Ka Nupepa Kuokoa, Volume LIX, Number 2, 14 January 1921 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

Nupepa Kuokoa, Honolulu T.M., Poalima, Ianuari 14, 1921.

Hoopulapula, Hoolaupa'i. Hoowaiwai Ame Kuokoa, He Hookahi No Ia Kino

(Hoomauia mai.)

Aka i ka manawa a ka mea makaala i na pono ana i hana ai, aole loa he wa a ka mea e manao ana ma ke ano hoomaloka e lanakila ai maluna o ka mea manaoio. Nolaila i ka hoolaupa'i ana mai o na meakaau, aia ma ia alahele na holoholona ke hoolaupa'i mai la no no kumu, ua nui ka ai ame ka makaala mau ia i na la apau, no ka mea ua lilo oe i kauka makaala mau i ka ulu o na meaai pela me na holoholona, e ike ana oe i na mea apau e nee ana i kela ame keia la, a pela me ko ka honua, ke hoolaupa'i mai la, oiai ke hana mai la na keikikane i ka hana a ka makuakane, pela no hoi me ke kaikamahine, ke hanala i ka hana a ka makuahine, i a'o aku ai, a i ka pii like ana o keia mau mea a el@a me ka maikai aole no i nele ka loaa o ia mea he kuia, no ka mea, he mea kuluma ia i na manawa apau, aka hoi i ka hoihoi pono ana ae maluna o na mea au i ikemaka ai, ua hapaiia mai ka manaolana i na manawa apau, ma kahi o ka ulu ana ao o ka manao hookuihe i na mea au i hana ai, nolaila mau no ka nee ana imua, me ka ukuia mai o kou luhi ana, o ia hoi, ua waiwai na mea apau.

Ke hoowaiwai mai'la na kumulau puaa ia oe, ke ho'owaiwai mai la o kinanamoa ia oe, peia na kumulau pipi, aia o kulina ame uala ame pu, pela me ka hei, ke hoowaiwai mai la keai mau mea oiai ua hana akü oe i na mea i kupono no ia mahele, o ia hoi, ua kukulu mai oe ia hoopulapula a ku kana, kukulu mai oe ia hoopulapula a ku kana, pela no hoi o hoolaupa'i, kukulu hou mai oe ia hoowaiwai, o ia ka hele like ana o keia mau mahele i ka manawa hookahi, o ia hoi e nana ana kekahi i ka pilikia o kekahi, no laila ua makaukau mau kekahi e kokua mai.

E manao mai ana paha kuu lahui, pehea iho la i maopopo ai i ka meakakau kana mea e kakau nei? Ae, e wehewehe aku au i keia mau wahi manao, i ka manawa au i hoopulapula ai, e ike mua oe i ka mua ame ka hope o ia manao; pela no hoi me hoolaupa'i ame hoowaiwai, nolaila, ua lawe mai ka meakakau a kukulu ae i keia mau mahele ae la ekolu.

Nolaila in a ua holopono ka hoopulapula hana, alaila aia ke ku kokoke mau la a hoolaupa'i, i ka hooholo pono ana aku i ka hoolaupa'i haua, aia no hoi ke ka kokoke la o hoowaiwai malaila, nolaila i ka pii like ana o keia mau mahele a ekolu, me ke kulana holopono, he mea maamau no aia no o kuia ke hele pu la ma ia alahele hookahi, aka o ka mea nana e alakai ana i keia maumahele ekolu, ke nana mau la oia i ka nee ana i na ia apau, ame na hora apau. E hoohalike ae au, a elike me keia: Ike ku ana o kekahi hui i hoolalaia ai e kekahi kanaka hookahi, alaila, e waiho mai ai e kiliuai ia mai ana kana wehewehe ana, i na mea ana i hoolala ai, nolaila i kona hoike ana i ka mua ame ka hope o kana mea i noonoo ai, ua apo koke ia mai la e ka poe mea dala, nolaila koho koke ia na lunanui, o ia hoi peresidena ame kona hope, puuku, kakuuolelo i moolelo, kakauolele ohi dala ame ka lunahoohana nui ame ka papa alakai.

Nolaila o ka lunahoohana nui e pono e koho in kanaka o ka mea nana i hoolala na mea apau, no ka mea oia ka mea i ike i ka hana ana ia mea.

Nolaila o na lunanui e ae, aole loa lakou e mauae mai maluna o keia kanaka, aia wale no ke pilikia e ikeia ana; nolaila e hana koke ia ia mea i pilikia ai; nolaila i ko kakou kaupaona ana i keia mau kalaimanao ana, e ala mai ana no na ninau, heaha iho la ka pili o keia ninau hui ame ka hoopulapula ame hoolaupa'i, hoowaiwai ame kuokoa.

Eia ka mea i pili ai, e hoomanawanui mai kaua e ka mea heluhelu; o kamahele pili hui, ua hoolokahi lakou ia lakou iho a lilo i hookahi ma ka hana, poohiwi i ka poohiwi, umauma i ka umauma, hoomanawanui maluna o ka hoomanawanui, ame ka hilinai i ke kanana nana i hoolala ame hoopulapula, i na mea maikai i mea e holomua ai na mea ana i manao ai, a i ke ku ana mai imua o ka lehulehu me kela manao hana le, buki like, e ohi ana no i na mea maikai, oiai aia ka manao makee iloko o kela lunahoohana nui no ka pono o ka poe na lakou i kokua aku iaia, i na mea e loaa ai na mea hana, o ia ke dala.

Nolaila i ka hoihoi pono ana ae maluna o keia ninau hoopulapula, aia mau kela mau dala ekolu kaukani mahope o kou kua. i makaukau mau i na kokua ana ia oe, i ko'u manawa e lawe ai i ka aina no ia hana, a e ike mai oe, o ia mau dala no ke kuai ana i na mea pili hana, o ia hoi, in a i mau kumulau puaa, he iwakalua a i umi pipi wahine i umi kakini moa ame kahi hale kupono a i kou hoopulapula ana i keia mau mea, ua pau mua ae nei mamua, o ia hoi e ike mua oe i na mea apua (Aole i pau)

Ninaninauia O Jas Poe E Ke

Kiure Kiekie

Ma keia auwina la e noho ai ka papa kiure teritore kiekie no ka ninaninau ana i ka bibia o James Poe, ke kanaka i hoopiiia ae ai no ka hoeha ana ia Minnie Benavitz, he wahine opio nona na makahiki he 19, ma ka po o ke Sabati aku nei. O keia ka lono i hoikeia ae ma ka Poalua nei e ka Loio Kulanakauhale Wm. H. Heen. Ua hoolalaia i kinohi e kahea ae i halawai kuikawa na papa kiure kiekieaka mamuli o ke kulana maikai ole o ke ola kino o ka mea i hoehaia pela iho la i hooholoia ai e kali a ke kau mau a ke kiure, a ua manaoia ma ia manawa e hiki ana ia Minnie Benavitz ke hoakaka pono ae i kona moolelo mamua o ke kiure kiekie ma keia la.

I kulike me ia a ka loio kulanakanahale ame kalana o ka hoike ana ae, e hoawiwiia ana ka lawelawe ana i keia hihia, o keia kekahi o na hihia inoa loa i hoea ae imua o ke keena oihana o ka loio kulanakauhale, wahi apa, a in a no ka hoopaaiia o James Poe e lilo ana ia i mea e kau ai ka weli i kekahi poe manao kolohe e aku aole e hana hou mai elike me ka James Poe i hana ai.

Moolelo O Ka Hoike Hui O Na

Kula Sarati Ame C. E.

O Maui Hikina

Mr. Solomon Hanohano, aloha Hapenuia kaua: -Ina he wahi rumi kaawale kekahi o ke Kilohana pookela a ka la hui Hawaii, oluolu oe e hookipa aku i kela peomanao e kau ae la maluna, a nau ia e uwila aku apuni na moku.

Ma ke Sabati, la 26 o Dekemaha, A. D. 1920, i malamaia ae ai ka hoike hui o na K. S. ame Abahui C. E. o Maui Hikina, ma ka luakini o Nahiku, Hana, Maui.

O na K.S. ame na C. E. i hui au mai ma keia hoike hui o ia keia: Kaupo, Wananalua, Wahinepee Keanae ame Nahiku.

I kulike ai me ke kuahaua a ke K. K. S. Nui, i hoolaha mua ia ma ka nupepa, e malama mua i halawai Karisimaka ma ka auwina la Poaono, la 25, ua hookoia pela, aole nae i ka hora i kuahauaia ai mamuli o ka nui o ka ino ua panee loa a na hora ahiahi.

Ua hoomakaia ka malamaia ana o kela halawai i ka hora 6:30 p.m. a pau i ka hora 7:30 p.m., na na Rev J.P. Inaina ame Rev. J.P. Kalohelani i alakai na hana. Kumuhana: Ka la Karisimaka.

Oiai e nee awiawi ana ka manawa imua, a he mahee hana okoa kekahi mahope o keia halawai o ia ka ahamele.

Ua malamaia he lulu dala i ka wa o keia halawai Karisimaka, us loa he $13. Ua hooholoia e holo ia mau dala no ka ekalesia o Nahiku i waihona kukulu hale kahu.

Mahope iho o ka hookuu ana o ke anaina haipule Karisimaka, ua hoonee koke ia no na hana ahamele.

Na ke K.K.S. Nui J.N. Kawaakoa i hoolaha mai, o I.A. Kanae oia ke kakauolelo no na hana apau, o malalo o kana alakai ana ka holomua no na hana apau a hiki i ka hopena.

Lawe o I.A. Kanae i ke alakai ana i na hana ahamele. He opio kane kanaka u'i, mai ka uka iuiu mai o Huelo, nana i kakele mua ae i ke kahua o ka pu lea o Halalii. O kana himei i mele mai ai.'I Wish You Will Be Mine," nui ka nani o keia opio; nanahemaikai no hoi ka leo; kupono no i ka lea o kela manu kaulana, ka o o hulu melemele.

Kaheaia na Kula Sabati no ka lakou mau himeni ahamele. I ka hoopokole ana ae i keia mahele hana ua hooko no na Kula Sabati i ka leo kauoha o ke K.K.S. Nui; ua hooko a ua hele mai lakou apau me ia makaukau piha no ua pole'a la o Halalii. Huia o na dala ahamele, $62.

Ua hookaia na hana hoike Kula Sabati i ka horn 10a.m., ma ke meleia ana o ka himeni aoao 2 o ka L.H., malalo o ke alakai ana a ke alakai himeni o Keanae, Mr.G.E, Asiu, me ka pula mai ia Rev. J.P. Kalohelani.

Na ka papa K.S. o Wahinepee i wehe mua i na hana hoike. He elima ka nui o na haumana o keia K.S.; maikai a paauaau na himeni ame na haawina. O ka oi loa a kou meakakau i koaa mailoko mai o keia papa K.S., o ia keia: O keia pokii, me he la aia paha ma kahi o ka elima a i ole eono paha makahiki, ua hiki loa i keia wahi pokii ke pani pololei i ka haina o na ninau he 31. Imua e na kuku maikai me ka olua mau hana maikai me ka olua moopana. Mahalo a nui.

Ke K.S. o Wananalua o na pokii ame na opio. Huina nui o na haumana o keia papa, 18 haumana. Ka lakou haawina ma ka olelo haole, e alakaiia ana e ka Rev. G.E. Lake.

He ku i ka nani na mele himeni ma ka olelo Bertania, paanaau maikai na haawin, pela me na himeni. Ke hoomanao nei na paha ko ke Kuokoa mau kini heluhelu, ma kekahi hoike hui i malamaia ma Wananalua, iloko o ka mahina o Augate i hala aole he papa o na opio amea na pokii o ke Kula Sahari o Wananalua i loaa ma ia hoike hui ana. He mea nae e hauoli ai no na haipule ka ike ana aku, eia no na anoano maikai o ka ke Akua hana ke luluia nei iloko o Kana poe kauwa maikai, pela i loaa ai keia huina haumana nui mai Wapanalua, i hiki kina ae ma ke kahua o ka hana ma Nahiku.

Ka papa K.S. o na pokii o Nahiku he 6 haumana o keia papa, he poe moopuna e alakaiia ana e ko lakou kupunakane ka lakou niau himeni paanaau pela me na haawina. Piha eleu kahi tutu i ke a'o ana i kana mau moopuna. Miomio a mikioi ka hooponoponoia ana o na haawina ame na himeni. Hooni mau ia aku imua, no la lapakila.

Papa K.S. o na makua o Nahiku. e ehiku no haumana o keia K.S. ka lakou haawina ma ka Hoaloha; paanaau na himeni me na haawina. Nee aku imua.

Ka papa K.S. mau o Kaupe, he 14 ka nui o na haumana, a o ka mea e kakau nei i keia moolelo oia no ke alakai o keia K.S., a ka lakou haawina ma Ka Hoaloha, he paanaau ka himeni pela no me na haawina. Aole a'u mau olelo kupono e haawina ai no keia Kula Sabati ma na wahi i kauohala ai no na hana hoike Kula Sabati, in a he inoino a i ole loihi paha ke alahele.

Papa K.S. o Keanae, he 19 ka nui o na haumana o keia K.S.; nui ka u'i o na lea mele himeni, e nunulu ana na leo baso, kani wi no hoi ke tenor, kani olu nanahe ka lea aleto; hoehoene kani kikiko'u na leo soprano, he u'i mai hoi kau. O keia ka panina hope o na papa i hoikeia.

Hapaiia na hana lulu dala. Huina dala i luluia $92; hoolaha mai ke K.K.S. Nui o na olelo paipai he mea pono e hoopanee iloko o ka manawa hoike o ka Ahahui C.E.

Hookuuia na hana hoike K.S. me ka himeni 171, L.H., me ka pule mai ia Rev. J.P. Inaina.

Oiai ua makaukau na komite hookipa, ua poloai ia na mea apau, na haumana ame na makaikai o kipa ae iloko o ka haleaina, no ka hoopiha ana i ka lua o ka inaina.

Oiai ua hee a aneane a haupo lewalewa i hakalia no a amama ka pule a ke kahu, ilalo wale no na poo; aea no hoi akahi no a ikeia aku no hoaloha.

Hoomaha liilii, hora 1:30p.m. ma lamaia na hana hoike Ahahui C.E. elike no me ka papa kuhikuhi o na hana hoike K.S. pela no ka papa kuhikuhi o na hana hoike Ahahui C.E.

He maikai ke kulana o na hana hoike K.S. i malamaia pela me na hana hoike Ahahui C.E. Ua alakaiia na hana hoike C.E. me ka eleu loa iloko o hookahi hora wale no. Na olelo hoolaha ame na olelo paipai mai na Rev. Geo. E. Lake, Rev. J.P. Inaina, Rev. J.P. Kalohelani, S.K. Kaailua, D.W. Napihaa, D.K. Kahookele, L.S. Kanae ame ke K.K.S Nui.

Hoolaha hou mai ke komite o ka la e malama hou ia ana he ahamele hoolaulea ia ahiahi Lapule.

Ua hookoia ia hana a o na hua i loaa no ia ahamele hoolaulea he $50; ua hooholoia o keia huina dala e holo ia no ka Ekalesia o Nahiu no ka waihona kokua hale kahu.

I ka hoohuihui ana ae i ka huina nui o na loaa lulu dala apau loa mai ka hoomaka ana ahuki i ka pau ana he $251.25.

Ua hooholo lokahi pu na Kula Sabati apau, ma Kaupo ka hoike hui hou o na Kula Sabatii keia makahiki iloko o ka mahina o Augate, 1921.

O keia ka panina pau o na hana. Ke haawi aku nei ke komite o na hana o ka la i ka hoomaikai a nui ia oukou e na Kula Sabati ame na C.E. i ko oukou hoolohe ana mai i ko'u leo oiai au ma ke kahua o ka hana i haawiia mai ai ia'u.

Ia oe e Mr.Lunahooponopono ame na keiki o kou papapa'i ke aloha Hapenuia. Me ka haahaa,

Luther A. Kanae

Kakauolelo o na hana o ka la.

Kaupo Maui Dec. 27, 1029.

London Jan 7. -Ua hoohua mai na haunaele koikoi loa maloko o Irelani iloko o ka 1920 i ka make ana o 261 poe ame ka hoehaia ana o 446, elike me ka hoike i houluuluia e ka luna aupuni no na makao na kanaka Ailiki a i hoolahaia ae maanei i keia la. Aole i komo pu maloo o keia helupa na makaainana he 82 i make ai ma na haunaele ma Ulater. I kulike me ka hoakaka a ka nupepa Westminster Gazette ua hoikeia ae ke konia ana ae o ka peresidena o ka repucbalika kuikawa o Irelani e hola mai i Lalani e keka me ke Kuhina Nui Lloyd George no ka mea e pili ana i ke kuikahi.

Hooku'Ila E ke kaa otomobile a haki ka wawae ka auwaha.

Aneane ma ka hora 11 o ke kakahiaka Poalua o ka pule i hala i hooku'i ai o P. Kaohu e kekahi kaa otomobile ma ke kihi o na alanui Rikeke me Halekauila, a kiolaia oia iloko o ka auwaha a malaila oia i waiho ai a ka aneane hapalua hora mamua o kona kiiaana ae e ke kaa lawe ma'i o ka halewai a laweia ae no ka halema'i o na poino ulia. He kanaka Hawaii o Kaohu nona na makahiki he 25, a o kona wawae akau ka i hiki mamuli o kela hooku'iia ana e ke kaa otomobile a ka mea lomaikai o ka hoike ana ae, e holo mai koino. I kulike me ka moolelo a ka oihana ana ka o Kaohu mauka mai o ke Alanui Rikeke, a iaia i huli ae ai ma ke kihi o ke alanui Halekauila, e holo mai ana he kaa otomobile ma ke alanui Halekkauila a hookui mai la i ka huila hope o kona kaa e kau ana a kiolaia aku la oia iloko o ka auwaha.

Mamuli o ka ikaika o kela hookuiia ana mai on a e ke kaa otomobile a kiolia oia iloko o ka auwaha ua loaa ole he manawa nona e ike ae ai i ka helu o ke kaa a i ole i ke kalaiwa o ka otomobile oiai, ua lilo loa kona noonoo i ka eha o kona wawae ia manawa e hiki ole ae ai iaia ke noonoo no kekahi mea e ae.

Na kekahi kanaka i hele aku ma kela wahi ana e waiho ana iloko o ka auwaha i ike mua iaia, a nana i hoike ae i ka oihana makai a hoounaia ae ke kaa makai no ke kii ana ae iaia a lawe ae i ka helema'i o na poino ulia. Ua lapaau mua ia oia maloko o ka halenta'i o na poino ulia, a mahope iho ua hoi hoiia ae no ka Halema'i Moiwahine, a aia oia malaila kahi i lapaauia mai, ai, a ma ka lono hope loa i loaa ae e pili ana on a ua moe oluolu loa ka oia me ia po iho.

He kanaka hana o Kaohu no ka Hui Hawaiian Electri &Co., Ltd. a ma ka pahale 24 ma ke alanui Vinia kona wahi o ka noho ana. ke huli mai nei ka oihana makai i ke kalaiwa nana kela kaa otomobile lokoino 6 ka hookui ana me Kaohu. Aole hoi he iko iho i ka pilikia o ka hoakanaka a kii iho a lawe aku i kahi e hoopaulu ae ai ka pilikia o ka mea poino mauwale.

HOOKUUIA HE MAU PAAHAO E KE KIAAINA

Mamuli o na hooia ana mai ka papa komisina paahao mai, no na kulana maikai o kekahi mau paahao, i hookuu ae ai ke Kiaaina, ma ka Poakolu aku la i hala, he chiku paahao, no ka hele lanakila ana, no lakou na inoa malalo iho nei penei:

William Watson, ahewaia no ka hewa powa, ma ka la 27 o ka mahina o Maraki, 1920, a i hoopa'iia hoi, e noho maloko o ka helpaahao mai ka hookahi a i ka iwakalua makahiki. hookuuia ma ka Poaha nei.

Pablo Golacia, ahewaia no ka hewa moekolohe, ma ka la 26 o Feberuari, 1914, a hoopa'iia e noho maloko o ka halepaahao mai ka ekolu aku a i ka umi makahiki. Ma ka la 22 o Feberuari ae nei oia e hookuuia aku ai.

Jame Kuhia, ahewaia no ka hoeha, ma ka la 20 o Maraki, 1920, a hoopa'i ia mai ka hookahi a i ka elima makahiki e noho ai maloko o ka halepaahao. Hookuuia oia ma ka la 16 o keia mahina.

Chee Tuck, ahewaia no ka hewa wawahihale ma ke degere elua, ma ka la 24 o Sepatemaba, 1918, a hoopa'iia mai ka hookahi a i ka elima makahiki e noho ai maloko o ka halepaahao. Hoomaka kona hookuuia ana mai ka la 14 mai nei o keia mahina.

Melencio Dias, ahewaia no ka hoeha me ka meaeha ku i ka make, ma ka la 14 o Ianuari, 1918, a hoopa'iia mai ka ekolu a i ka elima makahiki e noho ai maloko o ka halepaahao. Hoomakn kona hookuuia ana mai ka la 14 mai nei o keia mahina.

HOOMAKAUKAU NO KA AHAAINA MARE PAA NAEʻI KA HOPUIA

Iloko o ka mahina o Navemaha aku nei i hala ua mare o Yamada he Kepani, i ka wahine ana i ike ai me ke kii, a no ke kulaia ana i ko laua la mare i hoholo ai oia e hana i sake no ka papa ahaaina e haawiia ana no ia la, eia nae, nohe i hiki aku i ka la i makemakeia ai ua sake la ua paa e oia i ka hopuia no ke kue kanawai hookapu waiona federala a laweia ae i ka halepaahao, a ma kona la i hookolokoloia ai ua kauia mai ka hoopai o $100 maluna on a.

He Kepani o Genro Yamada kekahi i hopuia no ia hewa like a $100 ka hoopai i kauia mai, o kahi o kona laki ua hoihoi hou ia mai kana mau dala koina.

He wahine, o Annie Akana, kekahi hopuia no ka loaa ana aku o kekahi omole okolehao ma kona wahi a he $75 kona hoopai i kauia mai, ua hoihoi hou ia ea no dala koina.

O Soichi Inouye, he Kepani, kekahi hopuia no ka loaa ana aku o kekahi mau onole sake malalo o kono malu a $100 kona hoopai i kauia mai ua hoihoi hou ia mai na dala koina o ka aha.

He omole okolehao ka i loaa aku i na kanaka o ke aupuni federala ma kahi o Tosi Ouchi, he wahine Kepani, a ua malama ka oia ia omole okolehao i laau nona, eia nae ua hemahema oia a ua lilo mai, i na kanaka o ke aupuni federal a he $25 kona hoopai o ke kauia ana mai e ka aha, ua hoihoi hou ia mai na koina o ka aha iaia.

He Pake, o Leong Chew, ka inoa, no ke ku-e i na kanawai hookapu waiona $100 kona hoopai i kauia mai. Ua uku ae oia i kona hoopai a o ke koina o ka aha ua hoihoi hou ia ae iaia.

He eha kuata okolehao i loaa aku ma kahi o Tomito Imahiro i laweiia ae e na luna aupuni federala, a ma ka hooloheia ana o kona hihia ua kauia mai ka hoopai o $100 maluna on a. O keia mau bihia ae la a pau ua hookolokoia ma ka Poalua nei mamiia o kka Lunakanawai Federala Vaughan.

HAINA NANE.

Nani Kaala he kiowai no ke kehau, Ke linoia mai la e ka poe o Lihue; O Kalena ma no i Haleauau, Au ana ka lae o Maunauna i ke kula. Ke nana iho oe ialalo o Waialua, He mea e ka noho a Puaena, I piena no ka lio i ka punuku, E komo kaulawaha ia la hoi maikai. Maikai wale ke one la e Maeaea, Ea mao ole ke kai o Mokupaoa, Paoa no oe he mauni ai ole ia, I laka no ka uhu i ka pakali.

Mr. Lunahooponopono o ka Nupepa Kuokoa, Aloha makahiki hou kana: E oluolu mai hoi oe ia'u, in a he rumi kaawale kekahi o kou moku, ka elele mama apuni ke ao nei, o ia hoi ka Nupepe Kuokoa, no'u hoi ia rumi no ka'u haina nane, no ke kolu o ka manawa.

Eia au la he kama, he kupa, he ewa, a he keiki papa hoi no Hawaii nui akea, o ke keiki au a Kapukapu me Holei, o ke kiai pali au o Panau, Puna i Hawaii no'u na akaku like ole ekolu e maalo nei, a pela au i heaia mai'ai e ko ka honua holookoa, ua aloha ekolu i ka ipo hookahi. Owai ke kama. Haina:Pu.

No ia nei na mahele elua aia i ke kai a eia uo hoi i ka aina nei, elike me ka manao o ka nane e olelo ana: E kakali malie iho oe, aia a biki mai o Mahealani, e manao ae oe owau se hoa. Owai au ia oe? Haina: O. No ia nei na mahele he nui, ua lilo no hoi o Oelike me Mahealani ka poepoe maikai, ua lilo no hoi i kanawai o O'no ko lahui kanaka. He milimili au i ko alo a kamaaina no nae i ko leo, a ua noho pu au i mea hooko i ka makemake o ke kanaka. Owai au ia oukou?

Haina:1. No ia nei na mahele he mui, ua lilo i mea nui imua o na alii, ua lilo aoia i koa, a pela i kapaia ai na inoa iloko o ia au, I, Mahi Kapalena, a pela no i lolo ai i olelo nui. He ino au ua kaulana apuni na moku loaa ae uo au ia oe i ka moku o Manokalanipo, aia au la i ka piko o Waialeale, malalo pono ma ke kowa ae. o na mokupuui ke ole nae au iiaila, alaila loaa ae au ia oe ma ka poli o Kawikini, e hooipoipo ana me ka leo o ka ohe a Kanikawi. Owai la au ia oukou? Haina: Na.

No ia nei na manao lehulehu he huaolelo kumu keia mai kinohi mai, pili keia i na mea he umi a oi aku, a pili no hoi i ka mea ma'i ke ninau aku oe i kekahi mea, pehea mai ke mai o mea? Oia na wale iho la no, hele mai la ka eha a ka piko, hoi aku la ilalo i kekahi manawa, holo ae la i ka poli ma ka aoao akau, a i ole ma ka hema, pela i pili ai ka nane ma ka piko o Waialeale, n i ole, ua loaa aku la aia i ka poli o Kawaikini.

Pololei no hoi oe e J.W.K. Kakelamaluikaleo i ke kuhi ana aku i Kauai, eia iho no hoi ha la ke okuu ae la i ko alo, eia ka he kuhi aku i Kauai, aole oe e pakele, ua loaa pono aku la oe i ke kopito a ke Keika la ko alo iluna, ke naeiki la ka hanu i ka hapai i na pani nunui o Uahipouli, i ulaa pu ia aku la, aolee paa koke ia oe, ua weluwelu liilii.

Ina e huiia keia mau haina apau mai ka mua mai ahiki i ka hopena, ke maao neiau ua maikai. Puoina.

Ke manzo nei au ua lawa lou na manao me ka maikai, me na keika o ka pupa'ipa'i ko'u welina pau ole.

Owau no me ka oiaio,

J.H. KAWELOWAI.

Pa-kolu mai la ke kani ana a ka moa, akolu no manawa o ka hoi nele ana i ke kula heihei o Walikanahele. Hanaia mai ka ike ame ke akamai a nui, malia aia a pau kauna loaa pono ka eueu o Uwahipouli ia oe. Huli hou ia mai!-L. II.

NA LEKA KII OLE IA MAI NO KA PULE E PAU ANA I KA LA 11 O IANUARI, 1921.

Akuma, Henery K

Holikea, Emma

Awai, Charlotte

Aheana, Luika

Aiona, Kihei

Apua, Mas. Henry

Aiu, Mr. Ambrose

Enoka, Mrs. Rose

Aiona, Mrs. Myra

Uweloa, Valentine

Halemanu, H

Hooahanu, Geo.

Hoopili, W.

Hookuanui, Mrs W

Hanohano, Miss S,J

Huleke, Mrs Annie

Kakalau, J

Haawaloa, Kalua

Kaaumoana, C K

Kaehu, Albert

Kaiwi, Kalili

Kaina, Mrs Kaaloha Pauole

Kaiewe Mrs Geo

Kai, Mrs Akula kaiahi, Mrs Harry

Kaholoi, Mrs Lahela

Kahole, Mrs Julia Kaaihue

Kahekili, R H

Kahoe, M K

Kahoohalahala, Miss Julia

Kololo, Jos.

Kaloio, Joseph

Kalei, Mrs Hattie

Kaloio Miss Lydia

Kalawaa, Aloau K

Kaleikini, D K

Kamakau, E P

Hamaka, Miss H

Kamakaala, Mrs Maria

Kauka, Aiona

Kau, Mrs. Kaa

Kauila, Miss annie

Kapeno, Joseph

Kapeliela, Mrs. Keawe

Kapepe, Miss Elsie

Kapule, Mrs. Nellie

Kealoha, Pua

Kiwalo Mrs. Kaula

Kealoha, Mr Geo

Keanu, Sam

Kealoha, Warten

Kane, Miss Bellie

Kanilao, S K

Kanoho Miss Mae

Kumalae, Miss Thelma

Kua, John

Kuehu, John

Lui, Mrs. Hana

Kawai, Valentine

Lawei Mele

Mahiole, Miss Agnes

Malama, Miss Kaiminauao

Perry, Mrs Maryana

Makie, Mrs. Lena

Moke, Miss Eva

Naone, Mr. &Mrs. J

Paahau, Wm

Pilipo, Mrs. Elikapeka

Paia Mrs Luukia

Paekukui, Kila

Palau, Mrs. Mary

Paona, Mrs. Elizabeth

Pelio, Mrs. Juli

Pahaole, P

Paio, Miss Rose

Wailehua, Mris Mary

Eninau ma na leka i hoolahaia ke kii mai.

PENEI KA BILL BOOSTER:

"Makemake au e hoike aku i ke ano o na makuahunowai, aole o'u hoihoi no lakou. He noho malie ko'u makuahunowai."

Ua poomaikai o Booster i na wahine maikai. Ke lawe mai nei na wahine maikai. Ke lawe mai nei na wahine maikai i ka lakou mau kane i keia halekuai no na kumu lehulehu. Aka o ke kumu NUI nae o ia ka WAIWAIIO. e hoomanao mau i keia WAIWAIIO. Ina he maikai a ua hiki ke kuaaia, o loaa no ia ia oe maana me ke emi. E nana mai i ka makou kumukuai o na paalole e kuai nei ma ke $32.50 a ke $47.50. Mai poina i ka makou mau KUKA AULII o $25.00 no $17.50.

THE MODEL CLOTHIERS

"Ka Halekuai Hoemi Hoolile."

1139-ALANUI PAPU-1141

TERITORE O HAWAII

Keena o ka Puuku, Honolulu, Oahu.

Ma ka hana e hoopau ana i ka HAWAII KOA FURNITURE COMPANY, LIMITED.

OIAI, o ka HAWAII KOA FURNITURE COMPANY, LIMITED, he hui ia i kukuluia a e ku ana malalo a ma ka mana o na kanawai o ke Toritore o HAwaii, i kulike ai me ke kanawai i hoomakaukauia ma ua hana o kela ano, ua waihoia mai iloko e keia keena he palapala noi no ka hoopau ana i ka hui i oleloia, hui pu me kekkahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha, i kekahi mea, a u na kanaka apau, he mau kuleana mamaa kuleana nei paha i keia ke haawiia aku nei ka hoolaha i kekahi mea, a u na kanaka apau, he mau kuleana mamaa kuleana nei paha i keia manawa ma kekahi ano iloko o ka hui i oleloia, pono e waiho mai i na kue ana no ka aeia aku o ka palapala noi i oleloi. maloko o keia keena, mamua ae o ka hora 12 awakea o ka la 21 o Marake, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko. Honolulu, ma a i ole Hale Mana Hooko. honolulu, ma a i ole mamua ae o ku hora, 12 awaken o ka la i oleleia, a hoike mai i ke kumu in a he kumu ia kahi i wahi e ae ole ia aku ai ka palu pala noi i oleloia.

DELBERT E. METZGER

Puuku, Teritore o Hawaii.

Honolulu, Ianuari 6, 1921.

6435-Jan. 14, 21, 28: Feb. 4. 11. 1. 25; March. 4, 11, 18, 1921.

APONOIA E KA PAPA KE KUAI ANA AKU I KEKAHI MAU APANA AINA

Ma ka noho ana a ka papa aina aupuni teritore ma kona kau mau ma ka Poalua nei ua aponoia eia papa ke kuai ana aku i kekahi mau pahale he 19 ka nui ma Wahikuli, Lahaina, Maui, a me ekolu ame hapa mau eka aina ma ia wahi hookahi. Ua loaa ae ia papa hepalapala noi e hoakaka ana no ke hu kuluia on a mau halle no na limahana ka mahiko Pioneer Mill Company. ma kela mau wahi.

Ua aponoia na kupapo aina ana, ma ia haua ana i lilo mai ai hehahi mau wahi n oka hana  ana i mau alana elua o na alanui maloko o Honolulu oia ke Chrel ame ka I. usitana.

Ua haawi pu ia aku ke apono ana no ke kuai ana aku i mau laikini oki wahio ma Oahu nei a ma Kauai, pela ke kuai ana aku he 15 mau apana aina elima malaila.

Ua apono pu ka papa i ke kuai ana lilo mai ai o ka aina ma kahi Eia mile ma Olaa, Hawaii.

He mau olelo hooholo halohaloha kekahi i i aponoia e ka papa no Sa@ M. Kanakanui, a ua kanohaia ae k kakauolelo e hoomakaukau a hoo@aku i hookahi kope o ia olelo hoalohaloha i ka wahinekanemake.

AE I KA HEWA IMUA O KA AHA FEDERALA.

Mahope iho o ka ae ana aku no kona pili i ka hewa, o ia ka pokole ana a na dala o ka haleleka o honolulu ne malalo o kona malu, i kauia mai ai ka hoopa'i maluna o William a. Kane, a ka Lunakanawai Horace W. Vaughan, ma ka Poakolu nei, maloke o ka aha federala, o ia  hoi he $275.07, me na koina o ka aha i hiki aku i ka $22.05.

O keia ka hoopa'i haahaa loa a ka aha i manau ai, e kau mai maluna Mr. Kane, a ua uku koke ia aku kela hoopa'i me na dala koina iloko o ka ab@.

            He Leka ka i hoo@naia ae e ka Luna-leka MacAdam, o ka oihana leka o Honolulu nei, a i waihoia ae e ka Loio Amerika Huber imua o ka aha, e hoakaka ana, no ka lawelawe ana o Mr. Kane i na hana o ka haleleka no kekahi mau makahiki loihi, me ka mahalo nai la, a o ka  pokole ana o na dala maloko-o kona keena, mamuli no ia o ka hemahema o kana mau lawelawa ana.

            Ma keia Poalua ae e hooloheia ai ka hihia o William C. Peterson mamua o ka aha hoomalu no ka lawe aihue ana i ke dala o ka hale leka.

ADVERTISMENT:

E KOKU I KOU KULANAKAUHALE E ULU

aohe auhau ao'ae e ka maikai e hiki ai ia oe ke uku i kou kulanakauhale mamua o ka hooikaika ana no kona ulu ae. He nui na alahele  o ka hana ana i keia o kekahi o ia ka hoonui ana ae i na kahua no na home. Ma keia alahele aole oe e kokua wale ana no i kou mau hoa makaainana, aka e hoopomaikai pu ana ia oe iho ma ke dala.

HE $100,00 ke Kumuwaiwai o ka The Union Syndicate, Ltd.

            i kukuluia no ke kuai ana ma ka waiwaipaa, hooneemu ana aku i na hana e hoonui ia'ae ai ame na hana hoopukapuka e ae.

Ke haawi aku nei ka The union Syndicate, Ltd. No ke kuai koke aku he $75,000 o kona Mahele Kumupaa ma ka $1.00 ka waiwalio o ka mahele.

Ina he makemake kou ma ka hana e holomua ai kou kulanakauhale eia ka manawa kupono nou e hookomo ai i kau dala no ka hoopukapuka ana. E ae mai ia makou e hoakaka aku i na mea ano nui apau.

THE UNION SYNDICATE, LTD.

Kelepona 522 12 Alanui Beritania Akau