Ka Nupepa Kuokoa, Volume LIX, Number 12, 25 March 1921 — EHIKU MAU PAAMARE I HOOKOOIA KA PILI. [ARTICLE]

EHIKU MAU PAAMARE I HOOKOOIA KA PILI.

He ehiku mau paamare i aponoia ka hookaawale ana e ka Lunakanawai De Bolt o ka aha kaapuni ma ka auwina la o ka Poalua nei, mamuli o na kumu kupono a ka aha i like ai, a he elua mau hoopii okimare i hoopaneeia ka hoolohe ana a ka Poalua o keia pule ae. O na hihia i aponoia ka hookaawale ana ma ia la oia keia malalo nei: Rosie Aldrige mai a Russel C. Aldridge mai, no ka malama ole i ke ola; Jessie Harrison mai ia Hanford Harrison mai, no ka malama ole i ke ola; Sarah Kauhane mai a Sol. H. Kauhane mai, no ka pepehi mau; Christina Balai mai a Jacintho Balai mai, no ka pepehi mau; a he ekolu mau paamare Kepani, no ka haalele o ka wahine i kahi moe. Mai ka la ekahi mai o keia mahina he 28 mau hoopii okimare i komo ae i ka aha aupuni no loko iho o Honolulu.