Ka Nupepa Kuokoa, Volume LIX, Number 5, 4 February 1921 — E HOOPAKELEIA NA KIAKAA E PONO AI [ARTICLE]

E HOOPAKELEIA NA KIAKAA E PONO AI

Ua lioea mai i ka hookaakaaia ana o na maka o na luna oihana o ke Kulanakauhale a Kalana o Honolulu nei, pela hoi na luna oihana federala ame na aliikoa kiekie o ka oihana koa ame ka oihana kaua moana ma Oahu nei, no ka laweia ae o kekahi mau alahele e hoopakeleia ai na kiakaa o na otomobile hoolimalima, mai ko lakou lilo ana i luahi na ka poe hana karaima, ma keia mua aku. O na koa o ke kau ana maluna o ke kaa otomohile e hookeleia ana e Ge'orge Markham, ma k» wanaao o ka Poaha o ka pule aku nei i hala, ua paa ae laua i ka hopuia malalo o na kumu hoohuoi, mamuli wale no keia o ka ulia laki, aka i wahi e pakele ka poe kolohe ma keia mua aku, ke kakoo ikaika loa nei keia pepa, i na hoakaka a ka Loio Kalana lieen, no kona waiho ae he hoololi kanawai inuia o ka papa lunakiai, no ke apono ana mai e pili ana i ka mana o na kiakaa e apono aku ai, a e hoole aku ai i kekahi ohua e makemake ana e kau maluna o ko lakou mau kaa otomobile. O ka manao o ka Loio Kalana Heen, ma kana hoololi kanawai i manao ai, o ia no ka loaa ana o ka mana i na kiakaaa o na otomobile hoolimalima, e koi aku ai i na koa i makemake e kau maluna o ko lakou mau kaa, e waiho mai i ko lakou mau pepa hoike ano, e hoakaka ana i ko lakou mau inoā, ko lakou puali, ame ko lakou mau kulana, a e hoopaaia aku ia mau hoakakn maloko o ka buke hoomanao o kaiii hoolulu o na kaa e hoolimalimaia ana; ma ia ano, ina e kau aku ana kekahi poino maluna o na kiakaa, he hana maalahi loa na ka oihana makai, ka hookolo ana aku ahiki i ka loaa pono ana o v na koa hana karaiina. Ua maikai 110 kela hoololi kanawai i pili i ka mana o na kiakaa i manaoia, aka nae, oiai aole o na koa wale no ka poe hiki ke hana i na karaima maluna o na kiakaa, he kapakahi loa, aka hookaokoaia o na koa, inai na makaainana mai; he mea pono, e kaa pu aku na mea apau, malalo o na manao o kekahi kanawai o kela ano, he mea no ia e palekana ai na kiakaa otomobile. He mea inaikai ole paha keia i ka nana aku, ma ka aoao o na koa ame na makaainana, ko lakou konoia mai e waiho aku i kekahi mau hoakāka ma ko lakou aoao, uo lakou iho, aka nae, o ke alahele wale no ia ,e hiki ai ke kinaiia na hana karaima, nana i hookau aku i ka maka'u ame ka weliweli maluna o na kiakaa, a i hookomo mai hoi i na manao hoonaukiuki iloko o kakou, no ka poe hana karaima. Eia hou no ua alahele a makou e manao nei, he hana maikai no ia, ke ikeia nae na mea maluna ae nei i ke kupono ole, o ia no ka holo mua ana ae o na kiakaa no lakou na kaa i hoolimalimaia e na koa, imua o na makai, no ka nana ana mai i na koa e kau ana maluna o ko lakou mau kaa; ma kela ano, ina e loaa ana he poino i na kiakaa, he liana maalahi loa na ka oihana makai, ka hookolo ana aku ahiki i ka loaa pono ana o ka poe kolohe. He hana ku nae keia i ka hoohaahaa i kekahi poe koa hoopono, aole nae keia pepa i manao, e hoala mai ana lakou i na ku-e ana no ko lakou ku ana aku imua o na kanaka o ke aupuni, mamua o ka holo ana aku no ka lakou mau wahi i makemake ai, aka o na koa kolohe wale no, kela poe i hoolala mua e hana aku i ke karaima, o lakou ka poe e komo aku ana ka maka'u, ame ka weli, no ka liiki ole e hookoia ko lakou mau manao lapuwale o ke ano puuwai eleele. Ma na ano nae apau, o ka iini nui iloko o makou, a pela no paha iloko o na makaainana apau o keia kulanakauhale, o ia no ka loaa he kanawai e loaa i'o ai o ka palekana i na kiakaa otomobile hoolimalima, a iloko no hoi o ia manawa hookahi, e kaa ole aku ka lehulehu, malalo o kekahi mau hana e hoohaikiia aku ai ko lakou pono.