Ka Nupepa Kuokoa, Volume LIX, Number 13, 1 April 1921 — NA KANAWAI O KA AHAOLELO [ARTICLE]

NA KANAWAI O KA AHAOLELO

Ua lilo i keia pepa fca hoopuka ana aku i na kanawai o keia kau mau o ko kakou ahaolelo kuloko, malalo iho la o ia kumu, ua hoomaluleia kekahi mau manao o na inakamaka, ame kekahi moolelo, no ka manawa. Oiai o keia wale nō ka pepa e ikeia ai na kanawai i hooholoia nui keia kau o ko kakou ahaolelo, ke makemake nei makou e heluhelu pono ia ia mau kanawai me ke akahele loa, a e malamaia hoi. i loaa ai ka ike ame ka maopopo no na mea i hanaia e na senatoa ame na lunamakaainana, a kaieou i kolio aku ai. i poe hana kanawai; aka o ka mea oi loa aku. i 1 ilo ai kakou i poe hooko i ke kanawai, aole hoi i poe hakihaki kanawai, mamuli 0 ka noho pouliuli me ka naaupo. Ua nui na hooiialahala. i hoalaia ae e kekahi poe heluhelu o keia pepa, no ka piha wale no o ka nupepa i na kanawai, no ka mea aole o lakou heluhelu i na kanawai. o kela kekahi mau manao lalau loa, he mea waiwai ke kanawai, he kukui hoomahmalama ia ia kakou, i ole ai e lawelawe i kekahi mau hana nie ka naaupo, eia ka auanei, he liana ia 1 papaia e ke kanawai, a i ole, he liana paha i ku ole'i ke kanawai. Ke pa'i wale ia nei no na kanawai ahaolelo ma ka olelo Beritania. nolaila o na kanawai i unuhiia, a e hoopukaia nei ma keia pepa, o na kanawai wale no ia e ikeia ana ma ka kakou olelo makuahine; a i ka nalowale ana no o na nupepa, o ka nalowale ana no ia o kela mau kanawai, me ka hiki ole'aku e loaa; a o ia no hoi kekahi kumu a makou e hoeueu aku nei, e malama i na nupepa i puka ai na kanawai, aole o ka heluhelu a kiola aku, nie he mea la. aole he waiwai i koe. •O ka mea oi loa akt# nae o ka pono, o ia no ka okioki ana i na mai na nupepa mai e puka mau aku ana na* kanawai, a kapili maloko o na buke kahiko, he oi aku ia o ka maluhia, me ka maikai pu, no ka mea ua akoakoa i kalii hookahi, aole hoi elike me na nupepa ke kauliilii, a maalahi e ka nalowale ana.