Ka Nupepa Kuokoa, Volume LIX, Number 2, 14 January 1921 — NUI NA KU-E I HOALAIA AE NO KA BILA HOOPULAPULA Ku na Loio Robertson ame Pittman o Honolulu Nei e Paio Ku-e me ka Ikaika no ka Holo o ka Bila Imua o ke Komite o ke Senate [ARTICLE]

NUI NA KU-E I HOALAIA AE NO KA BILA HOOPULAPULA

Ku na Loio Robertson ame Pittman o Honolulu Nei e Paio Ku-e me ka Ikaika no ka Holo o ka Bila Imua o ke Komite o ke Senate

E hoakaka ana kekahi meahou mai Wakinekona mai, i hoounaia mai i ka nupepa Star-Bulletin, a i hoopukaia ae hoi ma ka Poalua iho nei, i ka ikaika o na ku-e i ka bila hoopulapula Hawaii, i hoalaia aku imua o ke komite o ka ana senate e na kanaka hanai holoholona o Hawaii nei, ma o na Loio Robertson ame Pittman la, o ka hoʻo ana aku nei no Wakinekona. Me ka hunahuna ole iho i hoakaka aku ai ka Loio Robertson, ua hoea aku oia no Wakinekona ma ka aoao o kekahi hui hanai holoholona, a ua ku-e loa oia i kahooholoia o kela bila hoopulapula, malalo o ke kumu, he ku-e kumukanawai. No na mea e pili ana i na hui hanai holoholona, ua hoakaka aku ka Loio Robertson, ina e holo ana kela bila, alaila e hooneleia aku ana ka hui hanai pipi ka Parker Ranch, ma kahi o ke 99,000 eka, a kela hui e hoolimalima nei me ke aupuni, ma keia wahi nae i waiho aku ai ka Elele Kalanianaole i ke kelekalapa mai ia Kiaaina McCarthy aku, e hoike ana, he 144,000 eka aina i hoolimalimaia i ka Parker Ranch. Ma ka aoao hoi o Kauka Raymond ame kekahi poe hanai holoholona e ae, i ku-e i ka hooholoia o kela bila, ua hoakaka aku ka Loio Pittman, ina nei no ka holo o ka bila alaila e laweia aku ana mailoko aku o ka huina o 100,000 eka i hoolimalimaia e Kauka Raymond ma kahi o ka 25,000 eka. No na hoakaka hoi e pili ana i na eka aina nunui i hoolimalimaia i ka Parker Ranch, i hoakaka mai ai o Senatoa John F. Nugent penei: "Ua hoakakaia ae ma ka hoolohe ana a ke komite i hala aku nei, aia he mau kaukani o na kupa malaila i nele i na kaupoku e malumalu ai ko lakou mau poo, me ka nele pu i ke alahele e loaa ai ka pono ko lakou noho ana, koe wale no ma ka noho hana ana aku malalo o kekahi poe. He mea maikai ole maole kiea, ina e hiki ana i kekahi hui ke loaa he 500,000 eka aina, malalo iho la o keia mau kulana." Ua kuhikuhi aku ka Loio Robertson

o kekahi mahele nui o na aina o ka Parker Ranch, he mau aina waiwai ole, he manawa wale no iloko o ka makahiki e ikeia ai ko lakou waiwai. Ua ku-e ikaika ka Loio Robertson i kela wahi o ka bila, e hoakaka ana no kekahi komisina o elima lala, ma ka haawi kaokoa ia ana o ka mana piha iloko o kela komisina, e hana aku elike me ka lakou i makemake ai. Ua hoala pu mai no hoi oia i ke ku-e ana aku i ka wai, wahi ana, e hooliloia aku ana ma kahi o na miliona dala, no kela hana. na ili keokeo ili auhau o ke Teritore, O na dala e hooliloia aku ana, no ka imi ana i wahi e loaa mai ai ka wai, wahi ana, mailoko mai ia o na pakeke o o ka pomaikai nae, no na Hawaii wale no. No kela mau hoakaka a ka Loio Robertson i ku mai ai o Senatoa Smoot, kekahi o na senatoa i kakoo nui i ka bila, a hoakaka mai i ke ku-e ole o Kiaaina McCarthy, he ili keokeo oia, i ka bila, pela hoi me R. W. Shingle, he ili keokeo no, a he lala no ke komisina ahaolelo mai Hawaii aku nei. Ua hoakaka pu ae no hoi o Senatoa Smoot, ma kona hoea kino ana mai i Hawaii nei, ua ike oia he nui ka poe maanei, i kakoo no ka hooholoia o ka bila. Ua ku-e loa ae o Mr. Robertson ma kana hoakaka imua o ke komite, no ka pololei o ka moolelo a Mr. John Wise, o ka hoakaka ana imua o ke komite o ka hale o na lunamakaainana, no ke kulana o ka lahui Hawaii, a wahi ana, ina e nana pono ia ana ka mea oiaio, ua kaokoa loa ia mai na mea i hoikeia imua o kela komite o ka hale o na lunamakaainana. Ua kuhikuhi aku oia i ka loaa ole o ka mana o ka ahaolelo lahui, e hooholo ai i keia kanawai, no ka pono wale no o kekahi lahui kanaka, me kona ku hikuhi pu ana aku i kekahi mau hana ku-e kumukanawai, a o ka hooholoia ku-e kumukanawai, a o ka hooholoia ana o kela bila, ua like ia me ka hoo nele ana ia Hawaii nei i ke ano Ame rika oiaio.