Ka Nupepa Kuokoa, Volume LIX, Number 3, 21 January 1921 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Nupepa Kuokoa, Honolulu, T.H., Poalima, Ianuari, 1921
KUU HAKU POKII KAIKUAHINE, MRS. LUCY WAHINEAHA UA HALA
Mr. Sol. Hanohano, Aloha kaua a nui loa: -E oluolu oe in a he kolamu kaawale kekahi o ka kaua hiwahiwa a ka lahni, e hookomo iho hol i ke poomanao e kau ae la maluna, i ike iho na kini ohana o maua e noho ana mai ka la hiki ma Kumukahi, a ka la kau e hoeelo aku la i ka ilikai o Lahua.
Ma ka Poakahi, Dec. 27, o ka mahina aku nei i hale, ua halawai mai la au me kekahi lono kookaumaha noonoo ma ke kelekalapa uwea ole mai Honolulu mai, a oiai au e noho ana i ka Pioneer Mill Co. o Lahaina, e hoike mai ana iaʻu o Luey Wahineaea ua make, a ua makemakeia oe e holo mai i Honolulu nei, ma ka mokuahi e loaa ana ia oe i keia ahiahi, a he manawa iho la ia o ke kauniaha ame ka luuluu o koʻu naau, a e haopuluia ana koʻu mau papalina e na kuluwaimaka, no kuu pokii kaikuahine i haalele mai iaʻu i ka hanaumua.
Kau aku la au ma ke Kilauea o ke ahiahi Poakai i hoikeia maluna, no Honolulu, i ke kakahiaka Poalua ae, a ike iho la i ka helehelena hoano e i koʻu lunaikehala, mawaho iho o kona pahu, a no ka mea ua make kuu pokii kaikuahine me ka maʻi ole, a o ka mea i hoikeia mai iaʻu he make ulia.
Nolaila, he puolo na ka waimaka, a he ukana walohia hoi na kuu puuwai, no ka mea ua hala kuu hku pokii kaikuahine, Mrs. L. Wahineaea, ua nalo, ua mae; aole ae nei oia, ua haalele iho ka uhane i ke kino lepo, ma ka hora 3 wanaao o ka Poaono, Dec. 25, 1920, ma Auwaiolimu, pahale helu 2829, a hoihoiia i ka hale waiho kino make o Manuel Silva, a i ka hora 3 auwina la Poalua, Dec. 28, i hoomoeia aku ai kuu pokii kaikuahine ma ka ilina o ka Ekalesia o Pauoa.
Ua hanauia kuu haku pokii kaikuahine ma Alewa lalo Kunawai mai ka puhaka mai o ko maua makuahine Kaweloku Malie ame Bill M. Kahinalua ko maua luauʻi makuakane i ka mahina o Iune 9 1875; nelaila, ua loaa i kuu pokii kaikuahine na makahiki he 44 me na mahina keu he 6 a oi o kona ola ana ma keia ao i hoopuniia e na inea he nui.
He ehiku ko makou nui i hanauia mai e ko makou mau makua. Owau o ka mea e kakau nei i keia moolelo ka hanaumua, a o kuu pokii kaikuahine ka pau loa o ka hanau ana o ko makou makuahine, ua ohi aku no ka anela o ka make i koʻu mau pokii ame ko makou mau makua, a koe iho la maua, a ma ka la i hoikeia ae la maluna i pauaho mai ai kuu haku pokii iaʻu nei, me ka naau o maua, Mrs. A.G.M. Robertson e hele la i ka aina hookuakea i ka hau (Amerika.)
Ua waiho iho la oia mahope nei he kaue ame ka Iana keikikane hanai, ka ohana, na hoaloha e noho kanikau kumakena nona.
Nolaila, ke haawi aku nei au i na hoomaikai he nui i na lede na lakou na makana pua i papahi iho maluna o kuu pokii, a no lakou keia mau inoa: Na paahana o ka halepaahao o Oahu, Mr. ame Mrs. A. J. Fernandez, Mrs. Maria Jelly, Mrs. J. Ke-a, a ke haawi aku nei no hoi au i n@ hoomaikai he nui i ka hui kokua manawalea Poola, i ko oukou lawe aua ae i kekahi hapa o na hoolilo o kau pokii kaikuahine.
Nolaila, ko iho la ka olelo a ka Baihala, he mahu ke ola o ke kanaka i pua ae a nalo aku, kii mai la no ke Akua i kana o ka uhane a waiho iho la i ke kino e hoi ka lepo i ka lepo, oiai mai ka lepo mai no ke kanaka.
Me keia mau manao, ke haawi aku nei au i ke aloha a nui ia oe e Mr. Lunahooponopono ame kau mau keiki pu nahele o kou keena. Aloha kaua,
CHARLES B. MENESE,
CLEMENT KAHINALUA.
Lahaina, Maui. Jan. 12, 1921.
LOAA I KE KIURE KA HOOPII HOAHEWA NO POE.
Ma ka noho ana o ke kiure kiekie, e hoolohe a e ninaninau pono i ka hihia o James Poe, a ikeia hoi ma kekahi inoa okoa ae o Jim White, kela kanaka opio nana i lawelawe i na hana limanui maluna o Philomena Benevedes, aole hoi o Minnie Benavitz, elike me ia ma ka moolelo, ma ke Kuokoa aku nei o ka pule i hala, ma ka Poalima aku nei i hala, i hoihoi ae ai kela kiure i kaua hoike, no ka loaa ana o ka hoopii hoahewa e ku e ana iaia.
Ma na mea i manaoia, na hoike aku kela kaikamahine imuao ke kiure kiekie i na mea i hanaia aku maluna ona e Jim White, o ia kona hele ana i ka ahaaina luau, ahiki i ka hoi pu ana me kela kanaka opio maluna o ke kaaotomobile no ke alanui Kula me Liliha, a mailaila aku nouka o Kalihi, ahiki i ka loaa ana ia Mr. Hopkins, ka mea nana i hoike mai i ka oihana makai, a o ka mea no hoi nana i hoihoi mai ia Poe ame kela kaikamahine no ka halewai.
MEXICO, Jan. 18. -He 20 mau kanaka i piholo a make a he 30 i eha i keia la ma ka manawa o ka luawai nui hookio wai nana e hoolako aku ana i ke kulanakauhale o ka poe eli lanahu me ka wai in a Paehuea he wahi kokoke mai ianei, i naha ai a halana holookoaia ke kulauakauhale. Aohe i kohola ka nui o na noho o ua waiwai i poino i nei manawa.
KUU MAMA ALOHA, KAUI KALA KEAU, UA HALA.
- PICTURE IS HERE -
KAUI KALA KEAU
I ka Lunahooponoponoo ke Kuokoa, Aloha a nui: -E oluolu oe noʻu kekahi wahi kaawale o na kolamu o ka hiwahiwa, ka milimili hoi a ka lahui, ka ipu kukui malamalama nana e anapu aku apuni na moku, e hoike aku ana i ka nui kini makamaka ame na hoaloha e noho ana mai ka puka ana mai a ka la ma Kumukahi a ka hohuelo ana a ka la i ka ilikai o Lehua, o kuu mama, kuu mea aloha, ka mea hoi nona ka olelo mau ia e malama i ka hulu makua o hoomakua wale aku no auanei ia haʻi, o Mrs. Kaui Kala, kuu makuahine leo olo mai iaʻu, ua hala aku la i ke ala hoi ole mai; ua niawe aku la ka hele palanehe ana a ka wahine ma ke alakoikua a Kane, a nona hoi au e u ae nei me ka luuluu me ka aloha pau ole, aka, oiai o ke alahele like aku ana no ia o na mea ola apau, a oiai o ka mea Mana Loa wale no ka mea i kuleana i kona uhane ame kona kino, e hoonaniia ne Kona inoa, a no ka mea, Nona na mea apau.
Kuu makuahine o ka la welawela o Kakaako ke nohoia,
Kuu makuahine o ka ua kuahine la o Manoa,
Kuumakuahine o ka ikiiki o Waianae, i malumalu i ka lau laau,
Kuu makuahine i ka iʻa hamauleo,
Kuu makuahine hoi o ka la ikiiki o ke kaona,
Aloha, aloha wale oe!
Hala oe haalele iaʻu me na leia i au he mau moopuna.
Auwe kuu aloha, kuu kumakena ia oe a!
Aole e lelehuno hou ana ka Ua Kuahine maluna ou. Aole e hoopulu hou ana na kilihuno o ka ua lililehua ma kona mau papalina. Aole no hoi e pulu hou ana kou kino i na pakaua o ka Ua Kukalahale, aole hoi na kukuna o ka la kolili moanopu o ke kau maluna ou, a no ka mea, ua hala, ua moe aku la i ka moe kau a moe hooilo me Niolopua, a ua ahu iho la i ka ukana nui mahope nei he u he waimaka naʻu ame ka ohana a e kania a mau aku i ka po ame ke ao, a no ka mea ua anuanu ka home aohe makua e mehana ai,
Ua oili mai oia i keia ao malamalama mai ka puhaka mai o Kahaleuki kona makuahine a o Momi kona makuakane, elua laua i oili mai ka pupuu hookahi mai, o Kaui Kala ka mua a o Kula kona muli, he wahine no, a ua hala mua aku oia ma kela ao he mau makahiki lehulehu i kaahope aku nei, a ma Keawewaihe, Waialua, o keia mokupuni, kona opehanau, he kanahiku kumamahiko makahiki i hala aku nei, a iaia i moe aku la ua piha iaia ia mau makahiki a oi. He oia mau no ka ikaika o kona kino e hala ai no kakahi mau makahiki lehulehu ma nei hope aku, a@a, mamuli o kona make hikiwawe loa ana, no ka lele ana o kona hauli no kana moopuna a naha kona puuwai, pela iho la i hoopokoleia ne ai kona mau la a haalele koke mai la ia makou kana mau mea aloha mahope nei e haawe i kana ukana koʻikoʻi he aloha.
Ua haalele iho oia he kaikenane hanauna he mau keiki lehulehu ame na moopuna he nui. Ma Manoa i lele loa ae ai kona hanu mamuli o ka hoikeia ana aku no ka maʻi nawaliwali loa o kekahi o kana mau moopuna, a iaia i hele mai ai no ka manao e iho mai no Kakaako, a no kona piha kaumaha loa, me ka nui o ke aloha no kana moopuna, ua naha kona puuwai a o kona make no ia. Ma ka hora hora 8 ahiahi o kaPoalua, Ianuari 4, 1921, i kuu mai ai oia i kona aho hope loa.
He hoahanau kahiko loa oia no ka Ekalesia o Kawaiahao, nolaila ua laweia ae kona kino noloko o ka luakini o Kawaiahao a malaila i malamaia ai kona anaina haipule hoolewa hope loa, a laweia aku no ka ilina o Kawaiahao e hoomoe ai ma ka aoao o kana kane i haalele mua mai iaia.
He lala oia no ka Hui Kuai Poi a na Wahine o ka makeke, a malalo o la kou mau hooponopono ana me ka ohana pu i mallamaia ai ke kina wai lua o kuu makuahine aloha ahiki i ka hoomoeia ana aku o kona kino lepo me ka maikai.
Ehaawi aku ana au i kaʻu hoomaikai nui i na mea apau i komo pu mai e u me makou a i auamo pu hoi i @@ ehaeha iloko o ko makou mau hora o ka luuluu, a pela hoi me na makana pua i haawiia mai no ka hoohiwahiwa ana iho i ke kino lepo o ka makou mea aloha. E haawi pu aku ana i ka hoomaikai i ka Lunahooponopono o ke Kuokoa ame na paahana o ka paahana o ka papapaʻi i ka ae ana mai e loaa i kowa no nei kanaenae.
PUA KALA,
Me ka Ohana.
HE ELUA MALIHINI I KIPA MAI O KA 1921.
Oiai kekahi ohana e kakali ana no ka hoea mai o ka makahiki hou 1921, a ma ka hora 12 o ia po i kani hone ae ai na oeoe o na halehana ame na moku e pili ana ma na uwapo, a e hanakuli ana na meakani a na Pake, a he manawa ia no kekahi mau ohana i noho iho ai a noonoo, oiai kela makahiki ua hala iho la me kana mau mea apau, a hoea mai la he malihini hou me na mea apau a kakou i ike ole aku ai; oiai aia no ia mau mea ma ka poho o kona lima; o ia ka hauoli, ka pilikia, ka waiwai ame ili hune, maluna o na mea kino apau e noho pu ana me ia iloko o kona mau la me kakou, he like ole kana mau haawina i kela ame keia o kona mau hoaloha na kakou ia e ike aku.
Oiai iloko no o ia mau uluaoʻa i noho iho ai kela ohana e malama i wahi anaina hoonani i ka Makua Lani, elike me ka hana i maamau i kekahi mau phana, a i ka pau ana, ua akoakoa ae la lakou maluna o kekahi pakukau, a e hauoli pu ana no ka malihini i kipa iho la, a oiai no na nani puka ame na puka aniaui e hamama ana, a iloko o ia hauoli ana, aia hoi hu ana ka makni, hooho ana na kamalii, "one bird!" "one bird!" I alawa ae ka hana, e kau hoolaʻi mai ana he wahi manu i ano like me ka manu ailaiki, o ia ka wa i eleu ae ai na keiki me na moopuna, paa na puka apau, a he hauoli nui iwaena o ka ohua no keia malihini hou.
Ua hoomau aku no ka ohana i ka hoonuu ana i na mea a ka makahiki hou i lawe mai ai ahiki i ka lawa ana o na mea apau.
Mahope iho o ka hookaawale ana i koluna o ke pakaukau, ua hoomaka ia ka hopu ana i ka manu, he lele ka ia la maluna, he hapapa ka makou malalo, ahiki i kona ano nawaliwali ana a paa no hoi.
He manu uʻi maoli keia, he nui ae kona kino i ko ke kanele, a he ikaika ke koʻu aua o kona leo, a he hauliuli kona hulu a he loihi iki kona nuku.
Ua huil koke ia he hale manu a ilaila i hookomoia aku ai ia; ua laha aku la keia meahou i na hoaloha kokoke mai, a he nui ka poe i hele mai e nana, hookahi no olelo iloko o ko lakou waha: "Lucky home! Lucky home!"
Oiai imua no o ke alo o na makua ka halemanu, a e mahalo ana i ka maikai o kona kani ana, a no ka hoomakaukau ana i wahi no ka manu e kau ai, ua hookuuia iho la ka hale me ka manu mawaena o ko laua mau noho, i ka papahele a iloko o hookahi minuke wale no i hooho ae ai kekahi o na moopuna: "E kuku, no more ka manu!" "Yes, inside" wahi a ua kuku, i alawa iho ka hana he mea oiaio, he manu lele ka kau.
He paa maikai loa ka halemanu, o kahi kowa iki wale no kahi i hookaawaleia no ka inu ana i ka wai, a he mea mau no ia i na halemanu apau, aole i loheia ka halulu o ka lele ana; a oiai no ka ohana apau iloko ame ka paa no o na puka i ka papaniia.
Nolaila, ua noke hou ia ka huli, aohe wahi poopoo koe aku, a pela iho la o lilo ai kona nalowale ana i mea kupanaha, a malia paha e kahi manu ik@ hoala hiamoe o Keawanui; nona keia mau wahi anoai:
Ku me he pokii makani la Kaula,
Me he keiki alo makani la ka noho a Manawakua,
Ke alo la i ka ino a ka makani,
Makani ke puka kakahiaka mai nei ke ao;
Ke hanai la i ka poli o Keau,
Maona Kahalauaola i ke ao opio,
Ua noho mua no o Kapeuenee,
Ke kumu o ka makani.
Makani ua hoea ke kaialuna o Palemoana,
Me he uha kea la ka imu o na ʻlii,
Me he eheu la no ka manu,
Ka halalo ia lalo o Kaimaio,
O kahi manu iki hoala hiamoe o Keawanui,
Ako kauhale a ka manu o Kaula,
O ka manu noho i ka papa Kahalauaola la. E ala-
IKEMAKA.
HE MAU KOKUA @OU.
Solomon Hanohano, Honolulu, Aloha oe: -Ma kou ano kapena no ke Kilohana Pookela a ka Lahui, ka Nupepa Kuokoa, e oluolu mai e hoolaha ae i keia leka, o ia hoi@ua loaa hou mai ia makou na kokua ana mai kekahi mau lede puuwai aloha, i ka ke Akua hana, he mau makana no kela ahamele i weheia ma ka Hall o Waimea, Dec. 11, 1920; no laua keia mau inoa maemae: Miss Ellen Kalawe, $1; Mrs. Samuel Keliinoi, $5. Me ka mahalo, na ke Akua no e hoopiha mai a hu ko olua waihona e aʻu mau kaikamahine me ka malu mai na lani mai.
Ko oukou makuahine, Ekalesia o Hanapepe,
F. SABO.
KOHO KA PAPA LUNAKIAI I HAA WINA NO NA POINO.
Ma ka noho ana o ka halawai a ka papa o na unakiai o ke Kulanakauhale a Kalana o Honolulu nei, ma ka po o ka Poalua aku la i hala, i hooholoia ae ai me ka lokahi, e hooliloia aku kahuina o $32,500, no na poino i hanaia e ka ino i hala aku la, i na uwapo ame na alanui, he mau dala hoi e kikooia aku ai iloko o ka waihona laula o ke aupuni kalakauhale.
Mailoko mai o kela haawina dala i hooholoia, e hooliloia aku ka huina o $30,000 no ka hana hou ana i na uwapo ame na alanui poino, a i 2500, no ka hana ana i na paipu wai i poino, o ka oihana wai o Honolulu nei.
No ka hooholo loa ana aku nae, i na olelo hooholo, i hookomoia ae a ma kela po, e hookaawale ana i ka huina dal maluna ae, e noho hou ana ka halawai a ka papa lunakiai, ma ke awa kea o ka la opopo, a ma na mea i hoomaopopoia, aole e ala mai ana he mau ku-e ana ma ia halawai, no ka mea ua koho lokahi na lunakiai apau i hoea ae ma kola halawai o ka po Poalua nei, maluna o ka haawina dala, e pono ai na o ka lehulehu.
No ka huina o $30,000 i hookaawaleia no ka hana ana i na uwapo ame na alanui, he $15,000 e hooliloia no na wahi i poino o na alanui o Honolulu nei, mai ka pali mai o Nuuanu; a o ke koena aku o $15,000, e hooliloia aku ia no na poino o na alanui o na kuaaina ma ka huli Koolau o Oahu aku nei.
Lohe i ka Hoike no na Poino
Mahope iho o ua hoakaka manao ana o na hoa o ka papa, no na huina dala kupono, e hooliloia no na alanui ame na uwapo, pela hoi me ka oihana wai, i waiho ae ai ka Enekinia Kalana Ohrt, i kana hoike, no na wahi hoi i poino apuni o Oahu nei, na wahi hoi i makemakeia ai e hooliloia aku ka huina dala maluna ae elike me ia malalo iho nei penei:
Ke alanui Kuakini, ma ka aoao Ewa mauka o ka uwapo, ua pooia kel@ alanui e ka wai, ma kahi he kanalima kapuai ka loa, me ka hemo o ka pale hao o ka uwapo.
Na uwapo ma ke alanui Vinia ame Kukui. Ua halana pu ia kela mau uwapo e ka wai, me ka hoopoino pu ia.
Ka uwapo ma Wailele, Kalihi. Ua lilo kela uwaoi holookoa i ka wai.
Elua mau uwapo ma Manoa i poino, ka uwapo ma ka mana komohana o ke kahawai, ame ka uwapo ma ka mana hikina.
Ke alanui ma Nuuanu, ua pooia e ka wai, me ka nui o na o na poino, pela me na alanui ma na apana o Kaimuki amu Kalihi.
Ma na apana kuaaina aku nei, ua hoakaka hou ae kela hoike a ka enekinia kalana i ka nui e na poino i hanaia e ka wai, me ka lilo o kekahi mau uwapo laau, a hoopoinoia hoi na uwapo puna kameki; o ka apana wale no i lohe ole ia mai na hoike no kona poino, o ia o Waianae, eia mae, na paa ke alanui, me ka hiki ole ke heleia e ka lahulahu.
HAINA NANE.
Mr. Lunahooponopono o ka Nupepa Kuokoa Aloha nui: -E oluolu mai kou ahonui i wahi keena kaawale ma ke kino lahilahi o ka kaua hiwahiwa ahonui o ia, hoi ka Nupepa Kuokoa, no kaʻu haina o ka nane a J.W. Kakelamaluikaleo. Eia iho ke kulu ana o ua nane nei:
Eia au la he kama, he kupa, he ewe, a he keiki papa hoi no Hawaii nui akea, o ka keiki au a Kapukapu ma laua o Holei a o ke kiai pali au o Panau, Puna i Hawaii; noʻu ma akaku like ole e maalo nei, a pela au i heaia mai ai e ko ka honua holookoa, na aloha ekolu i ka ipo hookahi.
Ka mua, he keiki au ua kupa a ua papa hoi ma ka aina a ma ke kai, a i ole au e loaa ia oe ilaila, alaila e kakali ma lie iho oe ahiki mai o Mahealni, manao iho oe owau se hoa. Owai au ia oe Haina: Hale.
Elua: He malihini au i ko alo a kamaaina no nae i ko leo, a ua noho pu au m@ oukou milimili a malama a lilo au i mea hooko i ka makemake o ke kanaka. Haina: O. O iʻa o iluna o na pakaukau.
Ekolu: He inoa au ua kaulana apuni na moku loaa ae no au ia oe i ka Moku o Manokalanipo, aia au la i ka piko o Waialeale, malalo pono ma ke kowa ae o na mokupuni, a i ole au ilaila, alaila e loaa no au ia oe i ka poli e Kawaikini, e hooipoipo ana me ka leo o ka ohe a Kanikawi, owai la hoi au ia oukou Haina: Keawe
Ke hoohuiia keia mau mahele ekolu o loaa no ka inoa piha o ua kama nei, o ia keia: Haleokeawe.
Aia keia wahi kaulana i Hawaii. Ea, loaa pono paha oe i ke kiu hanu meahou pihihihi.
Me oe e ka Lunahooponopono ame kou mau keiki koʻu aloha. Owau iho no me ka haahaa.
LUALUALEI BOY.
Halahu mai la ka ike o ka makaikiu o ka hema, na pakele aku ia no ke kolohe, huli hou ia mai! -L.H.
AHA IKE A KE KIAAINA CHAS. J. McCARTHY.
Kuu Solomon Hanohano, Aiona kaua: -Eia mai no au ke hooluhi hou nei ia oe, in a he rumi kaawale kekahi o ka oneki o kou moku, e olouolou mai hoi kou hanohano no keia mau wahi pua lalana.
Ma ka auwina la o ka makahiki hou. hora 4, @ haalele iho ai kou kiu i koʻu home nei, a holo aku la i kahi i konoia mai ai, o ia ka home aloha o ka Moiwahine Liliuokalani i hala aku, a e o nei kona inoa ahiki i keia manawa, Halealii Wakinekona, ka home hoi o ke Kiaaina ame kana lede.
I koʻu hiki aua aku, ua piha maoli ke kahua ame loko o ka hale oiai au e hele ana no@@a, me kela ano mikioi no hoi, aia na keiki o ka @a@a puhiohe ke mea mai la no palahemo, a o kekahi, hewa haka, aka aia mau koʻu maka imua kahi nana ai me ka niniu poahi o ke kookoo o Moke i ka poho o kuu lima, ame koʻu ike ana aku i na aliikoa hookipa e ninau aku ana i kekahi aliikoa, oiai ua ike au i kek kumu o ia ninau ana, no na mea pili i kou kiu nei, a oiai ua kamaaina kekahi o ia mau aliikoa i kou kiu nei, ua hoolauna koke mai la oia me kou kiu nei, ma ke ano aloha Hapenuia kaua a hoolauna loa iaaku la au i ka mea i kuleana e hoolauna aku ai imua o ke Kiaaina, Kenerala o Mr. Mokumaia keia, a lululima pumehana iho la au me ia kanaka koʻikoʻi, a lawe loa ia aku la au e hoolauna me ke kiaaina, a i kona ike ana mai i kou kiu nei, ua hemo mai la ko ia la mau lima a i elua, a pela no hoi au i lalau aku ai i kona, me ko maua aloha like ana ma ke ano he hapenuia, a hoolauna loa aku la oia iaʻi me kaua aliiwahine, ame ka aliiwahine a ke Konela Iaukea.
Ke ice nei i na kamaaina, o ia ka Hui a na Pukaua ame na lala o ka Hui Kaahumanu ame koʻu ike ana i ka rumi moe o ke aliiwahine, aia no ka moe ke ku la me kona mau pono, ame ka ai ana i na mea i hoomakaukania, a hui iho la me ka Hon. Iaukea ame ka Poropeka Mekia Kealakai o ka bana, ame ka hoolohe ana i na mea a kabana e puhi mai ana, a hoi mai la me ka piha i na mea maikai.
Kou mau,
J.K. MOKEMAIA.
BERLIN, Jan. 17. -Ua hoike ne ka meakakau meahou o ka Nupepa Tageblatt ma Vienna i keia la @@ ka hoeiaio ana mai o kekahi luna aupuni ma Vienna i kekahi hoike no ka hoakaka ana ae o ke aupuni o Holani i kona makemake e haalele koke aku ke Kaisa mua ame ke Keikialii hooilina kalaunu ia Holani. O ke kumu o keia aia laua ke komo pu mai la ma ka hoomakaukau ana e hoolako i kekahi pualikoa nui no ka hoala ana ae i kekahi kaua, hookahuli aupuni, a ma ia hana ana i manaolana ai laua e hoihoi hou ia aku ana i ka nohoalii o Kelemania.
Teritore o Hawaii, )
Kulanakauhale a Kalana )ss.
o Honolulu. )
O W.H. Campbell mamuli o kona hoohiki pono ia ana, ua hoike ae me ka olelo ana ha Mea Uku Dala oia no ka First American Savings and Trust Company of Hawaii, Limited, a o ka papa hoike malalo iho nei, he hoakaka oiaio a pololei ia o na waiwai o ka First American Savings and Trust Company of Hawaii, Limited, ahiki me ke komo pu o ka la 31 o Dekemaha, 1920; o ua papa hoike la, ua koi ia mai ia e ka Pauku Helu 3327 o na Kanawai Hoohuihuiia, o 1915, o ke Teritore o Hawaii.
O ke kumuwaiwai i hoamanaia o ka Hui he $200,00.00, i maheleia iloko o 2000 kea no ka waiwaiio o $100.00 pakahi. O ka heluna o na kea i hoopukaia he 2000, o ke kanahiku pakeneka o ia mea, ua like pu me $14,000.00, ua ukuia e koe ana he $60,00.00 no ke kauohaia aku e ukuia mai. O na loaa aie o ka hui ma ka la 31 o Dekemaba, 1920, elike me ia i hoomaopopoia, o ia keia malalo iho nei:
Kumupaa i ukuia mai….$ 140,000.00
Moohelu Oi……………. 25,000.00
Puka i mahele ole ia……. 42,243.00
Na hoemi……………… 904.04
Na hoahu dala…………. 1,019,425.88
$1,227,572.92
Na loaa o ka Hui ma ka la 31 o Dekemaha, 1920, o ia keia malalo iho nei penei:
Na haie âme hoemi……….$ 9191,584.10
Na kea, bona âme hoopuka-
puka…………….. 192,856.25
Na waiwai paa………….. 22,048.85
Na waiwai paa aelike kuai 2,400.00
Dala ma ka banako……… 85,134.77
Ukupanee e loaa mai ana.. 5,548.95
$1,227,572.92
W.H. CAMPBELL
Mea Uku Dala.
Hanaia a hoohikiia imua eʻu i keia la 14 o Ianuari, 1921.
J.H. ELLIS,
Noteri o ka Lehulehu, Apana Hookolokolo Kaapuni Ekahi, Teritore o Hawaii.
Ma keia ke hooia aku nei au, o ka papa hoike maluna ae, he kope eiaio a pololei ia o ka papa hoike kumu i waihoia aku maloko o ke keena o ka Puuku o ke Teritore o Hawaii.
J.H. ELLIS,
Noteri no ka ehulehu, Apana Hookolokolo Kaapuni Ekahi, Teritore o Hawaii.
6435--Ian. 21, 28; Feb. 4.
HOOLAHA KUAI O KA APANA AINA.
Ma ka hora 10 a.m., Poaono, Feberuari 19, 1921, ma ka puka komo ma mua o ka Hale Kapitala. Honolulu, T.H. malaila e kuai hooliloia aku ai ma ke kudala akea i ka mea koho kiekie loa, ka Apana Aina Aupuni ma Kkeoneula, Honolulu, Oahu, elike me ia malalo iho nei penei:
Koena Aina Aupuni ma ka aoao komahana o ke Alanui ma ka aoao komohana o ke Alanui Ololi Holokahana, Honolulu, Oahu, nona ka iliaina o 1,625 kapuai kuea, oi aku a emi mai paha; kumukuai haahaa, $163.00.
Kumu aelike: Kuike.
Na ka mea e lilo ai e uku i na lilo o ka hoolaha ana.
No ke kii palapala aina ame na hoakaka aku i koe e noi ae ma ke keena o ke Komisina o ua Aina Aupuni, Hale Kapitala, Honolulu, T.H.
C.T. BAILEY,
Komiaina o na Aina Aupuni.
Hanaia ma Honolulu. Iahuari 18, 1921.
6435--Ian. 21; Feb. 18.
HOOLAHA KUAI O KA HOOLIMALIMA AUPUNI.
Ma ka hora 10 a.m., Poaono, Feberuari 19, 1921 ma ka puka komo mamua o ka Hale Kapitala, Honolulu, T.H., malaila e kuai hooliloia aku ai ma ke kudala akea, malalo o ka Pauku 380 o na Kanawai Hooponopono Hou ia o Hawaii o 1915, ka Hoolimalima Lauia i ka Aina Aupuni i hoakakaia malalo iho nei:
Ka hapa i koe o ka Apana Helu 5, na Home Hookuonoono o Keaau, Keaau, Waianae, Oahu, nona ka ilia @a o 43.60 ēka, oi aku a emi mai paha; manawa o ka hoolimalima, 10 makahiki mai Februari 18, 1921 aku; uku hoolimalima haahaa, $22.00 o ka makahiki, e uku hapa makahiki mua ia.
E uku ka mea e lilo ai i ka hoolimalima o na mahina mua eono, ma ka manawa e haule ai ka hamare.
E uku ka mea e lilo ai i na lilo o ka hoolaha ana ame na kaki e ae pili ana no ka hoomakaukau ana i keia hoolimalima.
E kaa aku no ke kuai no ka hoolimalima maluna ae malalo o na kumu aelike Hoolimalima Aupuni Laula, i hoopukaia e ke Keena o ke Komisina o na Aiua Aupuni.
No na kii palapala aina, ke ano o ka Hoolimalima Laula ame na hoakaka aku i koe, e noi ae ma ke keena o ke Komisina o na Aina Aupuni, Hale Kapitala, Honolulu, T.H.
C.T. BAILEY,
Komisina o na Aina Aupuni.
Hanaia ma Honolulu, Ianuari 19, 1921.
6435--Ian. 21; Feb. 18.
HOOLAHA KUAI O KA HOOLIMALIMA AUPUNI.
Ma ka hora 10 a.m., Poaona, Feberuari 19, 1921, ma ka puka komo mamua o ka Hale Kapitala, Honolulu, T.H., malaila e kuai hoolilo ia aku ai ma ke kudala akea, malalo o ka Pauku 380 o na Kanawai Hooponopono Hou ia o Hawaii o 1915, ka Hoolimalima Laula i ka Aina Aupuni i hoakakaia malalo iho nei:
Apana Helu 10A, na Apana Wai o ka Aina Hookuonoono o Hauula, Hauula, Koolauloa, Oahu, nona ka @iaina o 23 eka, oi aku a emi mai paha; manawa o ka hoolimalima, 15 makahiki mai Feberuari 18, 1921 aku; uku hoolimalima haahaa, $10.00 o ka makahiki, e uku hapa makahiki mua ia.
E uku ka mea e lilo ai i ka hoolimalima o na mahina mua eono, ma ka haule ana @ ke hamare.
E uku ka mea e lilo ai i na lilo o ka hoolaha ana ame na kaki e ae e pili ana no ka hoomakaukau ana i keia hoolimalima.
E kaa aku no ke kuai no ka hoolimalima maluna ae, malalo o na kumu aelike Hoolimalima Aupuni Laula, i hoo
- Picture goes here -
PENEI KA BOOSTEE OLELO:
"Ua lohe oe i ka oleloia no ka hiki i kekahi ke hooulu i elua pua @au@ @@ kahi he hookahi mamua aku? Eia au ke hoomaamaa nei ia mea. E holomua au e pono au."
O kekahi kanaka i loaa iaia ka holomua ua maikai maoli kana hana in a nae i pololei ka hua i loaa mai. He mea e loaa ai ia oe ka holomua in a oe e hoomiomio ana ia oe iho.
He pololei mau ka makou mau kumukuai, no na paalole a makou e kuai hoolilo nei no ke $32.50 a $47.60. O keia ka makepono loa no ke dala ma Honolulu nei -na makou e hoikeike aku ia oe.
The Model Clothiers
"Ka Halekuai Hoemi Hoolilo"
1132-ALANUI PAPU-1141
pukaia e ke keena o ke Komiuina o na in a Aupuni:
No na kii palapala aina ame na hoa kaka aku i koe e noi ae ma ke keena o ke Komisina o na Aina Aupuni, Ha Kapitala, Honolulu, T.H.
C.T. MAILEY,
Komisina e na Aina Aupuni.
Hanaia ma Honolulu, Ianuari 19, 1921.
6435--Ian. 21; Feb. 18.
HOOLAHA KUAI O KA HOOLIMA LIMA AUPUNI.
Ma ka hora 10 a.m., Poalima Februari 25, 1921, ma ke keena o ka Ho@ Akena, Mr. G. W. Sahr, Lihue, Kauai malaila e kuai hooliloia aku ai ma ke kudala akea, malalo o ka Pauku 380 @na Kanawai Hooponopono Hou ia a Hawaii o ka 1915, ka hoolimalima laula ka aina i hooakakaia malalo iho nei:
Ka hapa o Kalaiau, malalo aku o ka @lulaau i Ilookaawaleia, Napali, Kau ai, nona ka iliaina o 530 eka, oi aku a emi mai paha; manawa o ka hoolima lima, 10 makahiki mai Februari 25, 1921 aku; uku hoolimalima haahaa $100 o ka makahiki, e uku hapa maka hiki mua ia.
E uku ka mea e lilo ai i ka hoolima lima o na mahina mua eono, ma ka manawa e @@ula ai ka @@mare.
E uku ka mea e lilo ai i na li@@ ka hoolaha ana ame na kaki e a@@ pili ana no ka hoomakaukau ana i @@@ hoolilmalima.
E kaa aku ao ke kuai o ka hoolimalima maluna ae, malalo o na kumu a@ like o ka Hoolimalima Aupuni Lau@@ i hoopukaia@e ke keena o ke Komi@@@ o na Aina Aupuni.
No na kii palapalu aina ame @@ @@ kaku aku i koe e noi ae ma ke k@@ o ka Hope Akena, Mr. G.W.Sahr, @ hue, Kauai, a i ole ma ke keena o @@ Komisina o na Aina Aupuni, Hale K@pitala, Honolulu, T.H.
C.T. BAILEY,
Komisina o na Aina Aupuni Hanaia ma Honolulu, Ianuari 19, 1921
6435--Ian. 21; Feb. 18
HOIKE O KA HALEKUAI O NA HAWAII ME KA LEHULEHU MA AALA MAKEKE NO KA 6 MAHINA MAI IULAI 1 A DEKEMASA 31, 1920
NA LOAA.
Dala kuike loaa mai no na meaai i kuaiia….$15,199.63
Waiwaiio o na meaai i koe………………… 1,785.97
Waiwaiio o na lako hale…………………… 1,500.00
Waiwaiio o ke Kaa Kalaka………………… 750.00
Waiwaiio o ka Halekuai……………………. 500.00
Huina Nui……………………… ..$19,735.60
NA HOOLILO.
Dala kuike ukuia no na mea ai……………..$1@@@
Dala kuike ukuia no na lako hale……………$130@@
Dala kuike ukuia no ke Kaa Kalaka…………84@@
Dala kuike ukuia i na limahana……………2,050@
Dala kuike ukuia i ka poa kuai mai………430@@
Koena i koe, la 1 o Ianuari………………..4729@@
Huina Nui………………………$19,735.@@
NA PONO WAIWAI.
Waiwaiio o na menai i koe………………..$1,785.97
Waiwaiio o na lako hale……………………1,500.00
Waiwaiio o ke kaa Kalaka……………….…..750.00
Waiwaiio o ka Halekuai…………………….…500.00
Dala kuike iloko o ka banako…………………193.38
Huina……………………………..$4,729.35
NA AIE.
Kumupaa i hoohanaia……………………$2,@@@@@
Aie kuwaho no @a meaai………………..1,298.9@
10% Hoemi…………………………………..403.0@
Ka puka no @ mahina iluna o
$2500 kumupaa……………………..526@@
Huina………………………………..$4,729.3@
E NA HAWAII ALOHA:
Ina ua hiki iaʻu me koʻu mau limahana Hawaii ke lawelawe i keia oihana kalepa i waena o na Pake me na Kepani me ka holomua a loaa keia huina au@ @ $19,730.60 maluna o na wahi kenikeni uuku o $2500.00 aʻu hookahi i hookomo ai me ka hakalia a makaʻu ole, me ka uku pu ana aku i kela me keia kanaka pakeneta puka i kela me keia mahina apau, no ka huina o kana mau dala kuik@ i uku mai ai no na meaai, ana i kuai mai ai ma koʻu halekuai, pehea iho ia hiki ole ai ke holomua, ina e lokahi ana na Hawaii apau o keia kulaaakauhala e kii ae ka lakou mau meaai, e ola ai ka home malaila@ Koʻu makemake ia o k@ nui ae o na ohana Hawaii kipa malaila.
He ae ia no ka AIE malaila ma ka pula elua pule, me ka mahina, i ke po@ uku pololei mai i ko lakou AIE; ua loko i na meaai apau, mai ka poi a Kum@ lae, kamano ono, pipi paakai, waipaka ono o Nukilaua, opelu me hee maloo kopaa, laiki, hope, palaoa maka, me palaoa moʻa, kopa, aila mahu, uala maol@ me ualakahiki, akaakai Hawaii me na kini meaai apau i kupono ai kou make make no ka hoolako ana i kou ohana me ka home.
Owai ka halekuai e ku nei i keia la ma ke Peritore nei apuai e hoihe hou aku nei he 5 pakeneta puka i kela me keia mahina ia oukou ae Hawaii Manao au aohe hookahi, aka, ke lu nei no oukou i ka oukou mau kenikeni kela makahiki no ka pomaikai o na lahui e aohe hapaumi hoi hou mai i kou pakeke, oiai he makahiki hou keia, e ala. ohohia, a paulele mai kakou e kok@ i na Hawaii; e lawelawe nei i na oihana kalepa no ka pomaikai o ka lahui Hawaii, he makepono no a he emi no ke kumukuai o na meaai apau elike no @ka na Pake ame Kepani ma; a heaha iho la hoi ka mea o oukou e kipa ole a ai malaila aole keia he kon@ na oukou e hoowhawaha ai aka, he kumu aʻ keia i na Hawaii apau ua makaukau a ua holomua ka 5 pakeneki e hoiho hou ia aku ana ia oukou maluna o ka huina dala a oukou e hoolilo mai ai ma laila, i ka pau ana o ka mahina, he $480.40 i ukuia aku i na hoaloha manawaea o ka la 1 o Iulai ahiki i ka pau ana o ka makahiki 1920.
E wehe ana au i lala halekuai ma ka Makeke o ke Kulanakauhale o Honolulu nei, i ka la mua o Februari, malalo o ka lawelawe ana a Mr. Peter Kalaluh@ loaa no na meaai apau malaila like me ka Halekuai o na Hawaii me ka Lehulehu Helu 8, Aala Makeke, Kelepono Helu 6311.
JAMES L. HOLT
Lunanui.