Ka Nupepa Kuokoa, Volume LIX, Number 16, 22 April 1921 — Page 3
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII
MOOLELO O KA AHAHUI C. E. O NA MOKUPUNI O MAUI, MOLOKAI AME LANAI, KAU O MARAKI, 1921, MA PAIA, MAUI.
Noho ka halawai hana o ka Ahahui C. E. I ka la 10 o Maraki, 1921, hora 1:39 p.m., a pau I ka bora 3 p.m. Hoomakaia na hana me ka himeni 99, L. II. N., me ka pule a ke kakauolelo. Mrs. Annie Mithell, hope peresidena ma ka noho. Hoomaopopoia na lala o ka ahu.
Mrs. Kahaawinui, peresidena, Mrs. I.. Mashado, elele; Mrs. Lum Ho, alakai. John Kokoana, elele; Mrs. Annie Solomon, peresidena; Mrs. Estera Faufaia, elele; MRs. Dora Ah Chau, peresidena, Mrs. Alice Tilton, elele; Mrs. Florence Kaaiakamanu, alakai, Jeremiah Kaaiakamanu; elele; Daniel Kaleialoha, peresidena; Mrs. Louisa Mitchell, elele; Mrs. Mary Kaholokula, alakai; Mrs. Debora Kaholokula, elele; Willie Hoopii, peresidena, John Hanuna, elele; Mrs. A Kaumeheiwa, peresidena; Mrs. Kaonoi Kaina, elele; Mrs. Kikia P. Poepoe, peresidena, Mrs. Ulualoha Keliiaa, elele; Mrs. K. Aliona, elele, Mrs. Nakeleawe, elele; Mrs. Annie Makuakane, elele, Alice Wong, elele; Maria Foo Chau, elele; Mrs. Kaehu Brown, elele, Mrs. Inaina, elele; David K Kahookele, elele; L., A. Kanoe, elele; Mrs. Lilia Kalepa, hope peresidena, Mrs. L. Hiram, elele; W. E. Saffery, elele; Annie Kahiapo, J.W. Kawaakoa, W. K. Saffery, Mrs. Ha ’eha’e Kukahiko.
Na kahunapule me na haiolelo, Rev. J. P. Inaina, H. P. Judd, Erdman, J. P. Welch, J. K. Kahoopii, J. k. Kalohelani J.L. Davies, J. S. Poepoe, L. B. Kaumeheiwa, M. P. Waiwaiole, R. J. K. Nawahine, E. M. Kepoo, J. L.. Paufata, J. D. Kealoha, J. Kukahiko, D. K. Wailehua, S. K. Kaailua, D. W. Napihaa, F. E. Pleasant, A. C. Bowdish, J. H. Brown, H. H. Kelsey, Jos. Mitchell, Ane Mitchell.
He noi na L. A. Kanae, e lilo na hoa o ke Kula Sabati i mau hoakuka no keia aha; kokuaia a hooholo loa ia.
He noi na R. J. K. Nawahine e apo no loa ana i na hookohu peresidena apana amen a hookohu elele; kokuaia a hooholoia.
Kohoia na komite like ole. Komite o na hoike elele Sr. ame Jr., I. D. Kealoha, D. K. Wailehua, Mrs. Kahaawinui.
Komite o na hoike papahelu, L. A. Kanae, J. F. Welch, John Kokoana.
Komite o na hana hou, R. J. K. Nawahine, S.K. Kaailua, J. M. Uahinui.
Komite pa’i, Moses M. Kahiapo.
Komite o na hoike komite hoeueu me kiai, J. W. Kawaakoa, Mrs. D. Kaholokula, D. W. Napihaa.
Komite hoalohaloha, J. P. Inaina, J. Kukahiko, J. Mitchell.
Komite hoike a ka puuku me kakauolelo, W. E. Saffery me Mrs. Langse.
Na R. J. K. Nawahine he noi no ka noonoo I ka papa kuhikuhi hana. Ma ka noonoia ana ua pono loa ia. Na komite i kohoia, R. J. K. Nawahine. J. M. Uahinui, M. M. Kahiapo.
Hapaiia ka heluhelu ana in a hoike papahelu Sr. ame Jr.
Na Mrs. Mary Kaholokula i hoike papahelu o Kalanikahua Hou Jr. me $1. Na Dora Ah Chau, hoike papa helu o Paihiihi me $1; na Mrs. Kahaawinui i ko Paia, Ltd.; na Mrs. Lum Ho i ko Paia Jr. Ltd., na Mrs. Solomon i ko Haliimaile me $1; na Mrs Florence Kaaiakamanu i ko Paihiihi Jr. me $1; na Daniel Kaleialoha i ko Kalanikahuahou me $1.
Hapaiia ka heluhelu ana i na hoike papahelu Sr. ame Jr. Na L. A. Kanae, hoike elele o Kaupo me $2; na D. K. Kahookole I ko Nahiku me $2; na Mrs. Inaina I ko Huelo mep $2; na Mrs. Debora Kaholokula i ko Kalanikahuahou Jr. me $1; na Mrs. Alica Tilton i ka Pahiihi me $2; na Jeremiah Kaaia kamanu i ko Paihiihi me $1; na John Kokoana i ko Paia Jr. Ltd.; na Mrs. Esta Faufata i ko Haliimaile me $2; na Mrs. Annie Makuakan I ko Puunene Camp 5 me $2; na Jno. Hanuana i ko Kahului me $2; na Mrs. Kaehu Brown i ko Kihei me $2.
Na R. J. K. Nawahine he noi e kapaeia na rula, oiai ua makaukau ka hoike hapa a ke komite; kokuaia a aponoia.
Kunuhana 1, lulu niau i ka wa halawai haipule; 2, hoike hui o na C. E. i ka Aha Paeaina; 4, ka waihona kamu o na C. E. Teritore; 5, waihona malama ola o na C. E. o ka Paeaina ma Hilo; 6, koho ana I na lunanui a me na komite o keia aha; 7, hoike a ka pauku me kakauolelo; 8, kahi ame ka Manawa e noho ai keia aha.
He olelo hooholo na L. A. Kanae, he mea pono e ukuia ke kakauolelo o keia oha i $7 no kona mau lilo, heluheluia a aponoia.
Hapaiia ke kumuhana 1, no ka lulu ?, loaa luul, $5. Hapaiia ka hoike a ke komite no na mea e pili ana i ka papa kuhikuhi o keia aha; heluheluia a aponoia.
Hapaiia ke koena o na hoike elele C. F. ame Jr. Na J. M. Brown i ka hoike elele C. E. o Puunene Camp 1 me $2; na Mrs. Nakeleawe i ko Kalaiakamanu me $2; na Mrs. K. Kaina i ko Kaahumanu me $2, na Mrs. Ulualoha Keliiaa i ko Keawala’i me $2; na Mrs. Lilian Hirami i ko Wainee me $2; na W. E. Saffery i ko Kaanapali me $2; na Mrs. L. F. Mitchel i ko Kalanikahuahou me $2.
Hapaiia ka noonoo ana I na kumuhana 2, hooholo keia aha e malamaia ka hoike o na C. E. ma Hilo; 4, Moses M. Kahiapo, kakauleta o keia aha ame kona lilo kaahele; 4, hooholo lokahiia e maheleheleia na koena dala i koe iloko o na C. E. apau o keia ahu, no ka hookaa ana aku; apono loa ia.
He olelo hooholo na L. A. Kanae, o na loaa apau o keia aha, e holo aku no ia i ka waihona o keia ekalesia; ke lawe mua ia ae kona mau lilo, heluhelu ia a apono loa ia.
Hapaiia ka heluhelu ana I na hoike komite kiai me hoeueu. Na Mrs. Annie Kahiapo, hoike komite hoeueu o Makawao Akau; na Mrs. Ha’eha’e Kuahiko i ko Makawao Hema; na J. W. Kawaakoa i ko Maui Hikina, a na W. K. Saffery i ko Maui Komohana.
Hapaiia ke kumuhana 5. Hooholoia e hoouna aku kela ame keia C. E. i ka malama ola ia S. L. Desha, Hilo, Hawaii.
Hookunia keia halawai a noho hou mai me ka himeni 41, L. H., me ka pule a John Kukahiko.
La Hana 2, Maraki 11, 1921.
Noho hou keia aha i ka auwina Poalima, hora 3:30 p. m., a pau i ka hora 5 p. m., L. B. Kaumeheiwa, peresidena, Moses Kahiapo, kakauolelo.
Hoomakaia na hana me ka himeni 171, L. H., me ka pule a ke kakauolelo. Hapaiia ka heluhelu ana i na hoike i koe o na papahelu ame elele. Na Willie Hoopii, hoike papahelu o Kahului, me $1; na ke kakauolelo i ko Puunene Camp 1 me $1; na Mrs. Annie Kaumeheiwa i ko Kaahaumanu me $1; na ke kakauolelo i ka hoike papahelu o Wainee me $1; na ke kakauolelo i ko Koawala 'i me $1; na ke kakauolelo i ka hoike papahelu o Kihei me $1; na ke kakauolelo i ka hoike elele C. E. o Keanae me $1. He noi na R. J. K. Nawahine e hoopanee keia aha a noho mai i ka Poakahi, Mar. 11, 1921, hooholo loa ia.
Hookuu me ka himeni 19, L. H., me ka pule a ka peresidena.
La Hana 3, Poakahi Mar. 14.
Noho hou keia aha i ka auwina la Poakahim hora 2:30 p. m., a i ka hora 3:30 p. m., peresidena ma ka noho ame ke kakauolelo. Hoomakaia na hana me ka himeni 122, H. A. N., me ka pule a ka peresidena.
Hapaiia ka hoike a na komite like ole. Na L. A. Kanae i ka hoike komite o na hoike papahelu, ua hoike mai ke kmoite i na ahahui holomua, na ahahui ku malie, ame na olelo a'o pu i na peresidena ame na elele; heluhelu ia keia hoike a aponoia.
Na I.H. Kealoha i ka hoike komite o na hoike elele C.E. Sr. ame Jr., nona ka huina o 22 hoike; ua hoike mai ke komite i na Ahahui C.F. holomua loa, na olelo a'o i na elele, ma ka heluhelu ia ana; ua apouo loa ia.
Na J. W. Kawaakoa i ka hoike komite o na hoike komite kiai me hoeueu, mona ka huina o 24 hoike i loaa mai; heluheluia a apono loa ia.
Na W.E. Saffery i ka hoike komite no na mea e pili ana i ka hoike a ka puuku me ke kakuolelo i heluheluia a apono loa ia.
Hoolaha mai ka peresidena i ka huina dala o $400 e maheleheleia iloko o na mahele elima, penei: Maui Hikina, $50; Makawao Akau, $100; Makawao Hema, $25; Maui Waena, $100; Maui Komohana, $50; Molokai, $75. Kokua a hooholo loa ia.
Ka mahele i hookaa mai, o ia no o Makawao Hema, $25; na hoapaahana i uku mai i ka lakou mau kohokoho o ka waihona nui o na C.E. Mrs. Mashado, $12.50; Mrs. Inaina, $6; D.W. Napihaa, $5; Paia C.E. Jr., $12.50; Paia C.E. Sr., $12.50; Haliimaile C.E. Sr., $12,50; Paihiihi C.E. Sr., $12.50; Paihiihi C.E. Jr., $12.50.
Hapaiia ke kumuhana 6, no ke koho ana i na lunanui o keia aha. Hooholo ka hele o na inoa mua no na lunanui o keia makahiki, me ka hookomo iho o ke kakauolelo i hookahi balota pakahi. L.B. Kaumeheiwa, peresidena; Mrs. Annie Mitchell, hope; Moses M. Kahiapo, kakauolelo; Mrs. Annie Kaumeheiwa, puuku; J. Mitchell, hoakuka.
Hapaiia ke koho ana i na komite kiai me hoeueu. Makawao Akau, Mrs. Annie Kahiapo, komite hoeueu, Mrs. L. Mashado komite kiai, Maui Hikina, D.K. Wailehua, komite hoeueu, S.K. Kaailua, komite kiai; Makawao Hema, Mrs. Ha'eha'e Kukahiko, komite hoeueu, Mrs. E.N. Pake, komite kiai; Maui Waena, Mrs. Makuakane, komite hoeueu, Mrs. K. Kaiua, komite kiai Maui Komohana, Mrs. W.K. Saffery, komite hoeueu, Mrs. Kalepa, komite kiai; Molokai, Mrs. Aliona, komite hoeueu, Mrs. Nakeleawe, komite kiai.
Koho ka aha ia R.J.K Nawahine i komite, hoomaikai aku i ka Ekalesia o Paia, ma o ka Ahahui C.E. la o Maui, Molokai ame Lanai, a e heluheluia keia olelo hoomaikai imua o ka Ekalesia o Paia, hooholoia a aponoia.
Huina nui o na loaa o keia aha he $160. He olelo hoolaha mai ka peresidena mai, ma kahi o ka Aha Makua e noho ai, malaila keia aha.
He mau manao paipai mai ke kahu mai o ka Ekalesia o Paia, e hoomaikai ana i ko ke Akua aloha, a pela pu no hoi me na lala apau i hiki mai i ka aha, e nana mau aku nomua ka lanakila, a hui hoi kakou iloko o ka nani o Iesu ka Haku.
Ke kii keia o ke kaa kalakanana i halihali i na hoa o ka Ahaolelo mai Kalaupapa aku no Kalawao, ma ka huakai a na komite ola i ke kahua ma'i.
KA HUAKA'I A NA KOMITE OLA O NA HALE KAUKANAWAI NO KALAUPAPA.
(Kakauia e J.K. Mokumaia)
(Hoomauia mai.)
Oiai ua kau iho maluna o makou na ko'iko'i o ka noonoo ana i ka mea pono e hana ai, a i ko'u manao ana, ua oi aku ka pono, o ia hoi e hookaawaleia i mau aina aupuni no ka hoi ana aku a hana i na mea e pono ai keia noho ana.
Nui ka pa'ipa'i a kukula hou mai no ua mea hanohano nei ia manao hookahi no, o ia hoi, e loaa na hooponopono maikai ana i lilo i mea e keia mai ai u malama maikaiia oukou, ka poe i loaa i ka nawaliwali; pa'ipa'i hou ia, ma ka manao o kou meakakau aia ka manao nui o ka mea hanohano maluna o ka bila hoopulapula ke lilo mai i kanawai, oiai ua nui kona kalele ana maluna o ka mea ana i kukulu mai ai, o ia hoi e hookaawale i aina no na ma'i, me ka makaukau piha.
Mai ka hoomaka ana o na haiolelo, o ka haiolelo oi aku, keia o ka maikai, ina e hana ana ua mea hanohano nei ame ua hoa hanohano i hiki ai maluna o ka lepo, o Kalaupapa ame Kalawao, i hana mai ai i na mea maikai e pono ai na komite ame na malihini.
Ua nui ka pa'ipa'iia ame ka mahalo mai o na ma'i ia manawa ka lunahoomalu i hoolauna mai ai ia Senatoa Kauka, a mamua o kona haiolelo ana aku, i kani ae ai kela lede leo le'a i kela himeni paanaau:
Eia ko puni kauoha,
O ka hana a ka makemake.
Nana aku oi i ua mau iwa nei, he ko'uko'u mai hoi kau, i ka hoi ana iho la ilalo, a loaa ae la keia mau kanaenae ana:
Kaluapapa makani kolokololio,
Makani houhou ili,
@nisi, inisi malie;
Kalawao makani wiliahiu,
Makani kuehu holoku,
@nisi, inisi malie.
Ku mai la ua mea hanohano nei me na olelo hoolauna iaia iho, alaila lawe mai la oia i kekahi mau olelo hoomakeaka e pili ana no ke kanawai lole auau a Senatoa Kiwini, in a o ko makou hele ana mai nei e auaukai ana oukou, in a penei e hanaia i kanawai lole auau no oukou, hu ae la ka aka a kukulu mai la oia i na mea no a kona mau mua i kamailio ai, a hoopili mai la oia i keia mau olelo, o ia hoi, aole loa e loaa kekahi mea i makemakeia ai, ke ole oukou e kokua pu mai ma ka hooikaika pu ana, no ka pono o ka poe i loaa i keia ma'i weliweli nui; ua nui ka pa'ipa'iia.
Oiai e kani mau ana no ka pila i hoolaunaia mai ai ka makua peresidena o ka papa ola; mamua o kona ku ana mai i kani mai ai na pila mai na hui mai o Kalaupapa, me ke ohohia nui ia; oiai ua mau iwa nei e kuupau ana i ka nani o ko lakou mau kileo ua nui ka pa'ipa'iia, ia manawa ua makua nei i haawi ae ai i kana mau hoomaikai i ka lunahoomalu ame na lala o ke komite ame ke anaina e noho mai ana; aole no ana mea nui e kamailio mai a@ aka ua nui kona kaailio ana maluna o na ma'i i hookuuia ai mai ka halema'i mai o Kalihi-kai, e wehewehe mai ana oia i kona manaoio, e loaa aku ana no ia ano haawina hookahi ma Kalaupapa ame Kalawao nei, in a e imiia me ka ikaika, a he manao kona iloko o eono mahine e hemo ana he mau ma'i; a o kekahi no hoi e hoonuiia aku na mea e pono ai oukou, a e hana like kakou i na mea e pono ai.
Oiai eia imua o kakou i keia la na komite e ike lakou no lakou iho i ko kakou makemake, a e hooko mai hoi lakou elike me ka lakou i manao ai.
I ka hoopau ana i ko'u manao, e lawe aku i ka'u mau hoomaikai ia oukou, i ko oukou hookipa ana ia makou. Ua nui ka pa'ipa'iia a oiai o ka haiolelo hope ia, aia mau no ke kani la ka pila, a i ka hoomaha ana i ku mai ai ka Lunahoomalu Kiwiai a kamailio mai la elike no hoi me kona ano mau oiai oia e ha'i mai ana i na mea e pono ai a he nui aku na mea momona mai iaia mai.
He mau mea maikai wale no no ka pono o na home, a hoopili ae la oia i na mea a ka peresidena o ke sonate, o ia hoi i mau aina no na ma'i, ua nui kona hauoli no ia kumuhana, alaila olelo ae la oia, ina no ka holopono o neia kanawai hoopulapula, in a ua pono loa o ia hoi, ua loaa ka bila haawina dala e hoomaka ai no ka hookuono ana, a he nui aku na mea maikai a hookuu no hoi na hana o ia la me ka ulumahiehie o na mea apau am ka himeni ana "Hawaii Ponoi" ame ka himeni lahui Amerika, ame ka hipahipa huro ana ekolu manawa no na komite.
Ua hoi ma la na mea apau no kahi awapae, aia na waapa ua makauku, oiai au e kakali ana me ia mau hoaloha o ia aina o ka ehaeha i noho ai, ua nui na mea i kamailioia ai, a oiai ua pakika loa keia nee ana imua, e pono i ka meakakau e hoihoi pono ae i na mea a'u i hele aku ai i na home i kaulana ai.
(Aole i pau).
He mau olelo paipai pokole mai ka peresidena, e hooikaika e nee imua.
Hookuu keia aha ma ka himeni ao ao 184, L.H., me ka pule a ke kakauoleo.
MOSES M. KAHIAPO,
Kakauolelo Ahahui C.E., Mokupuni o Maui, Molokai ame Lanai.
MOOLELO O KA AHAHUI KULA SABTI O MAUI, MOLOKAI AME LANAI, KAU O MARAKI, 1921, MA PALA, MAUI
Noho ka halawai hana o ka Ahahui Kula Sabati, hora 10:30 a.m., a pau i ka hora 12 m.
Hoomakaia na hana ma ka himeni L.H. 152 ame ka pule a Jos. F. Welch.
M. P. Waiwaiole, hope president, ma ka noho; hoomaopopoia na lala o keia aha.
Mrs. Daisy Kalaaupa, K. K. S. Apana, Mrs. Rose Milikaa, elele; Mrs. Kalua Mills, K. K. S. Apana, Mrs. Lily E. M. Kepoo, elele; Mrs. Alice Tilton, hope K. K. S. Apana, Mrs. Mileka Langsee, elele; Mrs. Sarah Kaholokula, K. K. S. APana, J. K. Paleka, elele; Joe Puu, K. K. S. Apana, Mrs. J. P. Inaina, elele; John Kahookele, elele; D. K. Wailehua, K. K. S. A., L. A. Kanae, K. K. S. A.; Mrs. Ulualoha Keliiaa, K. K. S. A., Mrs. Pine Poepoe, elele; Mrs. E. N. Pake, K. K. S. A., Miss Maria Foo Sung, elele; Mr. J. Brown, elele; F. Kahoopii, K. K. S. A., J. M. Hanuna, elele, MRs. M. P. Waiwaiole, elele; R. J. K. Nawahine, elele, Mrs. K. Brown, elele; Mrs. Laikeaoloha, elele; Mrs. W. Saffery, elele; Mrs. Kiha Aliong, elele, Mrs. J. P. Nakeleawe, elele.
Kahu Kula Sabati Nui - Mrs. Annie Mitchell, J. W. Kawaakoa, Miss Ha'eha'e Kukahiko, R. J. K. Nawahine, Wm. Saffery, J. N. Uahinui; komite hoeneu, Mrs. Helen Haleanu, Mrs. E. N. Pake
Na Kahu - Moses M. Kahiapo, J. P. Inaina, J. S. Poepoe, J. K. Kahoopii, S. K. Kaailua, J. P. Kalohelani, L. B. Kaumeheiwa, J. L. Kaalouahi, E. E. Pleasant, W. C. Cryder, G. A. Lake, W. A. Gate, A. C. Bowdish, G. H. Decoy, K. C. Kondo, S. Nagamoto, Jas. Davis, P. Royola, I. Ikui. Na Haiolelo - J. F. Welch, I. H. Kealoha, J. Kukahiko, Jas. N. L. Faufata, Mrs. J. P. Inaina, J. M. Mitchell ame Ed. M. Kepoo. Lala Papa Hawaii - J. P. erdman, H. P. Judd ame Miss Hill.
Ma ke noi a R. J. K Nawahine ia Dr. J. H. Brown ame Dr. H. H. Kelsey i mau lala hanohano i keia aha, kokuaia e H. P. Judd, a ua aponoia.
Hookipa ka Ekalesia o Paia ma o kona kahu la, Rev. M. M. Kahiapo i ka aha, pane ka aha ma o ka hope peresidena, M. P. Waiwaiole.
Na ka hope peresidena i ka inoa o na komite like ole. Komite o na hoike elele, J. P. Inaina, J. W. Kawaakoa ame J. N. Uahinui. Komite o na hoike papahelu a na K. K. S. Apana, M. M. Kahiapo, I. H. Kealoha, J. F. Welch. Komite o na hoike a na K. K. S. Nui, L. A. Kanae, J. Kukahiko, Joe Mitchell. Komite o na palapala hoopii ame hana hou, R. J. K. Nawahine, L. K. Wailehua, Joe Welch. Komite pa'i, M. P. Waiwaiole ame ke kakauolelo.
Na R. J. K. Nawahine he noi e kapaeia na rula, ua aponoia. Nana no e laweia a e noonoo a e hooponopono hou i ka papa kuhikuhi hana o keia kau mamuli o na kumu, ua aponoia.
Na J. P. Inaina he noi e waihoia keia kumuhana iloko o ka lima o kekahi komite wae, ua apono loa ia. Na ka Hope Peresidena Waiwaiole i ka inoa o na komite wae, R. J. K. Nawahine, M. M. Kahiapo ame J. N. Uahinui.
Hapaiia ka hoike a na K. K. S. Nui, na J. W. Kawaakoa i ko Maui Hikina, na Mrs. Annie Mitchell i ko Makawao Akau, na Miss Haehae Kukahiko i ko Makawao Hema, na R. J. K. Nawahine i ko Maui Waena.
Hapaiia ka hoike a na K. K. S. A. Na L. A. Kanae i ko Kaupo me $1; na D. K. Wailehua i koa Wananalua me $1; na ke kakauolelo i ko Nahiku me $1; na Mrs. Sarah Kaholokula i ko Kalanikahuahou me $1; na Mrs. Daisy Kalaaupa i ko Paia me $1; na Mrs. Kalua Mills i ko Haliimaile m3 $1; na Mrs. Ulualoha Keliiaa i ko Keawala'i me $1.
Na R. J. K Nawahine, he noi e kapaeia na rula, ua aponoia. Nana no i waiho mai i ka hoike hapa a ke komite wae o ka papa kuhikuhi hana o keia kau; ua apono loa ia.
Hoi hou ka hale ma na hana maamau. Hapaiia ka hoike a na K. K. S. Nui. Na j. N. Uahinui i ko Molokai. Hapaiia ka hoike a na elele K. S. A. Na ke kakauolelo i ko Kaupo me $2; na ke kakauolelo i ko Wananalua me $2; na J. Kahookele i ko Nahiku me $2; na ke kakauolelo i ko Keanae me $2; na Mrs. J. P. Inaina i ko Huelo me $2; na J. K. Paleka i ko Kalanikahuahou me $2; na Mrs. Mileka Langse i ko Paihiihi me $2; na Rose Milikaa i ko Paia me $2; na Mrs. Lily Edward M. Kepoo i ko Haliimaile me $2; na Mrs. Pine Poepoe i ko Keawala'i me $2; na Mrs. Kaehu Brown i ko Waikapu me $2; na Mrs. Makuakane i ko Puunene No. 5 me $2; na John M. Hanuna i ko Kahului me $2.
Hapaiia ka hana lulu dala, ka loaa he $3.70. Hoopanee ka halawai me ka himeni Leo Hoonani, aoao 28, ame ka pule a Rev. Moses M. Kahiapo, a noho hou ma ka hora 2 p.m.
Noho hou ka halawai i ka hora 2 p. m. M. P. Waiwaiole, hope peresidena ma ka noho ame ke kakauolelo. Hapaiia ka hoike a na elele K. S. A.
Na Mrs. M. P. Waiwaiole i ko Kaahumanu me $2; na Mrs. R. J. K. Nawahine i ko Waihee me $2; na Mrs. Kiha Aliong i ko Kaluaaha me $2; na Mrs. J. P. Nakeleawe i ko Kala'iakamanu me $2; na J. M. Brown i ko Puunene Camp 1 me $2.
Hapaiia ka hoike a na K. K. S. A. Na Frank Kahoopii i ko Kahului me $1; na ke kakauolelo i ko Keanae me $1; na Joe Puu i ko Huelo me $1; a hoopanee ka halawai me ka himeni, Leo Hoonani, aoao 132, ame ka pule hookuu mai ia Rev. M. M. Kahiapo mai.
(Aole i pau.)
E WEHEIA ANA KEKAHI MAU APANA AINA KUKULU HALE
Elua mau apana aina nui o ka Waiai o Bihopa e weheia mai ana im au apana aina kukulu hale ma keia mua koke iho, i hakalia wale no i ka maopopo ae o na laina no na alanui o moe ana mawaena aku o ia mau apana, elike me ka na luna o ka Waowao o Bihopa o ka hoike ana ae ma ka Poakahi nei.
Ke pau na laina alanui i ke a@aia, o ka hoomaka koke mai no ia o ke kukulu ana i na pine no na apana no ke kuai ana aku. O ke kumu kali wale no o na lunanui o ia waiwai no ka pau ole o ke ana ana a ka enekinia i na laina no na alanui, he hana hoonui hana a hoololiloli hou wale no ka mahelehele mua ana in a apana mamua o ka pau ole o na laina alanui'i ke anaia. O na apana aina e komo ana ma keia maheleheleia ana a kuai aku aia ma Kapalama ame Kauluwela, a ua manaoia in a no ka pau i ke anaia e loaa ana he mau haneri apana kukulu halenoho.
MAKEMAKEIA KO MOANALUA POE E AKOAKOA AE
Ma ka hora elua o ka auwina la o keia Sabati iho, Aperila 24, maloko o ka halekula aupuni o Moanalua, e malamaia ae ana he halawai e ko Moanalua poe, no ka noonoo ana i na mea e pili ana i ka pono o ka pa ilina o lu'uomao, kahi e waiho nei na iwi o ka poe i hala ma kela aoao o ka honua.
E noho hoomalu ia ana kela halawai e Mr. J. K. Mokumaia, a o ka poe apau i kuleana i kela pa ilina, a he mau iwi ka lakou e waiho nei malaila, o lakou ka i makemakeia e hoea ae ma kela halawai, no ka noonoo ana i kekahi mau ninau ano nui, i pili aku i ka pono o ka pa ilina i oleloia ae la.
HOIKE KA AHAHUI MALAMA OLA I KANA HANA.
O ka huaolelo kiai mau a ka Ahahui Malama Ola ame ka Buro o ka Hana hoolauna oia ka hoonui ana ae i ka maikai o na hale, ka maikai o na meaai, na aahu, ka malama ana i ke ola kino ame ka hooikaika ana ae i ka manaolana no ka hoopulapula ana. Ma na hiohiona e ikeia ana malalo nei ke hoomau mai nei ia ahahui i kana hana manawalea mawaena o ka poe popilikia.
Maloko o ka hoike i hoopukaia ae o ka huina nui o na ohana i loaa aku na kokua mai ka ahahui aku i ka makahiki 1920 he 518, i ka 1919 aku he 470. Mailoko ae o keia huina 166 he poe palupalu, he poe i ola iloko o ko lakou mau la ikaika me ka hauoli a i lilo hoi i poe waiwai ma ka lakou mau hana no ka lehulehu, a i nei manawa ua pau mai ka ikaika, a ia poe i haawi mauia aku ai na kokua me ka lawa pono o ko lakou ola ana ma na mea apau.
"He 88 mau wahine kauemako me ka lakou mau keiki opiopio, he 49 mau ohana i hooneleia ka noho ana mamuli o ka hiki ole i ka lakou mau kane ka malama kupono ia lakou, a he @@ poe e ae i halawai me na popilikia like ole i loaa aku na kokua mai ka ahahui aku.
"Ua haawiia aku na kokua ma na laau lapaau kupono i kekahi mau ohana he 259 ka nui, ua kokuaia aku kekahi poe i hoopoinoia ma ke kanawai he 55 mau hihia ka nui, he 27 poe i hoihoiia aku i na hale malama ola mawaho ae o na halema'i, he 23 poe i kokuaia aku ka halihali ana ia lakou ame ko lakou mau ukana ma kekahi mau wahi like ole no ka hana, " wahi a ka hoike.
O keia malalo nei kekahi mau hana i hanaia e keia ahahui a i ikeia ka holomua:
1. Ka hana ame ka weheia ana o kekahi home no na Pake hapauea a palupalu na Palolo ma ka la 1 o Novemaba i hala, ua hooikaikaia ka hana mawaena o na Pake ma o ka hoonohoia ana aku o Mrs. E. Goo no ka hana wale no mawaena o ia lahui.
2. Ka hoonohoia ana aku o kekahi paahana e huli pono mawaena o na, keiki kula i lawa ole ka hanaiia ana. he 66 mau makuahine ame ka lakou mau keiki i a 'oia i ke ano o na meaai maikai e hanaiia ai ke kino, a iloko nae o ia huina nui ae la he heluna uuku loa ka i ikeia ka holopono o ko lakou mau oia kino.
3. Ua lawe ae ka Papa C. W. o Oahu i ka hana o ka malama ana aku he 55 mau ohana o na wahine kanemake ilihune a i haaleleia e ka lakou mau kane, a ke hoomau mai nei no ia ahahui malama ola i ke a'o ana ma na hana e pihi ana maloko o na home.
I kulike me ka mea i ikeia maloko o ka hoike o na loaa apau i ka makahiki ua hiki aku ka huina i ka $26, 742.90, a o na hoolilo he $24,653.10.
PEHEA E HIKI AI IA OE KE PALE AKU I KE KOMOM ANA O KE KO'E I KOU OPU?
Nui wale na rula e pale aku ai i ke ko'e lipine, pine, pipi, puaa a ko'e poepoe paha, i lilo i mea hoopilikia aku i na kane, na wahine, a o ka oi loa aku i na kamalii.
Rula Ekahi: hoomoa pono i ka puaa a pipi paha.
Rula Elua: Mai ai i na i'o holoholo na maikai ole.
Rula Ekolu: Mai ae aku i na ilio e palu i ko helehelena me na lima. Mai pa'ipa'i i na ilio a holoi paha i kou mau lima mahop koke mai.
Rula Eha: Mai hoopa i kau mau meaai aia wale no a maemae kou mau lima.
Rula Elima: Mai inu i ke kiaha o ha'i.
Nui wale na kane, na wahine ame na kamalii i lapaauia no na ma'i e ae me ka holopono ole, oiai nae o ke kumu maoli o ko lakou pilikia no ke ko'e lipine, puaa, pipi, pine ame ko'e poepoe mai no ia. O na hoailona maopopo lua, o ia no ka hemo ana o na @@@ liilii. O na hoailona e makaala ai, ka ono ole o ka i, me ka alunu i kekahi manawa, ke alelo keokeo, ka wela o ka umauma, ka hu'i iloko o ka opu, ka naluea iloko o ka opu ame ka naau, ka puupuua o ka puu, ke kuhakuha mau, ke kihekihe o ka ihu, ka wali ole o ka ai, ka hu'i ma ke kua ame na lala, ke poniuniu, ka nalulu, ka puapauaho, ka maulleule ke hakahaka ka opu, ka ike i na pohaka eleele mamua o na maka. Ua ikeia ke auhee ana o ka pilikia o kekahi poe, mamull o ka hemo ana o ke ko'e. Lehulehu na manawa i lilo ai ke ko'e lipune nolaila mai ke kumu o ka mauleule, ke op@lepule, ame kekahi mau ano ma'i e ae, i hoomaopopoia, no ka loaa i ke ko'e lipine iloko o ka opu. Aole he kumu iki no ka poe i loaa ke ko'e, e noho auew ai iloko o ko lakou ola ana. He mea pono e kipaku koko aku lakou i ke ko'e, ma ka lawe ana i ka Laxatodes, ka laau hua kaulana. E hoomanao, mahope iho o ka lawe ana i ka Laxatodes, he mea pono e makala loa ia, no ka oili mai o ke poo o ke ko'e, in a aole pela, e ulu hou ana no ke kino o ke ko e holookoa. Ke kuaiia nei ka Laxatodes e ka Marvel Med. Co. ka poc hoolaha i na Huaale Ti Bulgaria kaulana no ka Lepopaa. "Dept." M-5 B-963, a e hoounaia aku no ke loaa mai ke dala maoli, umi dala me kanaha-kumamawalu keneka, hapalua lapahu ana eono dala me kanahiku-kuma-malima keneka.
HOOLAHA KUAI O KA HOOLIMALIMA AUPUNI.
Ma ka hora 1:30 p. m., Poakolu, Mei 25, 1921, ma ke keena o ka Hope Akena, Mr. G. W. Sahr, Lihue, Kauai, malaila e kuai hooloia aku ai me ke kudala akea i ka mea koho kickie loa, malalo o ka Pauku 380 o na Kanawai Hooponopono Hou ia o Hawaii, 1915, ka hoolimalima laula o ka aina Aupuni i hoakakaia malalo ilio nei:
Ka Aina Kanu Laiki ma Hanalei, Haalelea, Kauai, nona ka iliaina o 31.50 Eka, oi aku a emi mai pahal manawa o ka hoolimalima, 15 makahiki mai Mei 25, 1921 aku; uku hoolimalima haahaa, $150 o ka makahiki, e uku hapa makaiki mua ia.
E uku ka mea e lilo ai i ka uku hoolimalima o na mahina mua eono, ma ka haule ana o ka hamare.
E uku ka mea e lilo ai i na lilo o ka hoolaha ana ame kekahi mau kaki e ae e pili ana no ka hoomakaukau ana i keia hoolimalima.
E kaa aku no ke kuai i ka hoolimalima maluna ae malalo o ka Hoolimalima Aupuni Laula i hoopukaia e ke keena o ke Komisina o na Aina Aupuni.
No na kii palapala aina, ke ano o ka hoolimalima laula, ame na hoakaka aku i koe, e noi ae make keena o ka Hope 'Akena, Mr. G. W. Sahr, Lihue, Kauai, a i ole ma ke keena o ke Komisina o na Aina Aupuni, Hale Kapitala, Honolulu, T. H.
C. T. BAILEY,
Komisina o na Aina Aupuni. Hanaia ma Honolulu, Aperila 19, 1921. 6448 - Apr. 22, 29.
HOOLAHA I KA POE LAWE WAI PAAMAU.
O na hora kikiwai ka hora 6 a. m. a 8 a. m.) o kela me keia 4 p. m. a 6 p. m.) la.
O ke ku-eia o ka rula maluna ae a lilo no ia i kumu e nele ai i ka wai me ka hoolaha hou ole ia aku, a aole e hoolako hou ia ahiki i ka uku ana mai i ke kaki mau o $5.00.
W. A. Wall
Lunanui Lauha, Keena Oihana Wai me Sua. 6448 - Apr. 23/30; Mei 6, 13.
HOAHU I KAU DALA
He hana maalahi loa keia ke kuai oe i kou mau lole ma ke kumukuai a ka Model.
NA PAALOLE $16.50 a $47.50
NA KUKA HOLOHOLO $17.50 a $22.50
NA LOLEWAWAE HULUHULU $12.50 a $17.50
He moohelu aie no ka makou.
The Model Clothiers
"Ka Halekuai Hoemi Hoolilo." 1139 - ALANUI PAPU - 1141 Hamama ma na Poaono a 6 P. M.
MA KE KAUOHA.
KUAHAUA KOHO BALOTA WAE MOHO.
Owau o H. D. Wishard, Lunahoomalu o ka Papa Lunakiai o ke Kulana o Kauai, Teritore o Hawaii nei, mamuli o ka mana i loaa ia'u ma ke kanawai, ma keia ke hoolaha a ke kuahaua aku nei au e malamala ana he KOHO BALOTAno ka wae ana ae ame ke koho ana aku i na moho no na Oihana Aupuni Kalana maloko o ke Kalana o Kauai, Teritore o Hawaii nei, elike me keia:
HOOKAHI LUNAMAKAI NUI
HOOKAHI KAKAUOLELO
HOOKAHI LUNAHOOIA
HOOKAHI PUUKU
HOOKAHI LOIO KALANA
HOOKAHI LUNAKIAI NO WAIMEA
HOOKAHI LUNAKIAI NO KOLOA
HOOKAHI LUNAKIAI NO LIHUE
HOOKAHI LUNAKIAI NO KAWAIHAU
HOOKAHI LUNAKIAI NO HANALEI
ma ka Poaono. Mei 21, 1921, maloko o ke Kalana holookoa o Kauai nei ma hora mawaena o ka hore 8 kekahiaka ame ka hora 5 ahiahi.
O na mahele koho ame na wahi o koho balota ai i amanaia a o amanaia ana paha ma na kanawai o ke Teritore o Hawaii nei no ke koho balota ana i na Lunamakaainana maloko o ka Apana Koho Balota Eono, oia no hoi ke Kalana o Kauai nei, oia no na mahele koho ame na wahi e @oho balota ai no ka wae ana i na moho ame ke koho ana i ka Luna Oihana no ke Kulana o Kauai nei.
Ke kahea nei au i ka poe mana koho balota apau o ke Kalana o Kauai mei i hoopaa ia lakou iho i poe koho balota elike me ke kanawai, e akoakoa ae no ka manao i haiia malune ae ma na wahi a ma kamanawa i oleloia.
I HOIKE NO KA OIAIO O KEIA
ke kau nei au malalo ae nei o
keia i ko'u lima me ka hoo-
(Sila) pli pu ana mai i ke Sila o ke
Kalana o Kauai, Teritore o
Hawaii nei.
Hanaia ma ke Kahua Hale Poo Oihana Aupuni ma Lihue i keia la 4 o Aperila, M. H. 1921.
H. D. WISHARD
Lunahoomalu, Papa Lunakiai, Kalana o Kauai.
Ikea:
J. MAHIAI KANEAKUA,
Kakauolelo, Kalana o Kauai.
Keena o ke Kakauolelo
Kalana o Kauai.
Owau, o J. Mahiai Kaneakua, Kakauolelo o ke Kalana o Kauai nei, ma keia ke hooia nei au ua loaa pono mai ia'u i keia la no ke Kuahaua Koho Balota Wae Moho maluna ae mai ka Mea Hanohano H. D. Wishard, Lunahoomalu o ka Papa Lunakiai o ke Kalana o Kauai nei, a oiai ua kulike ia palapala me ke kanawai a ma na ano apau ua pili pono mai na olelo i ke Kalana o Kauai nei, ma keia ke hoolaha aku nei au i ua Kuahaua Koho Balota Wae Moho nei i haiia ae la.
I HOIKE NO KA OIAIO O KEIA
ke kau nei au malalo ae nei o
keia i ko'u lima me ka hoo-
(Sila) pli pu ana mai i ke Sila o ke
Kalana o Kauai nei me keia.
HANAIA ma ke Kahua Hale Poo Oihana Aupuni ma Lihue i keia la 4 o Aperila, M. H. 1921.
J. MAHIAI KANEAKUA,
Kakauolelo, Kalana o Kauai.
6146 - Apr. 8 15, 22, 29.
OLELO HOOLAHA.
Oiai, e makaukau ana ke Kulanakauhale a Kalana o Honolulu no ka hoakea ana i ke Alanui Moiwahine, nolaila, ke kauohaia aku nei ka poe no lakou na he e waiho la ma ka aoao makai o ka Pa Ilina o Kawaiahao, e pili la i ke Alanui Moiwahine, in a hoomau ohana kekahi e ola nei, e hele mai imua o ke Komite Pa Ilina o ka Ekalesia o Kawaiahao, a e kuka no ka mea pono e hana ai. E hoone@ia ana ia mau he, a e kanuia na iwi ma kahi a ke komite i manao ai ua kupono.
E hoolohe i keia.
KOMITE PA ILINA OKAWAIAHAO
JAS. H. S. KALEO,
Lunahoomalu;
SAM HOOKANO,
F. K. ARCHER.
Aperila 20, 1921.
6448 - Apr. 22, 29; Mei 6.
HOOLAHA PA AUPUNI.
Hookahi pipi wahine keokeo, haokuni FS ma ka uha hope akau, hoopaaia ma ka pa aupuni o Makiki, kuaiia aku ana ma ke awakea Poaono, Aperila 23, 1921, ke ole e kiiia mai e ka on a mamua ae o kela la.
J. E. MONTE,
6648 Luna Pa Aupuni