Ka Nupepa Kuokoa, Volume LIX, Number 5, 4 February 1921 — E KOKUA E NA HAWAII IA OUKOU IHO [ARTICLE]

E KOKUA E NA HAWAII IA OUKOU IHO

Ile mea e hauoli ai ka manao, ka ike ana aku i kekahi mau Hawaii, e hoala ae ana he halekuai o na meaai, maloko nei o keia kulanakauhale, he hookahi ma ka makeke hou ma Aala. a eia hoi kekahi ma ka Makeke o ke Kulanakauhale; o ka ke Kuokoa e hoeueu aku nei ia oukou na Hawaii, e haawi i na kokua ana, no ka holomua o keia hana, mamua o ke kokua a.na aku i na halekimi o keia ano hookahi, e lawelaweia mai nei e na Pake rae j na Kepani. I-lookahi kumu holomua o na halekuai ineaai o na Kepani, na Pake ame na Haole, o ia no ke kokua o na lahui o ka poe no lakou kela mau halekuai meaai, ma ke kuai mau ana malaila, a hui aku hoi me na kokua a na Hawaii, ua nee mau no kela mau halekuai iinua, ma na anuu holomua loa. O ka olelo kaulana a kahiko: "E ike ia kauā hoa-kanaka, o kipa hewa auanei ,ke aloha i ka ilio," he olelo keia e koi mai ana i kela ame keia Hawaii, e kipa ae ma na halekuai ineaai o ko lakou hoa-kanaka; ua like no na meakuai malaila, pela me ke kumukuai, me ko na halekuai meaai e ae. E kokua aku kak'ou, ma ka onou ana aku i keia mau liawaii o kakou iluna, e hoopau i kela ano pipili mau ia kakou o ka wa ae nei i hala, 01 ia ka elieli ana aku malalo, ahiki i ka haule ana mai o ko kakou mau Hawaii, i hapai ae i kekahi mau hana ano nui, elike me keia kukulu halekuai meaai. Ua hoouna okoa aku la kekahī poe kuonoono o Honoluni nei i ka lakou mau ku-e ana no ka hooholoia mai oka bila hoopulapula ina Hawaii. Eia hoi ihea na kakoo no kela bila e noho hamau loa mai nei ? Aohe hewa o ke ku like ae o na aoao a elua, o ia hoi ka poe ma ka aoao ku-e ame ka poe ma ka aoao kakoo, imua o ke akea, inalia pela iho la e oili mai ai kekahi mea maikai loa ,e loaa ole I ai he mau hoohalahala ana ma keia mua aku!