Ka Nupepa Kuokoa, Volume LIX, Number 15, 15 April 1921 — HE NANE. [ARTICLE]

HE NANE.

He ua anu hoeha Ui ka makani, Ua kipuupua o Waimea, He makani kupuni kapa o ua aina la, £ kuehu ana mamua; Hoomaka 'u i k a huaka'ihele, No Kekaha, no Puako ame Wainanalii, He olauniu ka makani, He pili-a ko Kaniku, He a'e ko Kalaau. He pohu, he eka, he holopoopoo makani o Kona, He Maa-a kualapu ko Kahaluu; iHe pilihala 'ko Kaawaloa, He kehau ko Kapalilua, He puuohooilo ko Kau, He hoolapa ko Kamaia, He kuehulepo ko Naaleho, He uahiapele ko Kilauea, He awa ko Leleiwi, He puulena ko Waiakea, He uluau ko Hilo-pali-ku, He koholalele ko Hamakua, He holopoopoo ko Waipio. E Mr., Lunahooponopono o ka Nupepa Kuo*koa, Aloha a nui:—E oluolu mai hoi oe no 'u kekahi mmi kaawale, i ike mai ai hoi na olohe huli m» pohihihi o keia au naauao e nee nei. He mau kama ka'u ekolu i ka ipo hookahi, penei: Mahele 1. Owau okoa no keia mai luna a ialo, aole wahi hoohewahewa ia Kauanaulu. Papa au npia ka aina nei ,a eia iloko nei o keia mahele ko'u inoa ponoi, aole no nao oukou e i'Ke ana ia'u. Owai la au i ka ipo hookahi? Mahele 2. Owau no keia mai luna a lalo a muli ponoi o kuu kaikuaana, a i pono no kuu kaikuaana ia'u. Papa »u ma ka aina nei, aole no nae oukou e ike ana ia'u. Owai la au i ka ipo hookahi? Mahele 3. Owau .keia kahi muli pokii, ina he aloha kou ia'u, imi ae oe a< loaa au i ka uka waokele, i na kualono e hoekepue ana i ka nani o Aipo. Alāila loaa ke ki uvrila o Uwesanana. lTa ike no oukou ia'u, a i a'u e loaa ai ko oukou makemake, a e ike ana oukou. Owai la auf Ina e huiia keia mau kama i ka ipo hookahi, owai la ka ipo? 0 ka mea e loaa ana ka laina ame na wehewehe ana, e lawe wale oia i ka 'Nupepa Kuokoa, o hooikahi makahiki ame eono mahina. Z. P. KAWAIKAUMAIIKAMAKAOKAOPUA. Napoopoo, Kona, Hawaii.