Ka Nupepa Kuokoa, Volume LIX, Number 3, 21 January 1921 — Page 8

Page PDF (1.68 MB)

This text was transcribed by:  Kamehameha Schools Gift To Dr. Chun
This work is dedicated to:  Dr. Michael J. Chun

Ka Nupepa Kuokoa

KE KILOHANA POOKELA NO KA LAHUI HAWAII.

KA LEO KAHEA A KE KAKUA E

                        MIHI

(Mai ka Buke mai o ka hoaaloha.)

Mr. Lunahooponopono o 'ke kilohaaa, Solomon Hanohano:- E ouluolu mai i wahi rumi no keia mau lalani manao maluna ae, no ka pomaikai o ka poe manaoio he Akua maluna ae o ko ke no nei apau. Eia kakou i ka makahiki hou o ka 1921 o ka piha ana hoi o ekolu haneri makahiki o ka hele ana mai o ke Akua mai Enelani mai ahiki iho la i Hawaii nei, a ike maka like kakou apau na Hawaii, e hooko ana hoi i ka olelo a ke kahuna o ke Alii Kamehameha, e hoi hou mai ana ke Akua i Hawaii nei, he namu ka olelo. He oiaio eia ke noho pu nei, a e hoomaopopo i ke kumuhana o ka la umikumaoao o Ianuari, "ko kakou pili i ke Akua," ka mihi. Mar. 1:14-20. Ua hoouna mai ke Akua i keia lahoi kanaka i Hawaii nei, no ka hooko ana i ka olelo i hoikeia, ia Kamehameha ke 'lii me ka hooiaoia o na mea 'apau, i keia la a kakou e ikemaka aku nei, he maka no he maka. Ua lohe i ka lakou olelo i na wa apau no ko kakou pono; eia nae heaha la ia ia kakou. Ua haalele aku ko lakou mau kupuna i ka aina makuahine, no ka oiaio o ke Akua a ka kou e hoomana nei, a huli mai i wahi e kuokoa ai ka manao hoomana i ke Akua oiaio a lakou i ma naoio ai oia Iesu Kristo. Nolaila haalele i ke awa o Plymouth, Eaelani, i ke la 15 o Sepatemba, 1620, a pae aku ma ka aekai o Bosetona, Mass, i ka la 21 o Novemba, 1620, no me na ohana he 102, no kane, na wahine ame na keiki, a na ka mokukuna kiakolu Mayflower i lawe aku i ko lakou aina hou oia o New England, Amerika, malaila lakou i hookahua loa ai i ko lakou ano ioaio piha i ke Akua o ko lakou ili hookahi e kaheaia nei o Iesu, a malaila no hoi i halawai pu ai me ko lakou mau keiki o Hawaii nei aku, oia o Heneri Opukahaia ame kona mau hoa, a o ia kakou e noho pu nei me ke aloha a kakou e hoomaopopo o'e nai. Nolaila, e noho kakou me ke Aloha me lakou oiai o ia no ko kakou mau hoahanau, ma ka uhane i hele ai a hoi hou mai, e kii ia kakou e lawe i ka aina i oi ae o ka pomaikai.Eia kakou maluna o ka nainau hoopulapule ia kakou, he mea i oi aku o ka maikai, ke kuikahi like ma ke Akua ia manao, e in a no kakou wale iho no, alaila e aho e hoomanawanui a loaa he wa maikai. O ko kakou, paio ana me ko kakou mau hoahanu, me ko lakou lokahi ole wai, aole ia he hana maikai i ku i ke ano Akua, aka, ua ku-e ia i kona lokomaikai, a o ia no ko kakou kumu poino a pilikia aka in a e mihi kakou a hoopau ae ia ano ahiu maikai. Ua noho lakou i New England, Amerika he aina ia no ka poe ahiu, he ukini, nui ko lakou mau ana, aole haalele ko lakou Akua ia lakou, ua lanakila no, ahiki mai no i ko kakou aina nei, no ia ano hookahi no elike no me kela lahui. A in a aole aloha o ke Akua ia kakou, aole kakou he lahui kanaka i keia la elike me ia i hoike ia mai mamua. Nolaila i mea no kakou e hauoli ai no ka uka a ke Akua i hoike e mai ai mamua, e hele kakou me ka haahaa, akahai, @wao, aloha, a o loaa auanei ua uku ia. Mai ko kakou a 'oia ana i ka pono ahiki i keia la, aole i hoomaopopo kakou i ka oiaio o ke Akua, eia wale no kakou ma ka lehelehe a olelo nei aole i hoomaopopo i ka olelo a ke Akua, a ike aku hoi i ke ano o ka Akua. Ke kokoe mai nei ke kau nui o ka ahaolelo kuloko o Nawaii nei a he mea pono no oukou e na hoahanau Hawaii e nana aku i ka pono o ko kakou mau hoahanau ili keokeo i lilo ai ia i mea hooholomua. Aole e lawe i na manao paio pili i keia kino no ka mea he mea pau wale ia, aka, o na mea i puka nai me ka maikai, e pono no e lokahi like aku ka manao. Ke hooikaika nei au ia kakou mamuli o ko ike i ka oiaio o ke Akua a kakou e pule nei, a kakou e hoomaopopo ole nei i keia manawa i in a e hoomaopopo kakou i keia alaila ua loaa ia kakou ka manao mihi, a e pau ae ana keia noho like ole ana o na hoahanau hookahi oiai lakou e ike mai nei a e koua mau nei no ia kakou, aole paha o na ohana i kaawale ma ka launa aloha ana, aka, o na ohana pu nei ma kakou. O keia leo kukala mai Enelani mai no keia pule haipule o ke ao holookoa, e keia no kakahi manao uhane, oiaio o kahi ia i hookumuia  ai o keia pono a kakou e paa nei, mailaila mai na kupuna o keia lahui kanaka ma ke ano hele malihini, ahiki iho la a noho pu me kakou o keia no ka lahui kanaka ikaika e noho pu nei me kakou. E hooikaika kakou na Hawaii e loaa ia kakou ka noho kuikahi like ana, a e loaa auanei ia kakou no pomaikai a in a e hoino mu kakou ia lakou, a paio paha, alaila ua paio nei, aole e hoolohe ia mai ke kakou pule ana a in a kakou paha e hoi mai i ka aoao i hoopaa ia ai a paa e ko kakou mau alii ame no kupuna o kakou, alaila e ola hou no ko kakou lahui, olai o ia no ko kakou mea e alakai ia ai i ka lokahi, a in a peia no e kauliilii ai, aole mea e loaa pua ia kakou apau, koe wale no ka poe loko o ka aoao kumu i hookumuia ai, mai kinohi mai, o lakou wale no ma o ke kanawai la o ke Akua i hele mai ai mai Enelani mai. O ke kanawai ko ke Akua aupuni i hoopaaia ai maluna o ka pohaku i kapaia Plymouth Rock, kahi a na kupuna o keia lahui kanaka i kuli hoomaikai aku ai no ko lakou oiaio apau maloko a o ka naau, a in a he hookomo kakou i ka oiaio o Iesu iloko o ka naau, me ko kakou hoina ole anawaho, in a ua waiwai; nolaila, in a o ia iho la no ka kakou ano hoomana ana i ke Akua ma ko kakou mau lehelehe, aole wa e hoohuli ia ai o ka uhane i keia lahui kanaka. No ka mea he Akua ko lakou no ka naau, a o ka kakou hoi, aia wale no i ka luhilihi, a i manao kakou e pomaikai, e hoihoi mai ia kakou i hookahi manaoio, hookahi haku, a hookai bapetiza ana iloko o Iesu Krsito. He Hawaii oiaio o Opukahaia, mailoko loa mai o kona puuwai, i lu aku ai i na waimaka imua o kana mau kumukula uhane, a ike lakou i ka waiwai o keia, alaila hooholo lakou e holo mai e ike i ka lahui kanaka, o keia kanaka i uwe ai. Eia ka he lahui kanaka hoomana i ka pohaku i ka mea uhane ole. E hoomana kakou i ke Akua me ka uahne ame ka oiaio, oiai he uhane oia he noho iloko o ke kino o ke kanaka, a in a o ia ka kakou ano hoomana ana, aole kakou e nele i keia hookahi heneri makahiki i hala ae nei a uuku no hoi kakou. Ke hoike nei i ka huina o 7992 ka hoaloha i ka nui o na hoaloha, i lohe i ka leo kehea o Iesu a o kekahi no hoi ua kanalua, mai kanalua e na ohana a nana wale aku i ka hana mai a kekahi poe Hawaii. E lokahi like kakou no Iesu oiai kakou ano. O na ohana e hoolohe ana i keia leo kahea, e mihi a hoi mai kakou me ka lokahi o ka manao iloko o ko Iesu kahua oiaio, i kukuluia i Hawaii nei. Ua pomaikai loa lakou. Me ke aloha i ka Lunahooponopono ame kou mau limahana ka welina. GEORGE M. KAUAULALENA

HE HOALOHAALOHA NO MRS. MARY KALIKO DOIRON

I ka lunahooponopono o ka Nupepa Kuokoa, Solomon Hanohano, Aloha nui kaua:- E oluolu mai hoi kou hanohano, e hookipa aku i keia wahi ukane luuluu e kau ae la maluna, a na ka kaua elele waha ole hoi e hoike akui ko makou aloha makolukolu, i kuu leialoha, he keiki, e noho mai la i Waiakea, i ka poli aloha i ka nuku o ka manu, o ia hoi, o Moses Luaukapewa, Koiileolani o Kiwalao Doiron. Me ka noho nanea i moeuhane mua ole ia, pa-e ana ke kakahiaka nui o ke Sabati, la 9, hiki mai ana he lono hoolele hauli e ha'i mai ana, o kekahi pua mau umauma, iwaena o ka pohai o ko'u noho ohana ana, ua wehe mai la i ka pili aloha ana, me ka ipo e, kuu aloha hoi, ua kuewa wale aku la no i ke kula o makamaka ole, ka maua mea aloha hoi e; ua mae iho la ka nani o ka pua, o kona ala ame ke onaona ua pau ae la kona moani ana, a ma kona hala ana aku la no hoi. Ua Piha iho la he 11 makahiki o ko laua noho aloha ana iloko o ka berita maemae o ka noho mare ana, me kuu keiki i hooneleia iho la i ka mea aloha, a e noho hookahi ana hoi, e u ana me ke kanikaniaula ana i na hana a ke aloha, e loku ana i ka iwihilo. Aloha wale, me na keiki i hooneleia i ka makuahine, aloha wale ka hoapili, ka hoa hoomanawanui: aloha wale ka oul hale o Waialeale, ia home aloha i nohoia ai, me na pokii aloha a olua, e nana ana i na ale hulilua o ka moana, aloha wale ia wahi, e kilohi ana no hoi i ka lihikai o Ohele, o ia one hulili wela i ka la, a kuu mea aloha e naue ai. E ka makani haliala o ka uka e, hoihoi mai hoi oe i kuu mea aloha i hala alu la, hali'ali'a aloha mai la hoi i o'u nei, o KamiloHale, i ka ehu a ke kai e, aloha wale ia home a ke onaona i noho ai, i noho pu ia no me ka ano'i kuu mea aloha noi me ka waimaka no e, me ke aloha nui no iaia, kana mau hana aloha kona mau lima aloha, e apo mai ana ia oe e ka mlihini e kipa aku iloko o ko laua poli, ua nalo aku la a waiho i Homelani ke kino wailua, ke hiiia mai la e na manu kiai lehua i Haili, aloha wale! Ke komo pu aku nei makou, ka ohana o ke kane i hooneleia i ka mea aloha, e auamo pu i na ehaeha, a na ko kakou haku aloha no e hoomama mai i na ehaeha ame na kaumaha o ko kakou noho honua ana, a na Kona lokomaikai no e hoopomaikai ia kakou i na mea maikai e pono ai, e hoomaikai ka inoa o Iehova o na Kaua, Nana no i haawimai a Nana no i lawe aku, e hooneeia no imua ke koena o keia mau la me ka mau no o kona aloha, aohe palena, aohe mea hiki ke ana, i ka hohonu o kona lokomaikai, he o ia mau i nehinei, i keia la, i na wa no apau. O makou iho no me ka waimaka, welina puno i na keiki ulelehua kepau o kou papapa'i. Anaai wale.

MRS. LUCY K. KAILI

MRS. JULIA K. K. ING,

MRS. ELIZ ALOHIKEA,

MRS. ALF. U. ALOHIKEA

WM. K. ALOHIKEA

DAVID K. KAILI

MRS. LUCY L. LOPES

MRS. ADELL K. SAI,

MISS DAISY U. K. ING.

KA MAUA KAIKAMAHINE, ALICE P. LAANUI, UA HALA

E Mr. Lunahooponopono o ka Nupepa Kuokoa, Aloha oe: - E oluolu mai hoi kou ahonui, no ka maua puolo kekahi wahi kaawale o kou mau kolamu, a nau hoi ia e hii hele aku maluna o na ale o ka moana, ahiki i ka pae ana aku i ka aina, i ike mai hoi na ohana ame na hoaloha o ka lei a maua ua hala. Ma ka po o ka Poaha, la 2 o Dekemaba, hora 9, 1 lalau mai ai na lima o k anela o ka make, a lawe aku la ia ka hanu ola o ka maua kaikamahine, maloko o ka haukipila o Paia, a waiho iho la i ke kino na maua ame na pokii ame ka ohana, e paiauma aku i ke aloha nona. Luuluu wale! Ua maneleia mai kona kino ia po no ka home o Kaluna ma Paia. Ua hanauia ka maua kaikamahine ma ke Camp Helu 1, Puunene, i ka la 28 o Feberuari, 1904, nolaila ua piha ka 16 makahiki, 9 mahina ame na la kou o ka hanu ana i na ea hu'ihu'i o keia ola honua ana. Ua hoonaauaoia ka maua kaikamahine ma ke Kula o Peahi, e Miss Rachel Kiakona, i kona mau la kamalii, mailiala mai komo i ke Kula o Makawao, ma ia kula oia ahiki i kona naui ana. I ka piha ana iaia o na makahiki i ka 14 a oi, ua puka mai la oia mai ke kula mai malalo o ke pookumu F.W. Hardy 0 Makawao. I ke komo hou ana o ke kula i ka makahiki 1917, ua hookomo aku la maua i ka maua Alice i ke kula Wilikina o Wailuku, St. Anthony, no elua makahiki i loko o ia kula, i ka makahiki 1919 aku nei i hala ua puka mai oia ma ka maikai. Aloha no ia kula ka lei a maua e hele ai. Hoi ae ua lei nei a maua a noho me ia cousin, Mrs. Kealohaaina Ah Ching, me Haiku, ia noho ana ilaila, ua hoomaka mai la ka eha iloko o kona opu, keia ka hoomaka mua ana o ka pilikia i loaa iaia, ua lawe aku maua i ke kauka, a ma ka ike a ke kauka, ua loaa ia i ke tuma (tumor) a ma kona okiia ana e ke kauka, ua loaa aku keia puu nui iloko o ka opu, nona ke kaumaha ehiku paona me ka hapa. No hookahi pule ka noho ana iloko o ka haukipila o Paia, a hoi mai la me maua kona mau makua, i ka oluolu la me maua kona mau makua, i ka oluolu loa ana, ua hoi aku ua kaikamahine nei a maua me ia unele on a ma Kahului David K. Keala, no ka pau ole no o kona makemake e imi i ka naauao, he olua pule mahope mai o ke komo ana o ke kula i ka mahina aku nei o Sepatemaba, ua komo aku la ua lei nei a maua i ke kula kiekie o Maui nei, Maui High, he elua mahina iloko o ia kula. Ua loaa hou oia i ka eha ma ka opu elike me mamua, ua hoi mai la a noho me maua no hookahi pule wale no, a hoi hou aku, la iloko o ka haukipila, no ka nana hou ana mai a ke kauka, ua oki hou ia oia, a ma ka ike a ke kauka, ua loaa i ka ma'i ulu (cancer, no hookahi pule wale no iloko o ka haukipila, a haalele mai la i keia ola ana.  Aloha no ko leo i ka i mai, "E mama e hapai oe ia'u iluna ou a make au iluna ou," auweno hoi ka ehaeha o ka naau ke hoomanao ae ia oe, a no ka mea, o oe ka lei mua loa o ko maua puhaka a ke Akua i haawi mai ai i ko maua mau la opio, a q-u koke ia ae la no i na la opio; luuluu wale! E hoonana ae ana i ke aloha ia oe, pehea la e pau ai. Ua kau aku ka manao e ola ana maua ia oe o na la hapauea, eia ka he mau manao poho wale ia. E wailuku i ka malu he kuawa, ia wahi a ke lei a maua e luakaha ai ma ka home o ia uncle ou, Mr. Meheula, ua pau ka maalo hou ana o Alice ma kou mau alanui. E Haiku e, ia wahi a olua e noho ai me ia cousin ou, Mrs. K Ah Choy, ua pau ka hoopulu hou ia ana o kou mau papalina e na pakaua kilihune o ia wahi, a no ka mea, ua hoi aku la ka lei a maua ma ka poli o ka Makua. E Makawao i ka ua ukiukiu, ia wahi a ka lei a maua i hoomanawanui ai i ka naauao, imua o kou poli i noho ai ka naauao, imua o kou poli i noho ai a nui, a ua kamaaina no hoi oe e ka ua ukiukiu i kona helehelena, a me na kualono e waiho mai nei, ua pau ko oukou ike hou ana iaia, ua nalo ka wa mau loa. Ko haawi aku nie maua i ka maua hoomaikai nui loa ia oukou e na keiki a Mr. John Kaluna, o ia hoi o George Kaluna, Mrs. Julia K. Keala, Mrs. Lizzie Machado, no ka hookipa ana aku i ke kino epo o ka maua leialoha ma ko oukou home, pela no hoi ka halelua, kahi hoi i waihoia ai ka kino o ka maua kaikamahine; pela no hoi ko oukou kokua ana mai e kiai pu ana me maua ia po, pela no hoi me ka ohana i komo pu mia, no ke ku kiai ana. Ke hoomaikai aku nie no hoi maua i no ohana no ka oukou mau makana pua i lawe mai ai no ka hoowahiwahi ana i ka pahu o ka maua kaikamahine, pela pu no no hoi me na hoaloha. Ke hooki nei maua, me oe e ka Lunahooponopono ko maua hoomaikai nui. O maua no me ka luuluu no ka maua leialoha.

MRS. KAULANA LAANUI.

JOE LAANUI

OOPENHAGEN, Jan. 18 He 68

mau ohua e kau ana maluna o ke kaaahi ukini mai Luga aku a i Novgorod i a ia e ke ahi a make ma ka manawa i a ia ai ke kaaahi e lawe aaa i kekahi mau pahu benzie. Ma kahi kokoke ia Petrograd keia ulia i ikeia ai.

KUU KAIKUANA ALOHA UA HALA.

E ae mai ia'u e ka lunahooponopono o ke Kuokoa, e hoopuka ae i keia kukulumanao e kau ae la maluna, i ike mai na kini, mai ka la puka ma Kumukahim a i ka welona a ka la i Lehua, in a he kowa kaawale kakahi o ka oneki o ka kaua Kuokoa. Ma ka la 3 o keia mahina ua haalele mai o Joe Lonoaca i keia ola ana, a waiho mai la ia'u i kona ola ana, a waiho mai la ia'u i kona pokii e auamo hookahi i na kuluwaimaka aloha iaia, ame ko maua mama i hala iho nei, ma ka la 29 o Novemaba, 1920, a i keia la 3 no hoi i haalele mai ka kuu kaikuaana aloha ia'u a uhai aku la mahope o ko maua mama aloha. Ua hanauia o Joe Lonoaea ma Kalaopa Wainiha Kauai i ka 1878, Ua piha iaia na makahiki he 43, me na mahina keu, a waiho iho ka ia'u kona pokii e paiauma aloha ana ia laua me kuu mama aloha. E na Hala i Naue, ua pau kou ike ana ia Joe Lonoaea ame ko maua mama e kuoe hele ana i ka halepule o Haena, e imi ana i ka ola uhane ma o Kristo la.  E na hala kaulana o Poohiwiokala, ua pau kou kipehi ana ka ala o kou pua hinalo; e ka nalu kaulana o ka Puhi i Ka'umaka, ua pau kou hoopulu ana i kou mau hunakai aloha ma na papalina o kuu mama ame kuu hanaumua. E ka lau ama'u holu i ka makani o Pahelehala, ua pau kou ani peahi ana ia Kaluli ame Joe; e ke kai moakioki o Kaanakea, na pau kou ike ana ia Kalulu ame Joe, e hele holoholo ana maluna o ka uwapo o Kaumaka.  E ka puu kaulana o Makakiloia, ua nalo o Kaluli me Joe, he mau kupa kahiko no Wainiha. E ka wai hu'i anu o Kaneawa, ka wai a olua e luupoo ai, a i kamaaina ia olua, aole olua e maalo hou ana maluna o ia kawalele; aloha no olua hele no ka mama, hele pu no me ke keiki. Ua lawa keia a ke hoomaikai aku nei au i na hoaloha apau i lawe mai i na makana bo ke pua, ame ka poe apau i noho pu mai me a'u i kuu mau hora o ke kaumaha. Na ke Akua e kau i na pomaikai maluna o na hoaaloha apau i kokua pu mai ia'u. Ke hooki nau au me ka haawi ana o ka aloha makahiki hou i ka Lunahooponopono o ke Kuokoa ame na keiki ulelehua metaia o ka papapa'i o ke Kuokoa. AHANUI LONOAEA

IKE I KA NANI O POIPU

Mr. S. Hanohano ka adimarala hoi nana e hookele nei i ka mokukaua wiwoole o Hawaii, ka Nupepa Kuokoa, aloha nui kaua: Oluolu mai kou lokomiakai e hookau aku ia'u ma kou moku a nau hoi ia e uwila ae ma na kihi eha o Hawaii nei. Ma ka la 2 o Ianuari, 1921, i hele makaikai aku ai au me ka'u aliiwahine ame na makua a kaikaina o ka aina malihini, Mr. ame Mrs. Kanoa Pikao ame Mrs. M. Mikalaina. Kau i ke kaa, oni ka huila, pa ka uwepa iwa kiani, aohe a makou hana o ka hoola'i, a hoomahie, i kau a mea o ka lawe mikioi a ka lio waha uaua, olhe ole mai ia kaua. He mau sekona helu i ka minuke hoola'i ana i ka ihona o Koloa. Oiai no hoi o keia kekahi la u'i loa o Koloa, no ka mea, e hoopuluia ana na alanui e na kulu pakaua, o ka uanoe o Koloa, aohe puehu lepo ma ka aoao, no ka mea, he hele na ke keiki o ka lae o Ninini, kaomi paaia ke lepo i ka honua. Aohe no hoi i iho, kaalo ana mawaho pono o ka home o ia makua puuwai hamama i piha me ka lokomaikai Mr. W. K. Bacle, ma Poipukai: Ua hookipaia makou me ka kaikai, me ka hoonee pu ia ana mai o na mea e pono ai keia kino, a o kekahi mea oi loa ae o ka u'i, e mau ana no ke kilihune o ka uanoe o Koloa. Ua hele no hoi na kamaaina ame na malihini a pulupe i ka noke mau a ka uanoe. I ka lanakila ana o Keoni Bulu, ua ke-ena pono ae la na mea apau no ka hoonanea ana. Ia manawa i ike aku ai au i kuu hoaloha maikai Mr. David Pele, e kii palanehe mai ana i na kaula eha o ka ukulele, hui pu mai me ka leo u'i o ua keiki hukilau nei o Poipu, auwe, naueue ka honua. Aole ia wale, ke ike pu la au i na u'i o Koloa e @uini mai ana, pau pu me na u'i o Lihue, he hue mai hoi kau. O ka'u hana o ka nana pono i ke kiina wawae, no ka mea ua hele mai la au a hiki pono ole ke noho ilalo, no ke ake mai e ike i ke suini ana o ka pakana. I ko'u hoao ana suini, eia ka au ke lawe nei i ka ai a ka Hawaii. Hu ae la ka aka o na mean apau. O ia ka'u e minamina ae nei , in a paha i loaa aku kahi kaka piha eu o Makahuena, in a ia loaa ko'u pakana i niniu ai. Nolaila, ke haawi nwi au i ka'u mai hoomaikai he nui i ka makua puuwai hamama W. K. Bac;e ame na ohana kou home, no ko oukou apo aloha ana mai ia makou ame oukou pana'i ana mai i na mea maikai he nui. Me oe e kuu adimarala wiwoole ko'u mahalo nui ame na keiki limahei o kou papapa'i ko'u adieu. Owau iho no, OLIVER KUA Kiai kukui o Nawiliwili.

MA KA KAUOHA

TERITORE O HAWAII

Keena o ka Puuku, Honolulu, Oahu.

Ma ka hana e hoopau ana i ka HAWAII KOA FURNITURE COMPANY, LIMITED.

OIAI, o ka HAWAII KOA FURNITURE COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ka kanawai i hoomaukaukauia ma na hana o kela ano, ua waihoia mai iloko o keia keena he palapala noi no ka hoo pau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai. NOLAILA, me keia ke haawiia aku nei hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko  o ka hiu i oleloia, e pono e waiho mai i na ku e ana no ka aeia aku o ka palapala noi i oleloia maioko o keia kena, mamua ae o ka hora 12 awakea o ka la 21 o Maraki, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma a i ole mamua ae o ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai palapala noi i oleloia. DELBERT E. METZGER Puuku, Teritore o Hwaii. Honolulu, Ianuari, 6 1921 6435 Jan. 14, 21, 28; Feb. 4, 11, 18, 25' Mar. 4, 11, 18, 1921. 

TERITORE O HAWAII

Keena o ka Puuku, Honoluli, Oahu.

Ma ka hana e hoopau ana i ka HONOLULU FILM COMPANY, LTD. OIAI, o ka HONOLULU FILM COMPANY, LTD., he hui ia i kukuluia a e ku ana malalo a ma ka mana o na ka nawai o ke Terotore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooialoia i hoohui pu ia me ia, elike me ia i koiia ai ma ke kanawai. NOLAILA, ma keia ke haawiia aku nei ka hoolaha i ekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai na ku e ana no ka aeia aku o ka palapala noi i oleloia maloko o keia keena, mamua ae o ka hora 12 awakea o ka la 28 o Feberuari, 1921, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Mooko, Honolulu, ma ka hora 12 awakea o ka la o leloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

DELBERT E. METZGER, Puuku, Teritore o Hawaii. Honolulu, Dekemaba 18, 1920. 5432 Dec. 24, 31, 1920; Jan. 7, 14, 21, 28; Feb. 4, 11, 18, 25, 1921.

ENDAU DEVELOPMENT COMPANY LIMITED.

HOOPAUIA

Me keia, ke haawiia aku nei ka hoolaha i ka poe paa aie apau o ka Endau Development Company, Limited, e waiho mai i ka lakou mau koi i ka mea nona ka inoa malalo iho nei, ma ka Rumi 303, Hale Banako o Hawaii, kihi o na Alanui Papu me Kalepa, Honolulu Kulanakauhale a Kalana o Honolulu iloko o kanaiwa la, mai ka hoopuka mua ia ana aku i keia hoolaha, o ia hoi he kanaiwa la mai Dekemaba 31, 1920 aku O na koi apau a waiho ole ia mai ana pela, hoole mau loa ia aku no.

E. A. MOTT-SMITH,

Kahu o ka Endau Development Company, Limited. 6433 Dec. 31,1920; Jan. 7, 14, 21, 28, 1921.

E HOIHOIIA MAI ANA KE KII O KAMEHAMEHA

Mamuli o na hooikaika ana a Charles R. Frazier, ame ke Kalapu Hoolaha o na haole o keia kulanakauhale, e hoea mai ana i ka manawa a koonei poe e ike ai i kekahi kii kahiko loa, i penaia o ka Moi Kemehameha I, e waiho mai la ma Bosetona. I kulike ai me na hoike i loaa mai i Honolulu nei mai Bosetona  mai, e hoakaka ana ia, in a he noi maopopo kekahi e waihoia aku ana, mai ka poe mai i kuleana i ka hale hoahu o na meakahiko maanei nei, o ia ka Bishop Museum, he hoi i kakooia aku e ke Kiaaina ame kekahi poe ko'iko'i e ae o Hawaii nei, alaila e hoounaia mai ana kela kii, no ka waihoia maloko o ka hale hoikeike o na meakahiko, mauka ae nei o ke Kula Kamehameha. Aia kela kii o Kamehameha ke waiho mai la maloko o ka hale hoikeike ma Bosetona, he kii hoi i haawi makanaia aku i kela hale, e John C. Jones, ka mea e noho kanikela ana no ke aupuni e Amerike, ma Hawaii nei i ke au o Kamehameha. Aia mahope o kela kii kekahi mau huaolelo i kakauia me ka penikala, e hoakaka ana, i ka haawi makanaia ana aku o kela kii e John C, Jones kekahi o na kanaka kalepa o Bostona i hoea mai no Hawaii nei iloko o kela manawa. Ua penaia kela kii o Kamehameha maluna o ka laau e he o ia mau no ka maikai i ke pena. O ka puliki o Kamehameha e komo ana elike me kii he puliki ulaula ia, i haawi makanaia mai iaia e Vanakouva, he kanaka Pelekane; a he melemele ka waihooluu o kona leia i eia nae ua kikohukohu me na kiko elelele a ua hele no hoi a ua hele no hoi a keokeo ka lauoho e hoike mai ana keia i ka hala ana o kona mau la opio.

HOOMAKAUKAU NO MUA AKU NEI

E hoao e Hoomakaulii Ano E Malama i ke Dala e wehe i Buke Banako Hoahu me ke

CHINSES-AMERICAN BANK

A NANA AKU I KA ULU DALA

NA PAHU                  $1.00 ne ka Wehe                   Kihi o ke Alanui

No ka Hoolimalima     Ana i ka Hoahu                       Moi me Nuuanu

 

LUAU NA PANOHO PAKAUKAU ame na HALELOLE

no ka Hoolimalima.                                        

PEOPLE'S HARDWARE STORE.

453 Alanui Moi Akau Kokoke i Palama Settlement.

KELEPONA 2670.

6346 8wks

TERITORE O HAWAII

Keena o ka Puuku, Honolulu, Oahu.

Ma ka hana e hoopau i ka THE WATERHOUSE OFFICE OUTFITTING COMPANY, LIMITED. OIAI, o ka THE WATERHOUSE OFFICE OUTFITTING COMPANY LIMITED, he hui ia i kukuluia a e kuana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano. Ua waihoia mai iloko o keia keena he palapala noi ka hoopau ana i ka hui i oleloia, hui pu me kekahi palapala i hooiaoia i hoohui pu ia me ia, elike me ia i koiia ai ma ke kanawai. NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka hora 12 awakea o ka la 14 o Maraki 1921 a o kela ame keia mea e makemake ana e hooloheia aku maluna o ia mea, he pono e hoea kino ae ke keena o ka mea nona ka inoa malalo iho maloko o ka Hale Mana Hooko, Honolulu ma ka hora 12 awakea o ka la i oleloia a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.

DELBERT E. METZGER,

Puuku, Teritore o Hawaii.

Honolulu, Dekemaba 29, 1920.

6443- Jan. 7, 14, 21, 28; Feb. 4, 11, 18, 25; Mar. 4, 11, 1921.

TEROTORE O HAWAII

Keena o ka Puuku, Honolulu, Oahu

Ma ka hana e hoopau ana i ka HAWAII COTTON COMPANYLIMITED. OIAI, o ka HAWAII COTTON COMPANY LIMITED, he hui ia i kukuluia a e ku ana malalo ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia hui pu me kekahi palapala i hooialoia i hoohui pu ia me ia elike me ia i koiia ai ma ke kanawai. NOLAILA, ma keia ke haawiia aku nei ka hoolaha i kekahi mea, a i na kanaka apau he mau kuleana mamua a e kuleana nei paha i keia manawa ma kekahi ano iloko o ka hui i oleloia e pono e waiho mai i na ku-e ana no ka aeia akuo ka palapala noi i oleloia maloko o keia keena mamua ae o ka hora 12 awakea o ka la 21 o Feberuari 1921 a o kela ame keia mea e makemake ana e hooloheia aku maluna o ia mea he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko Honolulu ma ka hora 12 awakea o ka la i oleloia a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.

DELBERT E. METZGER,

Puuku, Teritore o Hawaii.

Honolulu, Dekemaba 14, 1920

6431- Dec. 17, 24, 31, 1920; Jan. 7, 14, 21, 24; Feb. 4, 1921.

TERITORE O HAWAII

Keena o ka Puuku, Honolulu, Oahu.

Ma ka hana e hoopau ana i ka PACIFIC MARINE PRODUCTS COMPANY LIMITED.

OIAI o ka PACIFIC MARINE PRODUCTS COMPANY LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia hui pu me kekahi palapala i hooiaoia i hoohui pu ia me ia, elike me ia i koiia ai ma ke kanawai. NOLAILA ma keia ke haawiia aku nei ka hoolaha i kekahi mea a i na kanaka apau he mau kuleana mamua a e kuleana ano iloko o ka hui i leloia e pono e waiho mai i na ku-e ana no ka aeia aku o ka palapala nei i oleloia maloko o keia keena mamua ae o ka hora 12 awakea o ka la 31 o Ianuari 1921, a o kela me keia mea e makemake ana e hooloheia aku maluna o ia mea he pono e hoea kino ae ma ke keena o ka mea nona ka ino malalo iho maloko o ka Hale Mana Hooko Honolulu, me ka hora 12 awakea o ka la i oleloia a e hoike mai i ka kumu in a he kumu kekahi i wahi e ae ole ia aku ai ka palapala noi i oleloia.

DELBERT E. METZGER

Puuku, Teritore o Hawaii

Honolulu, Novemaba 23, 1920.

6428- Nov. 26; Dec. 3, 10, 17, 24, 31, 1920; Jan. 7, 14, 21, 28, 1921.

CORK, Irelani Jan. 17 He ahakanaka nui ka i lele kaua aku maluna o ka hale oihana o na makai ma Tucket i ekia la a ua hoauheeia mai nae mahope hahana loa no ka hapalua hora, a ma ia kaua ana o na poka pa hu na pu raifela ame na pu panapana na mea make i hoohanaia.

T O Murata Furniture Store

(Na noho hoolimalima me lako pa maanei.)

Na Lako Hale Hou me Kahiko.

Hoolimalima me Kuai Hoolilo.

715 Alanui Hema, Honolulu, T.H.,

Kelepona 1695.

KakelameKuke

(KAUPALENAIA)

Poe Kalepa ma ke Komisina

-A HE-

Poe Agena no na Mahiko

Lehulehu

 

TEROTIRE O HAWAII

Keena o ka Puuku, Honolulu, Oahu

Ma ka hana e hooopau ana i ke KAPAA AUTO STAND COMPANY, LTD. OIAI, o ke KAPAA AUTO STAND COMPANY, LTD., he hui ia i kukuluia a e ku ana malalo a me ka mana o na kanawai o ke Teritore o Hawaii, i kulike ai me ka kanawai i hoomaukaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui oleloia hui pu me kekahi palapala i hooiaioia i hoohui pu ia me ia elike me ia i koiia ai ma ke kanawai. NOLAILA, me keia ke haawiia aku nei ka hoolaha i kekahi mea a i na kanaka apau he mau kuelana mamua a e kuleana nei paha i keia manawa ma kekahi ano iloko o ka hui i oleloia e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka hora 12 awakea o ka la 28 o Feberuari 1921 a o kela ame keia mea e makemake ana e hooloheia aku maluna o ia mea he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko Honolulu ma ka hora 12 awakwa o ka la i oleloia a e hoike mai i ke kumu in a he kumu kekahi i wahi e ae ole ia aku ai ka palapala noi i oleloia.

DELBERT E. METZGER,

Puuku Teritore o Hawaii.

6432- Dec. 24, 31. 1920; Jan. 7, 14, 21, 28; Feb. 4, 11, 18, 25, 1021.

HOOKAPU KAI LAWAI'A

Ke papa a ke hookapu loa ia nei na kanaka apau aole e hele e lawai'a ma kuu kai lawai'a ma Keauau, Kaimana Hila Oahu me ka loaa mua ole o ka ae ia mai ia'u aku a i ole i kekahi mea okoa ae paha a'u e hoamana aku ai.

MRS. BLANCHE HUMMEL.

Honolulu, Jan. 13, 1921.

64- Jan. 14, 21, 28.

Kela Laau Kaulana

B.B.C.

He laau i hoohuiia o na launahele laau e hana pu ana me ka hana a ke Akua he hoomaemae a hooikaika ae i na mea paahana holoohoa o ke kino, e kipaku ame na ma'i ili wale mai e haawi ana i ke ino i ka ikaika ke ola ame ka mana i na @@lolo. E hoopiha ana ka B.B.C. i ke kino ma ka ikaika hao o ke ola ame ka ikaika o nala opio. Ua hoolaia na poe nawahiwali ma na manawalehulehu mahope o ka inu ana he mau pule wale no. Ua aponoia e na kauka kaulana he nui ame na kanaka iloko o ke ola lahui ana. O ka B.B.C. ka laau kamahao loa ma ke ao.

KUAHA MA NA WAHI APAU.

Keena Kuai Laau B.B.C. 161 Alanui Moi.

Honolulu, Hawaii.

NUPEPA KUOKOA

No ka makahiki (one year) …… $2.00

No sono mahina (six months) …. 1.00

O na Dala âme na Hoolaha Apau e hoouna pololei mai i ka ADVERTISER PUBLISHING COMPANY, LTD.

wale no P.O. Box 208, Honolulu T.H. 217 Alanui Moi, ma ke keena o ka Nupepe Advetiser.

Entered at the Post Office at Honolulu T.H. as Second Class Matter.

CHARLES S. CRANE LUNA NUI