Ka Nupepa Kuokoa, Volume LIX, Number 1, 7 January 1921 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo No

ELESE, KA U‘I NOHEA I LILIIA

A i ole

Ka Ipo Aloha a ke Kanaka Waiwai

 

            Manao anei oe, e Mokaua, e pio ana kuu manao maanei? O i hoike aku au ia oe e oni aku ana au ahiki i ko haulehia @@@ malalo o kuu mau kapuai wawae.  He liilii loa kau mea i ike ai no‘u aka, e ike  aku ana nae oe mahope. Ua hoohuoi no au no kekahi manawa ae nei i hala e  mare aku ana oe ia Mabela Harisona ke ko ike iho no he kanaka oe i hihia i na karaima lehulehu mamuli o kou ano i piha i ka maalea o ke ano diabolo.

            "Ua maopopo mua no ia‘u e hana aku ana oe ia hana lapuwale mahope iho o kou hoohaumia ana i kuu kino ame kuu inoa.  No‘u iho i nei manawa, aole he manaolana i koe no ko‘u pono, oiai ua hoopoino oe ia‘u, a nou nae e Mokana, ua hiki ia oe ke hana e like me kou makemake, aka nae, e hoomanao i keia he la no e hina ai kekahi kumulaau i popopo, a ke ike nei hoi au i ko‘u lilo ana i mea hupo loa, aka me i nei manawa aole au he hupo hou aku, o ka‘u e kauleo e aku nei ia oe e makaala loa oe nou iho ma nei mua aku."

            O ko Rose huli aku la no ia hele noloko o ka rumi, a ke ko aku la hoi o Mokana nana iaia i ka hele aku ahiki i ke paniia ana mai o ka puka mahope on a, alaila namunamu iho la na o Mokana iaia iho:

            Okalakala maoli ka hoi ua aloha nei a‘u.  O ka mea wale no nae nana e hoopilikia mai ia‘u, aole oia i maopopo. O ka‘u nae e olelo ae, ua hauoli loa au i ko‘u kaawale ana mai iaia mai."

            "Ua makaukau au la. e Mr. Mokana." wahi a Harisona o ka pane ana mai. Ua iho mai o Harisona a e ku ana ma ka puka ia manawa a he kulana hoi kona o kekahi keonimaua u‘i i kahiko iaia iho a kohu kanaka kalepa waiwai a hanohano loa.

            "Ua loli loa ae la kou kulana i nei manawa. E loaa aku ana ia oe kau mau mea apau i makemake ai e loaa, a pela no hoi me a‘u a no ka mea he mau kanaka kaua i loli loa ae la i nei manawa ma o ko kaua aahu ana mai la i mau paalole hou."

            O ko laua haele like aku la noia me ka hopu ana aku o Mokana i ka lima o Harisona a kuiee ae la.

 

MOKUNA XLVII - Ke Kailiia Ana o Elese.

 

            "E mama he aloha au ia Hale, a e aloha mau aku ana au iaia. He hana hewa loa no hoi kela nana kona hoopunipuni ana mai ia‘u; eia nae, oia pu kekahi i aloha mai ia‘u a no ia kumu aole oia i hoopoino mai i kuu kino, aole no hoi i kuu inoa maikai, a ke manaoio nei no au ua kamailio mai oia i ka mea oiaio i kela manawa ana o ka olelo ana mai ia‘u ua hoi mai oia no ka hoike ana mai ia‘u i na mea apau me ka oiaio," wahi a Elese.

            O keia ae la ka Elese o ka olelo ana aku i ka makuahine mahope o kona ike ana iho i kona kaumaha me ka hoehaeha loa ia o kona noonoo no kona kiiia ana mai e ka makuahine a hoihoiia aku i ka hale, a ua manao i ho oia aole o Hale e hele hou mai ana e ike iaia, aole no hoi oia e kamaiho hou akua ana ia Hale, a no ka hoonana ana ae i kona manao i hele a luuluu i ke aloha, hoao iho la oia e lawelawe i kana mau hana maa mau mamua aku, me he mea la aohe mea i hanaia o na la aku i hala.

            Mahope o ka pau ana o ka aina ahiahi ua hele aku la ka makuahine i ka halekuai no ke kii ana i kekahi mau mea humuhumu nana, a aneane paha i ka hora eiwa iho aku la o Elese i ka halekuai no ke kuai ana i kekahi mau lopi kilika hana lihilihi na Kete, ke kaikuaana.

            Aoha oia i oili loa aku iwaho komo mai ana kekahi kanaka ana e nana aku ana he keonimana a neane laua e hookai. Ua mihi mai la ua kanaka la imua o Elese no kela aneane ana o laua e hooku‘i a ninau mai la ia Elese e hoike aku iaiai i ka hale nona ka helu 132.

            "O keia no ua hale la au i ninau mai la," i pane aku ai o Elese me ka oluolu loa.

            "O e mahaloia na lani no kea alakai ana mai la ia‘u me ka pololei a hoea ianei" wahi a ke kanaka o ka hooho ana ae.

            "Malia paha e hiki ana no ia oe kehoike mai ia‘u i ka papahele hea la ko Elese Bernadona wahi e moe ai?"

            "O wau no o Elese Bernadona au i ninau mai la," i pane aku ai o Elese.

            "O me ka mahalo! Alaila na na lani anei i kono mai la ia oe e hele mai e halawai me ko makuakane i hooulalaia ka noonoo. Oko‘u inoa o Mr.Venona."

            "O ka makuakane oe o Hale Venona ea, oia anei?"

            "Ae o ka mkuakane au o Hale," wahi a ke kana me ka lea haalulu i piha me ka maalea ame ke akamai. "He mai‘ nawaliwali loa ko Hale i nei manawa a malia e make aku ana paha oia ia ma‘i nana au i kena mai nei e hele mai a e noi aku ia oe e haele pu ae kaua a nana ia e huikala mai ia oe a pela hoi oe e huikala aku ai iaia. Pehea la ia i kau nana mai?"

            "O in a o kona makemake ia e hele pu aku ana au me oe," wahi a Elese o ka pane ana aku me ka haili ole ae he hana pelo wale no keia a nei kanaka mamuli o kona ike ana aku i ka maikai maoli o na olelo a oia no hoi e kau ana no ikona umauma kela aloha haanipo no Hale, o kona pane aku la no ia, "in a pela… e hele pu kaua!"

            He mink wale no ma ia hope iho alakaiia aku la ua o Elese a kau iluna o ke kaalio e ku mai ana mawaho kakali no ko laua oili aku a hakalia no ia laua o komo i loko o ke kaa, o ka hao aku la no ia o ke kalaiwa i kana hana i a‘o waleia a makaukau. O ke kaili hou ia ana keia o Elese malalo o ka Mokana mau hana apuhi.

            Ua holopono loa keia hoolala ana a Mokana i kana apana hana elike me ia au e ike iho la e ka makamaka heluhelu a oiai o Elese e laweia ala maluna o ke kaalia aia iloko o Elsese na manao hoohuoi like ole kahi i hana ai a e noke mau aku ma no hoi ke kana maalea i ke kamailio me na olelo hoomalimali apau e hoonanaia aku ai ko Elese mau kaumaha.

            I ke ku ana iho o ke kaalio mamua o kekahi hale a Elese e hoomaopono aku ana in a ke ano o na hiona ana e ike aku ana mawaho o ka hale laweia aku ia oia iloko o ia hale me ka awiwi oiai ka puka e hamama mai ana i ka manawa i loheia mai ai ka halulu aku o ke kaalia mawaho.

            Iaia no a komo aku iloko o ka hale hoomaopopo koke iho la oia o ka hale no ia ana i hoopaa mua ia ai no elua manawa, a iaia no a komo iloko o ke pani hou ia mai la no ia o ka puka a o kona paa koke mai la no hoi ia i ka uhiia me kekahi koloka e hiki ole ae ai iaia ke uwa a o kana mea i ike iho ia manawa ke hapaua la oia no kekahi hale maluan manuli o kona lohe iho i ka halulu o na kapuai wawae i ke alanuipii a i ke kau loa ana aku iluna laweia aku la oia a loko o kekahi rumi ka rumi hookahi no on a i hoopaaia ai ana no e hoomanao la no na manawa aku elua mamua.

            "Mai ae oe ia Sera (ka wahine Paele) e haalele iaia no hookahi minuke." wahi a hMokana o ke kauoha ana aku i ka wahine luahine, ka mea nona ia hale. "A eia hou, mai haawi oe i kou hilinai maluna o Harisona no ka hiki iaia ke paa i keia kaikamahine. E ku kiai mau oe iaia ahiki i kuu hoi hou ana mai. Lohe oe?"

            "O mai hopohopo oe no kona pakele hou aku," wahi a ka wahine luahine, "o kona hana ana keia e paa loa ai, aole e puka hou aku."

            "ka, pela paha," i pane aku ai o Mokana, a me ia huaolelo hope ana, o ko ua o Mokana oili aku la no ia iwaho me ka hauoli o kona naau no ka lanakila ana o kana hana iloko o ka manawa pokole me ka nui ole o ka hana ana. E kali ana no o Mahela no kona hoi aku, a ia hoea ana aku ana i mai la:

            " Peha kau hana, ua holopono anei?"

            "Ae, ua holopono, elike no me ia a‘u o ka hoike mua ana aku ia oe, a aia o Elese ke kakali mai la o ka hoea aku o ko Makuakane, " wahi a Mokana o ka pane ana aku me ka akaaka.

            He helehelena hauoli ko Mahela ia manawa ana o ka lohe ana aku la a ninau mai la nae;

            "He mea oiaio anei ia au i kamailio mai la? Alaila he kanaka piha akamai a maalea maoli no oe, e Mokana. Pii aku oe i ka hale maluna a hoike akua ia papa ua makaukau na mea apau nona, i hakalia iaia, a ke manao ne au malia e lilo ana kona lohe aku no kau me ahou i mea nona e hooikaika ae ai a pau ae kela ano hokukele on a. Aia a hala aku oia ea, haele pu aku no hoi kaua i kekahi wahi i nei po. He makemake au e kaawale mai ka hale aku ne. Pehea aole ana anei o Elese e pakele hou mai ana mai kela hale mai?"

            "O mai kaumaha oe. Aole e hiki ana iaia ke pakele i nei manawa, ua hanaia aku la e a‘u a paa, a ua kauoha aku nei no hoi au i kela mau wahine e kiai makaala loa iaia i ole oia e holo mahuka hou."

            O ko ua o Mokana pii aku la no ia no ka hale maluna a komo aku la iloko o ka rumi a Harisona e moe mai ana, a hoike aku la iaia i na mea apau i hanaia eia; ua mopopo i ua o Mokana o ia mea hou ana e hoike aku ana i kona haku he mea hauoli loa ia iaia, a ua lilo no hoi ia hana mau ana pela mamua aku i mea nona e punahele loa ai ia Harisona.

            I ko Harisona manawa i maopopo ai i ka mea nana ke kikeke mawahio o ka puk, ua kauoho koke mai la oia e komo aku, a aohe no hoi he hookaulua ana iho a Mokana iaia iho.

            "Manao au ua hiki no ia‘u ke kamailio aku ia oe oiai o Godina e noho mai ana," i pane aku ai ua o Mokana, mamuli o kona ike he kanaka lawelawe o Godina no Harisona a e nalo ana no hoi iaia, na mea huna apua a ua o Mokana e hoike aku ai ia Harisona. "Ua loaa ia‘u o Elese a ua lawe ia aku nei e a‘u a hoopaaia maloko o kela hale a aia oia ke kakali mai la nou o kou hoea aku, nolaila makou aoaoa wale no ka hakalia."

            "He mea oiaio anei ia?" i ninau mai ai k elemakule.

            "Ae, aia oia malaila. Oia ko Mabela manao i ka manawa ana i kamailio mai ai ia‘u aia maluna o‘u kona hilinai no ko Elese paa loa maloko o kela hale i ko maua manawa e hele aku ai i kahi e."

            "Ahe, alaila e hele koke aku ana ka paha olua?"

            "Ae, o ko Mabela makemake ia a maloko paha o kekahi mau hora kakaikahi mai keia manawa aku."

            "Ea, he kanaka piha akamai maoli no oe, e Mokana, me ka maalea pu, a he kanaka waiwai no hoi no keia ola ana. Ina aole oe pehea la au e hana ai iloko o keia mau makaliiki lehulehu ae nei i hala, a ke hauoli nei au no ke koho ana o kuu kaikamahine i oe i kane nana, a o keia iho la kekahi o kau mau hana maikai loa i hana mai ai no}u ma o ko‘u kii ana aku la i kela wahi kaikamahine u‘i a lawe mai la na‘u."

            Hakalia no a pau ka laua kamailio ana, o ko Mokana haalele mai la no ia ia Harisona a hele aku la no ko Mabela rumi moe, a loaa aku la o Mabela iaia ua makaukau, ua paa kona mau aahu i ke komoia a e kakali mai ana iaia no kaona komo aku.

            "E pono kaua e awiwi i loaa aku ke aaahi ia kaua i ka manawa kupono, " wahi a Mabela o ka pane ana mai me ke ano kuaki no ko lau ulolohi loa.

            "o, mai kanalua oe" aohe hoi a kau amau mea lawe kaumaha me kaua, o ka kau mau piki lole wale no, he mau mea mama loa."

            "Pela no, aka, he mea pono no nae ia kaua e hoea aku i ka hale hoolulu kaaa hi mamua ae o ke ku ana mai o ke kaaahi," i pane mai ai o Mabela.

            "O, mai hookaumahi i kou noonoo, o na mea apau au e makemake ai a e hiki ole ai hoi ia kaua ke lawe pu aku me kaua, e loaa aku ana i amu mea apau i Bokekona."

MOKUNA XLVIII

I Iolopono ka Hana i Hauaia me ka Pono.

 

            Ma kela hoi ana mai a ka makuahine o Elese mai kana huakai mai o ka hele ana i ka halekuai o Kete wale no kana o ka ike ana mai e noho aku ana me ka helehelena pihoihoi no ko Elese hele loa.

            "Auhea ka hoi o Elese?" i ninau mai ai kamakuahine?

            "Auhea hoi oia; ua kena aku nei hoi au iaia e hele i ka halekuai e kuai i mau lopi kilika na‘u, o ka hele no nae ia aohe hoi iki mai ne, a oia ka‘u e ha‘oha‘o nei nona, e i aku nei la oia ihea?"

            "Alaila, ua kaili hou ia aku nei anei oia e kela kanaka?" i kuwo ae ai ka makuhine, a holokiki aku la iwaho o ka hale.

            Mamuli o kekahi buke alakai e waiho ana iluna o ka papakau buke i loaa ai iaia kahi o Hale i noho ai, a o kona hele koke aku la no ia no ia hale me ka hoohakalia ole iho. E noho ana no o Hale me kona makuakane i ka hale i ka manawa ana o ke komo ana aku, a ia ike ana mai a laua iaia, me ko laua maopopo ole nae i kinohi o Mrs. Beranadona ia ka makuahine o Elese, eia iho a liu wale no ka mea aole oia haawi mai i kona pepa hoolauna i ke kauwa i kamanawa i hele aku ai e wehe mai i ka puka nona.

            Ia komo loa ana aku a Mrs. Bernadona iloko o ka rumi ua ike koke mai la o Hale iaia a ninau mai la:

            "Ea, he hao hoi keia hoea mai la ou iaanei i keia manawa o ka po. He ma‘i anei ko Else?"

            Komo loa mai la o Mrs. Beranadona a noho iho la iluna o ka noho me ka helehelena kaumaha a i mai la, mahope iho o ka hale ana o kekahi manawa:

            "Ua nalowale oia, aohe o ka hale. Ua ike anei oe i kona wahi e noho mai la ei nei manawa?"

            "Aole la. Pehea kau mea i iek nona la?"

            Alaila hoakaka mai la o Mrs. Bernadona elike me ia i ike mua ia ae nei me ka opaopa mau ana i kona mau lima.  Hoolohe mai la o Hale me ka noonoo nui ia manawa a i mai la:

            "Auhea oe, he hana keia i hoolalaia e Mokana ame Harisona. El hele mua kaua i ka hale oHarisona e ninau ai, a ma aia no o Harisona i ka hale, alaila ua kailiia e Mokana i kekahi wahi okoa."

            O ko Hale lawe aku la no ia ia Mrs. Bernadona me ka awiwi no kahi o ke kaalio e loaa aku ana ia laua. Oiai laua e holoana no ka hale o Harisona hoakaka aku la oia no kona piha aloha ia Elese ama kona kaumaha pu no kaua mau mea o ka hana ana maluna on a aole nae ma ke ano e hoopoinoia aku ai kona ino makai ame kona kino aka ma ke ano e hoaloia ae ai ka ka lehulehu hapala wale ana mai i na mea maikai ole maluna o Elese a mamua o ke ku ana iho o ke kaali mamua o ka hale o Harisona ua huikala mai la o Mrs. Bernadona iaia.

            Na kekahi o na kauwa i hookipa aku ia laua i loko o ka hale me kona i pu ana mai:

            "Ina no Miss Harsona, a i ole no Mrs. Mokana ka olua mea i makemake mai nei e ike ke hoike aku nei au ia o‘ua aole e ike ana iaia a no ka mea ua hala akua laua no kekahi wahi mamao."

            "Alaila ua mareia ka paha laua ea?" i ninau aku ai o Hale. "A, auhea o Mr. Harisona, eia no anei oia i ka hale, nei?"

            "No ka hoike ana mai o ke kauwa o Miss Mabela Harisona ana i iek ai he kaikamahine i mare kane ole a o Mrs. Mokana nae ia ia manawa ma ka ke kauwa o ka hoike ana mai, iek koke iho la o Hale o kekahi hana no ia‘a Mokana i hoolala ai no ka manao e hoohoka mai iaia, a e hoonele pu mai hoi iaia ia Elese.

            "Ae; eia no o Mr. Harisona i ka hale nei," i pane mai ai ke kauwa.

            "Ina pela e oluolu hoi ha oe e hele aku e hoike iaia no ko‘u makemake e ike koke aku iaia."

            O ko ke kauwa pii aku la no ia ma ke alanuipii, a aohe no hoi i liuliu loa aku hoi hou mai ana a olelo mai la ia Hale e pii aku oia i ka hale malun. O Mr.s Bernandona pu kekahi i pii pu aku me ia.

            I ka ike ana mai o Mr. Harisona i ka helehelena eia nae me ka hookuoi nui oia o ia nana ana mai i keia wahine malihini o ia hoea ana aku la me Hale.

            "E Godina, e oluolu oe e hele aku iwaho a pau ae ka‘u kamailio ana me keia mau mea," wahi a Harisona i kona kanaka lawelawe. "Pani aku oe e Hale i ka puka; i ole e  lohe mai kela kanaka i ka kakou mea e kamailio ai. Nana aku oe ahiki i kona haule loa ana aku ilalo ma ke alanuipii, no ka mea aole i keia aku kona hoolohe mai ma ka puka ki. Ae, heaha keia manao nui o olua o keia hoea ana mai la?"

            "He makemake au ia Elese Bernadona, ke kaikamahine a keia lede e ku nei." i pane aku ai o Hale.

            "Pela no ko‘u koho iho la," i pane mai ai ka elemakule. "Auhea olua, ke kaumaha nei au noka hoike aku ia olua, aia oia ma kekahi wahi kupono ole loa nona e hoopaaia aku ai i nei manawa; aka, mai manao mai nae olua mamuli o ka‘u kauoha i laweia aku ai oia e hoopaa maloko o kela hale i kaulana i na ano lapuwale apau. Ina he makemake ko olua iaia ea e haele like aku kakou e kii iaia, aole au ike aia oia i kela hale, aka nae, ua lohe mai au aia oia ilaila i nei manaw. Ua lohe nae paha oe, e Hale, no ka mare ana o Mabela ia mokana?"

            "Ae, o ko‘u lohe ana mai la no ia i kekahi o kau mau kauwa…"

            "O, auhea oe, e kuu keiki, pomaikai no oe i kou pakele ana, i pane mai ai ka elemakule me ka minoaka ma kona mau papalina.

            "I ke aha hoi?" i ninau aku ai o Hale.

            "O, ua maopopo no ia oe ko Mabela mau ano kupono ole apua e lilo ole aku ai oia i wahine nau." wahi Harisona o ka pane ana mai me ke kunokunou o ke poo.

            "O, e hoopoina aku kaua ia mea, a e noi aku ana au ia oe e awiwi mai a hele ae kakou," wahi a Hale o ka pane ana aku.

            "E awiwi? O aole e hike ia‘u ke hoawiwi, he hana paakiki loa ia na‘u e hana ai, a no ka mea, e ike mai no hoi oe la ua nawaliwali au, aka, in a e oluolu ana oe e kahea aku ia Godina e pii mai a e hoea koke mai ana no oia i kou manaw e kahea aku ai alaila nana e hookomo mai i ko‘u mau wahi aahu a nie ia wale no e hike koke ai ia‘u ke hoawiwi i ko kakou hele ana aku.

            "Oiai au e komo ana i ko‘u mau aahu ea, e hoi aku olua a ka hale malalo kakali mai ia‘u. He kaalio mai nei no anei k olua?

            "Ae, aia mawaho kahi i ku ai," wahi a Hale.

            "O maikai kela; maluna o ia kaa kakou e holo aku ai."

            Aohe i hala ka hapalua hora ma ia hope iho aia lakou apau maluan o ke kaalio kahi i kau ai a me ka awiwi loa hoi ia holo ana aku a loakou a pau no ka hale kahi o Elese i hoopaaia ai.

            I ka hoea ana aku i ua ahale la pii pu aku la o Hale me Harisona no ka hale maluan a mahope k Mrs. Bernandona komo ana aku i ka manawa i wehe ia mai ai o ka puka no ka hookomo ana aku iaia iloko.

            "I hoea mai la makou ianei no ke kii ana mai la i kela lede opio o ka laweia ana mai e hoopaa maanei," i pane aku ai o Hale me ka leo ko‘iko‘i e kau ai ka weli i na wahine, a no ia kauoha ana aku a Hale ua kau ka weli i na wahine, o ka oi aku o ka maka‘u oia ka wahine luahine nona ia hale.

            "E kii aku olua a haawi mai i kela kaikamahine ia laua nei, " i kauoha aku ai o Harisona i ka wahine paelel.

            "E loaa aku ana oia ia oe, e Hale, maloko o kela rumi ma ka papahele ekahi," wahi a ka wahine paele o ka pane ana mai me ka Haalulu.

            "O e Sera mai hoohupo oe ia oe iho. E kii aku oe e wehe mai!" i kauoha hou aku ai o Harisona.

            Aohe hoohakalia hou ana iho a Hale; o kona pii aku la no ia no ka hale maluna, me kona pale ana ae mae ka ikaika i ka wahine luahine oiai oia e oili mai ana i waho mailoko inai o ka rumi i hoopaaia ai o Elese a minuke ma ia hope iho aia o Elese iloko o na lima o Hale a oiai o ka Elese mea mau no ia e hoomanao ana o Hale wale no ka mea nana oia e hoopakele, ua hoea i‘o aku no nae oia i ka manawa kupono loa e hoopakele i‘o ia ae ai oia mai ka pilikia mai.

            Me ka awiwi loa ame na manao pokole wale no na olelo hoakaka i kamailio ia mai e Elese iloko o iea manawa oiai oia e lawe ia ana iloko o ka lima o kona makuahine a e iho like aha no hoi laua no ka hale malalo ma ke alanuipii a oiai o Elese e hoakaka ana i kana moolelo me ka hoihoi loa oia e noke mai ana i ke kamailio no kona pakele ana no ke kolu o ka manawa mai kela hale ino mai, me kona hoopoino ole ia.

            "He makemake au e hoakaka aku i ko‘u manao," wahi a Harisona, i ka manawa i loaa ai iaia he manawa e kamaililo ai. "E hoi kakou apau loa i ka hale o Mr. Venona, ke manao nei au aia no paha ko makuakane i ka hale ea, e Hale?"

            "Ae, aia no oia i ka hale."

            "Ina pela, e holo pololei kakou ilaila, a mai hoopau manawa wale maanei, no ka mea, he mea ka‘u i makemake ai e kamailio aku iaia, ke hike aku kakou laila, me ke kali hou ole aku no kekahi manawa."

            "O, ua pono kela i ko‘u manao," wahi a Hale, alaila o ko lakou kau ae la no ia maluna o ke kaalio a Hale ma o ka holo ana mai a kauoha aku la i ke kalaiwa e holo pololei ke kaalio no ka hale o Mr. Venon.

            Ma ko Elese aoao o Hale o ka noho ana iho maluna o ke kaalio, a ke hoolohe mau mai la oia ia Elese oiai oia e hoakaka ana i na mea apau i Hanaia nona ma ka po mamua aku, a ua nui Elese mau mea o ke kamilio ana aku mamua o ko lakou hoea ana aku i ka hale.

            "Ua huikala au ia oe, e Hale, a ke huikala hou aku nei i nei manawa no kau mea apau i hana mai ai maluna o‘u; ia‘ i noonoo mau iho ai aole e loaa ana kekahi manawa e halawai hou ai au me oe, eia nae, he okoa loa ka mea i hanaia a hui hou ana kaua."

            "A pehea, oia mau no anei kou aloha ia‘u?" i hawanawana mai ai o Hale. Aole paha i kupono ia aloha e hookauia mai maluna o‘u a no ka me, ua nui kuu kaumaha me ka hilahila pu, aka, nau ia e noonoo iho."

            "O, e Hale, aole i nalohia ke aloha iloko o‘u nou ahiki i nei manawa a kau e hui nei." wahi a ka Elese pane.

            "O, he mea hoohauolo loa mai la kela i ko‘u noonoo! A pehea, e ae mai ana no anei oe e lilo i wahinemare na‘u?"

            "O sure keel, o ko‘u lia ame kuu iini nui ia‘e noho aku la."

            "O, me ka mahalo nui ia oe," wahi a Hale.

            Ua hoea aku la lakou ia manawa i ka hale o Mr. Venona, a ia ike aha mai ana ia lakou nei o ia hoea ana aku a nei poe a nui wale o ka oi aku i kona manawa i like mai i kona hoopauia ae laua a pa‘pa‘i iho la maluna o kona poohiwi ua hoopauia ae ia kona kahala i ka manawa i pane ili oai o Harisona.

            "E hana aku ana au i kekahi mea e hopuiwa aku ai kou noonoo e Mr. Venona, ma o kekahi hana lokomaikai la au ia oe."

            "Ke manzo nei au aole au e hoopuiwaia ana in a e hoike mai ana oe," i pane ae ai o Mr. Venona.

            "Ua maopopo ia oe, e kuu hoaloha he kanaka hewa au, aka aole o ko‘u lilo ana he kanaka hewa oia ka mea e hiki ole ai ia‘u ke hana aku i kekahi hana maikai i ko‘u mau hoaloha, e like la me oe; he kanaka huhu ino loa au ke ku iho i kahi e huhu ai au, aka, he kanaka lokomaikai loa hoi ke ike aku au i ko‘u hoaloha iloko o ka pilikia. Oia au i hoea mai la imua ou i nei manawa no ka hoopau ana ae i kekahi pilikia kou aoao a‘u ike ai, in a no ko‘u hana aku i ka mea e poino ai oe, a eha ana oe, a ia manawa hookahi owau pu kekahi e eha ana.

            "Aka, e manaoio mai i ka‘u e hoike aku nei ia oe, e hoopoina aku oe i na mea i hala a eloaa i manao a i ano hou nou i keia la," a no kona kunu ana iho oiai oia e akaaka haalo‘ulo‘u ana, ua hiki ole iaia ke hoomau aku i kana kamailo ana a hana ai eia iloko o kuu mau lima i nei manawa.

            "O ka manao mua a‘u i hoea mai la imua ou i nei manawa oia keia i hoihoi mai la au i keia mau nota me oe. Puhi aku oe i ke ahi! O ka lua o ko‘u manao o keia hiki ana mai la oia keia e waiho like kaua i ka hana a e hoolilo kaua ia Hale nei i po no ka hui a nana e hookele ma nei mau aku."

            "E hoomaha kaua oiai ua palupalu mai kaua a o Hale nei ke kanaka opio e kupono e lawelawe aku i ka hana ma k kaua wahi. Aka nae, me a‘u no ko‘u mau kuleana apau e like me ka loihi o ko‘u ola ana a na‘u no e hoolilo aku ia mau kuleana i ka mea a‘u e makemake ai. Pehea keia i kau nana mai?"

            "Heaha auanei, hookahi wale no a‘u mea e hoike aku, oia ka haawi ana aku i ka mahalo kiekie loa ia oe no ia manao maikai ou, a no ka mea he hana aloha a lokomaikai loa kau i hana mai la, e Mr. Harisona.

            "Ua ulu mai keia manao iloko ou e hana elike me ia a‘u i hoike aku nei ia oe mamuli o kekahi hana epa i hanaia. O ka mea oiaio, i ha‘i aku au ia oe ua hoao o Mokana e hookomo ia oe a ia‘u pu iloko o ka pilikia i mea nona e pii ae ai ma ke kulana kiekie a ma ka nana aku ua manao oia e noho poo maluna o ka hui mamuli o kona mare ana ia Mabela, kuu kaikamahine.

            "Aole oia wale, aka, ua hana pu oia i kekahi hana hewa i like loa me kau i hana ai ma o ka hoohana ana i kuu inoa mea nona e pomaikai ai, nolaila, e aho hoi o oe ke hoopakeleia a oia ke hookomoia aku i ke anu. O kana mau nota epa i hana ai ei ailoko o kuu mau lima i nei manawa.

            "Na Rose Piasona i haawi mai i keia mau nota iloko o kuu mau lima no kona makemake e hookomo aku ia Mokana iloko o ka pilikia, e like me ka Mokana i hana aku ai i kekahi hana epa a poina oia.

            "Eia hou ua hoopoino o Mokana i ke kino ame ka inoa o kela kaikamahine, a ua hoopaa aku iaia iho e mare me Rose Piasona malalo o kekahi aelike hoopalau, eia ane, ua mare aku la ua o Makana ia Mabela, nolaila no ka Mokana hana epa i hana ai ia Rose, pela o Rose e hana mai ana i kekahi hana hoopoino maluna on a.

            "Hoko o na makahiki apau i hala aku la maluna wale no o‘u ko Mabela kauka‘i mai i kona mau pono a me ia ike no on a ua hoopalauia oia me I lale, ua puni aku la nae oia i ka Mokana mau olelo peo, a ua mare aku la me ia me ka manao e loaa ana iaia na pomaikai mai a‘u aku, ua kaawale aku la oia mai a‘u aku, a na Mokana e malama mai iaia ma na mea apau iloko o na la apau o kona ola ana ma nei mua aku aka nae, e hoomanao e hoakaka aku ana au iaia a pela me kuu loio i na mea apau i hanaia e a‘u e ike iho ai oia i kona hewa a mihi iho mahope.

            "no Mokana hoi, ke kanaka piha maalea a i akenui e loaa aku ana laia na pomaikai he nui mai a‘u aku ma o kona hoonohoia ana ae i poo no ka hui e ike iho ana oia i kona kuhihewa loa me kona ike pu iho i kona komo kuhohonu loa i loko o ka pilikia ana i manao ole ai aole au e ike ana, aka, elike me ia a‘u i hoike aku nei ia oe, ma kahi o kona hauoli, e mihi iho ana oia i kona pilikia."

            I ka hooki ana iho a Harisona i kana kamailio ana, nee ae la oia i ka akaaka no kana hana apuhi i hana aku ai i kana kaikamahine ma ka manawa ana i haawi aku ai i kona ae iaia e mare me Mokana a haalele iho la i ka ohana Venona.

            iaia i hala aku ai noho iho la i ka ohana Venona me ka hauoli no ka hoopakeleia ana o Mr. Venona mai ka pilikia mai. Aole wale oia ko lakou kumu hauoli, aka no ko Elese hoopakele puia ana mai kela hale ino mai a ua hookiekieia ae hoi o Hale ma ke kulana a Mokana i li‘a ai oia ke noho ana ma ia kulana.

            Iloko o ka pule mahope mai ua hooiaio mai o Harisona i kana mau mea i kamailio mai ai, no ka hoopaa ana ia Hale maluna o ke kulana poo o ka hui.

            Iloko o ia pule i mareia ai o Hale me Elese, he mare i malamaia o ka ohana pili kokoke wale no eie nae me ia mareia ana nae o laua me ka laulaha ole, ua hoolahaia aku la no maloko o na nupepa, a ua ike ole o Mokana ma ia mare ia ana o laua.

            I ka hala ana he pule a oi ua hoi mai la o Mokana ma a he meah pu wale no oloko o ka hale o Mr. Harisona a o ke kanaka i hele mai ai e wehe i ka puka no laua he kanaka okoa lo. "He kauwa hou anei oe?" wahi a Mabela i ninau mai ai.

            "Auhea oe, e ka madame he makaikiu au i hoonohoia maanei no ka hopu ana aku i ko kane no ka hewa apuka."

            "He mea oiaio anei keia?" i ninau aku ai o Mabela ia Mokana me ka hele o ka helehelena o Mokana ia wa a haikea.

            "Malia paha aole e hiki ana iaia ke ae mai ua hewa oia." wahi a ke kahi lea o ka pana ana mai.

            "Auwe o Mr. Sharp ka!" i hooho ae ai o Mabela.

            "Na ko makuakane ponoi no i waiho mai i ka hoopii e kue ana i ko kane e Mrs. Mokana, a o kana i makemake ai oia keia ma keia mua aku e uku ana oia ia oe me kekahi uku maikai a  aole on a makemake ia oe e noho pu hou maloko o keia hale me ia, e huli aku oe i wahi kaawale nou e noho ai."

            "O na hoina ana apau maluan on a!" wahi a Mokana.

            Alaila huli ae la oia e nana ia Mabela a i ae la: "E hoomaikaiia na lani no ka mea ua kaawale mai la au mai a oe mae e kena wahine hookiekie nui wale! Ina i loaa ia‘u he manawa e kau aku ai i kuu mau lima maluna o ke dala a ko makuakane in a ua uku aku au i kou mahele o kuu waiwai a hook@@@ aku ia oe e hele i ka loa ame ka laula, aka, aole ia mea me a‘u i nei manawa a aole no hoi he mana i koe iloko o kuu lima.

            "Eia au ke hele nei no ka halepaahao me ka maopopo ole ia‘u o k‘u hopena, hookahi wale no mea i maopopo ia‘u e hoopaaia aku ana au no kekahi mau makahiki a e malama aku oe ia oe elike me ka maikai loa au e ike na."

            Ua maule iho la o Mabela ia manawa, a eole e paa e aku kona mau lima i ka makaikiu in a ua hina ilalo.

            Ma kekahi la ae i noho ai ka aha hookolokolo, a he elima oe i oe elike me ka maikai loa au e ike ana."

            No Mabela hoi i mea e nalohia ai kona hilahila ua holo aku la oia i Europa a oiai oia e noho ana malaaila ua hoea ae la i Nu loka na lono like ole e pili ana iaia no kona oluolu a peia aku a e hahai mau ana hoi ka olohe o Kamaomao iaia.

            No ka elemakule Harisona hoi iloko o kona kulana nawaliwali ua hoomau aku la no oia i ke ola ana no kekahi mau makahiki.

            No Mr. Venona hoi aohe ana hana i nei manawa ua lilo oia i mea alakai ia Hale ma na mea apau i pili i ka halekuai.

            No Hale âme Elese he mau mea hauoli loa laua. Mailoko mai laua o na hoohiliia he nui me ka hoomanawainui i na hana hoao lehulehu a Mokana no ka makemake e hoohihia a e hohaumia ia laua eia nae he okoa loa na hoopnopono ana a ke au o ka manawa no laila mailoko mai o keia moolelo ua loaa kekahi olelo ao maikai loa o ka hoomanawanui wale no ka mea e palekana ai i ka manawa hope.

KA HOPENA.