Ka Nupepa Kuokoa, Volume LIX, Number 13, 1 April 1921 — HOOPII HOAHEWAIA KEKAHI MAU KAA OTOMOBILE [ARTICLE]

HOOPII HOAHEWAIA KEKAHI MAU KAA OTOMOBILE

No ka loaa pono ana aku o kekahi mau kaa otomobile e lawe ana i kekahi mau omole waiona i na makai a ke aupuni frder<il i hookomoia ae ai he hoopii hoahewa e ka Loio Amerika Huber i ka aha hookolokolo federala ma ka Poakahi nei i mea e lilo mai ai ia mau kaa i ke aupuni a kuaiia aku ma ke kudala. 0 ka helu o kekahi kaa ke 69797, laikini helu 5655, a ma ka oleloia na Chong Eung e kalaiwa ana ia kaa, a ma kahi kokoke aku i ka Pakoa ma Leilehua i paa ai ia i ka hopuia e na Koa H. C. 6mith ame C. A. Hardy ma ka la 1 o Maraki. O ka lua o na otomobile ma ka oleloia he 520.977 ka helu e kau ana, a na C. W. Herbert i hopu ia kaa a na Chiho Nakamura e kalaiwa ana.