Ka Nupepa Kuokoa, Volume LIX, Number 13, 1 April 1921 — HOOKU'IIA E KA OTOMOBILE HE HAOLE A MAKE I Holo Mai e Kau Noluna o ke Kaauwila Halawai Nae me ka Make i ke Kaa Otomobile KAUALAKOIA OIA E KE KAA NO KEKAHI WAHI LOIHI Hoopuiwa Loa ia ka Manao o Kona Mau Hoaloha no Kela Halawai Ana me ka Make [ARTICLE]

HOOKU'IIA E KA OTOMOBILE HE HAOLE A MAKE

I Holo Mai e Kau Noluna o ke Kaauwila Halawai Nae me ka Make i ke Kaa Otomobile

KAUALAKOIA OIA E KE KAA NO KEKAHI WAHI LOIHI

Hoopuiwa Loa ia ka Manao o Kona Mau Hoaloha no Kela Halawai Ana me ka Make

Oiai e holo mai ana, no ke kau ana maluna o ke fcaa uwila o ke alanui Nuuanu, ma ka auwina la o ka Poakahi nei, i hooku 'iia aku ai he haole o William B. Sheppard ka inoa, e ke kaa otomobile e hookeleia ana e K. Won Lum, me ke kaualakoia ana aku no na kapuai he iwakiilua-kumainalima, a i ka wii i hapaiia ae ai kona kino, aole he ola iloko ona, aka ua make oia me ka hikiwawe loa, mamuli o ke kukonukonu loa o ka poino i kau aku maluna o kona kino, ma kela hooku'iia ana e ke kaa otomobile. Ma ka hoakaka a A. E. Martin, ka mea hookele o ke kaa uwila Hēlu 25, e ku ana kona kaa ma ke kuiki, mamua por»o mai o ka hale o Mr. Focke, no ka hoea mai o ke kaa uwila, maiuka mai o Nuuanu,'ia wa i ike aku ai oia ika holo ana mai o Mr. Sheppard, mailoko mai o ka pa o Mr. Focke, me ke kau ana o kona mau lima a elua iluna, me he mea la ina kana koho aku, e haawi mai ana i ka hoailona i ka mea hookele o ke kaa uwila mauka mai, e kakali ahiki i kona hoea ana mai. I ka hoea ana o Mr. Sheppard ma kahi he eiwa kapuai ke kaawale mai ka paehumu inai o ke alanui, o ka wa ia i hooku'iia mai ai e ke kaa otomobile, e holo ma" jiaiuka mai o ke alanui, me ke kaualakoia ana aku malalo pono ae o ke kaa, no na kapua'i he iwaka-lua-kUmamalima, me uihi iniha, alaila hemo aku la kela haole mai ke kaa aku, me ka hoomau ana aku no nae o kela otomoblle i ka holo, a i ka wa i hoopaaia iho ai kona holo ana, ua like pu me kanaiwa-kumamaha kapuai me elima iniha, ka mamao mai kela wahi mai o ka hooku'i ana, ahiki i ka paa ana o ka holo'o ke kaa. Ua hoea aku o Mr. ame Mrs. Sheppard, no ka home o Mr. Focke, mamuli o ko laua kohoia ana mai e hui pu aku ma kekahi paina me kela ohana, a o kona maona ana mai no ka ia, me ka holo ana mai e kau iluna o ke kaa uwila, a koe aku no kona mau hoa maluna o ke pakaukau. I ka wa nae i lohe aku ai o ka poe oloko o ka home o Mr. Focke i ka hauwalaau owaho o ke alanni, ua holo mai 'la l'akou, aia hoi e waiho mai ana ke kino make o Sheppard ma ke alanui, oiai nae he mau minuke helu wale aku no mamua, he ola kino maikai kona. He kanaka kuonoono o Mr. Sheppard no Pilikelepia, a'no na mahina ae nei ekolu ko laua hoea ana mai i Honolulu nei, no ka hoomaha ana, a ua makaukau loa ko laua huli hoi aku no Ame* rika, maluna o ka mokuahi Wilhelmina o ka Poakolu nei, halawai e iho la nae me ka poino.