Ka Nupepa Kuokoa, Volume LIX, Number 16, 22 April 1921 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

He Moolelo no ko

 

Helena Simoa Lanakila Ana

 

A I OLE

 

Ka Hoowaleia Ana o Halebatona

 

            @ a Helena pane a hala kekahi manawa ma ia hope @ mahope o kona hooikaika ana e uumi i na manao pai@ e hana mao ole ana iloko on a. Alaila me ka leo ha'u@ uwe. hoakaka ae la oia i ke kumu o kona eha ana @ @ na mea i hoakakaia ae la mamua au no e ka maka@ heluhelu. e ike iho ai "ua eha i'o no o Kaukaopua @ @ a ka," oia hoi ka loaa mau ole mai o ka Robaka @ iaia ke ano puanuanu o na manao ana e hoakaka @ a @ o kana mau leka o ka wa i hala aku, ka haanui @ ana iaia no ka hui mau o Robaka me ia a pela aku.

            Hookahi kumu o ka maopopo ole o na manao maloko @ hapanui o ka Makoli mau leka o ke kakau ana mai i ka makhuahine mamuli no ia o ko Helena heluhelu ole aku @ ka leo e lohe mai ai ka makuahine, ma kahi a Makoli @ hoakaka ana no kona hui mau me Robaka, ka lilo o @ i mea punahele ia Mr. Lanakasa, no kona manaoio loa @ ana o Robaka ia Makoli, a oiai ma keia leka hope ua@ loa e lilo i'o aku ana o Robaka i ke aloha hou, @ ua hiki ole no hoi iaia ke huna iho i na manao @ Makoli i hoakaka mai ai maloko o kana leka.

            I ka mao loa ana ae o na manao kupouli o ke aloha, alaila heluhelu aku la ua o Helena i ka leka a Makoli imua o ka makuahine, a ua hoolohe mai la no hoi ka makuahine a hiki i ka pau ana, me ka pnpuku o ka lae ame ka makue o na maka. me ka nau o ke ku'i. mamuli o kona inaina no ko Makoli aka, o ke kaalo ana ae mamua o ke alahele i malaelae no kana kaikamahine e hele aku ai, a e lilo ana ka'u Makoli Elawoka, ke kaikamahine a ka wahine i lilo ai i enemi ino loa nona, i mea nana e alai ae a e kaili ku hoi i ka mea a kana kaikamahine i aloha ai, a e lilo ana ia hana i mea e hoopoinoia ai ke ola o ke kikamahine ana i aloha ai me kona naau ame kona uhane apau.

            "Pehea iho la kela wahi au o ka heluhelu ana iho la?" E ninau iho ai oia ia Helena, me ka leo e hoike ana i ka nui o ka ehaeha iloko on a. i ka manawa i hiki iho ai ka Helena heluhelu ana ma kahi o ka leka a Makoli e hoakaka ana no Mr. Lanakasa. "Lanakasa!" Mr. Halebakona Lanakasa! Ka anakala o Robaka Egelakona!"

            "Pela o Makoli e hoakaka nei maloko o keia leka, o Mr. Lanakasa ka inoa o ka anakala o Robaka," wahi a Helena o ka pane ana ae. "He kupanaha no ko Robaka hoike ole mai ia kaua i ka inoa o kona anakala oiai oia ianei, in a aole o Makoli i hoike mai la aole no kaua e maopopo iki ana i kona inoa."

            "Anoe maoli ka hoi kou helehelena e mama, a pela no hoi me kou leo, heaha ke kumu? Heaha kou manao ma kela kamailio ana mai nei au 'kela kanaka?' ua ike mua no anei oe ia Mr. Lanakasa? A in a pela, heaha kana hana ino ihana mai ai ia oe?" i noke ae ai o Helena i ka niele i ka makuahine.

            "O, e Helena, kuu milimili! O, e na lani, e aloha mai! O, ka poino nui ku i ka lokoino hiki ole he hoomanawanui ia!" wahi a ka makuahine, alaila ku ae la oia a hele aku la me ka hikaka no kahi o ka punee e ku mai ana a haule iho la me ke kaumaha, a waiho a maule aku la me he mea la e make aku ana.

            He minuke kupilikii loa ia no ko Helena noonoo, no ka mea, aohe maopopo iki iaia o ka mea e hana ai. no ka mea, ua piha loa iho la oia i ke pihoihoi ame ka maka'u pu no ka hpena e loaa ana i kona mama.

            I ka ike ana aku o Helena i ka ano-e o ka makuahine poina ae la oia i kona ehaeha ponoi, alaila, kiola iho la ka leka a makoli ana e paa ana i kona lima iluna o ka papahele, a lele koke aku la e haawi i kana kokua i ka makuahine.

            Hookau pono aku la i na wawae o ka makuahine iluna o ka punee a hapai aku la no hoi i ke kino a kau pono iluna, no ka mea, ua huli ke alo o ka makuahine ilalo i ka manawa i lele aku ai iluna o ka punee; alila holokiki aku la e kii i wai. a i ka loaa ana mai hoauau iho la i na lima ame ka lae, me ka lomilomi pu ana iho i hoi hou mai a ka ikaika i ka makuahine.

            Mai kauoha aku paha oia i kekahi kauka e hele mai, aka i kona noo noo hou ana ae nae ua hele ka laua kauwa. a aole hoi on a makemake e haalele hookahi iho i kona makuahine aloha oia wale no me kela kulana maikai ole i loaa iaia ia manawa, hoopau wale ae la no ia manao, alaila kahea iho la:

            "E mama! E mama hoi!" wahi ana me ka leo ha'uha'u uwe i piha i ke pihoihoi. "Ala ae iluna! E lilo ana kena moe au me ka hele a keokeo pu o kou helehelena ma ka oni ole ae i mea hoe haeha loa i ko'u puuwai! Ina e haalele mai ana oe ia'u i keia manawa, alaila heaha la ko'u waiwai e ola hou aku ai, no ka mea, owau hookahi wale iho ana ao ke ola aku ma keia ao, me kekahi me ole nana e malama mai ia'u? O, e kuu mama hoi, e ala ae!"

            I ka lohe pono ana ae o ka makuahine i kana mau olelo kaukau. kaakaa ae la na maka on a, a nana ae la me ka pahaohao nui i ko Helena mau maka e helelei ana na waimaka a ninau ae la:

            "Heaha iho nei keia o'u? A eia nae, i ka hoi pono ana mai o kona mau noonoo maikai me ia a hoomanao ae la i kana mau huaolelo o ka hoopuka ana ae mamua o kona maule ana, puana ae la: "O kela kanaka!" No Mr. Lanakasa ka manao o ia oopuka ana ae ana.

            "Mai noonoo aku oe nona i nei manawa. e mama: maihoomanao hou aku no oe in a ua lilo oia i mea hoano-emai i kou noonoo. a i ole kekahi mea e ae paha: hoao e ala loa ae iluna a e hoihoi mai i kou mau noonoo maikai apau me oe elike me mamua, "i noke iho ai o Helena i ka hoomalimali ahiki i ka maikai loa ana ae o ka makuahine.

            Ia ala ana ae a ka makuahine, alaila kii aku la o Helena i kiaha wai hau, a me ka hookikina oia o ka hoainu ana aku i ka makuahin, ahiki i kona inu ana aku, a ia pau ana ua hoohauoliia ae la ko ke kaikamahine noonoo no ka ike aku i ka makuahine ua hoi mai kona mau ano maikai apau elike me mamua.

            Mahope koke iho o ia manawa naka ae la ke kino o ka makuahine me he mea la ua loaa i kekahi anu ikaika loa ka haukeke. mamuli paha o ke anu a i ole mamuli paha o ke pihoihoi loa o kona noonoo, a ua hoomaka hou ia ae la ko Helena pihoihoi hou me ka maka'u pu no ia ano e o ka makuahine a ninau okoa aku la:

            "Ea, e mama, ua loaa anei oe i ke anu? Akahi ka ho kou haukeke a'u e ike aku nei." i ninau iho ai o Helena ma ka naau pilihua loa. a me kona kali ole iho a pane ae ka makuahine. huki mai la oia i ka uhi huluhulu e kau ana iluna o ka punee. a hoouhi iho la maluna o ka makuahine a puliki mai la a paa i wahi e loaa ae ai ka pumehana i ka makuahine.

            Aohe pane ae o ka makua hine, ke moe malie wale la no oia iluna o ka punee a hala paha he hapaha hora. me ka hooikaika mau iloko o ia manawa e hookaawale aku i na manao uluku e uluahewa ana iloko o kona noonoo ia ma nawa, a i ka hala ana o ia manawa, ua pau ae la kana naki ana. kikoo ae la kona mau lima, lulu aku la i knoa mai wawae, a me kela ikaika o ka manao iloko on a e paio aku me na manao uluahewa like ole o kela ame keia ano, ala ae la iluna; he maikai kona helehelena mawaho ke nana aku, aka maloko on a, oia no oe o ke kai e popoi ana kumupali ka ooloku.

            "E kuu Ehelena." wahi ana.

            "O, e oluolu mai oe e mama mai kamailio mai ahiki i ka loaaa ana o ka ikaika maikai ia oe" : moe malie iho ilalo hoomaha; manao au in a e loaa ana ia oe kekahi wahi hia moe liilii ke manaoio nei au e loaa ana ia oe ka maikai loa a e kaawale aku ana na ano maikai ole apau i loaa iho nei ia i na minuke i hala."

            "Aole; e ae mai oe e kamailio aku au- no ka mea, aole hiki ia'u ke hiamoe. E ponoau e kamailio aku i ka'u mea e makemake nei e kamailio aku ia oe i nei manawa, a mahope aku ole o'u makemake e kamailio hou maluna o ka kumuhana. O, aole hiki ia'u ke hoomanawanui hou iho O, kela kanaka!"

            "O kela kanaka hea kau e, hnoonoola, o Mr Lanakasa no anei?" wahi a Helena o ka ninau ana aku. "O," me ka apo ana iho i ka ai o ka mama, me he mea la ua lilo ia inoa Lanakasa i mea hoeha loa mai iaia.

            "Ae, oia, a he kupanaha ke noonoo iho, eia ka. o ka ana kala oia o Robaka Egelakona: he kupanaha kona lilo ana i anakala no Robaka: ua manao au, elike no hoi me hou kuhihewa. he like no la ko Robaka inoa ohana me ko kona anakala. aka ke ike nei nae au i ke kuhihewa loa o ia ma mao ana pela."

            "Heaha ka pili o ia kanaka ia oe, e mama, a i ole heaha kana i hana mai ai maluna ou i lilo ai oia i mea hoehaehae mai i kou noonoo?' i ninau aku ai ke kaikamahine.

            "Aohe on a pili ia'u, aka nae, ua lohe aku nei oe i ke kumu," a hooki pu iho la ka makuahine i kana kamailio ana i pane aku ai o Helena, "nolaila, e oluolu mai oe e mama, e hoakaka mai, in a he mea pono e hoikeia mai i nei manawa, wahi a Helena me na waimaka e helelei ana, a no ke kumu aole oia i ike i kekahi anoe o kona makuahine mamua elike iho la me keia.

            "Nana i hoopoino i kuu loa, kuu kino, kuu inoa maikai a pela hoi me kuu keiki," wahi o ka pane pokole a ka makuahine.

            "Hoopoino i kou ola? Ma ke ano hea? Na kela anakala anei o Robaka Egelakona i hoopoino i kou loa? Ma ke anohea oia i hoopoino mai ai?" Nowelo no hoi nei mau ninau a kekaikamahine.

            "Ma ke ano hea la au e hoakaka aku ai," wahi ana o ka namunamu liilii ana iho, me ke kulou o kona poo ilalo. Aka nae, i ka hala ana o kekahi manawa, aea ae la kona poo iluna. hina aku ia ihope o ka punee, a me ka hulili anoe ma kona mau maka i mai la:

            "Aole hiki ia'u ke wehewehe neepapa aku ia oe i na mea akau e pili ana no ia moolelo, e Helena, aka nae, o keia ka mea hiki ia'u ke hoakaka aku; he mau makahiki lehulehu i hala hope aku nei, iloko o ka manawa e kamalii ana no ko'u ano ia manawa, elua mau kanaka i haulehia i ke aloha ia'u. a ua hoao mai no hoi laua a elua e lilo aku au i kekahi o laua.

            "Hookahi o ia mau kanaka a'u i aloha ai, a ua mare aku au iaia, oia ko makuakane, ka mea nana i imi a loaa oe. O kekahi hoi, no ka mau no o kona aloha ia'u, ua hoomaumai la no oia i ka imi ana e launa me a'u. me kona hooikaika mau e launa hewa aku au me ia, oiai nae, e olelo mau aku ana au iaia aohe keena iloko okuu puuwai no kona aloha- he aloha au i ka'u kane, a iaia wale no au e pili aku ai ahiki i ka hope o na la o keia ola ana.

            "Ua papa ikaika aku au iaia aole e hele hou mai i ko maua hale. no ka mea, ua ike iho au ia manawa. ua loaa kekahi manao hoohuoi i kuu kane, a aole on a makemake e hele hou mai kela kanaka i ko maua hale, nolaila ma ia hope mai, i na manawa apau a ua kanaka hoowalewale la e hele mai ai e kauoha mau aku ana au i ke kauwa e olelo aku iaia aole o'u makemake e ike aku iaia, aohe no hoi o'u makemake iaia e hele hou mai i ko maua hale.

            "No na manawa lehulehu ma ia hope mai ko'u kipaku mau ana aku iaia e hookaawale loa mai ka hale aku. me ka hoike pu aku iaia ma o ke kauwa la. aohe o'u makemake e ike aku iaia e hele hou mai ana i ka hale. Mahope mai ua loaa mai la ia'u ka lohe, me ia kipaku mau aku no o'u iaia, ame ka hoike aku no hoi o'u i ka hoihoi ole e ike na'u aohe ka o'u noho hauoli me ke kane a'u i mare ai, a ma kekahi la, mamuli o ka hana poholalo a kuu aikane. ka mea a'u i aloha ai, a i malama aku ai hoi me he kaikaina ponoi la, mamuli o na hana maalea a ka mea a'u i hilinai aku ai he hoaloha oia, ua hookomoia mai la ua kanaka la iloko o ka hale, aole iloko wale no o ka hale. aka ua alakaiia ae la ua kanaka la a komo iloko o kuu rumi hooluana, he rumi i ae ole ia kekahi mea e komo mai iloko olaila o ka'u kane wale no, a o ka hana ino loa a kuu aikane i hana ai oia kona olelo ana aku ma ke ano hoopunipuni i ua kanaka la ua makemake ka au iaia e komo ae ma ia rumi malu o'u.

            "oia aikane a'u, aole ia he mea okoa aku, aka, o ka makuahine ponoi no o Makoli oia o Mariena, a o Miss Walabirida hoi kona inoa makua. a oiai o ka makemake mau i o ua kanaka la o ka halawai me a'u ma kekahi wahi meha meha, i mean e hookoia ai paha kona makemake, ua hauoli loa oia i kona hoikeia ana aku e Mariena no kona aeia ana aku e komo mai iloko o ka hale, a me ia hoike aku no hoi o'u i ko'u kue iaia no ia komo ana mai on a iloko oa ka hale, me kona kipaku ino ia aku no ke komo ana mai iloko o kuu rumi. ua ninini mai la nae oia i na olelo pahee e hoike ana i kona aloha nui ia'u. me ke noi pu mai ia'u. in a e mokuahana ana au me kuu kane. e haalele iho au i kuu hale a e hoi aku me ia, a holo mahuka aku i kekahi aupuni mamao, kahi ana e haawi mai ai i na hauoli akau a'u e makemake ai.

            "Iwaenakonu o nei manawa ana e noke mai ana i ke kamailio ia'u no kona aloha a pela aku, ua komo mai la kuu kane iloko o ka rumi a maua e noho ana me ka palanehe loa a loaa pono maua, me kona lohe i ka hapanui o na olelo e kamailioia ana mawena o maua, a no ia mau olelo ana o ka lohe pono ana, ua piha loa oia i ka huhu, a oiai he kanaka wela oia o ka huhu, ua kulakula'iia o Lanakasa ahiki i kona holo ana mailoko aku o ka rumi, mahope o ko laua lawelawe lima ana.

            "O, aole hiki ia'u ke uumi iho i ka ehaeha no kela mea i hanaia a'u i ike maka ai ke haupu ae i nei manawa! Aole hiki ia'u ke kamailio hou aku no ia mea i hanaia o kela wa i hala i nei manawa me ka hoehaeha ole ia o ka naau!"

            "Ua manaoio no anei kuu makuakane aole ou aloha iaia, aole oe i kupaa mamuli o kona aloha, a ua lilo kou aloha i kela kanaka?" i ninau aku ai o Helena.

            "Pela ko'u hoomaopopo aku, elike me kana o ka olelo ana mai ia'u. ua piha loa oia i ka lili me kona manaoio aole o'u aloha iaia, he wahine kolohe au, a pela aku, oiai nae, na ka mea oiaio, aole wahi lihi iki o ko'u waihona noonoo no kela kanaka, a ua kukala ae no hoi kuu kane he wahine alau au. oiai nae aole mea o ia ano iloko o ko'u noonoo," wahi a ka makuahine.

            "O wai ka mea nana i hoolala i kela hana no ka hoopoino mai ia oe, na kela aikane anei au?" wahi a ka Helena ninau.

            "Ae aohe mea e ae, a no ka mea, ua haulehia oia i ko aloha i kuu kane, a i kumu e lilo ai iaia, me keia iho la kana hana o ka hoolala ana i mea no maua e kaawale ai a ua kaawale i'o no hoi maua mai ia manawa mai."

            "Owai la hoi ka inoa o ua aikane la au i olelo mai nei?" ninau hou aku ai o Helena.

            "Ke manzo nei au aole paha ia he mea maikai na'u ka hoike ana aku ia oe i kona inoa, no ka mea. aohe waiwa loaa ana ke loaa aku kona inoa ia oe."

            Ina paha o Helena i hoomaopopo i ka inoa o ka wahine a ka makuahine i hoike mua aku ai, aole la oia e ninau hoi mai. Ke ola nei no anei oia?" wahi a Helena.

            "Ae, ke ola mai nei no oia."

            "Ua hoahewa mai no anei kuu makuakane ia oe me ka hoopai pu ia oe no kou kupaa ole mamuli on a?"

            Aohe pane aku o ka makuahine no ia ninau ana, kunou ku la nae kona poo e hoike aku ana i kona ae no ia ninau.

            "Alaila, pehea aku?" wahi hou o ka Helena ninau.

            "Aohe au i paio aku no ko'u piha loa i ka ukiuki no kona hoahewa wale ana mai ia'u mamuli o ko'u ike iho aohe au hoahewa wale ana mai ia'u mamuli o ko'u ike iho aohe au haule i ka hewa. aohe no hoi au i noi aku iaia e huikala mai ia'u no ko'u ike iho no aole au i hewa. Ua nui ko'u ehaeha ame kuu hilahila pu, ua hookaumaha nui ia ko'u ahane, a no ko'u piha i ka inaina ua hele aku la au ma wela po kona ike hou ole mai ia'u."

            "Auwe! Alaila ua holo mauka anei oe mai iaia mai- a haalele aku iaia me kona kipaku ole mai ia oe?' i hoohele ai o Helena me ka piha i ke kahaha.

            "Ae; ua holo mahuka au me kona ike ole."

            "A mai kela manawa mai au o ka holo mahuka ana hiki i keia mana aole anei oe i halawai hou me ia a nihi aku imua ona? ua huikala mai anei on a ia oe no ia holo mahuka ana ou, a no kou loaa pono ana aku hoi ma loko o ka rumi me kela kanaka?"

            "Heaha auanei kana mea e huikala mai ai, a no ka mea aohe a'u hewa i hana aku ai iaia?' wahi a kana pane hookekie a ka makuahine, me kona noho pono ana ae iluna make ano me he mea la aohe on a hewa.

            "Aohe; aohe manawa a maua i halawai ai i mihi aku a mihi mai ai kekahi o maua no kela hoopaapaa ana o maua. No'u iho aohe o'u makemake e hui hou aku me ia a e mihi aku imua on a, a mai kela manawa a'u o ka holo mahuka ana ahiki i nei manawa a kaua e noho nei ua hoonamao mau au ia'u iho ma kahi e hiki ole ai i na hoaloha kahiko i kamaaina ia'u ke ike mai i ko'u wahi i noho aole oia wale no. aka, ua hoololi pu au i ko'u inoa, i hiki ole ai i ka poe i kamaaina mua ia'u ke ike mai o Makaleka Wilekona no au, a e hoohuoi ole mai ai hoi i ko'u wahi pee ai."

            "Alaila- alaila ua make aku anei oia me kou ike ole houaia? O, e kuu mama, me ke kanalua ole ke olelo ae, aole e nele ana ka nui o kou ehaeha ame ka nui o ke kaumaha kau iho maluna ou! Ua loaa mau ia'u keia manao ahiki ko'u hanauia ana mai, a ua haalele hookahi ia iho la oe. aole oia i make, wahi a Helena o ke kani ana iho o kana ahu, me na waimaka e helelei ana mamuli o kela moolelo laookaumaha noonoo ana o ka lohe ana mai la i kona makuahine.

            Iloko o ua la apau o ko helena ola ana e noonoo mau ana oia no kona makuakane ana i ikemaka ole ai; o kana i iini nui ai in a aole i make kona makuakane e noi aku oia i ka makuahine e hele laua e huli iaia, a in a hoi ua make elike me kana i kuhihewa mau ai, e pono e loaa kekahi kii iaia ke iki iho i kona helehelena, a ua manao kuhihewa mau no hoi oia ahiki ia manawa, me ka oluolu wale no la ke ola ana o kona mau makua ahiki i ka make ana o kona makuakane, eia ka ua wehe mua ka pili, hookoo ia loko.

            "E Helena, aole oia i make, aka ia'u nei nae la ea, ua make oia." i pane mai ai ka makuahine, me ka helelei ana iho o na waimaka, a hina aku la ihope o ka punee, eia nae lohe hiki ia helena ke hoomaopopo i ka oiaio o ia mau olelo ana, oia wale no ka i hoomaopopo, a no ka nui loa o ka ehaeha o ka makuahine, huna ae la oia i kona mau maka me ka makuahine i loaa iho ai ia Helena ka manao e hoomana ana la oia i kona mau manao kaumaha i hiki ole iaia a ke hoomalu iho ia manawa.

 

MOKUNA XIV- Ka Loaa Ana Aku o ka Leka ia Robaka

            No ka uwe mai o ka makuahine hookahi hou ko Helena uwe pu ana aku. no kona piha iho la i ke aloha i ka makuahine a no kekahi mau minuke lehulehu ko laua noho ana me ia ano, me ka puai leo ole o kekahi ame kekahi, o ka mea wale no e loheia ana iamau minuke oia kaha'uha'u uwe o kela ame keia.

            A hala ia mau minuke ikiiki loa o Helena o laua ka mea kamailio ae ma o ka ninau ana aku:

            "E mama, o keia mau mea apau i hanaia au o ka hoakaka ana mai nei, ua hanaia ia mamua aku o ko'u hanau ana, oia anei?"

            "Ae; aole au i maopopo iki e liko ana la au i makua hine no kekahi bebe, oia oe, ma kela manawa." i pane aku ai ka mama.

            "O, he mea kaumaha maoli ka kela ke noonoo iho! Aole no hoi e nele ana kou alo i na popilikia lehulehu! O ka mea i ko'iko'i loa ai ia pilikia oia kou ilihune, no ka mea, wahi au o ka hoke ana mai ia'u, o kau mau mea gula wale no mea oe ia manawa, a oai aohe mea nana e kokua mai ana ia oe, ua kuai aku la oe i kou mau mea gula apau, i mea e loaa ai kau dala no ka malama ana mai ia oe ame a'u pu, oiai au he wahi bebe e uuku ana ia manawa me ka nawaliwali ame ka ma'i.

            "O, he ola ana maoli ka kou ia mau la i piha me na mea hooluuluu i kou noonoo- he ola hoopilihua loa i ka noonoo a'u i moeuhane ole ai ahiki i nei manawa," wahi a Helena me ka leo i piha i ke aloha menemene i ka makuahine.

            "E oluolu oe e hoopoina aku ia mau mea i hala, mai hapai hou mai i kekahi mea e pili ana no ia mau auwe, O ka mea i hala ua hala ia, ahiki mai i nei manawa ua manao iho au iloko o'u ua kanauia aku ia mau auwe no ka manawa pau ole me ka hoala hou ole mai. Aole a'u manawa mamua i hoike aku ai ia oe no keia pilikia i hanaia mawaena o'u ame ko makuakane, no keia kumu no alole kauia aku ke aka o ia hana maluna o kou ola ana, aole o'u makemake e lilo ia mea i hanaia mawaena o'u ame ka makuakane i mea hoopilikia i hou noonoo ame kou pono o ke ola ana o nei mua aku. O ka'u i noonoo mau ai e hunakele loa ia keia mea ia oe me ka hoike ole aku. aka nani hoi ia nau i ohikihiki mai nei, nolaila ua lole aku laoe i na mea apau, a mai hapai hou mai ia mea i hanaia hala loa ihope.

            "Ua maopopo ia oe ko'u hakoko ana me ka hoomana wanui i na inoa he nui, oia ka hune, ka nele i na hoaloha na lakou e haawi mai i na kokua, a ua maopopo pu ho ia oe ko'u lanakila ana maluna o na ake'akea apau ma mua o ko'u alahele, a ua hooikaika hoi ma na ano apau e waele ae i ke alahele a malaelae nou ame a'u no ka loaa o kekahi kulana mahaloia mai iloko o ke ola ana a ua hoahu no hoi au i kekahi wahi pomaikai uuke e hono ai kaua me ka oluolu ma nei mua aku, a i hoike aku au ia oe me ka oiaio, ua haaheo au no ko'u hooikaika ana a loaa keia mau pomaikai ia kaua, a ma ka'u hoomaopopo iho, ua oi aku ko'u kaikai ame ka ikaika o ko'u kino ame ko'u noonoo i keia la mamua o ko'u lilo ana he kii punahele a hoomana mau ia mai e ko makuakane, me kaloaa o ka noho lao ana me ka oluolu.

            "O, e kuu Helena, ua oi aku kuu hauoli i keia la oiai kaua e noho kuokoa ana maluna o ka loaa o ka kaua mau hooikaika ponoi ana. mamua o ka noho hana ole ana a na ko makuakane e hoolako mai ia kaua me na mea apau e pono ai keia ola ana. Eia hou, ua haaheo pu au nou, e kuu Helena aloha, no kou iini e loaa ia oe ka ike ame ka noho ana kuokoa a hanohano ma nei mua aku. kou ano oiaio, hoopono, kau hooikaika ana e loaa ia oe ka ike ma kau mau haawi kula a pau kou naauao ma ka iike e pili ana i ke kaha ame ke penakii, aole oia wale, aka o ka mea oi loa aku o ko'u haaheo nou oia kou kulana lede ame kou hoike ana i kou waiwai e hui pu aku me na wahi kiekie maloko o na anaina a ka poe maikai a ko'iko'i iloko o keia kulanakauhale.

            "Aka, mahope o ka loaa ana o ka ike ia kaua ma na mea i hanaia o keia la. e pono au e hoke aku ia oe i keia manao, aole au e ae ana e haawi aku ia oe ia Robaka Egeakona, aohe o'u makemake o kau kane ia; aole o'u makemake e mare aku oe i ke keiki hanaua a HAlebakona Lanakasa, a i ole ae aku paha ia oe e hui hou aku me ia ai ole mare aku me ia ma kekahi ano, in a no aole o Robaka e hooiaio mai ana iaia iho i kona lilo ole i mea waiwai ole ia oe ma o ka hoopalaka ana mai ia oe a haawi aku i kona hilinai maluna o Makoli Elawoka. Ua hike aku mei oi ia Makoli no kekahi mea e pili ana mawaena ou ame Robaka?"

            "Aohe, ua ike o Makoli i ke kii o Robaka maloko o ka alabama i kekahi la ana o ka hele ana ae i ko kaua hale kekahi mau ninau e pilia ana nona, o ka'u wale no o ka hoike ana aku iaia he kii ia no kekahi hoakula o'u, a ma ia mo i lilo ai oia i hoaloha, eia nae, ua nui ko Makoli makemake i ka helhelena o Robaka ana o ka ike ana iho ma ke kii, a ua hoakaka mai oia i kona makemake nui iaia, me ka olelo pu mai me he mea la he oi loa aku ko Robaka u'i mamua o ke kii, a ua hoike pu mai i kona makemake loa a hui kino me Robaka."

            Alaila, no kekahi mau minuke ko Mr.s Simoa noho ana me ka noonoo nui. Ua loaa iaia ka manao ia manawa, oiai o Makoli ke kaikamahine piha noonoo aole no e nele ana kona hoao e pahele i ko Robaka noonoo ma kona manawa e hui kino aku ai me Robaka. Ua hoike mai o Helena iaia no ko Makoli hiki ke heluhelu i ke ano ame ka manao o kekahi mau helehelena ana e ka ai ma ke kii, a no kona ike ana aole no o Helena e kamailio aku ana i kekahi mea e pili ana no Robaka me ka hoike ole aku i ka mea e waiho holii ana iloko o kona puuwai, ua kono koke oia ua hoohuoi o Makoli aia he mea i oi aku mamua o ko Helena noho hoaloha wale ana no me Robaka.

A oiai oia e hoomanao ae ana no na leka lehulehu a Makoli o ke kakau ana mai ia HElena, i kana noonoo iho me he mea la e hoao ana o Makoli ma kekahi ano e hilinai aku o Robaka iaia a e lilo o Robaka i mea aloha nana, a in a he mea oiaio ia, alaila me ke kanalua ole ua hoao mau o Makoli e pahele i ko Robaka noonoo i mea e lilo ai oia i mea aloha na Robaka.

            "Ea, e Helena, ke hauoli nei au i nei manawa no ka loaa ana o ka mea oiaio ia kaua i ka wa pono. Ke hoike aku nei au i kuu manapoaa ia oe aole loa au e haawi aku ana ia oe i wwahine na ke keiki hanauna a "kela kanaka."

            No kekahi minuke ko Helena noonoo ana iho no nei mau olelo iikaika loa a kona makuahine o ka pane ana aku la, a i kona ike ana he manao paa loa ko kona makuahine e hiki ole ai iaia ke hoohulihuli mai, a he mau olelo hoi i hoike ole ia aku iaia mamua elike me ia, alaila i mai la:

            "E kuu mama aloha, o na hewa a Mr. Lanakasa i hana mai ai maluna ou i ka mana i hala ke manao nei au aole pono ia oe ke hooili aku maluna o Robaka Egelakona. ma ko'u manao ponoi iho keia. Aole au i manao he hana pono ka owili pu ana aku ia Robakana iolo o na hana a kona anakala i hana ai i ka manawa i hala. in a he hewa kekahi i hanaia e kona anakala i hana ai i ka manawa i hala in a he hewa kekahi i hanaia e kona anakala, o kona anakala no ke auamo i ke ko'iko'i o kana mau hana. Aole o ko Robaka lilo ana he keiki hanauna na ke kanaka i hana hewa mai ia oe, he mea ia e hoololi ae ai au i ko'u manao nona, he oiaio kona aloha ame kona manaopaa no'u.

            "E mau aku ana no ko'u aloha iaia a ke manao nei au he hana pono a maikai no no'u ka hilinai ame ke kupaa ana mamuli on a.

            "Eia nae, ua oiaio loa ka hoololiia ana ae o kona manao mai ka hilinai ana mai maluna o'u ua maopopo loa ka lilo ana i ka mea okoa, a ke nana aku o kela manaopaa on a kela aloha on a ana i hoohiki mai ai e mau ana ia no'u. ua maopopo ka lilo i ka mea okoa.

            "Ina ua aloha au oia ia Makoli i nei manawa, elike me ia a'u e manaoio nei ua aloha oia ia Makoli, a o Makoli hoi iaia, ke manao nei au a ke makemake pu nei hoi aole hoi iaia, ke manao nei aku a ke make make pu nei hoi aole pono e lilo au i mea akeakea mawaena o ko laua hauoli ma nei mua aku.

            "E kakau ana au i leka na Robaka i keia la, e hookuu aku ana iaia mai kana mau olelo hoopaa apau i haawi man ai i'a me ka hoihoi pu aku i ke komo ana i haawi mai ai" a ia manawa koke no o kona wehe ae la no ia i ke komo mai kona lima ae, elike me ia hooholo ana iho la ana.

            "E Helena." me ka palulu ana ae i konoa mau kame, i ole ai oia e ike mai i ko Helena helehelena inoino loa ia manawa. "Ke maopopo ole nei ia'u ke kumu o ko kaua lilo ana i popo peku wawae no na hana hoomaewaewa a ke au o ka manawa: ua kuhi au owau wale no la hoi ke halawai ana me na hana hoa'o eia ka e pau pu ana no kaua. "O, e Helena. i hanauia mai anei kaua ma keia ao i mau mea hoehaeha mau ia?"

            "O, e kuu mama, ua a'o mau mai oe ia'u aole ia mea oe HOONA- hookahi wale no mea mana nana e hoonalu mai nei i ke ao holokoa ame ke kanaka, oia ke Akua. Mai hoopau kaua i ka manaoio ame ka hilinai mau ana aku maluna on a. Aole hiki ia'u ke hoomanawanui i ka noonoo hou ana aku no ia mea i nei manawa i ka manawa a'u i makemake loa ai i heleuma nana e kaohi i ko'u moku mai ka paialewaia ana aku maluna o na ale kupikopikio o ke ao."

            "E kuu milimili." i hooho mai ai ka makuahine, me ke apo ana mai i kona mau lima ma ke kino o Helena, "e huikala mai oe ia'u no ko'u nawaliwali ma ka manao me ka noonoo ole nou. Mai kanalua kaua, e kuu Helena, e ke aku ana no kaua i ka mea maikai loa, me kana nana ole pehea la ka nui o ka awahia o ke kiaha a kaua e inu aku ana e pono kaua e in a aka, a oiai ko kaua aloha e mau ana me kaua no kaua iho, a e ola aku ai kaua kekahi no kekahi aole kaua e ike ana ia mea he popilikia.

            "E hoao kaua e kapae i na mea i hala mahope me ka noonoo hou ole aku. aka, e lawe kaua i na hana o nei mua aku me na manao ikaika a kuio no ka hana e pono ai kana elike me ia e hoea mai ana imua o kaua. a e hoonui aku hoi i ko kaua pili paa ana kekahi i kekahi me ke aloha oiaio no kupaa ole no kekahi poe e aku."

(Aole i pau.)