Ka Nupepa Kuokoa, Volume LIX, Number 15, 15 April 1921 — Page 7
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Ma Ke Kauoha
Na Kanawai Ahaolelo Kau
o 1921.
Kanawai 15.
[B.S Helu 5.]
He Kanawai
F. Ho'omakakau ana i kiaho'omanao no na kane ame na wahine o Hawai'i nei i komo aku a lawelawe iloko o ke kaua hulamahi nui.
F. Ho'oholoia e ka ahaolelo o ke Teritore o Hawaii:
Pauku 1. Ma keia ke hookaawaleia nei ka huina o elua haneri kanalima kaukani dala ($250,000.00) mailoko mai o na dala e loaa aku ana i ka puuku ma keia mua aku, mai a'mamuli o na bona i kuai ia aku, a ke hoomana ia nei no hoi ka hoopuka ia ana aku o na bona elike me ia i hoomaopopo ia e ke kanawai, a elike no hoi me ia i hoakaka ia mahope aku nei, ahiki aku i ka huina i manao ia e lawa ka huina e hookaawale ia nei maloko o keia, no ke kukulu ana i kekahi kiahoomanao ma ka Paka Memoriala, ma Waikiki, no na kane ame na wahine Hawaii nei i komo aku a lawelawe iloko o ke kaua huliamahi nui.
Pauku 2. I wahi e loaa mai ai na dala e lawa ai ke kukulu ia ana o keia kiahoomanao i olelo ia, e hoopuka ia aku e ka puuku o ke Teritore na bona nona kahuina o elua haneri kanalima kakahi dala ($250,000.00), e hookaa ia ana iloko o elima makahiki mai ka la aku o kona hoopuka ia ana, a e uku ana i ka ukupanee aole e oi aku maluna o elima padeneta (5%) o ka makahiki hookahi. Hookahi-hapalima (1-5) o na bona e hoopuka ia ai elike me ia i hoakaka ia ae la maluna e hookaa ia i kela ame keia makahiki, a o na bona e hookaa ia ana, e wae ia lakou ma ka hoailona ana.
Pauku 3. O ua huina nei o elua haneri kanalima kaukani dala ($250,000.00), e olelo ia nei e hookaawale ia ana ma keia, e puunaue ia iloko o eha (4) mahele, a e ukuia e kela ame keia kalana a kulanakauhale a kalana, elike aku kona mahele ne ka huina o ka helu waiwai o na waiwai paa ame na waiwai lewa o ia kalana a kulanakauhale a kalana hoi no ka makahiki 1921 i puunaue ia iloko o ka helu waiwai o ua mau waiwai la apau oloko nei o ke Teritore.
Pauku 4. O na luna auhau like ole o na mahele auhau like ole o ke Teritore nei, e hoomaka ana mai ka makahiki 1922 a i kela ame keia makahiki no elima (5) makahiki hoolike ma ia hope aku, e hoohui aku lakou me ka huina pakeneta auhau o ko lakou mau mahele auhau like ole, i huina i hiki aku i ka hookahi hapalima (1-5) o ka huina nui e uku ia e kela ame keia kalana a kulana kauhale a kalana hoi, elike me ia i hoakakaia maloko o ka pauku 3 o keia kanawai i hui pu ia me ka ukupanee o ka makahiki hookahi no ia huina nui, a o kela ame keia huina dala e ohi ia ana elike me ia i hoakaka ia ae la, e hookomo ia aku no ia e ka puuku o ke Teritore, ma kekahi waihona kuikawa uku nona, no ka uku ia ana aku o ua mau bona nei i oleloia ame ka ukupanee maluna o i amau bona. Aka nae, ina ma kekahi la piha makahiki e piha ai o ka ukupanee, aole i ohi ia mai mai na kalana ame ke kulanakauhale a kalana he huina e lawa ai ka uku ia ka ukupanee a e hiki ai ke hookaa ia he hookahi-hapalima (1-5) o na bona i olelo ia elike me ia i hoakaka ia maloko o ka pauku 2 o keia, alaila o ka huina e lawa pono ai ka ukupanee a e hokaa ai i ka hookahi-hapalima (1-5) o ua mau bona nei i oleio ia, e uku ia aku no ma ke ano hoaie mai na waihona kumau mai ka waihona kuikawa uku bona i olelo ia ae nei, ke hiki aku i ka manawa e lawa ai ka huina e ohi ia ana a e waiho ia ana ma ua waihona kuikawa uku bona nei elike me ia i hoomaopopoia ma keia pauku.
Pauku 5. E hookohu aku no ke kiaaina i komisina o ekolu lala, a e ike ia ua komisina la Ke Komisina Kiahoomanao Kaua o ke Teritore. E lawelawe keia kominisa i ka hana me ka uku ole, a e hoomakaukau a e lawelawe i paio hookelakela mawaena o ka poe kaha kii no ke kii kupono no ke kiahoomanao i hoomaopopo, ia maloko o keia kanawai a e hooholo a e wae ae i ke ano o ke kiahoomanao kupono ke apono ia ai. Maloko o keia mau hoolala ana, e hoomakaukau a hookomo pu ia i lua wai auau i wahi e malama ia ai na heihei au nona ka loa aole e emi mai malalo o 100 mita, ame na hiohiona maikai e ae no hoi a ke komisina e wae ai.
Pauku 6. Ma keia ke hookaawale ia nei ka huina o Umi Tausani dala ($10,000.00) mai na waihona kumau mai o ke Teritore, I hookaawale ole ia mamua, ma ke ano hoaie no ka uku ana i na lilo kupono o ke komisina no ke kukulu a malama ana i ka paio hookelakela, ame ka uku ana aku i na makana i ka mea lanakila; a ua mau dala nei e hoaie ia nei, e uku ia no ia mailoko mai o ka loaa o na bona e kuai ia ana elike me ia i hoomaopopo ia ae mamua iho nei. O na dala apau i hookaawale ia no na lilo kupono o ke komisina a no ka haawi ana aku i na makana aia wale no ka uku ia a waiho ia mai na bila kikoo 'i apono ia e ke komisina.
Pauku 7. E hoike aku ke Komisina i ka lunanui o na hana hou i ka inoa o ka mea kahakaha kii nana na kii i apono ia. Ma keia ke hoomana ia nei ka lunanui o na hana hou a ke kauoha ia nei oia e hoohana ia ua mea kahakaha kii nei i olelo ia ae la, e hoolako mai i ke koena aku o kana mau kii hoolala ame na hoa kaka ana no ua mau kii la, a e kokua hoi i ua luna nui o na hana hou nei i ke kukulu ame ka hoohana ana i ua kiahoomanao nei i oleloia. Ehoolaha ae ka luna nui o na hana hou i mau koho malalo o keia mau kii ame na hoakaka e pili ana ia lakou, elike me ke kauoha a ke kanawai, a nana e hookele a malama i ke kukulu ia ana ahiki i ka paa ana o ua kiahoomanao la i oleloia.
Pauku 8. E mana keia kanawai mai mahope aku o ka la o kona apono ia ana.
Aponoia i keia la 15 o Maraki, M. H. 1921.
C. J. McCarthy,
Kiaaina o ke Teritore o Hawaii
Kanawai 16.
[B. H. Helu 183.]
He Kanawai
E Hoololi ana i ke Kanawai 201 o na kanawai o ke kau o 1917, E kukulu ana i puali hoopakele-ola no ke kahakai o Waikiki.
E hooholoia e ka Ahaolelo o ke Teritore o Hawaii:
Pauku 1. O ke Kanawai 201 o na Kanawai o ke Kau o 1917 ma keia ke hoololiia nei i heluhelu ai penei:
"Pauku 1. Eia ma keia ke kukuluia nei he puali hoopakeleola no ke kahakai ma Waikiki malalo o ka malu o ka papa komisina awa-ku-moku.
"Pauku 2. O keia puali aole e oi aku mamua o eha lala, hookahi o lakou e ikeia ma ke ano o ke kapena oia puali, a o lakou apau aole e emi iho malalo o umi-kumamawalu aole no hoi e oi aku mamua o kanaha-makahiki ko lakou mau helu makahiki, a e hookohuia lakou e ka papa komisina awa-ku-moku. E wae ia lakou no ka ikaika ame ka ike au ame ka hoohana ana i na waapa, a ua ike i na hana e hoihoi houia mai ai ka hanu, me na mikini ola paha, i na poe i ikeia ua ano piholo.
"Pauku 3. E lilo no i hana na kela ame keia lala o ka puali ke kaahele ana ma na wahi pili i ke kahakai o Waikiki elike me ka manao ana a na komisina o ka papa awa-ku-moku he kupono. I makaala mau lakou i na manawa apau no na poe e aneane aku ana e piholo, e haawi i na kokua ana elike me ka hiki ia lakou no ia poe, a e malama i ka maluhia ma ia mau wahi e noho hoomaluia ana e lakou a no ia kumu e haawiia no ia lakou na mana o na makai.
"Pauku 4. O na lala oia puali e loaa no ia lakou aole e oi aku mamua o hookahi haneri dala o ka mahia pakahi, koe nae ma kahi o ke kapena o ua puali la e loaa iaia hookahi haneria me umi dala o ka mahina hookahi, a e ukuia mai loko ae o na dala i hookaawaleia no ka malama ana i na awa ame na uwapo kumoku, Oahu.
Pauku 5. Ua loaa i ka papa komisina awa-ku-moku e hana i mau rula ame na kanawai elike me ke kupono no ka hookoia ana o na hoakaka o keia Kanawai, a e hoolawa i na waapa ame na mikini pauma ea, a i ole na mikini e ae i manaoia he kupono no ia hana."
Pauku 2. E mana no keia Kanawai i kona aponoia ana.
Aponoia i keia la 17 o Maraki, A.D. 1921.
C. J McCarthy,
Kiaaina o ke Teritore o Hawaii.
Kanawai 17.
[B.H. Helu 87.]
He Kanawai
E Hoololi Ana i ka Mokuna 125 o na Kanawai i Hooponopono Houia o Hawaii, 1915, Elike me ia i Hoolo@ Ai e ke Kanawai 122 o na Kanawai o ke Kau o 1915 ame ke Kanawai 124 o na Kanawai o ke Kau o 1919, e Pili ana i na pu ame na lako Pu, Ma na Paku'i ana aku i mau pauku hou elua e ike ia o ka pauku 2202D ame ka Pauku 2202E.
E Hooholoia e ka Ahaolelo o ke Teritore o Hawaii:
Pauku 1. O ka Mokuna 125 o na Kanawai i Hooponopono Houia o Hawaii, 1915, elike me ia i hoololiia ai e ke Kanawai 122 o na Kanawai o ke Kau o 1919, ma keia ke hoololi hou ia aku nei ma o ka paku'iia ana aku i mau pauku hou elua e ikeia ana ma ke ano o ka Pauku 2202D ame Pauku 2202E. a e heluhelu ana penei:
"Pauku 2202D. O ka palapala ae i hoikeia maloko o ka Pauku 2202B aole i hoopukaia aku i kekahi kanaka o ko na aina e ahiki i ka waiho ana mai o ka mea noi me ka makainui a i ole me kekahi hope makaunui o ke kalana, a i ole kulanakauhale ame kalana i koi ma ke kakau, i kakauinoiai e elua mau kupa kupono e noi mai ana e hoopukaia he palapala ae oia ano, a e ku a e hooia ana no ka mea noi. O na poe o ko na aina e e loaa ana ka palapala ae elike me ia i hoakakaia ma o ka pauku maluna ae e koi ia aku no e loaa mai he laikini makahiki mai ka puuku o ke kalana a i ole kulanakauhale ame kalana, a e uku aku i ka puuku i oleloia i laikini makahiki o elima dala ; aka nai, i na poe o ko na aina e i ikeia he poe hoohana mau lakou i na pu mamuli oia ano me ka uku ole mamuli o kekahi palapala hooia mai ka makainui mai o ke kalana a i ole kulanakauhale ame kalana maloko olaila e lawelaweia ana ka hana oia ano e hoike mai ana o na pu ame na lako pu maloko o ka palapala ae ua ikeia he mea pili i ka lakou oihana.
"Pauku 2202E. O kela ame keia kanaka o ko na aina e e loaa aku ana e paa ana i kekahi pu a i ole mau pu a i ole kekahi pono pu me ka hooko mua ole me na hoaka o ka Pauku 2202D e manaoia no ua pili ka hewa iaia ma ka hewa mikamina a i ke ahewaia ana, e hoopiia ma ka hoopau dala aole e oi aku mamua o elima hanerri dala a i ole ma ka hoopaahao aole e oi aku mamua o hookahi makahiki, a i ole ma ka hoopai dala ame hoopaahao pu no, elike me ka manao ana o ka ahahookolokolo."
Pauku 2. E mana no keia Kanawai mai a mahope aku o ka la o kona aponoia ana.
Aponoia i keia la 18 o Maraki A.D. 1921.
C.J. McCarthy,
Kiaaina o ke Teritore o Hawaii
Kanawai 18.
[B.S. Helu 39.]
He Kanawai
E Hoomaopopo Ana i ka Uku Ana i ka Uku Mahina o D.S. Bowman, ka Lunanui Nana Hoomaemae, Mamua Aku Nei, o ka Mokupuni o Hawaii.
Oia'i, i Augate 10, 1919 ua kapaeia no ka manawa o D.S Bowman mamuli o ke kauoha a ka Papa Ola o ke Teritore o Hawaii me ka uku ole ia mai ke kulana ae o ka lunanui o na poe nana hoomaemae o ka Mokupuni o Hawaii, e paa ia ana e ia ia manawa, oiai e noii ia ana na hoopii i hookauia aku maluna ona ; a
Oiai, i Sepatemaba 12, 1919, mahope o ka hoolohi pihaia ana ame ka noiiia ana e ka Papa Ola i oleloia o na hoopii i oleloia e ku-e ana ia D.S Bowman. ua hoopauia a ia manawa no, mamuli o ke kauoha a ka papa Ola i oleloia ua hoihoi houia oia ma kona kulana me ka uku piha ; a
Oiai, mamuli o ka hoonoho ia ana o kekahi mea okoa iloko o ka manawa o kona kapaeia ana o D.S. Bowman i oleloia, a ua uku ia aku ka uku i hookaawaleia no ia kulana i kekahi mea okoa aku i oleloia, a mamuli oia mea ua pau ka waihona oia uku i kuleana e loaa ia D.S. Bowman no ia manawa o kona kapaeia ana a i kuleana e ukuia mai iaia ; a
Oiai, oia uku he ekolu haneri me kanalima dala ($350.00) no ka malama hookahi, a oia manawa i oleloia o kona kapaeia ana he hookahi no malama, nolaila
E Hooholoia e ka Ahaolelo o ke Teritore o Hawaii:
Pauku 1. O ka Puuku o ke Teritore eia ma keia ke hoomanaia nei a ke kuhikuhiia aku nei e uku aku ia D.S Bowman maluna o kekahi palapala kikoo dala i hoopukaia e ka lunahooia o ke Teritore, i ka heluna o ekolu haneri ame kanalima dala ($350.00) no kona uku no ke kulana lunanui nana hoomaemae no ka Mokupuni o Hawaii mai Augate 10, 1919 ahiki i Sepatemaba 12, 1919, a oia heluna o ekolu haneri ame kanalima dala ($350.00) ma keia ke hoookaawaleia nei mailoko ae o na dala e loaa ana iloko o ka waihona puuku mai na loaa laula mai.
Pauku 2. E mana keia Kanawai i kona aponoia ana.
Aponoia i keia la 19 o Maraki, A.D. 1921.
C.J. McCarthy,
Kiaaina o ke Teritore o Hawaii.
Kumukuai Kukaa o n@ Meakuai ma ka Makeke
HOOPUKAIA E KA MAKEKE KULANA KAUHALE NO KA PULE E PAU ANA I APERILA 9, 1921.
Wainbaka mokupuni, lb 48c
Huamoa, wai, doz 70c
Moakana opiopio, lb 75c
Huakaka, doz. 55c
Rabaki ola, lb 20c
Moawahine, lb 60c
Pelehu, lb 75c
Kaka, Muscovy, lb 40c
Kaka, Pekin, lb 40c
Kaka, Hawaii, lb 35c
NA HOLOHOLONA
Kuaiia ka pipi ame ka hipa i pau i ka loleia.
Pipi helu 1 lb 19c
Pipi helu 2, lb 16c 17c
Pipi helu 3, lb
Puaa liilii ola, lb
Puaa nunui 80 a 100 lbs 24-26c
Puaa nunui 150 a oi aku lb 22c
Pipi keiki, lb 20-22c
Puaa, lb 25c
Hipa 17c
Puaa nunui, 50 a 80 lbs 26c
Puaa nunui, 100 a 15 olbs 22-24c
Kuaiia ka puaa nunui me ke ola.
NA ILI I KAPIIA.
Pipio'a helu 1, lb 4c
Pipio'a helu 2, lb
Pipio'a hulu huelo, lb
Pipi keiki, lb
Kao, keokeo, pakahi
AI A KA HOLOHOLONA.
Kulina liilii melemele, tona
Kulina nunui melemele, tona 47.50
Kulina wawahiia, tona
Balani, tona
Bale, rola 47.00
Ai i wiliia
Oka, tona
Huika, tona
Mikilina, tona
Mau@, Huika
Mauu, Alfalfa
HUAAI.
Maia Pake, lb. 03c
Maia Hawaii, lb 4c
Waina Isabella, lb 12c
Ipu Aiwaha, lb
Halakahiki, lb 3 1/2c
Papaia, lb 2 1/2c
L@mi, 100 no 65c
Lemona, 100 no $1.80
Pik@, 100 no 1.00
Pea, Hawaii, doz 75c-$1.00
Ohelo, no ke i@ 23c
Alani, Kona, 100 no 2.25
NA MEAULU
Papapa, loloa, maka, lb 08c
Papapa, loloa, wax, lb
Papapa, Lima, maloo, lz 5c
Papapa, Lima, iloko'o ka aa, lb
Papapa, ulaula, Mau, lb 7c
Papapa, kalakoa, lb 5c
Papapa, liilii, keokeo, lb 6 1/2c
Papapa, kikokiko, lb 5c
Biki (beets), lb 04
Karoke (carrots), lb 3c
Kapiki, lb 5c
Kaukama, doz. $1.20
Kulina, momona maka 100 no 3.00
Pi, mal@@, lbs. 5 1/2c
Pineki, nunui, lb 8c
Uala kahiki, lb 2c
Uala Maoli, Keokoo, lb 1 1/2c
Uala Maoli, ulaula, lb 1 3.4c
Uala, maoli, ulaulam lb 3c
Pu (palaai) lb. 3c
Nioi, maka, Bell, lb 13c
Nioi, maka, Chili, lb
Pi, maka, lb
Ohia, lb 18c
Kalo, 100 lbs 2.25
Rosele, lb
NUI NA MA'I AI LAAU
Solomon Hanohano Aloha oe:--E hookomo iho oe i keia wahi itamu ma kekahi wahi o kau pepa i ma@alo nui ia, ke Kuokoa:
Ua loaa mai ia'u mai ka papa hoopaaiuoa houkui i keia kakahiaka nui he 204 inoa mai na kane ame na wahine, e ai nei i ka laau hou a ka Poropeka Dean ame ka lawe ana i ka pahu kui me ka aila chaulmoogra, a he 50 inoa i hoopaa hou ia, a ke kali aku nei ka oihana ola ia lakou.
O ka huina nui i koe e ola nei o na ma'i, he 494 a e lawe aku ana he 354 poe ma'i, alaila o ke koena i koe, he @40 poe wale no, a o ka hapanui o keia poe e olelo @iau ana maikai loa ke holo hela bila a ka Mea Hanohano Kale Kiliuawoki, ka lunahoomalu o ka hale oluna, malia o nana iho ua loea kanawai nei i keia mea ma ka nupepa a ike iho, ua huliamahi na ma'i i ka pahukui ame ka ai i ka laau, a hooikaika mai hoi oia i ka bila e poho ole ai kana hooikaika ana.
He nui ka poe makemake e hoi iwaho, ina e loaa ana ko lakou wahi e hoomalumaluiu ai ko lakou poo, a e ku ai hoi ko lakou wawae, a ia'u e kakau nei, eia ka poe ai laau ke ninau mai nei ia'u i ka heluna o ka poe e lawe uei a ha'i aku la au, a noke ae la i ka hooho hauoli.
No ka nui o ka poe ai laau, he hauoli ko lakou ano ke nana aku, a e ake ana kela ame keia e lilo mua iaia ka helu ekahi.
He ano hu'ihu;i ua liilii keia la, aka ua piha owaho ame loko nei o ka hale kauka i ke kanaka, owau kekahi e ai nei i ka laau hou, no elima mahina ame ua pule keu, a ua hoomama mai keia laau ia'u a o kuu manaoio, e loaa ana ia makou ka lanakila.
Owau no me ka haahaa,
S. P. JONAH,
Koku Kauka.
HALA IHO LA IA MAU KEKI KUONOONO O KA MOKUPUNI KAILI LA.
Mr. Lunahooponopono o ka Nupepa Kuokoa. Solomon Hanohano. Aloha oe: ---Oluolu mai oe i kekahi wahi kaawale o ka Nupepe Kuokoa, no keia mau keiki kuonoono o ka Mokupuni Kaili La, I haalele mai i keia ola honua ana, a hoi aku la i ka home lani ma o.
Ma ke kapakai o Molosa, Koolau, Kauai, ma ka hora 11 p.m. o ka po Sabati, Maraki 27, i pauaho mai ai ka hanu hope ia Jas Kemiki Apolo, ma kona home naui ma Moloaa, me ka omilo ana a ka m@'i iaia no na makia@ ekolu a iloko o na la he 2-, aole komo ai iki iaia, a hala wale aku la no. Ua pahu 'a ka laau a ke kauka i haawi aku ai iaia, he luai ia mai.
Mai Molona aku kona kuonoono. Hanalei, wainia, ahiki loa aku i ka Hala Naue (Haena): he mau kea jona iloko o ka Aina Hui o Moloaa, he mau aina kuleana bipi, lio, a peia i Wainiha, Haena, bipi, lio, mau kaa a he home nani hou loa o ke kukulu ana iho la, a make wale aku la, me ke aloha nui ia. Haalele iho la mahope he wahine, na keiki, na moopuna, na makamaka, na hoaloha.
He komite hoeueu o ka Aha Mokupuni o Kauai nei, a he lala mau no ia aha, a he haipule no ke Akua, a he luna ekalasia no Ponimoi, Koolau.
Ua kohoia kona waiwaipaa maluna aku o ka umi tausani dala. Ma kona anaina hoolewa ma Ponimoi, ua malamaia e na kahu ekalasia ekolu, ka Rev. R. Puukui, ka Rev. Chas Keahi o Lihue, ame ka Rev. D. K. Kaaeamoku. Na maka hanohano, L.K Apana a Hanalei, ko Kawaihau ame ko Lihue mai, ame na makai nui mai Hanalei ame Kawaiau, na makai o ka apana o Hanalei ame Kawaihau.
Ma ka Uanoe o Koloa, ma ke kakahiaka Poalua, hora 11 a.m., o ka la 29 o Maraki nei, i pauaho mai ai ka hanu hope loa i ka Makua Mr. Wm. Keaumaikai Baele, I keia ola honua ana, a hoi aku la ka uhano me ka Makua Lani, ka mea Nona ia kuleana.
Ma ka huli Kauai Komohana o keia kekahi o na keiki kuonoono a waiwai, he mau kuleana aina me na eka maluna aku pahha o na haneri eia iloko o ka hoolimalima me ka mahiko o Koloa, ame kona mau eka e mahiia nei i ke ko nana ponoi no, na lio, na bipi am@na dala, pehea la ka nui ma ka banako, a ke kahuwaiwai ona, B.N. Kahale puna, aia no he mau aina kona ma Honolulu.
Na keia keiki lalawai o Kauai i haawi lilo loa he niau eka aina makai o Poipu, i kona mau aialo, na hoaloha, na makmaka ame ka poe i pili iaia ma ke koko; ua haawi aku oia ia lakou a lilo loa, i like ole hoi ka ia nei haawi ana me ka ka Moiwahine Lilikuokalani i haawi ai i kona mau aialo, na kahu ame na keiki hanai.
O keia keiki Kauai ua hoomakauka@mua no oia i kona pohaku mahalo, me ke pa'i ana i kona kii ponoi ame kana wahine i hala mua aku ma o, a i hoomakaukau mua no hoi i hona he i palaina puna ia me ka nani malalo o ka hoomakaukau mua ana a kana keiki aloha, a kahu no kona waiwaipaa a waiwailewa, iloko o ka apana o Koloa, B.N. Kahalepuna.
Wahi a ke Kahu Solomon K. Kaulili, ma kana haiolelo ma nehinei, ma ka luakini Hawaii o Koloa, he makua oluolu, haahaa, puuwai hamama, loko maikai ma ka launa kamailio pu ana me ia, he malie a oluolu kana lauana kukakuka ana, a e pau ana paha kana kipa ana ma kona jome nani, ma ka haipule pu ana me ia. Keia makua kekahi o na kakoo ikaika iloko o ka ekalasia o Koloa, a wahi a ke @ahu minamina ka haule ana o kekahi ka naka hanohano, kuoonoono a lalawai ma na ano apau.
Ma ke kapakai o Poipu, ua kuai @oo lilo aku oia i kekahi mau eka a ka puai pili kai, i mau hale auau no ke kahi poe haole kuonoono o Koloa. Ma kaweli, Lihue ame ko Kealia po@.
Ma kona home aekai ma poipa oia kahi i hoomaha ai no kekahi mau pule oiai no nae ka nawaliwali ame kona eha ma ka a i, a ma ka hoi ana ma kona home mauka, e pili pu ana me ka hale pule Katolika, kona home nani, e ulu a e poai puni ia ana e na pua, ma kumu alani, manako, na kumuniu ame huaai 'o kela ame keia ano, a kuu ma la ka hanu i kekino ma ke kakahiaka o ka Poalua i hala aku la.
Maliala pu aku makou ma kona @ua kai hoolewa hope loa a ka luakini a ma kona lua, me ka hoomaikai ana ka himeni, "e pili i ou la au." me ka leo pule i haawiia mai e ka Makua S. K. Kaulili, a uhi ka lepo, a ko iho la ke kanawai paa a ke Akua, E hou ka lepo i ka lepo a no ka mea: @@ laila mai no oe. He la malie a maikai keia la, me kahi oauisni makani kaomi iho ana mai Haupu mai.
Me ka hoomaikai a nui loa i ka Lunahooponopono ame na keiki ha@nohhohua kepau ka mahalo pal-na ole.
Kou haahaa no,
POLI O KA IPO LIA
T O Murato Furniture Store
(Na noho hoolimalima me lako @@ maauei.)
Na Lako Hale Hou me Kahiko.
Hoolimalima me Kani Hoolila
715 Alanui Hema. Honolulu T @@
Kelepona 1693