Ka Nupepa Kuokoa, Volume LIX, Number 5, 4 February 1921 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

            He ninau ano kamahao loa paha keia a ke kanaka opio o ka ui ana aku i ke kenimana aoo, aka, oia nae ka mea e kau ana i kona umauma i manawa, e hiki ole iho ai iaia ke uumi, me kona hiki ole nae ke hoomaopopo aku i ka hopena o kapa ninau.

            Ua hele mai oia i kela keenahana o ka I oio Halehakona e like me kana i manao ai, no ke kamakamailio ana no ka mea pili wale no i kekahi hana, a eia nae, ua oili ae la hoi ka inoa o Helena Simoa ma ke ano hoopohihihi loa mai i kona noonoo ana i manao ole ai kekahi kumuhana ia a laua e kamailio.

            "No kau ninau e pili ana i ko Robaka makemake ia Miss Simoa, ea, he mea pono no ia'u ke hoike aku i ka mea oiaio ia oe." wahi a Mr. Halebakona. "Ua hoomaka ia aloha iloko on a he mau makahiki lehulehu i hala hope aku nei, a ke ole au e lohe hewa, ke hoomanao nei no au i kau mea o ka olelo ana mai ia'u ma kela po au e poina ole la, he humuhumu ka hana a ka makuahine o Miss Simoa no ka poe e hoolale aku ana iaia e hana, oia anei?

            "No'u iho, ua hooholo au i ko'u manao, a ke paa nei ia manao o'u pela. o ka wahine kupono a Robaka e mare aku ai oia ka mea i like ke kulana ma ka waiwai me kona, aka nae, oiai maua e hoolala nei i nei manawa no ka holo ana aku e makaikai i na aina e, a e hala ana paha he makahiki hookahi ia maua ma na aina e, aole o Robaka e noonoo an ano i mare a hala kekahi manawa, a mahope o ko maua hoi ana mai ia manawa paha oia e noonoo aku ai no ka mare.

            "Nolaila, oiai maua e kaawale aku ana he waiho ana iho ia ke kahua akea i ou e paani ai no ka lilo mai o Miss Simoa ia oe, in a he makemake kou iaia, e lilo i wahine nau, me ka loaa ole o ka mamo hopohopo i loko ou no ka hokaiia mai e kekahi kanaka opio okoa. no ka mea, o oe hookahi wale iho no koe mahope nei," a hooki iho la ke keonimana aoo i kana kamailio ana me ka imo a minoaka pu ana aku i ke kanaka opio. me he mea la e hookikina okoa aku na no ia Habati Alekona e hoao oia ma na ano apau e lawai'a i mea e lilo mai ai ka ulua, Miss Simoa, iaia.

            O keia maoli no ka manao i loko o ke keonimana aoo e lilo o Helena Simoa ia Habati, i ole ai o Robaka e manao hou aku ia Helena Simoa ma ke ano o kana wahine ia mare aku ai; o ka lilo aku o Helena Simoa i ka mea e a nele o Robaka, oia ko ka elemakule Halebakaona iini e noho ana ia manawa, no kona makemake ole e mare kana keiki i kekahi wahine haahaa a ilihune.

            "E hoopau ko kaua kamailio hou ana no ia mea, a e kamailio kaua no ke ahana; heaha ka hana kupono loa i kou manao la, ka hana au i oi aku ai kou makemake?" i ninau mai ai ke keonimana elemakule.

            "Ua hoike aku hoi au ia oe ma keia kakahiaka, oiai kaua maloko o paka, he kakauolelo au na kuu anakala no elua makahiki, a ma ko'u manao ua haawi oia i kona apono me ka mahalo no ka'u mea i hana ai nona ma ke ano he mea malama buke helu waiwai," i pane aku ai ke kanaka opio.

            Ia wa, o ko Mr. Halebakona lalau aku la no ia i kekahi huke moohelu waiwai e waiho ana maluna o ke pakaukau, a panee mai Ia mamua o ke kanaka opio a i mai la:

            "E hoike mai ana oe i ka mea hiki ia oe ke hana me ua huahelu."

            O ko Alekona Kopu aku la no ia i ka penikala a hoomaka iho la ka houluulu ana i na huahelu ma na kolamu, me ka nui o ka leo oiai oia e houluulu ana. No ka umi minuke paha i pau iaia ma ia houluulu ana ma ka manawa o ke keonimana aoo o ka hooki ana mai iaia i ka i ana mai:

            "Ua lawa ae la, ke ike aku nei au he hikiwawe maoli oe ma ka houluulu ana me ka pololei pu o na huahelu. he makemake kuu kakauolelo poo i kokua nona oiai au e kaawale aku aha. nolaila, ke haawi aku nei au i kulana hana ia oe i nei manawa no ka hoao ana, ke apono mai nae oia. no hookahi mahina, a in a e ike ana oia i kou kupono ma ia kulana, alaila e hoomau loa ia aku ana oe ma ia wahi. O kou ukuhana no ka pule mai nei manawa aku i iwakalua dala. Ina e ikeia ana kou makaukau a hoopono e hoopii hou ia aku ana kou ukuhana i ka iwakalua-kumamalima dala o ka pule ma ka pau ana o na mahina ekolu. Pehea la, makemake no anei oe ia ano hana?"

            Nana aku la o Alekona i ke keonimana me ka phia i ke kahaha, no ka mea, o kana hoi ia i makemake ai o ka loaa mai o ka hana, a he hana hoi ka ua keonimana la o ka haawi ana mai la, eia nae he ninau hou mai ka in a he makemake oia ia kulana hana, me ia hoakaka aku no nae on a o kana hana hoi ia o ka lawelawe ana no na makahiki elua i hala, oiai oia e noho ana me ka anakala ma Bokekona.

            Ma kana noonoo iho, iloko o kela kulana nele on a, ua like kela hana a ke keonimana elemakule o ka haawi ana mai la me he mea la, in a no paha oia e hoole aku ana o kona nele iho la no ia, aole hoi i haawiia mai ma ke ano ana e noonoo iho ana he kokua mai iaia iloko o kela manawa nele on a i ka hana.

            "No ka hoike ana aku ia oe i ka mea oiaio loa ea, e Mr. Halebakona, ua makemake au i ka hana au o ka hoaiai ana mai la, a e haawi pu aku ana au i ka mahalo nui ia oe no ia makana maikai au, aka nae, ke maopopo ole nei ia'u ke kumu o kou piha oluolu a lokomaikai loa ia'u. a no ka mea he kanaka malihini loa au ia oe, aohe oe i kamaaina i ko'u mau ano mamua, a i ole, i kekahi mea hoi e pili ana i ka'u hana o ka lawelawe ana mamua, mai ko'u manawa kamalii mai e hele ana i ke kula."

            "Pela no, aka hookahi no kumu, a oia keia, he makemake mau au e hapai ae i na kanaka opio ma kekahi kulana, i hiki ai ia lakou ke hoomaka e pii ma ke alanuipii, i ka poe nae e makemake mai ana i hana, elike me oe, a e hoao ana hoi e kokua ia lakou iho, aole i ka poe makemake ole i ka hana.

            "Ua hoike aku nei au ia oe e holo aku ana au, i na aina e. a e hala ana kekahi manawa loihi, nolaila no ia huaka'i a'u e hoolala nei a e holo ia aku ana hoi, ua makemake au e loaa i kakauolelo hou i kokua no ka'u kakauolelo mua i nei manawa, a e ike aku au i ka hana ana mai oiai au e noho ana i nei mau la: ua hoike mai oe i kou makemake loa e loaa kau hana, a in a e hooiaio mai ana oe nou iho, ma kau hana o oe ke kanaka a'u i makemake ai no keia kulana hana, e mau loa aku ana kou noho ana ma ia wahi elike ka loihi me kau e hooholo ai nou iho."

            Ke noho la o Alekona me ka hamau ame ka hoolohe pono aku i na mea apau a ke keoniamana aoo e kamailio mai ana, me ka haikea o kono helehelena, no kekahi mau minuke. Ua hoopihaia oia me kahaha a me ke pahaohao, no ka mea, ma kana noonoo iho aia kekahi mea ana i ike ole ai ma o aku o keia hana i haawiia mai la iaia i hiki ole iaia ke hoomaopopo aku.

            Ua manao mau oia ia Mr. Halebakona ma ke ano he kumu alakai no na kanaka opio e ae--he kanaka koikoi, he naauao, he waiwai, a ma ia ano aole paha oia e nana mai ana no ka pono o kekahi mea i halawai me ka hune ame ka pilikia, aka nae ua kuhihewa loa oia ma ia noonoo ana on a ela; o kela manao hoohuoi on a mamua aku no ke kulana o ke keonimana aoo he kanaka oolea, maua, makona a pela aku, ua kho hewa loa oia, aohe ia mau ano maikai ole iloko ona, aka, he kanaka piha lokomaikai a piha aloha oia, a e haawi aku ana hoi i kana kokua i na mea apau iloko o ka popilikia, a no keia mau ano maikai o ke keonimana aoo, ua hoolana loa ia ae la ka manao o ke kanaka opio me ka loaa o ka manaolana hou no ka loaa o kona puuhonua.

            Aohe ana hoopaapaa ana aku no ka lokomaikai nui o ka haawiia ana mai la iaia e na akua hoopomaikai, o kana wale no o ka hana aku e like me ka maikai loa ana e ike ana no ka pono o kona hakuhana, a kakali aku no ka hopena.

            "Ke ice nei au i ko'u aie nui ia oe e kupono ai ia'u e haawi aku i na hoomaikai nui," wahi ana o ka pane ana aku mahope iho; "ke haawi aku nei au i ko'u ae no ka lawe ana mai ia hana au i haawi mai la me kou lokomaikai, a ke hoohiki pu aku nei hoi imua ou e lawelawe aku ana au ia hana elike me ka makaukau apau i loaa ia'u. Ahea au hoomaka aku ia hana, a i ka manawa hea au e hele hou mai ai e ike ia oe?"

            "A ke kakahiaka o ka la apopo, in a e oluolu mai ana oe. He makemake au e ike aku ia oe ua komo aku i ka hana mamua o ko'u kaawale ana aku, a he mau la kakaikahi wale no hoi ia i koe e kakali aku ia a hoea mai ia manawa," i pane mai ai ke keonimana aoo.

            'Ina pela ua pono ae la. Ke hauoli nei au i ka loaa ana mai la o ka'u hana, a ke hauoli pu nei hoi i ka hana hou aku elike me ia i maa i ka hana mamua, no ka mea. ua ehaeha loa ko'u lunaikehala i na la aku la i hala, no ka loaa ole o ka'u hana. A ka hora ehia au e hoea mai ai?" wahi a ke kanaka opio o ka ninau ana aku.

            "A ka hora eiwa o ke kakahiaka apopo, a no ka mea, aole au e hoea koke mai ana ianei mamua ae o ia manawa, no kuu manao na'u ponoi no oe e hoolauna aku ia Mr. Laiki kuu kakauolelo."

            Oiai no oia e kamailio mai ana, ku ae la oia iluna a hele mai la e lulu lima me ke kanaka opio, oiai ke kanaka opio i ku pu ae ai iluna ia manawa me ka makaukau no ka haalele ana mai ia keena, a huli aku e hoi no kona wahi hale o ke ano haahaa loa e noho ana, me ka naau mama a hauoli no ka loaa ana o kana hana.

            Ma kekahi kakahiaka ae, ua hoea kakahiaka ae la oia no ke keenahana o ka Loio Halebakona, elike no me ia ma ka la mamua iho.

            Ia hoea ana aku ana ma ka manawa a laua o ka hooholo ana mamua aku, e noho mai ana ka Loio Halebakona i ke keena no ka hookipa ana aku iaia, a he minuke ma ia hope iho hoolaunaia aku la o Alekona Habati imua o Mr. Laiki, ke kakauolelo poo a ka Loio Halebakona, ma ke ano he kokua kakauolelo hou, a i ka pau ana o ia hana, ua haawi koke ia mai la ka hana iaia a o kona hoomaka koke aku la no hoi ia i ka hana, he hana hoi i hoopiha loa ia iho ai oia me ka hauoli, no ka mea, ua loaa iho la ka hana e loaa ai ka manaolana no kona palekana mai ka haiaia ana mai e ka Olohe.         Aole o Alekona he kanaka opio mikimiki a eleleu elike me kekahi poe opio e ae i like na makahiki me kona, aka nae, he kanaka opio hoopono a makaukau oia ma ka malama na i na buke moohelu waiwai, a oiai ua halawai oia me na haawina pakalaki o ka manawa i na la i kaahope aku, a i lilo ai hoi i mea hooilihune loa iaia me ke kaumaha o kona noonoo, ua hooikaika oia ma na ano apau e lanakila oia maluna o kona mau hemahema apau, me ka malama pono i ka hana i loaa mai la iaia.

            Mamuli o kona ohohia nui ole aku i na lealea a he kanaka opio noho maile maoli no oia, a maluna o kana hana kona hilinai nui, ua lilo koke oia i mea makemakeia mai e kona hakuhana, no ka mea, oiai oia e hana ana ua lehulehu na manawa a kona haku o ka hakilo loa ana mai iaia ame kona mau ano apau, a ua lilo kona mau ano maikai lehulehu i mea makemake loa ia e ka Loio Halebakona mamua o kona holo ana aku no Europa.

            Ma ka auina la mamua o ka holo ana aku o Mr. Halebakona ma no Europa, hui mua ae la o Mr. Halebakona me Alekona ma kekahi wahi mehameha no kekahi mau minuke kakaikahi no ke kamalilo pu ana me ia, no ke ao ana mai i ke kanaka opio no kana mau mea e hana ai e pili ana i kana hana, i ka i ana mai:

            "E Mr. Alekona, he manaoio ko‘u e ike ana no oe nou iho i ko Mr. Laiki mau ano apau ke loihi aku kou noho hana ana me ia, he kanaka piha nono oia he hoaloha maikai loa no hoi, a ma ia ano e lilo ana no olua i mau hoaloha maikai loa oiai au e kaawale aku ana, in a nae e hoomau aku ana oe i kou hoopono ame kou makaala ana ma ka hana, e like me ia au i hana iho la i keia mau la.

            "Aole au e ike hou mai ana ia oe a hala he makahiki hookahi, nolaila, oiai au e kaawale ana, e pono e malama loa i ka hana, me kou makaala mau mai ame kou hana mau aku hoi me ka hoolohe i ka Mr. Laiki mau mea e kauoha mai ia oe; mai pakike aku oe iaia, e hana oe me he hipa la malalo o ka mea e ako ana i kona hulu, a ia manawa hookahi, e hakilo loa oe i ka Mr. Laiki mau mea apau e hana ai.

            "Elike me kou punihei ole aku i na lealea, a elike me kou makaukau a hoopono i ka hana i keia mau la iho la, pela no oe e hoomau aku ai ia ;a eia hou, mai uhaai wale oe i kau dala e loaa aku ana ia oe, aka, e a‘o iho oe i ka hoomakaulii, i ole oe e halawai hou me ka nele, a i loaa ai hoi ka mea nana e kokua ia oe iloko o kou manawa pilikia.

            "Eia hou. e hookanaka oe, a malia o hiki ka la e loaa ai ia oe kekahi haawina pomaikai, o kou lilo no ia hoahui. O kuu makemake ame kuu iini i keia manawa oia no kuu ike aku ia oe e pii aku ana i ka puu i kekahi la e hiki mai ana, a ua maopopo no ia oe, o ke alahele wale no e hiki ai oia ka hoopono, ka hoonui aku i ka naauao. ka hoonui i kou mau hoaloha, ka poe na lakou e kakoo mai ia oe, a mawaho ae o ia mau kumu, e hoomanao pu i keia, o ke dala ka mea e hiki ai na mea apau.

            "O kuu hauoli oia kou holomua ma kau mau hana apau ma keia mua aku, e noho hoaloha me kou poo ma ka hana a me na kanaka apau au e ike aku i, he poe akiaki ole mai mahope o kou kua, a e hooikaika pu hoi oe e holomua ka hana ; okeia ka‘u a‘o hope ia oe mamua o kuu kaawale ana aku."

            "Laia i hooki iho ai i kana kamailio ana, a oiai no hoi oia e paa ana i ka lima o ke kanaka opio, a ma ka hope loa o kana mau olelo o ke kamailio ana mai i ke kanaka opio, pii ae la ka ula ma kona mau papalina a ha‘uha‘u iho la me he mea la he uwe iho ana.

            "O, me ka mahalo nui ia oe," i pane aku ai o Alekona, me ka pii ana ae hoi o ka ula ma kona mau papalina, a hoomau aku la i kana kamailio ana : "He liilii loa o ka hapa mua o kou makemake ka i hookoia aku, aka nae, ua paa kuu manao e hooikaika ma na ano apau e hiki ana ia‘u no ka hooholomua ana aku i ka hana."

            "Ua maopopo ia oe, e Mr. Alekona, o na kanaka naau palupalu apau aole e lilo ana ka naau o na lede opio ia lakou," i pane mai ai ka elemakule ma ke ano paani, "o ka‘u e manaolana nei e lohe ae ana au mai kekahi mea ae mai nei ae ua lilo ka naau o Miss Simoa ia oe mamua o ka hala hope ana o kekahi mau mahina lehulehu."

            Nana aku la ke kanaka opio na maka wiwo a paweo me he mea la e ninau aku ana o ko ka elemakule manaoio maoli no paha ia, a pane aku la:

            "O kou manaoio maoli no nae ia?"

            "Ae; o ko‘u manaoio keia e lilo o Miss Simoa ia oe," me ke kunou ana aku o kona poo.

            "Kulou aku la o Alekona imua a kokoke loa, a me ka leo liilii loa i aku la:

            "Malia paha he kane okoa no ka Miss Simoa i makemake ai, a in a pela, alaila ua hooholo mua hoi ha oia i kona manao a ua hanaia kekahi aelike mawaena on a ame kana kane i makemake ai i nei manawa."

            "Aole o'u manao elike me ia au i hoike mai la. Eia ko'u manao, e Alekona, me ke kulou ana mai o ka elemakule a kokoke loa, a kamailio mai la me ka leo liilii loa: "Ina e lilo ana kela kaikamahine ia oe i wahine mare nau, a mareia hoi olua mamua o kuu hoi ana mai, e hookaawale ana au i umi kaukani dala ma kou inoa ma ke ano o ka'u makana ia no kou mare ana."

            Ua hoopihaia aku ke kanaka opio me ke kahaha a oi aku mamua o ka mea hiki iaia ke uumi iho no nei manao o kona haku hana. a e hoike mai ana hoi ma kona mau maka ka meahuna iloko o kona naau, a hala kekahi minuke i mai la:

            "E Mr. Halebakona, ma ka'u noonoo pokole ana iho la, me he mea la i ka nana aku he mano ano nui a he kumu ko'iko'i loa paha kekahi iloko ou no kou makemake ana mai ia'u e mare aku me Miss Simoa."

            "Aohe no he kumu okoa aku o keia wale no, mamuli no ia o ko'u ike ana ua pipili loa kou naau ia Miss Simoa, a oiai au e makemake mau ana e ike aku i ka poe opio e hauoli ana, pela au i manao iho la he hana maikai ma ko'u aoao ke kokua ana aku ia oe i mea e ola a e hauoli like ai olua ma nei mua aku," i pane aku ai o Mr. Halebakona me ka akaaka.

            "Eia hou, mamuli o kela ulia i loaa ai i kela lede opio i ka la aku la i nehinei, a i hoike aku ai hoi oe i kou menemene nona ma o ka holo ana aku e kokua iaia, a ua lohe pono iho no hoi au i kau mau olelo o ka pane ana iho e hoike mai ana ia'u he ipo oia nau. pela au i manao iho nei he hana maikai loa. i mea e hookaawaleia ae ai kekahi mea hoopoluluhi i ko'u lunaikehala, ka ike ana aku ua hoohuiia ae olua ma ka mare. Pehea la ia i kou manao?

            Aohe pane koke aku o ke kanaka opio, ke kulou ala kona peo ilalo, a no kekahi mau minuke lehulehu kona noonoo kaholo ana, oiai na manao like ole e hana ana iloka ona.

            I ka hala ana o ia manawa, aea ae la kona poo iluna a nana pono mai la i kona hakuhana a pane mai la:

            "Ke manzo nei au ua maopopo aku la ia'i kou manao, nolaila ke hoohiki aku nei au imua ou e hoao ana au ma na ano apau e lilo io mai oia na'u, oiai o Rohaka e kaawale aku ana. E hooikaika ana au ma na ano apau e loaa ia'u kekahi manawa maikai loa e halawai aku ai me ia a nonoi aku i kona oluolu, a no ka mea, ke ike nei au alua a'u mau hana ko'iko'i e hana aku ai, oia hoi ka hooikaika ana e loaa ia'u ke kuonoono ame ka holomua o ka hana, a o ka lua, oia ka hoao ana me ka ikaika e lilo mai ka naau o kela lede opio ia'u.

            "Ina pela ua pono; ke hauoli aku la au i kena mau olelo au: a eia hou, ke hoohiki aku nei au imua ou a imua o na lani, e lohe mai ana i ka'u mau olelo, ma kou la e mare aku ai ia Miss Simoa, e loaa aku ana ia oe ka huina dala a'u i hoike mua aku nei ia oe, a e hoomanao oe i keia," wahi a Mr. Halebakona o ka pane ana mai e hoike ana i ka paa o kona manao.

            O kou hopu hou mai la no ia i ka lima o ke kanaka opio a lulu iho la no ka haawi ana i ke aloha hope a huli koke aku la hele.

            Eia nae in a ia hele ana aku a ke kanaka waiwai mai kahi aku o kana hana ma kela la, aole ia me ka manao hauoli, aka me na manao kaumaha, he haawina i ike ole ia eia mamua. no ka mea, ua lilo kela manao haakei on a i mea alakai aku iaia e hana i kekahi haua hewa, aole ma kona ae wale ana no iaia iho e komo i loko o ka hoowalewaleia, aka ma kona kau pu ana kekahi i kekahi mea hoowalewale ino i mea e poino ai kona hoakanaka.

            Ua ike no oia nona iho i ka lilo aku o kona mau ano maikai apau, a pela hoi kona mahaloia mai e Habati Alekona, a no ka mea, ua hoomaopopo oia i ko ke kanaka opio ike maopopo ana mai i kona manao ame kaua hana i mea nona e hihia ai, a ua ike no hoi me ka maopopo i ke kumu o kona makemake ana mai iaia e mare aku me Miss Simoa.

            O keia ka manawa mua loa iloko o kona ola ana i kipe ai oia i kekahi kanaka, a malia paha e hoowalewale aku ana iaia a hana aku i kekahi karaima i mea e lilo mai ai na liuma maemae o ke kaikamahine nona ka helehelena nohea, a malia, hoopoino pu aku paha i kona ola.

            a ulupuni maoli kona noonoo, a ua inoino maoli no hoi e aneane ai oia e pupule mamua o ka hoea ana aku o ua keonimana elemakule la i kona home, kahi a robaka e noho mai ana me ka hooliuoi ole no kekahi hana lapuwale a kona haku hanai e ku e aku ana iaia, a e kali mai ana nona o ka hoi aku.

            Me ka hiki pono ole o Halebakona i hoonalonalo iho ai i ka lea e hawanawana mau ae ana i loko on a, ka ninau hoi a Kaiua i ninau aku ai i ke Akua, "Owau anei ke kahu'o kuu kaikaina?"

            Ua hala he mau pule lehulehu mamua o ka hiki ana i ua o Mr. Halebakona ke hoopoina i keia hana ino ana, a mai kona punihei ana hoi i ka hoowalewale i hihia ai oia ma ka umiumi a i haawipio aku ia oia iaia iho, a i ole haawipio iaia iho i na lealea ana o ka noonoo wale ana no na manawa loihi.

            Ma ke awakea o kekahi la ae i holo aku ai ka mokuahi nana i lawe aku ia Robaka ma i Europa, a oiai oia e ku ana ma ka hope o ka moku e haalele iho ana i ke awa a holo aku no ka moana, ua piha kona mau maka i na waimaka, oiai oia e huli mai ana ihope nana i ka waiho aku o ke kulanakauhale kahi e noho aku ana ka mea nui hookahi wale no iloko o kona mau la o ke ola ana me Helena Simoa.

            I kela manawa aia no hoi o Helena Simoa maloko o kona rumi ma ka hale kahi i noke pu ai i ka uwe, me ka noonoo mau iloko on a pehea ana la e hiki ai iaia ke hoomanawanui hou iho iloko o na la o ke ola ana no ka makahiki holookoa me ka ike ole i ka helehelena o kana aloha.

            Ekolu hora mamua aku ko laua ike hope loa ana kekahi i kekahi, ua holo ma lu ae o Robaka i ka bale o Helena ma no ko laua ike hope ana mamua o ko laua kaawale ana, a no ka lawe ae no hoi kekahi o Robaka e haawi, ia Helena i kekahi o kona mau kii i mea hoomanao na Helena iaia oiai laua e kaawale ana.

            Ma kela manawa o ko laua ike hope ana me ka helehelena hoihoi wale no o Helena o ka hoike ana mai i kana aloha, oiai nae aia maloko o kona naau ka ehaeha no ia hookaawaleia o laua no kekahi manawa loihi, o ke kumu no ana o ka noonoo ana iho, i ole e hoehaeha loa ia ko Robaka noonoo, eia nae, mahope iho ua hiki ole i ua o Helena ke hoomanawanui i ke aloha a ke uumi iho hoi i na waimaka, a i ole ai e ikeia mai kona kumakena ana ua hoi aku la oia a loko o kona rumi moe. papani mai la i ka puka a paa, a hoohanini aku la i Mana i ka wai opua. O ia ke eha a ke aloha, he ehe lima ole.

            Mai hoi koke aku paha ua o Helena iloko o kona rumi e uwe ai, o ka hoea koke ana aku o kekahi mau hoaloha on a, a no elua hora paha ko lakou nanea, ana, mahope koke iho no keia o ko Robaka hala ana aku, nolaila aohe manawa no Helena e hoi koke aku ai noloko o kona rumi e uew ai. a i ka hoi ana aku nae o na hoaloha on a, a i kana nana ana aku i ka uwaki he hapaha hora i hala ae o ka umi-kumama-lua ia manawa. ike iho la oia ua haalele mai ka mokuahi e lawe aku ana i kana aloha, i ka uwapo, ia manawa ua hiki ole iaia ke uumi hou iho i kona aloha, holokiki aku la oia a loko o kona rumi, papani mai la i ka puka a paa, i ole e komo aku kekahi poe e hoohaunaele i kona manawa kumakena, hina aku la iluna o ka moe a hookahe aku la i ka ukana a ke aloha he waimaka.

            He hora okoa i hala iaia ma ka uwe ana, ka noonoo ana no hoi no ko laua kaawale ana, eia nae i ka hala ana o ia manawa, hoopau ae la oia i kona mau kaumaha apau a hoolana loa ae la i kona manao, a no ka mea, e hoi hou mai ana no o Robaka a kii mai iaia i mea aloha nana, oiai ua paa ka laua olelo hooholo no ko laua mare me ka nana ole ae i ka hoole mai a ko laua mau makua, nolaila ma ia ahiahi he helehelena hauoli loa ko Helena, lamalama kona mau maka, a ua haohao no hoi kona makuahine no ka oi aku o kona u'i ia manawa mamua o kekahi manawa mamua aku oiai oia e noho ana ma kahi o kana mea kahakii, no ka hoopau pono ana i kekahi kii ana i makemake loa ai e pau mamua o ko laua holo ana aku no ko laua home ma ke kuahiwi Adrionadaka, no ko laua hoomaha o ke kau wela.

            Oiai oia e hoopau pono ana i ke pena ana i ke kii a no ka lilo loa o kekahi hapa o kona noonoo i Manua, ua hala he manawa loihi loa iaia ma ka hana ana, no ka mea. e pena ana i kekahi manawa, a e noho hoola'i ana kuko i kekahi manawa no ko laua noho ana o ia mua aku, ke hoi mai o Robaka mai kana huakai makaikai mai i na aina e, a no ka mea, ia manawa e pau ai kona noho ana ma ke kula, a e hoohauoliia ana laua maloko o ko laua wahi home hou ke mare ae laua ma ia mua aku.