Ka Nupepa Kuokoa, Volume LIX, Number 17, 29 April 1921 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

He Moolelo no ko

Helena Simoa Lanakila Ana

A I OLE

Ka hoowahewaleia ana o halebatona

Na i ka u nana aku ua like oe me kou ame he makuahine a hou nou aneane e hiki ole iau ke ike aku ia oe ma aku e ola ana kaua kekahi no kekahi a pela hoi me kekahi a kaua e hiki ai ke nana. I pane aku ai o helena o kela manawa mai ua hoopau loa laua i ke kamailio ko laua mau kaumaha; ua lawe kela ame keia o me ka hoomanawanui loa i na haawe kaumaha me ka lanakilaka o kela ame keia pakahi no ka hauoli o kela amerka pakahi o laua.

Aia ia la no i kakau ai o helena i kekahi leka no roleka elike me kana o ka hoike ana aku i kona makuahine a kaawale na berita e hoopaa ana mawaena pake o laua na olelo hoopaa a laua o ka hana ana e hauhoa laua pakahi o keia ka manawa i mokumoku ai o hele kaawale.

Oiai aole o rebaka i hoakaka mai maloko o kana mau leko hoi mamua aku a pela me keia leka hope kona haawi ana aku i kona manao kona aloha ame kona manaopaa no ka lilo aku ia makoli no laila o i hoakaka ai maloko o kana leka o ke kakau ana o pia ana no ia kumuhana me kona maopopo loa i nao ko mikoli manaoio maoli no ia o ke kaili ia robaka mai iaia aku e maopopo iho ana no ia robaka ia mea me kona hoike ole aku i kekahi mea e pili ana no ia lilo aku o ua o robaka ia makoli nana no ia mea e ike iho me kona hoakaka ole aku.

E robaka egelakona: ua loaa ia'u keia manao wahi a helena ma ka hoomaka ana o kana leka. he hana pono loa a kaulike no hoi ka hookuu ana aku ia oe mai kau mau olelo hoopaa apau i hoike mai ai iau a ma keia ke noi aku nei au ia oe no kou hookuu ana mai iau mai na olelo hoopaa mai apau a kauai i hooholo ai oiai nae he mau olelo hoopaa no ia a kaua i hauhoa ai ia kana iho no ia makemake o kaua ia kaua iho. i nei manawa ke ike nei au i ka naauao o kuu makuahine ma o kona kue ana mai i ko kaua hoopalau a ke noi aku nei au ia oe e kala mai iau no kou hoihoi aku i ko komolima au o ka hawi ana mai iau aole ma ke ano he komo hoopalau aka ma ke ano he komo hoopalauna he komo hoopalau aka ma ke ano he mea hoomanao nau ia oe he komolima hoi au o ke noi ana mai iau e hoopaa mau au ma kou lima i mea hoike ka no ko laua hoaloha mau ana aka nae he komo keia au i ike iho ai ua oi aku ka manao mamua o ka launa hoaloha wale ana no ma kela manawa au i haawi mai ai. E manaoio mai oe e robaka ke kakau nei au i kela no kou ike iho o keia ka mea maikai a pono loa e hana ai aole me ka manaoino ia oee aka me ka manao oluolu a aloha pu a ke makemake pu nei au e ike iho oe o ka mea oiaio loa iloko o kou puuwai oia no kou ike aku i kou hauoli piha ma nei mua aku a ke manaoio pu nei no hoi au e haawi mai ana no oe i kou hilinai piha ana maluna ou aole ma ke ano he ipo a he wahine paha nau ma nei mua aku aka ma ke ano he hoaloha oiaio i nei mahawa a mau loa aku.

HELENA SIMOA.

P.S. Ke hoihoi pu aku nei au i na leka apau au i hoouna mai ai iau mai kou manawa mai i haalele iho ai ia nu loka nei a ke makemake pu nei no hoi au ia oe e hoihoi mai oe i kau mau leka apau i hoouna aku ai ia oe.

Mahope o ka pau ana o ka ua o helena kakau ana i keia leka hoomaka iho ia oia e heluhelu mai ka mua a ka hope a oiai oia e heluhelu ana noonoo iho la oia he leka makona maoli ia o na olelo. He leka makapo pu no ka mea aole oia i hoakaka i na kumu koikoi o kona wehe ana i ka laua aelike o ka hoopaa ana maloko o ia leka mamuli wale no o na olelo o ka makoli palapala i komo iho ai ka manaoio iloko on a ua lilo o robaka iaia a ua ike koke no hoi oia ia manawa in a no ko robaka heluhelu iho ia leka e ike koke iho ana no oia i ke kumu a e hoomaopopo koke iho ana no no ko helena makemake ana e hoopau i ko laua launa ana ma ke ano he mau mea i haulehia like i ke aloha. Hewa ka noho aloha ana la i ka malama i nei mea he aikane.

Opiopi iho la oia i na leka a robaka i hoouna mai ia iaia me ka maikai ole o kona noonoo i ka hookaawale aku ia mau leka mai iaia aku aka oiai nae ua hooholo oia e hoihoi hou aku ia mau leka ia robaka aohe ana minamina hou ana iho o kona hooko wale aku no.

Ua hookomo pu iho la oia i ke komo iloko o ka pahu a kakau iho la i ka inoa mawaho a moakaka i hiki ole e lalau ka hoounaia ana aku a lawe aku la e hookomo iloko o ka pahuleka me kana leka pu e hoopau a e hookuku aku ana ia robaka mai ka hoomanao hou ana mai iaia he wahine hoopalau a i ole he ipo hoi nana.

I kona hoi ana mai ka haleleka mai noho iho la oia noonoo o na manaolana apau no ia mua aku ua kanuia aku la ka manawa pau ole a ua kauia iho he hoailona maluna o ka he kupapau aohe e wehe hou ia no ka manawa pau ole.

Mai ia manawa mai ua hoohuli ae la oia i kana noonoo ame na hooikaika ana maluna o kana hana e pili ana i ke kula me ka ikaika o ka manao i oi aku i ko na manawa mamua aku me ka piha i ka hauoli.

E waiho iki kakou e na makamaka heluhelu ia helena maka manawa a e huli aku ka kakou nana ana no robaka kelekona.

I ka manawa i loaa aku ai ka leka i hoikeia ae nei mamua o robaka a pela hoi me kahi pahu komo ame na leka mua o ke kakau ana ma ia helena ua piha loa oia i ke kaha me ke kaumaha pu me ka ninau iho iloko on a i ke kumu no ko helena hoopau ana i ko laua launa ana ma ke ano he mau hoaloha.

Ma nae mahope o kona noonoo ana no kekahi manawa ua hoomaopopo koke no oia i ke kumu oia hoi ua ko helena nonoo no makoli aole nae oia i hoohuoi iho on a e mawehe koke ana ka laua pili elike iho keia me ka hoakaka maopopo ole aku o helena i kumu o kona makemake ana e hoopau i ko laua nho ha ana a i ole hoopau ana paha.

Haohao loa o robaka no keia hoopau koke ana o he ko laua pili i manao ai o ka make wale no ka mea e hookaawale eia nae ua loaa no iaia he hiohiona keia hopena mamuli o ke ano puanuanu no o na manao i lelena mau leka e loaa aku ana iaia aole hoi essqlike me leka mua ana o ka hoouna ana aku ka hoike maolli aku helena i ke aloha a pela aku.

Mahope mai o kela manawa aole ana mea hoihoi a no ka mea o helena wale no kana pukakaumaka a o ke kiinohi hoi o kona mau manaolana apau no ia mua aku. Ua aloha oia ia helena me kona uhana apau a ia manawa hoohiki iho la oia aole loa ana wahine e ae aku ai e mare o helena wale no a e imi mai ana oia ma na ano apau ua ke kumu o ka helena hoopau ana aku i ko laua launa ana a noho aloha ana.

He kaikamahine piha maalea o makoli elike me ia i hoakakaia ma kekahi wahi o na mokuna i hala ame ia piha maalea on a i mea hoi e hookoia ai o kona makemake e lilo o robaka iaia a oiai aole oia i hooikaika ma o ke noi a apuhi maoli ana i ko robaka noonoo aka nae ma o mr lanakasa la kana pahele mau i mea e hilinai mai ai ka anakala o robaka iaia a ma ia hana ana ana e lilo ai o robaka iaia.

Ma ka mea oiaio loa ua hooikaika mau oia e lilo i mea makemake nui ia mai e mr. lanakasa ua hoike aku oia i kona ano haahaa ke akahai ka oluolu a o kona mau ano maikai no apau kana i hoike mau aku ai imua o ka elemakule a ua punihei maoli io mai no ka noonoo o ka elemakula lanakasa iaia.

Ua lilo oia me he keiki punahele la nana a i na ma wa apau a mr. lanakasa e makemake mai ai iaia no kahi mea malaila wale aku no oia e hoolohe aku ai kona huna ole i kona liilinai a lelepau me ke aloha ia mr. lanakasa no laila ma ia ano o na manao maua makona a awahua iloko o mr. lanakasa ua kaawale loa mai iaia aku o na ano apau e hoike aku ana i kona makemake a aloha ia makoli oia wale no kana i hoike aku ai.

Aneane e hiki ole i keia mau mea ke hookaawale ia laua iho a o ka hopena i ikeia ua huikau mau aku la o makoli me robaka i ka hapanui o ka manwa oiai nae i ka manawa mua he ano hilahila no kona no ka robaka makemake ole mai iaia a i ke kamaaina loa ana aku nae keia he oi aku ko laua pipili kekahi i kekahi.

Iloko o kela manawa a laua o ka hookamaaina ana ua hoike aku la o makoli i kona ike ana i ke kii o ua o robaka maloko o ka buke alabama a helena maloko o ka hale o helena ma ma ke kuahiwi adironadaka ua ninau aku oia ia helena i ka mea nona ia kii a ua hoike aku o helena iaia no ua o robaka ua kii la.

Ua lilo keia i mea hoohauoli ae la i ko robaka noonoo aka nae ua hoolohe mai la oia me ka hoike ole mai i kekahi hiohiona ma kona helehelena e ahuwale ae ai ka meahuna iloko o kona puuwai no ka oi aku o kona makemake ia helena mamua o ka hoaloha wale no.

Ma kekahi la a laua o ka halawai ana ninau aku la o makoli ia robaka i ka i ana aku

Ea e mr. egalakona ua ike no anei oe i kekahi kanaka opio ma ka inoa o alekona? he manaoio kou ua hele pu no oia i ke kula hookahi me helena.

Pela kou manao wahi a robaka me kona ike ole mai i ko makoli manao ma ia ninau ana aku ana. Ke hoomanao nei au no habati alekona oia pua kekahi ma ko helena papa kula maloko o ke kula kiekie a laua o ka hele pu ana. A i ke aha la?

Aohe au iike iaia he koho iho kou oia kanaka opio kekahi hoaloha o helena. Ua ike au i ko laua holo leka kekahi i kekahi e hoouna mau ae ana kela kanaka opio i kekahi mau leka me kekahi mau buke ame kekahi mau mea hoomanao e ae ano helena hoi e kamailio mau ae ana oia ma kakahi ano e ike aku ai au aole ma ke ano hoaloha wale no ko laua launa mau ana ma ka leka aka ma ka mea i oi aku mamua o ia.

Ahiki mai i nei manawa a makoli e noke aku nei i ke kamailio i kekahi mau olelo o ke ano niania ia robaka no helena aole i hkaawale mai ko robaka waihona noonoo aku na hoomanao ana no ko helena helehelena nohea on aona o na maka a maikai no hoi o kana mau olelo i ka manawa ana e hawanawana iho ai i kekahi mau huaolelo o ke aloha ma kona mau pepeiao aka i nei manawa a makoli e kamailio aku nei no ko helena lilo ana i mea aloha na habati alekona ua like me kekahi mea mulea loa a i ole me kekahi mu ai laau paha e ai ana i kona puuwai.

Elike me ia i hoakaka muaia ae nei he kaikamahine maalea a piha akamai o makoli i ke pahele ana e punihei ai ka noono o mr. lanakasa pela no ia robaka. O keia kekahi o kaa mau hana pahele i ka noonoo o robaka. O keia kekahi o kana mau hana pahele i ka noonooo o robaka i mea e lilo ai o robaka iaia nolailla i ka manawa i lohe aku ai o robaka i nei mau oelo a makoli no ka launa mau o habiti alekona me kana aloha me helena e ike iho ana no oe e ka makemake heluhelu i ka hopena e loaa ana ia robaka.

Eia nae aole o robaka i hoike ae ma kona helehelna i ke ano e o kona noonoo a oiai aohe hiohiona a makoli e ike aku ana ua eha o robaka no ka lilo ana o helena i mea launa mau me habati alekona a no kona ike ana iho ua lawa kana mau olelo o ka hoike ana aku ia robaka no ia manawa ua hoololi ae la oia i kana mea e kamailio ai me ka manao e i aku no he manawa hou ana e kamailio ku ai ia robaka no ia mea.

Mahope mai ahe manawa i loaa aku ai ka helena leka i ua o makoli me ko ua o makoli hoike ole aku i ka mea oiaio ia robaka he uuku loa n nae ka mea oiaio o na olelo haanui a hoopunipuni wale no ka hapanui a iloko o ia mau manawa apau ana e kamailio aku ai he mea nele ole iaia ka hoike ana aku ia robaka i ka inoa o habati ame kona hui mau me helena.

No hookahi manawa wale no nae ka ua o makoli hoike ana aku ia robaka no ko habati hele pu ana me helena ame kona makuahine i ka makaikai i adale oia kela la kulaia o na limahana a eia nae ua hoonuinui wale aku la noo makoli i kana kamailio ana no ko helena hele ana i ka holo waapa me habati o laua wale no i mea e komo aku ai ka manao ehaeha iloko o robaka a hoopau ae oia i kona noonoo hou ana aku no helena a e haawi mai o robaka i kana hilinai piha ana maluna ona.

No kela huakai makaikai a helena ma i hele ai ma ka la kulaia o na limahana aole o makoli i hoakaka aku ia mea ia robaka ma ke ano he nuhou aka ma ke ano hoohaehae nolaila e ike kokeia iho ana no ka lilo o nei mau hoakaka a makoli na hoakaka imihala i hana e hoalaia ae ai na manao hoohuoi iloko o robaka a hooiaio iho ua pau ko helena hilinai hou ana aku maluna on a a ma ia ano e hoemi mau ia mai ai kona manao paulele maluna o helena a i lilo ai hoi ia i mea na hele i ike mau iho ai ke ano puanuanu o na manao o robaka maloko o kana leka e kakau mai ai iaia.

O kekahi kolohe maopopo loa a makoli i hana ai lehulehu na leka a robaka i kakau mai ai i loaa ole mai ia helena ua makaala mau o makoli i na manawa apau a robaka e kakau mai ai i leka na helena a e heluhelu mua ia ana e makoli apau ai na robaka e loaa mua ana ia makoli apau i ka heluheluia a iaia no nalo iho la ia leka me ka pau i ka haehaeia oia ke kumu loaa pinepine ole mai o ka robaka leka ia helena a pela hoi me ka helena leka ia robaka a i kekahi manawa hookahi a robaka leka e loaa mai ia helena iloko o ekolu pule a pela no hoi me ka helena leka ia robaka.

No laila ua lilo keia hana a makoli i mea akeakea i ka loaa ana mai o ka robaka leka ia helena a pela hoi me ka helena ia robaka a ua ulu ae keia ana hana kolohe a makoli mai ka uuku a ke hele ana a lilo i puu nui.

Ua lilo ka loaa ana aku o ka helena leka e hoopau aku ana i ko laua noho aloha ana a laua i hooholo ai o ka make wale no ka mea nana e hookaawale i kumu mai maoli no robaka a no kekahi mau la elua kona hoopaa ana iaia iho maloko o kona rumi moe a no ka haikea loa o kona helehelena me ka nawaliwali maoli ua lilo ia i mea hookaumaha loa i ka noonoo o ka anakala on a a noi okoa aku la e kauohaia kekahi kauka e hele mai e nana i ke kumu o kona ma'i, no kona hiki ole ke ike i ke kumu ame ka mole o ka mai ana o kana keiki.

No na manawa lehulehu ka mr. lanakasa noi ana aku ia robaka e kauoha i kekahi kauka a e hoole mau mai ana no nae o robaka me ka hoomama mau mai i ka noonoo o ka anakala no ka mea ua ike no oia nna iho aole e hiki i ke kauka in a no kona hele mai e lapaau i ka eha iloko o kona puuwai no kana mea aloha i hoopau mai la i ko laua launa ana.

No ko robaka uluahewa o ka noonoo i kekahi manawa me ka huhu pu i ka manawa a ka anakala e kamailio aku ai ua hoopiha ia ka anakala me na manao pahaohao a e ninau mau ana oia iaia iho i ke kumu o ka mai ana o kana keiki a ua lilo pu no hoi ka mai o ke keiki ana e nana mau mai ana i mea hoehaeha i kona noonoo.

Ua noi aku ka anakala i ua o robaka i kekahi manawa e ae mai iaia e noho pu aku me ia maloko o kona rumi a e kamailio pu aku me ia a no ka pinepine ame ka oluolu loa ua hoi o ka ka anakala noi ana aku ua ae mai la ke keiki e e noho pu aku me ia no kekahi manawa pokole oiai nae he makemake mau o robaka oia hookahi wale no ke noho maloko o kona rumi.

Aole on a makemake i ke kamailioia aku a i kekahi manawa a ka anakala e komo aku ai no ka noho pu ana me ia e hiamoe mau aku ana oia i hoonalowaleia aku ai na noonoo apau e ulu mau ae ana iloko on a no helena mai iaia aku o ka wa hiamoe no nae ka poino o ia mau noonoo a i ka manawa no e ala ae ai e ala mai ana no na hoomanao ana no ke kumu ua piha loa oia i ke aloha no helena.

Ma kekahi la oiai o robaka e hiamoe ana a oiai hoi aohe maikai iki o ka noonoo o ka anakala ua lilo ka mai o kana keiki i mea hoehaeha mau i kona noonoo a e ninau mau iho ana no hoi iloko iho on a i ke kumu o ka mai ana o robaka ua komo aku la oia me ka palanehe loa iloko o ko laua wahi rumi hookipa uuku a noho iho la maluna o ka noho a robaka e noho mau ai a hulo mai la i ka ume a lawe ae la i kekahi apana kalana ame ka peni me ka manao e kakau i kekahi leka.

Iaia nae i lalau iho ai i kekahi apana pepa holoi inika ua hoohikilele loa ia ae la kona noonoo i ka loaa ana iho o kekahi leka iaia e waiho ana me ka opiopi ole ia a he wahi leka pokole loa no hoi o na manao i kakauia a mahope o kona heluhelu ana iho i na manao i kakauia maloko akahi no a makili mai la iloko o kona noonoo ke kumu o ko robaka mai ana.

O keia no ka leka a helena i kakau aku ai i ua o robaka e hoopau aku ana i ko laua hoopalau ana au no e ka makamaka heluhelu i ike ae nei mamua.

No keia leka ka mai a helena simoa mai ke kumu o ko robaka mai wahi ana iaia iho.

 

Mokuna XVII Ka Manawa e Hiki Mai Ai ka Poino

Aha! i hooho ae ai oia. Ua hiki wawe loa ka weheweheia ana ae la o keia nane huna iloko o ka manawa pokole loa au i moeuhana mua ole ai e loaa ana wahi hou a mr. lanakasa me ka lamalama ana ae o kona mau maka, ke ano o ka mea i piha i ka hoihoi alaila hoihoi hou iho la oia i ka leka ma kahi o ka loaa ana iaia.

Ia mau minuke ua piha loa oia i na manao pihoihoi no keia loaa ana iho la iaia o keia leka ana i manao mua ole ai e loaa ana kekahi mea nana e hoaiai mai iaia i ke kumu o ka mai ana o kana keiki he mai hoi ana i kuhihewa ai he mai maoli la o kekahi ano ko robaka eia ka he mai aloha wahine.

No keia loaa ana iho la iaia okekahi mea hoike ana i koho iho ai no ka leka a helena e hoole mai ana i ko laua hoopalau ke kumu mai o robaka ua hiki ole iho la iaia ia manawa ke hoakoakoa mai i kona mau noonoo maikai no ke kakau ana iho i kana leka i manao ai e kakau hoolalau wale iho la no oia no kekahi manawa me ka hoa ana ae i kana kika a hoi aku la maluna o ka punee a noho iho la noonoo a hala wale kekahi manawa loihi.

He mea oiaio wahi ana, ua lilo ka manao o kela leka i kumu eha no robaka me ka haka pono aku o kona mau maka ma kahi a robaka e moe mai ana aka nae na ke au o ka manwa ka hoololi ana ae i kahi e noho ai ame ka nui o na mea hoohauoli aku i kona noonoo e hoopau kokeia ae ana no kela eha iloko okona naau a ke manaoio nei no au e hoomaikai mai ana oia ma kekahi manawa no kona hoopakeleia ana mai ka hoolilo ana iaia iho i kanaka opio hupo a punihei wale aku i ka nani o kela kaikamahine.

Ina e holopono mai ana ka habati alekona hana ana ahiki i ka lilo ana o kela kaikamahine iaia e ike iho ana o robaka i kone hoehaeha kuhihewaia. o ke ike nei au i ka pono o kau kauoha ana aku ia alekona e hoikaika oia e lilo o helena simoa iaia ae a ke manaoio nei no au e holopono ana no kana hookele a hoopunihei ana i ka manao o kela kaikamahine i mea nona e lilo ai iaia a i hana no hoi au ia hana i mea e hoopakeleia ae ai o robaka mai kona hilinai kuhihewa ana aku o kela kaikamahine a ka wahine kelalole iho la kana wahine e mare aku ai.

Oiai oia e noonoo ana no kana mea i hana aku ai no alekona ame kana uku nui a makana hoi e haawi aku ana iaia in a no ka lilo nei o helena iaia he hana hoowalewale maopopo i kana noonoo iho pahola ae la ka helehelena hilahila ma kona mau maka oiai nae aohe mea e ike mai ana ia helehelena on a no ka mea oia wale no malaila ia manawa.

Ua lilo kana mea i hana ai me ke kue loa i kona lunaikehala i mea hookaumaha i kona noonoo me ka hiki ole iaia ke hoohamau iho i ka leo nahenahe loa e pane ae ana me ka malie loa iloko on a ua hewa oe ka hana hoowalewale hoi iaia e lilo ai oia i kanaka kipe no ka hanaia o kekahi hewa mamua o kona haalele ana aku i kona home ma nu loka.

Lehulehu na po ana o ka hooiaia ana mamuli o ka ulu mau ae o na manao hoahewa iloko on a no kona hoao ana e hookaawale i ka mea a kana keiki a robaka i aloha ai a haawi aku ia alekone me ka hoohiki pu aku i ke kanaka opio in a no ka holopono o kana hana ana a lilo o helena simoa iaia e loaa aku ana aole na kaukani dala wale no, aka, e hapai pu ia ae ana oia a lilo i hoahui nona ma ka oihana.

I na po apau me he mea la e ku okoa mai ana no ko helena simoa akaku mamua on a me na maka uliuli poni a hoahewa mai iaia no kona lilo ana i mea akeakea a kinai hoi i na manaolana hauoli iloko o kona ola ana.

Ua lilo pu ko robaka mai me ka hiki ole e hoonanaia kona noonoo no ke kaawale ana aku o kana mea aloha mai iaia aku ana i manaolana ai e hiki mai ana ka la e hoohuiia ae ai laua iloko o ke apo o ke aloha pumehana i mea hoomahuahua loa iho i ka ehaeha iloko o kona naau no ka hiki ole e loaa ka maha iloko o ka uhana o kana keiki.

Ua hoomahuahua hou ia iho ka ehaeha iloko o kona naau no kona hoao ana e hoohaahaa iaia iho ma o kona hoao ana e hoowalewale ia alekona aole no ia kumu wale no aka no kana mau hana hoaloha ole kekahi ana i hana aku ai i kekahi poe e ae. I kona houluulu ana ae i keia mau mea apau ua lawa loa ia e hookaumaha ia ai kona noonoo a ua lilo hei i mau mea hoouluahewa ae i kona lunaikehala i ka hapanui o ka manawa. I nei manawa akahi no oia a hooiaio iho o ke alahele o ka mea hana hewa he poino.

He oiaio he kanaka oia i haiamuia me na hanohano apau i loko o kona mau la apau o ke ola ana ahiki iho la i nei manawa he kanaka oia i piha me na noonoo maikai ame na ano maikai apau i mahaloia ua lilo kana mau hana maikai iloko o kona ola ana i mea nona e haaheo ai aka nae mamuli o keia hana hewa loa ana i haha ai oia hoi kona hoao ana e hoowalewale i ke kanaka opio me kana dala i mea e hana aku ai o alekona i kekahi hewa a e komo kuhohonu aku aii paha oia iloko o kekahi pilikia ua lilo kana mau hana ame kona mau ano maikai apau i mau mea huli mai a kue i kona mau ano maikai o na la aku i hala.

Na ka inoino o kona noonoo no kana mea i hana ai ua hoao oia a ua hoao hou a ua hoao mau hoi e hoopoina aku ia mau hana apau mai kona noonoo aku me ka happai mau ana ae i kona mau poohiwi ame ka luliluli ana hoi i kona poo me keka o na lima me hhe mea la e kipaku okoa aku ana no ia mau noonoo ino apau mai iaia aku he hana paakiki loa nae ia ana e hana ai me ka holopono ole a hala kekahi manwa loihi ma ia hope mai.

Aneane e lilo au i kanaka pupule mamuli o ka ulu mau ae o nei mau noonoo maikai ole iloko ou wahi ana iaia iho i kekahi la ke hoilili nei au i na puu lepo liilii a lilo i kuahiwi kiekie ke makemake nei au e ike pehea aku nei la ka hana a kela kanaka opio e hana mai la ua holopono mai nei paha kana hoopunihei ana i ko helena noonoo i mea e lilo aku ai oia iaia a aole paha.

Eia no hoi kekahi o kela leka a helena simoa o ke kakau ana mai ia robaka au i ike iho nei he ponalonalo maoli ka manao ke naua iho. Aohe oia i hoakaka maopopo mai i kekahi kumu o kona hoahewa ana mai ia robaka e kupono ai kana hoopau ana mai i kona noho hoaloha ana me robaka a eia nae ma kau mau mea e ike nei a i heluhelu iho nei hoi ma na mea i kakauia maloko o ka leka in a aole i maopopo ia robaka ia mea aia no he mau mea alakai hewa i ko helena noonoo a i ole ua loaa aku paha kekahi mau olelo heonuinui iaia eia o robaka ke launa mau nei me makoli a ua piha o helena simoa i ka ukiuki a pela oia i kakau mai ai i keia leka ia robaka a in a pela e huli aku ana au i ka mole o keia hana.

No kekahi mau pule lehulehu ka mau ana o nei mau mea hoouluku i kona noonoo. O kekahi kumy ana o ka noonoo ana no ko helena simoa kakau ana mai i ka leka ikaika loa ia robaka me he mea la ua lilo ko helena noonoo maluna o alekona ke kanaka ana i haawi aku ai i ka manaolana in a no ka lilo o helena simoa iaia e loaa aku ana iaia he pomaikai nui o ka luao kana kumu o ka noonoo ana iho malia ua loaa aku ka lohe ia helena no ko robakahui mau me mak,oli a ua lilo ia i mea hoano e aku i kona noonoo oiai o helena e kau mai ana kona manaolana ma luna o robaka oia kana kane e mare ai a i ka manawa i loaa aku ai ka ike maopopo iaia ua lilo kana mea i hilinai ai i ka mea okoa pela oia i kakau mai ai e wehe ana i ka laua olelopaa o ka hooholo ana.

Ua lilo keia mau mea me he akua lapu la ia mr. lanakasa no kekahi mau pule me ka loaa ole o na manao maikai iloko on a a me ka hiki pono ole hoi iaia ke hiamoe lealea i ka po aohe ana manawa e nana aku ai i ka helehelena kaumaha o kaua keiki me ka hoehaeha ole ia iho o kona naau.

Mahope o ka hala ana o kekahi manawa loihi o ko robaka hoonaluea mau ia ana ua emi iilii mau aku la na hoomanao ikaika loa ana mailoko aku o kona noonoo no kana mea aloha a ua hiki hou iaia ke hoomalu iho iaia a ma kekahi la ua huipu aku la oia me kekahi poe e hele ana ma kekahi huakai makaikai mahope iho nae keia o kona kakau ana i kekahi leka pane no ka helena leka o ka hoouna ana aku iaia.

E kuu helena aloha wahi ana ma ka hoomaka ana o kana leka. Ua hooppihaia mai au me na manao kahaha no ka ike ana iho i kou manao maloko o kau leka o ka la 13 i hala; me ka hiki ole iau ke hoomaopopo iho i na kumu o kou kakau ana mai e hookoo ana i ka kaua olelopaa i hooholo ai o ka make wale no ka mea nana e hookaawale ia kaua. Eia hou ma kou manao au i ike iho ai aole elike me kou ano mau ka oluolu ke aloha a pela aku. AOle oe i hoakaka mai maloko o kau leka i kekahi kumu a mau kumu hoi no kou manao ana e hookaawale ia kaua he mau kumu au e makemake nei e ike nou anei ka hewa a in a pela heaha la ia hewa au i hana ai i lilo ai ia i mea kue aku i kou makemake? Aka nae me ka nana ole aku ia mau kumu oiai aole au i manao he kuleana kou e lilo ai i lunakanawai no ka hoahewa ana aku ia oe a i ole n kau olelo hooholo malia. me ke kanalua ole he mau kumu no paha kaui ke ai no kou lawe ana ae i kekahi keehinahana o keia ano a oiai o kou mau makemake o kou mau kanawai mau ia a olkou mau makemake o kou mau kanawai mau ia a o kou hooko wale aku no ka hana pono nolaila ke kulou  nei au me ka hahaa loa me ka haawipio aku iau iho malalo oia makemake ou. Na ke akua e hoopomaikai a e malama mau mai ia oe: e lilo kou mau la o ke ola ana ma nei mua aku i mau la hauoli loa me ke akeakea ole ia mai e kekahi mau ao hakumakuma o ke kaumaha a ke manaoio pu nei no hoi au me kou hoike ole aku ia mea ia oe in a ma nei mua aku a i makemake oe i kekahi kokua mai au aku ua makaukau mau au e haawi aku i ke kokua elike me ka hiki iau no ka hoopakele ana ae ia oe o kau hana wale no o ka hoike mai iau ma ka leka a ma ke kelekalapa paha e olelo ana hele mai a e hoea koke aku ana au no ka hooko ana aku i kau kauoha.

Kau mau loa,                                                              ROB.

P.S. Ua hoea mai kahi pahu komo au o ka hoouna ana mai me ka palekana a me ia wahi pahu ame na leka apau au i hoouna mai ai iau au hoi i makemake mai ai e hoihoiia aku ke hoouna aku nei au.

Ina i haawi iho o robaka i kana noonoo hohonu ana a in a no hoi i noi mai oia ia helena me ka ikaika ame ka haahaa loa e hoike aku o helena iaia i na kumu o ko helena hahaki ana i ka laua mau olelopaa in a no la ua loaa aku iaia eia hou in a no hoi oia i wehe ae i kona puuwai a hamama e ike maopopo iho ai oia i ka mea oiaio iloko o helena nona a i ole hoike mai la hoi ia helena i ka mea oiaio loa aohe mea nui e ae iloko o kahi hemolele loa iloko o kona puuwai o ko helena aolhe wale no e ike iho ana no oia i ka like ole o ka hopena e loaa ana e ike iho ana no oia i ka hoopauia ae o na manao kaumaha apau mailoko ae o kona maau aole nae lilo i ka hookaumaha wale iho n iaia iho a loaa ole na manao maikai e imi mai ai i kona pono.

Ua nui na pilikia i ikeia mamuli o na manao kuhihewa i huli ole ia ka oiaio ua lilo na hana hoopalaleha a hoomaopopo ole ia i mau mea hoomahuhua i ka mokuahana mawaena o kekahi mau ola elua oiai nae in a no ka hano ia o kekahi mea e hoopauia ae ai na kuhihewa ana e hua mai ana ka lokahi ame ka hoopauia ae o na manao like ole.

I ka manawa i loaa mai ai ka robaka leka ia helena ua hoahewa koke no o helena iaia iho no kona hikiwawe loa ma ka hoopau ana i ko laua noho aloha ana ino oia i noonoo me ke akahele a i ole hoakaka aku paha me ka moakaka loa i kekahi mau kumu o kona manao ana e hookawale ia laua oia hoi ua loaa iaia ka ike ua lilo aku ko robaka noonoo maluna o makoli in a la paha ua hoike mai no hoi o robaka i ka mea oiaio oia mau no kna aloha maluna o kua helena ahiki ia manawa.

Ma ka hap hope loa o ka robaka leka o ke kahau ana mai he mau olelo kekahi a ua helena o ka ike ana iho i hoahewa loa ai oia iaia iho a i ehaeha loa ai hoi kona noonoo no kona kakau ana aku i kekahi leka oolea loa me ka hoakaka maopopo ole aku i na kumu o kona makemake ana e hoopau i ko laua launa ana.

(Aole i pau.)