Ka Nupepa Kuokoa, Volume LIX, Number 18, 6 May 1921 — Page 7
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
MA KE KAUOHA
Na Kanawai Ahaolelo Kau
o 1921
KANAWAI 38
[B. H. Helu 119.]
HE KANAWAI
E PILI ANA I NA MEA E HOOMAU AI I KA MAIKAI AME KE KUAI ANA O NA I'A AI MA KEKAHI MAU MANAWA.
E Hooholoia e ka Ahaolelo o ke Teritore o Hawaii
PAUKU 1. I na manawa apua e loaa ai na i'a ai i hoikeia malalo iho nei, elike me ka weke, ahuluhulu, kumu, uhu, opelu, oama, manini, moi, amaama, papiopio ulua, awa, akule, oio, nehu, maomao, iao, omaka, lauhau, laenihi, puhikii, akilolo, hahalalu, iheihe, opae, piha, laipala aholehole, uiui, malolo, kole, paoo, puhi, auau, ohua, palemo, alaihi, upapalu, uu, ahaaha, puili, alalauwa, aweoweo, maikoiko, kala, aloiloi, maiii, aalaheo, pakii, oopu nopili, oopu nakea, mamamo, oopukai, hinalea, hinana, i'a-kula, i'a-pake, ame i'a-lepo, ame na i'a liilii e ae apau o kela ame keia ano e @aa ana mahope o ka hora umi-kumamalua awakea o kela ame keia la, e kuai-ia ma ka makeke i ko lakou manawa e lawe kokeia mai ai mai kahakai mai. A o na i'a apau e hiki ole ana e laweia mai ka makeke a i ole e koe ana ole i pua i ke halehau a i ole wahi waiho hau no ke kuaiia ana aku ia mua aku; aka nae, aole kekahi ia e waihoia pela maloko o ka halehau i paaole he umi-kuma-malua hora mamua aku, koe wale no a ua hoohuihuiia ia i'a me na mea hooanuanu i ka manwa koke no o kona paa ana mai, a i ole, i pala, nahae, a i ole lilo paha i mea e inoino aku ana.
PAUKU 2. O kela ame keia mea ma kekahi ano, hoomakau-kau, a iole hoohemahema, hana aku a i ole ae aku i na mea e pilau ai a i ole mea e hoolei waleia ai ma na mea e pili ana i ke kuaiia ana o kekahi oia mau i'a a i ole o ko lakou ma-lamaia ana, a iole e hoole ana a i ole hoao e ku-e i ka laweia ana ma ka hale hau elike me ke kanawai i kekahi ia oia ano, e manaoia no ua ku i ka hewa mikamina, a i ke ahewaia ana no ia mea, e hoopa'iia no ma o kekahi hoopa'i dala aole e oi aku mamua o elua haneri dala, a i ole ma kekahi hoopaa-hao no kekahi manawa aole e oi kau mamua o ekolu malama, a i ole ma o na hoopai no a elua dala ame hoopaahao elike me ka manao ana a ka ahahookolokolo he kupono.
PAUKU 3. E mana no keia Kanawai mai a mahope aku o ka la o kona aponoia ana.
Aponoia i keia la 30 o Maraki, A. D. 1921
C. J. McCARTHY,
Kiaaina o ke Teritore o Hawaii
KANAWAI 39.
[B. S. Helu 56.]
HE KANAWAI
E HOOLOLI ANA I KA PAUKU 1 O KE KANAWAI 173 O NA KA-NAWAI O KE KAU O 1917, E PILI ANA I KA HAAWINA NO KA POMAIKAI O KAPENA JOHN C. DORENZEN.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 1 o ke Kanawai 173 o na Kanawai o ke Kau of 1917 ma keia ke hoololiia nei i heluhelu ai penei:
"Pauku 1. Ma keia ke hoomanaia a ke kuhikuhiia nei ka puuku o ke Teritore o Hawaii e uku aku malua o na pala-pala kikoo dala hoopukaia ana e ka luna hooia o ke Teritore o Hawii i ka helua o hookahi haneri dala $100.00) i kela ame keia malama ia Kapena John C. Lorenzen, a e hoomau aku i ka hana ana pela no a i ka manawa e koe ana ke ola o Kapena John C. Lorenzen i oleloia. Oia mau uku ana ma keia ke hookaawaleia nei mai loko ae o na dala e loaa ana maloko o ka waihona puuku o ke Teritore mai na loaa laula mai."
PAUKU 2. E mana no keia Kanawai i kona aponoia ana.
Aponoia i keia la 31 o Maraki, A. D. 1921.
C.J. McCarthy,
Kiaaina o ke Teritore o Hawaii.
KANAWAI 40.
[B. H. Helu 29.]
HE KANAWAI
E HOOLOLI ANA I KA PAUKU 2337 O NA KANAWAI I HOOPONO-PONO HOULA O HAWAII, 1915, E PILI ANA I KA LAWELA-WELA ANA O NA HIHIA KIVILA MALOKO O NA AHAHOO-KOLOKOLO APANA, ELIKE ME IA I HOOLOLIIA AI E KE KANAWAI 105 O NA KANAWAI O KE KAU O 1915.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2337 o na Kanawai i Hooponopono Houia o Hawaii 1915, elike me ia i hoololiia ae e ke Kanawai 105 o na Kanawai o ke Kau o 1915 ma keia ke hoololi houia aku nei i heluhelu ai penei:
"Pauku 2337. Hoopii kumu. O ka hoopii kumu maloko o na hihia kivila apau i hoomakaia imua o kekahi ahahookolokolo apana e hanaia no ma ke ano hooko, hoopii pepelevina, he capia a i ole he hooko hoomalu ana, a e kakauinoaia e ka lunakana-wai oia ahahookolokolo, a i ole e ke kakauolelo i hookohu ponoia oia ahahookolokolo, a i ole e ke kakauolelo i hookohu ponoia oia ahahookolokolo, a e komo malaila he hoolaha i ka mea pale a in a oia e nele ana i ka hele ana mai i ka manawa ame kahi o ka hookolokolo i kauohaia ai maloko o ka palapala hooko, e haawiia no ka olelo hooholo ma ke ano hoopau wale elike me ka olelo ike e hooloheia ana imua o ka aha. O na palapala kumu apau e hoihoiia kau no aole e emi iho o hookahi a aole no hoi e oi aku malua o eono la mai ka la aku i hoopukaia ai, koe maloko o ka ahahookolokolo apana o Honolulu, maloko o ke Kula-nakauhale ame Kalana o Honolulu, malaila o na palapala hoo-pii kumu apau e hoihoiia mai ka Poakahi mua e hiki mai ana mahope iho o ka la e hookoia ai a ina oia Poakahi he la kulaia ma ke kanawai, alaila i kekahi la iho."
PAUKU 2. E mana no keia Kanawai mai a mahope aku o ka la o kona aponoia ana.
Aponoia i keia la 31 o Maraki, A. D. 1921.
C.J. McCarthy,
Kiaaina o ke Teritore o Hawaii.
KANAWAI 41.
[B. H. Helu 80.]
HE KANAWAI
E PILI ANA I NA BUKE A'O MALOKO O NA KULA AUPUNI O KE TERITORE O HAWAII.
E Hooholoia e ka Ahaolelo o ke Teritore o Hawaii:
PAUKU 1. I cela âme keia manawa a ke keena hoonaauao o ka lehulehu e lawe ai i kekahi buke a'o a i ole mau buke a'o no ka hoohana ana aku maloko o na kula aupuni o ke teritore ma na mea e pili ana me na kuhikuhi hoonaauao ana, oia buke a'o a i ole mau buke a'o aole e hoololiia no kekahi manawa o elima makahiki mai ka la aku o kona lawe ana.
PAUKU 2. Aole ke keena hoonaauao o ka lehulehu, iloko o kekahi kula, e hoololi i na buke a'o maloko o hookahi poomanao i laweia no ka hoohanaia aku maloko o kekahi kula papa haa-haa, kula a'o olelo a i ole kula kiekie o ke teritore.
PAUKU 3. E mana no keia Kanawai mai a mahope aku o ka la o kona aponoia ana.
Aponoia i keia la 31 o Maraki, A. D. 1921.
C.J. McCarthy,
Kiaaina o ke Teritore o Hawaii.
KANAWAI 42.
[B. H. Helu 149.]
HE KANAWAI
E HOOMANA ANA I KE KULANAKAUHALE AME KALANA O HONOLULU E UKU AKU I NA HOOLILO O KONA MEIA MUA IHO NEI, JOSEPH J. FERN, A E HOOMANA ANA I KE KULANAKAUHALE AME KALANA I OLELOIA E HOIHOI HOU AKU IA M. C. PACHECO, EBEN LOW AME JONAH KUMALAE, NA KAHU, MAMULI O NA DALA I HAAWI MUA IA E LAKOU NO NA HOOLILO I OLELOIA.
E Hooholoia e ka Ahaolelo o ke Teritore o Hawaii:
PAUKU 1. O ka papa o na lunakiaai o ke Kulanakauhale ame Kalana o HOnolulu ma keia ke hoomanaia nei e uku aku ia M. C. Pacheo, Eben Low ame Jonah Kumalae, na kahu, i ka heluna o umi-kumamawalu haneri me kanakolu ame 13/100 dala ($1330.13), oia ka hoihoi hou ana mai i na dala i uku ia e lakou no na hoolilo o ka hoolewa o ka Meia mua, Joseph J. Fern.
PAUKU 2. E mana no keia Kanawai i kona aponoia ana.
Aponoia i keia la 31 o Maraki, A. D. 1921.
C.J. McCarthy,
Kiaaina o ke Teritore o Hawaii.
KANAWAI 43.
[B. H. HELU 164.]
HE KANAWAI
E HOOLOLI ANA I KA PAUKU 18 O KE KANAWAI 135 O NA KANAWAI O KE KAU O 1919, I KAPAIA "HE KANAWAI E HOOMANA ANA A E HOOMAOPONO ANA NO KA HANA ANA, MA LAMA ANA HOOLAWA ANA AME KA HAAWI ANA AKU I UWILA NO KA HOOMALAMALAMA ANA AME KA IKAIKA HOOHANA ANA, MALOKO O KA APANA O HANA, MALUNA O KA MOKUPUNI AME KALANA O MAUI, TERITORE O HAWAII.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 18 o ke Kanawai 135 o na Kanawai o ke Kau o 1919 ma keia ke hoololiia nei i heluhelu ai pepei:
"Pauku 18. E mana no keia kanawai a e lilo i kanawai mai a mahope aku o ka la e aponoia ai e ke Kiaaina o ke Teritore o Hawaii, koe nae a aponoia mai e ka Ahaolelo Nui o Amerika Huipuia, a oia apono ana ka Ahaolelo Nui e loaa mai no iloko o na makahiki eha mai ka la aku oia aponoia ana e ke kiaaina."
PAUKU 2. E mana no keia Kanawai mai a mahope aku o ka la o kona aponoia ana.
Aponoia i keia la 31 o Maraki, A. D. 1921.
C.J. McCarthy,
Kiaaina o ke Teritore o Hawaii.
KANAWAI 44
[B. H. HELU 209]
HE KANAWAI
HE HOOLOLI ANA I KA PAUKU 18 O KE KANAWAI 134 O NA KANAWAI O KE KAU O 1917, I KAPAIA HE KANAWAI E HOOMAOPOPO ANA A E HOOMANA ANA I KA HANA ANA, MA LAMA ANA, HOOLAWA ANA AME KA HAAWI ANA I KA UWILA NO KA HOOMALAMALAMA ANA AME KA IKAIKA HOOHANA MALOKO O KA APANA O HAMAKUA MALUNA O KA MOKUPUNI AME KALANA O HAWAII.
E Hooholo ia e ka Ahaolelo o ke Teritore o Hawaii:
PAUKU 1. O ka Pauku 18 o ke Kanawai 134 o na Kanawai, o ke Kau o 1917, ma keia ke hoololiia a nei i heluhelu ai penei:
"Pauku 18. E mana no keia kanawai a e lilo i kanawai mai a mahope aku o ka la o kona aponoia ana e ke Kiaaina o Teritore o Hawaii, aka nae me ke apono ana a ka Ahaolelo Nui o Amerika Huipuia, a oia aponoia ana e ka Ahaolelo Nui e loaa mai iloko o eono makahiki mai ka la aku e aponoia ai e ke kia-aina."
PAUKU 2. E mana no keia Kanawai ma a mahope aku o ka la o kona aponoia ana.
Aponoia i keia la 31 o Maraki, A. D. 1921.
C.J. McCarthy,
Kiaaina o ke Teritore o Hawaii.
KANAWAI 45
[B. H. Helu 28.]
E HOOLOLI ANA I KA PAUKU 2478 O NA KANAWAI I HOOPONOPONOIA O HAWAII, 1915, E PILI ANA I NA PALAPALA NOI MA KE KAULIKE I HOOHIKIIA.
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2478 o na Kanawai i Hooponoponoia o Hawaii 1915, ma keia ke hoololiia nei a i heluhelu ai penei:
"Pauku 2478. Na palapala noi e hoohiki no kekahi mau hihia O na noi apau no ka ooko ia ana o na aelike maloko o kekahi palapala moraki o kekahi waiwai paa a i ole ia o kekahi waiwai lewa; no ka hoopau ana i kekahi mea hoohaunaele, ku i ke akea, a no ka pono paha o ka mea hookahi; no ka hoopau ana i ka hoohana ia ana o na mana o ia mau palapala hoohui; no ka lawe ana ae i ka waiwai ma ke ano ku i ke kanawai a ma ke kaulike; no ka palapala oki, hoopau kuleana mare a hookaawale; no ka hoomana ia ana o na keiki poo ole; no ka mahele ame ka hookaawale ia ana o na wai paa, a i ole ia no ka hoomaopopo a hoopaa ana me ia, ma ke ano e hoopii no ka hooko ponoia ana o ka mea i kauohaia ai, a i ole ia ma kekahi ano e ae paha; no ka hoomaopopo ana i ke kuleana o ka wahine kanemake; no ka ninaninau ana no ke ano pupule o kekahi mea; no ka ninaninau ana i ke kule ana o kekahi keiki i hanau ia mahope o ka make ana o ka makuakane i kona kuleana malua o kekahi waiwai, e hoohiki ia ia mau palapala noi apau a e waiho ia aku imua o kekahi lunakanawai i loaa ka mana maluna o ia mau hana.
PAUKU 2. E mana keia Kanawai mai a mahope aku o ka la o kona aponoia ana.
Aponoia i keia la 31 o Maraki, A. D. 1921.
C.J. McCarthy,
Kiaaina o ke Teritore o Hawaii.
KANAWAI 46
[B. H. Helu 27.]
HE KANAWAI
E HOOLOLI ANA I KA PAUKU 2480 O NA KANAWAI I HOOPONOPONOIA O HAWAII, 1915, E PILI ANA I KA HOOKO IA ANA O NA PALAPALA KII MALUNA O NA HIHIA IMUA O KA AHA KAULIKE
E Hooholoia e ka Ahaolelo o ke Teritore o Hawaii:
PAUKU 1. O ka Pauku 2480 o na Kanawai i Hooponoponoia o Hawaii, 1915, ma keia ke hoololi ia nei i heluhelu ai penei:
"Pauku 2480. Ka hooko ana i na palapala kii maluna o na hihia imua o ke kaulike. Ke hoopukaia ke kahi palapala kii ma-luna o kekahi hihia imua o ka aha kaulike no kekahi o na kumu i hoakaka ia maloko o ka Pauku 2478 o keia, a i ole ia no kekahi hihia e ae e noonoo ia ana a i pili i kekahi waiwai i ike ia, in a paha he waiwai paa a i oleia he waiwai lewa paha, e waiho ana maloko nei o ke Teritore, a i ole ia no ke kuleana e paa i ua waiwai la a i ole ia i kuleana maoli maluna o ua waiwai la, e hooko ia aku no ia ma ka waiho ia ana he kope o ka palapala hoopii ame ka palapala kii i ka mea hoopiiia, a i ole ia i ka mea pane mai, a in a aole oia ia ma ke ano e ae a ka lunakana wai e kauoha ai; o ka luna aupuni nana e hooko ana keia palapala, in a e kauoha ia aku e ka lunakanawai e hana pela e hoolaha ae oia ma kekahi nupepa a mau nupepa i kupono no ka hoopukaia ana o na hoolaha o na hana a na aha hookolokolo, i hoo- (E nana ma ka aoao Ewalu)
HOOLAHA KUAI O NA HOOLIMA-LIMA AUPUNI
Ma ka hora 1:30 p. m., Poalua, Mei 31, 1921, ma ke keena o ka Hope Akena Mr. G. W. Sahr, Lihue, Kauai, malailai e kuaiia aku ai ma ke kudala akoa i ka mea koho kiekie loa, malalo o ka Pauku @80 o na Kanawai Hooponopono Hou 'ia o Hawaii, 1915, na Hoolimalima Laula o na Aina Aupuni i hoakakaia malalo iho nei.
1. Aina ma Kapaa, i ikeia ma ke a@o Kapaa Camp a Apana Halelio, Kapaa Puna, Kauai, nona ka iliaina o 39.53 eka, oi aku a emi mai paha: manawa o ka hoolimalima 10 makahiki mai Sepatemaba 17, 1921 aku; uku hoolimalima haahaa $100 o ka makahiki, e uku hapa makahiki mua ia.
2. Apana Helu 4, ua Apana o Anahola, Koolau, Kauai, nona ka iliaina o 1.97 eka, oi aku a emi mai paha; manawa o ka hoolimalima 10 makahiki mai Sepatemaba 25, 1921 aku; uku hoolimalima haahaa, $40.00 o ka makahiki, e uku hapa makahiki m@a ia.
3. Apana Helu 20, na Apana o Anahola, Koolau, Kauai, nona ka iliaina o 31/100 eka, oi aku a emi mai paha; manawa o ka hoolimalima, 10 makahiki mai Sepatemaba 25, 1921 aku; uku hoolimalima haahaa, $20.00 o ka makahiki e uku hapa makahiki mua ia.
4. Apana Helu 22, na Apana o Ana-hola, Koolau, Kauai, nona ka iliaina o 1.7 eka, oi aku a emi mai paha; manawa o ka hoolimalima, 10 makahiki mai Sepatemaba 25, 1921 aku; uku hoolimalima haahaa, $20.00 o ka makahiki, e uku hapamakahiki mua ia.
5. Apana Helu 53, na Apana o Anahola, Koolau, Kauai, nona ka iliaina o 88/100 eka, oi aku a emi mai paha manawa o ka hoolimalima, 10 maka hiki mai Sepatemaba 25, 192 laku; uku hoolialima haahaa, $20.00 o ka makahiki, e uku hapa makahiki mua ia.
6. Apana Helu 54, na Apana o Anahola, Koolau, Kauai, nona ka iliaina o 1.2 eka, oi aku a emi mai paha; manwa o ka hoolimalima, 10 makahiki @@i Sepatemaba 25, 1921 aku; uku hoolimalima haahaa, $20.00 o ka makahiki, e uku hapa-makahiki mua ia.
7. Apana Helu 55, na Apana o Anahola, Koolau, Kauai, nona ka iliaina o 1.85 eka, oi aku a emi mai paha; manawa o ka hoolimalima, 10 makahiki mai Sepatemaba 25, 1921 aku; uku hoolimalima haahaa, $25.00 o ka makahiki, e uku hapa-makahiki mua ia.
8. Apana Helu 56, na Apana o Anahola, Koolau, Kauai, nona ka iliaina o 2.48 eka, oi aku a emi mai paha; manawa o ka hoolimalima, 10 makahiki mai Sepatemaba 25, 1921 aku; uku hoolimalima haahaa $30.00 o ka makahiki, e uku hapa-makahiki mua ia.
9. Apana 47, na Apana o Anahola, Koolau, Kauai, nona ka iliaina o 2.06 eka, oi aku a emi mai paha; manawa o ka hoolimalima, 10 makahiki mai Sepatemaba 19, 1921 aku; uku hoolimalima haahaa, $30.00 o ka makahiki, e uku hapa makahiki mua ia.
E uku ka poe e lilo ai i ka hoolimalima o na mahina mua eono ma ka haule ana o ka hamare.
Na ka poe e lilo ai i ka hoolimalima o na mahina mua eono maka haule ana o ka hamare.
E kaakau no ke kuai o na hoolimalima maluna ae malalo o ka Hoolimalima Aupuni Laula i hoopukaia e ko Keena o ke K@misina o na Aina Aupuni.
No na kii palapala aina, k@ ano o ka Hoolimalima Laula, ame na hoakaka aku i koe, e noi ae ma ke keena o ka Hope Akena, Mr. G. W. Sahr, Lihue, Kauai, a i ole ma ke keena o ke Komisina o na Aina Aupuni, Hale Kapitala, Honolulu, T. H.
C. T. Bailey,
Komisina o na Aina Aupuni Hanaia ma Honolulu, Aperila 23, 1921.
6449 - Apr. 29; Mei 6
HOOLAHA I KA POE PAA AIE O KA WATERHOUSE OFFICE OUTFITTING COMPANY, LTD. HE HUI I HOOPAUIA.
Mamuli ka hookohuia ana mai o ka mea nona ka inoa malo nei ma ke kauoha a Delbert E. Metzeer, Esq, Puuku o ke Teritore o Hawaii i ha@aia ma ka la 22 o Maraki, 1921, i Kahu Waiwai no ka poe pua kueana ame ka poe paa aie o ka Waterhouse Ofice Outfitting Company Limied, he hui i hoopauia, me ka mana piha e @@@ ponopono i kana mau hana, i kuliko me ke kanawai, nolaila ma keia k@ haawiia aku nei ka hoolaha i ka poe apau he mau koi ka lakou i ka hui mua i olelola, e waiho mai ia koi i hooiaio pono ia, ma ke keena o ka mea nona ka inoa malalo nei, ma ke Alanui Bihopa, Helu 1039, maloko o ka Hale Alexander Young, maloko o Honolulu, Territore o Hawaii, ma a i ole mamua ae o ka pau ana o na la he kanal@a (90) mai ka la aku o keia hoolaha (o ia ka la mui o ka hoopuka ana aku maanei), a i ole pela, e hoole mau ia aku no.
Hanaia , Honolulu, T. H., Aperila 29, 1921.
J. O. Young, Kahu Waiwai no ka Poe Paa Aie ame ka Poe Paa Kuleana o ka Hui i Hoopauia i oleloia ae la.
6449 - Apr. 29; Mei 6, @18@10@27
HOOLAHA A KA LUNAHOOPONOPONO O KA WAIWAI WILLIAM PUKO MAUWALE
E ike auanei na mea apau, ma ka la 31 o Maraki, 1921, ua hookoh@ia mai ka mea nona ka inoa malalo iho nei, o ka Mea Hanohano Jas. J. Banks, Luanahi, i Lunahooponopono o ka Waiwai o hi, i Lunahooponopono n@ ka Waiwai o William Puke Ma@waie i make kauoha ole, o Honolulu, Mokupuni o Oahu. Nolaila, o ka poe apau a ka mea i make i aie ai, e waiho mai i ka lakou mau koi ame na hoolako, iloko o na mahina ekolu, mai ka puka mua ana ma ka Nupepa Kuokoa; a in a nole pela, alaila, hole e aeia, a o ka poe he mau aie ko lakou i ka mea i make, e uku mai i ka mea nona ka inoa malalo iho; o na koi ana apau, ame na hookaa ana, e hoouna ia'u ma ko'u wahi noho @oa ka Helu 1233 Baele Lane, Honolulu.
MRS. HANNAH THORNTON, Lunahooponopono o ka Waiwai o William Puko Mauwale i make.
6446 - Apr. 8, 15, 22, 29; Mei 6