Ka Nupepa Kuokoa, Volume LIX, Number 11, 18 March 1921 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

            "E holo kuke aku kekahi mea e kii i kauka, ua maule ia o Mrs. Dale." i kamailio ae ai ka Haku Baumona, me ka nana ana iho ma ka helehelena o Leola, me ka piha i ke pihoi @@@.

 

MOKUNA XXXII.

            Ma@@@ nae o ka hoea ana mai o ke kauka, ua auhee loa aku na hoailona o ka pilikia mai ia Leola aku, eia nae aia @@ kekahi ano maluna o ka helehelena o ua kaikamahine nei, nana i hookomo aku i na manao pihoihoi iloko o ka @@@@ opio, no kekahi pilikia ano nui loa i loaa ia Leola.

            Ma ka manawa nae i hoi pono mai ai ka noonoo maikai loko o Leola, kaakaa aw la kona mau maka. a nana mau ka a Mrs. Wekela ame ka Haku Baumona, me ke ano ka@aha. a pane ae la:

            "Eia au ihea i keia wa?." wahi ana me ka hoomanao koke ana ae paha, no ke kumu o ka pilikia i loaa iaia. i know hoomaopopo ana mai i ka Haku Baumona i ke ku ana ae iluna.

"Pehea. ua loaa anei ia or ka oluolu maikai i keia manawa?" i ninau mai ai ka Haku Baumona, me ka mau no o kela ano pihoihoi iloko on a, no ka mea o kela ka manawa mua loa ana i ike ai i ka maule o kekahi mea.

            "Ae. ua maikai loa au i keia manawa." i pane mai ai no hoi o Leloa. me ka hoao ana mai e minoaka.

            "Ua kaumaha maoli au no ka loaa ana o keia haawina ia oe. a owai hoi ia mea nele ole i ka loaa o kekahi pilikia o keia ano, i ka lilo maoli no o na mea a kakou i lohe ai i mea hookaumaha mau u ka manao," i kamailio hou mai ai ka Haku Baumona me ka leo, e hoike okoa mai ana i kone ano kaumaha.

            "A'ole no he maikai o ko Leloa ola kino e kuu haku," i komo mai ai o Mrs. Wekela, ma ke kamailio ana, i wahi w komo ole aku ai na manao hoohuoī iloko o ka haku opio, no ke kumu oiaio loa o ka maule ana o kela kaikamahine opio. "Mai kela manawa mai i aha'iia ai oia e ka lio i hoomaka mai ai ke ano maikai ole o kona mau ano, me he mea la. aia mau ka maka'u iloko on a, no kela anehenehe loa ana @na e poino."

            Oni ino ae la o Leola i ka lohe ana mai i kela mau hoakaka a Mrs. Wekela, no ka mea aole no oia i hoopoina i kela aha;iia ana on a e ka lio, ame na mea a Kikila i hana aku ai nona.

            "Me he mea la, aole i auhee aku kela ano pihoihoi iloko o Miss Leola, no ka mea o na pilikia o kela ano e loaa aha i na wahine opio, aole ia he mea liilii a ua hookahahaia mai no ko'i manao, i ka hiki ana iaia nei ke hoauhee koke aku i kona mau ano maikai ole apau, ka hana hoi i hiki ole i na wahine opio i like aku ko lakou mau makahiki me kona. O ka mea oiaio a'u e olelo ae ai e kuu haku, aole he ikaika maikai o ko Miss Leola ola kino."

            "He o ia no ka ikaika o ko'u kino elike me ko olua." i paue mai ai o Leola i ka Haku Baumona. "Aole keia o ka manawa. eia nae ua maikai loa au i keia manawa he mea maikai paha no''u ka hoi ana noloko o ko'u rumi e hooluolu ai no kekahi manawa."

            "He hike no anei ia oe ke hele hookahi? E Kokua aku au ia oe ahiki iloko o kou rumi?" wahī a ka Haku Baumona me kona anehe aua aku e hope malalo ae o kekahi lima o Leola aka nae luliluli mai la ke poo o ua kaikamahine nei me ka pane ana mai:

            "Ua hike no ia'u ke hoi hookahi noloko o ko'u rumi, a ke haawi aku nei au i ko'y mahalo no kou makaukau mau e haawi mai i na kokua ana no ko'u pono. O ko'u ike ana iho la no paha keia ia oe, a i huli hoi aku oe no kou home ea, mai kamailio wale aku hoi oe, i kau mau mea i ike iho nei a mai poina i ka haawi ana aku i ko'u aloha i ka Lede Hao ame Cicile."

            Kunou aku la ka Haku Baumona no kela mau olelo a Leola iaia alaila kokua aku la ia Leola ma ka hele like ana aku ahiki i kahi o ke alapoo e moe ana no ka hale maluna hookuu aku la oia i ua kaikamahine nei. mahalo o na alakai  ana a Mele ke kaikamahine lawelawe ame Mrs. Wekela.

            I ka hoea ana aku o Leola maloko o kona rumi ua haalele aku la o Mrs. Wekela ame Mele iaia a i hakalia no a paa ka puka i ke paniia hele pololei aku la oia imua o ke aniani kilohi no ka nana ana i kona helehelena a me ka hoohewahewa ole i ike aku ai oia i kona hele maoli a kunahihi ana no e ike maoli ijo la, i ka piha o kona helehelena me na noonoo kaumaha iloko ona.

            "O he kou aku a ka mea hilahila ka maule ana malalo o na hana apuhi a kekahi kanaka!" i hooho ae ai oia, me ka palulu ana ae i kona mau lima ma kona mau maka. "Ua ahona ko'u make ana aku mamua o ka hua'iia ana ae o ka meahuna e pili ana i ko'u maule ana. Heaha ana la ka mea a na kanaka o ke ao neu e kamailio mai ai no'u? Eia no ka lakou mea o kamailio mai ai. owau o ka haku wahine o ke Kakela Lo@@e nei ua haulehia aku au i ke aloha no kekahi kanaka kauwa e nohohana ana malalo o'u. a na holo mahuka aku hoi ua kanaka neu. me ke kaikamahine a kekahi o na kanaka e hana ana malalo ona."

            Ma kela wahi o kana mau olelo, holoi ae la oia i kona mau waimaka ala mai la hoi ka huhu ame ka hoonaukiuki iloko on a. O kela pule ana o ka po mamua aku. e uwalo ana i na mana lani, e hoihoi mai ia Kikila kana aloha imua ona. ua hoopina loa oia ia mea he hookah@ wale no mea e kau mai la imua o kona alo he kanaka ino a hoopunipuni loa o Kikila Kinikele iaia.

            I ka po mamua aku ua joalaia mai ke aloha iloko o Leola no Kikila ahiki i ka lalapa okoa ana o kona kina opiopio me ke ola hou aka ma keia la ua nohoalii iho ka uahoa ke ano mau o na wahine maluna on a. me jona makaukau loa e haalele aku i ke Kakela Lome. kona inoa ame kona kulana ina e hiki ana ke holoiia ae ka moolelo o kela aloha ona, mau kona noonoo aku, a e hunakele ia aku hoi ia me ka ike ole ia mai e na kanaka.

            "Me he mea la iloko o keia manawa a'u e noho nei iloko o ke kaumaha ame ka hilahila. aia oia ma ka aoao o kela kaikamahine kahi i noho ai. a e noke aku ana i ke kamailio no ka'u mau hana ame ko'u ano o ka po nei; auwe no hoi ka mea ku i ka hilahila e! Ke noonoo ae i kela hiona o ka po nei. oiai au e moe aku ana imua o kona umauma. a e hua;i pau aku ana i ka nui o kuu aloha iaia he kou a ka mea ehaeha maoli eia ka he aloha wale no ko kela kanaka ma kona mau lehelehe. aole mailoko mai o kona puuwai! Ea heaha la ka'i mea e hana aku ai"

            @ kela manawa nae i kikeke aku ai o Mrs. Wekela mawaho o ka puka o ka rumi o ua o Leola, a i ka wa a Leola i kahea mai ai iaia e komo aku iloko, wehe aku la o Mrs/ Wekela i ka puka, o ka mea mua loa i halawai mai me ka ike a kona mau maka, o ia no ka helehelena kunahihi o Leola me ka haawi ana mai hoi i ka miniaka hoomala'e iaia nei.

            Ua kuhihewa loa o Mrs. Wekela ma kela hoea ana aku ana, e loaa ana la o Leola iaia, e hiamoe ana maluna o ke ko'ki. eia ka aole, nolaila ua hopiha loa ia mai oia me ke kahaha aka nae pane aku la me keia mau olelo: "Pehea oe e juu aloha?" me ka hele ana mai a paa aku la ma ka poohiwi o LEola. "Ua hoea mai nei o Kauka Koa, aia oia ma ka hale malalo kahi i noho ai e hele aku anei au e olelo iaia e pii mai iluna nei?"

            "Aole ua pau loa ko'u pilikia." wahi a Leola me ja noke ana ae i ka akaaka. "Mai hookaumaha i kou noonoo e Mrs. Wekela oaiai ua hoi pono mau ko'u noonoo maikai loa i keia manawa."

            "E ae mai oe e kuu aloha, e hele mai o Kauka Koa e nana ia oe, no ka mea ma kouano, ame kau kamailio ana, ua hiki loa ia'u ke ike aku, ua loli loa ae oe mai kou mau ano a kaua e noho pu nei."

            "Pela i'o anei ko'u ano au e hoomaopopo mai la? Ke kaumaha loa nei au, ina ua hoopilikia aku kou noonoo ma kekahi ano no'u. aka owau no ke iho aku e hui pu me ke kauka, eia ihea ka Haku Baumona, ua hoi aku anei oua?"

            Mamua o ka pane ana aku o Mrs. Wekel, haawi mai la oia i ka hoailona ia Mele e komo aku iloko a komo mai la no hoi o Mele, me ka hele pololei ana aku no kahi a kona haku wahine e noho mai ana a hoomaka aku la e kahi i kona lauoho a o ia ka Mrs/ Wekela o ka paue ana ae:

            "Ae ua huli hoi aku ka Haku Baumona no kona wahi nau no hoi i kauoha aku iaia e hoi. aka no Pilipo Daika, aia oia maloko o ka rumi hookipa kahi i noho ai, no ke kakali ana e lohe i ka manao o ke kauka no ke ano o kou pilikia."

            I ka pono ana o ka lauoho o Leola, o kona ku ae la no ia iluna, a iho mai la no ka hale malalo, me ka lalau ole aku i ka lima o Mrs. Wekela i haawi mai ai iaia, no ke kokoua ana aku i kona hele ana.

            Aia i'o o Kauka Koa, ke kakali mai la ma ka hale malalo, he kauka keia i hele a keokeo ka lauoho. e hoike mai ana kela ano i ka nui o kona mau makahiki o ke ola ana. a o ke kauka kaulana hookahi no hoi ia o kela wahi, i hele a kamaaina i na ano pilikia like ole o na kanaka. mai na pilikia mawaho o ko lakou mau kino. ahiki loa aku i na pilikia o ko lakou noonoo.

            I ka hoea ana aku o Leola no ka hale malalo, haawi aku la oia i kona lima no ke aloha ana me ke kauka, a pane aku la:

            "Ua hilahila loa ia au, no kou kiiia ana aku nei e hele mai, no ka mea aole o'u pilikia, elike no me kau e ike mai la ia'u e ku aku la imua o kou alo," me ka minoaka pu ana aku imua o ke kauka.

            "He okoa loa ka'u mea e ike aku la ia oe, aole he maikai iki o kou ola kino," wahi a ke kauka me ka luliluli ana aw o kona poo.

            "O keia maoli no ka mea oiaio loa. aole he wahi pilikia iki i loaa ia'u." a noke hou ae la o Leola i ka akaaka me ka oni ana o kona kino i o a ianei, e hoikeike aku ana he ikaika maikai kona kino, elike no me kona ano mau.

            "Aole e hiki ia oe e ka lede opio ke hoopunipuni mai ia'u. no ka mea ma'i no na makahiki he kanakolu ae neu u hala, ko'u lawelawe ana i ka oihana kauka a ua hiki loa ia'u ke ike i ka mea ma'i, ame ka mea ma'i ole, ma ka nana wale ana aku no ma ko lakou mau maka."

            "E ae mai anei oe e hoike aku au i kekahi moolelo, a e olelo pu aku ia oe ua ma'i au," me ka minoaka hou ana aku o ua o LEola i ke kauka.

            "Aole o'u manawa e hoolohe aku ai i kau moolelo e kuu lede maikai, o ka'u wale no nae e a'o aku nei ia oe. e akahele loa oe o hoea mai auanei i ka wa au ike iho ai, aole i makehewa ka'u mau mea e a'o aku nei ia oe," alaila huli ae la ua kauka nei ia Mrs. Wekela a kamailio aku la me ka leo liilii e lohe ole mai ai o Leola.

            "Ua loaa ke lede opio i ka fiva, pela ka'u ike. Ihea oia kahi i hele ai a heaha kana mau mea i hana ai? He elua kumu nui o kona pilikia, o ka mua ua loaa oia i ke anu, a o ka lua. aua kekahi mea ano nui loa iloko o kona noonoo." alaila huli hoi aku la oia imua o Leola, a kamailio mai la me ka leo nui:

            "Eia hou ka'u kauoha ia oe, mai hele i na aha hulahula. i na anaina hoohauoli paha, e noho hoomalu loa oe no ka pula hookahi. Ke olelo mai nei oe he maikai no kou kino ma na ano apau, aole no au e hoole aku ana i ka oiaio o ia mea aka nae mai haalele oe i ka inu ana i ka waina Madera o kekahi mae maikai loa ia." alaila hele aku la ua kauka nai no kahi o ka puka aniani, me ka haawi ana mai i ka hoailona ia MRs. Wekela e hele aku malaila. a o ia ka ua kauka nei o ke kamailio ana mai ia Mrs. Wekela:

            "Aole no he pilikia o ka lede opio i keia manawa aka nae ma ke akahele wale no e pono ai; no ka mea ua like pu ka pana o kona puuwai i keia manawa me ka holo ana a kekahi mau lio heihei, oiai nae ma ka kaua nana aku iaia mawaho aole he pilikia iki i loaa iaia. E hoea hou mai ana no au i ka la apopo no ka nana ana iaia."

            Oiai aole he hana hou a Kauka Koa e noho iho ai. haawi mai la oia i kona aloha i na lede o ke kakela, o kona oili aku la no ia iwaho a iaia hoi i hala aku ai i hele ae ai o Mrs. Wekela no kahi o kona pakaukau kakau a hoomaka iho la e kakau maluna o kekahi apana pepa a i ka ike ana mai nae o Leola i kona kakau hele mai la ua kaikamahine nei a ninau mai la"

            "Iawai oe e kakau nei e Mrs. Wekela?"

            "E kakau  ae ana au i leka ia Mr.Edikona no ka hoike ana aku iaia ame kana wahine maikai aole kaua e hoea aku ana no ka aha hulahula ma keia po."

            "O mau kakau aku oe pela e Mrs. Wekela," wahi a Leola me ke kalele ana iho ma kekahi poohiwi o kona hoaloha. "Aole o'u pilikia iki a ua paa loaa kuu manao e hoea aku n@ kela aha hulahula i keia po."

            "Anuhea oe e kuu aloha, aole he maikai o kou ola kino. e hiki ai ia kaua ke hele no kela aha hulahula a o kekahi no hoi ua papa loa mai nei ke kauka ia or. aole e hele ma na anaina o kela ano, no ka manawa o hookahi pule."

            "He lalau loa ka ike a kela kauka. aole au e hoolohe aku ana i kana mea i a'o mai nei a i hoike aku au ia oe e Mrs. Wekela ea. aole loa he mea nana e kaohi mau ia'u, mai ka hoea ana aku no kela aha hulahula i keia po. Ma ko'u manaoio maoli. aole he laau kupono e ae no ka hoihoi hou ana mau u ke kulana maikai o kuu ki@o elike me ka hulahula a o na laau apau loa a kela kauka, he mau mea hoopailua loa ia ia'u."

            "Heaha kau e hoole nei i ka ike o Kauka Koa. he luahine aohe ona ike." alaila hooiho malie iho la kekahi lima o ua o Leola mamua o ke alo o Mrs. Wekela ahiki i ka loaa ana o ka apana pepa i kakauia iho e Mrs. Wekela, o kona lawe mai la no ia. me ka lomilomi ana iho iloko o kona mau lime a kiola aku la iluna o ka papahele.

            Aohe mea hiki ia Mrs. Wekela ke hana aku maluna o Leola, oiai o kela kaikamahine ka haku o keia kakela a oia no ke kuleana ma kana mau mea apau e mauao ai e hana aku nolaila ua hoopau wale ae la no o Mrs. Wekela i kona manao a oiai aole a laua mea hou aku e kamailio ai. haupu ae la laua no Pilipo Daika e noho mai la kakali maloko o ka rumi aina, a o ia @a Mrs. Wekela o ka pane ana mai:

            "E hele ae au a hoike aku ia Pilipo Daika, ua maikai loa oe, i ole hoi e kakali loihi loa mai oia o ka lohe i na mea e pili ana i kou pilikia."

            "E hele aku no hoi oe, e olelo iaia e hele mai maloko nei o keia rumi. i hiki ai iaia ke nana mai nona iho, mamua hoi o kona hoi aku me ka maopopo ole o ko'u ano maoli iaia," wahi a Leola, oiai nae i na @ora mamua aku. he kanaka hoowahawaha loa o Pilipo Daika nana, i keia wa nae. me he mea la o kela kekahi o na kanaka ano nui loa iloko o kona noonoo.

            He hookahi kumu nui  o kela loli ano e ana o ko Leola noonoo, mai ka howahawaha mai a i ka mahalo no Pilipo Daika, o ia no kona manaoio loa ana, he kanaka lapuwale ino loa o Kikila akahi oia a ike i ka pololei  o ka Pilipo mau olelo i kamaili omua aku ai e hoinoino ana no Kikila Kinikele, na olelo nae ana i hoolohe ole aku ai mamua mamuli o kona hilinai me ka paulele piha  maluna o Kikila.

            Ma kela hoea ana mai o Pilipo Daika noloko o ka rumi e noho ana o Leola aia ma ka helehelena o ua kanaka kolohe nei, ke kumaha. aka i ka ike ana mai nae o Leola iaia haawi aku la ua kaikamahine nei i kona minoaka. ka mea ana i hana ole mai ai pela mamua ma na manawa a pilipo e hoea aku ai imua ona.

            Aia ua o Pilipo Daika ke ku la ma ka aoao o Leola me ke hiehie o ke kulana keoni mana oiaio e hoike mai ana hoi, ua piha kona puuwai me ka oluolu ame ka waipa-he elike me kekahi iliohae i kahikoia me ka huluhipa a o ia kana o ka pane ana mai

            "He oiaio anei ua hooholo oe i kou manao e hoea ae ma ka aha hulahula nui e malamaia aua ma keia po?" wahi ana me ka leo o ke kanaka i hele a kuaki loa, no ka loaa aku o ka pane no kekahi mea ano nui ana i makaemake ai; a o ka mea oiaio loa ina no ka hele ole o Leola ma kela aha hulahula, alaila o ka hoea ana mai ia i ka nahaha liilii ana o kekahi papahana ana i hoolala ai no ka hookoia o ka iini a kona puuwai.

            "Ae, ua paa loa kuu manao e hele i ka hulahula i keia po."

            "Ke hauoli loa nei au no kena pane au e Miss Dale; o ka'u a'o wale no ia oe, e loaa he manawa nui kapono nou e hooluolu loa ia aku ana na mea maikai ole apau mai ia oe aku. Ua manao no hoi au ina nei no ka hiki ole ia oe ke hoea ae ma kela aha hulahula, alaila owau no ka mea nana e hele mai e hoike aku ia oe. i na mea hanaia, a he nani hoi ia e hoea kino ae ana no oe nolaila ua hoomama loa mai oe i kuu noonoo."

            "Ae aole au kanalua ana no ko'u hoea aku, o ka hulahula kekahi mea nana e hoauhee aku i ko'u mau ano maikai ole apau."

            "E loaa ana anei ia'u ka hanohano o ka hulahula pu ana me oe no ka hulahula mua loa?" me ka hoi ana iho o ka leo o Pilipo Daika a i ka nanahe malie.

            O ka Leola pane no kela ninau, o ia no ke kunou ana aku o kona poo, he pane hoi nana i hoohauoli loa aku i ko Pilipo manao o ka hopu mai la no ia o ua kanaka nei i ka lima o Leola, a hoopili ae la i kona mau lehelehe me ke kunou ana mai ma ke ano e hookuu aku iaia e hoi o ke kaha aku la no ia o ua o Pilipo hele no kahi o ka puka me ka hele hoi o kona helehelena a lamalama i kau a mea o ka hele a piha i ka hauoli.

            Ke awiwi la ka hele ana a ua o Pilipo Daika ahiki i ka hoea ana aku i ka paka aia ma kona helehelena ka minoaka i na manawa apau no ka holopono ana i na mea ana i hoolala ai a oi aku mamua o ka hiki iaia ke hoomaopopo me ka hooho okoa ana ae o ua o Pilipo i keia mau olelo:

            "Ina e hiki ana ia'u ke hookaawale ia laua no na hora he iwakalua-kumamaha i koe, e lilo holokoa mai ana o Leola na'u a ke lilo ka hoi oia na'u e a'o no auanei au iaia i ka mea e hiki ai iaia ke hoopoina i kela lapuwale o ka ae'a ana mau a noho ana i keia wahi. O leola hookahi wale no ka wahine a'u i aloha ai a ina aole ona aloha ia'u e hoea mai ana i ka la ana e ike iho ai he mea pono iaia ke haawi mai i kona aloha a'u O e Pilipo i keia po e oili mai ai kou hoku a na keia po e hoike mai i ka hookoia o ka li'a a kuu puuwai,"

            Ma ke ahíahi ana iho o kela la mamua o ka manawa e weheia ai na hana hulahula ua lilo maoli i hana nui na Leola ka wae ana i kona lole e komo ai.

            Ku ka paila o na lole a Mele e lawe mai ai imua o Leola o ka Leola hana no o ka lolelole me ke komo ana ae a paa a kilohi aku la iloko o ke aniani a iaia no paha ka ike i ke kupono ole o kela lole wehe ae ana a komo aku ana he lole hou o ka hele ia a ku maoli o Mele i ka uluhua me ka pane okoa ana mai i kona haku

            "Aole he lole au e komo ai e kuu haku i nele ole kou u'i me ka hiehie ke nanaia mai."

            "Ua pakuwa keia mau lole i ka ike mau ia mai e na kanaka e kii aku oe i kuu lole i satini o kela hookahi wale no ka lole a'u i komo ole akahi ka hoi a loaa ko'u lole e hele aku ai i ka hulahula."

            He oiaio o kela kekahi o na lole hihimanu o ka hanaia ana he lole hauliuli i aneane loa e lilo i eleele holookoa ke kino. eia nae aua na lihilihi keokeo o ke kumukuai nunui o ke dala ma kela ame keia wahi i hanaia a ke nana aku ua like pu me na hoku ka oiliili mai iloko o ke ao panopano eleele o ka lani.

            @ ka laoaa ana mai o ua lole nei a hookomo aku la hoi o Mele maluna o Leola ua ike maoli aku la no o Leola i ka u'i ame ka hiehie o kona haku wahine a o ia ka Leola o ka hooho ana ae"

            "Ua kupono i'o keia lole o'u hele ai i ka hulahula i keia po. Aole e hiki i kekahi mea ke olelo ae aole au i hoea ma kela anaina hulahula oiai owau hookahi wale no ka mea i loaa he lole o keia ana. Pehea la e lohe aku ana ano oia? Aole e lilo kona haalele ino ana mai ia'u i mea e hookaumahaia mai ai o kuu manao. O he ku i ka hilahila ke hoomanao ae owau ka ona o ke Kakela Lome, i ka haaleleia e ka'i kauwa, mamula o ka holo mahuka ana aku me kekahi kaikamahine a ko'u poe kanaka hana alaila palulu okoa ae la oia i kona mau maka no ka nui maoli o kona hilahila ka mea hoi nana i hoopuiwa loa aku i ko Mele manao ahiki i ka pane okoa ana ae o Mele:

            "Ea heaha keia ou e kuu Miss Leola?" wahi a Mele me ka paa okoa ana mau i kekahi lima o Leola.

            "Noho malie oe e Mele, heaha kou kuleana e komo hokai wale mau au no me ka'u mea e hana ai?"

            No kela mau olelo pikanana a Leola o ka mia loa no hoi o kona hoopuka ana aku i na olelo o kela ano imua o Mele ua uwe okoa iho la o Mele me ke kamailio hou ana aku nae a Leola iaia:

            "E huikala mau oe e Mele ia'u no ka'u mau olelo ikaika loa o ke kamailio ana aku nei ai oe. aole ia mamuli o ko'u huhu a hoihoi ole paha aka no kekahi kumu okoa loa no a mai noonoo oe no ka'u mea e hana nei a e kamailio ana paha."

            "Ua ike no au e Miss Leola aole oe i huhu ia'u aka o ke kumu o kuu uwe ana iho ia no ko'u ike aku i ka loli loa o kou mau ano. me he mea la aia kekahi mea nana i hoopilikia loa aku i kou noonoo."

            "O aole he loli o ko'u mau ano e Mele e nana mai no hoi oe la." alaila noke okoa ae la ua o Leola i ka akaaka  e hoikeike mau ana me he mea la ua hele oia a piha loa i ka hauoli.

            "Aole e hiki ia oe e Miss Leola ke apuhi mai ia'u' a ua makaukau au e hana aku i na mea apau e hoauhee aku ai na mea nana e hoehaeha mai i kou noonoo."

            "Ua makaukau anei oe e hana mai i na mea apau no'u? E hoololi koke mai i ke ano o ke kanaka e hoololi ae i na mea wahahee i mau mea oiaio i ka mea haahaa i hanohano a he nui wale aku na mea nana i hoopohihihi loa mai i kuunoonoo. E haawi mai i kuu peahi a e hele aku a hoike i ka poe malalo ua makaukau au no ka hele aku i ka aha hulahula i keia manawa. "Aole anei i loaa ia'u ka hauoli? Owau ke kaikamahine hauoli hookahi i keia ahiahi!"

            Iho aku la o Mele no ka hale malalo no ka hoike ana ia Mrs. Wekela ua makaukau o Leola a iaia o ka hoea hou ana mai i iho like aku ai laua a e kakali mai ana no hoi o Mrs. Wekela oiai ua makaukau mua ko laua kaa o ke kau aku la no ia aia ke kaohi ana i na lio mamua o ka pukapa o ka home nani o Mr. Edikona.

            Lele aku la laua nei ilalo a ia laua o ke komo ana aku iloko o ka hale akahi no a ninau mai o Leola ia Mrs. Wekela i ka pane ana ae:

            "Pehea la kau naua mai ia'u aole he keu aku ka lamalama maoli o keia lole a'u e komo nei. Aole oe i hoike mua mai nei i kou manao no ko'u ano ame keia lole."

            "Auhea oe e kuu aloha aole he mea nui e ae iloko o kuu noonoo o ke kaumaha wale no no keia hele ana mai la o kaua i keia aha hulahula ame ka hopena poino e kau mai ana maluna ou pela i loaa ole ai he manawa no'u e noonoo ai no kou lole ame kou kulana oiaio maoli."

            Akaaka okoa ae la o Leola no kela pane a Mrs. Wekela iaia. a o ia ka ua kaikamahine nei o ka pane ana mai: "He keu mai la ka hoi ko'u makemake ina o Kauka Koa kekahi e hoea mai ana ma keia po. i ike pono mai ai oia aole he oiaio iki o kana mea o ke kamailio ana mai ia oe. Ua paa loa kuu manao e lilo ka hulahula o keia po i mea hoohauoli loa mai ia'u ma na ano apau."

            "E akahele loa oe e kuu aloha a ko makemake nei no hoi au e hoohiki mai oe imua o'u aole e noho ma kahi e loaa mai ai i ka makani no ka mea ke hopohopo loa nei au no kou loaa i ke anu."

            "Aole he hopohopo ana no ka loaa o Miss Dale i ke anu, oiai au me ia." i pane mai ai o Pilipo i kona wa i lohe mai ai i na olelo a Mrs. Wekela o ke kamailio ana ae ia Leola no ka mea e ku koke mai ana no ua kanaka nei. me ka hakilo pono ana e loaa he manawa iaia e hookokoke mai ai i kahi a na lede o ke Kakela Lome e ku ana.

            "Aohe a'u mea hoohiki ole ma keia po ke hoea mai imua o kuu alo no ka mea ua hele au a piha no na hana wale no e hoohauoliia ai kuu manao." wahi a Leola o ka pane ana ae me ka hopu ana aku i ka lima o Pilipo Daika o ka haawi ana mau no ko laua kuikuilima pu ana.

            "Ke ice i'o aku nei au ua maikai maoli oe e Miss Dale" i pane mai ai o Pilipo oiai nae o ka huaolelo kupono loa ana e kapa mai ai ia Leola  o ia no ka oi aw o kona u'i ma kela po aka kaohi aku la oia i ke kamailio ana mai pela no kona hopohopo o piena auanei ka manu a hei ole hoi i kana pahele o ka hoomakaukau mua ana.

            "He keu aku ka hoi ka piha maoli o keia po i na maka hanohano pehea he poe anei kekahi iloko o keia aluka a'u i ike mua ai?" i ninau ae ai o Leola ia Pilipo.

            "Ua kamaaina wale no oe i ka poe apau ma keia anaina a manao au aole he hookahi iwaena o lakou au i ike ole ai mamua."

            "He põe anel kekahi mai Lome Mai?"

            "Ae he elua a ekolu paha ohana mailaila mai ke ole nae hoi au e kuhihewa."

            "Ke ike aku la au i ka Makuika Hao ame ke ka@awahine a pehea la na hoea pu mai nei paha me ka Haku Baumona?" i ninau ae ai o Leola.

            "Aole au i ike iho nei i ka Haku Baumona aka ma ko'u manao aole no paha oia e hoea mai ana/" wahi a Pilipo me ka hoopupuku ana iho i kona mau ku'emaka.

            No kela mau hoaaka a Pilipo no ka hoea ole mai o ka Haku Baumona imoimo iho la na lihilihi maka o Leola no ka mea maopopo koke iho la no iaia ina aole e hoea i'o aku ana ka Haku Baumona ma kela aha hulahula alaila ua noho ua haku opio nei i ka hale mamuli o ka nui o kona kaumaha no Kikila ka mea ana i lawe mai ai he hoaloha pilipaa nona.

            "O ka mea pono ana e hana ai o ia kona hele ana mai i keia hulahula elike me ia a'u i hele mai nei no ka hoike ana aku i kela hoaloha on a aole e lilo kana hana apuhi a hoohaahaa imea e hoehaeha mai ai iaia," i nalu wale iho ai no ua o Leola iloko ona.

            "Ea ke kani mai la na meakani o keia anei ka wa no kou hulahula pu ana me a'u?" i huli ae ai o Pilipo a ninau ia Leola

            Ke lulumi mai la na kanaka opio ia Leola me ke noi okoa ana mai e lilo keia i hoa hulahula no lakou a o ka poe eleu no lalau okoa ia mai la ka pepa kuhikuhi o na hulahula e paa ana iloko o ka lima o Leola a kakau iho la i ko lakou mau inoa ma kekahi mau hulahula a me ka hana nui i hiki ai ia Pilipo ke alakai aku ia Leola ahiki i ko laua kaawale ana aku ma kekahi wahi kupono o ka lilo aku la no ia o ua mau opio nei he hoohehelo mai hoi kau.

            Iwaena o na kanaka opio apau o kela wahi i maa i ka hulahula o Pilipo Daika kekahi kanaka hiehie loa ma ia hana a o na wahine apau i loaa na manao hoowahawaha nona e hoauheeia aku ana ia hoowahawaha mailoko aku lakou ina he hookahi manawa e hula pu ai me Pilipo Daika i ka palamimo maoli no o kiina wawae a kela ka naka ame ke ano o kana paa ana mai i kona pakana.

            No Leola nae aole he manao hoowahawaha iloko ona no Pilipo Daika o ka ua kaikamahine nei i noonoo iho ai ua noho aie oia ia Pilipo no na hana maikai a kela kanaka iaia nolaila ia laua e hulahula pu la ke minoaka mau la o Leola ka mea ana i hana ole aku ai ia Pilipo pela mamua.

            No ka manawa mua loa no hoi i hoomaopopo iho ai o Pilipo i ka nui maoli o kona hoohihi no Leola no ka akahi paha hoi a ike okoa mai oia i ka hoikeike aku o Leola i kona mau ano oluolu imua on a a i ua o Pilipo e hulahula pu la me Leola me ke kapalili i na manawa apau a Leola e haawi aku ai i ka minoaka iaia.

            Aia ka nana ana mai a ka poe makaikai maluna o Leola me Pilipo i na manawa apau a ke ike mai la lakou i ka loli loa o Leola mai na manawa e ae a lakou i ike ai iaia ma na aha hulahula o kela ano mamua aku he hookahi no nae kumu o kela loli a lakou e hoomaopopo mai la o ia no ke kiola loa ana aku o ua o Leola i kona noonoo hou ana no Kikila Kinikele.

            Iwaena o na kanaka opio aia na manao hoohihi iloko o lakou no ka lilo aku o Leola i wahine na kekahi o lakou elike no hoi me kela manao hookahi iloko o Pilipo Daika e kuko mau la.

            Ma ka aoao hoi o na wahine o na manao lili ka mea iloko o ko lakou noonoo no ka u'i ame ka hiehie o Leola. He nui no na wahine ma kela po i hao mai ia lakou a paihi ua like nar ko lakou u'i i mea ole imua o Leola a ma kekahi olelo okoa ana ae hoi he mau hoku liilii wale no lakou e hoopuni mai ana mawaho o kekahi hoku nui hookahi iwaena.

            Ke hoomaopopo la ka Makuika Hao i ko Leola ano ma kela po a o ia kana o ka ui ana ae i ke kauna wahine ma ka ninau ana aku:

            "Eia ihea o Gerala e ike ole ia nei? Aole he manawa kupono loa nona elike me keia po no ka mea he keu aku maoli ka hoihoi ama ka hoomahie o Leola mamua o na manawa e ae ana e hele ai ma na aha hulahula."

            Nui iho la ka hanu o ke kauna wahine a pane ae la' "Aole e hiki i Gerala ke hele mai no keia aha hulahula o ke kumu ua lilo na mea e kamailioia nei no Kikila Kinikele i kumu hookaumaha loa aku i kona noonoo. He oi aku kona kaumaha mamua o ka mea hiki ia'u ke hoike aku imua ou e pani mau ana oia iaia iho maloko o kona ke@@a kahakii me ka manao pela wale no e hoomamaia ae ai kona mau ehaeha apau.

                                                                                                            (Aole i pau)