Ka Nupepa Kuokoa, Volume LIX, Number 18, 6 May 1921 — KE KANAWAI PALENA PAUAHI HOU [ARTICLE]

KE KANAWAI PALENA PAUAHI HOU

E haawiia na hooniaikai ana, i ka poe i waiho ae i ka lakou mau ku-e ana. ma ka lialawai a ka j papa o na lunakiai, o ke Kulanakauhale a Kalana c Honolulu nei.. ma ka po o ka Poalua i hala aku ia, maluna o ke kauoha kanawai paiena pauahi no Honolulu nei, ma o ka lilo ana o ka lakou mau ku-e, i kumu e konoia aku ai ke koijiisina nana i hoomakaukau i kela kanawai, e kahea ai i kekahi halawai makaainana no ka lohe pono ana i na manao o na makaainana, mal.una o keia kanawai. Ma keia kanawai palena pauahi hou, ua hooloihiia aku na palena pauahi, ahiki i ke alanui Houghtailinjj, ma Kapalama ae nei, ma kekahi aoao, a nia ke alanui Sheridan hoi ma kekahi aoao, o na wahi apau maloko o kela mau palena, ua komo ia iloko o keia kanawai. Ma ke kanawai palena pauahi, ua konoia na onn aina, e kukulu lakou i na hale o ka papa ekahi, ame ka papa elua. mai na hale oihana/, a na hale noho, a hoolimalima paha, he mau kauhale i aneane hiki ole i ka poe ilihune ke kukulu, mamuli o na kaupalena ana a keia leanawai. i na ano o ka hale e kukuluia ai. /Ie mea maikai ka hāna ana i ke kanawai, no ka palekana o na home ame na waiwai, o ka wa o ka pauahi; aka iloko o ia manawa hookahi, e nana pu ia ka pono o na wahi, kaawale loa mai na wahi lawelawe oihana aku, no keia kumu, ke manao nei keia pepa, ua kupono na ku-e i hoalaia inai, no keia kanawai palena panahi hou i manaoia no Honolulu nei. Aole i ikeia ka pilikia o ke kanawai pal'ena paunhi kahiko e ku nei i keia manawa, o ka pilikia i ikeia, o ia no ka lawa ole i ka Avai, pela iho la i nui ai na poino i kau aku maluna o kekahi mau home i pau i ke ahi; mai na hale nialoko a mawaho o na palena pauahi. Oiai nae, e haawiia ana i manawa no ka lehulehu, e hoike ai i ko lakou manao maluna o keia kanawai palena pauahi hou, ma kekahi halawai makaainana e kaheaia ana ma keia mua aku, o ke a'o a keia pepa i ka lehulehu, o ia ka hele ae ma ia halawai, no ka hoakaka ana i ko lakou mau manao ku-e a apono paha i ke kanawai i oleloia, e l;ookahtia. ana i ko lakou mau manao maluna o na kumu kupono.