana aku ia mau hana."

            "A pehea he makemake i'o no anei oe e hooko aku ia hana au i manao ai? Ua pau anei kou makemake no ka lilo ana i hoahui me Harisona?"

            "Aole i pau ia makekmake o'u, he oi aku ko'u makemake e lilo i hoahui i nei manawa mamua o ko ka wa i hala. Ea, e Miss Harisona, aohe au i lohe iki aku nei i kou manao no kou makemake a makemake ole paha e mare aku me Hale Venona. E hoike mai oe i kou manao i ike aku au."

            "O, e Mr. Mokana, ua konokono loa ua iaia i nei manawa, aka, i uku hoopa'i nae hoi no kela wahi kaikamahine hookano ilihune, heaha auanei ka'u hana e ae e hana aku ai o ka mare wale aku no ia Hale."

            "Ua hoea mai oia i kuu hale nei ma ke ano hooioi a ua nui loa kuu lili me kuu inaina pu nona, no ka mea, ua lanakila oia maluna o'u i nei po. Ua hana aku au ma na ano apau me kuu manao e hoohoka a e hoohilahilaia ana la oia, eia nae ka'u mea i ike ua lanakila oia maluna o ka'u mau mea apau i hoolala ai.

            "Aole hiki ia'u ke huikala aku iaia no ka lilo ana o ko Hale naau ame kona aloha iaia. Aole o'u makemake e mare aku ia Hale, aka, no ka hoohoka ana aku nae i kela wahi kaikamahine hookano ke makemake nei au e mare aku iaia i mea e nele ai kela wahi kaikamahine."

            "Alaila ma ia mare ana aku au iaia e makemake ana anei o @ hoopomaikai aku iaia me ia konakona no ou iaia?" i akaaka hoohenehene aku ai o Mokana. "Ina no kona lilo nei i kane nau aole anei ou manao e hoehaehaia ana kona uhane no kona mare ana ia oe, me ia ike no o Hale aohe on a aloha ia oe, a me ia ike no hoi on a ua hoowahawaha oe iaia, a ma ia mare ana on a ia oe ua hookaawaleia aku ka mea ana i aloha ai mai iaia aku?

            "Ina no kona lilo nei i kane nau ke ike e aku nei no au aole i kana mai ana a kona hoehaeliaia e hiki ole ai iaia ke hoonianawanui, a o ka'u mea e hopoliopo loa nei, oia kona lawe ae i kona ola ponoi. Aole anei he hopena ehaeha ia la i kou manao?"

            "O, heaha ka'u nana aku no kona hopena? Ua hana mai oia i ka hana hoonaukiuki loa ia'u ma o kona aloha a hele pu ana me Elese, me kona maopopo no he kane hoopalau oia na'u. E hai mai oe ia'u, heaha ka mea iloko o kou naau la?" i ninau ae ai ua o Mabela.

            "E lilo paha auanei i mea nou e huhu mai ai ia'u ke hoike aku au i ko'u manao ia oe," i pane aku ai o Mokana.

Hoopinana ae la ua o Mabela i kona mau lehelehe a hapai ae la i na poohiwi me ka nana pono ana mai i na maka o Mokana, a i mai la:

            "Aole o'u manao he maka'u iki kekahi iloko ou no ko'u huhu. Aole au he kaikamahine hupo. Kamailio mai hoi paha i kou manao?"

            Akaaka aku la o Mokana, a noho pono ae la iluna o ka noho, a me ka hookaulua ole iho no kekahi minuke no ka noonoo pono ana i kana mau olelo kupono e pane aku ai, i aku la:

            "E Miss Harisona, he hike loa ia'u ke hookomo aku ia Hale ame kona makuakane iloko oka pilikia e hiki ole ai ia laua ke pakele." Ua hiki ia'u ke hoolilo ia laua a oi aku ka ilihune i ko ka poe makilo maluna o na alanui. Ua hiki i kuu mana ke hoopaa aku ia Mr. Venona iloko o ka haepaahao a e hoolilo hoi ia Hale i kanaka kuewa maluna o ka ili honua iloko o na la apau o kona ola ana, me ka nele i kekahi inoa maikai maluna on a."

            Ua maopopo loa nae ia mea ia oe la?"

Kunou aku la ko Mokana poo a i hou aku la:

            "Ua hiki loa ia'u ke hookaawale ia Hale mai ia Elese mai, me ka hiki pu ia'u ke hoonoho aku ia Elese iloko o na hale hookamakama a e uhiia kona inoa maikai e ka inoa hilahila loa."

            "Wahi au i olelo mai nei, ua hiki ia oe ke hana i keia mau mea apau, oia ana anei ka mea oiaio?" i ninau mai ai o Mabela me ka leo hawanawana; no ke aha hoi kou mea olelo ole mai o kou manaoio maoli ia? Aole anei au i olelo aku nei ua hiki ia'u ke hooko aku i kou makemake ma ka mea au i olelo mai nei he makemake oe e lilo i hoa hui no Harisona?"

            "O ko'u lilo ana i hoahui aohe i lawa ko'u makemake, i mea hou ae kekahi," wahi a Mokana o ka pane ana aku me ka malia loa, me ka haka pono loa aku o kona mau maka kilo i na maka o Mabela.

            "Alaila, heaha hou ae kekahi mea make au?"

            "He makemake au e lilo holookoa ka hana iloko o kuu mau koma, a malalo hoi o ko'u mana," wahi a Mokana me kahi leo liilii loa.

            "Kahaha! Pehea auanei e hiki ai ia'u ke haawi aku ia oe i kela hana holookoa, no ka mea, he hana hiki ole a paakiki loa ia i ka'u noonoo iho. E hoolilo anei au ia'u ho i mea makilo i mea e hiki ai e loaa mai ka mana ia'u, e haawi aku ai ia pono ia oe? O, ua nui loa kau mea i noi mai la e hiki ole ai ia'u ke hooko aku i kou makemake!"

            "O kau paha e hopohopo e la, e Miss Harisona, no kou hooliloia aku i wahine ilihune a makilo ke lilo mai ia hana holookoa iloko o ko'u mana, ea? E ha'i aku au ia oe aole loa oe e nele ana, e oia mau ana no kou mau pomaikai me oe a i aku ke-"

            "Ke maopopo ole aku la kou manao ia'u la." i pane mai ai o Mabela.

            "Ina pela, e hoakaka aku au ia oe i ko'u manaoio maoli i ike mai oe, a oia keia, ma o ka mare ana aku ia oe."

            "Ku koke ae la o Mabela iluna, ke lele e wale la no kona mau maka, me ke kau o kona poo iluna ma ke ano haakei loa, a i mai la:

            "He mau olelo hoomakeaka lapuwale wale no anei ka'u e lohe nei?"

            "Aole ka'u he mau olelo hoomakeaka a hoopaani paha, aka, he mau olelo kuio loa @ o keia maoli no ka mea oiaio e moelolii nei iloko o kuu puuwai, aole akahi wale ae la no, aka, mai ko'u manawa mai i hoomaka ai ka lia ana nou," a haikea ae la kona helehelena ia manawa, no ka mea, ua hoomaopopo iho la oia ia manawa i kona paani ana i kana pepa hahau maikai loa.

            "No ke aha la oe e mare ole mai ai ia'u, he kanaka opio u'i no hoi au, koe wale no ma ko kaua mau makahiki ka like ole. Ua hiki ia'u ke hooko aku i kau mea e kamailio aku nei in a e ae mai ana oe. O keia no ke kumu ame ka manao nui o ko'u hoea ana mai la imua ou no ke noi ana aku no ia ia oe e mare kaua. Heaha auanei kau noonoo hou ana aku no Hale ua lilo oia ia Miss Elese Beranadona?"

            "E hana mua aku oe i kau mau hana a holopono alaila hele hou mai oe imua o'u mahope aku," i pane mai ai o Mabela.

Nee ae la o Mokana i ka akaaka no kona lanakila ana maluna o ka mea alalai kiekie ana i hopohopo ai aole e holopono ana kona manao, a ke noho mai la hoi o Mabela noonoo no kana mea e pane hou mai ai.

            "Ina e hana au i ka'u hana i hoolala ai a holopono aohe waiwai o ka'u mau hana ana aku nou. E pono e kuka kaua i nei manawa i ka mea oi aku o ka pono mamua o kela. E haawi mai oe ia'u i kekahi olelo hoopaa maikai loa e lilo mai ana oe i wahine mare na'u, alaila na'u ia e hana aku i ka hana e kauia aku ai ka hoopa'i maluna o ko mau enenii.

            "Ua pono ia i kuu manao, e hooko aku ana au i kou makemake," i pane mai ai o Mabela. "Ina pela nau no e hana mai i ka palapala hoopaa elike me ke kupono elike me ka'u i manao ai, alaila kakau aku au i kuu inoa, aole mamua ae," i pane mai ai o Mabela me ke ano hookakanalua no nae iloko on a.

 

MOKUNA XXXVII-Ko Mokana Lanakila Ana.

 

            No kekahi mau makahiki lehulehu ko Mokana hoolala ana me ke kuko nui e lilo oia i hoahui no Harisona iloko o ka hui. O kana mea mua o ka li'a ana e loaa iaia kekahi mau mahele a kuleana hoi iloko o ka hui, a i ka manawa i lilo ai o Hale i pio nana malalo o kana mau hana hoowalewale i piha me ka maalea o ke ano debolo, ua moeuhane mau oia e loaa i mau kuleana nui nona iloko o ha hui, a i ka haule ana o Mr. Venona malalo o kona mana, mai ia hora mai k hooi loa ana aku i kona iini e lilo oia i hoahui no Mr. harisona.

            Ua hoomakaukau oia me ka hoohalua mau no ka hookoia o keia mau makemake on a, elike me ka nehesa e hoomakaukau ana no ka hele ana aku e kiko me kona alelo waiawa i ka mea ana i makemake ai e ale.

            O kekahi manao lapule loa ana o ka hoolala ana oia ka haule a nele pu o Harisona kona haku hana. Aohe on a noonoo iho o kona hoaloha pilipaa loa ia nana i hapai ae a i hoopomaikai iaia, aka ua makemake pu oia e haule o Harisona iloko o ka lepo opilopilo o ka hoohilahila ia i mea nona e pii ae ai a ke kulana kiekie e paaia ana e Harisona ia manawa.

            Ua aie oia i kela ame keia mea ia Mr. Venona, aohe ana mea i noi aku ai i nele ka loaa mai, a he hoaloha pilipaa loa no hoi o Hale nona mai ko Hale manawa kamalii mai, eia nae, aohe ana nana ana aku no laua, in a no ko laua komohia aku iloko o ka pilikia he mea ole wale no ia iaia, me ha mea la he mau mea malihini loa laua iaia.

            I nei manawa aia mamua o kona mau maka me he mea la he mau mea malihini loa laua iaia.

            I nei manawa aia mamua o kona mau kaka me he mea la e olino mai ana no pomaikai he nui ame ka hanohano pu no ka lilo holookoa mai iaia o ka hui a Harisona a oia aku ana ka on a o ia mau waiwai apau, a nana e hookele aku elike me kona makemake, a i kona noonoo iho nona ia manawa o ka oi mai o ka loaa o na pomaikai iaia oia ka oi aku o kona makemake.

            Nolaila i nei manawa, oiai aneane loa e lilo mai na mea apau iaia a oi aku mamua o kana mau mea i manaolana ai, eia nae aole no i pau kona makemake pu no oia e lilo Mabela, ka hooilina hookahi wale no o Harisona, i wahine mare nana. Lapuwale!

            Aole no i lawa malaila, aka makemake no e alunu loa aku a lilo mai na mea apau iaia.

            "Ma ke ahiahi o ka la apopo e lawe mai ai au i ka palapala ianei no kou kakauiona ana," wahi ana o ka pane ana aku ia Mabela.

            "I ka manawa au e makemake ai," i pane mai ai o Mabela; "eia nae, e hoomaopopo mai oe i keia, mamua o kuulilo ana aku i wahine nau e pono oe e hana mua aku i ka hana e poino ai o Hale, a i ka hilahila ame ka hoohaahaaia maluna o Elese Beranadona no kona lilo ana he wahine moekolohe. Lohe oe?"

            "O, no Hale Venona, aohe au noonoo ana, no ka mea, ua hooiaioia kona poino," i pane aku ai ka nahesa; "mamua o ka hala ana o na hora he iwakalua-kumamaha, aohe inoa maikai i koe maluna o Elese Beranadona ana e kaena hou iho ai."

            "O kou manaoio maoli no anei ia o oe ponoi no ka mea nana e hoowalewale aku ana ia Elese ahiki i kona haulehia ana i ka hewa?" i ninau mai ai o Mabela, me ka nana pono ana mai i ua o Mokana me ka hulili o na maka.

            Akaaka malie iho la ke kanaka maalea. Aohe on a maka'u ia manawa i koe no ka Mabela huhu mai iaia, a pane aku la:

            "Ae, in a au e haawi aku ana i ka hana na ha'i e hana mai, e hiki pono ole ana ia'u ke ike iho ua hanaia paha me ka holopono a aole paha, oiai hoi, in a na'u ponoi e hana aku ana e ike ana au i ka mua ame ka hope o ka mea e hanaia ana, a ke manao nei no au aole no hoi paha ae e hoohaahaa ana ia'u ma o kou lili ana a hana mai i kekahi mea e hilahila iho ai au.

            "Heaha auanei ko'u mea e lili aku ai ia oe nona? Heaha ia wahi kaikamahine e kupono ai ka lili ana aku a kahi wahine i kekahi kanaka. he wahi kaikamahine lopa haalele loa wale no ia a na Kanaka i kuapupule ai i ke aloha a hahai mahope on a?

            "Aohe no o'u nana ana aku ia oe, in a o kou makemake maoli no a hana aku oe, aohe o'u lili ia oe, aka o kuu poino nona ua nui ia, no ka lilo pu ana au o kou puuwai lolelua wale nona. Hele aku oe me ia in a o kou makemake i'o maoli ia. Heaha no kau ui wale ana mai no ia'u? Ina no he makemake kou hooko aku, o kou ano mau iho la no ia me me'o i na wahine au e makemake ai.

            "Aohe i lilo kuu naau iaia, i hole mai oe e Mabela, he hoauau wale ae la no hoi ka'u mamuli o ka ulu kupanaha ana ae nei o kekahi manao kolohe," i pane aku ai o Mokana.

            "Ina o kona haulehia nei i ka hewa mookolohe e hauoli ana au ke ike aku i kona hoohaohaaia ana, ame ka kinoa ekaeka maluna on a, oia ka mea e pau ai ka manao haakei a hoohaehae o ua wahi kaikamahine nei.

            "Ua hana mai oia i ka hana hoehaeha i kuu naau, nolaila o ka'u hana hoehaeha aku hoi koe iaia."

            "E hookoia aku ana ia makemake ou e kuu aloha," i pane aku ai o Mokana no ka hooiaio ana aku ia mau olelo a ua o Mabela.

            Hene iki iho la ka aka a ua o mabela hookano me kona makaala no nae nona iho o lilo auanei ia aka ana a ua o Mabela i kumu no Mokana e hoohuoi ai e ku-e aku ana oia iaia.

            He loli ano nui hikiwawe loa keia o ua o Mabela, no ka mea, i na la mamua aku he kanaka o Makana nana i hoowahawaha, a i nei manawa nae, ua kaawale loa aku ia mau ano on a a ua kamailio mai me ka maikai, elike me ke ano o ka wahine e lilo aku ana i kekahi la i mea aloha na Mokana.

            "Ua maluhiluhi au a ua makehiamoe no hoi," wahi ana. "O ke aloha po no kou a ike hou aku au ia oe i ka la apopo."

            He helehelena kamahao loa ko ua o Mabela e noho mai ana me ka puliki o kona mau lima i kona kapa hoopumehana, a no ia ano on a i ulu ae ai kekahi manao debolo iloko o Mokana in a no ka loaa mai o ka aeia iaia ua makemake loa oia ia manawa e hele aku e honi a e apo mai ia Mabela iloko o kona poli.

            Me ia manao ikaika iloko on a i hookikinaia ae la e ke diabolo, o kona hele okoa aku la no ia imua o Mabela a hopu aku la i ka lima a paa mai la iloko o kona lima.

            "O ke aloha po no kou, e Miss harisona," wahi ana, me ka manao koa loa ame ka leo liilii hoi, "owau kau kaue hoopalau i nei manawa nolaila he kuleana ko'u e honi aku ai ia oe mamua o kuu hoi ana aku; he honi alohe e ike iho oe nou iho."

            "O, aole!" i pane mai ai o Mabela me ka pale ana mai i ka lima o Mokana a hina aku la ihope, me ka haawi ole mai i kona lima. "Aole oe he kane hoopalau na'u ahiki i kou hooko pono ana i ka kaua aelike ma kou aoao."

            "Auhea oe, e ke aloha, e hoolohe iki mai: he oi aku ka maikai a holopono o ko'u hooko ana aku i ka apana hana ma ko'u aoao ke loaa kekahi mea hoohoihoi loa ae ia'u," i pane aku ai o Mokana.

            "Mai poina iho hoi paha oe i ka'u mea i olelo mua aku nei ia oe in a au i makemake e hoomare aku ia Hale Venona ia Elese Beranadona, e hooko kokeia ana ia haha me ka hakalia ole, a waiho malie aku ia laua iloko o ka hanohano ame ka waiwai.

            "Pehea la ia i kou manao? Makemake anei oe e hoomare kokeia aku laua, a i ole, makemake anei oe e hookoia kou makemake, oia hoi kau mea i olelo mua mai nei o kou ike aku ia laua iloko o ke kaniuhu, ka hune ame ka noho ana makilo o kou hauoli ia? Mai manao iho oe e lilo ana o Hale Venona i kane nau, no ka mea, ua paa kona manao o Elese Beranadona kana wahine e mare aku ana."

            Nanahu iho la o Mabela i kona mau lehelehe. Ua maopopo iaia ia manawa e hooko aku ana no o Mokana i kana mea o ke kamailio ana aku la, uolaila, nonoo iho la oia he oi aku kona pono e ae mai oia i ka makemake o Mokana e honi laua mamua o ko Mokana honi ana i mea e hookoia ai ke kau ana mai i ka hoopa'i maluna o Hale ame Elese ana i makemake loa ai e hanaia ka mea e pono ai.

            "Ina hoi ha pela honi mai ia'u in a he makemake kou," wahi a ua o Mabela o ka pane ana mai me ka hoihoi ole.

            Aohe i pau pono mai ia mau olelo o kona paa aku la no ia i ka hopuia e na lima o Mokana ma ke ano limanui a mnanana pu wale mai la no ua o Mabela, a o ka mau aku la no ia o na lehelehe o Mokana i ko ua o Mabela mau lehelehe.

            Ua haawi mai loa oia iaia iho ia Mokana me ke ku-e loa i ka makemake o kona lunamanao, aka nae, ua oi aku ka maalea ame ka maikai o na olelo a Mokana e hiki ole ai iaia ke pale mai, no ka mea, aia oia malalo o ka mana o Mokana ia manawa, oiai ua hoomakaukau mua ka Nananana i kana upena punawelewele no ka hoohei ana iaia.

            Ia manawa aia oia iloko o na lima o Mokana me ka hoopiliia mai la a pili i ka umauma, a ke noke la ka Nananana i ka honihoni o ka hoiloli wale ana a oia ka manawa kupono e hooko aku ai, a ma kahi hoi o ko Mabela pale mai ke hoihoi wale la oia i ka hoihoiia aku me ka milikaaia e ka "Ua Nahunahu," la manawa ua kaawale loa aku la ka huhu, ka maua, ke pi, ka makona ame ka hookuoo, a hookahi ko laua komo like ana iloko o na wiliau a ke aloha.

            Aohe wahi mea a pale iki mai o ua o Mabela elike me ia ana i hana mai ai i ka manawa mua a Mokana i hele aku ai i on a la. Ke ike iho la no o Mokana ia loli ana ae o ia ano pukalaki o ua o Mabela mai ka huhu a i ka maliu loa mai iaia, nolaila hoomau loa aku la oia i kana milikaa ana i ua o Mabela ahiki i kona ike ana ua lilo holookoa mai ke kino ame ka uhane o Mabela iaia, a apo mai la na lima o ua o Mabela i ka a-i on a a honi mai la no na manawa lehulehu.

            "E Mabela," i pane iho ai o Mokana, "ke ike nei au i ka nui o kou aloha ia'u mamua o kau i ike ai he minuke i hala aku la; aole anei pela?"

            Hookuu mai la o Mabela i ke apo ana i kona a-i a emi iki aku la ihope a nana pono mai la ia Mokana. O ka helehelena o ke kanaka hewa apau aia maluna o Mokana ia manawa. Ke ike iho la no o Mabela nona iho aole o Mokana he kanaka kuemi hope ke makemake oia e hookoia kona iini. He haawina pilipaa loa ia i loaa ia Mokana ana e hoomaopopo, ae ana ana no hoi e makemake la.

            "Malia paha aole au e aloha aku ana ia oe a oi aku mamua o keia i nei manawa," i pane ae ai ua o Mabela, "aka nae ke ike nei au e hoomahuahua aku ana ia aloha o'u nou in a e hiki ana ia oe ke hooiaio mai e lilo ana oe i mea aloha oiaio ia'u elike me ia a'u e manao aku ai nou.

            "Aole oe he kanaka hilihila a hoopepe wale elike me Hale, no ka mea, na'u okoa no oia e alakai aku alaila onioni ae, aka nou, ua ike oe i ke ano e hanaia ai elike me kau i makemake ai."

            "O, hookahi no kumu a oia keia, ua hanauia mai au i keia ao e lilo i kanaka nana e rula aku maluna o kekahi poe. Mai ko'u manawa mai i lilo ai he luuahoohana no ka hui a Harisona ua hoahu liilii au i ka'u mau dala i loaa mai no ko'u ukuhana ahiki i ko'u aneane ana e kau like aku ma ka papa hookahi me na poo o ka hui, a hookahi o laua eia oia iloko o ko'u mana, hookahi wale no on a pakele o kuu aloha aku iaia, a in a aole pela he manawa wale no nona e komo aku ai iloko o ka pilikia ke manao ae au e hana pela."

            "A ina e haawi aku ana au i kuu aloha ia oe a pela hoi me kuu lima ma ka mare, e ae ana no anei oe e kau aku i uku hoopa'i maluna o kuu mau enemi, ka hana hoi a'u e iini mau nei e hana koke ia aku? Aole ana anei oe e noi mai ana ia'u e hoopau au i ko'u noonoo hou ana aku no ia haha?"

            "O kau hana wale no oia kou haawi ana mai i kou aloha ia'u, kela aloha oiaio loa iloko ou, a na'u ia e hana aku i ka mea e hookoia ai o kou makemake," i pane iho ai o Mokana me na huaolelo oluolu loa.

            Alaila apo hou mai la ua o Mabela i ka a-i o Mokana a nana mai la me ka helehelena o ka mea i aloha i'o i ke kanaka ana i ike ole ai i ke aloha mamua, ano koke wale iho la no.

            "A pehea, aole ana anei oe e lilo ana i mea nana e hopoino ponoi aku i ke kino o Elese i mea e lilo ai ka inoa maikai mai iaia aku?" i ninau ae ai o Mabela me kahi leo liilii i aneane elike me ka hawanawana.

            (Aole i pau.